အမျိုးသားဒီမိုကရေစီအဖွဲ့ချုပ် ၏ အလုပ်သမားနေ့ ကြေငြာစာတမ်း

[ ဆက်လက်ဖတ်ရှု့ပါရန် +/- ]

နအဖကို NLDတရားစွဲ၊ တရားရုံးချုပ် လက်ခံ

နိုင်ငံရေး ပါတီများ မှတ်ပုံတင်ခြင်း ဥပဒေသစ်က အမျိုးသား ဒီမိုကရေစီ အဖွဲ့ချုပ် (NLD) ၏ တရားဝင် ရပ်တည်မှုကို ပယ်ဖျက်ခြင်း အပေါ် ဒေါ်အောင်ဆန်း စုကြည်က နိုင်ငံတော် အေးချမ်း သာယာရေးနှင့် ဖွံ့ဖြိုးရေး ကောင်စီကို ယမန်နေ့က တရားစွဲဆိုထားရာ ဗဟို တရားရုံးချုပ်က လက်ခံ ဆောင်ရွက်နေသည်ဟု ယနေ့ အကြောင်း ပြန်ကြားခဲ့သည်။
်[ ဆက်လက်ဖတ်ရှု့ပါရန် +/- ]

NLD သည် ၁၉၈၈ ခုနှစ်တွင် နိုင်ငံရေးပါတီ အဖြစ် တရားဝင် မှတ်ပုံတင်ခဲ့ပြီး ၁၉၉၀ ရွေးကောက်ပွဲတွင် အနိုင်ရခဲ့သည့် ပါတီ ဖြစ်သည်။ ယခု ပြန်လည် မှတ်ပုံမတင်ပါက နိုင်ငံရေး ပါတီ အဖြစ်မှ ပယ်ဖျက်မည်ဟု မတ်လတွင် ပြဋ္ဌာန်းလိုက်သည့် ဥပဒေသည် NLD အပေါ် အကျိုး သက်ရောက်မှု မရှိကြောင်း တားမြစ်မိန့် ထုတ်ပေးရန် ဒေါ်အောင်ဆန်းစုကြည်က ဗဟိုတရားရုံးကို ဦးတိုက် လျှောက်ထားခဲ့ခြင်း ဖြစ်သည်ဟု ဆိုသည်။

“တရားရုံးချုပ် ဒုတိယ ညွှန်ကြားရေးမှူးက သူတို့ ဆက်လုပ်နေပါတယ်၊ အကျိုးအကြောင်းကို တယ်လီဖုန်းနဲ့ ဖြစ်ဖြစ် စာနဲ့ ဖြစ်ဖြစ် ဆက်သွယ်ပါ့မယ် ပြောပေမယ့် ဘယ်အချိန်မှာ အကြောင်း ပြန်မယ် ဆိုတာတော့ အတိအကျ မပြောဘူး” ဟု NLD ပြောခွင့်ရ ပုဂ္ဂိုလ် ဦးဉာဏ်ဝင်းက ရှင်းပြသည်။

NLD ၏ နောက်ထပ် တရားစွဲဆိုချက် တခုမှာ ၁၉၉၀ ရွေးကောက်ပွဲတွင် အနိုင်ရသည့် ပြည်သူ့ လွှတ်တော် ကိုယ်စားလှယ်များ၏ တရားဝင် ရပ်တည်ခွင့်ကို ရွေးကောက်ပွဲ ဥပဒေက ပယ်ဖျက်ခဲ့ခြင်းနှင့် သက်ဆိုင်သည်ဟု ဦးဉာဏ်ဝင်းက ပြောသည်။

“ပြည်သူ့လွှတ်တော် ရွေးကောက်ပွဲ ဥပဒေသစ်ရဲ့ ပုဒ်မ ၉၁ က ၁၉၉၀ ရွေးကောက်ပွဲ ရလဒ်ကို ပယ်ဖျက်လိုက်တဲ့ အတွက် သူတို့တွေရဲ့ တရားဝင် ရပ်တည်ခွင့်ကို ထိခိုက်သွားစေတယ်။ ဒါကြောင့် ပြည်သူ့ လွှတ်တော် ခေါ်ယူပေးဖို့ တရားမ အမှု စွဲခဲ့တာပါ” ဟု ဦးဉာဏ်ဝင်းက ပြောသည်။

ရှေ့နေ ဦးကြည်ဝင်း၊ ဒေါ်ခင်ဌေးကြွယ်နှင့် ဦးကျော်ဟိုးတို့က ရန်ကုန်မြို့ရှိ ဗဟိုတရားရုံးချုပ်တွင် အဆိုပါ အမှု ၂ မှုကို ယမန်နေ့ နံနက် ၁၀ နာရီက သွားရောက် လျှောက်ထားခဲ့ခြင်း ဖြစ်သည်။

NLD သည် ရွေးကောက်ပွဲ ကော်မရှင်တွင် မှတ်ပုံ မတင်ရန် မတ်လ ၂၉ ရက်နေ့က ဆုံးဖြတ်ချက် ချခဲ့သည်။ ( ဧရာဝတီ )

ဒေါ်စု နေအိမ်ပြင်ခွင့် ရပြီ

အကိုဖြစ်သူ ဦးအောင်ဆန်းဦးက တားဝရမ်းထုတ်ခဲ့သဖြင့် နေအိမ်ပြုပြင်မှု ၄ လကျော် ရပ်ဆိုင်းခဲ့ရသည့် ဒေါ်အောင်ဆန်းစုကြည်၏ နေအိမ်အား မြို့တော်စည်ပင်က ပြင်ဆင်ခွင့် ပြန်လည်ခွင့်ပြုလိုက်သည်။

အိမ်ပြင်ဆင်ရေး ကိုယ်စားလှယ် ဦးထင်ကျော်အား ရန်ကုန်မြို့တော် စည်ပင်သာယာရေး ကော်မတီက ယမန်နေ့က အမိန့်စာထုတ်ပေးလိုက်ခြင်းဖြစ်ရာ ရန်ကုန်မြို့ တက္ကသိုလ်ရိပ်သာလမ်း အမှတ် ၅၄ နေအိမ်ကို ဆက်လက်ပြင်ဆင်တော့မည်ဖြစ်သည်။

“အင်းယားကန်ဘက်က ဝင်းထရံတွေကို ဝါးကပ်တွေ ပြန်ကပ်တာ ပြီးသွားပါပြီ။ အလုပ်သမားတွေ စတင် အလုပ်လုပ်နိုင်ဖို့အတွက် သက်ဆိုင်ရာ လုံခြုံရေးကို တင်ပြထားပါတယ်။ အဲဒါကတော့ မရသေးဘူး။ ခေါင်မိုးတွေကတော့ ကြာပြီဆိုတော့ အက်ကွဲနေတဲ့အတွက် လဲရမယ်” ဟု ဒေါ်အောင်ဆန်းစုကြည်၏ ရှေ့နေ ဦးဥာဏ်ဝင်းက ပြောသည်။

ဦးထင်ကျော်နှင့် ဆောက်လုပ်ရေး အင်ဂျင်နီယာများသည် ဒေါ်အောင်ဆန်းစုကြည်နှင့် တွေ့ဆုံခွင့်ပြုရန် အထူးရဲသတင်းတပ်ဖွဲ့ထံ စာရေးတင်ထားကြောင်း ပါတီသတင်းရပ်ကွက်က ပြောသည်။
[ ဆက်လက်ဖတ်ရှု့ပါရန် +/- ]

၂ဝဝ၈ ခုနှစ် မေလဆန်းအတွင်းက တိုက်ခတ်ခဲ့သည့် နာဂစ်မုန်တိုင်းကြောင့် နေအိမ်ခေါင်မိုး အုတ်ကြွတ်ပြားများ ကျိုးပဲ့ပျက်စီးခဲ့သဖြင့် မြို့တော်စည်ပင်က ပြီးခဲ့သည့်နှစ် နိုဝင်ဘာလလယ်မှစ၍ ယခုလအတွင်း အပြီးသတ် ပြုပြင်ရန် ခွင့်ပြုခဲ့သည်။

သို့သော် အိမ်အမွေဆိုင် အငြင်းပွားခဲ့သော ဦးအောင်ဆန်းဦးက သူ၏ ခွင့်ပြုချက် မပါရှိဘဲ ပြုပြင်သည်ဟုဆိုကာ စည်ပင်သို့ ကန့်ကွက်ရာမှ ဒီဇင်ဘာလ ၂၃ ရက်နေ့တွင် အိမ်ပြင်မှု ရပ်နားခဲ့ရသည်။ ယခုလ ၆ ရက်နေ့တွင်မူ ဦးအောင်ဆန်းဦး၏ တားဝရမ်း လျှောက်ထားမှုအား တိုင်းတရားရုံးက ပယ်ချပစ်ခဲ့သည်။

ဒေါ်အောင်ဆန်းစုကြည်၏ မိခင် ဒေါ်ခင်ကြည်သည် ၁၉၆ဝ ခုနှစ်တွင် အိန္ဒိယနိုင်ငံ၌ မြန်မာသံအမတ်ကြီးအဖြစ် တာဝန်ထမ်းဆောင်နေစဉ် မြန်မာဝန်ကြီးချုပ် ဦးနုက ကိုလိုနီခေတ်ကတည်းက တည်ဆောက်ခဲ့သည့် ယခုနေအိမ်ကို ပေးအပ်ခဲ့သည်။

ဒေါ်အောင်ဆန်းစုကြည်သည် မြန်မာပြည်သို့ ပြန်ရောက်လာသည့် ၁၉၈၈ ခုနှစ်ကတည်းက ဗဟန်းမြို့နယ် တက္ကသိုလ်ရိပ်သာလမ်းရှိ ယခုနေအိမ်၌ပင် နေထိုင်ခဲ့သည်။ နယူးဒေလီ (မဇ္ဈိမ )

်

စစ်အစိုးရ တာဝန်မဲ့မှု NLD နဲ့ ဒေါ်စု တရားစွဲ

နိုင်ငံနဲ့ လူမျိုးအတွက် ထမ်းဆောင်ရမယ့် တာဝန်တွေကို ၀တ္တရား ကျေပြွန်အောင် မဆောင်ရွက်ခဲ့တဲ့အတွက် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က စစ်အစိုးရခေါင်းဆောင် ဗိုလ်ချုပ်မှူးကြီးသန်းရွှေကို တရားစွဲဆိုလိုက်တယ်လို့ ဒေါ်အောင်ဆန်းစုကြည်ရဲ့ ရှေ့နေအဖွဲ့က ပြောပြပါတယ်။ ဘာအမှုနဲ့ တရားစွဲဆိုလိုက်သလဲ ဆိုတာကို ဒေါ်အောင်ဆန်းစုကြည်ရဲ့ ရှေ့နေကြီး ဦးကြည်ဝင်းက အခုလို ပြောပြခဲ့ပါတယ်။

“ဒေါ်အောင်ဆန်းစုကြည် စွဲခိုင်းတဲ့အမှုက တရားမ အထွေထွေ လျှောက်လွှာ။ အင်္ဂလိပ်လိုတော့ Civil Miscellaneous Application၊ အရေးယူတဲ့ ပုဒ်မက၊ စွဲတဲ့ပုဒ်မက သီးခြားသက်သာခွင့် အက်ဥပဒေ ပုဒ်မ ၄၅ နဲ့ ၅၄ တို့အရ စွဲဆိုတာ။ သီးခြားသက်သာခွင့် အက်ဥပဒေ ပုဒ်မ ၄၅ ဆိုတာက အာဏာပိုင်ပဲဖြစ်ဖြစ်၊ ၀န်ထမ်းပဲဖြစ်ဖြစ် ဥပဒေပြဋ္ဌာန်းချက် တရပ်ရပ်အရ လုပ်ရမယ့် တာဝန်ကို မလုပ်ဘဲ ပျက်ကွက်နေရင် အဲဒီဟာကြောင့် နစ်နာသူတယောက်က တရားရုံးကိုသွားပြီး ကဲ ပုဒ်မ ၄၅ နဲ့ အဲဒီအာဏာပိုင်ကို သူ့မှာရှိတဲ့ တာဝန်ကို လုပ်ဆောင်စေဆိုတဲ့ ဒီဂရီအမိန့် ချပေးပါဆိုပြီး လျှောက်တယ်။ အဲဒါက သီးခြားသက်သာခွင့် ဥပဒေ ပုဒ်မ ၄၅။
[ ဆက်လက်ဖတ်ရှု့ပါရန် +/- ]

“ပြန်ပြောရင် အာဏာပိုင် တရပ်ရပ် သို့မဟုတ် ၀န်ထမ်းတဦးဦးသည် ဥပဒေအရ လုပ်ရမယ်ဆိုတဲ့ တာဝန်ကို မလုပ်ဘဲ ပျက်ကွက်နေလို့ရှိရင် အဲဒီမှာ နစ်နာသူက နေပြည်တော် တရားရုံးကို သွားပြီးတော့ အဲဒီတာဝန်ကို လုပ်ဆောင်ပေးစေဆိုတဲ့ ဒီဂရီကို ချပေးပါ၊ အမိန့်ပေးပါဆိုပြီး လျှောက်တာ။”

ဒါ့အပြင် ၁၉၉၀ ရွေးကောက်ပွဲ ဥပဒေအရ စစ်အစိုးရ ပြဋ္ဌာန်းခဲ့တဲ့ ပြည်သူ့လွှတ်တော် ခေါ်ယူရေးကိုလည်း ပျက်ကွက်ခဲ့တာကြောင့် အရွေးကောက်ခံ လွှတ်တော်အမတ်တွေ ဖြစ်ကြတဲ့ NLD ဥက္ကဋ္ဌ ဦးအောင်ရွှေနဲ့ CEC အဖွဲ့ဝင် ဦးဉာဏ်ဝင်းအပါအ၀င် အရွေးကောက်ခံ လွှတ်တော်အမတ် ၂၆ ယောက် တို့က စစ်အစိုးရကို ပုဒ်မ ၄၂ နဲ့ တရားစွဲဆိုလိုက်တယ်လို့လည်း ဦးကြည်ဝင်းက အခုလို ဆက်ပြောပြခဲ့ပါတယ်။

“ဒီတခါကျတော့ ၄၂၊ မြွက်ဟ ကြေညာပေးဖို့ Declaratory Decree ပေါ့၊ အဲဒါကို စွဲတာ။ ဘာကို မြွက်ဟစေချင်တာလဲ ဆိုတော့ သူတို့သည် ၁၉၉၀ ပြည့်နှစ်က နအဖကပဲ၊ န၀တပေါ့ဗျာ အဲဒီအချိန်က၊ ဒါပေမဲ့ နအဖကပဲ ဆက်ခံတာ၊ အဲတော့ ဒီအစိုးရကပဲ ကျင်းပပြုလုပ်တဲ့ ပါတီစုံ ဒီမိုကရေစီ ရွေးကောက်ပွဲမှာ ပြည်သူတွေက သူ့မဲဆန္ဒနယ်နဲ့သူ ရွေးကောက် တင်မြှောက်လိုက်တဲ့ ကိုယ်စားလှယ်များ၊ တနည်းအားဖြင့် ဒီကနေ့ထိအောင် တရားဝင် ကိုယ်စားလှယ်များ ဖြစ်တယ်ဆိုတဲ့ အကြောင်းကို မြွက်ဟကြေညာပါ။ ဒါပဲ။

“မြွက်ဟကြေညာ ၄၂ အရ စွဲရင် သူက ဆက်ပြီးတော့ နောက်ဆက်တွဲ အကျိုးဆက် သက်သာခွင့်ကို တောင်းရမယ်။ နောက်ဆက်တွဲ အကျိုးဆက် သက်သာခွင့်က လွှတ်တော်ကို ခေါ်ပေးပါ၊ စောစောကပြောတဲ့ ပုဒ်မနဲ့ အဲဒီလို ပြန်ပြီး စွဲထားတယ်။”

ဒီနေ့ အခုလို တရားစွဲဆိုမှုကို ဗဟိုတရားရုံးမှာ တင်သွင်းခဲ့ပြီး ဒီအမှုကို လက်ခံ၊ မခံ ဆိုတာကိုတော့ မနက်ဖြန် သောကြာနေ့မှာ သိရမှာ ဖြစ်တယ်လို့ ဦးကြည်ဝင်းက ပြောပြခဲ့ပါတယ်။ ( ဗွီအိုအေ )

ကာတွန်းဆရာ ဟန်လေး လူ့အခွင့်အရေးဆု ချီးမြှင့်ခံရ

မြန်မာ့နိုင်ငံရေး အခြေအနေတွေနဲ့ စစ်အစိုးရကို သရော်တဲ့ ကာတွန်းတွေ၊ သရုပ်ဖော်ပုံတွေ ရေးဆွဲနေတဲ့ ကာတွန်းဆရာ ကိုဟန်လေးကို နယူးယောက် အခြေစိုက် လူ့အခွင့်အရေး စောင့်ကြည့် လေ့လာရေးအဖွဲ့ Human Rights Watch က ဂုဏ်ပြုဆု ချီးမြှင့်လိုက်ပါတယ်။ ရှမ်းတိုင်းရင်းသား ကာတွန်းဆရာ ကိုဟန်လေးရဲ့ အနုပညာ လက်ရာတွေအတွက် Human Rights Watch အဖွဲ့ရဲ့ Hellman/Hammett ဆုကို ချီးမြှင့်လိုက်တာ ဖြစ်ပါတယ်။ ဗွီအိုအေ မြန်မာပိုင်းအစီအစဉ်ရဲ့ ဂြိုဟ်တု ရုပ်မြင်သံကြား အစီအစဉ်တွေ အတွက်လည်း မြန်မာ့နိုင်ငံရေး အခြေအနေတွေကို ထင်ဟပ်တဲ့ ကာတွန်းရုပ်ပုံတွေ ရေးဆွဲပေးနေတဲ့ ကာတွန်း ဟန်လေး ဆုရရှိခဲ့တဲ့ အကြောင်းကို ဒေါ်ခင်မျိုးသက်က တင်ပြပေးထားပါတယ်။
[ ဆက်လက်ဖတ်ရှု့ပါရန် +/- ]

၂၀၁၀ အတွက် Human Rights Watch အဖွဲ့ကြီးက ဂုဏ်ပြုတဲ့ အနုပညာရှင်တွေထဲမှာ ကာတွန်းဆရာ ဟန်လေးကို Hellman/Hammett ဆုပေးဖို့ ရွေးချယ်ခဲ့တာ ဖြစ်ပါတယ်။ မြန်မာနိုင်ငံရဲ့ လက်တွေ့ဘ၀တွေကို ထင်ဟပ်စေတဲ့ ကာတွန်းတွေကို ရေးဆွဲခဲ့တဲ့ ကာတွန်း ဟန်လေးရဲ့ လက်ရာဟာ အနုပညာ မြောက်သလို လူ့အခွင့်အရေးအတွက် အကောင်းဆုံး ဖော်ထုတ်နိုင်သူမို့ ဒီဆုကို ထိုက်ထိုက်တန်တန် ရွေးချယ် ပေးအပ်ခဲ့တာလို့ Human Rights Watch က ဆုရွေးချယ်ရေး အဖွဲ့ရဲ့ ထိုင်းအခြေစိုက် တာဝန်ခံ ဒေးဗစ် မက်သီစင်က ပြောပါတယ်။

“ဒီဆုအတွက် ကျနော်တို့ သူ့ကို ရွေးချယ်ရတာက သူဟာ ဒီဆုအတွက် တကယ့်ကို ထိုက်တန်တဲ့သူ၊ ပြောရရင် အရသင့်ဆုံး မြန်မာ ကာတွန်းဆရာ တယောက်ပါ။ သူ့ရဲ့ ကာတွန်းတွေဟာ နိုင်ငံရေးကို သရော်တာ၊ မြန်မာ့နိုင်ငံရေးနဲ့ ပတ်သက်တဲ့ ဝေဖန်ချက်တွေ ဖြစ်နေရုံတင် မကပါဘူး၊ တကယ့်ကို အနုပညာ မြောက်ပါတယ်။ မြန်မာနိုင်ငံမှာ လက်တွေ့ ကြုံနေရတဲ့ နိုင်ငံရေးနဲ့ လူမှုရေးတွေကိုလည်း သေသေချာချာ ဖော်ပြနိုင်ပါတယ်။ သူ့အနုပညာနဲ့ ဒီလို ဖော်ပြနိုင်တာတွေကြောင့် ဒီဆုနဲ့ တကယ့်ကို ထိုက်တန်ပါတယ်။”

အခုလို နိုင်ငံတကာ အဖွဲ့ကြီးက ဂုဏ်ပြု ရွေးချယ်တာ ခံခဲ့ရတဲ့အတွက် ဂုဏ်ယူမိတယ်လို့ ကာတွန်းဆရာ ဟန်လေးက ပြောပါတယ်။

“ကိုယ်လုပ်တဲ့ အလုပ်က လူ့အခွင့်အရေး လှုပ်ရှားမှုကို တဘက်တလမ်းက အထောက်အကူ ပြုတယ်ဆိုတော့ နည်းနည်း ကိုယ့်ကိုယ်ကို ဂုဏ်ယူမိပါတယ်။ ကိုယ့်ကို သူများက အသိအမှတ် ပြုတယ်ဆိုတော့ ၀မ်းလည်း သာတာပေါ့။ ကျနော် ထင်လည်း မထင်ထားဘူးလေ။”

သူဟာ ရန်ကုန် ပန်းချီ၊ ပန်းပု အနုပညာကျောင်းမှာ ပညာသင်ကြားခဲ့ပြီး ပန်းချီပညာကို ပန်းချီ ဦးသုခ၊ ဦးဘလုံလေး၊ ဦးအမ်တင်အေးနဲ့ ဦးဘကြည်တို့ဆီမှာ ပညာဆည်းပူးခဲ့သူ ဖြစ်ပါတယ်။ ကာတွန်းပညာကိုတော့ ငယ်စဉ်ကတည်းက ၀ါသနာပါပြီး ဖခင်ဖြစ်သူရဲ့ အားပေးမှုနဲ့ ကာတွန်း ရွှေမင်းသားဆီက နည်းပညာတွေ သင်ယူခဲ့တယ်လို့ ဆိုပါတယ်။

ကာတွန်း ဟန်လေးဟာ ၁၉၈၈ ခုနှစ် နောက်ပိုင်းကစပြီး စာနယ်ဇင်းတွေအတွက် ကြိုးကြားကြိုးကြား ကာတွန်းတွေ ရေးသားခဲ့ပေမဲ့ ၂၀၀၃ ခုနှစ် နောက်ပိုင်းကစပြီး ပုံမှန် ရေးဖြစ်တယ်လို့ ပြောပါတယ်။

“၂၀၀၃ ခုနှစ် ဒီပဲယင်း အရေးအခင်း ကာတွန်းရေးပါတယ်၊ ရှမ်းသတင်းစဉ်မှာ တင်လိုက်သေးတယ်။ ရှမ်းသတင်းစဉ်ကနေပြီး ဦးကျော်ဇံသာနဲ့တူတယ်၊ အဲဒီတုန်းက ဘီဘီစီမှာ၊ အဲဒီကာတွန်းအကြောင်း ပြောလိုက်တော့ ကျနော် တော်တော် အားရှိသွားတယ်။ ဆက်ပြီးလည်း ရေးဖြစ်လာတယ်။ နောက် ကိုသန်းလွင်ထွန်းနဲ့ တွေ့တော့ ကိုဟန်လေးတဲ့၊ ခင်ဗျား Cartoonist ဆက်လုပ်ပါဗျာတဲ့၊ အဲဒါနဲ့ ကာတွန်းဆွဲဖြစ်သွားတယ်၊ ရေးဖြစ်သွားတယ်၊ ဒီအချိန်ထိပေါ့။

“တော်တော်တော့ ခံစားရတယ်ဗျ။ ဘယ်လိုပြောမလဲ၊ ဘာမှမဟုတ်တာလေးနဲ့ကို ပြစ်မှု ကြီးကြီးကျယ်ကျယ်ကြီးတွေ သတ်မှတ်ပြီးတော့ ဖိနှိပ်နေတာ၊ စိတ်မကောင်း တော်တော်ဖြစ်တယ်။ အမှန် ကျနော့်အလုပ်က သတင်းနဲ့ ပတ်သက်နေတာကိုး။ နိုင်ငံရေးကာတွန်း ရေးစားနေတဲ့ လူတယောက်က သတင်းနဲ့ အမြဲတမ်း ပတ်သက်နေတယ်။ အဲတော့ သတင်းတွေ တက်နားထောင်လိုက်ရင် စိတ်မချမ်းသာတာချည်း၊ ဒီ ၈၈ နောက်ပိုင်း ပိုပြီးတော့ ဆိုးလာတယ်။ ကျနော်တို့ မြန်မာလူမျိုးတွေ မင်္ဂလာယူနေတဲ့ သင်္ကြန်အချိန်မှာတောင်မှ အဲဒီလို သတင်းဆိုးတွေ ထွက်နေတယ်ဆိုတော့ ကောင်းမယ့်သတင်းတွေ ရှားသွားပြီထင်တယ်၊ ကျနော်ထင်တယ် မရှိသလောက် ဖြစ်သွားမယ်၊ ဒီအစိုးရ ဒီအတိုင်း ဆက်ရှိနေမယ်ဆိုရင်။”

