သတင်းများ

my email address

ကျွန်တော့်၏ email လိပ်စာမှာ
flyingpeacock619@gmail.com
ဖြစ်ပါသည်။

Subscribe via email

လူကြီးမင်း၏ Email လိပ်စာပေးခဲ့ပါ။ Poste အသစ်တင်တိုင်း ပို့ပေးပါမည်။

Enter your email address:

Delivered by FeedBurner

Free Aung San Su Kyi

Free Aung San Su Kyi

NLD LA KOREA

flyingpeacock

Live International News

Powered By
widgetmate.com
Sponsored By
Digital Camera

ရန်နိုင်ထွန်း ရဲ့ ကဗျာများ

အာဟာရစာစောင်

ကိုမင်းကိုနိုင် ဆုပေးပွဲ

Y မြစ်ချို ... လူညံ့လိုအင်

သွေးလက်ပေါ်ကသမိုင်း
မင်္ဂလာရှိသောမေမေ
ငါတို့ကျောင်းသား

ကိုကျော်စွာလင်းပန်းချီ

မြန်မာပြက္ခဒိန်

Myanmar Calendar

မြန်မာစံတော်ချိန်

မြန်မာပြည်မိုးလေ၀သအခြေအနေ

တော်လှန်ရေးသီချင်းများ


minthukha
Quantcast လာရောက် လည်ပတ် ကြသော သူငယ်ချင်းများ နိုင်ငံရေး သီချင်းတွေ နားဆင်လို့ရအောင်၊ စိတ်ကြိုက် Download ဆွဲလို့ရနိုင်ဖို့ အတွက်

Gmail sign in

Google Search

Popular Posts

.....အမေ့ စကား..အမှန်တရားလုပ်တဲ့သူတွေကသာ ရှုံးရင်လည်းနိုင်ရမယ်၊ နိုင်ရင်လည်းနိုင်ရမယ်။အမှန်တရားအရ မလုပ်တဲ့သူတွေကတော့ ရှုံးရင်လည်း ရှုံးရမယ်၊ နိုင်ရင်လည်းရှုံးမှာပဲ။( ဒေါ်အောင်ဆန်းစုကြည် ).....

Tuesday, June 30, 2009

အကောင်းဆုံး မြေသြဇာ အဖွဲ့မှ အရေးပေါ် သတင်း ထုတ်ပြန်ကြေငြာချက်

myayallzar 1

ကုလ အတွင်းရေးမှူးချုပ် မြန်မာခရီးစဉ်အတွင်း အရေးပါသူ အားလုံးနဲ့ တွေ့ဆုံသွားမည်

မြန်မာနိုင်ငံမှာ နိုင်ငံရေး ပြောင်းလဲတိုးတက်မှုတွေ ရှိလာဖို့ ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) ဟာ လာမယ့် သောကြာနေ့ မြန်မာနိုင်ငံကို ရောက်ရှိမှာ ဖြစ်ပါတယ်။ ဒေါ်အောင်ဆန်းစုကြည် အပါအ၀င် မြန်မာ့နိုင်ငံရေးမှာ အရေးပါတဲ့ ပုဂ္ဂိုလ်အားလုံးနဲ့ တွေ့ဆုံနိုင်ဖို့ ကြိုးစားသွားမယ်လို့ အတွင်းရေးမှူးချုပ် ဘန်ကီမွန်းက ပြောခဲ့ပါတယ်။ ဒီခရီးစဉ်နဲ့ ပတ်သက်လို့ အတွင်းရေးမှူးချုပ် ဘန်ကီမွန်းဘက်က ဘယ်လို မျှော်လင့်ထားတယ်၊ ဒီမျှော်လင့်ချက်တွေကရော ဘယ်လောက်အထိ ဖြစ်နိုင်မလဲဆိုတာ ကိုသားညွန့်ဦးက တင်ပြပေးထားပါတယ်။

ကုလသမဂ္ဂ အတွင်းရေးမှူးချုပ်အနေနဲ့ မြန်မာနိုင်ငံကို အခု ဇူလိုင် ၃ ရက်နဲ့ ၄ ရက်မှာ သွားရောက်မယ်လို့ အတွင်းရေးမှူးချုပ်ရဲ့ ပြောခွင့်ရသူက ဒီကနေ့ပဲ အတည်ပြု ပြောလိုက်တာပါ။ ကုလသမဂ္ဂ အပါအ၀င် နိုင်ငံတကာ အသိုင်းအ၀ိုင်းအနေနဲ့ အချိန်အတော်ကြာကတည်းက စိုးရိမ်ပူပန်နေတဲ့ ကိစ္စရပ်တွေကို မြန်မာ အဆင့်မြင့်ခေါင်းဆောင်တွေနဲ့ တိုက်ရိုက် တွေ့ဆုံဖြေရှင်းနိုင်ဖို့ အတွင်းရေးမှူးချုပ် အနေနဲ့ မျှော်လင့်ထားတယ်လို့ ပြောခွင့်ရသူ မစ်ရှဲလ် မွန်းတပ်စ် (Michele Montas) က ပြောပါတယ်။

မြန်မာနိုင်ငံ အနာဂတ်အတွက်တော့ မဖြေရှင်းလို့ မဖြစ်တဲ့ အချက် ၃ ချက် ရှိတယ်လို့ အတွင်းရေးမှူးချုပ် ဘန်ကီမွန်းက ယူဆထားတယ်လို့ ဆိုပါတယ်။
[ ဆက်ဖတ်ရန် +/- ]

“အနာဂတ်အတွက် မြန်မာ့နိုင်ငံရေးဖြစ်စဉ်ရဲ့ လမ်းဆုံလမ်းခွမှာ မဖြေရှင်းဘဲ ထားခဲ့လို့ မဖြစ်တဲ့ အရေးကြီးဆုံး အချက် ၃ ခု ရှိတယ်လို့ အတွင်းရေးမှူးချုပ်က ယူဆပါတယ်။ ဒါတွေကတော့ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေ လွတ်မြောက်လာဖို့၊ အမျိုးသား ပြန်လည်သင့်မြတ်ရေး လုပ်ငန်းစဉ်မှာ မရှိမဖြစ် အစိတ်အပိုင်းတရပ် အနေနဲ့ အစိုးရနဲ့ အတိုက်အခံအကြား တွေ့ဆုံဆွေးနွေးမှုတွေ ပြန်စဖို့နဲ့ အများလက်ခံ ယုံကြည်တဲ့ ရွေးကောက်ပွဲအတွက် အထောက်အကူဖြစ်မယ့် အခြေအနေကောင်းတွေ ဖန်တီးဖို့ ဆိုတာတွေပါ။”

မြန်မာနိုင်ငံက မကြာခင်က ပြန်ရောက်လာတဲ့ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် မစ္စတာ ဂမ်ဘာရီ (Mr. Gambari) ဟာ ဒီမနက်ပိုင်းမှာ သူ့ခရီးစဉ်ရလဒ်ကို အတွင်းရေးမှူးချုပ်နဲ့ တွေ့ဆုံရှင်းပြပြီးတဲ့နောက်မှ အတွင်းရေးမှူးချုပ်အနေနဲ့ ဒီမနက်ပိုင်းကြမှ မြန်မာနိုင်ငံကိုသွားဖို့ တရားဝင် ဆုံးဖြတ်လိုက်တာလို့ သိရပါတယ်။ အရင်ကတော့ သူ့အနေနဲ့ မြန်မာနိုင်ငံကို အမြန်ဆုံး သွားရောက်ဖို့ စီစဉ်နေတယ်၊ ဒါပေမယ့် သင့်တင့်လျောက်ပတ်တဲ့ အချိန်အခါကို ရွေးနေတယ်လို့ ဆိုထားပါတယ်။ အခု ဂျပန်နိုင်ငံ ခရီးစဉ်ကအပြန် မြန်မာနိုင်ငံကို ၀င်ရောက်မှာ ဖြစ်ပါတယ်။

မြန်မာနိုင်ငံက ပြဿနာရပ်တွေကို အမြန်ဆုံး ဖြေရှင်းနိုင်ဖို့ အတိုက်အခံခေါင်းဆောင် ဒေါ်အောင်ဆန်းစုကြည် အပါအ၀င် မြန်မာ့နိုင်ငံရေးအတွက် အရေးပါတဲ့ ပုဂ္ဂိုလ်အားလုံးနဲ့ တွေ့ဆုံနိုင်ဖို့ အတွင်းရေးမှူးချုပ်က မျှော်လင့်ထားတယ်လို့ ပြောရခွင့်ရသူ မစ်ရှဲလ် မွန်းတပ်စ်က ပြောပါတယ်။

“မြန်မာနိုင်ငံမှာ ဒီကိစ္စရပ်တွေကို မြန်မြန်ဖြေရှင်းနိုင်လေလေ ငြိမ်းချမ်းတဲ့၊ ဒီမိုကရေစီ ပြည့်ဝတဲ့၊ ဖွံ့ဖြိုးကြွယ်ဝတဲ့ တိုင်းပြည်အဖြစ် စောစောရောက်နိုင်လေလေ ဖြစ်မယ်လို့ အတွင်းရေးမှူးချုပ်က ယုံကြည်ပါတယ်။ ဒါကြောင့် ဒီ့အတွက် ကုလသမဂ္ဂအနေနဲ့ ဘာတွေလုပ်ပေးနိုင်မလဲ ဆိုတာကို အရေးကြီးပုဂ္ဂိုလ် အားလုံးနဲ့ ဆွေးနွေးနိုင်ဖို့ သူ မျှော်လင့်ထားပါတယ်။”

အတွင်းရေးမှူးချုပ် ဘန်ကီမွန်းဟာ မြန်မာနိုင်ငံကို ၂၀၀၈ မေလတုန်းက တကြိမ် သွားရောက်ခဲ့ပါတယ်။ အဲဒီတုန်းကတော့ နာဂစ်မုန်တိုင်း ဒုက္ခသည်တွေအတွက် နိုင်ငံတကာ အကူအညီတွေ ပေးနိုင်ရေး သွားရောက်ဆွေးနွေးခဲ့တာပါ။ အဲဒီနောက် နိုင်ငံတကာ အကူအညီတွေ အတော်အတန် ထောက်ပံ့ခွင့် ရခဲ့တယ်ဆိုပြီး မစ္စတာဘန်ကီမွန်း ခရီးစဉ်ကို နိုင်ငံတကာက အသိအမှတ် ပြုခဲ့ကြပါတယ်။ အခုတခေါက်မှာလည်း အဲဒီအဆက် လူသားချင်းစာနာမှု အကူအညီပေးရေး ကိစ္စတွေအတွက်လည်း ဆွေးနွေးဖို့ရှိတယ်လို့ ကုလသမဂ္ဂရုံးက ပြောပါတယ်။

မစ္စတာဘန်ကီမွန်း အနေနဲ့ အခုလို နှစ်ရက်တာ ခရီးစဉ်ကာလ အတွင်းမှာ နိုင်ငံရေးပြဿနာတွေကို ဆွေးနွေးဖို့ အချိန်လုံလောက်ပါ့မလား၊ တွေ့ဆုံသင့်သူ အားလုံးနဲ့ တွေ့ဆုံနိုင်ပါ့မလား ဆိုတာကတော့ စဉ်းစားစရာပါ။ USCB အမေရိကန် အခြေစိုက် မြန်မာ့အရေး လှုပ်ရှားမှုအဖွဲ့က အမှုဆောင်ညွှန်ကြားရေးမှူး ကိုအောင်ဒင်ကလည်း မစ္စတာဘန်ရဲ့ ခရီးစဉ် ရက်တိုတောင်းမှုအပေါ်မှာ အားမရဖြစ်ပါတယ်။

“အားလုံး စိတ်ပူနေကြတာက သူ့ကို သွားလည်း သွားစေချင်တယ်၊ သူသွားပြီးရင်လည်း တိကျသေချာတဲ့ ရလဒ်တခု ထွက်စေချင်တယ်။ အဲဒီမှာ အားလုံးမျှော်လင့်တာကတော့ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေ လွတ်မြောက်ရေးပေါ့။ သူကိုယ်၌ကလည်း သူသွားတဲ့ခရီးစဉ်က အဲဒီလိုမျိုး အောင်မြင်မှု တစုံတရာရှိတဲ့ ခရီးစဉ် ဖြစ်ချင်တယ်။ ဒါကြောင့် ဂမ်ဘာရီကို အရင်လွှတ်ပြီး သွေးတိုးစမ်းတယ်။ ဆိုတော့ သူ့အနေနဲ့ တကယ်ကိုပဲ နအဖဘက်က သူ့ရဲ့ခရီးစဉ်ကို အပြုသဘော တုံ့ပြန်မယ်လို့ မျှော်လင့်ချက်ပေးလို့များ သူသွားသလား၊ အဲဒီလိုတော့ တွေးထင်စရာ ရှိတာပေါ့ဗျာ။ ဒါပေမယ့် တဖက်ကကြည့်တော့လည်း ဒီလောက်အရေးကြီးတဲ့ ကိစ္စကြီးတွေကို ဆွေးနွေးဖို့သွားတဲ့ ပုဂ္ဂိုလ်က ၂ ရက်ထဲနေမယ်ဆိုတော့လည်း သိပ်ပြီး သဘာဝမကျသလို ဖြစ်တယ်။”

ဒါပေမယ့် ကုလသမဂ္ဂ အကြီးအကဲ တဦးအနေနဲ့ အခုလိုသွားရောက်တယ်၊ စစ်ခေါင်းဆောင်တွေကို ပြောဆို နားချနိုင်တယ်ဆိုရင် တစုံတရာ ပိုပြီး ထိရောက်မှုရှိမယ်လို့ရော မယူဆနိုင်ဘူးလားခင်ဗျ။

“ကျနော်တို့ကတော့ သူသွားလို့ အောင်မြင်မှု ရသည်ဖြစ်စေ၊ မရသည်ဖြစ်စေ သူလုပ်ရမယ့် နောက်အလုပ်ကို ရဲရဲရင့်ရင့် ဆက်လုပ်နိုင်ဖို့ပဲ ကျနော်တို့က တိုက်တွန်း မျှော်လင့်ပါတယ်။ နောက်အလုပ်ဆိုတာကတော့ သူ့ရဲ့ တောင်းဆိုချက်တွေကို နအဖက အပြုသဘော မတုံ့ပြန်ဘူးဆိုရင် ပြန်လာပြီးနောက် ကုလသမဂ္ဂ လုံခြုံရေးကောင်စီက မြန်မာနိုင်ငံရေးကိစ္စကို အရေးယူပါဆိုပြီး သူကိုယ်တိုင်က တိုက်တွန်းလှုံ့ဆော်ဖို့ပါပဲ။”

မစ္စတာဘန်ကီမွန်း မြန်မာနိုင်ငံကို ရောက်မယ့် ဇူလိုင် ၃ ရက်နေ့မှာပဲ ဒေါ်အောင်ဆန်းစုကြည်ရဲ့ တရားခွင်ကို ပြန်စ စစ်ဆေးဖို့ ရုံးချိန်းထားပါတယ်။ ကုလသမဂ္ဂ အတွင်းရေးမှူးချုပ်အနေနဲ့ မြန်မာနိုင်ငံကို ကိုယ်တိုင်သွားရောက်ပြီး နိုင်ငံရေးပြဿနာတွေ ဖြေရှင်းဖို့ လုပ်သင့်တယ်လို့ တောင်းဆိုမှုတွေ ရှိထားသလို အချို့လှုပ်ရှားသူတွေကတော့ ရလဒ်ကောင်း မရဘဲနဲ့ မြန်မာနိုင်ငံကို သွားရောက်တာ မဖြစ်သင့်ဘူးလို့လည်း ယူဆမှုတွေ ရှိပါတယ်။ ( ဗွီအိုအေ )

ဒေါ်စုအမှု သက်သေအယူခံဝင်မှု ဗဟိုတရားရုံးချုပ် ပယ်ချ

ဒေါ်အောင်ဆန်းစုကြည်ကို ရုံးတင်စစ်ဆေးနေတဲ့ အမှုမှာ ထွက်ဆိုခွင့်ပြုဖို့ အမည်တင်သွင်းထားတဲ့ သက်သေ ၄ ယောက်အနက် ပယ်ချခံခဲ့ရတဲ့ သက်သေ ၂ ယောက်နဲ့ ပတ်သက်လို့ ပြန်ပြီးလက်ခံဖို့ အယူခံလွှာ တင်သွင်း လျှောက်ထားခဲ့တာကို တရားရုံးချုပ်က ကြားနာခဲ့ပြီးတဲ့နောက် ဒီကနေ့ ထပ်မံပယ်ချလိုက်ပါတယ်။ အောက်ရုံးအဆင့်ဆင့်က ပယ်ချခဲ့ပြီးတဲ့နောက် အခုနောက်ဆုံးမှာတော့ တရားရုံးချုပ်ကပါ ပယ်ချလိုက်တာပါ။ အပြည့်အစုံကို ဘန်ကောက်ရောက် ဗွီအိုအေ၀ိုင်းတော်သား ကိုကျော်ကျော်သိန်းက တင်ပြပေးထားပါတယ်။

အမှုကို နဂိုလက်ခံ စစ်ဆေးနေတဲ့ ရန်ကုန် မြောက်ပိုင်းခရိုင် တရားရုံးနဲ့ အထက်အဆင့် ရန်ကုန်တိုင်း တရားရုံးတို့က ပယ်ချထားခဲ့တာကို ဗဟိုတရားရုံးက အတည်ပြုပေးလိုက်တဲ့အတွက် သက်သေ ၂ ယောက်ကို ထပ်လက်ခံရေး ဒေါ်အောင်ဆန်းစုကြည်ရဲ့ ရှေ့နေတွေက အယူခံလွှာ တင်သွင်း ကြိုးပမ်းခဲ့တာ အဆုံးသတ်သွားပြီ ဖြစ်ပါတယ်။ ဒီကနေ့ ဗဟိုတရားရုံးရဲ့ ဆုံးဖြတ်ချက်ကို မတွေ့ရသေးပေမယ့် အတည်ပြုနိုင်ပါပြီလို့ ဒေါ်အောင်ဆန်းစုကြည်ရဲ့ ရှေ့နေတဦးဖြစ်သူ ဦးဉာဏ်ဝင်းက ပြောပါတယ်။

“ဆုံးဖြတ်ချက်ကို ဖတ်လို့မရသေးဘူး။ တရားသူကြီးက သက်ဆိုင်ရာ အမှုကိုင်ဌာနကို အမှုတွဲ ပြန်မချဘူး။ ပြန်မချတော့ ကျနော်တို့ ဖတ်လို့မရဘူး။ ပယ်တယ်ဆိုတာပဲ confirm ဖြစ်တယ်။ ဒါပေမယ့် ဒီနေ့ မကျပေမယ့် နောင်တော့ ကျမှာပါ။”
[ ဆက်ဖတ်ရန် +/- ]

ဒေါ်အောင်ဆန်းစုကြည်ရဲ့ ရှေ့နေတွေက သူတို့ဘက်ကနေ ခုခံထွက်ဆိုဖို့ စုစုပေါင်း သက်သေ ၄ ဦး တင်သွင်းခဲ့ပါတယ်။ မူလရုံးဖြစ်တဲ့ ရန်ကုန် မြောက်ပိုင်းခရိုင် တရားရုံးက ဧရာဝတီတိုင်း လပွတ္တာမြို့နယ် လွှတ်တော်ကိုယ်စားလှယ် ဦးကြည်ဝင်းကိုပဲ လက်ခံခဲ့ပါတယ်။ နောက်တဆင့် ရန်ကုန်တိုင်းတရားရုံးကို အယူခံတင် လျှောက်ထားတဲ့အခါ တောင်ကြီးမြို့က တရားရုံးချုပ်ရှေ့နေ ဒေါ်ခင်မိုးမိုး တဦးကိုပဲ လက်ခံခဲ့ပြီး ကျန် ၂ ဦးကိုတော့ ဆက်ပြီး ပယ်ချခဲ့ပါတယ်။ အခုတခါ ဗဟိုတရားရုံးကလည်း အဲဒီလို ပယ်ချထားတာကို ထပ်ပြီး အတည်ပြုပေးလိုက်တာပါ။

တရားရုံး အဆင့်ဆင့်က ပယ်ချခဲ့တဲ့ သက်သေ ၂ ဦးကတော့ နေအိမ်အကျယ်ချုပ် ကျနေတဲ့ အမျိုးသားဒီမိုကရေစီအဖွဲ့ချုပ် (အန်န်အယ်လ်ဒီ) ဒုတိယဥက္ကဋ္ဌ ဦးတင်ဦးနဲ့ ဗဟိုအလုပ်အမှုဆောင် အဖွဲ့ဝင် သတင်းစာဆရာကြီး ဦးဝင်းတင်တို့ပါ။ ဦးဝင်းတင်ကတော့ ခွင့်ပြုလိမ့်မယ်လို့ နဂိုကတည်းက မျှော်လင့်မထားတဲ့အကြောင်း ဗွီအိုအေကို ပြောခဲ့ဖူးပါတယ်။

“သူတို့ ခွင့်ပြုရင်လည်း ဒေါ်ခင်မိုးမိုးတို့ ဦးကြည်ဝင်းတို့ပဲ လက်ခံလိမ့်မယ်လို့ ကျနော် နဂိုကတည်းက ထင်တယ်။ ကျနော့်သဘောကတော့ ဒီကိစ္စက ကျနော်က ဒေါ်စုကို သဘောကျတယ်။ ဘာဖြစ်လို့လဲဆိုတော့ လက်ကုန်နှိုက်ရမယ်ပေါ့ဗျာ၊ ကျနော်တို့မှာ အခွင့်အရေးတွေ ရှိတယ်၊ တောင်းဆိုရမယ့် အခွင့်အရေးတွေရယ်၊ ရပိုင်ခွင့်တွေ ရှိတယ်။ အဲဒီအခွင့်အရေးတွေကို တရားရုံးချုပ်အထိ ဥပဒေကြောင်းအရ ကျနော်တို့ လိုက်ပြောတယ်၊ ဒါပဲ။ ရခြင်း မရခြင်းကတော့ သိပ်ထူးတယ်လို့ မထင်ပါဘူး။

“ကျနော်တို့ သက်သေခံလည်း ဒေါ်စုကိုတော့ ထောင်ချမှာပဲလို့ ကျနော်ကတော့ အခုထိလည်း ထင်တုန်းပဲ။ ကျနော်တို့ သက်သေမခံလည်း လွတ်စရာမရှိဘူး။ သက်သေခံလည်း လွတ်စရာမရှိဘူး။ ကျနော် အဲဒီလိုပဲ ထင်နေတာပေါ့။ ဘာဖြစ်လို့လဲဆိုတော့ ဒီအမှုက သိပ်ပြီးတော့ အကြောင်းမညီညွတ်လွန်း အားကြီးမှပဲ၊ သို့မဟုတ်လည်း ကမ္ဘာတခုလုံးက ဒါ့ထက်ပိုပြီး ပြင်းထန်တဲ့ ပြစ်တင်ရှုတ်ချမှုတွေ၊ တောင်းဆိုမှုတွေ များလာရင်တော့ မသိဘူး။ သာမန်အားဖြင့်တော့ သူတို့က ဒေါ်စုကို လွှတ်ပေးဖို့ ဆန္ဒမရှိဘူး။ လွှတ်ချင်မှဖြင့် နဂိုကတည်းက ဒီကိစ္စ ဘယ်လုပ်မလဲဗျာ၊ ကျနော့်အထင်ပေါ့လေ။”

အခုဆုံးဖြတ်ချက်ဟာ ဥပဒေနဲ့လည်း မညီညွတ်၊ တရားမျှတမှုလည်း မရှိဘူးလို့ ဦးဉာဏ်ဝင်းက ပြောပါတယ်။

