နအဖစစ်အုပ်စု၏ အာဏာသိမ်းအကြမ်းဖက်အုပ်စိုးမှု ( ၂၂ ) နှစ်မြောက်
ပူးတွဲထုတ်ပြန်ကြေညာချက်
၁။ ၂၀၁၀ခုနှစ်၊ စက်တင်ဘာလ ( ၁၈ )ရက်နေ့သည် ( န၀တ၊ နအဖ ) စစ်အုပ်စုက မြန်မာပြည်သူလူထု၏ ဒီမိုကရေစီလို လားတောင်းဆိုမှုကို ကျောခိုင်းမျက်ကွယ်ပြုလျှက် ရက်စက်ရိုင်းစိုင်းစွာ ပစ်ခတ်ချေမူန်းခဲ့သည့် သွေးလွှမ်းသော စစ်အာဏာ သိမ်းမှု ( ၂၂ )နှစ် ပြည့်မြောက်သည့်နေ့ ဖြစ်ပေသည်။
၂။ မြန်မာ့လွတ်လပ်ရေးဗိသုကာကြီးနှင့် မြန်မာ့တပ်မတော်၏ဖခင်ကြီးလည်းဖြစ်သော ဗိုလ်ချုပ်အောင်ဆန်းက ” ငါတို့စစ် တပ်ဟာ နိုင်ငံသူနိုင်ငံသားတွေကို ညှင်းပန်းနှိပ်စက်ဖို့မဟုတ်၊ လက်နတ်အားကိုး တန်ခိုးပြဖို့မဟုတ်၊ စစ်တပ်ဟာ နိုင်ငံရဲ့ အစေခံပဲ ဖြစ်ရမယ်၊ နိုင်ငံဟာ စစ်တပ်ရဲ့အစေခံမဖြစ်စေရဘူး”ဟု ၁၉၄၄ခုနှစ်၊ မင်္ဂလာဒုံဗိုလ်သင်တန်းကျောင်းဆင်းပွဲ၌ အလေးအနတ် မှာကြားခဲ့ပေသည်။
၁။ ၂၀၁၀ခုနှစ်၊ စက်တင်ဘာလ ( ၁၈ )ရက်နေ့သည် ( န၀တ၊ နအဖ ) စစ်အုပ်စုက မြန်မာပြည်သူလူထု၏ ဒီမိုကရေစီလို လားတောင်းဆိုမှုကို ကျောခိုင်းမျက်ကွယ်ပြုလျှက် ရက်စက်ရိုင်းစိုင်းစွာ ပစ်ခတ်ချေမူန်းခဲ့သည့် သွေးလွှမ်းသော စစ်အာဏာ သိမ်းမှု ( ၂၂ )နှစ် ပြည့်မြောက်သည့်နေ့ ဖြစ်ပေသည်။
၂။ မြန်မာ့လွတ်လပ်ရေးဗိသုကာကြီးနှင့် မြန်မာ့တပ်မတော်၏ဖခင်ကြီးလည်းဖြစ်သော ဗိုလ်ချုပ်အောင်ဆန်းက ” ငါတို့စစ် တပ်ဟာ နိုင်ငံသူနိုင်ငံသားတွေကို ညှင်းပန်းနှိပ်စက်ဖို့မဟုတ်၊ လက်နတ်အားကိုး တန်ခိုးပြဖို့မဟုတ်၊ စစ်တပ်ဟာ နိုင်ငံရဲ့ အစေခံပဲ ဖြစ်ရမယ်၊ နိုင်ငံဟာ စစ်တပ်ရဲ့အစေခံမဖြစ်စေရဘူး”ဟု ၁၉၄၄ခုနှစ်၊ မင်္ဂလာဒုံဗိုလ်သင်တန်းကျောင်းဆင်းပွဲ၌ အလေးအနတ် မှာကြားခဲ့ပေသည်။
၃။ သို့သော် ယနေ့မြန်မာနိုင်ငံတွင်မူ နအဖစစ်အုပ်စုသည် ဥပဒေပြုမှုအာဏာ၊ တရားစီရင်မှုအာဏာနှင့် အုပ်ချုပ်ရေး အာ ဏာတည်းဟူသော အာဏာသုံးရပ်စလုံးကို ပြည်သူလူထုထံမှ လက်နက်အားကိုးဖြင့် အတင်းအဓမ္မ အကြမ်းဖက်သိမ်းပိုက် ထားပြီး ၁၉၉၀ပြည်နှစ်ရွေးကောက်ပွဲအနိုင်ရ အမျိုးသားဒီမိုကရေစီအဖွဲ့ချုပ်သို့ နိုင်ငံတော်အာဏာကို လွှဲပြောင်းပေးအပ်ရန် ငြင်းဆန်နေခဲ့သည်မှာ ဆယ်စုနှစ် နှစ်ခု ကျော်လွန်လာခဲ့ပြီ ဖြစ်ပေသည်။