မြန်မာနိုင်ငံတွင်းမှာ လူ့အခွင့်အရေး ချိုးဖောက်မှုတွေ အများအပြား ရှိနေပြီး သူ အခုလို ဖော်ပြခွင့် ရတာဟာ တစိတ်တပိုင်းပဲ ရှိပါသေးတယ်လို့လည်း ပြောပါတယ်။ ကာတွန်းဆရာ ကိုဟန်လေးကို လူ့အခွင့်အရေး အဖွဲ့ကြီးက အခုလို ဂုဏ်ပြုဆု ပေးခဲ့တာဟာ ထိုက်တန်တယ်လို့လည်း မြန်မာစာပေ အနုပညာရှင် ဆရာဦးဝင်းဖေက ပြောပါတယ်။

“အလွန်ဝမ်းသာစရာ ကောင်းတယ်၊ အလွန်ထိုက်တန်တဲ့ ဆုလည်း ဖြစ်ပါတယ်။ ဘာဖြစ်လို့လဲဆိုတော့ ကိုဟန်လေးက ကာတွန်းဆရာတယောက် အနေနဲ့ မြန်မာနိုင်ငံတွင်း လူ့အခြေခံ အခွင့်အရေးများနဲ့ ပတ်သက်ပြီးတော့ ကာတွန်းတွေ ရေးတဲ့အခါ အလွန်သိက္ခာရှိတဲ့၊ ကာတွန်းအနုပညာရဲ့ ထိန်းသိမ်းအပ်တဲ့ ကျင့်ဝတ် အမြောက်အမြားကို ထိန်းသိမ်းပြီးတော့ ယဉ်ယဉ်ကျေးကျေးနဲ့ သိက္ခာရှိရှိရေးတဲ့ ကာတွန်းဆရာ ဖြစ်နေတယ်။ အဲဒါကြောင့် ဒီဆုနဲ့ အလွန်ထိုက်တန်တယ်။ သူဟာ အရေအတွက်အရ လည်းကောင်း၊ အရည်အသွေးအရ လည်းကောင်း၊ တကယ် ဒီဆုနဲ့ သင့်လျော်တဲ့ ကာတွန်းဆရာတယောက် ဖြစ်ပါတယ်။”

၂၀၀၉ ခုနှစ်အတွက် Hellman/Hammett ဆုကို အခုထိ အကျဉ်းကျခံနေရတဲ့ ကဗျာဆရာ စောဝေ အပြင် ကွယ်လွန်သူ ကဗျာဆရာကြီး ဦးတင်မိုးကိုလည်း ၂၀၀၂ ခုနှစ်မှာ ဂုဏ်ပြု ပေးအပ်ခဲ့ပါတယ်။ ( ဗွီအိုအေ )

မြန်မာနိုင်ငံအပေါ် ဒဏ်ခတ်ပိတ်ဆို့မှု ဥရောပသမဂ္ဂ နောက်ထပ်တနှစ် သက်တမ်းတိုး

မြန်မာစစ်အစိုးရက ဒီနှစ်ထဲ ကျင်းပဖို့ ရှိနေတဲ့ ရွေးကောက်ပွဲအတွက် ထုတ်ပြန်တဲ့ ဥပဒေတွေဟာ လွတ်လပ်ပြီး တရားမျှတမှု မရှိတာမို့ ပြင်ဆင်မှုတွေလုပ်ဖို့ ဥရောပ သမဂ္ဂ (EU) က တောင်းဆိုလိုက်ပါတယ်။ နိုင်ငံရေး၊ လူ့အခွင့်အရေး အခြေအနေတွေ တိုးတက်မှု မရှိတာမို့ စစ်အစိုးရအပေါ် အရေးယူ ဒဏ်ခတ်မှုတွေကိုလည်း နောက်ထပ် သက်တမ်းတနှစ် ထပ်တိုးဖို့လည်း EU က ဒီကနေ့မှာပဲ ဆုံးဖြတ်ချက် ချမှတ်လိုက်တာပါ။ အကြောင်းစုံကို ဆက်သွယ်စုံစမ်းထားတဲ့ ကိုအောင်လွင်ဦးက တင်ပြပေးထားပါတယ်။

မြန်မာနိုင်ငံမှာ ဒီမိုကရေစီနည်းကျပြီး အားလုံး ပါဝင်ခွင့်ရှိတဲ့ အရပ်သား အုပ်ချုပ်မှုတရပ် ပေါ်ထွန်းရေး မြန်မာစစ်အစိုးရဘက်က နိုင်ငံရေးအရ တိုးတက်အောင် လုပ်ဆောင်လာဖို့ လိုတဲ့အကြောင်း လူဇင်ဘော့ဂ်မှာ ကျင်းပတဲ့ ဥရောပကောင်စီရဲ့ အစည်းအဝေးပွဲမှာ ဆုံးဖြတ်ချက် ချလိုက်တာ ဖြစ်ပါတယ်။ အထူးသဖြင့်ကတော့ မြန်မာစစ်အစိုးရက ဒီနှစ်နှောင်းပိုင်း ကျင်းပဖို့ ပြင်ဆင်နေတဲ့ ရွေးကောက်ပွဲနဲ့ ပတ်သက်လို့ လက်ခံနိုင်လောက်တဲ့ အခြေအနေတွေ မရှိဘူးလို့ EU ရဲ့ နိုင်ငံခြားရေး ၀န်ကြီးတွေက ပြောဆိုခဲ့ကြတာ ဖြစ်တဲ့အကြောင်း ဥရောပကောင်စီက လက်ထောက် ပြောခွင့်ရသူ တဦးဖြစ်တဲ့ မာယာ ကိုဂျီယန်ချီချီ (Maja Kocijancic) က ပြောပါတယ်။
[ ဆက်လက်ဖတ်ရှု့ပါရန် +/- ]

“EU ရဲ့ နိုင်ငံခြားရေး ၀န်ကြီးတွေ ဒီကိစ္စနဲ့ ပတ်သက်လို့ ဒီကနေ့ ဆွေးနွေးကြပါတယ်။ သူတို့အနေနဲ့ မြန်မာစစ်အစိုးရက ရွေးကောက်ပွဲနဲ့ ပတ်သက်လို့ မတ်လထဲမှာတုန်းက ထုတ်ပြန်လိုက်တဲ့ ဥပဒေတွေဟာ လွတ်လပ်ပြီး တရားမျှတမှု အခြေခံတွေ မရှိတာမို့ အလွန်အမင်း စိုးရိမ်မကင်း ဖြစ်မိတဲ့အကြောင်း ပြောကြပါတယ်။

“ဒီနှစ်နှောင်းပိုင်း ကျင်းပဖို့ ပြင်ဆင်နေတဲ့ ရွေးကောက်ပွဲတွေဟာ အများက လက်ခံနိုင်မယ့် အခြေအနေတွေဖြစ်ဖို့၊ ပွင့်လင်းမြင်သာပြီး အားလုံး ပါဝင်နိုင်တဲ့ နိုင်ငံရေး လုပ်ငန်းစဉ် ဖြစ်စေဖို့ လိုအပ်တဲ့ ခြေလှမ်းတွေကို လှမ်းကြဖို့ လိုတဲ့အကြောင်းကိုလည်း ပြောခဲ့တာပါ။ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေကို လွှတ်ပေးဖို့ကိုလည်း ဥရောပကောင်စီက တောင်းဆိုခဲ့တာ ဖြစ်ပါတယ်။”

မြန်မာစစ်အစိုးရရဲ့ လူ့အခွင့်အရေး ချိုးဖောက်မှုတွေ၊ နိုင်ငံရေးအရ တိုးတက်အောင် မလုပ်နိုင်တာတွေကြောင့် EU က မြန်မာစစ်အစိုးရအပေါ် စီးပွားရေးအရ ပိတ်ဆို့မှုတွေ၊ စစ်အစိုးရ အဆင့်မြင့် အရာရှိတွေကို ပြည်ဝင်ခွင့်ဗီဇာ တားမြစ်တာတွေ အပါအ၀င် အရေးယူ ဒဏ်ခတ်မှုတွေ ချမှတ်ထားတာလည်း ဖြစ်ပါတယ်။ လက်ရှိ မြန်မာနိုင်ငံက နိုင်ငံရေး၊ လူ့အခွင့်အရေး အခြေအနေတွေမှာ တိုးတက်မှုတွေ မမြင်ရတာမို့ ဒီလို ပြစ်ဒဏ်ခတ်မှုတွေကို နောက်ထပ် သက်တမ်းတိုးသွားဖို့ အတွက်လည်း EU က ဆုံးဖြတ်ခဲ့တယ်လို့ ပြောခွင့်ရသူက ဆိုပါတယ်။

“လတ်တလော EU က ချမှတ်ထားတဲ့ ကန့်သတ်မှုတွေကို နောက်ထပ် တနှစ်တိုးဖို့ လိုမယ်လို့ သဘောရကြပါတယ်။ ဥရောပကောင်စီ အနေနဲ့ ဒီကန့်သတ်မှုတွေကို တိုးတက်မှုတွေ ရှိလာရင် ရှိလာတဲ့အပေါ် မူတည်ပြီး ပြန်လည် သုံးသပ်ဖို့၊ ပြင်ဆင်ဖို့အတွက် အသင့်ရှိနေတယ် ဆိုတာကိုလည်း အလေးထား ပြောခဲ့ကြတာပါ။ မြန်မာနိုင်ငံက စစ်မှန်တဲ့ တိုးတက်မှုတွေအပေါ်မှာ တုံ့ပြန်သွားဖို့ EU က အသင့် ရပ်တည်နေတာ ဖြစ်ပါတယ်။”

မြန်မာနိုင်ငံမှာ နိုင်ငံရေးအရ တိုးတက်မှုတွေ ရှိလာစေဖို့၊ စစ်အစိုးရနဲ့ ဆွေးနွေးမှုတွေ၊ တိုက်တွန်းမှုတွေ လုပ်နိုင်ဖို့ EU က မြန်မာနိုင်ငံ အထူးကိုယ်စားလှယ် ပီယာရို ဖက်ဆီနို (Piero Fassino) ကို ၂၀၀၇ ခုနှစ် ကတည်းက ခန့်အပ်ခဲ့တာ ဖြစ်ပေမဲ့ စစ်အစိုးရနဲ့ ထိတွေ့ ဆက်ဆံမှုတွေကတော့ မလုပ်နိုင်သလောက် ဖြစ်ပါတယ်။ မြန်မာနိုင်ငံက အခြေအနေတွေနဲ့ ပတ်သက်လို့ EU အနေနဲ့ ဆက်သွယ် စကားပြောဆိုတာတွေ လုပ်နိုင်ဖို့အတွက်ကိုလည်း EU က အခု ထပ်မံတောင်းဆိုခဲ့တဲ့ အကြောင်း ဥရောပကောင်စီက လက်ထောက် ပြောခွင့်ရသူ မာယာ ကိုဂျီယန်ချီချီက ပြောပါတယ်။

“EU ရဲ့ မြန်မာနိုင်ငံဆိုင်ရာ အထူးကိုယ်စားလှယ် ပီယာရို ဖက်ဆီနို ဆက်လက်လုပ်ဆောင်မယ့် လုပ်ငန်းတွေကိုလည်း ဥရောပကောင်စီက ခိုင်ခိုင်မာမာ ပံ့ပိုးပေးထားပြီး မြန်မာစစ်အစိုးရဘက်က သူနဲ့ အပြည့်အ၀ ပူးပေါင်းဆောင်ရွက်သွားဖို့ အတွက်လည်း ဖိတ်ခေါ်ခဲ့တာ ဖြစ်ပါတယ်။”

အခုအခါ EU က မြန်မာနိုင်ငံက ရွေးကောက်ပွဲ အကြိုကာလ အခြေအနေတွေကို အကဲခတ်နိုင်ဖို့ အဖွဲ့တခု စေလွှတ်ဖို့ ရည်ရွယ်ထားတာလည်း ဖြစ်ပါတယ်။ ဥရောပ၊ မြန်မာရုံး ညွှန်ကြားရေးမှူး ဦးဟန်ညောင်ဝေကတော့ EU က မျှော်လင့်ထားသလို ကိုယ်စားလှယ် အဖွဲ့တခု စေလွှတ်ခွင့်ရဖို့ အလားအလာတွေကတော့ သိပ်မမြင်ရဘူးလို့ ထင်မြင်ကြောင်း ပြောပါတယ်။

“ဘာကြောင့်လဲဆိုတော့ သိတဲ့အတိုင်း နအဖက သူ့ကို နိုင်ငံတကာက အကြံလာပေးတယ်၊ လာပြောတယ်ဆို သိပ်မကြိုက်ဘူး။ သူမတတ်နိုင်မှဘဲ သူက လက်ခံတယ်လေ။ ဆိုတော့ ရွေးကောက်ပွဲ မတိုင်ခင်ကတော့ သူ့အနေနဲ့ လက်ခံဖို့ ကျပ်မယ်လို့ ထင်တယ်။ ဘာကြောင့်လဲဆိုတော့ သူတို့က ဒီရွေးကောက်ပွဲကို အနှောင့်အယှက် မရှိဘဲ သူကြိုက်သလို လုပ်သွားချင်တယ်။”

ဥရောပ၊ မြန်မာရုံး ညွှန်ကြားရေးမှူး ဦးဟန်ညောင်ဝေ ပြောပြသွားတာ ဖြစ်ပါတယ်။

မြန်မာနိုင်ငံမှာ ငြိမ်းချမ်းတဲ့ အပြောင်းအလဲတွေကို မြင်တွေ့လိုတဲ့ EU ဥရောပ သမဂ္ဂ အနေနဲ့ မြန်မာနိုင်ငံက နိုင်ငံရေး ပြဿနာတွေနဲ့ ပတ်သက်လို့ သက်ဆိုင်သူ ပုဂ္ဂိုလ်တွေ အားလုံးနဲ့ တွေ့ဆုံ စကားပြောဆိုတာတွေ လုပ်သွားဖို့ အဆင်သင့် ရှိနေသလို စစ်အစိုးရ အနေနဲ့ နိုင်ငံတကာ အသိုင်းအ၀န်းနဲ့ ပူးပေါင်း ဆောင်ရွက်မှုတွေကို ပိုမို လုပ်ဆောင်သွားဖို့ လိုတယ်လို့လည်း လူဇင်ဘော့ဂ်မှာ ကျင်းပတဲ့ ဥရောပသမဂ္ဂ (EU) ရဲ့ နိုင်ငံခြားရေး ၀န်ကြီးတွေက ဆုံးဖြတ်ခဲ့ကြတာ ဖြစ်ပါတယ်။ ( ဗွီအိုအေ )

NLD လူမှုရေးလုပ်ငန်းများ မေ ၇ ရက်တွင် စတင်မည်

အမျိုးသားဒီမိုကရေစီအဖွဲ့ချုပ်အနေဖြင့် လာမည့်လ ၇ ရက်နေ့မှ စတင်၍ နိုင်ငံရေးလုပ်ငန်းများ ရပ်ဆိုင်းကာ လူမှုရေးလုပ်ငန်းများ လုပ်ဆောင်သွားမည်ဟု ပါတီပြောရေးဆိုခွင့်ရှိသူက ပြောသည်။

“မေလ ၇ ရက်နေ့ကစပြီးတော့ နိုင်ငံရေးလုပ်ငန်းတွေကို ရပ်ဆိုင်းထားမှာ ဖြစ်ပါတယ်။ တတ်နိုင်တဲ့ လူမှုရေး လုပ်ငန်းတွေကို ဆောင်ရွက်မှာ ဖြစ်ပါတယ်'' ဟု NLD ပြောခွင့်ရပုဂ္ဂိုလ်နှင့် CEC အဖွဲ့ဝင် ဦးအုန်းကြိုင်က မဇ္ဈိမကို ပြောသည်။

ရန်ကုန်တိုင်း ဗဟန်းမြို့နယ် NLD ရုံးချုပ်၌ ယနေ့ကျင်းပသည့် ဗဟိုအလုပ်အမှုဆောင်အဖွဲ့ CEC အစည်းအဝေးက ဆုံးဖြတ်လိုက်ခြင်းဖြစ်ပြီး HIV/ AIDS ဝေဒနာသည်များ ကူညီစောင့်ရှောက်ရေး၊ နာဂစ်သင့် ဒုက္ခသည်များအား သောက်ရေသန့် ရရှိရေးနှင့် ကူညီရေး၊ နိုင်ငံရေးအကျဉ်းသား မိသားစုဝင်များအား စောင့်ရှောက်ရေး၊ နိုင်ငံရေးအမှုများကို ဥပဒေ အထောက်အကူပြုရေး၊ သဘာဝ ပတ်ဝန်းကျင်ထိန်းသိမ်းရေး အပါအဝင် လုပ်ငန်းရပ်များ တိုးချဲ့လုပ်ကိုင်မည်ဟု သိရသည်။
[ ဆက်လက်ဖတ်ရှု့ပါရန် +/- ]

CEC အဖွဲ့ဝင် ဦးဝင်းတင်က “လူမှုရေးလုပ်ငန်းတွေ လုပ်မယ်ဆိုတာက ကျနော်တို့က နိုင်ငံရေးပါတီဗျာ။ ဆိုတော့ လူထုကို မျက်နှာမူတဲ့ နိုင်ငံရေးလုပ်ငန်းတွေ လုပ်ဖို့လိုတယ်။ လူတွေအနေနဲ့ နေ့စဉ်ကြုံတွေ့နေတဲ့ မတရားမှုတွေ ရပ်ပေးသင့်တာ ရပ်ပေးမယ်။ ဦးဆောင်မှု ပေးသင့်တာ ပေးမယ်။ ကန့်ကွက်သင့်တာ ကန့်ကွက်မယ်။ ဒါတွေက လူထုလုပ်ငန်းတွေ ဖြစ်တယ်။ ရုံးတွေ၊ ဋ္ဌာနတွေ မရှိဘူးဆိုရင် လူထုထဲကို ဆင်းမှာပဲ။ လူထုတွေထဲမှာ နိုင်ငံရေး ရှာမယ်။ လက်ရှိလုပ်နေတဲ့ လုပ်ငန်းတွေနဲ့ ကိုက်ညီတာတွေ ရှိရင်လည်း ရှိမယ်။ ပိုပြီးတော့ ခိုင်မာတဲ့ လုပ်ငန်းတွေ တွေ့ရင်လည်း တွေ့မယ်။ ပျော့ပျောင်းတဲ့ နိုင်ငံရေးဖြစ်ရင်လည်း ဖြစ်မယ်။ ဒါပေမဲ့ ကျနော်တို့က လူထုကြားထဲကို ဆင်းကြမယ်၊ လုပ်ကြမယ်” ဟု မဇ္ဈိမကို ပြောသည်။

အစည်းအဝေးသို့ နေအိမ်အကျယ်ချုပ် ကျခံနေသည့် ဒေါ်အောင်ဆန်းစုကြည်နှင့် ကျန်းမာရေးအရ ပါတီဥက္ကဋ္ဌ ဦးအောင်ရွှေ၊ အတွင်းရေးမှူး ဦးလွင်၊ CEC အဖွဲ့ဝင် ဦးလွန်းတင်တို့မှအပ ကျန်ရှိသည့် CEC အဖွဲ့ဝင် ၁၆ ဦး တက်ရောက်ခဲ့ကြသည်။

NLD ရုံးများတွင် တပ်ဆင်ထားသည့် ပါတီဆိုင်းဘုတ်နှင့် အလံများကို ပါတီဝင်များက ဖြုတ်သိမ်းခြင်းမပြုရန်လည်း အစည်းအဝေးက ဆုံးဖြတ်ခဲ့သည်။

ဦးဝင်းတင်က ''ကျနော်တို့အနေနဲ့ ရုံးဖွင့်လို့ ရရင်ဖွင့်မယ်။ ဒါပေမဲ့ အစိုးရအနေနဲ့ ရုံးပိတ်ရမယ်ဆိုရင်၊ သော့ခတ်မယ်ဆိုရင် ကျနော်တို့က ဘာမှ မတတ်နိုင်ဘူး။ ဒါတော့ သူတို့က သော့ခတ်လို့ ရတာကိုး။ ကျနော်တို့က ရုံးမပိတ်ဘူး၊ အလံဖြုတ်မချဘူး၊ ဆိုင်းဘုတ်ဖြုတ်မချဘူး” ဟု ပြောဆိုသည်။

လာမည့်လ ၆ ရက်နေ့တွင် ပါတီသက်တမ်းကုန်မည် ဖြစ်သော်လည်း ဆိုင်းဘုတ်နှင့် အလံအား ဖြုတ်မချရန် ပါတီ အထွေထွေ အတွင်းရေးမှူး ဒေါ်အောင်ဆန်းစုကြည်က သူမ၏ ရှေ့နေများနှင့် ယခုလ ၂၄ ရက်နေ့တွင် တွေ့ဆုံစဉ် သဘောထား ပေးခဲ့သေးသည်။

တနိုင်ငံလုံးတွင် တိုင်း/ပြည်နယ်နှင့် မြို့နယ်ရုံးများ အပါအဝင် စုစုပေါင်း ရုံး ၃ဝဝ ကျော် တည်ရှိရာ ၂ဝဝ၃ ခုနှစ် မေလ ဒီပဲယင်းဖြစ်ရပ်နောက်ပိုင်း စစ်အစိုးရက အားလုံးကို ပိတ်ပစ်ခဲ့သည်။ သို့သော် ပြီးခဲ့သည့်လ ၈ ရက်နေ့မှ စတင်၍ ရွေးကောက်ပွဲကော်မရှင် ဥပဒေများ ထုတ်ပြန်အပြီး NLD ရုံး ၁ဝဝ ကျော် ပြန်လည်ဖွင့်လှစ်ခွင့် ပြုခဲ့သည်။

အစည်းအဝေး ဆုံးဖြတ်ချက် အသေးစိတ်ကို လာမည့်ရက်ပိုင်းအတွင်း ထုတ်ပြန်ကြေညာသွားမည်ဟု သိရသည်။ နယူးဒေလီ (မဇ္ဈိမ)

NLD လူငယ်ခေါင်းဆောင်များ စည်းရုံးရေးကွင်းဆင်း

ပါတီသက်တမ်းကုန်ကာလအတွက် ကြိုတင်ပြင်ဆင်သောအနေဖြင့် အမျိုးသားဒီမိုကရေစီ အဖွဲ့ချုပ် လူငယ်ခေါင်းဆောင်များက မြို့နယ် ၆ဝ တွင် ကွင်းဆင်းရှင်းလင်းမှုများ ပြုလုပ်ခဲ့သည်ဟု စုံစမ်းသိရှိရသည်။

လူထုအကြား လူမှုရေးလုပ်ငန်းများ လုပ်ကိုင်မည့် စီမံကိန်းအတွက် လူငယ်လုပ်ငန်း ဖော်ဆောင်ရေး အဖွဲ့ဝင်များက လွန်ခဲ့သည့် သီတင်းပတ်နှစ်ပတ်အတွင်း ကချင်၊ ရှမ်းပြည်နယ်၊ စစ်ကိုင်း၊ မန္တလေး၊ ပဲခူးနှင့် ဧရာဝတီတိုင်းများတို့ လှည့်လည်ပြီး ဆွေးနွေးမှုပြုကြသည်။

“အဓိကကတော့ စုစုစည်းစည်း၊ ညီညီညွတ်ညွတ်နဲ့ အန်တီစု လွတ်လာတဲ့အခါမှာ စုစည်းညီညွတ်ပြီး ပါတီအင်အား ပြုန်းမသွားဖို့၊ လူမှုရေးလုပ်ငန်းတွေကို အဓိက ဆောင်ရွက်လို့ ရတယ်။ ကျနော်တို့ရုံးတွေ ပိတ်ကောင်း ပိတ်နိုင်တယ်၊ ပါတီဆိုင်းဘုတ်တွေ ချကောင်းလည်း ချနိုင်တယ်။ သို့သော် ကျနော်တို့ ပါတီဝင်တွေအချင်းချင်း အဆက်အသွယ်တွေတော့ ရှိနေရမယ်” ဟု စည်းရုံးရေးခရီးစဉ်သွားရောက်ခဲ့သူ လူငယ်လုပ်ငန်း ဖော်ဆောင်ရေး တာဝန်ခံ (၃) ကိုအေးထွန်းက မဇ္ဈိမကို ပြောသည်။
[ ဆက်လက်ဖတ်ရှု့ပါရန် +/- ]

