မေ ၂၂ ရက် သတင်းများ

ဒေါ်နော်အုန်းလှနှင့် မေးမြန်းချက်
သောကြာနေ့၊ မေလ 22 2009 15:40 - မြန်မာစံတော်ချိန်

ဒေါ်အောင်ဆန်းစုကြည်ကို အခိုင်အမာ ထောက်ခံသူတဦးဖြစ်သူ ဒေါ်နော်အုန်းလှသည် ဒေါ်အောင်ဆန်းစုကြည် လွတ်မြောက်ရေးအတွက် အင်္ဂါနေ့တိုင်းတွင် ရွှေတိဂုံဘုရားတတ် ဝတ်ပြု ဆုတောင်းသည့်အဖွဲ့ကို ဦးဆောင်လေ့ရှိသည်။ ဒေါ်အောင်ဆန်းစုကြည် တရားခွင် ကြားနာသည့် နေ့စဉ်လိုပင် အမျိုးသား ဒီမိုကရေစီ အဖွဲ့ချုပ်မှ ထုတ်ပယ်ထားခြင်းခံရသူ ဒေါ်နော်အုန်းလှသည်လည်း သွားရောက်ကာ ထောက်ခံမှုကို ပြသနေသူ ဖြစ်သည်။

သူက ယခုအမှုနှင့် ပတ်သက်၍ သတင်းစာ လွတ်လပ်ခွင့် မရသည်ကို အဓိကထား၍ မဇ္ဈိမသို့ ပြောကြားသွားသည်။

“ဒီလို တရားစွဲတယ် ဆိုကတည်းက မတရားတဲ့ ကိစ္စပဲလေ။ ပြောရရင်တော့ ပြောစရာတော့ ရှိပါတယ်။ ဒီလို ဖြစ်လာတာက သူတို့ တာဝန် ပျက်ကွက်တဲ့အတွက် ဖြစ်ရတယ်လို့ ထင်တယ်။ သူတို့ ရေးတာက သူတို့ ရေးတာပဲလေ။ ကျမတို့ အမြင်ကတော့ သူတို့ လုပ်တာပဲ မြင်တယ်။ သတင်းစာတို့၊ ဂျာနယ်တို့ ဆိုတာက သူတို့ ပေါ်လစီတွေ၊ သူတို့လုပ်တဲ့ ဟာတွေ ရေးရတယ်ဆိုတော့ အစိုးရအာဘော်ပဲ ရေးတာပဲလေ။ စာပေ လွတ်လပ်မှုမှ မရှိတာရယ်၊ သတင်းပုံစံလည်း မကျဘူး။ သတင်းထောက်တွေက ရေးချင်ရာ ရေးလို့မှ မရဘဲ။ စာပေစိစစ်ရေးကနေ သွားရတဲ့အတွက် စာပေစိစစ်ရေးက မကျေနပ်ရင် ပယ်တယ်လေ။”

“အခုဆိုရင် ဒေါ်စု ကိစ္စနဲ့ ပတ်သက်ပြီး အားလုံးက ယုံကြည်တာက အစိုးရက လုပ်တယ်လို့ ဒီလိုပဲ ယုံကြည်နေကြတယ်။ အခုလို နိုင်ငံခြားသားတွေ ပေးတွေ့တဲ့ဟာက ဘာလဲဆိုတော့ ကမ္ဘာက ဖိအားပေးနေတဲ့ ကိစ္စတွေ လျော့ပါးအောင် လုပ်တာ ဖြစ်တယ်လို့ ပြည်သူတရပ်လုံးက ယုံကြည်တယ်။”

“လာတဲ့ လူတွေ အားလုံး အကုန်လုံး မိုးတွေ စိုရွှဲနေတယ်။ မိုးရွာထဲမှာ အခု လက်ရှိ ရှိနေတာက ၃၀၀ နဲ့ ၄၀၀ ကြားတော့ ရှိတယ်။”
----------------------------------------------------

ယမန်နေ့ တရားခွင်အကြောင်း မြန်မာ့အလင်း ဖော်ပြချက်
သောကြာနေ့၊ မေလ 22 2009 14:50 - မြန်မာစံတော်ချိန်

ယမန်နေ့က ပြုလုပ်သော အင်းစိန်ထောင်တွင်း အထူးတရားရုံးရှိ တံခါးပိတ် တရားခွင်တွင် တရားလိုပြသက်သေ ရဲမှူး အောင်ထွဍ်ကျော်က ဆက်လက် ထွက်ဆိုခဲ့သည်များကို ယနေ့ထုတ် မြန်မာ့အလင်း သတင်းစာက အကျဉ်းချုံး ရေးသားထားသည်။