“ဥပဒေပြဋ္ဌာန်းချက်နဲ့ မညီဘူး၊ အောက်ရုံးတွေလုပ်တာ။ ကျနော်တို့ Revision ကို အတည်ပြုတဲ့အတွက် ဥပဒေနဲ့ မညီဘူး။ တရားမျှတမှု မရှိဘူးဆိုတာက ကျနော်တို့ သက်သေ ၄ ယောက်ပဲတင်တယ်။ အဲဒီမှာ မူလရုံးက တယောက်၊ တိုင်းရုံးက တယောက်ပဲ ခွင့်ပြုတယ်။ တရားလိုဘက်က သက်သေ ၁၅ ယောက် စစ်ခဲ့ပါတယ်။ အဲတော့ ကျနော်တို့မှာ မျှတစွာ ဆောင်ရွက်သွားတယ်ဆိုတဲ့ အခြေအနေမျိုး မတွေ့ပါဘူး။”

ဒေါ်အောင်ဆန်းစုကြည်ရဲ့ အကျိုးဆောင်ရှေ့နေတဦးဖြစ်သူ ဦးဉာဏ်ဝင်း ပြောပြသွားတာ ဖြစ်ပါတယ်။

နဂိုစစ်ဆေးနေတဲ့ အမှုကိုတော့ ဇူလိုင်လ ၃ ရက်နေ့မှာ ဆက်ပြီးစစ်ဆေးဖို့ ခရိုင်တရားရုံးက ရုံးချိန်းပေးထားပါတယ်။ အဲဒီနေ့မှာ လက်ခံထားပြီးသား သက်သေတဦးဖြစ်တဲ့ ဒေါ်ခင်မိုးမိုးရဲ့ ထွက်ချက်ကို ကြားနာမှာဖြစ်တယ်လို့ ဦးဉာဏ်ဝင်းက ပြောပါတယ်။

အမေရိကန်နိုင်ငံသား မစ္စတာ ဂျွန် ၀ီလီယမ် ယက်ထော (John William Yettaw) က ဒေါ်အောင်ဆန်းစုကြည်ရဲ့ နေအိမ်ခြံဝင်းထဲကို သူ့သဘောနဲ့သူ ရေကူးဝင်ရောက်လာခဲ့တာကို ဒေါ်အောင်ဆန်းစုကြည်က လက်ခံခဲ့တယ်၊ ဒါဟာ ချမှတ်ထားတဲ့ နေအိမ်အကျယ်ချုပ် တားဆီးကန့်သတ်မိန့်ကို ချိုးဖောက်တာ ဖြစ်တယ်လို့ စွပ်စွဲပြီးတော့ ဒေါ်အောင်ဆန်းစုကြည် အပါအ၀င် သူနဲ့အတူနေသူ အမျိုးသမီး ၂ ဦးကိုပါ မြန်မာအာဏာပိုင်တွေက ရုံးတင်စစ်ဆေးနေတာပါ။ ဒီလိုစွပ်စွဲခဲ့တဲ့အချိန်ဟာ ဒေါ်အောင်ဆန်းစုကြည်အပေါ် ချမှတ်ထားတဲ့ နေအိမ်အကျယ်ချုပ် သက်တမ်းပြည့်ခါနီး အချိန်လေးမှာတင် ဖြစ်ပါတယ်။ ဒါ့ကြောင့်လည်း ဒီလုပ်ရပ်ဟာ ဒေါ်အောင်ဆန်းစုကြည်ကို ဖမ်းဆီးထားရာကနေ လွှတ်မပေးချင်တဲ့အတွက် တမင် ရည်ရွယ်ချက်နဲ့ လုပ်တာဖြစ်တယ်လို့ ပြည်တွင်းပြည်ပမှာ ဝေဖန်ပြောဆိုကြပါတယ်။

ဒေါ်အောင်ဆန်းစုကြည်ကလည်း သူ့မှာ လုံးဝ အပြစ်မရှိတဲ့အကြောင်းနဲ့ ဒီအမှုဟာ နိုင်ငံရေး ရည်ရွယ်ချက် သက်သက်နဲ့ လုပ်ဆောင်တာ ဖြစ်တဲ့အကြောင်း ပြောပါတယ်။ ဒေါ်အောင်ဆန်းစုကြည်ကို ပြန်လွှတ်ပေးဖို့အတွက် အစိုးရခေါင်းဆောင်တွေ၊ ထင်ရှားတဲ့ လူပုဂ္ဂိုလ်တွေ၊ ကမ္ဘာ့ကုလသမဂ္ဂအဖွဲ့နဲ့ အရှေ့တောင်အာရှ နိုင်ငံများအဖွဲ့ (အာဆီယံ) စတဲ့ အဖွဲ့အစည်း အသီးသီးကပါ တညီတညွတ်တည်း တောင်းဆိုထားပါတယ်။ ဒါပေမယ့်လည်း ခုချိန်ထိတော့ မြန်မာအာဏာပိုင်တွေဘက်ကနေ ပြန်လွှတ်ပေးမယ့် အရိပ်လက္ခဏာ မပြသေးပါဘူး။ ( ဗွီအိုအေ )

Monday, June 29, 2009

သတင်းစာဆရာကြီး လူထုစိန်ဝင်းပြောဆိုချက် အန်အယ်လ်ဒီ တုံ့ပြန်

အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ၏ ရပ်တည်လုပ်ဆောင်ချက်များကို ပြင်ပလူများ မသိရှိနိုင်ဟု အန်အယ်လ်ဒီပြောခွင့်ရပုဂ္ဂိုလ် ဦးဉာဏ်ဝင်းက ပြောကြားသည်။

သတင်းစာဆရာကြီး လူထုစိန်ဝင်း၏ အန်အယ်လ်ဒီအပေါ်ဝေဖန်ပြောဆိုချက်များကို ၎င်းက တုံ့ပြန်ပြောဆိုလိုက် ခြင်းဖြစ်သည်။

ပြီးခဲ့သည့် စနေနေ့၌ အသံလွှင့်ဌာနတခု၏ မြန်မာပိုင်းအစီအစဉ်တွင် မစ္စတာဂမ်ဘာရီ၏ ခရီးစဉ်နှင့် ပတ်သက်၍ ပြောကြားစဉ် ဆရာလူထုစိန်ဝင်းက အန်အယ်လ်ဒီသည် လေးစားဖွယ်ကောင်းသည့် အဖွဲ့အစည်းတရပ်မဟုတ်ဟု နအဖစစ်အစိုးရက ယူဆသဖြင့် တွေ့ဆုံဆွေးနွေးရေးကို ကျောခိုင်းနေခြင်းဖြစ်ကြောင်း ပြောကြားခဲ့သည်။

ယင်းသို့ပြောကြားချက်ကို ဦးဉာဏ်ဝင်းက “အန်အယ်လ်ဒီ တကယ်တမ်း ဒီလောက် ဖိနှိပ်တဲ့ကြားထဲက ရပ်တည် လှုပ်ရှားရတဲ့အခြေအနေကို အပြင်က လူတယောက်အနေနဲ့ မသိနိုင်ဘူး” ဟု ပြောသည်။

ဆရာလူထုစိန်ဝင်းက အန်အယ်လ်ဒီအနေဖြင့် ပါတီသက်တမ်း အနှစ်နှစ်ဆယ်အတွင်း ထိရောက်သော လှုပ်ရှားမှုများ မပြုလုပ်နိုင်ခဲ့ကြောင်း၊ ကြေညာချက်ထုတ်ရုံ၊ တောင်းဆိုချက်ထုတ်ရုံမျှသာ လုပ်ဆောင်နိုင်ခဲ့ကြောင်း ဝေဖန်ပြောဆိုသည်။


[ ဆက်ဖတ်ရန် +/- ]

ထိုသို့ပြောဆိုမှုအပေါ် အန်အယ်လ်ဒီပါတီနှင့် လက်တွဲလုပ်ဆောင်နေသော ပြည်သူ့လွှတ်တော်ကိုယ်စားပြု ကော်မတီမှ အတွင်းရေးမှူး ဦးအေးသာအောင်က အန်အယ်လ်ဒီအနေဖြင့် လုပ်သင့်သည်ကို လုပ်ဆောင်ရန် လိုကြောင်း ပြောကြားသည်။

၎င်းက “တကယ်ပြောရမယ်ဆိုရင်တော့ ခေါင်းဆောင်ပိုင်းမှာ ကိုယ်လုပ်ရမယ့် အလုပ်တွေကို လုပ်ဖို့ထက် နအဖဘက်က ပြောင်းလဲလာမယ့် အနေအထား၊ အပေးအယူလုပ်လာမယ့် အနေအထားကိုပဲ အားကိုးတကြီး မျှော်လင့်နေတယ်လို့ သုံးသပ်မိပါတယ်” ဟု ပြောသည်။

ဝါရင့်နိုင်ငံရေးသမားကြီး သခင်ချန်ထွန်းကမူ အန်အယ်လ်ဒီအနေဖြင့် တရားဝင်ပါတီတရပ်အဖြစ်မှ လျော့ကျမသွားစေရန် မနည်းကျားကန်နေရဟန်ရှိသည်ဟု ပြောဆိုသည်။

“နအဖဘက်က တင်းမာလွန်းအားကြီးတော့ အန်အယ်လ်ဒီမှ၊ ဘယ်အဖွဲ့အစည်းကိုမှ သူက ဂရုစိုက်မှာမဟုတ်ဘူး။ နအဖက သူ့အင်အားသူ ယုံကြည်ထားတယ်။ အန်အယ်လ်ဒီအနေနဲ့ ဒေါ်အောင်ဆန်းစုကြည်အပေါ်မှာ မှီထားရတဲ့ သဘောရှိတယ်။ သူတို့အနေနဲ့က ဒေါ်အောင်ဆန်းစုကြည် ပြန်လွတ်မလာမီ လက်ရှိပါတီကို ဖျက်မပစ်အောင် ထိန်းပေးထားတဲ့ သဘောမျိုးနဲ့ လိုက်နေရတာပဲ။ ဒါကလည်း မှန်ကန်တဲ့လုပ်ရပ်လို့မြင်တယ်” ဟု သခင်ချန်ထွန်းက ပြောသည်။

အန်အယ်လ်ဒီပါတီအနေဖြင့် အနှစ်နှစ်ဆယ်အတွင်း လှုပ်ရှားမှုမရှိဆိုသော ဆရာလူထုစိန်ဝင်း၏ ပြောဆိုချက်များကို သခင်ချန်ထွန်းက လက်မခံပေ။

၎င်းက “အန်အယ်လ်ဒီပါတီဝင်တွေ အနေနဲ့လည်း လုပ်နိုင်သမျှလုပ်ခဲ့ကြတာပဲ။ ဒါကြောင့်မို့လည်း ထောင်ထဲမှာ နေနေရတဲ့ အန်အယ်လ်ဒီပါတီဝင်တွေ အများကြီးပါ။ ခုဟာက အစိုးရက မလှုပ်လိုက်နဲ့၊ လှုပ်လိုက်တာနဲ့ ထောင်ထဲ ထည့်ဆိုတာမျိုးဆိုတော့ ခက်တာပဲ” ဟု ဆိုသည်။

အန်အယ်လ်ဒီပါတီအနေဖြင့် ခေါင်းဆောင်ပိုင်းနေရာများတွင် လူငယ်များနှင့် အစားထိုးကာ လူကြီးများက ၀န်းရံပေးသင့်သည်ဆိုသော လူထုစိန်ဝင်း၏ အမြင်သဘောထားကိုမူ ဦးအေးသာအောင်နှင့် ဦးချန်ထွန်းတို့ နှစ်ဦးစလုံးက သဘောတူလက်ခံကြသည်။

အန်အယ်လ်ဒီပါတီက ပြီးခဲ့သည့်ဧပြီလအတွင်း ထုတ်ပြန်ခဲ့သော ရွှေဂုံတိုင်ကြေညာချက်တွင် အဖွဲ့ချုပ်ခေါင်းဆောင် များအပါအ၀င် နိုင်ငံရေးအကျဉ်းသားအားလုံး ခြွင်းချက်မရှိ ပြန်လွှတ်ပေးရေး၊ ၂၀၀၈ ဖွဲ့စည်းပုံအခြေခံဥပဒေမှ ဒီမိုကရေစီစံနှုန်းများနှင့် မကိုက်ညီသည့်အချက်များကို ပြင်ဆင်ပေးရေးနှင့် အားလုံးပါဝင်နိုင်မည့် လွတ်လပ်၍ တရားမျှတသော ရွေးကောက်ပွဲအဖြစ် နိုင်ငံတကာ၏ စောင့်ကြပ်လေ့လာမှုကို ခွင့်ပြုရေး စသည့်အချက်များကို တောင်းဆိုထားသည်။

နအဖစစ်အစိုးရဘက်မှမူ ဒေါ်အောင်ဆန်းစုကြည်အနေဖြင့် ထိပ်တိုက်ရင်ဆိုင်ရေး၊ အလုံးစုံပျက်သုဉ်းရေး၊ မြန်မာနိုင်ငံအား စီးပွားရေးအဆက်အသွယ် ဖြတ်တောက်ရေးအပါအ၀င် အလုံးစုံပိတ်ဆို့ရေး စသည်တို့ကို စွန့်လွှတ်ကြောင်း ကြေညာရန်နှင့် ယင်းသို့ကြေညာပါက ဗိုလ်ချုပ်မှူးကြီးသန်းရွှေက ဒေါ်အောင်ဆန်းစုကြည်နှင့် တိုက်ရိုက်တွေ့ဆုံဆွေးနွေးမည်ဟု တရားဝင်ကြေညာချက် ထုတ်ပြန်ထားသည်။

အန်အယ်လ်ဒီဘက်မှမူ နအဖတင်ပြသည့် ယင်းအချက် (၄) ချက်သည် အန်အယ်လ်ဒီက ဆုပ်ကိုင်ထားသည့် မူဝါဒများ တခုမှမဟုတ်ကြောင်း ငြင်းပယ်ခဲ့သည်။ ( ခေတ်ပြိုင် )

ဂမ်ဘာရီ မြန်မာနိုင်ငံက ပြန်လည်ထွက်ခွာ

ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေး မစ္စတာ အီဗရာဟင် ဂမ်ဘာရီဟာ မြန်မာနိုင်ငံမှာ တရက်ပဲနေပြီး အတွင်းရေးမှူးချုပ် မြန်မာနိုင်ငံကို လာရောက်မယ့် ကိစ္စနှင့် ပတ်သက်ပြီး တာဝန်ရှိသူများနှင့် တွေ့ဆုံ ဆွေးနွေးခဲ့ပါတယ်။ မြန်မာစစ်အစိုးရရဲ့ ရုပ်သံမှာ မစ္စတာ ဂမ်ဘာရီနဲ့ မြန်မာ နိုင်ငံခြားရေး ၀န်ကြီးတို့ မစ္စတာ ဘန်ကီမွန်းရဲ့ မြန်မာနိုင်ငံ ခရီးစဉ်နဲ့ ပတ်သက်ပြီး နေပြည်တော်မှာ ဆွေးနွေးခဲ့တယ်လို့ ပြောကြားပေမဲ့ မစ္စတာ ဂမ်ဘာရီရဲ့ ခရီးစဉ် အသေးစိတ်ကိုတော့ ပြောဆိုခြင်းမရှိပါဘူး။

ကုသလမဂ္ဂအတွင်းရေးမှူးချုပ် မစ္စတာ ဘန်ကီမွန်းနဲ့ မစ္စတာ ဂမ်ဘာရီတို့ဟာ နေအိမ်အကျယ်ချုပ် ပြစ်ဒဏ် ဖောက်ဖျက်မှုနဲ့ ရုံးတင် တရားစွဲဆိုခံနေရတဲ့ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသား အားလုံး လွတ်မြောက်ရေးအတွက် စစ်အစိုးရကို ကြိုးစား တိုက်တွန်းနေပါတယ်။ အခု မစ္စတာ ဂမ်ဘာရီရဲ့ ၈ကြိမ်မြောက် မြန်မာနိုင်ငံ ခရီးစဉ်အတွင်း ဒေါ်အောင်ဆန်းစုကြည်နဲ့ တွေ့ဆုံခြင်း မရှိခဲ့ပါဘူး။ ကုလသမဂ္ဂ အတွင်းရေးမှူးချုပ် တနင်္လာနေ့ ဂျပန်နိုင်ငံကို မထွက်ခွာခင်မှာ မစ္စတာ ဂမ်ဘာရီရဲ့ မြန်မာနိုင်ငံ ခရီးစဉ် အကြောင်း တင်ပြချက်တွေကို လက်ခံနားထောင်ဖို့ မစ္စတာ ဂမ်ဘာရီနဲ့ တွေ့ဆုံမယ်လို့ ကုလသမဂ္ဂ အတွင်းရေးမှူးချုပ်ရဲ့ပြောခွင့်ရ မစ်ရှဲလ်မွန်းတပ်စ် က ကုလသမဂ္ဂ ရုံးချုပ် ပုံမှန် သတင်းစာ ရှင်းလင်းပွဲမှာ ပြောကြားခဲ့ပါတယ်။ ( ဗွီအိုအေ )

Saturday, June 27, 2009

ဒေါ်အောင်ဆန်းစုကြည် အမှု ရက်ချိန်း ထပ်ရွှေ့

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ရုံးတင် စွဲဆိုထားတဲ့အမှုမှာ ဒီကနေ့ ဒေါ်အောင်ဆန်းစုကြည် ဘက်က သက်သေတဦး ဖြစ်တဲ့ ဒေါ်ခင်မိုးမိုး ကို စစ်ဆေးဖို့ရှိတဲ့အတွက် အများက စောင့်ကြည့်နေကြပေမယ့် မစစ်ဆေးဖြစ်ဘူးလို့ ဒေါ်အောင်ဆန်းစုကြည်ရဲ့ ရှေ့နေ ဦးဉာဏ်ဝင်း က ပြောပါတယ်။ ဒါ့အပြင် ဦးဉာဏ်ဝင်းက ဒေါ်အောင်ဆန်းစုကြည်နဲ့ တွေ့ခွင့်ရခဲ့ပါတယ်။ ဘန်ကောက်ရုံးက ကိုကျော်ကျော်သိန်း အပြည့်စုံ တင်ပြထားပါတယ်။

ဒီကနေ့ တရားရုံးချိန်းမှာ ဒေါ်အောင်ဆန်းစုကြည်တို့ဘက်က တင်သွင်းထားတဲ့ နောက်ထပ် သက်သေတဦးဖြစ်သူ ဒေါ်ခင်မိုးမိုး ရဲ့ ထွက်ချက်ကို ကြားနာမယ်လို့ အစောပိုင်းတုန်းက သတင်းထွက်ထားပေမယ့် ဘယ်လို ကြားနာမှုမျိုးမှ မရှိခဲ့ပါဘူး။ နောက်ထပ် ရုံးချိန်းကို ဇူလိုင်လ ၃ ရက်နေ့ မနက် ၁၀ နာရီမှာ သတ်မှတ်ပေးပြီး ပြန်ချိန်းခဲ့ပါတယ်။ ဒီကနေ့ အင်းစိန်ထောင်ဝင်း အတွင်း အထူးတရားရုံးမှာ ရုံးချိန်းရက် တွေ့ဆုံကြတဲ့အချိန် ဒေါ်အောင်ဆန်းစုကြည် က သတင်းစာရှင်းလင်းပွဲနဲ့ ပတ်သက်လို့ ဘာကြောင့်လုပ်တယ် ဆိုပြီး ဦးဉာဏ်ဝင်း ကို မေးမြန်းခဲ့ပါတယ်။ လက်ရှိ စစ်ဆေးနေဆဲ မပြီးသတ်သေးတဲ့ အမှုတမှု နဲ့ပတ်သက်ပြီး သတင်းစာရှင်းလင်းပွဲ လုပ်ပြောဆိုတာမျိုးဟာ တရားရုံးကို မထီမဲမြင် လုပ်တာမျိုး ဖြစ်မဖြစ် ဆိုတာ ပြောဆိုတာတွေ အပေါ် အသေးစိတ် လေ့လာနေပါတယ်လို့ ဒေါ်အောင်ဆန်းစုကြည်ရဲ့ အကျိုးဆောင်ရှေ့နေ တဦးလည်း ဖြစ်၊ အမျိုးသားဒီမိုကရေစီ အဖွဲ့ချုပ် အဲန်အယ်လ်ဒီ ပြောခွင့်ရသူလည်း ဖြစ်တဲ့ ဦးဉာဏ်ဝင်း က ဗွီအိုအေ ကို ပြောပါတယ်။
[ ဆက်ဖတ်ရန် +/- ]

"တရားရုံးရှေ့မှာ ရောက်နေတဲ့ကိစ္စကို press show လုပ်တာကိုက မသင့်လျော်ဘူးဗျ။ ဒါမျိုးက မလုပ်ရဘူး။ တရားရုံးကို မထီမဲ့မြင် လုပ်တဲ့သဘော ဖြစ်တာပေါ့။ စစ်ဆေး နေတယ်၊ စီရင်နေတယ်၊ ဆုံးဖြတ်မယ်။ အဲဒါကို ရှေ့က လာပြီးတော့ လုပ်တာ။ အဲဒါ တရားရုံးကို မထီမဲ့မြင် ပြုမှုပဲဗျ။ ဒါနဲ့ပတ်သက်ပြီးတော့ ကျနော် က အဲဒီလို ဖြစ်နေတယ်လို့ ပြောတာ မဟုတ်ဘူး။ ကျနော်တို့ အဲဒီလို ဖြစ်မဖြစ် ဆိုတာကို စကားလုံးတွေကအစ လေ့လာဖို့ လိုနေတယ်။ စကားလုံး အကုန်လုံးကို ကျနော်တို့ လေ့လာပါအုံးမယ်။ ပြီးမှပဲ ကျနော်တို့ အဖြေပေးဖို့ ရပါမယ်။"

ဒေါ်အောင်ဆန်းစုကြည် အနေနဲ့ကတော့ ရေဒီယို လည်း နားထောင်ခွင့်မရ၊ သတင်းစာ လည်း ဖတ်ရှုခွင့်မရတဲ့အတွက် သတင်းစာ ရှင်းလင်းပွဲမှာ ဘာတွေ ပြောသွားတယ် ဆိုတာကို တိတိကျကျ သိခွင့်မရတာကြောင့် သူ့ရဲ့ သဘောထား တခုခုကို မပြောနိုင်ဘူးလို့ ဦးဉာဏ်ဝင်း က ပြောပါတယ်။

ဒီအတောအတွင်းမှာပဲ ကုလသမဂ္ဂရဲ့ မြန်မာနိုင်ငံဆိုင်ရာ အထူးကိုယ်စားလှယ် မစ္စတာ အီဘရာဟမ် ဂမ်ဘာရီ မြန်မာနိုင်ငံကို ရောက်နေပြီ ဆိုတဲ့ သတင်းတွေကလည်း ထွက်နေပါတယ်။ ဒါနဲ့ပတ်သက်ပြီး ရန်ကုန်မြို့ က ကုလသမဂ္ဂ သတင်းနဲ့ ပြန်ကြားရေး ရုံးကို ဗွီအိုအေ က ဆက်သွယ် မေးမြန်းခဲ့ပေမယ့် တာဝန်ရှိသူက သူ့ အနေနဲ့ ဘာမှ မပြောနိုင်သေးတဲ့အကြောင်း ဖြေကြားခဲ့ပါတယ်။ မစ္စတာ ဂမ်ဘာရီ ဟာ အရင် ခရီးစဉ်တွေ တုန်းက ဒေါ်အောင်ဆန်းစုကြည် အပါအ၀င် အဲန်အယ်လ်ဒီ အလုပ်အမှုဆောင် အဖွဲ့ဝင်တွေ တိုင်းရင်းသား စည်းလုံးညီညွတ်ရေး ပါတီ နဲ့ အာဏာပိုင်တွေ စီစဉ်ပေးတဲ့ တခြား လူပုဂ္ဂိုလ်တွေ၊ အဖွဲ့အစည်းတွေ နဲ့ တွေ့ဆုံတာတွေ ရှိခဲ့ပါတယ်။ အခုတခေါက် ခရီးစဉ် နဲ့ ပတ်သက်လို့တော့ ဘာမှ ဆက်သွယ်လာတာတွေ မရှိသေးဘူးလို့ ဦးဉာဏ်ဝင်း က ပြောပါတယ်။