“ လူငယ်တွေနဲ့ ဆက်သွယ်ရေး လမ်းကြောင်းတွေ ဖွင့်မယ်။ ဝါးအစည်း ပြေမသွားအောင်၊ စနစ်တကျ စုစည်းထားနိုင်အောင်လို့ ဒါကို ဆောင်ရွက်ညှိနှိုင်း လုပ်ဆောင်တာပါ။ ပြည်နယ်စည်းကနေပြီးတော့ ရပ်ကျေးတွေရော၊ မြို့နယ်က လူတွေရောကို အစည်းအဝေး ခေါ်ထားတော့ တက်ရောက်လာတဲ့ အဖွဲ့ဝင်တွေကို ရှေ့လုပ်ငန်းစဉ်တွေနဲ့ ပတ်သက်ပြီး ရှင်းပြတယ်။ ဆွေးနွေးမှုတွေ၊ ညှိနှိုင်းမှုတွေ ရှိရမယ်။ အဖွဲ့အစည်းကတော့ ပျက်သွားတာ မဟုတ်ဘူး။ ဖွဲ့စည်းပုံကတော့ ဒီအတိုင်းပဲ ရှိရမယ်။ ဆောင်ရွက်စရာရှိတာကို ဆက်လက်ဆောင်ရွက်သွားမယ်” ဟု သူက ဆက်ပြောသည်။

လာမည့်လ ၆ ရက်နေ့ ပါတီသက်တမ်း ကုန်ပြီးနောက် အကျဉ်းသားများ ကူညီစောင့်ရှောက်ရေး၊ HIV/AIDS ဝေဒနာသည်များ စောင့်ရှောက်ရေး အပါအဝင် လူမှုရေးလုပ်ငန်းများ ဆက်လုပ်ရန်အတွက် ရည်ရွယ်ထားကြောင်း မန္တလေးတိုင်း NLD လူငယ်တဦးက မဇ္ဈိမကို ပြောသည်။

“ပါတီအနေနဲ့ ရှေ့လာမယ့် အနာဂတ်မှာ ပါတီဆိုင်းဘုတ် မရှိပေမယ့် အဖွဲ့ချုပ် လုပ်ဆောင်နေကျ လုပ်ငန်းတွေကို ဆက်လုပ်သွားမယ်၊ ပါတီမှာ လက်ရှိထမ်းဆောင်နေတဲ့ အဆင့်တွေအတိုင်း ဆက်လုပ်မယ်။ တိုင်းနဲ့ ပြည်နယ်တွေမှာရှိတဲ့ ပါတီဝင်တွေကလည်း လက်ရှိ ပါတီမှာ ထမ်းဆောင်နေတဲ့ အဆင့်တွေအတိုင်းပဲ ဆက်လုပ်သင့်တဲ့ ပါတီလုပ်ငန်းစဉ်တွေကို ဆက်လုပ်သွားဖို့၊ ပါတီဝင်တွေနဲ့ ညှိနှိုင်းတိုင်းပင်ပြီး လုပ်သွားနိုင်ဖို့ ရည်ရွယ်ထားတယ်” ဟု သူကပြောသည်။

အင်အားအကောင်းဆုံးအချိန်က ပါတီဝင် ၂၂ သန်းအထိ ရှိခဲ့သော အန်အယ်ဒီတွင် အသက် ၁၈ နှစ်မှ ၃၅ နှစ်အထိ လူငယ်ဟု သတ်မှတ်ထားကာ ပါတီ၏ဆုံးဖြတ်ချက်တွင် သြဇာသက်ရောက်မှုရှိသော အင်အားစုတစုဖြစ်သည်။ အခြားသော တိုင်းနှင့် ပြည်နယ်များကိုလည်း လူငယ်ခေါင်းဆောင်များ လှည့်လည်ရန် ပြင်ဆင်ထားသည်။

ပါတီဖျက်သိမ်းခံရလျှင် စုစုစည်းစည်းဖြင့် လုပ်ငန်းဆောင်တာများ ပြုလုပ်ရေး မည်သို့ပြုလုပ်မှာလဲဆိုသည်က ပါတီဝင်များရော စောင့်ကြည့်လေ့လာသူများအကြား စိတ်ဝင်စားမှုဖြစ်နေခဲ့သည်။

တရားမျှတမှုမရှိသော ရွေးကောက်ပွဲဥပဒေများကြောင့် ပါတီအား ပြန်လည်၍ မှတ်ပုံမတင်ရန် ပြီးခဲ့သည့်လ ၂၉ ရက်နေ့တွင် ရန်ကုန် NLD ရုံးချုပ်၌ ဗဟိုအလုပ်အမှုဆောင် ကော်မတီ CEC နှင့် ပြည်နယ်/တိုင်း ဗဟိုဦးစီးအဖွဲ့ CC အဖွဲ့ဝင်များ တညီတညွတ်တည်း ဆုံးဖြတ်ခဲ့ကြသည်။ နယူးဒေလီ (မဇ္ဈိမ)

နိုင်ငံရေးမှုဖြင့် လူငယ် ၇ ဦးကို ရဲက ဖမ်းဆီး

ရန်ကုန်မြို့ လှည်းတန်း ဘူတာအနီးရှိ တိုက်ခန်းတခုထဲနေ လူငယ် ၇ ဦးကို နိုင်ငံရေး လှုပ်ရှားသည်ဟု သံသယဖြင့် ရဲက ဖမ်းဆီးသွားသလို နောက်ထပ် ဖမ်းဆီးမှုများလုပ်ရန် ရှာဖွေနေသေးသည်ဟု အိမ်နီးချင်းများ အပြောအရ သိရသည်။

အမှတ် ၂၉ ၊ မြေညီထပ်၊ ၁ လမ်း၊ ကွမ်းခြံမြောက်ပိုင်း ၄ ရပ်ကွက်ကို သောကြာနေ့အလွန် စနေနေ့ နေ့ကူးပြီခါစ အချိန်တွင် ရဲများက လာရောက် ဖမ်းဆီးသွားခြင်း ဖြစ်သည်။

လက်နက် တပ်ဆင်ထားသော ရဲ ၆၀ ခန့် ဖမ်းဆီးမှုတွင် ပါဝင်ပြီး မိုဘိုင်းတယ်လီဖုန်း ၃ လုံးကို သိမ်းယူသွားကာ အခန်းကိုလည်း ချိတ်ပိတ်လိုက်ကြသည်။

ရန်ကုန်တိုင်း ရဲနှင့် ကမာရွတ် မြို့နယ် ရဲစခန်းတို့က နိုင်ငံရေးမှုကြောင့် ဖမ်းဆီးရပါသည်ဟု အတည်ပြု ပြောကြားသော်လည်း အထက်လူကြီးများ အမှုကို ကိုင်တွယ်နေမှုနှင့် သတင်းထုတ်ပြန်ခွင့်မရှိ ဟုဆိုကာ အသေးစိတ် ဖြေကြားရန် ငြင်းဆန်သည်။
[ ဆက်လက်ဖတ်ရှု့ပါရန် +/- ]

”အိပ်နေတဲ့ အချိန်ဆိုတော့ တချို့ကလည်း စွတ်ကျယ်နဲ့၊ တချို့ကလည်း ဘောင်းဘီတိုတွေနဲ့ ပါသွားတယ်” ဟု အိမ်နီးချင်း တဦးက မဇ္ဈိမသို့ ပြောသည်။

အဖမ်းခံရသူများမှာ ကိုဗိုလ်ဗိုလ်သိန်း၊ ကိုသောင်းထိုက်ဦး၊ ကိုတင်ထွန်း၊ ကိုစိုးမိုးကျော်၊ ကိုစောယဉ်ရှင်၊ ကိုသော်ဇင်နှင့် ကိုအောင်အောင်တို့ ဖြစ်ကြသည်။

ရဲက နောက်ထပ် လူဖမ်းပွဲအတွက် စုံစမ်းစစ်ဆေးမှုများ ဆက်လက်ပြုနေရာ အနည်းဆုံး တဦးကို သဲကြီးမဲကြီး ရှာနေသည်ဟု သိရသည်။ ရဲက ရှာဖွေနေသူတွင် ကိုကျော်မောင်ဦးဆိုသူ ပါဝင်သည်ဟု သိရသည်။

ရပ်ကွက် အာဏာပိုင်များနှင့် နီးစပ်သော အိမ်နီးချင်းများ ပြန်ပြောပြချက်အရ အဖမ်းခံရသူများမှာ အသက် ၂၀ ကျော်များနှင့် အသက် ၃၀ ပတ်ဝန်းကျင်များဖြစ်ကြပြီး ယခင် သီတင်းပတ်ကတည်းက ရဲက စောင့်ကြည့်မှုများ ပြုလုပ်ခဲ့သည်ဟု ဆိုသည်။

”သူတို့ ဒီရပ်ကွက်ထဲ နေတာကြာပြီး၊ ရပ်ကွကထဲ ခိုက်ရန် ဖြစ်ပွားတာတော့ မကြားဖူးဘူး”ဟု အိမ်နီးချင်းတဦးက ပြောသည်။

သင်္ကြန်တွင်း ရန်ကုန်မြို့ ကန်တော်ကြီး X2O ရေကစားမဏ္ဍပ်ရှေ့ ပေါက်ကွဲမှုသုံးခု ဆက်တိုက် ဖြစ်ပွားပြီးနောက် ရဲ၏ ခေါ်ယူစစ်ဆေးမှုများနှင့် ဖမ်းဆီးမှုသတင်းများ ထွက်ပေါ်လာနေသည်။

သတင်းထောက် ဦးဇေယျနှင့် သူ၏သားဖြစ်သူ ကိုစည်သူဇေယျတို့ကို ပေါက်ကွဲမှု ဖြစ်ပွားသော နေရာများကို ဓာတ်ပုံရိုက်မှုဖြင့် ဧပြီ ၁၇ ရက်နေ့က ဖမ်းဆီးခဲ့သည်။

စုံစမ်း စစ်ဆေးမှုများ ပြုလုပ်ရာတွင် ပါဝင်ခဲ့သော စစ်အင်ဂျင်နီယာ တဦး အပြောအရ လူအုပ်ထဲ လက်ပစ်ဗုံး သုံးလုံး ပစ်သွင်းခံခဲ့ရခြင်း ဖြစ်သည်ဟု ဆိုသော ပေါက်ကွဲမှုများကြောင့် စစ်ဘက် အရာရှိများနှင့် ပြည်ထဲရေးအောက်ရှိ ရဲနှင့် လုံခြုံရေးဝန်ထမ်းများ၊ ကြံ့ခိုင်ဖွံ့ဖြိုးရေး အသင်းဝင်များ အပါအဝင် လူ ၁၀ ဦးသေဆုံးကာ ၁၇၀ ခန့် ဒဏ်ရာ ရရှိခဲ့သည်။ ချင်းမိုင် (မဇ္ဈိမ)

ဒီမိုကရေစီရေး စစ်တပ်ထဲက ပူးပေါင်းဖို့ အမေရိကန်အမတ် တိုက်တွန်း

မြန်မာနိုင်ငံအတွင်းမှာ ဒီမိုကရေစီ ပြန်လည်ထွန်းကားဖို့ စစ်တပ်အတွင်းက မျိုးချစ်တပ်သားတွေ အနေနဲ့ ဒီမိုကရေစီ အင်အားစုတွေနဲ့ ပူးပေါင်းပြီး စစ်ခေါင်းဆောင်တွေကို တိုက်ထုတ်ကြဖို့ အမေရိကန် အောက်လွှတ်တော်အမတ် ဒေနာ ရိုရာဘာကာ (Dana Rohrabacher) က တောင်းဆိုလိုက်ပါတယ်။ ဒီစစ်ခေါင်းဆောင်တွေရဲ့ ကူညီ လုပ်ဆောင်ပေးမှုတွေကြောင့် မြန်မာပြည်ဟာ တဖြည်းဖြည်းနဲ့ တရုတ်နိုင်ငံရဲ့ လက်အောက်ခံနိုင်ငံ ဖြစ်လာနေပြီလို့ သူက ပြောပါတယ်။ အပြည့်အစုံကို ကိုဇော်ဝင်းလှိုင်က တင်ပြပေးထားပါတယ်။
[ ဆက်လက်ဖတ်ရှု့ပါရန် +/- ]

မြန်မာနိုင်ငံရဲ့ အချုပ်အချာ အာဏာဟာ တိုင်းတပါးရဲ့ လက်ထဲကို ရောက်တဲ့ အဖြစ်မျိုးနဲ့ မြန်မာနိုင်ငံသားတွေ ရင်ဆိုင်နေကြရတယ်လို့ ကာလီဖိုးနီးယားပြည်နယ်က ရီပတ်ဘလီကန် လွှတ်တော်အမတ် ဒေနာ ရိုရာဘာကာက ပြောဆိုလိုက်တာပါ။ ဒါ့အပြင် တရုတ်နိုင်ငံဟာ မြန်မာနိုင်ငံရဲ့ သယံဇာတတွေ ခိုးယူနေရုံမကဘဲ မြန်မာနိုင်ငံကို သူ့လက်ခံ နိုင်ငံတနိုင်ငံ ဖြစ်ဖို့အတွက် တဖြည်းဖြည်းနဲ့ သိမ်းသွင်းနေတယ်လို့ သူက ပြောပါတယ်။

“တရုတ်နိုင်ငံဟာ မြန်မာလူထု လက်ထဲကနေ တိုင်းပြည်ကို တဖြည်းဖြည်းနဲ့ လုယူနေပါတယ်။ အဲဒီလို မတရားသဖြင့် ရယူနိုင်ဖို့ အတွက်လည်း ကိုယ့်တိုင်းပြည်အပေါ် သစ္စာစောင့်သိဖို့ထက် မိမိအာဏာ တည်မြဲရေးကိုသာ ဦးစားပေး လုပ်ဆောင်နေကြတဲ့ မြန်မာစစ်ခေါင်းဆောင်တွေရဲ့ အကူအညီ အထောက်အပံ့နဲ့ လုပ်ဆောင်နေတာ ဖြစ်ပါတယ်။

“ဒါကြောင့် တိုင်းပြည်ကို ကယ်တင်လိုစိတ်ရှိတယ်၊ စစ်မှန်တဲ့ အမျိုးသား ပြန်လည် ရင်ကြားစေ့ရေးကို လုပ်ဆောင်လိုကြတယ်၊ မြန်မာနိုင်ငံကြီး တိုင်းတပါး လက်အောက်ခံနိုင်ငံ ဖြစ်မသွားစေချင်ဘူး ဆိုရင် မျိုးချစ်စိတ် ရှိသူတွေနဲ့ လွတ်လပ်မှုကို လိုလားကြတဲ့ မြန်မာနိုင်ငံသားတွေ အနေနဲ့ အာဏာရှင်တွေကို ဆန့်ကျင် တိုက်ထုတ်နိုင်ဖို့ အားလုံး တညီတညွတ်တည်း ပူးပေါင်းလုပ်ဆောင်ကြရမှာ ဖြစ်ပါတယ်။”

တိုင်းပြည်ကို ဆယ်စုနှစ်ပေါင်းများစွာ တင်းတင်းကျပ်ကျပ် ဖိနှိပ် အုပ်ချုပ်လာခဲ့တဲ့ စစ်အာဏာရှင်တွေကို တိုက်ထုတ်နိုင်ဖို့အတွက် လက်နက်ကိုင် တိုင်းရင်းသား အင်အားစုတွေ၊ ဒေါ်အောင်ဆန်းစုကြည် ဦးဆောင်တဲ့ ဒီမိုကရေစီ အင်အားစုတွေနဲ့ တခြား မျိုးချစ်ပုဂ္ဂိုလ်တွေ ပူးပေါင်း လုပ်ဆောင်ကြဖို့ လိုအပ်တယ်လို့လည်း သူက ပြောပါတယ်။

ဒါ့အပြင် တပ်မတော်အတွင်းက မျိုးချစ် အရာရှိ၊ အရာခံ၊ အကြပ်၊ တပ်သားတွေ အနေနဲ့လည်း ဒီမိုကရေစီ အင်အားစုတွေနဲ့ ပူးပေါင်းပြီး စစ်ခေါင်းဆောင်တွေကို ပုန်ကန် တိုက်ထုတ်ကြဖို့ လွှတ်တော်အမတ်က တောင်းဆိုလိုက်ပါတယ်။

“အတိုက်အခံ အင်အားစုတွေကလည်း ဂုဏ်သရေ ပြည့်ဝပြီး ပြည်သူနဲ့ တိုင်းပြည်အကျိုးကို ရှေးရှုတဲ့ တပ်မတော်ကြီး ဖြစ်လာဖို့ ဆန္ဒရှိနေကြတဲ့ စစ်တပ်အတွင်းက မျိုးချစ်ရဲဘော်တွေနဲ့ လက်တွဲ လုပ်ဆောင်ကြဖို့ လိုပါတယ်။ တပ်မတော်အတွင်းက စစ်မှန်တဲ့ စိတ်ထား ရှိကြတဲ့ ခေါင်းဆောင်တွေ အနေနဲ့လည်း အမှန်တကယ် လွတ်လပ်ပြီး ဖွံ့ဖြိုးတိုးတက်တဲ့ မြန်မာနိုင်ငံတော်ကြီး ဖြစ်လာရေး လုပ်ဆောင်ကြဖို့ အချိန်ရောက်ပါပြီ။”

အခုချိန်ဟာ တိုင်းရင်းသားတွေနဲ့ ဒီမိုကရေစီ အင်အားစုတွေ အပါအ၀င် မျိုးချစ်စိတ်ရှိတဲ့ တပ်မတော်သားတွေအတွက် တော်လှန် ပုန်ကန်ကြဖို့ အခွင့်အခါကောင်း ဖြစ်တာကြောင့် ဒီအခွင့်အရေးကို လက်လွတ်ဆုံးရှုံး မခံကြဖို့ လွှတ်တော်အမတ် ရိုရာဘာကာက တိုက်တွန်းပါတယ်။ အဲဒီလို ဒီမိုကရေစီ အရေးအတွက် တော်လှန် ပုန်ကန်သူတွေဘက်မှာ ကမ္ဘာ့မိသားစုကြီးက ရှိနေမှာ ဖြစ်သလို သူတို့ကို ထောက်ခံအားပေးကြမှာပါလို့ သူက ပြောပါတယ်။

မြန်မာစစ်အစိုးရက အခုနှစ်အတွင်း ကျင်းပဖို့ စီစဉ်နေတဲ့ ရွေးကောက်ပွဲကို တရားမျှတပြီး သက်ဆိုင်သူတွေ အားလုံး ပါဝင်နိုင်အောင် ဖန်တီးပေးဖို့ အာဆီယံနိုင်ငံ အတွင်းက ခေါင်းဆောင်တွေ အပါအ၀င် ကမ္ဘာ့တိုင်းပြည် အသီးသီးက ၀ိုင်းဝန်း တောင်းဆိုနေကြတဲ့ အချိန်မှာ လွှတ်တော်အမတ် ဒေနာ ရိုရာဘာကာက အမေရိကန် လွှတ်တော်ကို ပြောကြားတဲ့အထဲ အခုလို ထည့်သွင်း ပြောဆိုသွားတာပါ။

မြန်မာစစ်အစိုးရက ထုတ်ပြန်ခဲ့တဲ့ ရွေးကောက်ပွဲဆိုင်ရာ ဥပဒေတွေက တရားမျှတမှု မရှိတဲ့အပြင် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် ပါဝင်ခွင့် မရှိအောင် တမင် လုပ်ကြံရေးဆွဲ ထားတာကြောင့် ဒီဥပဒေတွေကို ဆန့်ကျင်ကန့်ကွက်တဲ့ အနေနဲ့ စစ်အစိုးရအပေါ် ပိုမိုပြင်းထန်တဲ့ ပိတ်ဆို့ အရေးယူမှုတွေ ချမှတ်လုပ်ဆောင်ပေးဖို့ ပြီးခဲ့တဲ့ ဧပြီလဆန်းပိုင်းတုန်းက အမေရိကန် အထက်လွှတ်တော်အမတ် ၉ ဦးက သမ္မတ အိုဘားမားကို စာရေးသား တောင်းဆိုခဲ့ကြပါတယ်။ ( ဗွီအိုအေ )

လွတ်လပ်ပြီး ပွင့်လင်းမြင်သာတဲ့ ရွေးကောက်ပွဲ ကျင်းပရေး စင်ကာပူနဲ့ ဂျပန် တိုက်တွန်း

မြန်မာစစ်အစိုးရက အခုနှစ်အတွင်း ကျင်းပဖို့ စီစဉ်နေတဲ့ ရွေးကောက်ပွဲဟာ တရားမျှတပြီး သက်ဆိုင်သူ အားလုံး ပါဝင်နိုင်မယ့် အခြေအနေမျိုး ဖန်တီးလုပ်ဆောင်ပေးဖို့ ဂျပန်နဲ့ စင်ကာပူ နိုင်ငံတွေက တိုက်တွန်းလိုက်ပါတယ်။ စင်ကာပူနိုင်ငံရဲ့ ၀ါရင့်ဝန်ကြီး ဂိုချုပ်တောင် (Goh Chok Tong) နဲ့ ဂျပန် နိုင်ငံခြားရေးဝန်ကြီး ကတ်ဆုယာ အိုကာဒါ (Katsuya Okada) တို့ မနေ့က တွေ့ဆုံကြတဲ့ အချိန်မှာ အခုလို ပူးတွဲသဘောထားကို ထုတ်ပြန်လိုက်ကြတာ ဖြစ်ပါတယ်။ အပြည့်အစုံကို ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးထားပါတယ်။

ဂျပန်နိုင်ငံကို ၃ ရက်ကြာ ရောက်ရှိနေတဲ့ စင်ကာပူ ၀ါရင့်ဝန်ကြီး ဂိုချုပ်တောင်နဲ့ ဗုဒ္ဓဟူးနေ့က တွေ့ဆုံတဲ့အချိန်မှာ ဂျပန်နဲ့ စင်ကာပူတို့က သူတို့ရဲ့ သဘောထားတွေကို အခုလို ထုတ်ဖော် ပြောဆိုခဲ့ကြတာပါ။

မြန်မာစစ်အစိုးရက လက်ရှိ ထုတ်ပြန်ထားတဲ့ ရွေးကောက်ပွဲဆိုင်ရာ နည်းဥပဒေတွေဟာ အရေးပါတဲ့ လူပုဂ္ဂိုလ်၊ အဖွဲ့အစည်းတွေကို ချန်လှပ်ထားခဲ့သလို ဖြစ်နေတဲ့အတွက် ဒါကို ပြန်လည်သုံးသပ်ဖို့လည်း ဂျပန်အစိုးရက တိုက်တွန်းထားတဲ့အကြောင်း ဂျပန် နိုင်ငံခြားရေး ၀န်ကြီးဌာန ပြောခွင့်ရပုဂ္ဂိုလ် ဆဘရှီးမား ဟီတာနိုဘူး (Sabashima Hitanobu) က ပြောပါတယ်။
[ ဆက်လက်ဖတ်ရှု့ပါရန် +/- ]

“တိုင်းပြည်အတွင်းက အခြေအနေတွေ တိုးတက် ကောင်းမွန်လာအောင် လုပ်ဆောင်ဖို့ မြန်မာအစိုးရကို ကျနော်တို့ တိုက်တွန်းထားပါတယ်။ လက်ရှိ စစ်အစိုးရက ထုတ်ပြန်ထားတဲ့ စည်မျဉ်း စည်းကမ်းတွေ၊ လုပ်ထုံး လုပ်နည်းတွေက အရေးပါတဲ့ လူပုဂ္ဂိုလ်၊ အဖွဲ့အစည်းတွေကို ချန်လှပ်ထားခဲ့သလို ဖြစ်နေပါတယ်။ ဒါကြောင့် အဲဒီလို နည်းဥပဒေတွေ ထုတ်ပြန်ထားတဲ့အပေါ် ကျနော်တို့ရဲ့ သဘောထားနဲ့ ဒါကို ပြန်လည်သုံးသပ်ဖို့အတွက် ကျနော်တို့က တောင်းဆိုထားတာပါ။”

ဂျပန်အစိုးရ အနေနဲ့က အခုလို တိုက်တွန်းပြောဆိုရုံပဲ လုပ်ဆောင်နေမှာလား၊ ဒီထက်ပိုပြီး ဘာတွေများ လုပ်ဆောင်ဖို့ အစီအစဉ် ရှိပါသလဲဆိုတဲ့ အမေးအပေါ်မှာတော့ မစ္စတာ ဟီတာနိုဘူးက…