အောက်ဖော်ပြပါ အချက်အလက်များသည် နိုင်ငံပိုင် မြန်မာ့အလင်း သတင်းစာပါ အချက်အလက်များသာဖြစ်သည်။

“ယင်း ရုပ်/သံ ဗီဒီယိုဖိုင်နှင့် ဓာတ်ပုံများမှာ ရေကူးရာတွင် အသုံးပြုသည့် Mr. John William Yettaw ပုံချဲ့ထားသော ဖားဖိနပ်ပုံ၊ ရေကူးရာတွင် ဖားဖိနပ် အဖြစ် အဆင့်ဆင့် ပြုလုပ်ပုံ၊ ၎င်း၏ ခြေထောက်တွင် စမ်းသပ် ဝတ်ဆင်ပုံ၊ Mr. John William Yettaw ရုပ်ဖျက်ထားသောပုံ၊ ဒေါ်အောင်ဆန်းစုကြည် အိမ်အတွင်းရှိ အောက်ထပ်ဧည့်ခန်းပုံနှင့် ဧည့်ခန်းအတွင်းရှိ ဓာတ်ပုံများကို ရိုက်ကူးထားသည့် ပုံများဖြစ်သည်ကို တွေ့ရကြောင်း၊”

“Mr. John William Yettaw က ညအချိန်တွင် ဒေါ်အောင်ဆန်းစုကြည်၏ အိမ်အတွင်းသို့ ရောက်ရှိစဉ်က ရိုက်ကူးထားသောပုံ၊ ဒေါ်အောင်ဆန်းစုကြည်၏ အိမ်အတွင်းသို့ ရောက်ရှိနေကြောင်း၊ မိမိကိုယ်မိမိ မှတ်တမ်းတင်ထားသော ပုံများကိုလည်း တွေ့ရှိရကြောင်း၊ ယင်းပုံများကို ရုံးရှေ့တွင် ကွန်ပျူတာဖြင့် တင်ပြပါကြောင်း၊”

“ဗီဒီယိုမှတ်တမ်းပါ အသံများမှာ “ဒေါ်အောင်ဆန်းစုကြည်၏ အိမ်ကိုရောက်ရှိနေပါတယ်။ သူမ၏ ဓာတ်ပုံကို ရိုက်လိုကြောင်း ခွင့်တောင်းပါတယ်။ You Tube Website မှာတင်ချင်လို့ပါ။ ဒါပေမယ့် သူမက ငြင်းဆန်ပါတယ်။ သူမ စိုးရိမ် ထိတ်လန့်နေလို့ ငြင်းဆန်တယ်လို့ ထင်ပါတယ်၊ လွန်ခဲ့တဲ့ နိုဝင်ဘာ ၃၀ ရက် ၂၀၀၈ ခုနှစ်က ကျနော် သူမကို အခက်အခဲတွေ ဖြစ်အောင် မျိုးစုံ လုပ်ခဲ့ပြီးပါပြီ။ ကျနော့် မိသားစုကို ထားခဲ့ပါတယ်။ ကျနော်နဲ့အတူ ဘုရားသခင်ရှိနေပြီး ကျနော့်ကို ကာကွယ် စောင့်ရှောက်လိမ့်မည်ဟု ယုံကြည်ပါတယ်။ ကျနော် ဒေါ်အောင်ဆန်းစုကြည်ကို လေးစားပါတယ်။ သူမ ဓာတ်ပုံကို ကျနော့်အား ပေးမရိုက်သည့် အတွက် ကျနော် အပြစ်မတင်ပါဘူး။ ရှေ့လျှောက်မှာ သူမ အနေဖြင့် အခက်အခဲတွေ အများကြီး ကြုံရအုံးမှာပါ၊ အဲဒီ အချိန်မှာ ကျနော် သူမကို ကူညီနိုင်ပါစေလို့ ဆုတောင်းပါတယ်။ ကျနော် မနေ့ကလည်း ဒီအိမ်မှာဘဲ ညအိပ်ခဲ့တယ်။ ဒီနေ့ဟာ မေလ ၆ ရက်နေ့ ဖြစ်တယ်။ မနေ့ည တညလုံးက ကျနော် ထိုင်းနိုင်ငံဘက်ကို အမြန်ဆုံး ပြန်သွားနိုင်ဖို့ မျှော်လင့် နေမိပါတယ်။ ကျနော် ဒီမှာနေခဲ့ရတာကို အများကြီး ဂုဏ်ယူ ဝမ်းသာမိပါတယ်” ဟူ၍ အင်္ဂလိပ်ဘာသာဖြင့် ပြောကြားသည့် အသံကို ဘာသာ ပြန်သူ၏ ဘာသာပြန်ဆိုပေးချက်အရ သိရှိရကြောင်း စသည်ဖြင့် ကွန်ပျူတာ ပရိုဂျက်တာဖြင့် တင်ပြထွက်ဆိုသွားကြောင်း သိရှိရသည်။