"ဒီနေ့ ရောက်တယ်လို့တော့ သတင်းကြားတယ်။ မျှော်လင့်တာတော့ မဟုတ်ဘူးဗျ။ အစဉ်အလာ အားဖြင့်တော့ တွေ့နေကျပဲ ဆိုတာပဲ ကျနော် ပြောချင်တယ်။"

အဲန်အယ်လ်ဒီ ပြောရေးဆိုခွင့်ရှိသူ ဦးဉာဏ်ဝင်းပါ။ ဒေါ်အောင်ဆန်းစုကြည် ကိုလည်း ဒီကနေ့ ရုံးချိန်း တွေ့ဆုံချိန် အတွင်း မစ္စတာ ဂမ်ဘာရီ ရောက်နေတဲ့အကြောင်း ဦးဉာဏ်ဝင်း က ပြောပြခဲ့ပါတယ်။ ဒီအပေါ်မှာ ဒေါ်အောင်ဆန်းစုကြည်က မှတ်ချက် ပေး ပြောဆိုတာမျိုး ဘာမှ မရှိခဲ့ဘူးလို့ ပြောပါတယ်။ မစ္စတာ ဂမ်ဘာရီ ရဲ့ အခုတခေါက် မြန်မာနိုင်ငံ ခရီးစဉ်ဟာ ကုလသမဂ္ဂ အတွင်းရေးမှူးချုပ် ဘန်ကီမွန်း မြန်မာနိုင်ငံကို မကြာခင်မှာ လာရောက်နိုင်တယ် ဆိုတဲ့ သတင်းတွေ ထွက်နေတဲ့အချိန်မှာ ဖြစ်လာတာမို့ မစ္စတာ ဘန်ကီမွန်း ခရီးစဉ်အတွက် ရှေ့ပြေး ကြိုတင်လုပ်ဆောင်ဖို့ရာ လာတာ ဖြစ်မယ်လို့ နိုင်ငံတကာ သတင်းတွေမှာ ရေးသားနေတာ တွေ့ရပါတယ်။ နှစ်ရက်တာ ခရီးစဉ်အတွင်း မြန်မာစစ်အစိုးရ ထိပ်ပိုင်း ခေါင်းဆောင်တွေနဲ့ တွေ့ဆုံဖို့ စီစဉ်ထားပေမယ့် ဒေါ်အောင်ဆန်းစုကြည် ကိုသော်လည်းကောင်း၊ အဲန်အယ်လ်ဒီ ပါတီ ခေါင်းဆောင်တွေ နဲ့သော်လည်းကောင်း တွေ့ဆုံဖို့ လောလောလတ်လတ် အစီအစဉ် မရှိသေးဘူးလို့ မြန်မာ တာဝန်ရှိသူတွေက ပြောတယ် ဆိုပြီး အေအက်ဖ်ပီ သတင်းတပုဒ်မှာ ဖော်ပြထားပါတယ်။ ရိုက်တာ သတင်းတပုဒ်မှာတော့ မစ္စတာ ဂမ်ဘာရီ ဟာ ခရီး ရောက်မဆိုက် ရန်ကုန်မြို့ကနေ မိုင် ၂၄၀ နီးပါး ဝေးတဲ့ နေပြည်တော်ကို ကားနဲ့ ထွက်ခွာသွားတယ်၊ နိုင်ငံခြားရေး ၀န်ကြီး ဦးဉာဏ်ဝင်း နဲ့ တွေ့ဆုံမယ်လို့ မျှော်လင့်ထားတယ်၊ ဒေါ်အောင်ဆန်းစုကြည် နဲ့ တွေ့မတွေ့ ဆိုတာတော့ မသိရသေးဘူးလို့ ရေးထားပါတယ်။

မစ္စတာ ဂမ်ဘာရီ ရဲ့ အခု (၈) ကြိမ်မြောက် မြန်မာနိုင်ငံ ခရီးစဉ်နဲ့ ပတ်သက်ပြီး ကုလသမဂ္ဂ ကရော၊ မြန်မာစစ်အစိုးရ ကပါ တရားဝင် သတင်းထုတ်ပြန်တာမျိုးတွေ မရှိတဲ့အတွက် အမည်မဖော်လိုတဲ့ သတင်းအရင်းအမြစ်တွေကို ကိုးကားပြီးတော့ပဲ သတင်းတွေမှာ ရေးသားဖော်ပြနေကြတာ ဖြစ်ပါတယ်။

မစ္စတာ ဂမ်ဘာရီ ဟာ ပြီးခဲ့တဲ့ ဖေဖော်ဝါရီလက မြန်မာနိုင်ငံကို နောက်ဆုံးသွားရောက်ခဲ့တာ ဖြစ်ပြီး အဲဒီအချိန်တုန်း ကတော့ ဒေါ်အောင်ဆန်းစုကြည် နဲ့ တွေ့ဆုံခဲ့သလို မြန်မာဝန်ကြီးချုပ် ဗိုလ်ချုပ်ကြီး သိန်းစိန် နဲ့လည်း တွေ့ဆုံခဲ့ရပေမယ့် အဓိက ကျတဲ့ မြန်မာစစ်ကောင်စီ ခေါင်းဆောင် ဗိုလ်ချုပ်မှူးကြီး သန်းရွှေ နဲ့တော့ မတွေ့ဆုံခဲ့ရပါဘူး။ ( ဗွီအိုအေ )

Friday, June 26, 2009

ဆလိုင်းတင်မောင်ဦး ( သို့ ) အမြင့်ပျံအောက်ချင်းငှက်

Salai Tin Mg Oo

ဗိုလ်ချုပ်အောင်ဆန်းနှင့် ဒေါ်စု ဓာတ်ပုံများ ပဲခူးတိုင်းအတွင်း ဖြန့်ဝေ

ပဲခူးတိုင်းအတွင်း မြို့နယ်အချို့၌ ဗိုလ်ချုပ်အောင်ဆန်းနှင့် ဒေါ်အောင်ဆန်းစုကြည်၏ ဓာတ်ပုံများကို အန်အယ်ဒီ လူငယ်များသည် ယမန်နေ့က လိုက်လံဝေငှခဲ့ကြောင်း သိရသည်။

လူစည်ကားရာ ပဲခူးမြို့ပေါ်နေရာများ၊ တိုင်းအတွင်းရှိ မြို့နယ်အချို့၌ လွတ်လပ်ရေးဗိသုကာ ဗိုလ်ချုပ် အောင်ဆန်းနှင့် သမီးဖြစ်သူ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ ဓာတ်ပုံပေါင်း ၃ဝဝဝ ဖြန့်ဝေခြင်း ဖြစ်သည်။

“ပဲခူးမြို့ပေါ်မှာရှိတဲ့ ဈေး ၂ ဈေးကို ဖြန့်ဝေတယ်။ ပဲခူး ရွှေမော်တော ဘုရားနဲ့ လမ်းမှာတွေ့တဲ့ လူတွေကိုလည်း ပေးတယ်။ ဒိုက်ဦး၊ ကဝ၊ ညောင်လေးပင်ကို ဓာတ်ပုံ ၂၀၀ စီပဲ ပေးလိုက်နိုင်တယ်” ဟု ပဲခူးမြို့နယ် အန်အယ်ဒီ လူငယ်ခေါင်းဆောင် ကိုအောင်မျိုးဝင်းက မဇ္ဈိမကို ပြောသည်။

တိုင်းပြည်ခေါင်းဆောင် သားအဖ နှစ်ဦးတွဲပါ ဓာတ်ပုံနှင့် ဒေါ်အောင်ဆန်းစုကြည် တဦးထဲ ပါရှိသည့် ဓာတ်ပုံများသည် အရွယ်အစားအားဖြင့် အနံ ၂ လက်မ၊ အလျား ၃ လက်မ ရှိသည်။

ဓာတ်ပုံများ ဝေငှရာများအနီး၌ အရပ်ဝတ်နှင့် အာဏာပိုင်များက စောင့်ကြည့်မှုများ ရှိခဲ့သော်လည်း အနှောင့်အယှက် တစုံတရာပေးခြင်း မရှိကြောင်း သိရသည်။

ပဲခူးမြို့ခံ အမျိုးသမီးက “အာဏာပိုင်တွေက စောင့်ကြည့်တာ ရှိတယ်။ ဖြန့်တဲ့သူတွေက ဆိုက်ကားဂိတ်တွေမှာ၊ ဈေးထဲတွေမှာ ဖြန့်နေတာတွေ တွေ့တယ်။ ဓာတ်ပုံတွေက Size (အရွယ်အစား) က သိပ်မကြီးဘူးဆိုတော့ သိမ်းရတာ လွယ်တယ်။ အားလုံးကလည်း ဗိုလ်ချုပ်ပုံ၊ ဒေါ်စုပုံဆိုတော့ အရမ်းချစ်ကြတယ်လေ။ တိုင်းပြည်ရဲ့ ကျေးဇူးရှင်ဆိုတော့ လာတဲ့လူတိုင်းက အဖြတ်တနိုး တောင်းကြတယ်” ဟု သူက ပြောသည်။

ရွှေမော်တောဘုရားပေါ်၌ ဓာတ်ပုံရရှိခဲ့သူ ဘုရားဖူး အမျိုးသမီးတဦးကလည်း “ဘုရားကို သွားတော့ ဘာတွေ ဝေလဲလို့ သွားတောင်းတော့ ဒေါ်စုပုံတွေ ဖြစ်နေတယ်။ အန်တီကလည်း လိုလိုလားလား လက်ခံလိုက်တယ်။ အန်တီ့ဆီ ဓာတ်ပုံရပြီး မကြာဘူး ကုန်သွားတယ်။ ဘုရားပေါ်တက်တဲ့ လူတိုင်းကို ဝေတယ်” ဟု ပြောသည်။

ပဲခူးတိုင်းအတွင်းရှိ ကဝမြို့တွင် ဓာတ်ပုံရရှိခဲ့သူများ ရှိကြောင်း သိရသည်။

မြို့ခံတဦးက “ကျနော်ရတဲ့ ပုံက ၂ လက်မ၊ ၃ လက်မ အရွယ်တွေပဲ။ ကျနော်တို့က ဗိုလ်ချုပ်နဲ့ ဒေါ်စုနဲ့ တွဲထားတဲ့ ပုံပဲ ရတယ်။ ကျနော်ရတာက ကဝဈေးထဲမှာ ရပါတယ်။ ကျနော်လည်း အမှတ်တရ သိမ်းထားပါတယ်” ဟု ပြောသည်။ ( မဇ္ဈိမ )

ဘန်ကီမွန်း မြန်မာပြည်လာရေး ဂမ်ဘာရီ ညှိနှိုင်း

မစ္စတာဂမ်ဘာရီ (Mr. Gambari) ဒီကနေ့ သောကြာနေ့မှာပဲ မြန်မာနိုင်ငံကို ရောက်ရှိလာတော့မှာ ဖြစ်တယ်လို့ မြန်မာ နိုင်ငံခြားရေးဌာန အရာရှိတဦးကို ကိုးကားပြီး ရိုက်တာသတင်းမှာ ဖော်ပြထားပါတယ်။

သူ့ရဲ့ ၈ ကြိမ်မြောက်ဖြစ်မယ့် ဒီတခေါက် ခရီးစဉ်ကတော့ အဓိကအားဖြင့် ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်း (Mr. Ban Ki-moon) လာရောက်နိုင်ဖို့အတွက် ကြိုတင်ညှိနှိုင်းမယ့်သဘော ဖြစ်နိုင်ပါတယ်။

မစ္စတာဂမ်ဘာရီဟာ ဒီနှစ် ဖေဖော်ဝါရီလက နောက်ဆုံးအကြိမ် မြန်မာပြည်ကို ရောက်လာခဲ့တာဖြစ်ပြီး ဒေါ်အောင်ဆန်းစုကြည်၊ စစ်အစိုးရ ၀န်ကြီးချုပ် ဗိုလ်ချုပ်ကြီးသိန်းစိန်တို့နဲ့ သူ တွေ့ဆုံခဲ့ပါတယ်။ အခုတကြိမ် မစ္စတာဂမ်ဘာရီဟာ မြန်မာပြည်မှာ ၂ ရက်ကြာ နေထိုင်လိမ့်မယ်ဆိုပြီး အမည်မဖော်လိုတဲ့ နိုင်ငံခြားရေးရုံး အရာရှိက ဆိုပါတယ်။

မစ္စတာဂမ်ဘာရီနဲ့ စစ်အစိုးရတို့ ညှိနှိုင်းလို့ ပြေလည်ပြီး မစ္စတာဘန်ကီမွန်း လာဖြစ်မယ်ဆိုရင် နောက်လ ဇူလိုင်လအတွင်းမှာ ဖြစ်နိုင်တယ်လို့ ရန်ကုန်အခြေစိုက် အာရှသံတမန်တချို့က တွက်နေကြပါတယ်။ ( ဗွီအိုအေ )

ဆလိုင်းတင်မောင်ဦး အောက်မေ့ဖွယ် ၃၃ နှစ်ပြည့် နအဖ စစ်သံရုံးရှေ့ ဆန္ဒပြပွဲ ( ကိုရီးယား )




သတင်းနှင့်ပြန်ကြားရေး
အမျိုးသားဒီမိုကရေစီအဖွဲ့ချုပ်
လွတ်မြောက်နယ်မြေ
ကိုရီးယားဌာနခွဲ

Thursday, June 25, 2009

မြေသြဇာအဖွဲ့၏ အထူးထုတ်ပြန်ကြေငြာချက်

Myay All Zar

ဒေါ်စု၏ ရှေ့နေများ လျှောက်လဲချက်ကို ဗဟိုတရားရုံး ကြားနာ

ဒေါ်အောင်ဆန်းစုကြည်အမှုအတွက် ငြင်းပယ်ခံထားရသည့် သက်သေနှစ်ဦးအား ပြင်ဆင်ခွင့် လက်ခံရန်အတွက် သူမ၏ ရှေ့မျေားက ယနေ့တွင် လျှောက်လဲချက်ပေးခဲ့ရာ ဗဟိုတရားရုံးက ကြားနာခဲ့ပြီး၊ တစုံတရာ စီရင်ချက် ချခဲ့ခြင်း မရှိပါ။

ကျန်ရှိနေသည့် အန်အယ်ဒီ ဒုဥက္ကဋ္ဌ ဦးတင်ဦးနှင့် ဗဟိုအလုပ်အမှုဆောင် ကော်မတီဝင် ဦးဝင်းတင်အား သက်သေများအဖြစ် ဥပဒေနှင့်အညီ လက်ခံပေးရန်အတွက် ဒေါ်အောင်ဆန်းစုကြည်၏ ရှေ့နေအဖွဲ့က လျှောက်လဲချက်ပေးခဲ့ခြင်း ဖြစ်သည်။

''ဗဟိုတရားရုံးကတော့ ချက်ချင်း ဆုံးဖြတ်ချက်တော့ မချပါဘူး။ ဆုံးဖြတ်ချက် မချခင် အချိန်ယူလိမ့်မယ်။ ဘယ်တော့မှ ကြေညာမယ်ဆိုတာ ကျနော်တို့ မသိပါဘူး'' ဟု ဒေါ်အောင်ဆန်းစုကြည် အမှုအတွက် အကျိုးဆောင် ရှေ့နေအဖွဲ့ အဖွဲ့ဝင်နှင့် အန်အယ်ဒီ ပြောခွင့်ရပုဂ္ဂိုလ် ဦးဉာဏ်ဝင်းက မဇ္ဈိမကို ပြောသည်။

သို့သော်လည်း လက်ရှိ နေအိမ်အကျယ်ချုပ် ကျခံနေရသည့် ဦးတင်ဦးကို လက်ခံရန် ဖြစ်နိုင်ဖွယ် ရှိကောင်းမှ ရှိမည်ဟူ၍ ဗဟိုတရားရုံး တရားသူကြီးများက သူတို့ကို ပြောဆိုခဲ့ကြောင်း ဦးဉာဏ်ဝင်းက ဆက်ပြောသည်။

ပြည်ပအခြေစိုက် ဒီဗီဘီ၊ ဘီဘီစီ၊ အာအက်ဖ်အေ အသံလွှင့် သတင်းဌာနများသို့ အင်တာဗျူး အများအပြား ပေးနေသည့် ဦးဝင်းတင်အနေဖြင့်လည်း အာဏာပိုင်များနှင့် သဘောထားချင်း ကိုက်ညီမှုမရှိသဖြင့် အရည်အသွေး ပြည့်မီဖွယ်မရှိကြောင်း တရားသူကြီးများက ရှင်းပြခဲ့သည်ဟူ၍ သူက ဆိုသည်။

သို့သော်လည်း ဒေါ်အောင်ဆန်းစုကြည်၏ ရှေ့နေ နောက်တဦးဖြစ်သူ ဦးကြည်ဝင်းကမူ အမှန်တရားကို ရှာဖွေရာ၌ ထောင်ဒဏ် တသက်တကျွန်း ကျခံရသူကိုပင် သက်သေအဖြစ်နှင့် ခေါ်ယူနိုင်သေးကြောင်း ပြောသည်။

''အစကတည်းက ဒီကိစ္စနဲ့ပတ်သက်ပြီး ဒီလိုအကြောင်းပြချက်မျိုးနဲ့ သူတို့ ငြင်းပယ်လိမ့်မယ်လို့ ကျနော် ထင်ခဲ့ပြီးသားပါ။ ဒါပေမဲ့ ဥပဒေမှာကတော့ အမှုနဲ့ ဟပ်စပ်မှုရှိရင်တော့ ဘယ်သူမဆို သက်သေအဖြစ် ခေါ်ခွင့်ရှိပါတယ်'' ဟု ဦးကြည်ဝင်းက ပြောသည်။

ထောင်ထဲ၌ ကော်မရှင်ဖွဲ့၍ အကျဉ်းသားများအား သက်သေအဖြစ် ကြားနာမှုများ ပြုလုပ်ခဲ့သည်ကို တွေ့ကြုံခဲ့ဖူးကြောင်း သူက ဆက်ပြောသည်။

ဦးဝင်းတင်နှင့် ပတ်သက်၍လည်း လူတိုင်းတွင် ကိုယ်ပိုင် သဘောထားအမြင်များ ရှိခွင့်ရှိကြောင်းနှင့် အစိုးရနှင့် အမြင်မတူသည်မှာ ပြစ်မှုကျူးလွန်ခြင်း မဟုတ်ကြောင်း ဦးကြည်ဝင်းက မဇ္ဈိမကို ပြောဆိုသည်။

''ကျနော်တို့ အခု ကြိုးစားနေတာက တရားရုံးမှာ တန်းတူညီမျှစွာ တင်ပြခွင့် ရရှိရေး ဖြစ်ပါတယ်။ အောက်ရုံး (အင်းစိန်ထောင်တွင်း မြောက်ပိုင်းခရိုင် တရားရုံး) က သက်သေတွေကို ဘာကြောင့် ပယ်ချခဲ့တယ်ဆိုတာ ဥပဒေအရ ပြောဖို့ ရှိပါတယ်။ မပြောဘူးဆိုတာကတော့ ဥပဒေနဲ့ ကိုက်ညီမှု မရှိပါဘူး'' ဟု သူက ပြောသည်။

ဒေါ်အောင်ဆန်းစုကြည်၏ ဒုတိယသက်သေဖြစ်သည့် ဒေါ်ခင်မို့မို့သည် လာမည့် သောကြာနေ့တွင် အင်းစိန် ခရိုင်တရားရုံး၌ ထွက်ဆိုမှု ပြုလုပ်ရန် ချိန်းဆိုထားသော်လည်း၊ ဗဟိုတရားရုံးက အမိန့်ချမှတ်ခြင်း မရှိသ၍ ခရိုင်တရားရုံးအနေဖြင့် ဆက်လက်ကြားနာမှု ပြုလုပ်နိုင်မည် မဟုတ်ကြောင်း သူက ဆက်ပြောသည်။

ကမ္ဘာ့နိုဘယ်လ် ငြိမ်းချမ်းရေးဆုရှင် ဒေါ်အောင်ဆန်းစုကြည်သည် လွန်ခဲ့သည့် ၁၉ နှစ်အတွင်း ၁၃ နှစ်ကျော် အကျယ်ချုပ် ကျခံနေခဲ့ရကာ၊ ထိန်းသိမ်းသည့် သက်တမ်းပြည့်ခါနီး ပြီးခဲ့သည့် မေလဆန်းတွင် နေအိမ်ခြံဝင်းအတွင်း အမေရိကန် နိုင်ငံသားတဦး တိတ်တဆိတ် ဝင်ရောက်လာသဖြင့် ယခုအခါ တရားစွဲဆိုခံနေရသည်။

ဤတရားစွဲဆိုမှုသည် မြန်မာစစ်အစိုးရက ရည်ရွယ်ထားသည့် ၂၀၁၀ ရွေးကောက်ပွဲ ကျင်းပရေးတွင် ပိုမိုရှင်းလင်းစေရန်အတွက် ရမယ်ရှာခြင်းသာဖြစ်ကြောင်း လေ့လာသူများနှင့် အတိုက်အခံအင်အားစုများက ယုံကြည်နေကြသည်။ ( မဇ္ဈိမ )

ဂမ်ဘာရီ မြန်မာနိုင်ငံခရီးစဉ် စတင်

ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံ ဆိုင်ရာ အထူးအကြံပေး မစ္စတာ အီဘရာဟင် ဂမ်ဘာရီဟာ မြန်မာနိုင်ငံကို သွားရောက်တဲ့အကြောင်း ကုလသမဂ္ဂက အတည်ပြုပြောဆိုပါတယ်။ မြန်မာ့ဒီမိုကရေစီခေါင်းဆောင် ဒေါ်အောင်ဆန်း စုကြည်ကို စစ်အစိုးရဘက်က တရားစွဲဆိုနေတဲ့အချိန်မှာ မစ္စတာ ဂမ်ဘာရီ သွားရောက်တာဖြစ်ပါတယ်။ ကြိုတင် ကြေညာထားခြင်း မရှိဘဲ သွားရောက်တဲ့ ခရီးစဉ်ဟာ အတွင်းရေးမှူးချုပ် ဘန်ကီမွန်းကိုယ်တိုင် သွားရောက်မယ့် ခရီးစဉ်တခု ဖြစ်ကောင်းဖြစ်နိုင်တယ်ဆိုတဲ့ ခန့်မှန်းချက်တွေလည်း ရှိနေပါတယ်။ အပြည့်အစုံကို ကိုသိန်းထိုက်ဦးက တင်ပြပါလိမ့်မယ်။
အတွင်းရေးမှူးချုပ်ရဲ့ အထူးအကြံပေး မစ္စတာ ဂမ်ဘာရီဟာ မြန်မာနိုင်ငံကို သွားနေပြီဆိုတာကို ကုလသမဂ္ဂက ဒီနေ့ အတည်ပြု ပြောပါတယ်။ ဒီခရီးစဉ်နဲ့ ပတ်သက်လို့ ကြိုတင် မကြေညာခဲ့တာကို ကြည့်ရင် ကုလသမဂ္ဂဘက်က စစ်အစိုးရနဲ့ စေ့စပ်ညှိ့နိုင်းပြီး ခရီးစဉ်မစခင် အထူး သိမ်သိမ်မွေ့မွေ့ နဲ့ ကိုင်တွယ်နေရပုံရပါတယ်။ အထူးသဖြင့် မစ္စတာ ဂမ်ဘာရီ အနေနဲ ခရီးစဉ်အတွင်းမှာ စစ်အစိုးရဘက်က နိုင်ငံရေးအရ အသုံးချခံရတာမျိုးမဖြစ်အောင်၊ ရလဒ် တစုံတရာထွက်ပြီး ခရီးစဉ်က အပြန် မျက်နှာပန်းလှအောင် ကြိုးပမ်းနေရတယ်လို့ မြန်မာ့အရေး လေ့လာသူတွေ သုံးသပ်ကြပါတယ်။