“မြန်မာစစ်အစိုးရ အရာရှိတွေနဲ့ နှစ်နိုင်ငံချင်း တွေ့ဆုံပြီးတော့လည်း ကျနော်တို့ရဲ့ ရပ်တည်ချက်၊ သဘောထားတွေကို ပြောပြပြီးပါပြီ။ မြန်မာ့အရေး ကိုင်တွယ်ဖြေရှင်းတဲ့ နေရာမှာ ပူးပေါင်းလုပ်ဆောင်မှုတွေ ရှိဖို့အတွက်လည်း တခြားနိုင်ငံတွေနဲ့ တွေ့ဆုံ ဆွေးနွေးဖို့ ကျနော်တို့ဘက်က အဆင်သင့် ရှိနေပါတယ်။ မြန်မာနိုင်ငံအတွင်းမှာ အခြေအနေတွေ တိုးတက်ကောင်းမွန် လာတာကို ကျနော်တို့က လိုလားတာ ဖြစ်ပေမဲ့ ဒီကိစ္စကို ဘယ်လို ချဉ်းကပ် လုပ်ဆောင်မယ်ဆိုတာ ကျနော်တို့ သတိထားရပါမယ်။ ဒီအပေါ်မှာတော့ ၀န်ကြီးချုပ် ကိုယ်တိုင်ကပဲ အဆုံးအဖြတ် ပေးပါလိမ့်မယ်။”

မြန်မာနိုင်ငံမှာ အခုနှစ်အတွင်း ကျင်းပမယ့် ရွေးကောက်ပွဲအတွင်း ဒေါ်အောင်ဆန်းစုကြည်နဲ့ တကွ တခြား သက်ဆိုင်သူ အဖွဲ့အစည်းအားလုံး ပါဝင်ခွင့်မရရင် မြန်မာနိုင်ငံကို ပေးနေတဲ့ အကူအညီတွေ ရပ်ဆိုင်းထားမယ်လို့ ဂျပန်နိုင်ငံဆိုင်ရာ မြန်မာသံအမတ်ကြီး ဦးလှမြင့်က တဆင့် ပြီးခဲ့တဲ့ မတ်လကုန်ပိုင်းမှာ ဂျပန် နိုင်ငံခြားရေးဝန်ကြီး ကတ်ဆုယာ အိုကာဒါက ပြောကြားခဲ့တာနဲ့ ပတ်သက်လို့တော့ လူထုလက်ထဲ ရောက်နိုင်မယ့် လူသားချင်း စာနာတဲ့ အကူအညီတွေကို ဂျပန်နိုင်ငံ အနေနဲ့ ဆက်ပေးသွားမှာ ဖြစ်တယ်လို့ မစ္စတာ ဟီတာနိုဘူးက ပြောပါတယ်။

“ကျနော်တို့ဘက်ကတော့ အကူအညီ ကြီးကြီးမားမားတွေ မပေးဘူး ဆိုတာကို ထပ်ဖြည့် ပြောချင်ပါတယ်။ ဒါက ဘာကိုဆိုလိုသလဲ ဆိုတော့ NGO အဖွဲ့အစည်းတွေက တဆင့် ကျနော်တို့ ပေးနေတဲ့ အကူအညီတွေဟာ အကန့်အသတ်နဲ့ ဖြစ်နေပြီး လူထုကို တိုက်ရိုက် အကျိုးရှိစေမယ့် လူသားချင်း စာနာမှု အကူအညီတွေသာ ဖြစ်တယ် ဆိုတာပါပဲ။ ဒီအကူအညီတွေကိုတော့ ကျနော်တို့ ဆက်ပေးသွားမှာပါ။ စစ်အစိုးရကို အကန့်အသတ်မရှိ အကူအညီတွေ အများကြီးပေးဖို့ ဆိုတာကတော့ လုံးဝ မဖြစ်နိုင်ပါဘူး။”

မြန်မာနိုင်ငံမှာ အခုနှစ်အတွင်း စစ်အစိုးရက ကျင်းပဖို့ ပြင်ဆင်နေတဲ့ ရွေးကောက်ပွဲဟာ လွတ်လပ် တရားမျှတပြီး ဒေါ်အောင်ဆန်းစုကြည် အပါအ၀င် သက်ဆိုင်ရာ အဖွဲ့အစည်း အားလုံး ပါဝင်နိုင်ဖို့ အတွက်လည်း ဂျပန်ဝန်ကြီးချုပ် ယူကီအို ဟတိုယာမ (Yukio Hatoyama) နဲ့ မလေးရှား ၀န်ကြီးချုပ် နာဂျစ်ဘ် ရာဇတ်ခ် (Najib Razak) တို့ကလည်း ပြီးခဲ့တဲ့ ဧပြီလ ၂၀ ရက်နေ့က ပူးတွဲကြေညာချက် ထုတ်ပြန် တောင်းဆိုခဲ့ပါသေးတယ်။

ဂိုချုပ်တောင်ရဲ့ ဂျပန်ခရီးစဉ်အတွင်း တခြား အာဆီယံ အရေးကိစ္စတွေကိုလည်း ဂျပန်ခေါင်းဆောင်တွေနဲ့ ဆွေးနွေး တိုင်ပင်ခဲ့ကြတယ်လို့ ဆိုပါတယ်။

အာရှဒေသအတွင်းက ကမ္ဘာ့အင်အားကြီး နိုင်ငံတွေ ဖြစ်လာကြတဲ့ တရုတ်နဲ့ အိန္ဒိယ နှစ်နိုင်ငံတို့ရဲ့ ဒေသတွင်းမှာ စီးပွားရေးအရ ထိုးဖောက် ၀င်ရောက်လာမှုတွေကို ရင်ဆိုင် ရပ်တည်နိုင်ဖို့ Asean Community ဆိုတဲ့ အာဆီယံ လူမှုအသိုင်းအ၀ိုင်းကို လာမယ့် ၂၀၁၅ ခုနှစ်မှာ အကောင်အထည် ဖော်နိုင်ဖို့ အာဆီယံဘက်က သန္နိဋ္ဌာန်ချ လုပ်ဆောင်နေတယ်လို့ ဂျပန် နိုင်ငံခြားရေးဝန်ကြီးနဲ့ တွေ့ဆုံတဲ့အခါမှာ ဂိုချုပ်တောင်က ပြောဆိုခဲ့ပါတယ်။

ဒါကြောင့် ဒီကိစ္စတွေ အောင်မြင်အောင် အကောင်အထည်ဖော်တဲ့ နေရာမှာ အာဆီယံအဖွဲ့ဝင် နိုင်ငံတခုဖြစ်တဲ့ မြန်မာနိုင်ငံအတွင်း နိုင်ငံရေး မတည်မငြိမ် ဖြစ်နေတဲ့ ကိစ္စက ဆူးငြောင့်ခလုတ်အဖြစ် ရှိနေတာကြောင့် မြန်မာ့ပြည်တွင်းရေး ပြေလည်အောင် ဆောင်ရွက်ရမယ်ဆိုတာ အာဆီယံ ခေါင်းဆောင်တွေက ယေဘုယျအားဖြင့် သဘောပေါက် လက်ခံထားကြတာ ဖြစ်ပါတယ်။ ဒါပေမဲ့ စစ်အစိုးရက သူတို့စီစဉ်ထားတဲ့အတိုင်း ရွေးကောက်ပွဲကို သူတို့လူတွေနဲ့ သူတို့ လက်သိပ်ထိုး ကျင်းပသွားခဲ့ရင် အနာဂတ်မှာ စစ်အစိုးရကို အာဆီယံနဲ့ ဒေသတွင်း ခေါင်းဆောင်တွေက ဘယ်လို ဆက်ဆံသွားကြမလဲ ဆိုတဲ့ကိစ္စကတော့ စိတ်ဝင်စားစရာပဲလို့ မြန်မာ့အရေး လေ့လာသူတွေက ဝေဖန် သုံးသပ်နေကြပါတယ်။ ( ဗွီအိုအေ )

ရွေးကောက်ပွဲ မ၀င်ပေမဲ့ NLD ရုံးချုပ် ပိတ်ဖို့မရှိ

အမျိုးသားဒီမိုကရေစီ အဖွဲ့ချုပ် (NLD) အနေနဲ့ ၂၀၁၀ ရွေးကောက်ပွဲ ဥပဒေအရ နိုင်ငံရေးပါတီအဖြစ် မှတ်ပုံမတင်ဘူး ဆိုပေမဲ့ ပါတီရုံးကို ပိတ်မှာ မဟုတ်သလို ပါတီအလံ၊ ပါတီဆိုင်းဘုတ်ကိုလည်း မိမိဘာသာ ဖျက်သိမ်းပေးမှာ မဟုတ်ဘူးလို့ ပါတီခေါင်းဆောင်တချို့က ပြောလိုက်ပါတယ်။ အပြည့်အစုံကို ဆက်သွယ်မေးမြန်းပြီး ကိုသားညွန့်ဦးက တင်ပြပေးထားပါတယ်။

အမျိုးသားဒီမိုကရေစီ အဖွဲ့ချုပ် အနေနဲ့ ဥပဒေအရ ပါတီတည်ရှိမှု ပျက်ပြယ်သွားမယ်ဆိုရင် အခြေအနေတွေကို ကိုင်တွယ်နိုင်အောင် စီမံခန့်ခွဲမှုဆိုင်ရာ အုပ်ချုပ်ရေး အဖွဲ့တရပ် ဖွဲ့ထားပါတယ်။ ဒါပေမဲ့လည်း NLD အနေနဲ့ သူ့ရဲ့ အဖွဲ့တည်ရှိမှုကိုတော့ မိမိဘာသာ ဖျက်သိမ်းပေးမှာ မဟုတ်ဘူးလို့ အဖွဲ့ချုပ် ခေါင်းဆောင်တဦးဖြစ်တဲ့ ဦးဝင်းတင်က ပြောပါတယ်။

“ကျနော်တို့က နိုင်ငံရေးပါတီ၊ ဖျက်သိမ်းမယ်၊ မဖျက်သိမ်းဘူးဆိုတာ သူတို့အပေါ်မှာသာ တည်တယ်၊ ကျနော်တို့နဲ့ ဘာမှမဆိုင်ဘူး။ ကျနော်တို့ ကိုယ့်ဘာသာလည်း ဘာမှ ဖျက်သိမ်းမပေးဘူး။ အလံချခြင်းတို့၊ ဆိုင်းဘုတ်ဖြုတ်ခြင်းတို့ ဘာမှမလုပ်ဘူး။ ကျနော်တို့လုပ်ငန်း ကျနော်တို့ လုပ်မယ်။ ဒါက ဒေါ်စုရဲ့ အမြင် သဘောထားတွေနဲ့လည်း ထင်ဟပ်ပြီးတော့ ဖြစ်တာလို့ ပြောချင်ပါတယ်။”
[ ဆက်လက်ဖတ်ရှု့ပါရန် +/- ]

ဥပဒေ ကျွမ်းကျင်သူတဦးဖြစ်တဲ့ NLD ပြောခွင့်ရသူ ဦးဉာဏ်ဝင်းကလည်း လက်ရှိ ဥပဒေအတိုင်းဆိုရင် ပါတီ မှတ်ပုံမတင်ရင် အလိုအလျောက် ပျက်ပြယ်တဲ့ သဘောပဲရှိပြီး အစုအဖွဲ့ ဆက်တည်ရှိနေမှုအပေါ် အရေးယူရမယ်ဆိုတဲ့ ဥပဒေ ဖော်ပြချက်မျိုး ဘာမှမတွေ့ရဘူးလို့ ပြောပါတယ်။

“ကျနော်တို့ ပြင်ဆင်မှု မလုပ်ဘူးဗျ၊ လုပ်စရာ မလိုဘူးလို့ ကျနော်တို့က သတ်မှတ်ထားတာ။ ဥပဒေအရ အလိုအလျောက် Cancel ဖြစ်တော့လည်း အလိုအလျောက် ဖြစ်ပေါ့။ ကျနော်တို့က ဒီအတွက် လိုက်လုပ်ပေးစရာ မရှိဘူး။”

အကယ်၍များ မေလ ၇ ရက်နေ့မှာ သူတို့က သူ့ဥပဒေအရ အလိုအလျောက် Cancel ဖြစ်တယ်၊ ပါတီဆိုင်းဘုတ်တွေ တင်ခွင့်မပေးဘူး၊ အလံတွေ တင်ခွင့်မပေးဘူး၊ ရုံးတွေ ဖွင့်ခွင့်မပေးတော့ဘူး ဆိုရင်ရော အန်ကယ်တို့ ဘာများ စဉ်းစားမှုရှိပါလဲ။

“အဲဒီလို ခွင့်မပေးဖို့ကိစ္စ ဘယ်ဥပဒေမှာမှ ကျနော်တော့ မတွေ့ဘူးဗျ။”

ဥပဒေမှာက ဘယ်လိုဆိုထားလဲခင်ဗျ၊ အကယ်၍ မေလ ၇ ရက်နေ့ကျရင် နိုင်ငံရေးပါတီ တရပ်အနေနဲ့ မရှိတော့ဘူးလို့ သဘော မသက်ရောက်နေဘူးလား။

“သက်ရောက်ပါတယ်။”

သက်ရောက်နေတော့ အဲဒါ သူတို့အနေနဲ့ တခြား Action တွေဘာတွေ လုပ်ရမယ်ဆိုတဲ့ ရည်ညွှန်းချက်တွေရော မရှိဘူးလားခင်ဗျ။

“အဲဒီရည်ညွှန်းချက်တွေလည်း ဥပဒေမှာ မရှိဘူး။”

ဦးဝင်းတင်ကတော့ အခုလက်ရှိ ရွေးကောက်ပွဲ ဥပဒေရော၊ ၂၀၀၈ ဖွဲ့စည်းပုံပါ ဥပဒေတွေဟာ မတရားတဲ့ ဥပဒေတွေ ဖြစ်တဲ့အတွက် သူတို့ရပ်တည်ချက် လုပ်ရပ်တွေကို ဒီဥပဒေတွေနဲ့ စံနှုန်းထား သတ်မှတ်တာမျိုး လက်မခံနိုင်ဘူးလို့ ဆိုပါတယ်။

“ကျနော်တို့ကတော့ ဥပဒေဘောင်အတွင်းမှာ ဆိုတာ ဘာလဲဆိုတော့ ကျနော်တို့က တရားဥပဒေ ဘောင်အတွင်းမှာ ရှိတယ်၊ ရပ်တည်တယ်။ ဒါပေမဲ့ ရွေးကောက်ပွဲ ၀င်မယ်တို့၊ ပါတီ မှတ်ပုံတင်မယ်ဆိုတဲ့ လူတွေရဲ့ ဥပဒေဘောင်အတွင်း ဆိုတာက ၂၀၀၈ ဥပဒေဘောင်အတွင်း၊ ၂၀၀၈ အခြေခံ ဥပဒေကနေ ချတဲ့ ဘောင်အတွင်း ဖြစ်မယ်။ ကျနော်တို့ကတော့ တရားဥပဒေ ဘောင်အတွင်းမှာ ရှိတယ်။ တရားမျှတခြင်း၊ လွတ်လပ်ခြင်းဆိုတဲ့ ဘောင်အတွင်းမှာ ရှိတယ်လို့ ကျနော်က ယူဆတယ်။”

အန်ကယ်တို့အနေနဲ့ အလံမချဘူး၊ ဆိုင်းဘုတ်ကိုလည်း မဖြုတ်ဘူး၊ ဒီအတိုင်းထားမယ်ဆိုရင် ၁၉၈၉ ခုနှစ်တုန်းက အန်ကယ်တို့ တကယ်တမ်း ကြွေးကြော်ပြီး လှုပ်ရှားခဲ့ကြတဲ့ မတရားတဲ့ ဥပဒေတွေကို ဆန့်ကျင်ရေးဆိုတဲ့ လမ်းကြောင်းပေါ်ကို ရောက်မသွားနိုင်ဘူးလား ခင်ဗျ။

“မတရားတဲ့ ဥပဒေတွေကတော့ ရှိနေပြီ။ ဒေါ်စုကနေပြီးတော့ ဒီဥပဒေတွေ ထွက်ကတည်းက ပြောခဲ့တဲ့စကား ၂ ခွန်း ရှိပါတယ်။ ဒီဥပဒေတွေက မတရားဘူး၊ မတရားဘူးဆိုရင် ကျနော်တို့က မတရားတဲ့ အမိန့်အာဏာ ဟူသမျှ ဖီဆန်ကြဆိုတဲ့ သဘောထား၊ လမ်းကြောင်း လုပ်ငန်းစဉ်ဟာ ကျနော်တို့ ရှိနေတဲ့ သို့မဟုတ် ဒီလမ်းစဉ်အတိုင်းပဲ ဆက်ပြီးတော့ ကိုင်စွဲဦးမယ်လို့ ဆုံးဖြတ်ရင် အထွေအထူး စဉ်းစားစရာ မလိုတော့ဘူး။ ဘာဖြစ်လို့လဲဆိုတော့ ဒီဥပဒေတွေက မတရားတဲ့ ဥပဒေတွေ ဖြစ်နေတာကိုး။

“သို့သော် ကျနော်တို့က အဲဒီဟာကို လုပ်ငန်းစဉ်အနေနဲ့ ကိုင်စွဲသေးသလား၊ ကိုင်စွဲလို့ ရသေးသလား၊ ကိုင်စွဲဦးမလား ဆိုတာကတော့လည်း အဓိက ဖြစ်နေပြန်တယ်ပေါ့ဗျာ။ ဘာဖြစ်လို့လဲဆိုတော့ ၀ိညာဉ်အားဖြင့်တော့ ကျနော်တို့ထဲမှာ ဒီအနှစ် ၂၀ ကာလပတ်လုံး ရှိခဲ့တယ်။ သို့သော် အဲဒါကို ကျနော်တို့ လှုပ်ရှားမှု အနေနဲ့ ကိုင်စွဲမလား၊ မကိုင်စွဲဘူးလား ဆိုတာကတော့ အဆင့်တဆင့်ဖြစ်မယ်၊ သို့မဟုတ်လည်း ကဏ္ဍသစ်တခု ဖြစ်ကောင်း ဖြစ်လိမ့်မယ်လို့ ကျနော် အဲဒီလိုပဲ ပြောချင်ပါတယ်။”

NLD အနေနဲ့ မေလ ၇ ရက်ကျော်လို့ ဥပဒေအရ အလိုအလျောက် ပါတီပျက်ပြယ်ချိန်မှာ ရှိထားတဲ့ အစုအဖွဲ့တွေနဲ့ လူထုအကျိုးပြုလုပ်ငန်း၊ လူမှုကယ်ဆယ်ရေး လုပ်ငန်းတွေကို လုပ်သွားမယ်လို့ ဆိုသလို တဘက်မှာလည်း နိုင်ငံရေးအရ ဆက်ရှိနေဦးမယ်လို့ ပြောပါတယ်။ ဒါပေမဲ့ ဒီအစုအဖွဲ့တွေနဲ့ နိုင်ငံရေးအရ ဘယ်လို ရပ်တည်လှုပ်ရှားမလဲ ဆိုတဲ့ အစီအစဉ် အသေးစိတ် အတိအကျကိုတော့ ပါတီခေါင်းဆောင်ပိုင်း ကြားမှာ သဘောထား ကျထားပုံ မရသေးပါဘူး။ ( ဗွီအိုအေ )

လူ့အခွင့်အရေး အကျိုးဆောင်လုပ်မည်ဟု NLD လူငယ်ကြေညာ

ပါတီသက်တမ်း ကုန်ဆုံးပြီးနောက် လူ့အခွင့်အရေးကိစ္စဘက် ဦးလှည့် လုပ်ကိုင်သွားမည်ဟု ရန်ကုန်တိုင်း လှိုင်သာယာမြို့နယ် NLD လူငယ်ပြန်ကြားရေး တွဲဖက်တာဝန်ခံ ကိုခိုင်စိုးက ပြောသည်။

ပြီးခဲ့သည့်လ ၉ ရက်နေ့တွင် စစ်အစိုးရက ထုတ်ပြန်ခဲ့သည့် ပါတီများ မှတ်ပုံတင်ခြင်း ဥပဒေအရ လာမည့်လဆန်းပိုင်းတွင် အမျိုးသားဒီမိုကရေစီအဖွဲ့ချုပ် NLD သည် ပါတီသက်တမ်း ကုန်ဆုံးတော့မည်ဖြစ်ရာ ၎င်းတို့အနေဖြင့် လူ့အခွင့်အရေးဆိုင်ရာ လှုပ်ရှားမှုများ ပိုမိုလုပ်ကိုင်သွားမည့်အကြောင်း ပြောဆိုခြင်း ဖြစ်သည်။

“NLD က ရွေးကောက်ပွဲ မဝင်ဘူးလို့ ဆုံးဖြတ်ပြီးနောက်ပိုင်း ကျနော်တို့ရဲ့ လုပ်ငန်းစဉ်တွေကို လူမှုရေးဘက်ကို ဦးတည်ပြီး လုပ်မှာဖြစ်တဲ့အတွက် မြန်မာနိုင်ငံရဲ့ အခြေအနေအရ လူ့အခွင့်ရေး လှုပ်ရှားမှုတွေကို ထင်ထင်ရှားရှား လုပ်သွားရတော့မယ်လို့ ယူဆလို့ လုပ်တာပါ။ ဘာ့လို့လဲဆိုတော့ ၂ဝဝ၈ အခြေခံဥပဒေအရ ရွေးကောက်ပွဲမတိုင်မီနဲ့ ရွေးကောက်ပွဲနောက် မြန်မာနိုင်ငံရဲ့ လူ့အခွင့်အရေး အခြေအနေတွေ ဆိုးလာနိုင်တယ် ယူဆလို့ပါ” ဟု ကိုခိုင်စိုးက မဇ္ဈိမကို ပြောသည်။
[ ဆက်လက်ဖတ်ရှု့ပါရန် +/- ]

“ကျနော်ကလည်း နိုင်ငံရေး အကျဉ်းသားဟောင်းတဦး ဖြစ်ခဲ့ဖူးတော့ အတွေ့အကြုံလည်း ရှိခဲ့ပါတယ်။ ကျနော်တို့ လုပ်မယ့် အနေအထားအပေါ် မူတည်ပြီး ဘယ်လိုအန္တရာယ် ရှိတယ်ဆိုတာကို သဘောပေါက်ပြီးသားပါ။ သို့သော်လည်း အချိန်အခါက ကျနော်တို့ ကြောက်နေလို့ မရဘူး။ လုပ်စရာ ရှိတာကို လုပ်ရတော့မယ်လို့ မြင်လို့ပါ။ 'ဒီလိုလုပ်တာကတော့ မြန်မာနိုင်ငံမှာ လူ့အခွင့်အရေး အခြေအနေတွေ ဖွံ့ဖြိုးတိုးတက်လာဖို့နဲ့အတူ ဒီမိုကရေစီ လမ်းကြောင်းမှန်ပေါ် ရောက်လာဖို့ပါ။ ၂ဝဝ၈ ခုနှစ် အခြေခံ ဥပဒေက စစ်မှန်တဲ့ လူ့အခွင့်အရေးနဲ့ ဒီမိုကရေစီ မရနိုင်ဘူး ယူဆလို့ လုပ်တာပါ” ဟု သူက ဆိုသည်။

တနိုင်ငံလုံး အတိုင်းအတာဖြင့် လူ့အခွင့်အရေးလှုပ်ရှားမှုကို ဥပဒေဘောင်အတွင်းက လုပ်ကိုင်သွားမည်ဖြစ်ကာ၊ ပဲခူး၊ ဧရာဝတီနှင့် မကွေးတိုင်း ခရီးစဉ်များဖြင့် စတင်မည်ဖြစ်ပြီး ကျေးလက်ဒေသများတွင် ကြုံတွေ့နေသည့် အာဏာပိုင်များ၏ ဖိနှိပ်မှု၊ ကလေးစစ်သား စုဆောင်းမှုအပြင် ရွေးကောက်ပွဲတွင် အတင်းအဓမ္မ မဲပေးခိုင်းခြင်းများကို လူ့အခွင့်အရေးချိုးဖောက်မှုအဖြစ် ဖော်ထုတ်သွားမည်ဟု သိရသည်။

“နိုင်ငံရေးအကျဉ်းသားတွေရဲ့ မိသားစုကို တတ်နိုင်သလောက် ထောက်ပံ့မယ်။ သူတို့ရဲ့အိမ်ကို သွားပြီး ဆွေနွေးမယ်၊ နှစ်သိမ့်မယ်၊ အားပေးမယ်။ ရွေးကောက်ပွဲနဲ့ ပတ်သက်ပြီး force မရှိဖို့၊ လွတ်လပ်စွာ ဆုံးဖြတ်နိုင်တဲ့ အနေအထားရှိဖို့ ပြောပြဆွေးနွေးမယ်။ အဲဒါမျိုးတွေ ကြုံတွေ့ရရင်လည်း ကျနော်တို့ကို အကြောင်းကြားဖို့နဲ့ ကျနော်တို့ကတဆင့် ဒီကိစ္စတွေကို သိသင့်သိထိုက်တဲ့ လူတွေကို ပြောပြဖို့ ဖြစ်ပါတယ်” ဟု ကိုခိုင်စိုးက ပြောသည်။