(၂) တရားလိုပြသက်သေ ဒုတိယရဲမှူး တင်ဇော်ထွန်း ထွက်ဆိုချက်

တရားလိုပြသက်သေ ဒုတိယရဲမှူး တင်ဇော်ထွန်းက ဒေါ်အောင်ဆန်းစုကြည်ကို အမျိုးသမီး ဝတ်စုံ ၂ စုံကို ဝတ်ဆင်ခိုင်းပြီး ဓာတ်ပုံ ရိုက်ယူခဲ့ကြောင်း ဒေါ်အောင်ဆန်းစုကြည်၏ ရှေ့နေ ဦးညဏ်ဝင်းက စစ်မေးသည်ကို ယမန်နေ့က ဖြေကြားသည်ဟု ယနေ့ထုတ် မြန်မာ့အလင်းတွင် ပါရှိသည်။

သူက မေလ ၇ ရက်နေ့ နံနက် ၇ နာရီ ၂၀ မိနစ်တွင် ဒေါ်အောင်ဆန်းစုကြည် အိမ်သို့ ရောက်ရှိကာ Mr. John William Yettaw နှင့် သက်ဆိုင်သည့် ပစ္စည်းများကို ရှာဖွေ သိမ်းဆည်းရန်နှင့် စုံစမ်း စစ်ဆေးရန် သွားရောက်စဉ် သက်သေခံပစ္စည်း ဖြစ်သော အမျိုးသမီးဝတ်စုံကို ဒေါ်အောင်ဆန်းစုကြည်ကို ဝတ်ဆင်ခိုင်းပြီး ဓာတ်ပုံမှတ်တမ်း ရိုက်ခဲ့ကြောင်း ထွက်ဆိုသည်။

Mr. John William Yettaw ၏ ရှေ့နေ ဦးခင်မောင်ဦးက ဒုတိယ ရဲမှူးတင်ဇော်ထွန်းကို သက်သေခံ ပစ္စည်းမှာ မွတ်ဆလင် အမျိုးသမီး ဝတ်သည့် ဝတ်စုံနှစ်စုံဟု ဘာကြောင့် ပြောနိုင်ပါသလဲဟု မေးမြန်းရာတွင် မွတ်ဆလင် အမျိုးသမီးများ အများဆုံးဝတ်သည့် ဝတ်စုံဖြစ်၍ ပြောခြင်းဖြစ်ပြီး ဒေါ်အောင်ဆန်းစုကြည်က ယင်းဝတ်စုံ နှစ်စုံမှာ လက်ဆောင်ပေးခြင်းသာ ဖြစ်ကြောင်း ထွက်ဆိုသည်။

ဒေါ်ခင်ခင်ဝင်းနှင့် ဒေါ်ဝင်းမမတို့၏ ရှေ့နေ ဦးလှမျိုးမြင့်က တရားလိုပြသက်သေ တင်ဇော်ထွန်းကို အခင်းဖြစ်ပွားသော နယ်မြေ လုံခြုံရေး တာဝန်ယူမှုနှင့် ပတ်သက်၍ အပြန်အလှန် မေးခွန်းထုတ်ခဲ့ကြောင်းကို ရေးသားထားသည်။ သီးခြား လုံခြုံရေးတပ်ဖွဲ့များက တာဝန်ယူရပါသည်ဟု သတင်းစာက ရေးသားထားသော်လည်း ရှင်းလင်းမှု မရှိပါ။
----------------------------------------------------

ကုလရုံးရှေ့တွင် သံဃာတော်များ ဆန္ဒပြ
သောကြာနေ့၊ မေလ 22 2009 14:15 - မြန်မာစံတော်ချိန်