ပြီးခဲ့တဲ့ ရက်ပိုင်းအတွင်းက ရိုက်တာသတင်း တပုဒ်မှာတော့ အနောက်တိုင်း သံတမန်တချို့ရဲ့ ပြောဆိုချက်ကို ကိုးကားပြီး မြန်မာစစ်အစိုးရက ကုလသမဂ္ဂ အတွင်းရေးမှူးချုပ် ဘန်ကီမွန်းကို လာမယ့် ဂျုလိုင်လအတွင်း မြန်မာနိုင်ငံလာဘို့ ဖိတ်ကြားထားတယ်လို့ ဖေါ်ပြပါတယ်။ အတွင်းရေးမှူးချုပ်ဘက်က ဒီဖိတ်ကြားချက်ကို လက်ခံမယ် လက်မခံဘူးဆိုတာ မသိရသေးပါဘူး။ ဒါပေမယ့်လည်း အတွင်းရေးမှူးချုပ်ရဲ့ ခရီးစဉ်ကို စစ်အစိုးရဘက် ၀ါဒဖြန့်ဘို့ အသုံးချတာမျိုးဖြစ်သွားမှာ ကုလသမဂ္ဂက စိုးရိမ်နေတယ်လို့ ကုလသမဂ္ဂ သတင်းရပ်ကွက်က ပြောတဲ့အကြောင်း ကိုးကားရေးသားထားပါတယ်။

ဒါပေမယ့်လည်း ကမ္ဘာ့ ကုလသမဂ္ဂဟာ စစ်အစိုးရကို ထိထိရောက်ရောက် နားချနိုင်တဲ့ အခြေအနေမျိုးမှာ မရှိဘဲ၊ စစ်အစိုးရကို အပျော့ဆွဲ ဆွဲနေရတဲ့ အခြေအနေမျိုးမှာသာ ရှိနေတယ်ဆိုပြီး မြန်မာဒီမိုကရေစီအင်အားစုတွေ အားမလိုအားမရ ဖြစ်နေကြပါတယ်။ ဒီလို အားမလို အားမရဖြစ်နေသူတွေထဲမှာ အန်အဲလ်ဒီ ဗဟိုအလုပ်အမှုဆောင်ကော်မတီဝင်၊ အတွင်းရေးမှူးအဖွဲ့ဝင် ဦးဝင်းတင်လည်း ပါပါတယ်။

"သူတို့ဟာစစ်အစိုးရကို လာများ ချော့ချင်နေလို့လား၊ ချော့ချင်နေတာလား၊ ဒါမှမဟုတ် စစ်အစိုးရကို လာပြီး မျက်နှာချိုသွေးချင်နေလို့လား၊ ဒီလို သဘောနဲ့များဖြစ်လို့ တိုးတိုးတိတ်တိတ် ကြိတ်ကြိတ် လုပ်နေတာလား၊ ဒီလို ကျနော် သံသယဖြစ်မိတယ်။ သို့သော် ဒါက ကျနော့ရဲ့ သံသယပေါ့ဗျာ၊ ထားပါတော့၊ ဒါတွေက သူတို့ ကိစ္စဆိုတော့ ကျနော်တို့ ဘာမှ သိပ်ပြီး ပြောစရာ မရှိပါဘူး၊ ဒါက ကျနော့ရဲ့ သံသယပါ။''

ကုလသမဂ္ဂ အပါအ၀င် နိုင်ငံတကာအသိုင်းအ၀ိုင်းက မြန်မာ့အရေးနဲ့ ပတ်သက်လို့ ချဉ်းကပ်တဲ့နေရာမှာ စစ်အစိုးရကျင်းပမယ့် ရွေးကောက်ပွဲကို တရားမျှတတဲ့ ရွေးကောက်ပွဲ ဖြစ်အောင်ပဲ တွန်းအားပေးတဲ့ အဆင့်မှာရောက်နေပြီး ဒါဟာ ဒုတိယ အဆင့်ဖြစ်တယ်လို့ ဦးဝင်းတင်က မြင်ပါတယ်။

ဒီမိုကရေစီရေးအတွက် အဓိက အဟန့်အတားဖြစ်နေတာက စစ်အစိုးရ ရေးဆွဲထားတဲ့ အခြေခံ ဥပဒေဖြစ်ပြီး ဒီ အခြေခံ ဥပဒေပါ ဒီမိုကရေစီနဲ့ မကိုက်ညီတဲ့ အချက်တွေ ပြင်ဆင်ဘို့ နိုင်ငံတကာအသိုင်းအ၀ိုင်းက စစ်အစိုးကို တွန်းအားပေးဘို့ လိုတယ်လို့ မြင်ပါတယ်။

''နိုင်ငံတကာက အဲဒီ ကိစ္စလေးကို ကျန်ကျန်နေတယ်။ နိုင်ငံတကာက အနောက်နိုင်ငံတွေက ဒီ အစိုးရကို တောင်းဆိုတဲ့အခါမှာ အခြေခံ ဥပဒေ ပြင်ဆင်ရေး ဆိုပြီး တောင်းဆိုပါ။ ရွေးကောက်ပွဲ ကျင်းပရေး ကိစ္စတို့ ဘာတို့ ဆိုတာက ဒုတိယ ကိစ္စဖြစ်ပါတယ်။ ဒီ အခြေခံ ဥပဒေက ရွေးကောက်ပွဲနဲ့ ပြည်သူတွေ ကြားထဲမှာ ရွေးကောက်ပွဲနဲ့ ပြည်သူတွေ ကြားထဲမှာ ကန့်လန့်ကြီး ခံနေပါတယ်။ အခြေခံ ဥပဒေ ပြင်ဆင်ရေးကို တောင်းဆိုပေးပါ၊ ကျနော်က ဒါကို ပြောချင်ပါတယ်။''

ဦးဝင်းတင် ပြောဆိုနေတာပါ။ မစ္စတာ ဂမ်ဘာရီ ဟာ အခုတခေါက် မြန်မာပြည် ခရီးစဉ်အတွင်းမှာ ဗိုလ်ချုပ်မှူးကြီးသန်းရွှေနဲ့ တွေ့ခွင့် ရမရ မသေချာ သေးပါဘူး။ အင်းစိန်အကျဉ်းထောင်ထဲမှာ ရောက်နေတဲ့ ဒေါ်အောင်ဆန်းစုကြည်ကိုလည်း တွေ့ဆုံခွင့် တောင်းမှာ သေခြာပါတယ်။

မစ္စတာ ဂမ်ဘာရီအနေနဲ့ ဒေါ်အောင်ဆန်းစုကြည်ကို တက္ကသိုလ်ရိပ်သာလမ်းပဲဖြစ်ဖြစ်၊ အစိုးရ ဧည့်ဂေဟာ မှာပဲဖြစ်ဖြစ်၊ အင်းစိန်ထောင်မှာဘဲ တွေ့တွေ့ စစ်အစိုးရ ချုပ်နှောင်တာကို ခံနေရဆဲအခြေအနေမှာ တွေ့နေရတာကိုက ကုလသမဂ္ဂရဲ့ မြန်မာ့အရေးကြားဝင်ဆောင်ရွက်မှုတွေ အရာမထင်သေးဘူးဆိုတာ ပြနေတယ်ဆိုပြီး မြန်မာ့အရေး လေ့လာသူတွေ ပြောဆိုနေကြတာပါ။
( ဗွီအိုအေ )

Tuesday, June 23, 2009

ကုလအကြီးအကဲ ခရီးစဉ်မတိုင်မီ ဂမ်ဘာရီ ရန်ကုန်သို့ သွားမည်

ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်း ဇူလိုင်လ အစောပိုင်းတွင် သွားရောက်နိုင်ရေးအတွက် ကုလ အထူးကိုယ်စားလှယ် မစ္စတာ အီဗရာဟင် ဂမ်ဘာရီသည် မြန်မာနိုင်ငံသို့ ယခုသီတင်းပတ်အတွင်း ရောက်ရှိပြီး စီစဉ်ထားမှာဖြစ်သည်။

မြန်မာအစိုးရ အရာရှိတဦးအပြောအရ ကုလသံတမန်၏ ခရီးစဉ်ကို သောကြာနေ့တွင် စတင်ရန် ရှိသည်ဟု သိရသည်။ “အမျိုးသား ပြန်လည်သင့်မြတ်ရေး လုပ်ငန်းစဉ်အတွက် ဆွေးနွေးဖို့နဲ့ မစ္စတာဘန်ရဲ့ ခရီးစဉ်အတွက် ပြင်ဆင်ဖို့ပါ” ဟု အမည်မဖော်လိုသူ အရာရှိက ပြောသည်။

ကုလသမဂ္ဂ အရာရှိများကို ဆက်သွယ်မေးမြန်းရာ ခရီးစဉ်နှင့်ပတ်သက်ပြီး လောလောဆယ်တွင် အတည်ပြု၍ မရသေးဟု ဆိုသည်။ အခြားသော သတင်းရပ်ကွက်များကတော့ မစ္စတာဂန်ဘာရီ၏ ခရီးစဉ်ကို စီစဉ်ထားပြီးပြီဖြစ်ကာ သတ်မှတ်ချိန်အတိုင်း သွားဖြစ်ရန် များပါသည်ဟု ဆိုသည်။ ရန်ကုန်ရှိ သံတမန်အများက မဇ္ဈိမကို ပြောကြားရာတွင် ခရီးစဉ်ကို အတည်ပြု၍ မရနိုင်သေးသော်လည်း ယခုသတင်းပတ်အကုန်တွင် ကုလကိုယ်စားလှယ် လည်ပတ်နိုင်လိမ့်မည်ဟု မျှော်လင့်ထားသည်ဟု ဆိုသည်။

“တကယ်လို့များ ဘန်ကီမွန်း မြန်မာနိုင်ငံကို ဇူလိုင်လမှာ လာမယ်ဆိုရင် သူ့ရဲ့ အထူးကိုယ်စားလှယ် ဂမ်ဘာရီဟာ ခရီးစဉ်နဲ့ ပတ်သက်ပြီး ပြင်ဆင်မှု လုပ်ရမှာပဲလေ” ဟု ရန်ကုန်ရှိ အမည်မဖော်လိုသူ အနောက်တိုင်း သံတမန်တဦးက မဇ္ဈိမကို ပြောသည်။

ဘန်ကီမွန်း၏ ဂျပန်နိုင်ငံ တိုကျိုမြို့ ခရီးစဉ်အပြီးတွင် မြန်မာနိုင်ငံသို့ လာရောက်လည်ပတ်နိုင်ကြောင်းနှင့် ဇွန်လ ၃ဝ ရက်နေ့မှသည် ဇူလိုင်လ ၂ ရက်နေ့အထိ ကြာမြင့်နိုင်ကြောင်း အာရှ သံတမန်သတင်းရပ်ကွက်က ယုံကြည်နေကြသည်။ မစ္စတာ ဘန်ကီမွန်း၏ ခရီးစဉ်အသေးစိတ်ကို မပြောနိုင်သော်လည်း မြန်မာနိုင်ငံသို့ လည်ပတ်ရေးမှာ ဖြစ်နိုင်ခြေရှိကြောင်း ကုလသမဂ္ဂ ပြောရေးဆိုခွင့်ရှိသူ မစ်ချယ် မွန်တက်စ်က နယူးယောက်တွင် သောကြာနေ့က သတင်းစာဆရာများကို ပြောကြားခဲ့သည်။
[ ဆက်ဖတ်ရန် +/- ]

အထွေထွေ အတွင်းရေးမှူးချုပ်အနေဖြင့် စိတ်ပိုင်းဖြတ်မှု မပြုရသေးကြောင်းသာ ကုလသမဂ္ဂ အရာရှိများက လူသိရှင်ကြား ပြောကြားမည် ဖြစ်သည်။ သို့သော်လည်း ဘန်ကီမွန်းအနေဖြင့် သွားရောက်ရန် ဆန္ဒပြင်းပြနေသည်ဟု သူနှင့် အဆက်အသွယ်ရှိသူ သံတမန်အများက မဇ္ဈိမကို ပြောသည်။ မြန်မာနိုင်ငံသို့ ဇူလိုင်လအတွင်း လာရောက်ပါရန် ကုလအကြီးအကဲကို ဖိတ်ကြားထားသော်လည်း ဖိတ်စာကို အကြောင်းပြန်ကြားချက် မရသေးကြောင်း မြန်မာအစိုးရ အရာရှိများက ပြောသည်။

မစ္စတာ ဘန်ကီမွန်းအနေဖြင့် စစ်အစိုးရအကြီးအကဲ ဗိုလ်ချုပ်မှူးကြီး သန်းရွှေအား အကြောင်းပြန်ကြားချက်စာကို ကုလသံတမန်ဖြင့် ပေးအပ်လိုက်ဖွယ်ရှိသည်ဟု မျှော်လင့်ရသည်။ ယခင်အကြိမ်များကဲ့သို့ပင် စစ်အစိုးရ ခေါင်းဆောင်က မစ္စတာ ဂမ်ဘာရီကို တွေ့ဆုံခြင်း မပြုဘဲ နေမှာလား၊ တွေ့ဆုံမည်လား ဆိုသည်ကို ရှင်းလင်းစွာ မသိရသေးပါ။

ထိပ်တန်း စစ်ဗိုလ်ချုပ်ကြီးများထံမှ တစုံတရာ ကမ်းလှမ်းမှု မရနိုင်လျှင် ကုလအကြီးအကဲအနေဖြင့် မြန်မာနိုင်ငံသို့ သွားရောက်မှာ မဟုတ်ပေ။ မစ္စတာ ဂမ်ဘာရီ၏ ခရီးစဉ်အတွင်း အထွေထွေ အတွင်းရေးမှူးချုပ် မျှော်လင့်ထားသည်များကို ရှင်းလင်းပြောကြားသွားဖွယ် ရှိသည်ဟု ရန်ကုန်ရှိ သံတမန်များက ယုံကြည်နေကြသည်။

နယူးယောက်ရှိ ကုလ ရုံးချုပ်တွင် မစ္စတာ ဘန်ကီမွန်းက စာနယ်ဇင်းသမားများကို ပြောကြားခဲ့ရာ၌ “ကျနော် မကြာခဏ ပြောခဲ့သလို သင့်တင့်လျောက်ပတ်တဲ့ အချိန်ဖြစ်ပြီး အခြေအနေကလည်း ပေးမယ်ဆိုရင် မြန်မာနိုင်ငံကို သွားဖို့ အဆင့်သင့်ပါပဲ။ အခု အဲဒါ လုပ်နေတာ” ဟု သူက ဆိုခဲ့သည်။

နာဂစ်မုန်တိုင်း ဖြစ်ပြီးခါစ ၂ဝဝ၈ ခုနှစ် မေလ နှောင်းပိုင်းတွင် မစ္စတာ ဘန်ကီမွန်းသည် မြန်မာနိုင်ငံသို့ သွားရောက်ခဲ့ပြီး မုန်တိုင်းဒဏ်သင့်သူများအတွက် အကူအညီပေးရေးနှင့် ပြန်လည်ထူထောင်ရေးအတွက် အရေးပါသော အလှူအတန်းများ ရရှိစေရန် ရန်ကုန်တွင် ပြုလုပ်သော အလှူရှင်များ အစည်းအဝေး၌ ဥက္ကဋ္ဌအဖြစ် ဆောင်ရွက်ခဲ့သည်။

ကုလ အထွေထွေ အတွင်းရေးမှူးချုပ်၏ ခရီးစဉ်အတွင်း ဗိုလ်ချုပ်မှူးကြီးသန်းရွှေနှင့် တနာရီကြာ တွေ့ဆုံခဲ့ပြီး၊ တရင်းတနှီး ဆွေးနွေးခဲ့သည်ဟု မြန်မာစစ်တပ် သတင်းရပ်ကွက်က ပြောသည်။ တရားဝင် ထုတ်ပြန်ချက်တွင်မူ ခရီးစဉ်မတိုင်မီ ချမှတ်ထားခဲ့သည့်အတိုင်း လူသားချင်း စာနာထောက်ထားမှုဆိုင်ရာ အကြောင်းကိစ္စရပ်များကိုသာ ဆွေးနွေးခဲ့သည်ဟု မစ္စတာ ဘန်ကီမွန်းက ဆိုသည်။

သို့သော်လည်း ဆွေးနွေးမှုအတွင်း နိုင်ငံ၏ ဒီမိုကရေစီသို့သွားရာ လမ်းပြမြေပုံအပေါ် မစ္စတာ ဘန်ကီမွန်း၏ အမြင်ကို ဗိုလ်ချုပ်မှူးကြီးသန်းရွှေက မေးမြန်းခဲ့သည်ဟု သိရသည်။ အထွေထွေ အတွင်းရေးမှူးချုပ်က အခွင့်အလမ်းကို လက်လွှတ်မခံဘဲ အမျိုးသား ပြန်လည်သင့်မြတ်ရေး လုပ်ဆောင်ရာတွင် ပွင့်လင်းမြင်သာမှု ရရှိရန်နှင့် အမျိုးသား ဒီမိုကရေစီအဖွဲ့ချုပ်ကို ၂ဝ၁ဝ ခုနှစ် ရွေးကောက်ပွဲ၌ ပါဝင်ယှဉ်ပြိုင်စေခြင်းဖြင့် ယုံကြည်ကိုးစားမှု ရရှိစေရန် လုပ်ဆောင်သင့်သည်ဟု ပြောဆိုခဲ့သည်။

ထို့အပြင် ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားများ ပြန်လည်လွှတ်ပေးရန်လည်း သူက ဗိုလ်ချုပ်မှူးကြီးသန်းရွှေကို ပြောကြားခဲ့သည်ဟု မစ္စတာ ဘန်ကီမွန်းနှင့် နီးစပ်သူ ကုလ အရာရှိများ အပြောအရ သိရသည်။

ဆွေးနွေးပွဲ၌ ပါဝင်တက်ရောက်ခွင့် ရရှိသူတဦး အပြောအရ ဆွေးနွေးမှု အဆုံးသတ်ခါနီးတွင် ဗိုလ်ချုပ်မှူးကြီးသန်းရွှေက သူ၏ ပေါင်ကိုပုတ်လိုက်ပြီး နိုင်ငံခြားသားနှင့် ဆွေးနွေးမှုများတွင် ယခုတခါသည် အကောင်းဆုံး ဖြစ်သည်ဟု ပြောကြားခဲ့ကြောင်း သိရသည်။ မေလတုန်းက နှစ်ဦးသား အမြင်ချင်း ဖလှယ်နိုင်ခဲ့သလို ကောင်းမွန်သော ဆက်ဆံရေး ထူထောင်နိုင်လိမ့်မည်ဟု မစ္စတာ ဘန်ကီမွန်းက မျှော်လင့်နေသည်။

မစ္စတာ ဘန် အနေဖြင့် အဓိကကျသော အကြောင်းကိစ္စရပ်များကို ရှင်းလင်းစွာ ပြောကြားခဲ့ပြီး ဖြစ်သည်။ “ဒီမိုကရေစီ ထွန်းကားရေး မြှင့်တင်လုပ်ဆောင်ခြင်း၊ ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားများ လွတ်မြောက်ရေး” သည် သူ၏ ဦးစားပေးကိစ္စဖြစ်ကြောင်းနှင့် နောင်တွင်လည်း ဦးစားပေး လုပ်ငန်းများ ဖြစ်နေလိမ့်မည်ဟု မစ္စတာ ဘန်က စာနယ်ဇင်းများကို မကြာသေးခင်က ပြောကြားခဲ့သည်။

မစ္စတာ ဘန်နှင့် မစ္စတာ ဂမ်ဘာရီတို့ နှစ်ဦးလုံး ပြုလုပ်နေဆဲဖြစ်သော အတိုက်အခံခေါင်းဆောင် ဒေါ်အောင်ဆန်းစုကြည်၏ တရားခွင်သို့ တက်ရောက်နားထောင်ဖွယ် ရှိနေသည်။ အမေရိကန် နိုင်ငံသားတဦးက ရေကူး၍ သူ၏ နေအိမ်ဝင်းအတွင်း တိတ်တဆိတ် ဝင်ရောက်ခဲ့ခြင်းကို အစားအသောက်များ ကျွေးမွေးပြီး နေအိမ်တွင်း ဝင်ခွင့်ပြုမှုကြောင့် နေအိမ်အကျယ်ချုပ် ကာလအတွင်း စည်းကမ်းချိုးဖောက်သည်ဟု စွဲဆိုခံထားရသော ဒေါ်အောင်ဆန်းစုကြည်၏ တရားခွင်ကို သောကြာနေ့ ရုံးချိန်းပေးထားသည်။ ကျူးလွန်ကြောင်း ထင်ရှားလျှင် ၅ နှစ်အထိ ထောင်ဒဏ် အပြစ်ပေးခံရမည် ဖြစ်သည်။

မစ္စတာ ဘန်ကီမွန်း၏ ဂျပန်ခရီးစဉ်အပြီး မြန်မာနိုင်ငံသို့ သွားရောက်မှု ရှိ မရှိ နှင့် သူမ၏ ကံကြမ္မာက ဆက်စပ်နေသည်။ မစ္စတာ ဂမ်ဘာရီသည် စစ်ခေါင်းဆောင်များနှင့် ယခုအကြောင်းကို ဆွေးနွေးရန် မျှော်လင့်ထားသည်။

ထို့အပြင် ၁၉၉ဝ ပြည့်နှစ်ကစလျှင် ပထမဆုံးအကြိမ် ဖြစ်လာမည့် နောင်နှစ်တွင် ပြုလုပ်ရန် လျာထားသော အထွေထွေ ရွေးကောက်ပွဲနှင့် ပတ်သက်၍လည်း ပြောဆိုကြဖွယ် ရှိသည်။ စစ်အစိုးရက ရွေးကောက်ပွဲ ဥပဒေကို မစ္စတာ ဂမ်ဘာရီကို ပြသဖွယ်လည်း ရှိသည်။ “လအတန်ကြာ ရေးဆွဲခဲ့တဲ့ ဒီဥပဒေကို ဂမ်ဘာရီကို ပထမဆုံး ပြမယ်လို့ ထင်တယ်” ဟု ရန်ကုန်ရှိ အနောက်တိုင်း သံတမန်တဦးက ပြောသည်။

မြန်မာနိုင်ငံသို့ အလည်အပတ် သွားရောက်အပြီး မစ္စတာ ဂမ်ဘာရီသည် တိုကျိုသို့ သွားရောက်ကာ စစ်အစိုးရ၏ တုံ့ပြန်ပြောကြားချက်ကို ကုလအကြီးအကဲထံ သယ်ဆောင်သွားမည်ဟု ကုလ အတွင်းလူများ အပြောအရ သိရသည်။ ( မဇ္စျိမ )

Monday, June 22, 2009

ဒေါ်အောင်ဆန်းစုကြည် မွေးနေ့အခမ်းအနား ( ကိုရီးယား )