သူ၏လုပ်ငန်း၌ ဝန်းရံပေးမည့်သူများ ရှိနေပြီး ယခုအချိန်တွင် တဦးတည်းတာဝန်ခံ၍ လုပ်ကိုင်မည်ဖြစ်ကာ၊ လူ့အခွင့်အရေး လှုပ်ရှားသူ မစုစုနွေး အကျဉ်းကျနေသဖြင့် သူမ၏ လုပ်ငန်းများအား ကွက်လပ်ဖြည့် လုပ်ဆောင်ခြင်းဖြစ်ကြောင်း သူက ဆိုသည်။

ကိုခိုင်စိုးသည် ၁၉၉၈ ခုနှစ်တွင် အင်းစိန်မြို့နယ် အထူးတရားရုံးက အရေးပေါ် စီမံချက် အက်ဥပဒေ - ပုဒ်မ ၅ (ည)၊ တရားမဝင် အဖွဲ့အစည်းများနှင့် ဆက်သွယ်မှု - ပုဒ်မ ၁၇ (၁) ဖြင့် ထောင်ဒဏ် ၇ နှစ် ချမှတ်ခံရပြီး၊ ၂ဝဝ၅ ခုနှစ်တွင် ပြန်လည်လွတ်မြောက်လာခဲ့သည်။ ထောင်မှ လွတ်မြောက်လာပြီးနောက် လူမှုရေးလုပ်ငန်းများကို လုပ်ဆောင်လာခဲ့ကာ၊ ၂ဝဝ၇ ခုနှစ်တွင် NLD အဖွဲ့ဝင် ဖြစ်လာခဲ့သည်။

သူက “ကျနော် ထောင်က ထွက်လာပြီးနောက်ပိုင်း အရမ်းဆင်းရဲတဲ့ ကလေးတွေ၊ ပညာရေး တပိုင်းတစနဲ့ ကျောင်းထွက်ပြီး လမ်းဘေးရောက်နေတဲ့ ကလေးတွေကို အလှူရှင်တွေရှာပြီး အသက်မွေးဝမ်းကျောင်း လုပ်ငန်းတခုခု သင်ပေးတာတွေ၊ စီးပွားရေး အခက်အခဲကြောင့် ပြည့်တန်ဆာလုပ်နေတဲ့ မိန်းကလေးတွေ လမ်းမှန်ရောက်အောင် စည်းရုံးပြီး ဆံပင်ညှပ်သင်တန်းပေးပြီး အလုပ်လုပ်နိုင်အောင် ကူညီတာတွေကို လုပ်ခဲ့ပါတယ်” ဟု ပြောသည်။ နယူးဒေလီ (မဇ္ဈိမ)

မြန်မာအစိုးရနှင့် ထိတွေ့ဆက်ဆံမှု အမေရိကန် ဆက်လုပ်မည်

မြန်မာစစ်အစိုးရနဲ့ ထိတွေ့ဆက်ဆံရေး မူဝါဒကို ရုတ်တရက် ပြောင်းလဲဖို့ အလားအလာ မရှိသေးဘူးလို့ အမေရိကန် အစိုးရက ပြောလိုက်ပါတယ်။ ဗုဒ္ဓဟူးနေ့ အမေရိကန် နိုင်ငံခြားရေးဌာနမှာ ပုံမှန်ပြုလုပ်တဲ့ သတင်းစာ ရှင်းလင်းပွဲမှာ အမေရိကန် နိုင်ငံခြားရေးရုံး ပြောခွင့်ရသူ ပီ.ဂျေ ခရော်လီ (P.J Crowley) က အခုလို ပြောလိုက်တာ ဖြစ်ပါတယ်။ တနှစ်အတွင်းမှာ ဖြစ်ပေါ်လာတာ မဟုတ်တဲ့ မြန်မာနိုင်ငံရဲ့ စိန်ခေါ်မှုတွေကိုလည်း တနှစ်တည်းမှာပဲ ဖြေရှင်းလို့ မရဘူးလို့ ပြောခဲ့တာနဲ့ ပတ်သက်လို့ ဦးကျော်ဇံသာက တင်ပြပေးထားပါတယ်။

မြောက်ကိုရီးယားဟာ မြန်မာနိုင်ငံကို ပြီးခဲ့တဲ့ အပတ်က လက်နက်တချို့ တင်ပို့ခဲ့တယ်ဆိုပြီး အစီရင်ခံစာတစောင် ပေါ်ထွက်လာပါတယ်။ အဲဒီကိစ္စကို သိပါသလားလို့ သတင်းထောက် တယောက်က မေးခဲ့တာ ဖြစ်ပါတယ်။ မစ္စတာ ခရော်လီကတော့ အဲဒီ အစီရင်ခံစာကို သေချာ မလေ့လာရသေးဘူးလို့ ဆိုပါတယ်။ အဲဒီအစီရင်ခံစာဆိုတာ ဘယ်ကထုတ်တဲ့ အစီရင်ခံစာလဲ၊ ဘာအစီရင်ခံစာလဲ ဆိုတာကိုတော့ မေးတဲ့ သတင်းထောက်ကလည်း မပြောသလို နိုင်ငံခြားရေးဌာန ပြောခွင့်ရပုဂ္ဂိုလ် မစ္စတာ ခရော်လီကလည်း ပြောကြားခြင်း မရှိပါဘူး။
[ ဆက်လက်ဖတ်ရှု့ပါရန် +/- ]

သို့သော်လည်း မြောက်ကိုရီးယားနဲ့ မြန်မာနိုင်ငံတို့ဟာ လက်နက်အရောင်းအ၀ယ် ရှိနေတဲ့အတွက် စိုးရိမ်မကင်း ဖြစ်တယ်လို့တော့ မစ္စတာ ခရော်လီက အခုလို ပြောသွားခဲ့ပါတယ်။

“အဲဒီအစီရင်ခံစာကို ကျနော်တို့ ဆန်းစစ်လေ့လာခြင်း မရှိဘဲနဲ့တော့ ကျနော်တို့အနေနဲ့ ဒီအချက်ကို မှတ်သားထားရုံပဲ လုပ်နိုင်ပါလိမ့်မယ်။ ဒါပေမဲ့ သိကြတဲ့ အတိုင်းပါပဲ၊ မြန်မာနိုင်ငံ အပါအ၀င် နိုင်ငံတွေ အားလုံးဟာ မြောက်ကိုရီးယားနဲ့ ဆက်ဆံတဲ့အခါ အထူးသတိထားပြီး ပွင့်လင်း မြင်သာအောင် လုပ်ဆောင်ကြဖို့ တာဝန်ရှိပါတယ်။

“ပြီးတော့ မြောက်ကိုရီးယားနဲ့ မြန်မာ နှစ်နိုင်ငံအကြား စစ်ရေး ဆက်နွယ်မှုတွေ ရှိနေတာကိုလည်း ကျနော်တို့ စိုးရိမ်မကင်း ဖြစ်နေတာ အတော်ကြာခဲ့ပါပြီ။ မြန်မာအပါအ၀င် ကုလသမဂ္ဂ အဖွဲ့ဝင် နိုင်ငံတွေ အားလုံးဟာ လုံခြုံရေး ကောင်စီရဲ့ ဆုံးဖြတ်ချက် ၁၇၁၈ နဲ့ ၁၈၇၄ တို့ကို လိုက်နာ စောင့်ထိန်းကြဖို့လည်း မျှော်လင့်ပါတယ်။”

ကုလသမဂ္ဂ လုံခြုံရေးကောင်စီ ဆုံးဖြတ်ချက် အမှတ် ၁၇၁၈ နဲ့ ၁၈၇၄ ဆိုတာတွေဟာ စစ်လက်နက် ပစ္စည်းနဲ့ လောင်စာတွေကို မြောက်ကိုရီးယားကို မတင်ပို့ရဘူး၊ မြောက်ကိုရီးယားနဲ့ အရောင်းအ၀ယ် မလုပ်ရဘူး၊ ဒီပစ္စည်းတွေ တင်ဆောင်လာတယ်လို့ ယူဆရတဲ့ သင်္ဘောတွေကို တက်ရောက်ပြီး ရှာဖွေစစ်ဆေးခွင့် ရှိတယ်ဆိုပြီး ပြဋ္ဌာန်းထားတဲ့ ပြဋ္ဌာန်းချက်တွေ ဖြစ်ပါတယ်။

နောက်တခါ မြန်မာဘက်က ပြုပြင်ပြောင်းလဲမှုတွေ မလုပ်တဲ့အတွက် မြန်မာနိုင်ငံအပေါ် လက်ရှိကျင့်သုံးနေတဲ့ အမေရိကန် အစိုးရရဲ့ မူဝါဒကို ပြန်လည်သုံးသပ်ဖို့ အထက်လွှတ်တော် အမတ်တွေက နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) ကို မေတ္တာရပ်ခံ နေကြပါတယ်။ ဒီမူဝါဒသစ်ဟာ အလုပ်မဖြစ်တဲ့အတွက် သုံးသပ်ရမယ့်အချိန် ရောက်ပြီလား ဆိုတာနဲ့ ပတ်သက်လို့လည်း မစ္စတာ ခရော်လီက အခုလို ဖြေကြားသွားပါတယ်။

“ပြောရမယ်ဆိုရင်တော့ မြန်မာနိုင်ငံ ပြဿနာက တနှစ်အတွင်း ဖန်တီးခဲ့တဲ့ ပြဿနာ မဟုတ်ပါဘူး။ ဆိုတော့ တနှစ်တည်း ဖြေရှင်းလို့ ရနိုင်မှာလည်း မဟုတ်ပါဘူး။ ကျနော်တို့ဟာ မြန်မာနိုင်ငံဆိုင်ရာ မူဝါဒကို အနုလုံ ပဋိလုံ သုံးသပ်ပြီးမှ ထိတွေ့ဆက်ဆံရေး မူဝါဒကို ပြောင်းလဲ ကျင့်သုံးခဲ့တာပါ။ ဒီလို ပြောင်းလဲခဲ့ရတာဟာ ပွင့်ပွင့်လင်းလင်း ပြောရရင် ဒဏ်ခတ်အရေးယူမှု တခုတည်းနဲ့ ဘာရလဒ်မှ ပေါ်ထွက်မလာလို့ပါပဲ။

“ကျနော်တို့ဟာ မြန်မာအစိုးရနဲ့ အဆင့်မြင့် ဆွေးနွေးမှုတွေ လုပ်ပြီး အကျိုးစီးပွား ဖြစ်ထွန်းရေးနဲ့ စိုးရိမ်ပူပန်စရာတွေကို ကျယ်ကျယ်ပြန့်ပြန့်နဲ့ ရှည်ရှည်လျားလျား ဆွေးနွေးခဲ့ကြပါတယ်။ ဒီဆွေးနွေးမှုတွေကို ဆက်လက် လုပ်ကြရဦးမှာပါ။ ဒါပေမဲ့ ကျနော်တို့ ပြောခဲ့သလိုပါပဲ၊ မြန်မာအစိုးရရဲ့ မကြခင်က လုပ်ရပ်တချို့ကြောင့် ကျနော်တို့ စိတ်ပျက်ခဲ့ရပါတယ်။ အထူးသဖြင့် ရွေးကောက်ပွဲ ဥပဒေတွေနဲ့ ပတ်သက်ပြီး စိတ်ပျက်ခဲ့ရတာပါ။

“မြန်မာနိုင်ငံမှာ စိန်ခေါ်မှုတွေ အများကြီး ရှိနေပါတယ်။ ဒါတွေကို သူတို့ ပြည်တွင်းမှာ ဖြေရှင်းကြရပါလိမ့်မယ်။ မြန်မာ့လူ့အဖွဲ့အစည်း အစိတ်အပိုင်း အမျိုးမျိုးနဲ့ ကျယ်ကျယ်ပြန့်ပြန့် ဆွေးနွေးကြရပါလိမ့်မယ်။ နိုင်ငံရေး ဖြစ်စဉ်မှာ ပါဝင်ခွင့် ရှိသူတွေ၊ ပါဝင်နိုင်သူတွေ ပိုများလာအောင် ဖွင့်ပေးရပါလိမ့်မယ်။”

အမေရိကန် အထက်လွှတ်တော်က ရီပတ်ဘလီကန်အမတ်တွေ ဖြစ်တဲ့ ဂျက်ဂရက်တို့၊ မစ်ခ်ျ မက်ကော်နယ်လ်တို့လို ပုဂ္ဂိုလ်တွေက မြန်မာနိုင်ငံ အပေါ်မှာ အမေရိကန် အစိုးရ လက်ရှိကျင့်သုံးနေတဲ့ မူဝါဒကို ပြန်လည်သုံးသပ်သင့်ပြီ ဆိုပြီး မကြာခဏ မေတ္တာရပ်ခံနေကြတာလည်း ဖြစ်ပါတယ်။ ( ဗွီအိုအေ )

NLD-LA ကိုရီးယားဌာနခွဲရဲ့ ၁၁ နှစ်တာ မြန်မာ့အရေး လှုပ်ရှားမှု အကြောင်း ဗီဒီယိုသတင်း

RFAVideo — April 15, 2010 — http://www.rfa.org/burmese တောင်ကိုရီးယားက မြန်မာ့အရေး လှုပ်ရှားမှု၊ တောင်ကိုရီးယားနိုင်ငံရဲ့ ပံ့ပိုးမှုတွေနဲ့ အတူ NLD-LA ကိုရီးယားဌာနခွဲရဲ့ ၁၁ နှစ်တာ မြန်မာ့အရေး လှုပ်ရှားမှု အကြောင်း ဗီဒီယိုသတင်း ရိုက်ကူး တင်ပြထားပါတယ်။

ကိုရီးယားမြန်မာသင်္ကြန်(၂၀၁၀)မှတ်တမ်းပုံများ

မြစ်ဆုံ ရေအားလျှပ်စစ် လုပ်ငန်းခွင် ဗုံးပေါက်ကွဲ

ကချင်ပြည်နယ် မြစ်ဆုံရေကာတာ တည်ဆောက်ရေးလုပ်ငန်းကို အကောင်အထည် ဖော်နေတဲ့ Asia World ကုမ္ပဏီရုံးမှာ ဒီကနေ့မနက် အစောပိုင်းက အနည်းဆုံး ဗုံး ၄ လုံးလောက် ဆက်တိုက်ပေါက်ကွဲခဲ့ပြီး အဆောက်အဦးနဲ့ မော်တော်ယာဉ်အချို့ ပျက်ဆီးခဲ့ပါတယ်။ ဒေသခံတွေကတော့ သေဆုံးထိခိုက်သူတွေ ရှိတယ်လို့ လည်းပြောပါတယ်။ ဒီသတင်းအပြည့်အစုံကိုတော့ ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။

အခုလို ဗုံးတွေ ဆက်တိုက်ပေါက်ကွဲခဲ့တာကတော့ ဒီကနေ့ မနက်အစောပိုင်း ၂ နာရီ ၄၅ မိနစ် လောက်မှာ ကချင်ပြည်နယ်တွင်းမှာ ပေါက်ကွဲခဲ့တာဖြစ်ပြီး ဒါဟာ ဒီတပတ်အတွင်း မြန်မာပြည်မှာ ဒုတိယအကြိမ်ပေါက်ကွဲတာလည်း ဖြစ်ပါတယ်။ ဒီလိုပေါက်ကွဲတဲ့ နေရာကတော့ မေခနဲ့မလိခ မြစ်ဆုံဒေသမှာ အခြေစိုက်ပြီး ရေအားလျှပ်စစ်စီမံကိန်းကို တာဝန်ယူဆောက်လုပ်နေတဲ့ Asia World ကုမ္ပဏီရုံးအဆောက်အဦမှာ ဖြစ်တယ်လို့ ကချင်လူမှုဖွံ့ဖြိုးရေး ကွန်ယက်အဖွဲ့က ကိုအောင်ဝါက အခုလိုပြောပါတယ်။
[ ဆက်လက်ဖတ်ရှု့ပါရန် +/- ]

"ကျိန်ခရမ် လုံဂါဆိုတဲ့နေရာမှာပဲ။ မြစ်ဆုံရေကာတာ တည်ဆောက်မယ့်နေရာမှာ တန်ဖဲ အောက်ဖက်မှာ၊ ၆ မိုင်အကွာမှာ ရှိတဲ့နေရာမှာ ဖြစ်တယ်။ Asia World ရုံးရှေ့မှာဖြစ်တယ်။ Asia World ကနေ တာဝန်ယူပြီး မြစ်ဆုံရေကာတာ တည်ဆောက်နေတဲ့နေရာ ဖြစ်တယ်။ Asia World ရုံးက နှစ်ထပ်ရှိတဲ့ဟာလည်း ပျက်ဆီးနေပြီ။ အထိအခိုက်တော့ ၁ ယောက်ကနေ ၄ ယောက်အထိ သေတယ်လို့ ကြားနေရတယ်။ ဒဏ်ရာရတာ ၂၀ ကျော်လို့ ကြားနေရပါတယ်။ ဗုံးကတော့ ၃ လုံး အထက်လို့ ပြောနေတယ်။"

မြစ်ကြီးနားဒေသခံ တယောက်ကတော့ ဗုံး ၈ လုံးလောက်ထိ ကွဲတယ်လို့ ကြားသိရပေမဲ့ အသေအပျောက် ရှိတယ်ဆိုတာ မကြားရဘူးလို့ ပြောပါတယ်။

"၈ လုံးလောက်တော့ လို့တော့ကြားတယ်။ ၄ နေရာမှာ ၈ လုံးလောက်တော့ ကြားတယ်။ အထိအခိုက်တော့ မရှိဘူးလို့ ပြောတယ်ရှင့်။ အထိအခိုက်တော့မရှိဘူး။ တရုတ်ကား ၄ စီးနဲ့ Asia World က ကား ၄ စီးပေ့ါနော်၊ အဲလိုမျိုး ပျက်ဆီးသွားတယ်ကြားတယ်။"

မြစ်ကြီးနားမြို့က ရဲစခန်းကို ဆက်သွယ်မေးမြန်းရာမှာတော့ တာဝန်ကျရဲအရာရှိက တစုံတရာ ပြောဆိုဖို့ ငြင်းဆိုပါတယ်။

"ဟုတ်ကဲ့။ ကျနော်တို့က လုံခြုံရေးအရ ပြောခွင့်မရှိလို့ပါခင်ဗျ။"

ဒေသခံတွေကတော့ အခုချိန်ထိ ဗုံးခွဲတဲ့တရားခံကို ဖမ်းဆီးရမိတာမရှိသေးသလို ဘယ်သူ့လက်ချက် ဖြစ်တယ်ဆိုတာလည်း အာဏာပိုင်တွေက ထုတ်ဖော်ပြောဆိုတာကို မကြားသိရသေးဘူးလို့ ပြောပါတယ်။


နောက်ဆုံး ရရှိတဲ့သတင်းအရဆိုရင် မွန်းလွဲပိုင်းမှာ မြောက်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ် စိုးဝင်း ကိုယ်တိုင် အခင်းဖြစ်ပွားရာနေရာကို သွားရောက် စစ်ဆေးကြည့်ရှုနေပြီး သူသွားရာ လမ်းတလျောက်နဲ့ မြစ်ဆုံဒေသမှာ လုံခြုံရေး အများအပြား ချထားတယ်။ ဒါ့အပြင် ရေကာတည်ဆောက်ရေးမှာ လာရောက်အလုပ်လုပ်ကိုင်နေတဲ့ တရုတ် နိုင်ငံသား အများအပြားလည်း မြစ်ကြီးနားမြို့ဘက်ကို ပြောင်းရွှေ့နေတယ်လို့ သိရပါတယ်။

မြစ်ဆုံ ရေအားလျှပ်စစ်စီမံကိန်းကို Asia World ကုမ္ပဏီနဲ့ တရုတ်နိုင်ငံက China Power Investment Corporation (CPI) တို့က ပူးပေါင်းတည်ဆောက်နေပြီး ရရှိတဲ့ လျှပ်စစ်ဓါတ်အားကိုတော့ တရုတ်နိုင်ငံကို တင်ပို့မှာဖြစ်ပါတယ်။

မြစ်ဆုံရေကာတာ စီမံကိန်းနဲ့ပတ်သက်ပြီး စောင့်ကြည့်လေ့လာနေတဲ့ ကချင်သဘာဝ ပတ်ဝန်းကျင် အဖွဲ့ကတော့ ဒီရေကာတာစီမံကိန်းကြောင့် အနည်းဆုံး ကျေးရွာ ၆၀ ကျော် နဲ့ လူ ၃ သောင်းလောက် ပြောင်းရွှေ့ရနိုင်တယ်လို့ ခန့်မှန်းပါတယ်။

ဒေသခံ ကချင်ပြည်သူတွေနဲ့ ဘာသာရေးအသင်းအဖွဲ့တွေက မြစ်ဆုံရေကာတာ တည်ဆောက်မယ်ဆိုရင် သူတို့နေထိုင်ရာ ကျေးရွာတွေ၊ လယ်ယာနဲ့ ဥယျာဉ်ခြံမြေတွေ ရေလွှမ်းမိုးမှာဖြစ်သလို ရိုးရာယဉ်ကျေးမှု အမွေအနှစ်တွေလည်း ပျက်ဆီးရမှာမို့ ရေကာတာ မတည်ဆောက်ဖို့အတွက် ဗိုလ်ချုပ်မှုးကြီး သန်းရွှေဆီကို စာရေးသားပေးပို့ခဲ့ပါတယ်။ ရေကာတာ မဖြစ်မြောက်ရေးအတွက်လည်း ဆုတောင်းပွဲတွေ ဆုတောင်းပွဲတွေ အကြိမ်ကြိမ် ပြုလုပ်ခဲ့ကြပါတယ်။

ဒေသခံကချင်လူထုတွေက ရေကာတာမတည်ဆောက်ဖို့ ကန့်ကွက်ခဲ့တာကြောင့် အခုလို ဗုံးပေါက်ကွဲချိန်မှာ အာဏာပိုင်တွေက သူတို့အပေါ် ဖိအားပေးလာမှာကိုလည်း စိုးရိမ်နေတယ်လို့ ကိုအောင်ဝါက ပြောပါတယ်။

လွန်ခဲ့တဲ့ သင်္ကြန်အကြတ်နေ့တုန်းကလည်း ရန်ကုန်မြို့ မင်္ဂလာတောင်ညွန့်မြို့နယ် ကန်တော်ကြီးအနီးက X2O ရေကစားမဏ္ဍပ်မှာ ဗုံးသုံးလုံး ပေါက်ကွဲခဲ့တာကြောင့် လူ ၈ ယောက် သေဆုံးပြီး ၁၇၀ ယောက် ဒဏ်ရာရခဲ့ပါတယ်။

ဒီနေ့ထုတ် ကြေးမှုံသတင်းစာမှာတော့ ဒဏ်ရာရလို့ ဆေးရုံတက်နေသူ လူ ၁၇၀ အနက်က ၅၅ ဦးဟာ သက်သာပြီဖြစ်တာကြောင့် ဆေးရုံကဆင်းသွားကြောင်း ဖော်ပြပေမဲ့ တရားခံကို ဖော်ထုတ်ရမိတယ် ဆိုတဲ့သတင်းတော့ မတွေ့ရသေးပါဘူး။ ( ဗွီအိုအေ )

ရန်ကုန်သင်္ကြန် ဗုံးပေါက်ကွဲမှု အမေရိကန် ရှုတ်ချ

မြန်မာနိုင်ငံ ရန်ကုန်မြို့က ရိုးရာ အတာသင်္ကြန် ဆင်နွှဲနေတဲ့ နေရာမှာ ဗုံးတွေပေါက်ကွဲခဲ့လို့ သေကျေထိခိုက်မှုတွေ ကြုံရတဲ့အတွက် အမေရိကန် ပြည်ထောင်စု အပါအ၀င် နိုင်ငံတကာအသိုင်းအ၀န်းက ပြစ်တင်ရှုတ်ချလိုက်ပါတယ်။ မနေ့တုန်းက အတာသင်္ကြန် အကြတ်နေ့ မွန်းလွဲပိုင်း ၃ နာရီလောက်က မင်္ဂလာတောင်ညွှန့်မြို့နယ် ကန်တော်ကြီးအနီးက X2O ရေကစား မဏ္ဍပ်အနီး ဖြစ်ပွားခဲ့တဲ့ ဗုံးပေါက်ကွဲမှုတွေအတွင်း လူ ၈ ဦး သေဆုံးပြီး ၁၇၀ ဒဏ်ရာတွေ ရခဲ့တဲ့အထိ ဖြစ်ခဲ့ရတဲ့ သွေးထွက်သံယို တိုက်ခိုက်မှုတွေ အပေါ် ရှုတ်ချခဲ့ကြတာပါ။