သံဃာတော်များက ဘန်ကောက်ရှိ ကုလသမဂ္ဂရုံးရှေ့တွင် ဒေါ်အောင်ဆန်းစုကြည်အပေါ် တရားစွဲဆိုထားခြင်းအပေါ် ကန့်ကွက်ဆန္ဒပြမှု ယနေ့ ပြုလုပ်ခဲ့သည်။

၁၃ ပါးသော ရဟန်းများသည် မွန်းလွဲပိုင်းက မေတ္တာသုတ်ရွတ်ဆိုကာ “ဒေါ်အောင်ဆန်းစုကြည်ကို တရားစွဲဆိုမှု ပယ်ဖျက်ပေးရန်၊ ဘာသာရေး ခေါင်းဆောင်များ အပါအဝင် နိုင်ငံရေး အကျဉ်းသား အားလုံး လွှတ်ပေးရန်နှင့် တွေ့ဆုံ ဆွေးနွေးခြင်းဖြင့် ဖြေရှင်းကြရန်” တောင်းဆိုခဲ့ကြသည်။

ယနေ့ ဆန္ဒပြမှုသည် ဒုတိယမြောက်နေ့ဖြစ်ပြီး ဗုဒ္ဓဟူးနေ့က ထိုင်းနိုင်ငံ ဘန်ကောက် မြန်မာသံရုံးရှေ့တွင် စစ်အစိုးရကို ကန့်ကွက် ဆန္ဒပြခဲ့ကြသည်။
----------------------------------------------------

မြန်မာကောင်စစ်ဝန်က ဒေါ်အောင်ဆန်းစုကြည်နှင့် ယက်တောကို သမုတ်
သောကြာနေ့၊ မေလ 22 2009 13:15 - မြန်မာစံတော်ချိန်

ရဲမြင့်အောင် (Ye Myint Aung)ဟောင်ကောင်ရှိ မြန်မာ ကောင်စစ်ဝန်ရုံး၏ ဝဘ်ဆိုဒ်တွင် နေအိမ်ခြံဝင်း အတွင်းသို့ အခွင့်မရှိဘဲ ဝင်ရောက်ခဲ့သူ အမေရိကန် နိုင်ငံသား မစ္စတာ ဂျွန် ဝီလီယံ ယက်တောသည် ဒေါ်အောင်ဆန်းစုကြည်၏ ချစ်သူရည်းစား ဖြစ်နိုင်သည်ဟု စာရေးသား ဖော်ပြထားသည်။

အင်္ဂလိပ်ဘာသာဖြင့် ရေးသားထားသော “ထောက်လှမ်းရေး လား ရည်းစားလား” ဆိုသော စာကို ဟောင်ကောင်ရှိ မြန်မာကောင်စစ်ဝန်က လက်မှတ် ရေးထိုးထားခြင်း ဖြစ်သည်။

“စာဖတ်သူများ ခင်ဗျား” ဟု အစချီထားသော စာတွင် “ဒေါ်အောင်ဆန်းစုကြည် နေအိမ်ကို အင်လျားကန်ကို ရေကူးပြီး ခိုးဝင်ခဲ့တဲ့ အမေရိကန် တယောက်အကြောင်း ကျနော်တို့ရဲ့ မိတ်ဆွေအချို့က မေးမြန်းစုံစမ်းမှုတွေ ပြုလုပ်ခဲ့ကြပါတယ်။ သူဘာကြောင့် ရေကူးပြီး သူမဆီကို သွားတယ်ဆိုတာနဲ့ သူမရဲ့ အိမ်မှာ နေခဲ့တဲ့ အချိန်အတွင်း ဘာတွေ ဆွေးနွေးခဲ့တယ် ဆိုတာကို သူတို့ မေးခွန်း ထုတ်ခဲ့ကြပါတယ်။” ဟု ရေးသားထားသည်။

တဆက်တည်းမှာပင် “မိတ်ဆွေများခင်ဗျား” အစချီကာ စာပြန်ထားဟန်ဖြင့် ” ရင်းရင်းနှီးနှီး ပြောရရင်ဖြင့် သူဟာ ထောက်လှမ်းရေး တယောက်လား၊ သူမရဲ့ ရည်းစားလား ဆိုတာကို အခုအချိန်မှာတော့ ကျနော်တို့ မသိရသေးပါဘူး။ ကျနော်တို့ ဆက်လက် လေ့လာပြီး ပြောပါမယ်။” ဟုဆိုကာ ရေးသားထားသည်။