21.6.2009 Daw Suu Birthday News[1]
သတင်းနှင့်ပြန်ကြားရေး
အမျိုးသားဒီမိုကရေစီအဖွဲ့ချုပ်
လွတ်မြောက်နယ်မြေ
ကိုရီးယားဌာနခွဲ

Saturday, June 20, 2009

စစ်အစိုးရကို အရေးယူပိတ်ဆို့မှု တိုးမြှင့်ဖို့ အီးယူ ဆုံးဖြတ်

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ မွေးနေ့မှာပဲ အီးယူ ဥရောပ
အဖွဲ့ဝင် နိုင်ငံတွေက မြန်မာနိုင်ငံအပေါ် ပိတ်ဆို့အရေးယူမှုတွေ ပိုတိုးပြီး ဆောင်ရွက်
သွားမယ်လို့ ကြေညာပါတယ်။ အီးယူ ဥရောပနိုင်ငံတွေအနေနဲ့ မြန်မာနိုင်ငံအပေါ်
ပြီးခဲ့တဲ့ ၂၀၀၇ ခုနှစ် ရွှေဝါရောင်တော်လှန်ရေးခေါ် သံဃာ့လှုပ်ရှားမှုအပြီး တိုးပြီး
ချမှတ်ထားတဲ့ အရေးယူပိတ်ဆို့မှုတွေကို နောက်တဆင့် တိုးမြှင့်သွားမယ်လို့ ပြောဆို
သွားတာပါ။ အပြည့်အစုံကို ကိုသိန်းထိုက်ဦးက တင်ပြပေးထားပါတယ်။

ဒေါ်အောင်ဆန်းစုကြည်ရဲ့ ၆၄ နှစ်မြောက်မွေးနေ့ကို ဂုဏ်ပြုပြီး ပထမစာပိုဒ်မှာ
စကားလုံး ၆၄ လုံးနဲ့ မနေ့က အီးယူ ဥရောပသမဂ္ဂက ကြေညာချက် ထုတ်ပြန်ခဲ့တာပါ။
မြန်မာစစ်အစိုးရ ခေါင်းဆောင်တွေကို ပစ်မှတ်ထားတဲ့ နောက်ထပ် ပိုပြီးပြင်းထန်တဲ့
အရေးယူပိတ်ဆို့မှုတွေ ပြဋ္ဌာန်းသွားမယ်လို့ ကြေညာချက်ထဲမှာ ဖော်ပြထားသလို
ဒေါ်အောင်ဆန်းစုကြည်ကို မလွှတ်ဘူးဆိုရင် စစ်အစိုးရကျင်းပမယ့် ၂၀၁၀
ရွေးကောက်ပွဲအပေါ် လူအများ လက်ခံနိုင်ခြေလည်း ထပ်ပြီး ဆုတ်ယုတ်သွားလိမ့်
မယ်လို့ ပါရှိပါတယ်။

မနေ့က ဘယ်လ်ဂျီယံနိုင်ငံ ဘရပ်ဆဲလ်မှာ ကျင်းပတဲ့ သတင်းစာရှင်းလင်းပွဲမှာ ဗြိတိန်
ဝန်ကြီးချုပ် ဂေါ်ဒွန် ဘရောင်း (Gordon Brown) က မြန်မာစစ်အစိုးရက
ဒေါ်အောင်ဆန်းစုကြည်အပေါ် အခြေအမြစ်မရှိ မလိုမုန်းထား လုပ်ကြံတရားစွဲဆိုနေ
တာဟာ စိတ်မကောင်းစရာဖြစ်တယ်လို့ ပြောဆိုသွားပါတယ်။
[ ဆက်ဖတ်ရန် +/- ]

“သူမဟာ ကျနော်အပါအ၀င် ဒီမိုကရေစီနဲ့ လူ့အခွင့်အရေးနဲ့ ပိုမိုကောင်းမွန်မျှတတဲ့
ကမ္ဘာကို ဖန်တီးဖို့ ကြိုးစားနေသူတွေအတွက် ရှေ့ဆောင်လမ်းပြပါ။ အခုဆိုရင် မြန်မာ
စစ်အစိုးရအပေါ် ပိုပြီးပစ်မှတ်ထားတဲ့ အရေးယူပိတ်ဆို့မှုတွေ ထပ်တိုးဖို့ ဥရောပနိုင်ငံ
တွေက ဒီနေ့ သဘောတူလိုက်ပါပြီ။ မြန်မာစစ်အစိုးရအနေနဲ့ ဒီလို သူတို့လုပ်ရပ်
အတွက် အကျိုးဆက်တွေ ရင်ဆိုင်ရမယ်ဆိုတာ သိရပါလိမ့်မယ်။”

မြန်မာစစ်အစိုးရအပေါ် အာရှနိုင်ငံတွေနဲ့ လက်တွဲပြီး ပိုပြီး ဖိအားပေးသွားမယ်လို့
လည်း ဗြိတိန်ဝန်ကြီးချုပ် ဂေါ်ဒွန် ဘရောင်းက ပြောဆိုပါတယ်။ မကြာခင်မှာ
ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) လည်း မြန်မာနိုင်ငံကို
သွားနိုင်မယ်လို့ မျှော်လင့်တဲ့အကြောင်း ပြောဆိုသွားပါတယ်။

အီးယူ ဥရောပနိုင်ငံတွေအနေနဲ့ ဒေါ်အောင်ဆန်းစုကြည်နဲ့ ပတ်သက်ပြီး အလေးအနက်
ထားတယ်ဆိုတာကို ထပ်မံထုတ်ဖော်သွားတဲ့သူကတော့ ဥရောပကော်မရှင်ရဲ့ ဥက္ကဋ္ဌ
ဟိုဆေး မန်နူယယ် ဘာရိုဆို (Jose Manuel Barroso) ပါ။ သူက စစ်အစိုးရက
ဒေါ်အောင်ဆန်းစုကြည်ကို ချုပ်နှောင်ထားတာ ရက် ၂,၂၀၉ ရက် ရှိနေပြီလို့ အခုလို
ပြောပါတယ်။

“ဒီကနေ့ဟာ ထူးခြားတဲ့ အမျိုးသမီးတဦးဖြစ်တဲ့ ဒေါ်အောင်ဆန်းစုကြည်ရဲ့ မွေးနေ့ပါ။
ပြီးတော့ ဒီနေ့ဟာ ၂၀၀၃ ခုနှစ်ကနေ စတွက်ရင် သူ့ရဲ့ ၂,၂၀၉ ရက်မြောက် အကျဉ်းကျ
ခံနေရတဲ့နေ့လည်း ဖြစ်ပါတယ်။ သူပေးတဲ့ သတင်းစကားနဲ့ သူ့ရဲ့ အတွေးအမြင်တွေဟာ
ဘယ်တော့မှ တိတ်ဆိတ်နေမှာ မဟုတ်ပါဘူး။ ဥရောပမှာရှိတဲ့ ကျနော်တို့အားလုံးရဲ့
ဆန္ဒကတော့ ဒေါ်အောင်ဆန်းစုကြည်နဲ့ မြန်မာပြည်က နိုင်ငံရေးအကျဉ်းသားတွေ
အားလုံး လွတ်မြောက်ရေးပါပဲ။”

မြန်မာစစ်အစိုးရဘက်ကတော့ ဥရောပအဖွဲ့ဝင်နိုင်ငံတွေဟာ မြန်မာနိုင်ငံရဲ့ ပြည်တွင်း
ရေးကို ၀င်ရောက်စွက်ဖက်နေတယ်၊ ဒေါ်အောင်ဆန်းစုကြည်ကို တရားစွဲဆိုတာဟာ
ပြည်တွင်းရေးသာဖြစ်တယ်လို့ တုံ့ပြန်ထားတာပါ။ ဂျာမန်နိုင်ငံခြားရေးဝန်ကြီး ဖရန့်ခ်-
ဝေါ်လ်တာ စတိန်းမေယာ (Frank-Walter Steinmeier) ကလည်း မနေ့က သတင်းစာ
ရှင်းလင်းပွဲမှာ အခုလို ပြောသွားပါတယ်။

“မြန်မာပြည်အတွက်ဆိုရင် ဒီကနေ့မှာ ကျနော်တို့ အဓိကထား စဉ်းစားနေတာကတော့
ဒေါ်အောင်ဆန်းစုကြည်နဲ့ မြန်မာပြည် ဒီမိုကရေစီရရှိရေးအတွက် ရဲရဲဝံ့ဝံ့ တိုက်ပွဲဝင်နေ
ကြသူတွေရဲ့ အကြောင်းတွေပါပဲ။ ဒေါ်စုဟာ သူ့ရဲ့ ၆၄ နှစ်ပြည့်မွေးနေ့ကို အကျဉ်း
ထောင်ထဲမှာ ဖြတ်သန်းနေရပါတယ်။ ကျနော်တို့ရဲ့ တောင်းဆိုချက်ကတော့ ဒေါ်စုကို
ချက်ချင်းလွှတ်ပေးဖို့ပါ။ ဒေါ်အောင်ဆန်းစုကြည်ကို ပြန်လွှတ်ပေးမှသာ မြန်မာပြည်မှာ
ရွေးကောက်ပွဲတွေ ပြန်ကျင်းပနိုင်လိမ့်မယ်လို့ ကျနော်တို့က ထင်ပါတယ်။”

ဒီလို အီးယူဘက်က ဖိအားပေးမှုတွေကို တုံ့ပြန်ဖို့ မြန်မာစစ်အစိုးရဘက်ကတော့ အာရှ
ဒေသတွင်း၊ အာဆီယံနိုင်ငံတွေကြားမှာ သံတမန်ရေးအရ တိတ်တဆိတ် ချဉ်းကပ်နေ
တယ်ဆိုတဲ့ ရန်ကုန် နိုင်ငံရေးသတင်းရပ်ကွက်ရဲ့ သတင်းတွေလည်း ထွက်နေပါတယ်။
ဒေါ်အောင်ဆန်းစုကြည်ကို စီရင်ချက်မချခင် စစ်အစိုးရဘက်က ၀န်ကြီးတချို့နဲ့ အရာရှိ
တချို့ အာရှဒေသတွင်း နိုင်ငံတွေကို လွှတ်ဖို့ စီစဉ်နေတယ်ဆိုတဲ့ သတင်းပါ။

မနေ့က အီးယူကထုတ်တဲ့ ကြေညာချက်မှာတော့ မြန်မာပြည်ရဲ့ နိုင်ငံရေးဖြစ်စဉ်တွေမှာ
အားလုံးပါဝင်ဖို့နဲ့ လွတ်လပ် တရားမျှတဖို့ မြန်မာ့အိမ်နီးချင်းနိုင်ငံတွေ တောင်းဆိုခဲ့တာ
တွေကို ကြိုဆိုတဲ့အကြောင်း ဖော်ပြထားပါတယ်။ ဒါ့အပြင် မကြာခင် ကုလသမဂ္ဂ
အတွင်းရေးမှူးချုပ် မြန်မာနိုင်ငံကို သွားနိုင်ဖို့အတွက်လည်း ထောက်ခံကြိုဆိုတဲ့
အကြောင်း အီးယူရဲ့ ကြေညာချက်မှာ ဖော်ပြထားပါတယ်။ ( ဗွီအိုအေ )

ဒေါ်အောင်ဆန်းစုကြည် မွေးနေ့မှာ မြန်မာ့အရေး ဆောင်ရွက်နေတဲ့ ဂျပန်လွှတ်တော် အမတ်များ သမဂ္ဂမှ ဒီမိုကရေစီ နဲ့ ငြိမ်းချမ်းရေးဆု ပေးအပ်ပွဲ ဓာတ်ပုံ မှတ်တမ်း

ဒေါ်အောင်ဆန်းစုကြည်ရဲ့ မွေးနေ့မှာ မြန်မာ့အရေး ဆောင်ရွက်နေတဲ့ ဂျပန်လွှတ်တော် အမတ်များ သမဂ္ဂမှ ဒီမိုကရေစီ နဲ့ငြိမ်းချမ်းရေးဆုကို ပေးအပ်ပါတယ်။ လက်ရှိ ဂျပန် လွှတ်တော်ရေးရာ ကော်မတီရဲ ဥက္ကဋ္ဌ လည်းဖြစ်ပြီး၊လက်ရှိ အာဏာရ ပါတီရဲ့လွှတ်တော် မြန်မာ့အရေး ဆောင်ရွက်နေတဲ့ ဂျပန်လွှတ်တော် အမတ်များ သမဂ္ဂ ရဲ့ ဥက္ကဋ္ဌ မစ္စတာ TADAMORI OSHIMA မှ ဆုကိုပေးအပ်ပြီး
အမျိုးသားဒီမိုကရေစီအဖွဲ့ချုပ် လွတ်မြောက် နယ်မြေ ဂျပန်ဋ္ဌာနခွဲမှ ဥက္ကဋ္ဌ ဦးသန့်ဇင်ဦးမှ ကိုယ်စား လက်ခံရပါတယ်..။မြန်မာ့အရေး ဆောင်ရွက်နေတဲ့ ဂျပန် လွှတ်တော် အမတ်များ သမဂ္ဂ မှာ ပါတီပေါင်းစုံမှ လွှတ်တော်အမတ်များ ပါဝင်ပါသည် ။ အမျိုးသားဒီမိုကရေစီအဖွဲ့ချုပ် လွတ်မြောက် နယ်မြေ ဂျပန်ဋ္ဌာနခွဲမှ ဥက္ကဋ္ဌ ဦးသန့်ဇင်ဦးမှ ဒေါ်အောင်ဆန်းစုကြည်ရဲ့ ကိုယ်ရေးအကျဉ်းနဲ့ လှုပ်ရှားမှု ဆိုင်ရာ ဓာတ်ပုံများကို ပေးအပ်ရာ ဥက္ကဋ္ဌ မစ္စတာ TADAMORI OSHIMA မှဝမ်းမြောက်စွာ လက်ခံရယူပါသည်။ဆုပေးအပ်ပွဲ အခမ်းအနားသို့ ဂျပန် လွှတ်တော် အမတ်များ၊ဂျပန်နိုင်ငံရောက် မြန်မာ့ဒီမိုကရေစီ အရေးဆောင်ရွက်နေတဲ့ အဖွဲ့အစည်း အသီးသီးမှ တာဝန်ခံများ တက်ရောက်ကြပါသည်။...။ သတင်း...။ဒီမိုဝေယံ......


သတင်း၊ ဓာတ်ပုံ။....။ဦးသောင်းမြင့်ဦး အတွင်းရေးမှုး NLD (LA)JB
ဦးသာဇော်မောင်မောင် အတွင်းရေးမှုး ၂ NLD (LA)JB

ဂျပန်နိုင်ငံရှိ U N ရှေ့ အမေစုမွေးနေ့ ဆုတောင်းပွဲ အခမ်းအနား

ဂျပန်နိုင်ငံရှိ U N ရှေ့ အန်တီစုမွေးနေ့ ဆုတောင်းပွဲ အခမ်းအနား ကို ညနေ ၄း၃ဝ မှ ၆း၃ဝ အထိပြုလုပ်ခဲ့ရာ လူအင်အား ၂၀၀ ခန့်တက်ရောက်ကာ ဆုတောင်း မေတ္တာများ ပို့သခဲ့ပါသည်။
အဆိုပါ အခမ်းအနားသို့ ဂျပန်ပြည်သို့ သာသနာပြုကြွ ရောက်နေသော မြန်မာဘုန်းတော်ကြီးများ၊ အခြားဘာသာရေး အသင်းအဖွဲ့အသီးသီးမှ ခေါင်းဆောင်များ တက်ရောက်ကာ မွေးနေ့ရှင် ဒေါ်အောင်ဆန်းစုကြည် အတွက် မေတ္တာပေး တရားများချီးမြှင့်ပေးခဲ့ပါသည်။
ထို့နောက် လွတ်လပ်ခြင်း အတိက်ကိုဆောင်သော ငှက်များကိုပေးခဲ့ပါသည်။ အဖွဲ့အစည်း အသီးသီးမှ ခေါင်းဆောင်များမှ အမှာစကားများပြောကြား ပေးခဲ့ပါသည်။ အဆိုပါအခမ်းအနားတွင် မိုးသောက်ကြယ် အဖွဲ့မှ FREEDOM သီချင်းကိုသီဆို ပေးခဲ့ကြောင်းသိရပါသည်။
သတင်းနှင့် ဓါတ်ပုံ-ကိုထွန်းလွင် FWUBC၊ ကိုစိုးအောင်ဝင်း NLD LA JB

ဒေါ်အောင်ဆန်းစုကြည် မွေးနေ့တွင် ကိုရီးယားလွှတ်တော်အတွင်း သတင်းစာရှင်းလင်းပွဲ ပြုလုပ်



19.6.2009__Assembly[1]
သတင်းနှင့်ပြန်ကြားရေး
အမျိုးသားဒီမိုကရေစီအဖွဲ့ချုပ်
လွတ်မြောက်နယ်မြေ
ကိုရီးယားဌာနခွဲ

Friday, June 19, 2009

ဒေါ်အောင်ဆန်းစုကြည် မွေးနေ့အထိမ်းအမှတ် စစ်သံရုံးရှေ့ ဆန္ဒပြပွဲ ( ကိုရီးယား )


သတင်းနှင့်ပြန်ကြားရေး
အမျိုးသားဒီမိုကရေစီအဖွဲ့ချုပ်
လွတ်မြောက်နယ်မြေ
ကိုရီးယားဌာနခွဲ

ဒေါ်အောင်ဆန်းစုကြည် မွေးနေ့ အလှူတော် ( ကိုရီးယား )


သတင်းနှင့်ပြန်ကြားရေး
အမျိုးသားဒီမိုကရေစီအဖွဲ့ချုပ်
လွတ်မြောက်နယ်မြေ
ကိုရီးယားဌာနခွဲ

ဒေါ်အောင်ဆန်းစုကြည် မွေးနေ့အတွက် ကိုရီးယားဘုန်းတော်ကြီး လင်ယောင်ဒန် ကဆုတောင်းမေတ္တာပို့သပေး


သတင်းနှင့်ပြန်ကြားရေး
အမျိုးသားဒီမိုကရေစီအဖွဲ့ချုပ်
လွတ်မြောက်နယ်မြေ
ကိုရီးယားဌာနခွဲ

မြန်မာ့ဒီမိုကရေစီ အင်အားစုတွေ ဘန်ကီမွန်းနဲ့ တွေ့ခွင့်ရဖို့ မျှော်လင့်

မကြာခင် မြန်မာနိုင်ငံသွားရောက်ဖို့ ရှိနေတဲ့ ကုလသမဂ္ဂ အတွင်းရေးမှူးချုပ် မစ္စတာ
ဘန်ကီမွန်း (Mr. Ban Ki-moon) ရဲ့ ခရီးစဉ်ဟာ မြန်မာနိုင်ငံက မပြေလည်နိုင်သေးတဲ့
နိုင်ငံရေးပြဿနာတွေအတွက် အထောက်အကူ ဖြစ်စေလိမ့်မယ်လို့ မျှော်လင့်ကြောင်း
အတိုက်အခံ နိုင်ငံရေးအင်အားစုတွေက ပြောပါတယ်။ ဒါပေမယ့်လည်း ဒီလို အကျိုး
ရလဒ်တွေ ထွက်ပေါ်နိုင်မယ့် ခရီးစဉ်ဖြစ်ဖို့အတွက်ကတော့ တရားစွဲဆိုခံနေရတဲ့
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၊ မြန်မာစစ်အစိုးရခေါင်းဆောင်
တွေ အပါအ၀င် သက်ဆိုင်သူအားလုံးနဲ့ ကျယ်ကျယ်ပြန့်ပြန့် တွေ့ဆုံမှ ဖြစ်မယ်လို့လည်း
ယုံကြည်ထားကြပါတယ်။ အကြောင်းစုံကို ကိုအောင်လွင်ဦးက တင်ပြပေးထားပါတယ်။

ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်း မကြာခင် မြန်မာနိုင်ငံသွားမယ်
ဆိုတဲ့ သတင်းတွေ ထွက်ပေါ်လာတာနဲ့အမျှ ဒီခရီးစဉ်ကနေ မြန်မာနိုင်ငံက နိုင်ငံရေး
ပြဿနာတွေအတွက် တစုံတရာ အထောက်အကူ ဖြစ်လာလေမလား မြန်မာ့နိုင်ငံရေး
အသိုင်းအ၀န်းက မျှော်လင့်နေကြတာပါ။ မြန်မာနိုင်ငံက အဓိက အတိုက်အခံ နိုင်ငံရေး
ပါတီကြီးတခုဖြစ်တဲ့ အမျိုးသားဒီမိုကရေစီအဖွဲ့ချုပ် (အန်န်အယ်လ်ဒီ) ပါတီ ဗဟို
ကော်မတီဝင်တဦးဖြစ်တဲ့ ဦးခင်မောင်ဆွေကတော့ မြန်မာ့နိုင်ငံရေး အကျပ်အတည်း
တွေနဲ့ ပတ်သက်လို့ ဆွေးနွေးပြောဆိုဖို့ ကမ္ဘာ့အကြီးအကဲတယောက် မြန်မာနိုင်ငံကို
လာမယ်ဆိုတာဟာ ကြိုဆိုစရာ၊ မျှော်လင့်စရာလို့ ဆိုပါတယ်။

“အရင့်အရင်ကလာခဲ့တဲ့ ကုလသမဂ္ဂ Special Envoy တွေ လာတဲ့အခါမှာတော့ ဘာမှ
ထူးထူးခြားခြား ပြန်ဖြစ်သွားတာတော့ မတွေ့ရဘူးပေါ့။ အဲဒီလိုအခြေအနေမျိုး ဖြစ်မယ်
ဆိုရင်တော့ မကောင်းဘူးပေါ့ဗျာ။ အခုနေအခါ မြန်မာ့နိုင်ငံရေးမှာ အင်မတန်သိမ်မွေ့
ပြီး အင်မတန် အရေးကြီးတဲ့ကာလကို ရောက်နေတာဖြစ်ပါတယ်။ လမ်းဆုံလမ်းခွကို
ရောက်နေသလို ဖြစ်ပါတယ်။ ကျနော်တို့ကတော့ ကောင်းသည်ဖြစ်စေ၊ ဆိုးသည်
ဖြစ်စေ နိုင်ငံတကာကလာပြီးတော့ ထိထိရောက်ရောက် ပါဝင်ပတ်သက်ပြီး
ဒေါ်အောင်ဆန်းစုကြည် လွတ်မြောက်ရေး အပါအ၀င် မြန်မာ့နိုင်ငံရေး ပြေလည်ဖို့
ဖြေရှင်းပေးမယ်ဆိုရင် ကျနော်တို့အနေနဲ့တော့ ၀မ်းမြောက်ဝမ်းသာ ကြိုဆိုမှာပဲ
ဖြစ်ပါတယ်။”

ဒီလိုပဲ တိုင်းရင်းသား နိုင်ငံရေးခေါင်းဆောင်တဦးဖြစ်တဲ့ ဦးအေးသာအောင်ကလည်း
အတွင်းရေးမှူးချုပ်ရဲ့ ခရီးစဉ်က မြန်မာ့နိုင်ငံရေး တိုးတက်ဖို့အတွက် အထောက်အကူ
ဖြစ်စေနိုင်ပေမယ့်လို့ ပြဿနာတွေ ပြေလည်စေဖို့က ကုလသမဂ္ဂ တခုတည်းကို
အားကိုးလို့ မရနိုင်ဘူးလို့လည်း ယူဆထားတာပါ။