အခုအချိန်အထိ ဘယ်သူဘယ်ဝါ လက်ချက်မှန်း မသိရပေမဲ့ အကြမ်းဖက် လုပ်ရပ် မှန်သမျှကို လက်မခံနိုင်ဘူးလို့ အမေရိကန် နိုင်ငံခြားရေးဌာန ပြောခွင့်ရပုဂ္ဂိုလ် P J Crowley က မနေ့က အခင်းဖြစ်ပွားပြီး နောက်မှာပဲ ပြောဆိုလိုက်တာ ဖြစ်ပါတယ်။

"ဘယ်သူ့လက်ချက်ဖြစ်တယ်၊ ဘာကြောင့် ဒီလိုလုပ်တယ်ဆိုတာတော့ ကျနော်တို့ မသိပါဘူး။ အပြစ်မဲ့ အရပ်သားတွေ ဓားစာခံဖြစ်ရတဲ့ ဘယ်လို အကြမ်းဖက် တိုက်ခိုက်မှုမျိုးကိုမဆို ကျနော်တို့ကတော့ ရှုတ်ချပါတယ်။ စုံစမ်းစစ်ဆေးမှုတွေရဲ့ ရလဒ်တွေ၊ ဘာတွေ ထွက်ပေါ်လာမလဲဆိုတာပဲ ကျနော်တို့ စောင့်ကြည့်သွားရမှာပါ။"
[ ဆက်လက်ဖတ်ရှု့ပါရန် +/- ]

အလားတူ အရပ်သားတွေ သေကြေခဲ့ရတဲ့ သင်္ကြန်ကာလ ဗုံးခွဲမှုနဲ့ပတ်သက်လို့ စင်္ကာပူနိုင်ငံကလည်း ဒီကနေ့မှာ ကြေညာချက် တစောင် ထုတ်ပြန် ပြောဆိုလိုက်တာပါ။ နှစ်သစ်ကူး အချိန်ကာလမှာ အရပ်သား အများအပြား ထိခိုက် ဒဏ်ရာတွေ ရသူရ၊ သေဆုံးသူ သေဆုံး ဖြစ်ကြရတဲ့ အကြမ်းဖက်တဲ့ လုပ်ရပ်နဲ့ပတ်သက်လို့ စင်္ကာပူနိုင်ငံက ရှုတ်ချကြောင်း၊ ထိခိုက်သေကြေသူတွေရဲ့ မိသားစုတွေကိုလည်း ၀မ်းနည်းစကားပါးလိုကြောင်း ပြောဆိုလိုက်တာ ဖြစ်ပါတယ်။ မြန်မာစစ်အစိုးရရဲ့ သတင်းထုတ်ပြန်ချက်အရ မနေ့တုန်းက ဗုံးပေါက်ကွဲမှုတွေအတွင်း အနည်းဆုံး အမျိုးသား ၅ ဦး၊ အမျိုးသမီး ၃ ဦး သေဆုံးခဲ့ပြီး ထိခိုက်ဒဏ်ရာရသူ အမျိုးသား ၁၂၅ ဦးနဲ့ အမျိုးသမီး ၄၅ ဦး စုစုပေါင်း ၁၇၀ အထိ ရှိတယ်လို့ ဆိုပါတယ်။

မြန်မာစစ်အစိုးရ သတင်းစာတွေမှာတော့ ရိုးရာ အတာသင်္ကြန် ဆင်နွှဲနေချိန် အဖျက်အမှောင့်သမားတွေရဲ့ ဖျက်လိုဖျက်ဆီး လုပ်တဲ့လုပ်ရပ်အဖြစ် ဖော်ပြခဲ့ပါတယ်။ ဗုံးပေါက်ကွဲမှုတွေကို လုပ်ဆောင်ခဲ့တဲ့ အဖျက်သမားတွေကို ဖော်ထုတ်နိုင်ဖို့ သက်ဆိုင်ရာ တာဝန်ရှိသူတွေက ကြိုးပမ်းနေဆဲ ဖြစ်ပြီး၊ အသွင်ပုံစံ အမျိုးမျိုးနဲ့ရှိနေတဲ့ အဖျက်သမားတွေရဲ့ လုပ်ရပ်ကို သတိထားဖို့နဲ့၊ သက်ဆိုင်ရာကို အကြောင်းကြားဖို့ နှိုးဆော်ခဲ့ပါတယ်။

ရန်ကုန်မြို့က ဗုံးပေါက်ကွဲမှုဖြစ်ပွားခဲ့တဲ မနေ့တုန်းကတော့ အစိုးရရုံးစိုက်ရာ နေပြည်တော်နဲ့ တခြားမြို့ရွာ အသီးသီးမှာ သင်္ကြန်ကာလကို အေးအေးချမ်းချမ်း ဆင်နွှဲနေတယ်ဆိုပြီး ရေကစားနေတဲ့ ဓာတ်ပုံတွေနဲ့တကွ အစိုးရပိုင် သတင်းတွေမှာ ဖော်ပြထားပါတယ်။ နေပြည်တော်က သင်္ကြန်ပွဲကိုတော့ သံတမန်အသိုင်းအ၀န်းနဲ့ အစိုးရတာဝန်ရှိသူတွေ မနေ့တုန်းက ပါဝင် ဆင်နွှဲခဲ့တယ်လို့လည်း ဖော်ပြခဲ့ပါတယ်။ ( ဗွီအိုအေ )

လူပါးတော်တော် ၀ (ရေး ထက်အောင်ရှိုင်း ဆို စက္က)

You are the Shit Than Shwe from Thadar May on Vimeo.

ပေးပို့ပေးသူ (မသဒ္ဓါ ) ကိုကျေးဇူးတင်ပါသည်။

နအဖ စစ်သံရုံးရှေ့ ဆန္ဒပြသပွဲ နှင့် သတင်းစာရှင်းလင်းပွဲ အခမ်းအနား ( ကိုရီးယား )

ဗိုလ်ချုပ်မှူးကြီးသန်းရွှေအပေါ် အဲန်အယ်လ်ဒီ တရားစွဲဆိုချက် ဗဟိုတရားရုံး လက်မခံ

အမျိုးသားဒီမိုကရေစီအဖွဲ့ချုပ်က မြန်မာစစ်အစိုးရခေါင်းဆောင် ဗိုလ်ချုပ်မှူးကြီး သန်းရွှေကို တရားစွဲဆိုခဲ့တာကို ရန်ကုန်တိုင်း တရားရုံးက ပယ်ချခဲ့တဲ့အတွက် ဒါဟာ တရားဥပဒေနဲ့ မညီညွတ်တဲ့ လုပ်ရပ်ဖြစ်တယ်လို့ အဲန်အယ်လ်ဒီက ဆိုပြီး တရားရုံးကို ကန့်ကွက်စာပေးပို့ခဲ့ပါတယ်။ ဒီလို ပယ်ချမှုဟာ မြန်မာနိုင်ငံရဲ့ တရားစီရင်ရေးဆိုင်ရာ မူတွေကို အတိအလင်း ချိုးဖောက်တာဖြစ်တယ်လို့လည်း လူ့အခွင့်အရေးအဖွဲ့တွေက ဝေဖန်ပါတယ်။ ဒီအကြောင်း အပြည့်စုံကို ဒေါ်ခင်မျိုးသက်က တင်ပြထားပါတယ်။

မတ်လ ၂၃ ရက်နေ့က အဖွဲ့ချုပ် ဥက္ကဌ ဦးအောင်ရွှေ လက်မှတ်ရေးထိုးပြီး ၂၀၀၀ ပြည့်နှစ် တရားစီရင်ရေး ဥပဒေနဲ့ ၁၈၈၇ ခုနှစ် သီးခြား သက်သာခွင့် အက်ဥပဒေပုဒ်မ (၄၅)၊ (၅၄) တွေအရ ဗိုလ်ချုပ်မှူးကြီး သန်းရွှေကို ရန်ကုန်တရားရုံးချုပ်မှာ တရားစွဲဆိုခဲ့ပေမဲ့ တာဝန်ရှိသူတွေက အမှုကို လက်မခံတဲ့အတွက် ဒါဟာ ဥပဒေနဲ့မညီညွတ်ဘူးလို့ အဖွဲ့ချုပ် ဒုဥက္ကဌ ဦးတင်ဦးက ပြောပါတယ်။
[ ဆက်လက်ဖတ်ရှု့ပါရန် +/- ]

"လက်မခံလို့ရှိရင် လက်မခံတဲ့အကြောင်းကို အကြောင်းပြရမယ်လေ။ အဲဒီအကြောင်းပြချက်မပါဘဲနဲ့ လက်မခံဘူးဆိုတာ မမှန်ကန်ဘူး။ ဘာကြောင့် လက်မခံဘူးဆိုတာ အကြောင်းပြချက် ပါရမယ်။ ဒီလို ပါးစပ်နဲ့ လက်မခံဘူးဆိုပြီး ပြန်ပေးလို့ မရဘူး။ သူတို့က အခု စာရွက်ကိုယူတယ်။ သက်ဆိုင်ရာ အကြီးအကဲတွေဆီ ပို့တယ်။ အပေါ်ကနေ လက်မခံတဲ့အပေါ် စာရွက်ကို ဒီအတိုင်း ပြန်ပေးလိုက်တာပေါ့။ ဆိုတော့ ကျနော်တို့က မေးတယ်။ ကောင်းပြီ၊ လက်မခံရင် လက်ခံတဲ့ရုံးကို ဘယ်လိုပြောပြီး သွားပေးရမလဲဆိုတော့လည်း ကျမတို့မှာ ကျနော်တို့မှာ ပြောခွင့်မရှိဘူးတဲ့။ ဆိုတော့ ကျနော်တို့ ဆက်ပြီးတော့ လုပ်စရာရှိတာကတော့ လက်မခံတဲ့အကြောင်း ပြရမယ်လေ။ ကျနော်တို့ပြောတာက high court ကို၊ တရားရုံးချုပ်ကို ပြောတာကိုး။ အဲတော့ အဲဒါ မပြဘူးဆိုရင် ဒါ မဟုတ်ဘူးပေါ့။ ဒါကို ကျနော်တို့က စောဒကတက်ပြီးတော့ ကန့်ကွက်တာပေါ့ဗျာ။ အရေးယူတာပါပဲ။"

ဒေါ်အောင်ဆန်းစုကြည်ဘက်ကရော ဘာများ ထပ်ပြီးပြောတာမျိုးရှိပါသေးလဲ။ -

အခုလောလောဆယ်တော့ အချက်အလက်တွေတော့ ဥပဒေကြောင်းခြင်းရာအရ ဘယ်လို အချက်အလက်တွေ အရေးယူရင်ကောင်းမလဲ၊ ကျနော်တို့ လွှတ်တော်ကိုယ်စားလှယ်တွေ အရွေးခံရတဲ့အကြောင်းနဲ့ ပတ်သက်ပြီးတော့ ဒီအပေါ်မှာလည်း အသိအမှတ်ပြုခြင်း မရှိတဲ့အပေါ်မှာ ဘယ်လောက်အတိုင်းအတာအထိ လုပ်နိုင်မလဲဆိုတာကို သင်္ကြန်ရက်အတောအတွင်းမှာ ကျနော်တို့ ညှိနှိုင်းပြီး လုပ်ကြမှာပဲလေ။"

အမှုကို လက်မခံတဲ့အတွက် အဲန်အယ်လ်ဒီအဖွဲ့ချုပ်က ကြာသပတေးနေ့မှာ မကျေနပ်ကြောင်း တရားသူကြီးချုပ်ဆီကို ကန့်ကွက်စာ ပေးပို့ခဲ့တယ်လို့လည်း ပြောပါတယ်။ အခုလို ဥပဒေပြဌာန်းချက်နဲ့ မညီဘဲ လုပ်ဆောင်နေမှုတွေဟာ မြန်မာနိုင်ငံရဲ့ တရားစီရင်ရေးဆိုင်ရာ မူတွေကို အတိအလင်း ချိုးဖောက်နေတာမို့ အနာဂတ် မြန်မာနိုင်ငံရဲ့ တရားစီရင်ရေးအတွက် မကောင်းတဲ့ လက္ခဏာ ဖြစ်နေတယ်လို့ အာရှလူ့အခွင့်အရေး အဖွဲ့ (AHRC) က ရှေ့နေ ဦးမင်းလွင်ဦးက ပြောပါတယ်။

"တရားရုံးတွေရဲ့ လုပ်ထုံးလုပ်နည်းတွေမှာ တရားမမှုတွေကို စတင်လက်ခံရတဲ့ တရားရုံးဝန်ထမ်းတွေ အနေနဲ့ ဒီအမှုက အမှုဖြစ်အကြောင်းအရာ ပေါ်ပေါက်ခြင်း ရှိမရှိ၊ ကာလအကန့်အသတ် ကျော်လွန်ခြင်း ရှိမရှိ၊ အမှုတန်ဖိုးနဲ့အညီ တံဆိပ်ခေါင်းအခွံ ကပ်ထားခြင်း ရှိမရှိ စတဲ့အချက်အလက်တွေကို စစ်ဆေးပြီးတော့ အမှုကို လက်ခံရမှာဖြစ်တယ်။ တကယ်လို့ ငြင်းပယ်မယ်ဆိုလို့ရှိရင်လည်း သက်ဆိုင်ရာ တရားစီရင်ရေးအဖွဲ့ကနေပြီးတော့ ဘာကြောင့် ငြင်းပယ်တယ် ဆိုတဲ့ သတ်မှတ်ချက်နဲ့ ငြင်းပယ်ရမှာဖြစ်တယ်။ လက်ခံရင်လည်း ဘာအချက်အလက်တွေ အပေါ်မှာ မူတည်ပြီးတော့ လက်ခံတယ်ဆိုတာကို အမှုတင်တဲ့ တရားလိုကို အသိပေး အကြောင်းကြားရမှာဖြစ်တယ်။ သို့သော်လည်း ယခု အဲန်အယ်လ်ဒီကနေပြီးတော့ တင်သွင်းတဲ့လျှောက်လွှာအပေါ်မှာ လက်ခံခြင်းမရှိဘဲနဲ့ စီရင်ပိုင်ခွင့် မရှိဘူး။ မရှိတဲ့အတွက် ပြန်ပေးလိုက်တဲ့ကိစ္စက ကျနော်တို့ တရားစီရင်ရေးဆိုင်ရာ မူတွေကို အတိအလင်း ကျူးလွန်ဖောက်ဖျက်ရာ ရောက်တယ်။ တရားရုံးများ လက်စွဲပါ ပြဌာန်းချက်တွေကို လိုက်နာဆောင်ရွက်ခြင်းမရှိဘဲ အလွယ်တကူ စီမံဆုံးဖြတ်တယ်ဆိုတာကို ကျနော်တို့ တွေ့ရတယ်။ ဒါတွေဟာ ကျနော်တို့ အနာဂတ် မြန်မာနိုင်ငံ တရားစီရင်ရေးအတွက် လွန်စွာမှပင် ရင်လေးစရာ ကောင်းတဲ့အချက်တွေ ဖြစ်တယ်ဆိုတာကို ကျနော်တို့ ယနေ့ ထုတ်ဖော်ပြီးတော့ ပြောကြားရခြင်းဖြစ်ပါတယ်။"

ရွေးကောက်ပွဲ မကျင်းပမီမှာပဲ ဒီလို တရားရေးဆိုင်ရာ ချိုးဖောက်မှုတွေကို ကြုံနေရတဲ့အပြင် အခု ကျင်းပဖို့ပြင်နေတဲ့ ရွေးကောက်ပွဲအတွက် ချမှတ်ထားတဲ့ ဥပဒေတွေထဲမှာလည်း တရားရေးမူအရ မဟုတ်ဘဲ ရွေးကောက်ပွဲ ကော်မရှင်ကိုသာ စစ်ဆေးစီမံခွင့် အပြည့်အ၀ ပေးထားတာမို့ ဒီကျင်းပမယ့် ရွေးကောက်ပွဲဟာ တရားမျှတမှု လုံးဝရှိမှာမဟုတ်ဘူးလို့လည်း ပြောပါတယ်။

"အခုကျင်းပမယ့်ရွေးကောက်ပွဲက တရားစီရင်ရေးစနစ်တွေ၊ တရားဥပဒေ ပြဌာန်းချက်တွေကို လိုက်နာဆောင်ရွက်ခြင်း မရှိဘဲနဲ့ စစ်ဆေးစီမံဆောင်ရွက်နိုင်တဲ့ ကော်မရှင်ရဲ့ လက်အောက်ကသာ နိုင်ငံရေးပါတီတွေအနေနဲ့ ဆက်လက်ပြီးတော့ သွားရမယ်ဆိုလို့ရှိရင် ဒါက မျှတတဲ့ ရွေးကောက်ပွဲမဖြစ်ဘူးဆိုတာကို ကျနော်တို့ အတိအလင်း ပြောနိုင်တယ်။ ဒီကော်မရှင်က ကန့်သတ်တဲ့နည်းဥပဒတွေအောက်မှာ နိုင်ငံရေးပါတီတွေက အသင်းအပင်းဖွဲ့စည်းတာတွေ၊ အသင်းဝင် လက်ခံတာတွေ လုပ်ရမယ်ဆိုတဲ့ကိစ္စကလည်း နိုင်ငံသားတွေရဲ့ အခွင့်အရေးကို အတိအလင်း ကျူးလွန်ဖောက်ဖျက်ရာ ရောက်တယ်။ နိုင်ငံတကာ လူ့အခွင့်အရေး ဥပဒေတွေ ပြဌာန်းထားတဲ့ နိုင်ငံသားတိုင်း နိုင်ငံရေးနဲ့ ဆက်နွယ်ပြီးတော့ ပါဝင်လုပ်ဆောင်နိုင်ခွင့်တွေ၊ ကော်မရှင်အဖွဲ့ရဲ့ လုပ်ပိုင်ခွင့်တွေကြောင့် အကန့်အသတ် အတားအဆီးတွေ အများကြီး ရှိနေတယ်ဆိုတာကို ကျနော်တို့အနေနဲ့ ပြောရခြင်းဖြစ်တယ်။"

အာရှလူ့အခွင့်အရေးအဖွဲ့က ရှေ့နေ ဦးမင်းလွင်ဦး ပြောပြသွားတာ ဖြစ်ပါတယ်။ ( ဗွီအိုအေ )

အင်ဒိုနီးရှားက မြန်မာ့အရေး ဖိအားပေးဖို့ လူ့အခွင့်အရေး အဖွဲ့တွေ တိုက်တွန်း

ဗီယက်နမ်နိုင်ငံမှာ ဒီကနေ့ စတင်တဲ့ အာဆီယံ ထိပ်သီးညီလာခံအတွင်း မြန်မာနိုင်ငံမှာ လွတ်လပ်မျှတတဲ့ ရွေးကောက်ပွဲ ကျင်းပပေးရေး စိတ်ချရအောင် အာဆီယံ ခေါင်းဆောင်တွေ အနေနဲ့ ၀ိုင်းဝန်း တိုက်တွန်းပေးရေး အင်ဒိုနီးရှားနိုင်ငံက ဦးဆောင် ဆော်သြပေးဖို့အတွက် လူ့အခွင့်အရေး အဖွဲ့တွေက တောင်းဆိုလိုက်ပါတယ်။ ဒီကိစ္စနဲ့ ပတ်သက်ပြီး ဂျကာတာမြို့ကနေ ဗွီအိုအေ သတင်းထောက် ဘရိုင်ယန် ပက်ဒန် (Brian Padden) က သတင်းပေးပို့ထားပါတယ်။ အပြည့်အစုံကို ဒေါ်ခင်စိုးဝင်းက တင်ပြပေးထားပါတယ်။

အင်ဒိုနီးရှား သမ္မတ ဆူဆီလို ဘမ်ဘန်း ယူဒိုယိုနို (Susilo Bambang Yudhoyono) က အင်ဒိုနီးရှားနိုင်ငံ အနေနဲ့ ဒေသတွင်း ဒီမိုကရေစီ ထွန်းကားရေးကို ဆောင်ကြဉ်းသွားမယ်လို့ ပြောခဲ့ဖူးပါတယ်။ ဒါကြောင့် သူ့ရဲ့ ကတိစကားနဲ့အညီ မြန်မာနိုင်ငံမှာ ဒီမိုကရေစီ ထွန်းကားရေးအတွက် လွတ်လပ်ပြီး တရားမျှတတဲ့ ရွေးကောက်ပွဲ ကျင်းပပေးရေး ဖိအားပေးစေလိုတယ်လို့ အာရှ လူ့အခွင့်အရေး အဖွဲ့တွေက တိုက်တွန်းလိုက်တာ ဖြစ်ပါတယ်။
[ ဆက်လက်ဖတ်ရှု့ပါရန် +/- ]

သမ္မတ ယူဒိုယိုနိုဟာ မြန်မာအပါအ၀င် အာဆီယံ ခေါင်းဆောင်တွေနဲ့ ဒီကနေ့နဲ့ မနက်ဖြန်မှာ ဗီယက်နမ်နိုင်ငံမှာ တွေ့ဆုံဖို့ ရှိပါတယ်။ ဒါကြောင့် Human Rights Watch လူ့အခွင့်အရေး စောင့်ကြည့်တဲ့ အဖွဲ့ကြီးက မြန်မာနိုင်ငံမှာ ပြုပြင်ပြောင်းလဲရေးတွေ ဖော်ဆောင်နိုင်အောင် သမ္မတ ယူဒိုယိုနို အနေနဲ့ ဖိအားပေးပါလို့ အင်ဒိုနီးရှား နိုင်ငံခြားရေး ၀န်ကြီးဌာနကို အိတ်ဖွင့်ပေးစာ ပေးပို့ခဲ့ပါတယ်။

အင်ဒိုနီးရှားနိုင်ငံဟာ မြန်မာစစ်အစိုးရ ခေါင်းဆောင်ပိုင်းအပေါ် အတွေ့အကြုံ အရရော၊ ယုံကြည်ကိုးစားမှု အရပါ အထိုက်အလျောက် သြဇာလွှမ်းမိုးနိုင်စွမ်း ရှိတယ်လို့ Human Rights Watch လူ့အခွင့်အရေး စောင့်ကြည့်တဲ့ အဖွဲ့က အီလိန်း ပီယာစန် (Elaine Pearson) က အခုလို ပြောပါတယ်။

“ဟုတ်ပါတယ်။ ပထမအချက်က အင်ဒိုနီးရှားနိုင်ငံဟာ အာဆီယံ အဖွဲ့ထဲမှာ ဦးဆောင်နေတဲ့ အဖွဲ့ဝင်တနိုင်ငံ ဖြစ်နေလို့ပါ။ ဒါ့အပြင် သူဟာ မြန်မာနိုင်ငံရဲ့ လူ့အခွင့်အရေး အခြေအနေတွေနဲ့ ပတ်သက်ပြီး အဓိက ပြောလေ့ရှိတဲ့သူ၊ ပြင်းပြင်းထန်ထန် ပြောလေ့ရှိသူပါ။ နောက် သူ့နိုင်ငံရဲ့ ရာဇ၀င်ကိုကြည့်ရင် စစ်ဘက် ဦးဆောင်တဲ့ အစိုးရအဖွဲ့ကနေ ဒီမိုကရေစီ နိုင်ငံအဖြစ် ထူထောင်ခဲ့တာမို့ပါ။ ဒါတွေကြောင့် မြန်မာစစ်ဗိုလ်ချုပ်ကြီးတွေ နားထောင်လာအောင် အင်ဒိုနီးရှားနိုင်ငံက အပြောနိုင်ဆုံး အခြေအနေမှာ ရှိနေပါတယ်။”

တကယ်တော့ စစ်အစိုးရက ရွေးကောက်ပွဲ ကျင်းပပေးမယ်လို့ ကြေညာထားပေမဲ့ ဘယ်နေ့ ကျင်းပမှာလဲ ဆိုတာကိုတော့ ထုတ်ဖော် ပြောဆိုတာ မရှိသေးပါဘူး။ ၁၉၉၀ ပြည့်နှစ် ရွေးကောက်ပွဲမှာ အနိုင်ရခဲ့တဲ့ အမျိုးသားဒီမိုကရေစီ အဖွဲ့ချုပ် ပါတီကတော့ အခုကျင်းပမယ့် ရွေးကောက်ပွဲနဲ့ ပတ်သက်ပြီး ဥပဒေတွေဟာ တရားမျှတမှု မရှိတာကြောင့် ၀င်ရောက်ယှဉ်ပြိုင်မှာ မဟုတ်ဘူးလို့ ဆုံးဖြတ်ခဲ့ပြီး ဖြစ်ပါတယ်။ အာဆီယံနိုင်ငံတွေ အနေနဲ့ကတော့ မြန်မာ့အရေးကို ဘယ်လို ကိုင်တွယ်သွားကြမလဲ ဆိုတဲ့အပေါ် သဘောထားတွေ ကွဲလွဲနေပါတယ်။