အငြင်းပွားဖွယ်ရာ သံအမှုထမ်း ဦးရဲမြင့်အောင်သည် ရိုဟင်ဂျာများသည် “ဘီလူးလို ရုပ်ဆိုးသည်” ဟု ဆိုကာ မြန်မာနိုင်ငံတွင် ရိုဟင်ဂျာ မရှိကြောင်း ယခုနှစ် အစောပိုင်းက ပြောခဲ့သူလည်း ဖြစ်သည်။
----------------------------------------------------

အင်းစိန်ထောင်အနီး စောင့်ကြည့် လေ့လာသူတဦး၏ ပြောပြချက်
သောကြာနေ့၊ မေလ 22 2009 13:05 - မြန်မာစံတော်ချိန်

“မနက် ၁၀ နာရီကတည်းက ရှေ့နေတွေက ဝင်သွားပြီ။ သံရုံးကတော့ မလာတော့ဘူး။ လုံခြုံရေးတွေ တင်းကျပ်တယ်။ အရင်တုန်းက မာဖီတွေနဲ့ ရှိသလို၊ ရဲကားတွေ လာချထားတာလည်း ရှိတယ်။ အချုပ်ကားတွေဘာတွေ ချထားတယ်။ မိုးက အခုတော့ စွေစွေပဲ ရွာနေတာ။ မနက်ကတော့ တော်တော်များတယ်။ ရေတွေ ပါတယ်။ မနက်က တခါရွာတယ်၊ တခု တခါ ပြန်ရွာလာတာပေါ့။”

“အန်အယ်ဒီ အမျိုးသမီးအဖွဲ့တွေ လာတယ်။ ရန်ကုန်တိုင်းစည်းက လာကြတယ်။ အဖွဲ့ဝင် လူငယ်တွေ များတယ်။”

“ဘဘ ဦးဝင်းတင်က တမနက်လုံး ထိုင်နေတာ။ ခုနကမှ ပြန်သွားတာ။ ရုံးမှာ အစည်းအဝေး ရှိလို့လေ။ ပြန် လာ၊ မလာတော့ မသေချာသေးဘူး။ အစည်းအဝေးဆိုရင်တော့ နည်းနည်း ကြာတယ်လေ။”
----------------------------------------------------

ဦးအေးသာအောင်က တိုက်ရိုက်ဖြေဆိုချက်
သောကြာနေ့၊ မေလ 22 2009 13:00 - မြန်မာစံတော်ချိန်

“ထောင်နားက အတားအဆီး လုပ်ထားတဲ့ နေရာနားမှာ၊ အင်းစိန် ဈေးလယ်ရှေ့ မျက်နှာချင်းဆိုင် နေရာမှာ ဖြစ်ပါတယ်။ အဲဒီမှာ ရောက်နေတယ်။ ထောင်ဗူးဝနဲ့ ကိုက် ၅၀ လောက် ဝေးတယ်။ တရားရုံးကတော့ အဲဒီကနေ ကိုက် ၅၀ လောက် ဝင်ရဦးမယ်။”

“ဦးဝင်းတင်က အစည်းအဝေးရှိလို့ ပြန်သွားပြီ။ ကျနော်နဲ့အတူ တခြားလူတွေလည်း ပါပါတယ်။ ၁၁ နာရီကျော်ကျော်လောက်က ရောက်တာပါ။”

“လူတွေက လာပြီးတော့ စာနာစိတ်နဲ့ ထိုင်စောင့်ပြီး နေကြတဲ့ အခြေအနေပဲ ရှိတယ်။ … ရဲကားတွေကတော့ ၃ စီးလောက်ရှိတယ်။ ကားတွေကတော့ လမ်း ဒီဘက်မှာပေါ့။ အချုပ်ကား တစီး၊ ရဲလုံခြုံရေးက ၃ စီးပေါ့။ လုံခြုံရေးတွေက ဈေးဘက်မှာ။”
----------------------------------------------------

ဦးအေးသာအောင် အင်းစိန်ထောင်အနီး ရောက်ရှိနေ
သောကြာနေ့၊ မေလ 22 2009 12:20 - မြန်မာစံတော်ချိန်

ဒေါ်အောင်ဆန်းစုကြည်၏အမှု ကြားနာခြင်း ငါးရက်မြောက်နေ့ဖြစ်သော ယနေ့တွင် ပြည်သူ့လွှတ်တော် ကိုယ်စားပြု ကော်မတီ (စီအာပီပီ) ၏ အတွင်းရေးမှူး ဦးအေးသာအောင်လည်း အင်းစိန်ဈေးအနီးတွင် လာရောက် စောင့်ဆိုင်းလျှက် ရှိသည်။