“ဘန်ကီမွန်းကိုယ်တိုင် လာတာကတော့ ဘယ်လိုပဲဖြစ်ဖြစ် မြန်မာပြည်ရဲ့ အကျပ်
အတည်းဖြစ်နေတဲ့ နိုင်ငံရေးပြဿနာတွေကို ထဲထဲဝင်ဝင် အတိုင်းအတာ တစုံတခု
အထိ သိသွားနိုင်တယ်၊ ဒီက တွေ့သင့်တွေ့ထိုက်တဲ့လူတွေနဲ့ တွေ့ပြီးတော့ ဆွေးနွေး
နိုင်တယ်ဆိုရင်တော့ ဒါ ကုလသမဂ္ဂအနေနဲ့လည်း ရှေ့ကို ဆက်လုပ်နိုင်မယ့် အတိုင်း
အတာတွေကို စဉ်းစားသုံးသပ်လို့ ရလိမ့်မယ်လို့ ထင်ပါတယ်။ ဒါပေမယ့် ဘန်ကီမွန်း
လာရုံနဲ့ပဲဖြစ်ဖြစ်၊ ကုလသမဂ္ဂက ၀င်ပြီးတော့ ဆောင်ရွက်ရုံနဲ့ပဲဖြစ်ဖြစ် မြန်မာနိုင်ငံရဲ့
နိုင်ငံရေးပြဿနာကို ပြီးပြည့်စုံတဲ့ ဖြေရှင်းမှုတခု ရမယ်လို့တော့ အန်ကယ့်အနေနဲ့
မယုံသလို မြန်မာပြည်မှာရှိတဲ့ နိုင်ငံရေးသမား တော်တော်များများကလည်း ဒီလိုတော့
ယုံကြည်မှု မရှိပါဘူး။”

ဒီလို မျှော်လင့်ချက်တွေရှိနေတဲ့ တချိန်တည်းမှာ ဒီခရီးစဉ်ကနေ မယ်မယ်ရရ အကျိုး
ရလဒ် ထွက်ပေါ်မလာမှာကိုလည်း အတွင်းရေးမှူးချုပ်ကိုယ်တိုင်က စိုးရိမ်မကင်း
ဖြစ်တာတွေ ရှိနေတယ်ဆိုပြီး သံတမန်အသိုင်းအ၀န်းကို ကိုးကားပြီး သတင်းတွေက
ဖော်ပြနေကြပါတယ်။ အန်န်အယ်လ်ဒီ ဗဟိုကော်မတီဝင် ဦးခင်မောင်ဆွေရဲ့
သဘောထားကတော့…

“သူ့ရဲ့ အရင်တုန်းက ထုတ်ပြန်ထားတဲ့ ကြေညာချက်တွေအရဆိုရင် ခိုင်ခိုင်မာမာ
အဆောက်အအုံရှိရှိနဲ့ ဖြစ်ထွန်းနိုင်မယ့် ရလဒ်မျိုး ရဖို့လိုတယ်၊ ရမှသာလျှင် သူလာချင်
တယ်လို့ ပြောထားတာ ကျနော် မှတ်မိနေပါတယ်။ အဲတော့ အခုလာမယ့်ကိစ္စကလည်း
အဲလိုရလဒ်မျိုးတွေကို မျှော်လင့်ချက်ရှိလို့သာ လာတယ်လို့ တွက်ဆလို့ရပါတယ်။
ပြီးတော့ သူတောင်းဆိုထားတဲ့၊ သူပြောထားတဲ့ အချက်အလက်တွေကို ပစ်ပယ်ပြီး
တော့ လာလိမ့်မယ်လို့ ကျနော်မထင်ပါဘူး။ အဲဒီတောင်းဆိုချက်တွေ၊ လိုလားချက်
တွေကို အထိုက်အလျောက် ယုံကြည်လောက်တဲ့ အတိုင်းအတာထိ သူရရှိထားလို့
လာတာ ဖြစ်ကောင်းဖြစ်နိုင်တယ်လို့ပဲ ဖြေရမှာဖြစ်ပါတယ်။”

တိုင်းရင်းသား နိုင်ငံရေးခေါင်းဆောင်တဦးဖြစ်တဲ့ ဦးအေးသာအောင်ကလည်း မြန်မာ
နိုင်ငံကို အတွင်းရေးမှူးချုပ်လာမယ့် ခရီးစဉ်ဟာ အနှစ်သာရရှိတဲ့ ခရီးစဉ်တခုဖြစ်ဖို့
ဆိုရင် နိုင်ငံရေးအသိုင်းအ၀န်းမှာ ပါဝင်ပတ်သက်နေသူတွေနဲ့ ကျယ်ကျယ်ပြန့်ပြန့်
တွေ့မှဖြစ်မယ်လို့ ယူဆကြောင်း ပြောပါတယ်။

“အာဏာပိုင်တွေနဲ့ တွေ့ဖို့ကတော့ အမြင့်ဆုံး အာဏာပိုင်တွေနဲ့ တွေ့ရမယ်၊ ပြီးတော့
အန်န်အယ်လ်ဒီ အဖွဲ့ချုပ် အဖွဲ့ဝင်တွေနဲ့ တွေ့ရမယ်၊ တခြား ရွေးကောက်ပွဲမှာ အနိုင်
ရခဲ့တဲ့ တိုင်းရင်းသားပါတီတွေရယ်၊ ဒီမိုကရေစီ အင်အားစုတွေကို တွေ့သင့်တယ်လို့
ကျနော့်အနေနဲ့ မြင်ပါတယ်။ ဒေါ်အောင်ဆန်းစုကြည်နဲ့လည်း တွေ့သင့်တယ်၊ အကျဉ်း
ကျနေတဲ့ နိုင်ငံရေးအကျဉ်းသားတွေထဲက ထင်ရှားတဲ့ပုဂ္ဂိုလ်များနဲ့လည်း တွေ့သင့်
တယ်၊ ပြီးတော့ အရင့်အရင်တုန်းက ကုလသမဂ္ဂ ကိုယ်စားလှယ်တွေ နောက်ပိုင်း
လာတဲ့အခါမှာ တိုင်းရင်းသား ရွေးကောက်ပွဲအနိုင်ရ ပါတီတွေနဲ့ တွေ့တာဆုံတာတွေ
မရှိခဲ့ဘူး။ ဘန်ကီမွန်းကိုယ်တိုင် လာတဲ့အခါတော့ တိုင်းရင်းသား နိုင်ငံရေးပါတီတွေနဲ့
လည်း ပြည့်ပြည့်စုံစုံ အချိန်ပေးပြီးတော့ တွေ့ဆုံသင့်တယ်လို့ ကျနော့်အနေနဲ့
သုံးသပ်ပါတယ်။”

အစောပိုင်းမှာတုန်းကတော့ အတွင်းရေးမှူးချုပ်က ဒေါ်အောင်ဆန်းစုကြည်နဲ့ နိုင်ငံရေး
အကျဉ်းသားတွေ ပြန်လွှတ်ပေးအောင် မြန်မာစစ်အစိုးရကို တိုက်တွန်းဖို့ သူ့အနေနဲ့
မြန်မာပြည်ကို သွားလိုတယ်ဆိုပြီး ပြောဆိုထားတာပါ။ ဒါကိုလည်း မြန်မာစစ်အစိုးရ
ဘက်က သဘောတူထားပြီးဖြစ်တယ်လို့လည်း ပြောဆိုထားပါတယ်။ ခရီးစဉ်ဟာ ရှေ့လ
ဇူလိုင်လဆန်းပိုင်းလောက် ဖြစ်လိမ့်မယ်လို့ သတင်းတွေထွက်ပေါ်နေပေမဲ့ သွားမယ့်
ရက်ကိုတော့ တရားဝင် တိတိကျကျ ပြောတာမျိုး မရှိသေးပါဘူး။ ( ဗွီအိုအေ )

Thursday, June 18, 2009

ကရင်တိုင်းရင်းသားလူမျိုးစုများအပေါ် နအဖ ထိုးစစ်ဆင်နေခြင်းအား စုပေါင်းရှုတ်ချခြင်း ကြေငြာချက်

Statement Regarding Karen Refugee Crisis (Public Release)

မြန်မာပြည်ကိုချစ်သော စာရေးဆရာများအဖွဲ့၏ အမေစုအတွက် မွေးနေ့ဆုတောင်း

Korean Writters 64 for Daw Suu[1]

ဒေါ်အောင်ဆန်းစုကြည် အကြောင်း ( ဂျပန်ဌာနခွဲ )

Brief Bio Dassk

မစ္စတာဘန်ကီမွန်း ဇူလိုင်မှာ မြန်မာပြည်သွားဖို့ မျှော်လင့်

ကုလသမဂ္ဂ အတွင်းရေးမှုးချုပ် မစ္စတာ ဘန်ကီမွန်း မြန်မာပြည်ကို အခုလာမယ့် ဇူလိုင်လ စောစောပိုင်းမှာ အလည်အပတ် ရောက်လာဖို့ မျှော်လင့်ရတယ်လို့ သံတမန်တွေက ပြောပါတယ်။ မြန်မာ စစ်အစိုးရဘက်ကလည်း မစ္စတာ ဘန်ကီမွန်း နောက်လထဲမှာ လာဖို့ ကမ်းလှမ်းချက်ကို လက်ခံထားတယ်လို့ ဆိုပါတယ်။ မစ္စတာ ဘန်ကီမွန်းက မြန်မာပြည်ကို အမြန်ဆုံး သွားရဖို့ မျှော်လင့်တယ်၊ သွားရမယ့် အချိန်ကို မြန်မာအာဏာပိုင်တွေနဲ့ ညှိနေတယ်လို့ ပြီးခဲ့တဲ့လကပဲ ပြောခဲ့တာပါ။

သူ မြန်မာပြည်ကို သွားချင်တဲ့အကြောင်းကတော့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေကို ပြန်လွှတ်ပေးရေး မြန်မာ စစ်အစိုးရကို တိုက်တွန်းဖို့ပဲလို့ ဆိုပါတယ်။ ပြီးခဲ့တဲ့နှစ် နာဂစ်မုန်တိုင်း တိုက်ခတ်ခဲ့ပြီး နောက်ပိုင်း မစ္စတာ ဘန်ကီမွန်းက ဒုက္ခသည်တွေရဲ့  အခြေအနေတွေကို ကြည့်ရှု အားပေးတဲ့ အနေနဲ့ မြန်မာပြည်ကို တကြိမ်ရောက်ခဲ့ ပြီးပါပြီ။ ( ဗွီအိုအေ )

ဒီမိုကရေစီနဲ့ အမျိုးသားပြန်လည်ရင်ကြားစေ့ရေး ဖော်ဆောင်ဖို့ စစ်အစိုးရကို တရုတ်ဝန်ကြီးချုပ် တိုက်တွန်း

မြန်မာစစ်အစိုးရအနေနဲ့ အမျိုးသားပြန်လည်သင့်မြတ်ရေးကို အကောင်အထည် ဖော်စေလိုတဲ့အကြောင်း တရုတ် ခေါင်းဆောင်တွေက တရုတ်နိုင်ငံကို ရောက်နေတဲ့ မြန်မာစစ်အစိုးရ ဒုတိယ အကြီးအကဲ ဒုတိယ ဗိုလ်ချုပ်မှူးကြီး မောင်အေးကို ပြောကြားလိုက်ပါတယ်။ ဒါဟာ မြန်မာနိုင်ငံမှာ တည်ငြိမ်မှု ရရှိရေးအတွက် တချိန်က စစ်အစိုးရဘက်က ရပ်တည် ပြောဆို ခဲ့တာတွေထက် သဘောပြောင်း ပြောဆိုလာတာဖြစ်တယ်လို့ လေ့လာသူတွေက ဆိုပါတယ်။ အပြည့်အစုံကိုတော့ စုံစမ်းထားတဲ့ ကိုဇော်ဝင်းလှိုင်က တင်ပြပေးပါတယ်။

တရုတ်နိုင်ငံကို တရားဝင် ၆ ရက်ကြာ အလည်အပတ် ရောက်ရှိနေတဲ့ မြန်မာစစ်အစိုးရ ဒုတိယ အကြီးအကဲ ဒုတိယ ဗိုလ်ချုပ်မှူးကြီး မောင်အေးရောက်ပြီး နောက်တနေ့ အင်္ဂါနေ့မှာ တရုတ် ခေါင်းဆောင်တွေနဲ့ တွေ့ပြီးတာနဲ့ မြန်မာနိုင်ငံကနေ သဘာဝဓါတ်ငွေ့ ပိုက်လိုင်းတွေ တရုတ်နိုင်ငံကို လာမယ့် စက်တင်ဘာလ က စပြီး တည်ဆောက်တော့မယ်ဆိုတဲ့ သတင်းတွေ ထွက်လာတာပါ။

အစောပိုင်း ဒုတိယ ဗိုလ်ချုပ်မှူးကြီး မောင်အေး တရုတ်ပြည်ကို မသွားခင်တုံးကတော့ သူ့ခရီးစဉ်ဟာ နိုင်ငံရေး ကိစ္စတွေကို အဓိက ဦးစားပေး ဆွေးနွေးမယ့် ခရီးစဉ် ဖြစ်တယ်လို့ မြန်မာ့နိုင်ငံရေး သုံးသပ်သူတွေကြား ပြောဆိုနေခဲ့ကြတာပါ။ ဗိုလ်ချုပ်ကြီး သူရ ရွှေမန်း တရုတ်ပြည်ကို သွားပြီး ရက်ပိုင်း အကြာမှာ ဒုတိယ ဗိုလ်ချုပ်မှူးကြီး မောင်အေး တရုတ်ပြည်ကို အခုလို သွားတာမို့ ဗိုလ်ချုပ်ကြီး သူရရွှေမန်းနဲ့ မပြီးပြတ်နိုင်တဲ့ ကိစ္စတွေကို စစ်အစိုးရရဲ့ ဒုတိယ အကြီးအကဲ ကိုယ်တိုင် သွားရောက် အပြီးသတ် ဆုံးဖြတ်တာ ဖြစ်နိုင်ဆိုပြီး ပြောဆိုသံတွေ ထွက်လာပါတယ်။ ဦးခင်မောင်ဆွေဟာ NLD အမျိုးသား ဒီမိုကရေစီအဖွဲ့ချုပ် ဗဟို အလုပ်အမှုဆောင် အဖွဲ့ဝင်လည်းဖြစ် ရေနံ ဓါတ်ငွေ့လုပ်ငန်းဆိုင်ရာ ကျွမ်းကျင်သူတဦးလည်းဖြစ်ပါတယ်။

“အဆင့်မြင့် ခေါင်းဆောင် တယောက်က သွားတယ်ဆိုတော့ အင်မတန် အရေးကြီးတဲ့ ကိစ္စ တခု ဖြစ်နေပြီဆိုတာက မှန်းလို့ရပါတယ်။ သတင်း မျက်နှာစာမှာတော့ ဒီကိစ္စဟာ ရေနံ ဓာတ်ငွေ့ရရှိဖို့၊ တကယ်ပဲ သူတို့ လက်မှတ်ထိုး ဆောင်ရွက်တာ ဖြစ်ဖို့တော့ ရှိပါတယ်။ ကျန်တာကတော့ ဘယ်အခါမဆို ကိစ္စ တခုတည်းနဲ့ သွားတာ မရှိပါဘူး။ နောက်မှာ ဆက်ပြီး ဆွေးနွေး စဉ်းစားရမယ့်ဟာတွေ ပါသွားနိုင်တာပေါ့။ ကုန်ကုန် စဉ်းစားရင်တော့ နိုင်ငံရေး ကိစ္စလည်း ပါဖို့ များပါတယ်။ မြန်မာ နိုင်ငံမှာ အမျိုးသား ပြန်လည် သင့်မြတ်ရေးတို့၊ စီးပွားဖွံ့ဖြိုးရေးတို့ကို ဦးစားပေးပြီးတော့ ဆွေးနွေးထောက်ခံတဲ့ အခါကျတော့ အမျိုးသား ပြန်လည် သင့်မြတ်ရေးကို ဘယ်လို လုပ်မလဲဆိုတာတွေကို စဉ်စားတာမျိုးတွေ ဖြစ်ကောင်းဖြစ်နိုင်ပါတယ်။”
အခု မြန်မာစစ်အစိုးရနဲ့ တရုတ်နိုင်ငံအကြား သဘောတူ လက်မှတ်ထိုးလိုက်ကြတဲ့ ရေနံ ဓါတ်ငွေ့ တူးဖော်ရေးနဲ့ ပိုက်လိုင်း သွယ်ယူရေး ကိစ္စဟာ ရေရှည်လုပ်ငန်း ဖြစ်တာကြောင့် ရုတ်တရက် နိုင်ငံရေးအရ ပြောင်းလဲလာနိုင်တဲ့ လုပ်ငန်းမျိုး မဟုတ်ဘူးလို့ သူက သုံးသပ်ပါတယ်။

“ရေနံ ဓာတ်ငွေ့ရှာဖွေရေးကတော့ ရည်ရှည်လုပ်ငန်းဖြစ်ပါတယ်။ ၁ နှစ် ၂နှစ်လောက်ဟာ ရှာဖွေးရေး လုပ်ငန်းလုပ်ရတာကိုး။ တူးဖော်ရေးနဲ့ဆိုရင် ၅နှစ်လောက် အချိန်ယူရမှာပေ့ါ။ နိုင်ငံရေးနဲ့ တိုက်ရိုက်တော့ ပတ်သက်မှာ မဟုတ်ပါဘူး။ ”

တရုတ်နိုင်ငံ အခြေစိုက် မြန်မာ့နိုင်ငံရေး လေ့လာသူ ဦးအောင်ကျော်ဇော်ကတော့ မြန်မာ စစ်အစိုးရ အပေါ် ထားတဲ့ တရုတ်အစိုးရရဲ့ သဘောထားတွေ တဖြည်းဖြည်း ပြောင်းလဲလာနေတာကို တွေ့ရတဲ့အကြောင်း အခုလို သုံးသပ်ပါတယ်။

“မနေ့က ဓာတ်ပုံနဲ့ တွေ့ရတဲ့အခါမှာ ၀မ်ကျားဘောင် (Wan Jiaboa) နဲ့ ဒု-သမ္မတ နဲ့ တွေ့တာကို တီဗွီမှာ ပြတယ်။ အဲဒီမှာ တရုတ် ဒုသမ္မတ ပြောတာကတော့ သိပ်ထူးထူးခြားခြား မဟုတ်ပါဘူး။ တည်ငြိမ်ရေးတို့၊ အေးချမ်းရေးတို့၊ တိုးတက် ဖွင့်ဖြိုးရေးတို့ လောက်ပါပဲ။ ၀န်ကြီးချုပ် ၀မ်ကျားဘောင်နဲ့ ပြောတဲ့အခါမှာတော့ ထူးခြားချက်အနေနဲ့ တခုပါတာကတော့ အမျိုးသား ပြန်လည်သင့်မြတ်ရေးကို အကောင်အထည် ဖော်သင့်တယ်ပေါ့။ အမျိုးသား ပြန်လည်သင့်မြတ်ရေးကို အကောင်အထည်ဖော်မှသာလျှင် တိုင်းပြည်တိုးတက်မယ်ပေါ့”

ဒုတိယ ဗိုလ်ချုပ်မှူးကြီး မောင်အေးသွားတဲ့ ဒီ တရုတ်နိုင်ငံ ခရီးစဉ် စီးပွားရေး နိုင်ငံရေး သက်သက်ချည်း သွားတဲ့ ခရီးစဉ်တော့ မဟုတ်ပါဘူး။ ဒီခရီးစဉ်မှာ ကချင်ပြည်နယ်နဲ့ ရှမ်းပြည်နယ်တို့က ကာကွယ်ရေး စစ်ဆင်ရေးအထူး ကစထ မှူး ၂ ယောက်ပါ ပါသွားတာကြောင့် ဒါဟာ တနည်းအားဖြင့် တိုင်းရင်းသား လက်နက်ကိုင် အဖွဲ့အစည်းတွေကို ခြိမ်းချောက် လိုက်သလိုပဲလို့ ဦးအောင်ကျော်ဇောက သုံးသပ်ပါတယ်။

မကြာခင်က ထုတ်ပြန်ခဲ့တဲ့ စာရင်းဇယားတွေ အရကတော့ တရုတ် မြန်မာ နှစ်နိုင်ငံ ကုန်သွယ်ရေးဟာ ပြီးခဲ့တဲ့နှစ်အတွင်း အမေရိကန်ဒေါ်လာ သန်း ၂ ထောင် ကျော်သွားခဲ့ပြီလို့ ဆိုပါတယ် ခင်ဗျား။ ( ဗွီအိုအေ )

Wednesday, June 17, 2009

ဒေါ်အောင်ဆန်းစုကြည် ၆၄ နှစ်မြောက်မွေးနေ့ ဆုတောင်းသ၀ဏ်လွှာ ( ကိုရီးယား )

Birthday Wish for DASSK ![1]

ဒေါ်စုအမှု အခြေခံဥပဒေရပိုင်ခွင့်များ ဆုံးရှုံးနေဟု ကုလ လူ့အခွင့်အရေးကိုယ်စားလှယ်များဝေဖန်

ဒေါ်အောင်ဆန်းစုကြည်ကို အခုလက်ရှိ တရားကြားနာစစ်ဆေးမှုမှာ တရားရေး ရပိုင်ခွင့်တွေ ချိုးဖောက်ခံနေရတယ် ဆိုပြီး ကုလသမဂ္ဂ လူ့အခွင့်အရေး ကောင်စီက အထူး ကိုယ်စားလှယ်တွေက မြန်မာစစ်အစိုးရကို ဝေဖန်သွားပါတယ်။ ဒါ့အပြင် ဒေါ်အောင်ဆန်းစုကြည်ကို နေအိမ် အကျယ်ချုပ်ချပြီး အများနဲ့မတွေ့နိုင်အောင် ကန့်သတ်ထားတာ စစ်အစိုးရကိုယ်တိုင် ဖြစ်တဲ့အတွက်လည်း - အခု ဒီနေအိမ်ကို ကျူးကျော်ဝင်ရောက် ခံရတဲ့ကိစ္စမှာ စစ်အစိုးရ ကိုယ်တိုင် တာဝန်ရှိတယ်လို့လည်း လူ့အခွင့်အရေး ကိုယ်စားလှယ်တွေက ထောက်ပြပါတယ်။ အဲဒီထဲက လူ့အခွင့်အရေး ကိုယ်စားလှယ်တဦး ဖြစ်တဲ့ သောမတ်စ်အိုဟေး ကင်တာနား နဲ့ ကိုသားညွန့်ဦးက ဆက်သွယ်မေးမြန်း ထားပါတယ်။

အခု ဒေါ်အောင်ဆန်းစုကြည် အမှုကို ကြားနားစစ်ဆေးနေစဉ်မှာ ဒေါ်အောင်ဆန်းစုကြည်ဖက်က အခြေခံ ဥပဒေကြောင်း ရပိုင်ခွင့်တွေ ဆုံးရှုံးနေတယ် ဆိုပြီး လူ့အခွင့်အရေး ကိုယ်စားလှယ် ၅ ဦးက ထောက်ပြသွားတာပါ။ မြန်မာနိုင်ငံရဲ့ တရားစီရင်ရေးပိုင် အားနည်းချက်တွေကို အရင် ကတည်းကတော့ လူ့အခွင့်အရေး ကိုယ်စားလှယ်တွေက ထောက်ပြဖူးပါတယ်။ လူ့အခွင့်အရေး ကောင်စီရဲ့ မြန်မာနိုင်ငံ ဆိုင်ရာ အထူး ကိုယ်စားလှယ် မစ္စတာ သောမတ်အိုဟေး ကင်တားနား ကတော့ မြန်မာစစ်အစိုးရကို သူတို့အနေနဲ့ အချက်နှစ်ချက် တောင်းဆိုတယ်လို့ ပြောပါတယ်။