EU ဥရောပ သမဂ္ဂနဲ့ အမေရိကန် ပြည်ထောင်စု တို့ကတော့ မြန်မာနိုင်ငံရဲ့ လူ့အခွင့်အရေး ချိုးဖောက်မှုတွေကြောင့် ပိတ်ဆို့မှုတွေနဲ့ အရေးယူထားဆဲ ဖြစ်ပါတယ်။

တခြားနိုင်ငံတွေရဲ့ ပြည်တွင်းရေးကို ၀င်ရောက် မစွက်ဖက်ဘူး ဆိုတဲ့ မူဝါဒကို အာဆီယံက စွဲကိုင်ထားဆဲ ဖြစ်ပါတယ်။

တချိန်တည်းမှာပဲ Amnesty International ခေါ် နိုင်ငံတကာ လွတ်ငြိမ်းချမ်းသာခွင့် အဖွဲ့ကြီးရဲ့ အာရှ အစီအစဉ်ဌာန ဒုတိယညွှန်ကြားရေးမှူး ဒေါ်နယ်ဂတ်စ်ကတော့ အင်ဒိုနီးရှားနိုင်ငံ အနေနဲ့ မြန်မာနိုင်ငံမှာ လူ့အခွင့်အရေး အခြေအနေတွေ တိုးတက်အောင် မြန်မာစစ်ခေါင်းဆောင်တွေကို ဖိအားပေးပါလို့ တိုက်တွန်းလိုက်ပါတယ်။

“အင်ဒိုနီးရှား အနေနဲ့ မြန်မာနိုင်ငံ လူ့အခွင့်အရေး အခြေအနေနဲ့ ပတ်သက်လို့ အာဆီယံ အတွင်းမှာ အခုလို အခိုင်အမာ ရပ်တည်သွားတာကို Amnesty International က ကြိုဆိုပါတယ်။ အင်ဒိုနီးရှားဟာ အာဆီယံ အသင်းကြီးကို မတည်ခဲ့တဲ့ အဖွဲ့ဝင်တနိုင်ငံ ဖြစ်သလို အာဆီယံအတွင်းလည်း အင်အားကြီးတဲ့ နိုင်ငံဖြစ်လို့ မြန်မာစစ်အစိုးရအပေါ် ပြောနိုင် ဆိုနိုင်အား ရှိတဲ့နိုင်ငံ ဖြစ်တယ်လို့လည်း Amnesty International က ယူဆပါတယ်။”

အာဆီယံ လူ့အခွင့်အရေး ပဋိညာဉ်အရ လူ့အခွင့်အရေး ချိုးဖောက်တဲ့ နိုင်ငံတွေကို အရေးယူဖို့ ဖြစ်နိုင်ချေ အလားအလာတွေနဲ့ ပတ်သက်လို့လည်း နိုင်ငံရေး တည်ငြိမ်မှုရှိအောင် ဆော်သြနေတဲ့ အသိုင်းအ၀ိုင်းကနေ ဒီ ထိပ်သီးညီလာခံမှာ ဆွေးနွေးသွားမယ်လို့ အော့က်စ် ဖမ်း (Oxfam) လူမှုရေးအဖွဲ့က ယူယွန်း ၀ါယွန်နင်ဂရမ် (Yuyun Wahyuningrum) က ပြောပါတယ်။ ဒါပေမဲ့ အာဆီယံ အသင်းဝင် နိုင်ငံတွေ အားလုံးက တညီတညွတ်တည်း သဘောတူမှသာ ဆုံးဖြတ်ချက်တခုကို ချမှတ်နိုင်တာကြောင့် မြန်မာနိုင်ငံအပေါ် ပြစ်ဒဏ် တစုံတရာ ပေးမယ့်ပုံတော့ မတွေ့ရဘူးလို့ အခုလို ပြောပါတယ်။

“ပိတ်ဆို့ဒဏ်ခတ်မှုနဲ့ ပတ်သက်ပြီး တမျိုး သို့မဟုတ် တမျိုးတော့ သူတို့ ပြောကြမှာပါပဲ။ ဒါပေမဲ့ ရလဒ်ကတော့ ဘာဖြစ်လာမလဲ ဆိုတာကို မသိပါဘူး။ ဘာကြောင့်လဲဆိုတော့ အာဆီယံ အသင်းကြီးရဲ့ အခြေခံမူ တရပ်ကိုက အားလုံး သဟဇာတရှိတဲ့ မိသားစုလိုမျိုး အတူရပ်တည်ဖို့ ဖြစ်တာကြောင့် ဖြစ်ပါတယ်။”

မြန်မာနိုင်ငံမှာ ငြိမ်းငြိမ်းချမ်းချမ်းနဲ့ ဒီမိုကရေစီ အသွင်ကူးပြောင်းနိုင်ရေး အတွက် ဒီမိုကရေစီ နိုင်ငံကြီးဖြစ်တဲ့ အင်ဒိုနီးရှားနိုင်ငံလို ဒေသတွင်း အိမ်နီးချင်း နိုင်ငံတွေကနေ သံတမန်ရေးအရ ထိတွေ့ ဆက်ဆံတာတွေနဲ့အတူ ၀ိုင်းဝန်း ဖိအားပေးကြဖို့လည်း လူ့အခွင့်အရေး လှုပ်ရှားသူတွေက မျှော်လင့်နေကြတယ်လို့ ဗွီအိုအေ သတင်းထောက် ဘရိုင်ယန် ပက်ဒန် ဂျကာတာမြို့ကနေ သတင်းပေးပို့ထားပါတယ်။ ( ဗွီအိုအေ )

ဆိပ်ကမ်းမြို့နယ် မဲဆန္ဒရှင်များသို့ ပန်ကြားလွှာ

အာဆီယံ ထိပ်သီးညီလာခံမှာ မြန်မာ့အရေး ဆွေးနွေးဖို့ လွှတ်တော်အမတ် ၁၀၀ ကျော် ဖိအားပေး

မနက်ဖြန် ဗီယက်နမ်နိုင်ငံမှာ ကျင်းပမယ့် ၁၆ ကြိမ်မြောက် အာဆီယံ ထိပ်သီး ဆွေးနွေးပွဲမှာ ဒေသတွင်း နိုင်ငံတွေအကြား ပူးပေါင်းဆောင်ရွက်မှုတွေ တိုးမြှင့်ဖို့အပြင် မြန်မာ့နိုင်ငံရေး အခြေအနေကို ဆွေးနွေးပြီး အာဆီယံ အသင်းကြီး အနေနဲ့ ထိရောက်တဲ့ အရေးယူ ကိုင်တွယ်မှုမျိုး လုပ်ဖို့ တောင်းဆိုမှုတွေ ပေါ်ထွက်လာပါတယ်။ မြန်မာစစ်အစိုးရဟာ အာဆီယံ အသင်းကြီးကို ပေးထားတဲ့ ကတိက၀တ်တွေ ချိုးဖောက်ခဲ့တယ်လို့ AIPMC ခေါ် မြန်မာ့အရေး အာဆီယံ လွှတ်တော်အမတ်များ အဖွဲ့ကလည်း ပြောပါတယ်။ မြန်မာ့အရေး လှုပ်ရှားသူတွေကလည်း အာဆီယံက မြန်မာ့အရေးကို ကိုင်တွယ် ဆောင်ရွက်ဖို့ တောင်းဆိုလိုက်တာ ဖြစ်ပါတယ်။ အကြောင်းစုံကို စုံစမ်း မေးမြန်းထားတဲ့ ကိုသားညွန့်ဦးက တင်ပြပေးထားပါတယ်။

အာဆီယံ အဖွဲ့ကြီးရဲ့ မြန်မာနိုင်ငံအပေါ် ထားတဲ့ အပြုသဘော ဆက်ဆံရေးဟာ အောင်မြင်မှု မရတာကြောင့် မြန်မာ့နိုင်ငံရေး တိုးတက်လာဖို့ရာ အာဆီယံ အသင်းကြီး အနေနဲ့ ထိထိရောက်ရောက် အမြန်ဆုံး အရေးယူ ကိုင်တွယ်သွားဖို့ အာဆီယံနိုင်ငံတွင်း လွှတ်တော်အမတ် ၁၀၀ ကျော်က ၁၆ ကြိမ်မြောက် အာဆီယံ ထိပ်သီး ဆွေးနွေးပွဲကို တက်ရောက်မယ့် အာဆီယံခေါင်းဆောင် အားလုံးကို လက်မှတ်ရေးထိုး တောင်းဆိုထားတာပါ။
[ ဆက်လက်ဖတ်ရှု့ပါရန် +/- ]

မြန်မာနိုင်ငံရဲ့ ၂၀၀၈ ခုနှစ် ဖွဲ့စည်းပုံထဲမှာ အားနည်းချက်တွေ ရှိသလို ရွေးကောက်ပွဲ ဥပဒေမှာလည်း ဒီမိုကရေစီ နည်းမကျတာတွေ ပါဝင်တဲ့အတွက် အခု ရွေးကောက်ပွဲ ရလဒ်ကို အာဆီယံအနေနဲ့ နိုင်ငံရေးအရရော သိက္ခာကျင့်ဝတ် အရပါ လက်ခံလို့ မဖြစ်နိုင်ဘူးလို့ အာဆီယံ လွှတ်တော်အမတ်တွေက ထောက်ပြထားပါတယ်။

ဒီအတွက်ကြောင့် အာဆီယံ လွှတ်တော်အမတ်တွေ အနေနဲ့ အာဆီယံထဲမှာ မြန်မာနိုင်ငံ ဆက်ပြီး ရှိနေတဲ့အပေါ်မှာ စိတ်မသက်မသာ ဖြစ်ရတယ်လို့ မြန်မာ့အရေး အာဆီယံ လွှတ်တော်အမတ်များ အဖွဲ့ AIPMC ရဲ့ အတွင်းရေးမှူး၊ မလေးရှားနိုင်ငံ လွှတ်တော်အမတ် မစ်စ် ထရီဆာ ကော့ခ် (Ms. Teresa Kok) က ဗွီအိုအေကို ပြောပါတယ်။

“မြန်မာနိုင်ငံဟာ အာဆီယံအဖွဲ့ဝင် ဖြစ်ပြီးကတည်းက တိုင်းပြည်အတွင်း လူ့အခွင့်အရေး တိုးတက်လာအောင် ဆောင်ရွက်ပါ့မယ်ဆိုတာ ပြောခဲ့တဲ့ ကတိအတိုင်း လိုက်နာဆောင်ရွက်ခဲ့တာ မရှိပါဘူး။ အခုဆို မြန်မာနိုင်ငံမှာ ရွေးကောက်ပွဲ မကြာခင် လုပ်ပါတော့မယ်။ ဒါပေမဲ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ NLD ခေါင်းဆောင်တွေ ဒီရွေးကောက်ပွဲမှာ ပါဝင်ခွင့် မရကြပါဘူး။

“ဒါဟာ ဒီမိုကရေစီနဲ့ လူ့အခွင့်အရေး တန်ဖိုးတရားတွေနဲ့ လုံးဝ မကိုက်ညီပါဘူး။ ရွေးကောက်ပွဲကိစ္စ အပြင် မြန်မာနိုင်ငံတွင်းမှာ အခြား အခြေအနေ အကြောင်းရပ်တွေ ပြောစရာ ဆိုစရာလည်း အတော်များများ ရှိပါတယ်။ ဒီအတွက် အာဆီယံထဲမှာ မြန်မာနိုင်ငံ ဆက်ပြီး ပါဝင်နေတာကို အာဆီယံ လွှတ်တော်အမတ်တွေ အတွက် မသက်မသာ ဖြစ်ရပါတယ်။”

အာဆီယံအသင်း အနေနဲ့ မြန်မာနိုင်ငံတွင်း အမျိုးသား ပြန်လည်သင့်မြတ်ရေးနဲ့ ဒီမိုကရေစီ ဖြစ်ထွန်းရေးအတွက် ဆုံးဖြတ်ချက်တွေ၊ တောင်းဆိုချက်တွေ မကြာခဏ ချမှတ်ခဲ့ပါတယ်။ ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေကို လွှတ်ပေးပြီး အခုလုပ်နေတဲ့ နိုင်ငံရေး လုပ်ငန်းစဉ်တွေမှာ ပါဝင်ပတ်သက်ခွင့် ပေးဖို့ တောင်းဆိုထားပါတယ်။

မြန်မာနိုင်ငံအနေနဲ့ အာဆီယံ အသင်းကြီးရဲ့ တောင်းဆိုချက်၊ ဖျောင်းဖျမှုတွေအပေါ် တောက်လျှောက်လိုလို လျစ်လျူရှု နေတာတွေကို ကြည့်ခြင်းအားဖြင့် အာဆီယံ အသင်းကြီးရဲ့ မြန်မာနိုင်ငံအပေါ် ထားတဲ့ အပြုသဘော ဆက်ဆံရေး မူဝါဒ မအောင်မြင်ဘူးဆိုတာ ထင်ရှားတယ်လို့ အင်ဒိုနီးရှား၊ မလေးရှား၊ ဖိလစ်ပိုင်၊ ကမ္ဘောဒီးယားနဲ့ စင်ကာပူက လွှတ်တော် အမတ် ၁၀၀ ကျော်က ထောက်ပြပါတယ်။ အထူးသဖြင့်တော့ အာဆီယံ အသင်းကြီးကို ပေးထားတဲ့ ကတိက၀တ်တွေကိုပင် ဖောက်ဖျက်တာ ဖြစ်တယ်လို့ မစ်စ် ထရီဆာ ကော့ခ်က ပြောပါတယ်။

“မြန်မာနိုင်ငံဟာ ဒီမိုကရေစီ လမ်းပြမြေပုံနဲ့ သွားနေပါတယ်လို့ ပြောတာဆိုတာ ဆယ်စုနှစ်တခု ကျော်ပါပြီ။ ဒါပေမဲ့ အခုဖြစ်လာတာက ဒီမိုကရေစီ လုံးဝမကျတဲ့ ရွေးကောက်ပွဲလုပ်ဖို့ အဖြေပဲ ပေါ်လာပါတယ်။ ဒါဟာ အာဆီယံ ခေါင်းဆောင်တွေ၊ အာဆီယံ တိုင်းပြည်တွေနဲ့ နိုင်ငံတကာ မိသားစုကို သူတို့ပေးထားတဲ့ ကတိက၀တ်အတိုင်း မလုပ်ဘူး၊ ဆန့်ကျင်တယ်ဆိုတာ ပြနေတာပါ။ ဒီအခြေအနေကြီးကို လုံးဝ လက်ခံလို့ မရပါဘူး။”

အခုလို AIPMC အပါအ၀င် ဒေသတွင်း လူ့အခွင့်အရေး အဖွဲ့အစည်းတွေက အာဆီယံ အနေနဲ့ မြန်မာနိုင်ငံအပေါ် လက်တွေ့ကျကျ ထိရောက်တဲ့ အရေးယူမှုမျိုးတွေ လုပ်ဖို့ တိုက်တွန်းနေသလို မြန်မာနိုင်ငံတွင်းက ၈၈ မျိုးဆက် ကျောင်းသားများအဖွဲ့၊ သံဃာ့တပ်ပေါင်းစုနဲ့ ဗကသ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်တို့ကလည်း အာဆီယံ အတွင်းရေးမှူးချုပ်ဆီကို မြန်မာ့အရေး ကိုင်တွယ်ဖို့ တိုက်တွန်းစာတစောင် ပေးပို့ခဲ့ပါတယ်။ စာပါ ကိစ္စတွေနဲ့ ပတ်သက်လို့ ဗကသများ အဖွဲ့ချုပ် ပြောခွင့်ရသူ ကိုဇာနည်ကို မေးမြန်းထားပါတယ်။

“တကယ် ဖိအားပေးစေချင်တယ်။ တနိုင်ငံနဲ့ တနိုင်ငံ ဆက်စပ်နေတယ်။ တနိုင်ငံရဲ့ အကျိုးသက်ရောက်မှုက နောက်တနိုင်ငံမှာ သွားပြီး ထိခိုက်စေတယ်။ အဲဒီအခါမျိုးကျတော့ ဒီဟာတွေက ဘယ်လိုပဲဖြစ်နေနေ ကျနော်တို့ အနေနဲ့ ၀ိုင်းဝန်းကူညီ ပံ့ပိုးဖို့ တာဝန်ရှိပါတယ်။ တကယ်လို့ ကျနော်တို့နိုင်ငံက မဟုတ်ဘဲနဲ့ အာဆီယံ တနိုင်ငံက ဒီလိုမျိုး ဖြစ်ခဲ့မယ် ဆိုရင်လည်း ကျနော်တို့ နိုင်ငံက ၀ိုင်းဝန်း ပံ့ပိုးပေးရမယ့် အနေအထားမျိုးတွေ ရှိပါတယ်။”

အကယ်၍ မြန်မာနိုင်ငံဘက်က ဒီလိုဆောင်ရွက်မှု မရှိလို့ရှိရင် အာဆီယံထဲက မြန်မာနိုင်ငံကို ထုတ်ပစ်ဖို့ ဆိုတဲ့ဟာလည်း တွေ့ပါတယ်၊ ကိုဇာနည်တို့ စာထဲမှာ။ တကယ်တမ်း ဒါက ထိရောက်မယ့် နည်းလမ်းလို့ ယူဆလို့ ရပါ့မလား၊ ကိုဇာနည် ဘယ်လိုထင်ပါသလဲ။ ဘာဖြစ်လို့လဲဆိုတော့ ထုတ်ပစ်လိုက်ရင် အာဆီယံနဲ့ ပို မဝေးသွားနိုင်ဘူးလား၊ နိုင်ငံတကာနဲ့ ပိုပြီး မဝေးသွားနိုင်ဘူးလား။

“ဒီဟာက သံခင်းတမန်ခင်း နည်းလမ်းတွေကို အသုံးပြုတာ ကြာခဲ့ပါပြီ။ အဲဒီတော့ သံခင်း တမန်ခင်း နည်းက ဒီလိုပဲ ကျနော်တို့ကို နားလှည့်ပါးရိုက်နဲ့ ဖြေရှင်းခဲ့တာ ကြာပြီလေ။ အဲတော့ ဒီဥစ္စာနဲ့ ပတ်သက်ပြီး ကျနော်တို့က ပြတ်ပြတ်သားသား အရေးယူ ဆောင်ရွက်မှုမျိုးကို လုပ်စေချင်တာပါ။”

မြန်မာနိုင်ငံတွင်း လာမယ့် ရွေးကောက်ပွဲဟာ လွတ်လပ်ပြီး မျှတမှု ရှိစေဖို့ ဆိုပြီး အာဆီယံအတွင်းက အင်ဒိုနီးရှား၊ စင်ကာပူ၊ ထိုင်း အစိုးရတွေက သူတို့ စိုးရိမ်ချက်တွေကို ဒီမတိုင်ခင် ထုတ်ပြောခဲ့ကြပါတယ်။ ဒါပေမဲ့ ယခင် အာဆီယံ အသင်း အစည်းအဝေးတိုင်းလိုလိုမှာ တကယ်တမ်း ခေါင်းဆောင်တွေ ထိပ်တိုက်တွေ့ကြပြီ ဆိုရင်တော့ သံတမန်ရေး ဆန်ဆန်ပဲ ပြောတာဆိုတာ များပါတယ်။ အာဆီယံအနေနဲ့ လက်တွေ့ အရေးယူ ကိုင်တွယ်နိုင်ဖို့ ဆိုတဲ့ အခြေအနေတော့ မတွေ့ရဘူးလို့ လေ့လာသူတွေက သုံးသပ်ပါတယ်။

လတ်တလောအားဖြင့် လူ့အခွင့်အရေး စံနှုန်းစံထား တစိတ်တပိုင်း ဖော်ပြထားတဲ့ အာဆီယံ ပဋိညာဉ် ရှိနေတာမို့ မြန်မာ့အရေး ဆွေးနွေးမှုမှာ အားရစရာရှိပေမဲ့လည်း တကယ်တမ်း အာဆီယံ ပဋိညာဉ်ပါ အခြေအနေတွေကို အကောင်အထည် ဖော်ဖို့ကို အာဆီယံ အတွင်းမှာပဲ အခက်အခဲမျိုးစုံ ရှိနေတယ်လို့ ပြောရမှာ ဖြစ်ပါတယ်။ ( ဗွီအိုအေ )

မြန်မာ့အရေးနှင့်ပတ်သက်၍ ထိထိရောက်ရောက် ကူညီဖြေရှင်းပေးပါရန် မေတ္တာရပ်ခံပန်ကြားခြင်း

Open Letter to ASEAN Summit ABMA+88+ABFSU

အထူးအယူခံ တင်ရေး ဒေါ်အောင်ဆန်းစုကြည်နဲ့ ရှေ့နေတွေ ဆွေးနွေး

နေအိမ်မှာ ဖမ်းဆီး ထိန်းသိမ်းခံနေရတဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ဟာ သူ့ရဲ့ ဥပဒေ အကျိုးဆောင်တွေနဲ့ ဒီနေ့ တွေ့ဆုံပြီး ဆက်လက် ဖမ်းဆီးခံထားရတဲ့ အမှုနဲ့ ပတ်သက်လို့ ဆွေးနွေးတိုင်ပင်မှုတွေ လုပ်ခဲ့ပါတယ်။ နေအိမ်အကျယ်ချုပ် နောက်ထပ် တနှစ်ခွဲ ကျခံနေရတဲ့ အမှုအတွက် အထူးအယူခံ တင်သွင်းဖို့ သူ့ရဲ့ ရှေ့နေ ၂ ဦးဖြစ်တဲ့ ဦးဉာဏ်ဝင်း၊ ဦးကြည်ဝင်းတို့နဲ့ တိုင်ပင်ခဲ့ပါတယ်။ ဒီနေ့ ဒေါ်အောင်ဆန်းစုကြည်နဲ့ တွေ့ဆုံခဲ့တဲ့ ရှေ့နေတဦးဖြစ်သူ ဦးကြည်ဝင်းကို ဒေါ်ခင်မျိုးသက်က ဆက်သွယ်မေးမြန်းရာ ဒီနေ့ တွေ့ဆုံဆွေးနွေးမှုတွေနဲ့ ပတ်သက်ပြီး ဦးကြည်ဝင်းက အခုလို စပြောပြပါတယ်။

“အထူးအယူခံ တက်ဖို့ ကိစ္စ ဆွေးနွေးတယ်။ ဟိုတလောတုန်းက နှစ်ပါးထိုင်က ပယ်လိုက်တော့ ကျနော်တို့ ဆက်ပြီးတော့ အထူးအယူခံ တက်ရမယ်။ အဲဒီမှာ တချို့ points တွေ discuss လုပ်စရာ တော်တော်လေး နက်နက်နဲနဲနဲ့ ကျယ်ကျယ်ပြန့်ပြန့်ဖြစ်အောင် တင်ပြဖို့ ဆွေးနွေးကြတယ်။ သို့သော် တချို့ဟာတွေကျတော့ decision ကို ထပ်ပြီးတော့ တင်ပြရမယ်။
[ ဆက်လက်ဖတ်ရှု့ပါရန် +/- ]

“နောက်တပတ် ကျနော်ရယ်၊ ဦးဉာဏ်ဝင်းရယ်၊ အဲဒါက တတွဲပေါ့၊ ဟိုဘက်က ခင်ခင်ဝင်းတို့ ၀င်းမမတို့အတွက်က ခင်ဌေးကြွယ်နဲ့ ကိုလှမျိုးမြင့်တို့ အထူးအယူခံကတော့ ရေးနေကြပြီ။ ကျနော်နဲ့ ဦးဉာဏ်ဝင်းက ဒီဘက်က ဒေါ်စုအတွက် ရေးနေကြပြီ။ ဒါတွေအကုန်လုံး ပေါင်းပြီးတော့မှ တင်ပြမယ်။”

အမှုသွား အမှုလာ အခြေအနေ ဘယ်လိုရှိပါသလဲ အန်ကယ်။

“ဒါ ရှင်းပါတယ်။ ၁၉၇၄ ဖွဲ့စည်းပုံ အခြေခံဥပဒေဟာ ရပ်ဆိုင်းသွားခဲ့ပြီ။ အဲဒီ ရပ်ဆိုင်းသွားတဲ့ အခြေခံ ဥပဒေထဲက ပုဒ်မ ၅ ခု၊ ပုဒ်မ ၁၄၈(ဂ)၊ ၁၅၇၊ ၁၅၈၊ ၁၅၉(က)(ခ)၊ ၁၆၀၊ အဲဒီပုဒ်မတွေကို ရပ်ဆိုင်းသွားပြီဆိုတဲ့ ဖွဲ့စည်းပုံ အခြေခံဥပဒေထဲက ဆွဲထုတ်ပြီးတော့ ကန့်သတ်မိန့်ထဲထည့်၊ ဒေါ်စုရဲ့ မူလ အခွင့်အရေးတွေကို ကန့်သတ်ပေးတယ်။ ဗိုလ်ချုပ်မှူးကြီးသန်းရွှေ ကိုယ်တိုင်က ကြေညာချက်အမှတ် ၇/၂၀၀၈၊ ၂၉-၅-၂၀၀၈ ရက်စွဲနဲ့ အတည်ပြု ပြဋ္ဌာန်းလိုက်သည်ဆိုတဲ့ ကြေညာချက်ဗျ။