၎။ ထို့အပြင် စစ်အုပ်စုသည် ရှစ်လေးလုံး ပြည်သူ့ဒီမိုကရေစီအရေးတော်ပုံကြီး၏ အောင်သီးအောင်ပွင့်များဖြစ်သော ( ၉၀) ပြည့်နှစ် ရွေးကောက်ပွဲ ရလဒ်နှင့် ရွေးကောက်ပွဲအနိုင်ရပါတီများကို အပြီးတိုင် ဖျက်သိမ်းပစ်ရန်၊ စစ်အာဏာရှင်စံနစ် ထာဝ စဉ် ရှင်သန်ခိုင်မြဲခွင့်ကို ဖွဲ့စည်းပုံအခြေခံဥပဒေအရပါ အခိုင်အမာရရှိရေးအတွက် ( ၂၀၁၀ )ရွေးကောက်ပွဲကို အတင်းအဓမ္မ ကျင်းပရန် အပြင်းအထန် ကြိုးပမ်းဆောင်ရွက်လျှက် ရှိနေပေသည်။
၅။ စစ်အာဏာရှင်စနစ်၊ ယင်းစနစ်ကို ချုပ်ကိုင်မောင်းနှင်နေသည့် စစ်အုပ်စု၊ စစ်အာဏာရှင်စနစ်၏ တည်ရာမှီရာဖြစ်သော (၂၀၀၈) ဖွဲ့စည်းပုံအခြေခံဥပဒေနှင့် ယင်းစနစ်ကို စတင်အသက်သွင်းမည့် ၂၀၁၀ ရွေးကောက်ပွဲတို့ကို ၁၉၈၈ ဒီမိုကရေစီ လူထုအရေးတော်ပုံစိတ်ဓါတ်ဖြင့် ပြည်သူများကို စည်းရုံးလှုံ့ဆော်ကာ အပြီးတိုင် ဖြိုချဖျက်သိမ်းပစ်ရပေမည်။ စစ်အာဏာ ရှင်စံနစ်ကို အမြစ်ပြတ် မဖျက်သိမ်းနိုင်သမျှ ဒီမိုကရေစီနှင့် လူ့အခွင့်အရေးများ အပြည့်အ၀ရရှိပြီး ထာဝရ ငြိမ်းချမ်းမည့် ဒီမို ကရေစီခေတ်သစ်တရပ်ကို အပီအပြင် တည်ဆောက်နိုင်လိမ့်မည်မဟုတ်ဟု မိမိတို့မှ အခိုင်အမာ ယုံကြည်ပေသည်။
၆။ သို့အတွက် နအဖစစ်အုပ်စု၏ ၂၀၀၈ ဖွဲ့စည်းပုံအခြေခံဥပဒေနှင့် ၂၀၁၀ ရွေးကောက်ပွဲအား ဆန့်ကျင်တိုက်ဖျက်ရေး လုပ်ငန်းစဉ်အား ယနေ့ကာလ၏ အဓိကတိုက်ပွဲလုပ်ငန်းစဉ်များအဖြစ် ချမှတ်ပြီး ရဲဝံ့ပြတ်သားစွာဖြင့် ဆက်လက် တိုက် ပွဲဝင်သွားရမည်ဖြစ်ကြောင်း ပြည်တွင်းပြည်ပအင်အားစုအားလုံးနှင့် မြန်မာပြည်သူတရပ်လုံးအား အလေးအနတ် ပန်ကြား တိုက်တွန်းအပ်ပါသည်။
နေ့စွဲ၊ ၂၀၁၀ခုနှစ်၊ စက်တင်ဘာလ ( ၁၈ )ရက်၊
၁။ အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ ) ကိုရီးယားဌာနခွဲ
၂။ မြန်မာ့အရေးလှုပ်ရှားမှု့အဖွဲ့(ကိုရီးယား)
၃။ ကရင်လူငယ်များအစည်းအရုံး (ကိုရီးယားဌာနခွဲ)
၃။ ကရင်လူငယ်များအစည်းအရုံး (ကိုရီးယားဌာနခွဲ)
၎။ ညီညွတ်သောမြန်မာတိုင်းရင်းသားများအစည်းအရုံး (ကိုရီးယား)
No comments:
Post a Comment