"ကုလသမဂ္ဂ လူ့အခွင့်အရေး ကောင်စီ က ကျနော်နဲ့ အခြား လူ့အခွင့်အရေး ဆိုင်ရာ အထူး ကိုယ်စားလှယ် ၅ ဦးဟာ မြန်မာအစိုးရကို အခြေခံအားဖြင့် အချက် ၂ ချက် တောင်းဆိုပါတယ်။ ပထမ အချက်ကတော့ ဒေါ်အောင်ဆန်းစုကြည် တရားခွင် စစ်ဆေးမှုကို တရားရေး လွတ်လပ်မျှတမှု အာမခံချက် ပေးဖို့ပါ။ ဥပဒေစိုးမိုးတဲ့ နိုင်ငံတိုင်းမှာ တရားခုံရုံးက ပွင့်ပွင့်လင်းလင်းနဲ့ အများပြည်သူကြားနားခွင် ရဖို့ မဖြစ်မနေ အရေးကြီးပါတယ်။ ဒုတိယအချက်ကတော့ ဒေါ်အောင်ဆန်းစုကြည်ကို စွဲဆိုထားတဲ့ အမှုကို ပြန်ရုတ်ပေးဖို့ပါ။ ဒီစွဲချက်ဟာ တကယ့်ကို အခြေအမြစ် ခိုင်မာမှု မရှိပါဘူး။ ဒေါ်အောင်ဆန်းစုကြည်ဟာ အစိုးရရဲ့ နေအိမ် အကျယ်ချုပ်အောက်မှာ နေခဲ့ရတာပါ။ ဒါကြောင့် သူမကို ဖမ်းဆီးထားမှုနဲ့ ပတ်သက်တဲ့ ကိစ္စတွေမှာ စစ်အစိုးရမှာပဲ တာဝန်ရှိပါတယ်။"

မြန်မာနိုင်ငံ ကိုယ်စားလှယ် သောမတ်အိုဟေး ကင်တားနား နဲ့အတူ ဥပဒေမဲ့ဖမ်းဆီး ထိန်းသိမ်းမှုဆိုင်ရာ ကုလသမဂ္ဂ အလုပ်အဖွဲ့ ဥက္ကဌ Ms. Manuela Carmena Castrilo တရားသူကြီးနဲ့ ရှေ့နေ တရားရေး လွတ်လပ်မှု ဆိုင်ရာ အထူး ကိုယ်စားလှယ် Mr. Leandro Despouy လူ့အခွင့်အရေး ကာကွယ်စောင့်ရှောက် သူများဆိုင်ရာ အထူးကိုယ်စားလှယ် Ms. Margaret Sekaggya လွတ်လပ်စွာ ဆန္ဒသဘောထား ထုတ်ဖော်ပိုင်ခွင့် ဆိုင်ရာ အထူး ကိုယ်စားလှယ် Mr. Frank La Rue တို့ကနေ မြန်မာစစ်အစိုးရကို ဒီတောင်းဆိုချက်တွေ လက်မှတ်ရေးထိုး တောင်းခဲ့တာပါ။ တကယ်တော့ အခုဖြစ်နေတဲ့ အမှုကိုယ်တိုင်ဟာ အခြေအမြစ် ခိုင်ခိုင်မာမာ မရှိဘဲ နိုင်ငံရေး ပယောဂ ပါနေတယ်လို့ လူ့အခွင့်အရေး ကိုယ်စားလှယ်တွေက ယူဆထားပါတယ်။

"တကယ်တော့ ဒီစွဲချက်ကြီး က အခြေအမြစ် မရှိပါဘူး။ အခု အမေရိကန် လူမျိုးတဦး သူ့အိမ်ကို ကျူးကျော်ဝင်ရောက် လာတယ် ဆိုတဲ့ စွဲချက်ဖြစ်နေတဲ့ အချိန်မှာ - တကယ်တော့ သူမအပေါ် နေအိမ်အကျယ်ချုပ် သက်တမ်း ကုန်ဆုံးတာမို့ လွတ်မြောက်နေရမယ့် အချိန်ပါ။ ကျနော် ပြောခဲ့သလိုပါပဲ.. တကယ်တော့ အစိုးရရဲ့ ဖမ်းဆီးခံရသူနဲ့ ပတ်သက်တဲ့ ကိစ္စ အ၀၀ဟာ အစိုးရအပေါ်မှာပဲ တည်ပါတယ်.. အစိုးရမှာ တာဝန်ရှိပါတယ်။ ဒါကြောင့် အခုကိစ္စမှာ ဒေါ်အောင်ဆန်းစုကြည်ကို တရားစွဲဆိုတယ်ဆိုတာ မှားယွင်းတဲ့အချက်ပါ။"

ဒါကြောင့်လည်း နိုင်ငံတကာ အသိုင်းအ၀ိုင်း အနေနဲ့ အခု ဒေါ်အောင်ဆန်းစုကြည်အမှု အသွားအလာ အခြေအနေကို အနီးကပ် စောင့်ကြည့်ပြီး ဖိအားပေးနေဖို့ လိုမယ်လို့လည်း မစ္စတာ ကင်တားနားက တိုက်တွန်းပါတယ်။

"နိုင်ငံတကာ အသိုင်းအ၀ိုင်း အနေနဲ့ ဒီတရားခွင် ရလဒ်တွေ အခြေအနေ တွေကို အနီးကပ် စောင့်ကြည့်နေဖို့ လိုပါတယ်။ စစ်အစိုးရအနေနဲ့ ကုလသမဂ္ဂ လူ့အခွင့်အရေး ကြေညာစာတမ်းပါ လူ့အခွင့်အရေး ရပိုင်ခွင့်တွေ လေးစားလိုက်နာ လာစေရေး တိုက်တွန်းဖို့ လိုပါတယ်။ ရှေ့ဆက် ဘာတွေဖြစ်လာမလဲ စောင့်ကြည့်ဖို့ လိုပါတယ်။"

မစ္စတာကင်တာနားအနေနဲ့တော့ အခုလာမယ့် ဇူလှိုင်လထဲ မြန်မာနိုင်ငံကို သွားရောက်နိုင်ဖို့ တောင်းဆိုထားပေမယ့်။။ စစ်အစိုးရဖက်က သူ့ကို ဘာမှ အကြောင်းမပြန်သေးဘူးလို့ သိရပါတယ်။ မြန်မာစစ်အစိုးရအနေနဲ့ကတော့ ဒေါ်အောင်ဆန်းစုကြည်အမှုကိစ္စကို အစိုးရသတင်းစာတွေအပြင် နိုင်ငံတွင်းပုဂလိက သတင်းဂျာနယ်အချို့မှာလည်း ဖော်ပြခွင့်ပေးခဲ့ပါတယ်။ ဒါပေမယ့်လည်း ဒါဟာ အစိုးရဖော်ပြတဲ့သတင်းတွေအပေါ်မှာပဲ အခြေခံရေးထားတာတွေ့ ရပါတယ်။ ဒေါ်အောင်ဆန်းစုကြည်အမှုကိုတော့ အခု ကြားနာစစ်ဆေးမှုကို ဇွန် ၂၆ရက်နေ့မှာ ထပ်မံကြားနာဖို့ရှိပါတယ်။ ( ဗွီအိုအေ )

Tuesday, June 16, 2009

လူထုခေါင်းဆောင် ဒေါ်အောင်ဆန်းစုကြည် လွတ်မြောက်ရေးအတွက် ဘာသာပေါင်းစုံမှ ဆုတောင်းကြရန် သံဃာ့တပ်ပေါင်းစု၊ ၈၈မျိုးဆက်နှင့် ဗကသ ကျောင်းသားများမှ တိုက်တွန်း

Joint Statement No 3

ဒေါ်အောင်ဆန်းစုကြည်အိမ်ကို လွတ်လပ်ခွင့်ပေး

နေအိမ်အကျယ်ချုပ်အမိန့် ရုပ်သိမ်းပြီးသော်လည်း အာဏာပိုင်များက ဆက်လက်ထိန်းသိမ်းထားခဲ့သော ဒေါ်အောင်ဆန်းစုကြည်၏ နေအိမ်ကို ပြီးခဲ့သည့် စနေနေ့တွင် လွတ်လပ်စွာဝင်ထွက်ခွင့် ပြုလိုက်ပြီဖြစ်ကြောင်း ရှေ့နေကြီး ဦးဉာဏ်ဝင်းက ပြောသည်။

“ကျနော်တို့နဲ့ အာဏာပိုင်တွေနဲ့ ပြီးခဲ့တဲ့သောကြာနေ့က တွေ့ခဲ့ကြပါတယ်။ အဲဒီမှာ သူတို့က တဦးနဲ့တဦး အထင်လွဲတာပါ။ ကျနော်တို့ ကန့်သတ်ထားတာ၊ တားဆီးထားတာ မရှိပါဘူး။ နားလည်မှုလွဲတာပါလို့ ပြောပါတယ်။ နောက်ရက် စနေနေ့မှာတော့ လွတ်လပ်စွာ ၀င်ထွက်ခွင့်ရခဲ့ပါတယ်” ဟု ၎င်းက ပြောသည်။

ပြီးခဲ့သည့် မေ (၂၆) တွင် ဒေါ်အောင်ဆန်းစုကြည်ကို နေအိမ်အကျယ်ချုပ်အမိန့် ရုပ်သိမ်းကြောင်း နအဖ ရဲချုပ်က အကြောင်းကြားခဲ့ပြီးသည့်နောက် ဒေါ်အောင်ဆန်းစုကြည်က ၎င်း၏နေအိမ်ရှင်းလင်းပေးရန် စေလွှတ်သူများ၏ နေအိမ်အ၀င်အထွက်ကို အာဏာပိုင်များက မေးမြန်းစစ်ဆေး ကန့်သတ်တားဆီးမှုများ ပြုလုပ်ခဲ့သည်။

ထို့ကြောင့် ယင်းလုပ်ရပ်မှာ ဥပဒေနှင့်မညီသည့် လုပ်ရပ်ဖြစ်ကြောင်း ဒေါ်အောင်ဆန်းစုကြည်က ရှေ့နေများကို ပြောကြားခဲ့ခြင်းဖြစ်သည်။

ယခုအခါ ဒေါ်အောင်ဆန်းစုကြည်၏ နေအိမ်ကို အတားအဆီးမရှိ လွတ်လပ်ခွင့် ပေးလိုက်ပြီဖြစ်သော်လည်း နအဖစစ်အစိုးရက အိမ်ရှင် ဒေါ်အောင်ဆန်းစုကြည်ကိုမူ နေအိမ်အကျယ်ချုပ်ဖောက်ဖျက်မှုပုဒ်မ (၂၂) အမှုကြီးအမှတ် (၄၇/၂၀၀၉) ဖြင့် တရားစွဲဆိုထားပြီး အင်းစိန်ထောင်အတွင်း ထိန်းသိမ်းထားဆဲဖြစ်သည်။

၁၉၉၀ ပြည့်နှစ် ရွေးကောက်ပွဲအနိုင်ရ အန်အယ်လ်ဒီပါတီခေါင်းဆောင် ဒေါ်အောင်ဆန်းစုကြည်သည် (၁၉) နှစ်ကျော် ကာလအတွင်း (၁၃) နှစ်ကျော်ကြာ နေအိမ်အကျယ်ချုပ်ဖြင့် နေခဲ့ရသည်။ ( ခေတ်ပြိုင် )

ဒေါ်အောင်ဆန်းစုကြည် လွတ်မြောက်ရေး ကြိုးပမ်းမှုတွေ အရှိန်မြင့်လာ

အင်းစိန်ထောင်တွင်း တရားရုံးမှာ အမှုရင်ဆိုင်နေရတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ သောကြာ နေ့မှာ အသက် ၆၄ နှစ် ပြည့်တော့မှာမို့ လွှတ်ပေးဖို့ တောင်းဆိုတာတွေ ပိုများလာတဲ့အထဲမှာ ထင်ရှားတဲ့ နိုင်ငံရေး အကျဉ်းသားဟောင်း ၁၀၀ ကျော်တို့ကလည်း ဒီကနေ့ ကြေညာချက်တရပ် ထုတ်ပြန်လိုက်ပါတယ်။

တောင်ကိုရီးယား သမ္မတဟောင်း ကင်ဒေးဂျုံ က ဒေါ်အောင်ဆန်းစုကြည်ကို ဆက်လက်ထိန်းသိမ်းထားတာ အာရှတိုက် အတွက် ရှယ်ဖွယ်လို့ ဆိုလိုက်ပြီး မလေးရှား အတိုက်အခံ ခေါင်းဆောင် အန်ဝါ အီဗရာဟင် က အာဆီယံ အနေနဲ့ ဒေသရဲ့ တည်ငြိမ်ရေးအတွက် လုပ်ဖို့ အချိန်တန်လာပြီလို့ ပြောပါတယ်။

အီရန်နိုင်ငံက နိုဘယ်လ်ဆုရှင် လူ့အခွင့်အရေး ရှေ့နေ ရှီရင်း အက်ဘာဒီ ကလည်း ဒေါ်အောင်ဆန်းစုကြည်ကို ဆက်လက် ထိန်းသိမ်းထားတဲ့ အတွက် ပြစ်တင်ဝေဖန်လိုက်ပါတယ်။

ဒေါ်အောင်ဆန်းစုကြည် ကို လွှတ်ပေးဖို့ တောင်းဆိုကြတဲ့အထဲ ဗြိတိသျှ ၀န်ကြီးချုပ် ဂေါ်ဒန်ဘရောင်း၊ အမေရိကန်နိုင်ငံက ရုပ်ရှင်မင်းသမီး ဂျူလီယာ ရောဘတ်၊ တရုတ်ပြည်မှာ နေအိမ်အကျယ်ချုပ် ချ ခံနေရဆဲဖြစ်တဲ့ လှုပ်ရှားသူများသည်ထက် ပိုပြီး များလာပါတယ်။ ( ဗွီအိုအေ )

Saturday, June 13, 2009

ဆလိုင်းလှမိုး အတွက် ၀မ်းနည်းကြောင်း ထုတ်ပြန်ကြေငြာချက်

Salai Hla Moe Biography Salai Hla Moe Biography arzarni

ဂိုချုပ်ထောင် မြန်မာပြည်ခရီးစဉ် စင်ကာပူ အတိုက်အခံ ဝေဖန်

မြန်မာစစ်အစိုးရက မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို အပြစ်ပေးအရေးယူဖို့ ကြိုးစားနေတဲ့အချိန်၊ ဒေါ်အောင်ဆန်းစုကြည်ရဲ့ အမှုနဲ့ပတ်သက်လို့ နိုင်ငံတကာ အသိုင်းအ၀ိုင်းတခုလုံးက မြန်မာစစ်အစိုးရကို ၀ိုင်းဝန်း ဝေဖန်နေချိန်မှာ စင်ကာပူ နိုင်ငံရဲ့ ၀ါရင့် ထိပ်တန်းဝန်ကြီးတဦးဖြစ်တဲ့ ဂိုချုပ်ထောင် ဟာ ဒီသီတင်းပတ်ထဲ မြန်မာနိုင်ငံကို လေးရက်ကြာခရီး သွားရောက်ခဲ့ပါတယ်။ သူ့ရဲ့ ခရီးစဉ်အဆုံး စင်ကာပူ သတင်းမီဒီယာတွေနဲ့ တွေ့ဆုံစဉ်မှာ ဒေါ်အောင်ဆန်းစုကြည်ကို မြန်မာစစ်အစိုးရက အပြစ်ပေးအရေးယူဖို့ ကြိုးစားနေတာနဲ့ပတ်သက်လို့ စိတ်ပျက်မိတဲ့ အကြောင်းလည်း ပြောဆိုခဲ့ပါတယ်။ သူ့ရဲ့ အခုလို ပြောဆိုမှုတွေနဲ့အတူ မြန်မာနိုင်ငံကို သူ သွားရောက်ခဲ့တာတွေ ပတ်သက်လို့ ဝေဖန် သုံးသပ်ချက်အမြင်တွေလည်း အမျိုးမျိုး ရှိနေပါတယ်။ မခင်ဖြူထွေးက တင်ပြထားပါတယ်။
ဟုတ်ကဲ့ပါရှင်။ သူ့ရဲ့ လေးရက်ကြာ ခရီးစဉ်အဆုံး စင်ကာပူသတင်းမီဒီယာတွေနဲ့ တွေ့ဆုံစဉ်မှာ မစ္စတာ ဂိုချုပ်ထောင်က မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အပေါ် စွဲချက်တင်မှုတွေနဲ့ ပတ်သက်လို့ မြန်မာစစ်အစိုးရကို ဝေဖန်ပြောဆိုခဲ့သလို အတိုက်အခံပါတီ ခေါင်းဆောင်ဖြစ်တဲ့ ဒေါ်အောင်ဆန်းစုကြည်ကို အခုလိုမျိုး ဆက်ပြီး ဖမ်းဆီးထိန်းသိမ်းထားမယ်ဆိုရင် မြန်မာစစ်အစိုးရကျင်းပမယ့် ၂၀၁၀ ရွေးကောက်ပွဲကို တရားဝင်မှုမရှိဘူးလို့ အများက ဝေဖန်ကြမှာဖြစ်တယ်လို့ သူက ပြောဆိုခဲ့ပါတယ်။

သူ့ရဲ့ အခုလို ဝေဖန်ပြောဆိုမှုနဲ့ပတ်သက်လို့ အကောင်းမြင်သူတွေရှိသလို မယုံကြည်သူတွေလည်း ရှိပါတယ်။ စင်ကာပူ အတိုက်အခံ ဒီမိုကရက်ပါတီခေါင်းဆောင် ဒေါက်တာ ချီ စွန်း ဂျူဝမ် (Chee Soon Juan) ကတော့ - မစ္စတာ ဂိုချုပ်ထောင်ဟာ အများကြားကောင်းအောင် ဟန်ဆောင်ပန်ဆောင် လျှောက်ပြောနေတာ ဖြစ်တယ်၊ သူကိုယ်တိုင် ၀န်ကြီးချုပ်ဖြစ်စဉ်ကာလတုန်းကတောင် လွတ်လပ်ပြီး တရားမျှတတဲ့ ရွေးကောက်ပွဲတွေကို စင်ကာပူနိုင်ငံမှာ အားပေးခဲ့တာ မဟုတ်ဘူးလို့ ဆိုပါတယ်။

“ဒေါ်အောင်ဆန်းစုကြည်နဲ့ပတ်သက်ပြီး မြန်မာစစ်အစိုးရကို ဝေဖန်ပြောဆိုတာ၊ ၂၀၁၀ ရွေးကောက်ပွဲကို လွတ်လပ်ပြီး တရားမျှတတဲ့ ရွေးကောက်ပွဲဖြစ်ဖို့ တောင်းဆိုတာတွေက သူတော်ကောင်းယောင်ဆောင်ပြီး လျှောက်ပြောနေတာပါ။ တကယ်တော့ ဂိုချုပ်ထောင် ကိုယ်တိုင်က သူ့နိုင်ငံထဲမှာ ဒီမိုကရေစီစနစ်ကို ဖိနှိပ်နေတဲ့ အစိုးရထဲက သူ တယောက်ပါ။ စင်ကာပူရွေးကောက်ပွဲတွေ ဆိုရင် အတုအယောင်တွေပါ။ သတင်းမီဒီယာတွေ အားလုံးကို အစိုးရက အလုံးစုံ ချုပ်ကိုင်ထားသလို ရွေးကောက်ပွဲ ဖြစ်စဉ်တခုလုံးကို ၀န်ကြီးချုပ်ရုံးကပဲ ကိုင်တွယ်တာပါ။ ကိုယ်တိုင်က ဒီမိုကရေစီ နည်းကျမှု မရှိဘဲ မြန်မာနိုင်ငံကိုသွားပြီးတော့ မြန်မာစစ်အစိုးရကို လွတ်လပ်ပြီး တရားမျှတတဲ့ ရွေးကောက်ပွဲတွေ လုပ်ပါလို့ သွားပြောတာက သူတော်ကောင်းယောင်ဆောင်ပြီး လျှောက်ပြောနေတာမဟုတ်ရင် ဘာများဖြစ်ဦးမှာလဲဗျာ။ နောက်တချက်ကြည့်ရင်လည်း စင်ကာပူအစိုးရက မြန်မာနိုင်ငံမှာ ရင်းနှီးမြှုပ်နှံမှု အများဆုံး ရှိနေတဲ့နိုင်ငံတခုပါ။ တကယ်တမ်း မြန်မာစစ်အစိုးရကို ဝေဖန်ရှုတ်ချလိုတာ မှန်ရင်၊ ဒီမိုကရေစီကို အားပေးတာမှန်ရင် မြန်မာစစ်အစိုးရနဲ့ အခုရှိနေတဲ့ စီးပွားရေး လုပ်ငန်းတွေကို ရပ်ပစ်ရမှာပေါ့။ တကယ်တမ်း မြန်မာစစ်အစိုးရကို သက်ဆိုးရှည်နေစေတာက ဒါတွေပဲလေ။”

စင်ကာပူ အတိုက်အခံ ဒီမိုကရက်ပါတီခေါင်းဆောင် ဒေါက်တာ ချီ စွန်း ဂျူဝမ် ပြောခဲ့တာပါ။

စင်ကာပူနိုင်ငံဟာ ထိုင်း နဲ့ ဗြိတိန်နိုင်ငံတို့ပြီးရင် မြန်မာနိုင်ငံမှာ နိုင်ငံခြားရင်းနှီးမြှုပ်နှံမှု တတိယ အများဆုံးရှိတဲ့ နိုင်ငံ ဖြစ်သလို မြန်မာနိုင်ငံရဲ့ ဒုတိယအကြီးဆုံး နိုင်ငံခြား ကုန်သွယ်မိတ်နိုင်ငံလည်း ဖြစ်ပါတယ်။

မစ္စတာ ဂိုချုပ်ထောင်ရဲ့ မြန်မာပြည်ခရီးစဉ်ဟာ စင်ကာပူနိုင်ငံရဲ့ အကျိုးအတွက် ဖြစ်သလို မြန်မာနိုင်ငံရဲ့ ပြုပြင် ပြောင်းလဲရေးကို အမှန်တကယ် လိုလားတဲ့အတွက်ကြောင့်လည်း ဖြစ်နိုင်တယ်လို့ သုံးသပ်သူတွေလည်း ရှိပါတယ်။ ထိုင်းနိုင်ငံအခြေစိုက် မြန်မာ့အရေး သုံးသပ်သူ ဦးအောင်သူငြိမ်းကတော့ အခုလို သုံးသပ်ပါတယ်။