မိုးများသည်းထန်စွာ ရွာသွန်းနေသလို လုံခြုံရေးများကလည်း တိုးမြှင့်ချထားရာ အချုပ်ကားများကို အဆင့်သင့် ခေါ်ဆောင်ထားသည်ကို တွေ့ကြရသည်။
----------------------------------------------------

ဒေါ်အောင်ဆန်းစုကြည်အရေး ယူနက်စကိုက ဗိုလ်ချုပ်မှူးကြီး သန်းရွှေထံစာပို့
သောကြာနေ့၊ မေလ 22 2009 11:45 - မြန်မာစံတော်ချိန်

ဒေါ်အောင်ဆန်းစုကြည်ကို ခြွင်းချက်မရှိ အမြန် ပြန်လွှတ်ပေးရန် ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှုအဖွဲ့၏ အထွေထွေ ညွှန်ကြားရေးမှူးချုပ်က မေလ ၂၀ ရက်နေ့က မြန်မာ စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေထံ စာရေးသား ပြောကြားလိုက်သည်။

UNESCO၏ အထွေထွေ ညွှန်ကြားရေးမှူးချုပ် ကိုရီချီယို မတ်ဆုရာက အခုလို ဒေါ်အောင်ဆန်းစုကြည်ကို အခုလို အင်းစိန်ထောင်မှာ ဖမ်းဆီးတရားစွဲဆို တာကို လုံးဝ လက်မခံနိုင်ကြောင်း ပါရှိသည်။

ဒေါ်အောင်ဆန်းစုကြည်သည် မြန်မာနိုင်ငံရဲ့ အမျိုးသား ပြန်လည်ရင်ကြားစေ့ရေးမှာ အဓိက အရေးပါတဲ့ ပုဂ္ဂိုလ် တဦး ဖြစ်ကြောင်းလည်း သူက ပြောကြားလိုက်သည်။

နေအိမ် အကျယ်ချုပ်ကနေ ပြန်လွှတ်ရတော့မယ့် အချိန်မှာ စစ်အစိုးရက အခုလို အင်းစိန်ထောင်မှာ ဖမ်းဆီးထားတဲ့ အပေါ်မှာ သူ့အနေနဲ့ စိုးရိမ်မိပါတယ်လို့ ဗိုလ်ချုပ်မှူးကြီး သန်းရွှေကို စာရေးသားလိုက်သည်။

ဒေါ်အောင်ဆန်းစုကြည်သည် ယူနက်စကိုက ပေးအပ်သော အကြမ်းဖက်မှု ဆန့်ကျင်ရေးဆိုင်ရာဆု -၂၀၀၂ကို ရရှိထားသူလည်း ဖြစ်သည်။
----------------------------------------------------

ဘန်ကီမွန်း မြန်မာနိုင်ငံ သွားမည်
သောကြာနေ့၊ မေလ 22 2009 10:31 - မြန်မာစံတော်ချိန်

ဒေါ်အောင်ဆန်းစုကြည်အား အင်းစိန်ထောင်အတွင်း၌ ဖမ်းဆီး တရားစွဲဆိုနေသည့် ကိစ္စနှင့် ပတ်သက်၍ စစ်အစိုးရ ခေါင်းဆောင်များနှင့် ဆွေးနွေးရန် မြန်မာနိုင်ငံသို့ မကြာမီ သွားမည်ဖြစ်ကြောင်း ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းက ပြောကြားလိုက်သည်။

ဒေါ်အောင်ဆန်းစုကြည်ကို ယင်းသို့ တရားစွဲဆိုနေသည့် ကိစ္စနှင့်ပတ်သက်၍ အလွန် စိုးရိမ်မကင်းဖြစ်ရပြီး သူမ အပါအဝင် အခြားနိုင်ငံရေး အကျဉ်းသားများကို အမြန်လွှတ်ပေးရန် နအဖ စစ်ခေါင်းဆောင်များကို ဆက်လက် တိုက်တွန်းသွားမည် ဖြစ်ကြောင်း မစ္စတာဘန်ကီမွန်းက စီအန်အန် CNN ရုပ်သံဌာနနှင့် သီးသန့် မေးဖြေခန်းတခုတွင် ပြောခြင်းဖြစ်သည်။ ( မဇ္ဈိမ )