“ဂိုချုပ်ထောင် အခု သွားတဲ့ခရီးစဉ်က ကျနော် ထင်တာကတော့ အာဆီယံအဖွဲ့ကို ကိုယ်စားပြုပြီး သွားတဲ့သဘောမျိုးလို့ ကျနော် ယူဆ ပါတယ်။ ဘာဖြစ်လို့လဲ ဆိုတော့ လက်ရှိ အာဆီယံ အဖွဲ့ရဲ့ အထွေထွေ အတွင်းရေးမှူးချုပ် ဖြစ်တဲ့ ဆူရင်း ပစ်ဆူဝမ် က ထိုင်းနိုင်ငံက ဒီမိုကရက် ပါတီ အဖွဲ့ဝင် ဖြစ်နေသလို တဖက်ကလည်း ထိုင်းနိုင်ငံနဲ့ အခု မြန်မာပြည်နဲ့ ကြားထဲမှာ သံတမန်ရေးအရ နည်းနည်းလေး ကတောက်ကဆ လေး ဖြစ်နေတာတွေ ရှိတဲ့အခါကျတော့ သူ့ကိုယ်စား စင်ကာပူက ၀ါရင့် ၀န်ကြီး အခု ဂိုချုပ်ထောင် သွားတယ်လို့ ကျနော် ယူဆပါတယ်။ ကျနော့်အမြင်ကတော့ စင်ကာပူနိုင်ငံက ပြောရမယ်ဆိုရင် တော်တော်ကို လက်တွေ့ကျကျ သုံးသပ်ပြီးတော့ လုပ်တတ်တဲ့နိုင်ငံမျိုးပါ။ သူ့ အကျိုးစီးပွားအတွက် အရင်ကလည်း မြန်မာပြည်က အစိုးရ အဆက်ဆက်နဲ့ ပေါင်းခဲ့တာရှိသလို တဖက်မှာလည်း သူက ဒီအစိုးရတွေကို စီးပွားရေးတံခါးဖွင့်ဖို့ အပါအ၀င် တခြား နိုင်ငံရေး ပြုပြင်ပြောင်းလဲမှု ကိစ္စတွေကိုလည်း အကြံပေးခဲ့တာ အကြိမ်ကြိမ် ရှိပါတယ်။ အဲတော့ စင်ကာပူနိုင်ငံက နောက်တခုက သံတမန်ရေးနဲ့ ကမ္ဘာ့အခင်းအကျင်းမှာလည်း အတော့်ကို နှံ့စပ်ကျွမ်းကျင်တဲ့ နိုင်ငံ ဖြစ်ပါတယ်။ ဆိုတော့ အခု မြန်မာပြည်ကို သွားတဲ့ကိစ္စမှာလည်း ကျနော် ယူဆတာကတော့ တဖက်က အာဆီယံရဲ့ အကျိုးစီးပွား၊ သူတို့ရဲ့ အကျိုးစီးပွား ပါသလို တဖက်ကလည်း ကျနော် ထင်တာကတော့ စေတနာကောင်းနဲ့ မြန်မာပြည်ကို ပြုပြင်ပြောင်းလဲဖို့အတွက် တိုက်တွန်းတာလို့တော့ ကျနော် ယူဆပါတယ်။”

မြန်မာ့အရေး သုံးသပ်သူ ဦးအောင်သူငြိမ်း ပြောခဲ့တာပါ။ ( ဗွီအိုအေ )

Friday, June 12, 2009

ဒေါ်အောင်ဆန်းစုကြည်တရားခွင် ဇွန် ၂၆ ရက် ရုံးချိန်း

အမျိုးသားဒီမိုကရေစီအဖွဲ့ချုပ်ခေါင်းဆောင် ဒေါ်အောင်ဆန်းစုကြည်၏ တရားခွင်ကို အင်းစိန်ထောင်တွင်း ယနေ့ဆက်လက်ပြုလုပ်သော်လည်း ဇွန်လ ၂၆ ရက်နေ့ကိုသာ ရုံးချိန်းပေးပြီး အဆုံးသတ်လိုက်သည်။

ထောင်တွင်း အထူးတရားရုံး၌ ပြုလုပ်သည့် တရားခွင်သို့ တရားဆိုင် ဒေါ်အောင်ဆန်းစုကြည်ဘက်မှ သက်သေတဦးဖြစ်သူ ဒေါ်မို့မို့ ရောက်မလာသည့်အတွက် ရုံးချိန်းရွှေ့လိုက်ခြင်းဖြစ်သည်။ ( မဇ္ဈိမ )

ဘန်ကီမွန်း မြန်မာပြည်သွားဖို့ အခွင့်ကောင်းစောင့်

ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်း (Mr. Ban Ki-moon) က သူ
နောက်တကြိမ် မြန်မာပြည်ကိုသွားဖို့ လုပ်ဆောင်နေတဲ့အကြောင်း မနေ့က
နယူးယောက်ခ်မြို့ ကုလသမဂ္ဂရုံးချုပ်မှာ ကျင်းပတဲ့ သတင်းစာရှင်းလင်းပွဲမှာ
ပြောလိုက်ပါတယ်။ ဘယ်တော့သွားမယ်ဆိုတာကိုတော့ သူက အတိအကျ မပြောပါ
ဘူး။ အကြောင်းစုံကို ကိုကျော်အောင်လွင်က တင်ပြပေးထားပါတယ်။

“အခြေအနေနဲ့ အချိန်အခါ ကိုက်ညီတဲ့အခါမှာ မြန်မာပြည်ကို ကျနော်သွားဖို့ အဆင်
သင့်ပဲဆိုတာကို ကျနော် အကြိမ်ကြိမ်ပြောခဲ့ပါတယ်။ သွားဖို့ကိစ္စကိုလည်း လုပ်ဆောင်
နေပါတယ်။ ဘယ်တော့သွားမယ်ဆိုတာကို ကျနော် အသိပေးမှာပါ” လို့ ပြောသွားခဲ့
ပါတယ်။

“ဒေါ်အောင်ဆန်းစုကြည်နဲ့ တခြား နိုင်ငံရေးအကျဉ်းသားတွေ လွတ်မြောက်ရေး အပါ
အ၀င် မြန်မာပြည် ဒီမိုကရေစီရေးမြှင့်တင်ဖို့ ကိစ္စတွေဟာ ကျနော့်ရဲ့ ထိပ်တန်းဦးစား
ပေးကိစ္စတွေ ဖြစ်ခဲ့သလိုပဲ အခုလည်း ဆက်ပြီး ထိပ်တန်းဦးစားပေးအဖြစ် ရှိနေတုန်း
ပါပဲ။ ကျနော့်ရဲ့ အထူးအကြံပေး မစ္စတာဂမ်ဘာရီ (Mr. Gambari) ကနေတဆင့် မြန်မာ
အာဏာပိုင်တွေနဲ့ စေ့စပ်ဆွေးနွေးမှုတွေကိုလည်း ကျနော် အာရုံစိုက်ပြီး လုပ်ဆောင်
နေပါတယ်” လို့ ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်းက သတင်း
ထောက်တွေကို ရှင်းပြခဲ့တာပါ။

ပြီးခဲ့တဲ့နှစ် နာဂစ်မုန်တိုင်း မြန်မာပြည်ကို တိုက်ခတ်ပြီးတုန်းကလည်း ဒုက္ခသည်တွေရဲ့
အခြေအနေတွေကို ကြည့်ရှုအားပေးတဲ့အနေနဲ့ မစ္စတာဘန်ကီမွန်း မြန်မာပြည်ကို
ပထမဆုံးအကြိမ်အဖြစ် သွားခဲ့ပြီးပါပြီ။ ဒါပေမယ့်လည်း ဝေဖန်သုံးသပ်သူ တော်တော်
များများကတော့ သူ့ရဲ့ခရီးစဉ်ဟာ ထိရောက်မှုသိပ်မရှိခဲ့ဘူးလို့ ပြောကြပါတယ်။
အခုလည်း သူက နောက်တကြိမ် မြန်မာပြည်ကို ထပ်သွားဖို့အရေး အခွင့်အခါကောင်း
ကို စောင့်နေတယ်ဆိုတော့ ဘယ်လိုအခြေအနေနဲ့ အချိန်အခါတွေက သူ့အတွက်
အခွင့်အခါကောင်းလို့ ပြောချင်တာပါလဲ၊ သူ နောက်တကြိမ်သွားရင်ရော မြန်မာပြည်
အပြောင်းအလဲအတွက် ဘယ်လိုထူးခြားမှုတွေ ရှိလာနိုင်ပါသလဲ၊ ဒါတွေနဲ့ပတ်သက်လို့
ဦးကျော်ဇံသာအနေနဲ့ ဘယ်လိုများ သုံးသပ်ချက်ပေးချင်ပါသလဲ။

“အခြေအနေ အခွင့်အခါကောင်း ဆိုတာကတော့ သူသွားလိုက်လို့ ရလဒ်ကောင်း
ပေါ်ထွက်လာမယ်၊ အပြုသဘောဆောင်တဲ့ တိုးတက်မှုတခုခု ပေါ်ထွက်လာမယ်ဆိုတာ
ကျိန်းသေတယ်ဆိုရင်တော့ သူသွားမှာပါ။ အဲဒီလို ရလဒ်ကောင်း ပေါ်ထွက်လာနိုင်မယ့်
အလားအလာရှိမရှိကို သူ စောင့်ကြည့်နေဟန် တူပါတယ်။ အဆင်သင့်ပဲဖြစ်နေပြီ
ဆိုတာကတော့ ပြောခဲ့တာ ကြာပါပြီ။ ပထမတကြိမ်သွားလို့ ပြန်လာပြီးကတည်းက
သူမျှော်လင့်ထားတဲ့ အခြေအနေ အခွင့်အခါကောင်းက တခါမှ မပေါ်ပေါက်ခဲ့သေးဘူး
လို့ပဲ ဆိုရပါလိမ့်မယ်။

“အခြေအနေ အခွင့်အခါကောင်း မြန်မာပြည်ဘက်က ကြည့်မယ်ဆိုရင် ကောင်းဖို့
နေနေသာသာ ဆိုးသထက်သာ ဆိုးဆိုးလာတာ တွေ့ရပါလိမ့်မယ်။ အခု
ဒေါ်အောင်ဆန်းစုကြည်ကို အကျယ်ချုပ်ကနေ ထောင်ထဲကိုပြောင်းချုပ်ဖို့ စီစဉ်တာ
ပေါ့လေ၊ အခု တရားစွဲတယ်ဆိုတာ။ ဆိုတော့ အခြေအနေက ပိုဆိုးလာတယ်ထင်ပါ
တယ်။ မစ္စတာဘန်ကီမွန်း စောင့်မျှော်နေတဲ့ အခြေအနေ အခွင့်အခါကောင်းဟာ
ဝေးသထက် ဝေးနေတယ်လို့ပဲ ထင်ပါတယ်။”

ဒီလိုဝေးနေတယ်ဆိုလို့ရှိရင် မြန်မာပြည်မှာ ဒီမိုကရေစီနဲ့ လူ့အခွင့်အရေးတွေ
ထွန်းကားစေချင်တယ်လို့ ပြောနေတဲ့ ကုလသမဂ္ဂနဲ့ မြန်မာပြည်ကြားက ဆက်ဆံရေး
ဟာလည်း အလားအလာကောင်းတွေ ဖြစ်လာနိုင်ဖို့ ခက်နေတယ်ဆိုတဲ့ သဘောလား
ခင်ဗျ။

“အဲဒီလိုပဲ ပြောရမှာပါ။ ကုလသမဂ္ဂဆိုတာ တကယ်တော့ တယောက်တည်းသဘောနဲ့
ဆုံးဖြတ်လို့မရဘူး။ အထူးသဖြင့် ကုလသမဂ္ဂမှာ အာဏာအရှိဆုံးဖြစ်တဲ့ လုံခြုံရေး
ကောင်စီထဲမှာ ဗမာအစိုးရကို အကြောင်းအမျိုးမျိုးနဲ့ မျက်နှာသာပေးချင်တဲ့နိုင်ငံတွေက
ရှိနေပါတယ်။ အရေးယူချင်တဲ့လူတွေက ဘယ်လိုပဲပြောပြော၊ ဗြိတိန်တို့ အမေရိကန်
တို့က ဘယ်လိုပဲပြောပြော တရုတ်တို့ ရုရှားတို့က ထော်လော်ကန့်လန့် လုပ်နေကြ
တယ်။ ဒီလိုပဲလျှော့ပြောလိုက်ပါ၊ ဒီလိုပြောရင် ရပါတယ်ဆိုတော့ သူတုိ့လေသံအတိုင်း
ပဲ ဖြစ်သွားတာပါပဲ။ ဆိုတော့ ကုလသမဂ္ဂရဲ့ အင်အားနဲ့ မြန်မာနိုင်ငံကို ပြုပြင်
ပြောင်းလဲဖို့ မျှော်လင့်ရင်တော့ မောရုံပဲရှိမယ်လုိ့ ဆိုရမှာပါ။”

ထိန်းသိမ်းခံ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ နိုင်ငံရေး
အကျဉ်းသားတွေကို လွှတ်ပေးဖို့ Human Rights Watch လို့ခေါ်တဲ့ လူ့အခွင့်အရေး
စောင့်ကြည့်လေ့လာမှုအဖွဲ့ ဦးဆောင်ညွှန်ကြားရေးမှူး ကဲန်းနက်သ် ရော့သ် (Kenneth
Roth) ကနေပြီး မြန်မာစစ်အစိုးရအပေါ် တောင်းဆိုချက်တခုကို ဒီကနေ့ပဲ ဗွီဒီယိုဖိုင်နဲ့
ထုတ်ပြန်လိုက်တာ ရှိပါတယ်။

“ဒေါ်အောင်ဆန်းစုကြည်ဟာ မြန်မာပြည်သူတို့အတွက် လွတ်လပ်မှုရဲ့ပြယုဂ်၊ ကမ္ဘာ
တလွှား လူ့အခွင့်အရေး လှုပ်ရှားမှုရဲ့ မီးရှူးတန်ဆောင် ဖြစ်ပါတယ်။ ဒေါ်အောင်ဆန်း
စုကြည်နဲ့အတူ လူရွှင်တော် ဇာဂနာ၊ လူ့အခွင့်အရေး လှုံ့ဆော်သူ စုစုနွေး၊ လွတ်လပ်မှု
ကြိုးပမ်းသူ သံဃာတော် ဦးဂမ်ဘီရတို့လို အခြား နိုင်ငံရေးသမားတွေ လွတ်မြောက်
ရေးအတွက် လူ့အခွင့်အရေး စောင့်ကြည့်လေ့လာမှုအဖွဲ့ (Human Rights Watch)
အနေနဲ့ မြန်မာနိုင်ငံ စစ်ခေါင်းဆောင်တွေကို ဆက်လက် ဖိအားပေးသွားမှာ
ဖြစ်ပါတယ်။”

လူ့အခွင့်အရေး စောင့်ကြည့်လေ့လာမှုအဖွဲ့ဟာ 64 Words for Daw Aung San Suu
Kyi လို့ခေါ်တဲ့ ကွန်ပျူတာ အွန်လိုင်းလှုပ်ရှားမှုမှာ ၀င်ရောက်ပြောကြားခဲ့ကြတာ ဖြစ်ပါ
တယ်။ ဒီလှုပ်ရှားမှုဟာ ဒေါ်အောင်ဆန်းစုကြည်ကို နာမည်ဆိုးလှတဲ့ အင်းစိန်အကျဉ်း
ထောင်က လွှတ်ပေးဖို့ တောင်းဆိုတဲ့ လှုပ်ရှားမှုဖြစ်ပြီး ဗြိတိန်ဝန်ကြီးချုပ် ဂေါ်ဒွန်
ဘရောင်း (Gordon Brown)၊ ဟောလီးဝုဒ်က ရုပ်ရှင်လောကသား အကျော်အမော်
တွေဖြစ်ကြတဲ့ ဂျော့ခ်ျ ကလူနီ (George Clooney)၊ ဂျူလီယာ ရောဘတ်စ် (Julia
Roberts)၊ ကမ္ဘာကျော် ဘောလုံးသမား ဒေးဗစ် ဘက်ခမ်း (David Beckham) တို့က
လည်း ဒေါ်အောင်ဆန်းစုကြည် လွတ်မြောက်ရေးအတွက် ပါဝင်ပြောဆိုခဲ့ကြပြီး
ဖြစ်ပါတယ်။ ( ဗွီအိုအေ )

ဗ-က-သ ၏ ထုတ်ပြန်ကြေငြာချက်

ABFSU Statement 1_2009_ Legal Org

ဒေါ်စုလွတ်မြောက်ရေး အမျိုးသမီးများ တီရှပ်ကန်ပိန်းလုပ်

ပဲခူးတိုင်း ဇီးကုန်းမြို့နယ် အမျိုးသား ဒီမိုကရေစီ အဖွဲ့ချုပ်မှ အမျိုးသမီးများ ဦးဆောင်ပြီး ဒေါ်အောင်ဆန်းစုကြည် လွတ်မြောက်ရေး တီရှပ်ဝတ်ဆင် လှုပ်ရှားမှု တခုကို ယမန်နေ့က ပြုလုပ်ခဲ့ကြသည်။

ဇီးကုန်း ဒီချုပ်အဖွဲ့ဝင် အမျိုးသမီး ၁၀ ဦးခန့်က ရှေ့ဘက်တွင် လွတ်လပ်ခြင်း အဓိပ္ပာယ်ရသည့် ''FREE'' ၊ နောက်ဘက်တွင် ''PEACE'' (ငြိမ်းချမ်းခြင်း) စာလုံးများ ရိုက်နှိပ်ထားသည့် ဂျိုးငှက်ပုံပါ အဖြူရောင်တီရှပ်များ ဝတ်ဆင်ပြီး ရန်ကုန်-ပြည် အဝေးပြေးလမ်းမကြီးဘေးရှိ ဇီးကုန်းဈေးအတွင်းသို့ နံနက် ၉ နာရီခွဲခန့်က လှည့်လည်ကာ ဆန္ဒဖော်ထုတ်ကြခြင်း ဖြစ်သည်။

“အင်္ကျီနဲ့ ကမ်ပိန်း လှုပ်ရှားမှုလုပ်တော့ နားမလည်တဲ့သူတွေကို ကျမတို့က ရှင်းပြတယ်။ ဒေါ်အောင်ဆန်းစုကြည်ကို လွှတ်ပေးစေလိုတဲ့ ဆန္ဒ၊ မြန်မာနိုင်ငံကြီး ငြိမ်းချမ်းစေလိုတဲ့ ဆန္ဒနဲ့ လုပ်တာပါလို့ ရှင်းပြတယ်။ အဓိက ကတော့ ဒေါ်စုနဲ့ နိုင်ငံရေး အကျဉ်းသားတွေ လွတ်မြောက်ရေးကို တောင်းဆိုတာပါ” ဟု ဇီးကုန်းမြို့နယ် အန်အယ်ဒီ ဥက္ကဋ္ဌ ဒေါ်ခင်ဝိုင်းက မဇ္ဈိမကို ပြောသည်။

ယခုလှုပ်ရှားမှုကို ဒေါ်အောင်ဆန်းစုကြည် မလွတ်မြောက်မချင်း ဆက်လက်၍ လုပ်ဆောင်သွားမည်ဖြစ်ပြီး၊ ပြည်သူများကလည်း ထောက်ခံအားပေးကြကြောင်းနှင့် ယခုလို လုပ်ဆောင်သည့်အတွက် အာဏာပိုင်များ၏ သတိထား စောင့်ကြည့်ခြင်းကို ခံရကြောင်း သူက ဆက်ပြောသည်။

ဇီးကုန်းမြို့ခံတဦးကလည်း ဤလှုပ်ရှားမှုအပေါ် ပြည်သူတယောက်အနေဖြင့် ဝမ်းသာဂုဏ်ယူကြောင်းနှင့် တီရှပ်ပါ စာလုံးများကို မြင်သည်နှင့် ဒေါ်စုလွတ်မြောက်ရေးနှင့် ငြိမ်းချမ်းရေး တောင်းဆိုသည်ကို နားလည်ကြောင်း မဇ္ဈိမကို ပြောသည်။

သူက “ကျနော်တို့ ပြည်သူတယောက်အနေနဲ့ စိတ်ထဲမှာတော့ လူတိုင်းမလုပ်ရဲတဲ့ အလုပ်ကို သူတို့က ကျနော်တို့ ပြည်သူတွေကိုယ်စား လုပ်ပေးတယ်ဆိုတော့ အရမ်း ကြည်နူးမိတယ်။ ကျနော်တို့အကုန်လုံး ဘေးကနေပြီးတော့ အားပေးကြပါတယ်။ ဝမ်းလည်းဝမ်းသာတယ်၊ သူတို့လုပ်တာတွေအတွက် ဂုဏ်လည်း ယူပါတယ်” ဟု ပြောသည်။

သူက ဆက်ပြီး “အများစုကတော့ ဒီ FREE တို့၊ PEACE တို့ကို မြင်တာနဲ့ ဒါ ဒေါ်အောင်ဆန်းစုကြည် လွတ်မြောက်ရေးနဲ့ ငြိမ်းချမ်းရေးကို တောင်းဆိုတယ်ဆိုတာ နားလည်ကြပါတယ်။ မနေ့ကလည်း တွေ့တယ်။ ဒီနေ့လည်း သူတို့တွေ တီရှပ်တွေဝတ်ပြီး လှုပ်ရှားတာ တွေ့ရတယ်ခင်ဗျ” ဟု ပြောသည်။

ယခုလဆန်းပိုင်းကလည်း မန္တလေး၊ မကွေး၊ ပဲခူး၊ ရန်ကုန်နှင့် ဧရာဝတီတိုင်းရှိ အန်အယ်ဒီ အဖွဲ့ဝင်များက ဒေါ်အောင်ဆန်းစုကြည်၏ ဓာတ်ပုံ ဖြန့်ဝေသည့် လှုပ်ရှားမှုများ လုပ်ဆောင်ခဲ့ကြသေးသည်။

တချိန်တည်းမှာ ဒေါ်စုနှင့် အမေရိကန်နိုင်ငံသား ယက်တော၏ မဖွယ်မရာ ဓာတ်ပုံများလည်း လူထုကြားသို့ ဖြန့်ဝေမှုများ ရှိနေပြီး၊ ယင်းလုပ်ရပ်သည် မြန်မာစစ်အစိုးရ ကျောထောက်နောက်ခံ ပေးထားသူများ၏ လက်ချက်အဖြစ် ပြောဆိုမှုများ ပေါ်ထွက်နေသည်။
( မဇ္ဈိမ )
There was an error in this gadget

သစ္စာဓိဌာန်

၁။ ငါတို့သည် နိူင်ငံတော်နှင့် တိုင်းရင်းသားပြည်သူများအပေါ် သစ္စာရှိပါမည်။
1.We Will Be Loyal To The State And Its People.
၂။ ငါတို့သည် ဒီမိုကရေစီ အရေးတော်ပုံ ခေတ်အဆက်ဆက်တွင်ကျဆုံးသွားသော အာဇာနည် သူရဲကောင်းများအပေါ် သစ္စာရှိပါမည်။
2.We Will Be Loyal To The Heroic Martyrs Who Fall In Successive Struggles For Democracy.
၃။ ငါတို့သည် အဖွဲ့ချုပ် အပေါ်သစ္စာရှိ၍ ပေးအပ်သော တာဝန်နှင့်ဝတ္တရားများကို ကျေပွန်စွာ ထမ်းဆောင်ပါမည်။
3.We Will Be Faithful To The National League For Democracy And Dutifully Carry Out The Tasks And Responsiblities Assigned To us.
၎။ ငါတို့သည် ဒီမိုကရေစီနိူင်ငံတော်သစ် ထူထောင်နိူင်သည်အထိ အသက်စွန့်၍ တိုက်ပွဲဝင်သွားရန် သစ္စာဓိဌာန်ပြုပါသည်။
4.We Take This Solemn Oath To Keep On Fighting, Sacrificing Even Our Own Lives Until We Can Establish The New Democratic State.

ပြည်သူ့ဆန္ဒအမှန်

အချက်အလက်များရှာဖွေရန်

Google
WebThis Site

download zaw gyi font

မြန်မာ-Translator

MWTV

MWTV
ကိုရီးယားရောက် မြန်မာနိုင်ငံသား ရွှေ့ပြောင်းအလုပ်သမားများ အတွက် သတင်းမီဒီယာ
There was an error in this gadget

အာဇာနည်တို့စကား

.....လွတ်လပ်စွာ ၀င်ရောက်ပါဝင် ဆွေးနွေးနိုင်ပါသည်။ .....

တိုက်ပွဲဝင်ရဲဘော်များ

ဧည့်သည်တော်များ

   

your ip address

ကျေးဇူးတင်စကား


Powered by IP2Location.com

ဘာတွေဖတ်နေတာလဲ

online ပေါ်ကသူတို့

online ပေါ်ကဧည့်သည်တော်

Total Pageviews