“ဒီ ရပ်ဆိုင်းပြီဆိုတဲ့ ဖွဲ့စည်းပုံထဲက ပုဒ်မကို ထုတ်သုံးတော့ ဗဟိုအဖွဲ့ဖြစ်ဖြစ်၊ ဗဟိုအဖွဲ့ရဲ့ အထက်အဖွဲ့ဖြစ်ဖြစ်၊ ဒီ သေနေပါပြီဆိုတဲ့ ဖွဲ့စည်းပုံ အခြေခံဥပဒေ၊ အဲဒီထဲက သေနေတဲ့ ပုဒ်မတွေပဲ၊ ဒါကို ထုတ်သုံးတာ တရားဝင်မလား။ ရှင်းတယ်။ အဲတော့ ကျနော်တို့ကတော့ ဂိတ်ဆုံးကျရင် အဖြေမှန်ကို တွေ့လိမ့်မယ်လို့ ယုံကြည်တယ်။”

မနေ့တုန်းက ဒေါ်အောင်ဆန်းစုကြည် နေအိမ် ပြင်ဆင်မှုအတွက် ဦးအောင်ဆန်းဦးဘက်က တားဝရမ်း ထုတ်ပေးဖို့ တင်သွင်းတာကို တရားရုံးက ပယ်ချတယ်လို့ ကြားပါတယ်။ အဲဒီကိစ္စနဲ့ ပတ်သက်ပြီးတော့ရော။

“အဲဒါနဲ့ မနေ့က သူတို့က အိမ်ပြင်တာကို တားဝရမ်း ထုတ်ပေးပါဆိုပြီး လျှောက်တာကိုး။ အောင်ဆန်းဦးနဲ့ သူ့ရဲ့ရှေ့နေ ကိုအံ့ထူးတို့က လျှောက်ကြတယ်။ လျှောက်တော့ ဒါကို ကျနော်တို့ဘက်ကလည်း ပြန်ပြီးတော့ တားဝရမ်း မထုတ်သင့်ပါဘူး ဆိုပြီးတော့ ကျနော်တို့ကလည်း ပြန်ပြီးတော့ လျှောက်လဲတင်ပြတယ်။ အိမ်က ပြင်တာဗျ၊ ဖျက်တာ မဟုတ်ဘူး။ အိမ်ပြင်တဲ့ကိစ္စကို တားပေးပါဆိုတော့ သဘာဝ မကျဘူးပေါ့ဗျာ။ တရားရုံးကလည်း အဲဒီမှာ သဘာဝကျကျ ဆုံးဖြတ်ချက်ပါ။ ဦးအောင်ဆန်းဦးတို့ လျှောက်လွှာကို ပယ်လိုက်တယ်။”

ဒေါ်အောင်ဆန်းစုကြည်ရဲ့ ရှေ့နေတဦးဖြစ်တဲ့ ဦးကြည်ဝင်း ပြောပြခဲ့တာ ဖြစ်ပါတယ်။ ( ဗွီအိုအေ )

ဦးအောင်ဆန်းဦး တရားရှုံး

ဒေါ်အောင်ဆန်းစုကြည်၏ နေအိမ် ပြင်ဆင်နေမှုအား အကိုဖြစ်သူ ဦးအောင်ဆန်းဦးက တားဝရမ်း လျှောက်ထားမှုအား ရန်ကုန်တိုင်း တရားရုံးက ပယ်ချလိုက်သည်ဟု စုံစမ်းသိရှိရသည်။

တက္ကသိုလ် ရိပ်သာလမ်းရှိ ဒေါ်အောင်ဆန်းစုကြည် နေထိုင်နေသည့် အိမ်ပြင်ဆင်နေခြင်းအား အကိုရင်းဖြစ်သူ ဦးအောင်ဆန်းဦးက သူ၏ ခွင့်ပြုချက် မပါရှိဘဲ အိမ်ပြင်ဆင်နေမှုကို ရပ်ဆိုင်းပေးရန် တိုင်းတရားရုံးသို့ ပြီးခဲ့သည့် ဇန်နဝါရီလ ၂၁ ရက်နေ့တွင် လျှောက်ထားခဲ့သည်ကို တိုင်းရုံးက ပယ်ချလိုက်ခြင်း ဖြစ်သည်။

“ဒီကနေ့ နေ့ခင်းကျတော့ ဦးအောင်ဆန်းဦး လျှောက်ထားတဲ့ဟာ ခိုင်လုံမှု မရှိဘူးဆိုပြီးတော့ ပယ်ချပါတယ်။ ဒီအမှုမှာ နိုင်သွားတယ်” ဟု နေအိမ်တွင် ပြစ်ဒဏ်ကျခံနေရသော ဒေါ်အောင်ဆန်းစုကြည်၏ ရှေ့နေတဦးဖြစ်သူ ဦးဥာဏ်ဝင်းက မဇ္ဈိမကို ပြောသည်။

တရားရုံးအမိန့်စာမိတ္တူဖြင့် စည်ပင်သာယာကို ပြန်လည်တင်ပြပြီးနောက် အိမ်ပြင်ဆင်မှု ပြန်လည်ပြုလုပ်မည်ဟု သိရသည်။
[ ဆက်လက်ဖတ်ရှု့ပါရန် +/- ]

ယနေ့တရားခွင်သို့ ဒေါ်အောင်ဆန်းစုကြည်၏ ရှေ့နေ ဦးကြည်ဝင်း၊ ဦးဥာဏ်ဝင်း တက်ရောက်ခဲ့ပြီး၊ ဦးအောင်ဆန်းဦးဘက်မှ လိုက်ပါအကျိုးဆောင်နေသူ ရှေ့နေ ဦးဟန်တိုး တက်ရောက်ခဲ့သည်။

ရန်ကုန်တိုင်း စည်ပင်သာယာ ခွင့်ပြုချက်ဖြင့် နေအိမ်ပြုပြင်မှုကို ဦးအောင်ဆန်းဦးက တားဝရမ်း ထုတ်ခြင်းအပေါ် ပြန်လည်ကန့်ကွက်ကြောင်း ဒေါ်အောင်ဆန်းစုကြည်က တရားရုံးသို့ ပြီးခဲ့သည့် ဖေဖော်ဝါရီလ ၄ ရက်နေ့တွင် စတင်ကန့်ကွက်ခဲ့သည်။

သူမ၏ ရှေ့နေများက ဥပဒေအမိန့် ၃၉ ၊ နည်းဥပဒေ (၁) အရ အငြင်းပွားနေသည့် ပစ္စည်းအား ပျက်စီးရန်၊ ဆုံးရှုံးရန်နှင့် တမင်ဖြုန်းတီးစေခြင်း မဟုတ်ပါက တားဝရမ်း ထုတ်ခွင့် မရှိကြောင်း ကန့်ကွက် လျှောက်လဲခဲ့သည်။

မြို့တော် စည်ပင်သာယာက ပြီးခဲ့သည့်နှစ် နိုဝင်ဘာလလယ်မှစ၍ ယခုလအတွင်း အပြီးသတ် ပြင်ဆင်ရန် ခွင့်ပြုထားရာမှ ဦးအောင်ဆန်းဦးက ကန့်ကွက်သဖြင့် ဒီဇင်ဘာလ ၂၃ ရက်နေ့တွင် အိမ်ပြင်မှုကို ရပ်နားထားရသည်။

လာမည့် ယခုလ ၈ ရက်နေ့တွင် ယနေ့ ချမှတ်လိုက်သည့် မိတ္တူကူးယူပြီး ဒေါ်အောင်ဆန်းစုကြည်၏ နေအိမ် ပြန်လည်ပြင်ဆင်ခွင့် ရရှိမည်ဟု ဦးဥာဏ်ဝင်းက ပြောသည်။

ဒေါ်အောင်ဆန်းစုကြည်မှာ အမေရိကန်နိုင်ငံသား ဂျွန်ယက်တောက အင်ယားကန်ကို ရေကူး၍ နေအိမ်တွင်း ဝင်ရောက်သည်ကို ခိုလှုံခွင့်ပြုမှုဖြင့် ထောင်ဒဏ် ၁၈ လကို နေအိမ်အတွင်း ပြစ်ဒဏ်ကျခံနေရပြီး၊ ကျန်ထောင်ဒဏ်ကို ဆိုင်းငံ့အဖြစ် အပြစ်ပေးခံနေရသည်။
ချင်းမိုင်(မဇ္ဈိမ)

မြန်မာရွေးကောက်ပွဲ ဥပဒေကို ဂျပန်အစိုးရ ဝေဖန်ပြစ်တင်

မြန်မာစစ်အစိုးရက မတ်လ ပထမပတ်မှာ ထုတ်ပြန်ခဲ့တဲ့ ရွေးကောက်ပွဲ ဥပဒေတွေနဲ့ ပတ်သက်ပြီး၊ အထူးသဖြင့် နိုင်ငံရေးပါတီတွေ မှတ်ပုံတင်ရေး ဥပဒေအရ ကုလသမဂ္ဂနဲ့ နိုင်ငံတကာက တိုက်တွန်းခဲ့သလို လွတ်လပ်ပြီး တရားမျှတဖို့အပြင် သက်ဆိုင်တဲ့ အုပ်စုတွေ အားလုံး ပါဝင်ဖို့ မဖြစ်နိုင်တော့တဲ့အတွက် ဂျပန်အစိုးရ အနေနဲ့ စိတ်ပျက်မိတယ်လို့ ဒီလအတွက် ကုလသမဂ္ဂ လုံခြုံရေးကောင်စီ အလှည့်ကျ ဥက္ကဋ္ဌအဖြစ် တာဝန်ယူထားတဲ့ ဂျပန် သံအမတ်ကြီးက သတင်းစာ ရှင်းလင်းပွဲမှာ ပြောကြားလိုက်ပါတယ်။ အပြည့်အစုံကို ဒေါ်လှလှသန်းက တင်ပြပေးထားပါတယ်။
[ ဆက်လက်ဖတ်ရှု့ပါရန် +/- ]

ကုလသမဂ္ဂ လုံခြုံရေးကောင်စီရဲ့ ဧပြီလ အလှည့်ကျ ဥက္ကဋ္ဌအဖြစ် တာဝန်ယူမယ့် ကုလသမဂ္ဂဆိုင်ရာ ဂျပန် သံအမတ်ကြီး ယူကီအို တကဆု (Yukio Takasu) က မြန်မာနိုင်ငံမှာ ဒီနှစ်ကျင်းပမယ့် ရွေးကောက်ပွဲတွေဟာ ဒီမိုကရေစီ ဖော်ဆောင်မှုအတွက် အရေးကြီးပေမဲ့ မြန်မာစစ်အစိုးရက မတ်လ ၈ ရက်နေ့က စတင်ပြီး ကြေညာခဲ့တဲ့ ရွေးကောက်ပွဲ အက်ဥပဒေပါ ကန့်သတ်ချက်တွေကို ပြစ်တင် ဝေဖန်သွားပါတယ်။

“ရွေးကောက်ပွဲ ဥပဒေကို ထုတ်ပြန်ခဲ့ပြီးနောက်ပိုင်း တွေ့ရတာက အဲဒီအထဲမှာ အကျဉ်းကျနေသူ၊ နေအိမ်အကျယ်ချုပ် ကျခံနေရသူ၊ စသည်ဖြင့် ရွေးကောက်ပွဲမှာ ပါဝင်ခွင့် မရှိဘူးလို့ ကန့်သတ် ချုပ်ချယ်မှုတွေ တွေ့နေရပါတယ်။ ဒါကြောင့် ဒီရွေးကောက်ပွဲဟာ အုပ်စုအားလုံးတို့ ပါဝင်နိုင်မယ့် ရွေးကောက်ပွဲ မဟုတ်သလို နိုင်ငံတကာက လက်ခံနိုင်မယ့် အနေအထားလည်း မရှိပါဘူး။”

နိုင်ငံရေးပါတီ မှတ်ပုံတင်ရေး ဥပဒေအရ အကျဉ်းကျ ခံနေရသူ၊ ပြစ်မှုထင်ရှား တွေ့ရှိထားသူနဲ့ အမှုအယူခံ ၀င်ထားဆဲရှိသူတွေ အနေနဲ့ ရွေးကောက်ပွဲမှာ ပါဝင်ယှဉ်ပြိုင်ခွင့် မရှိသလို မှတ်ပုံတင်မယ့် နိုင်ငံရေးပါတီတွေ အနေနဲ့လည်း အကျဉ်းကျ ခံနေရသူတွေကို နိုင်ငံရေး ပါတီဝင်တွေ အဖြစ်မှ ထုတ်ပယ်ရမှာ ဖြစ်ပါတယ်။

ဒီဥပဒေဟာ နေအိမ်အကျယ်ချုပ် ကျခံနေရတဲ့ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေကို အထူးသဖြင့် ပစ်မှတ်ထားတယ်လို့ အများက ထောက်ပြခဲ့ကြပါတယ်။

အလားတူပဲ ဂျပန်အစိုးရ အနေနဲ့လည်း ဒီဥပဒေနဲ့ ပတ်သက်လို့ စိတ်ပျက်မိတယ်လို့ သံအမတ်ကြီးက ပြောပါတယ်။

“ဂျပန်အစိုးရရဲ့ သဘောထားကတော့ အခုလို ကြေညာချက်ကြောင့် သိပ်ကို စိတ်ပျက်ရပါတယ်။ ကျနော်တို့ အစိုးရ အနေနဲ့ မြန်မာစစ်အစိုးရ အဆင့်မြင့်ပိုင်းနဲ့ နီးနီးကပ်ကပ် စကားပြောဆိုခဲ့တာ ဖြစ်ပြီးတော့ လာမယ့် ရွေးကောက်ပွဲကြီးဟာ လွတ်လပ်ပြီး တရားမျှတရုံမက အုပ်စုအားလုံးတို့ ပါဝင်နိုင်လိမ့်မယ်လို့ မျှော်လင့်ထားတာ ဖြစ်ပါတယ်။

“ရွေးကောက်ပွဲမှာ ပါဝင်မယ်၊ မပါဝင်ဘူး ဆိုတာက နိုင်ငံသားတွေရဲ့ ရွေးချယ်ပိုင်ခွင့်ပါ။ ဒါပေမဲ့ အခု စည်းကမ်းသတ်မှတ်ချက်တွေ အရ ၀င်ပြီး ပါချင်တောင်မှ ပါခွင့် မရကြတော့ပါဘူး။ ဒါကြောင့် အုပ်စုအားလုံးတို့ ပါဝင်ခွင့်ရတယ်လို့ မဆိုနိုင်ပါဘူး။ ဂျပန်အစိုးရ အနေနဲ့ ဒါကို သိပ်စိတ်ပျက်ရပါတယ်။”

ရွေးကောက်ပွဲမှာ အုပ်စုအားလုံးတို့ ပါဝင်ခွင့်ရဖို့ မြန်မာစစ်အစိုးရကို ကုလသမဂ္ဂ အပါအ၀င် နိုင်ငံတကာရဲ့ တိုက်တွန်းချက် အနှစ်သာရနဲ့ ပတ်သက်လို့လည်း သံအမတ်ကြီးက အခုလို ရှင်းပြခဲ့ပါတယ်။

“အုပ်စုအားလုံးတို့ ပါဝင်ခွင့်ရတယ် ဆိုတာက ပါဝင်လိုသူတွေကို ရွေးကောက်ပွဲမှာ ပါဝင်ခွင့် ပေးရပါမယ်။ ဒေါ်အောင်ဆန်းစုကြည်ကိုပဲ ဖြစ်ဖြစ်၊ ဘယ် တခြား မြန်မာနိုင်ငံသားကိုပဲ ဖြစ်ဖြစ်၊ သူတို့ ၀င်ပြီး ရွေးချယ်ခံမယ်၊ ရွေးချယ်မခံဘူး ဆိုတာက သူတို့ရဲ့ ကိုယ်ပိုင်ဆုံးဖြတ်ခွင့် ဖြစ်သင့်ပါတယ်။ လွတ်လပ်မှုလည်း ရှိရပါမယ်။ ဒါပေမဲ့လည်း ဥပဒေနဲ့ ငြိစွန်းနေတယ်ဆိုတဲ့ သတ်မှတ်ချက်ကြောင့် သူတို့ ရွေးကောက်ပွဲကို ၀င်ချင်တောင်မှ ၀င်ခွင့် မရကြပါဘူး။ ဒါကြောင့် ဒီရွေးကောက်ပွဲမှာ အုပ်စုအားလုံးတို့ ပါဝင်ခွင့် ရကြတယ်လို့ မဆိုနိုင်ပါဘူး။ ဒါကြောင့် ဂျပန်အစိုးရ အနေနဲ့ သိပ်ကို စိတ်ပျက်ရပါတယ်။”

တချိန်တည်းမှာပဲ နိုင်ငံရေးပါတီတွေ မှတ်ပုံတင်ခြင်းဆိုင်ရာ ဥပဒေပါ မတရားတဲ့ အချက်အလက်တွေကို မြန်မာစစ်အစိုးရဘက်က ပြင်ဆင် ညှိနှိုင်းပေးဖို့ သံအမတ်ကြီး ယူကီအို တကဆုက ဂျပန်နိုင်ငံ အနေနဲ့ ဖိအားပေးဆဲ ရှိတယ်လို့ ပြောပါတယ်။

“NLD ရွေးကောက်ပွဲမှာ မပါဝင်ဖို့ ဆုံးဖြတ်ခဲ့ပါတယ်။ နိုင်ငံရေး ပါတီတွေ မှတ်ပုံတင်ဖို့ အချိန်ကာလ ရက်တွေ ကျန်နေပါသေးတယ်။ မေလဆန်းပိုင်း အထိပါ။ ဒါကြောင့် ဂျပန်အစိုးရဘက်က မြန်မာစစ်အစိုးရကို ဆက်ပြီး ဖိအားပေးနေဆဲ ဖြစ်ပါတယ်။ အုပ်စုအားလုံးတို့ ပါဝင်ခွင့် ရနိုင်မယ့် အခြေအနေ အာမခံချက်တွေ ရရှိအောင် လုပ်ဆောင်ပေးဖို့ တိုက်တွန်းနေဆဲပါ။ ပါတီတွေ မှတ်ပုံတင်ဖို့ ရက်တွေက ကျန်နေပါသေးတယ်။”

ဂျပန် နိုင်ငံခြားရေးဝန်ကြီး ကတ်ဆုယာ အိုကာဒါ (Katsuya Okada) အနေနဲ့ မြန်မာစစ်အစိုးရ အဆင့်မြင့်ပိုင်းနဲ့ရော၊ ကုလသမဂ္ဂနဲ့ရော ဂျပန်နိုင်ငံရဲ့ သဘောထားကို ထုတ်ဖော် အသိပေးခဲ့ပြီး ဖြစ်တယ်လို့လည်း သံအမတ်ကြီးက ပြောပါတယ်။ ဒါ့အပြင် ဒေါ်အောင်ဆန်းစုကြည် အပါအ၀င် တခြား ပါဝင်ယှဉ်ပြိုင်လိုသူတွေကို မြန်မာစစ်အစိုးရက ရွေးကောက်ပွဲမှာ ပါဝင်ခွင့် မပြုဘူးဆိုရင် မြန်မာနိုင်ငံကို ပေးနေတဲ့ ငွေကြေး အထောက်အကူတွေကိုလည်း ထပ်မပေးတော့ဘူးလို့ ဂျပန် နိုင်ငံခြားရေးဝန်ကြီး ကတ်ဆုယာ အိုကာဒါက ဂျပန်နိုင်ငံဆိုင်ရာ မြန်မာသံအမတ်ကြီး ဦးလှမြင့်အပြင် သတင်းမီဒီယာတွေကိုလည်း ပြောပြခဲ့တာ ဖြစ်ပါတယ်။

လုံခြုံရေးကောင်စီ အနေနဲ့ကတော့ မတ်လတုန်းက မြန်မာနိုင်ငံရေး ပြဿနာကို အဖြေရှာဖို့ အလွတ်သဘော ဆွေးနွေးခဲ့သလို အတွင်းရေးမှူးချုပ် မစ္စတာ ဘန်ကီမွန်း (Mr. Ban Ki-moon) ရဲ့ မြန်မာ့အရေး မိတ်ဆွေများ တံခါးပိတ် အစည်းအဝေးပွဲကိုလည်း ကျင်းပခဲ့တာ ဖြစ်ပါတယ်။ ဒါပေမဲ့ ဒီလ လုံခြုံရေးကောင်စီမှာတော့ မြန်မာ့အရေး ဆွေးနွေးဖို့ အစီအစဉ် မရှိသေးဘူးလို့ သံအမတ်ကြီး တကဆုက ပြောပါတယ်။ ( ဗွီအိုအေ )

ပြည်သူ သို့ ပန်ကြားချက်

NLDst060410

ရွေးကောက်ပွဲ မဝင်သူများ

Election 2010
( မဇ္ဈိမသတင်းဌာန )

မြန်မာ့နိုင်ငံရေး တိုးတက်မှုအပေါ် အမေရိကန်မူ အခြေခံသင့်

အမေရိကန် ပြည်ထောင်စု အနေနဲ့ မြန်မာနိုင်ငံအပေါ် အရေးယူ ပိတ်ဆို့မှုတွေ ဆက်လက် ပြဋ္ဌာန်းထားတဲ့ တချိန်တည်းမှာ မြန်မာစစ်အစိုးရဘက်က နိုင်ငံရေး တိုးတက်ပြောင်းလဲမှုတွေကို အခြေခံပြီး အကူအညီတွေ ပေးနိုင်အောင် ပြင်ဆင်ထားသင့်တဲ့ အကြောင်း မြန်မာ့အရေး မူဝါဒ ဆန်းစစ် ဝေဖန်သူတွေက အကြံပေး ပြောဆိုလိုက်ပါတယ်။
[ ဆက်လက်ဖတ်ရှု့ပါရန် +/- ]

ဝါရှင်တန်မြို့တော် Asia Society အဖွဲ့က ဖွဲ့စည်းထားတဲ့ မြန်မာနိုင်ငံဆိုင်ရာ မူဝါဒ ဆန်းစစ်လေ့လာရေး အဖွဲ့က အစီရင်ခံစာတစောင် ထုတ်ပြန်ပြီး အမေရိကန် ပြည်ထောင်စုဘက်က မြန်မာ့အရေး လုပ်ဆောင်သင့်တာတွေကို အကြံပေးလိုက်တဲ့ တချိန်တည်းမှာ စစ်အစိုးရ ကျင်းပမယ့် ရွေးကောက်ပွဲကို တရားဝင် အသိအမှတ် ပြုတာမျိုးတွေ မလုပ်မိအောင် ရှောင်ရှားဖို့လည်း အမေရိကန် အစိုးရကို သတိပေးလိုက်ပါတယ်။ အပြည့်အစုံကို ကိုသိန်းထိုက်ဦးက တင်ပြပေးထားပါတယ်။

မြန်မာနိုင်ငံအပေါ် ထားတဲ့ မူဝါဒတွေနဲ့ ပတ်သက်လို့ လက်ငင်းအကျိုးကို ကြည့်တဲ့ ပြောင်းလွယ် ပြင်လွယ် ထိတွေ့ဆက်ဆံရေး မူဝါဒကို ကျင့်သုံးဖို့ Asia Society အဖွဲ့ရဲ့ မူဝါဒ ဆန်းစစ်ရေးအဖွဲ့က အဓိက အမေရိကန် အစိုးရကို အကြံပေး တင်ပြပါတယ်။ ဒီအကြံပေးချက်တွေကိုပဲ မြန်မာပြည်ရဲ့ လက်ရှိ ပကတိ အခြေအနေနဲ့ အနာဂတ် အလားအလာ ဆိုတဲ့ ခေါင်းစဉ်နဲ့ အစီရင်ခံစာ ထုတ်ပြန်ထားတာပါ။

Asia Society အဖွဲ့ဟာ ၀ါရှင်တန်အခြေစိုက် အစိုးရလက်အောက်ခံ မဟုတ်တဲ့ အဖွဲ့ဖြစ်ပြီး ဒီအဖွဲ့ရဲ့ အကြံပေးအဖွဲ့တွေမှာ အစိုးရ ထိပ်တန်း အရာရှိဟောင်းတွေ၊ သံအရာရှိတွေ၊ နိုင်ငံရေး လှုပ်ရှားသူတွေကို ထည့်သွင်း ဖွဲ့စည်းထားပါတယ်။ မြန်မာနိုင်ငံဆိုင်ရာ မူဝါဒ ဆန်းစစ်ရေး အဖွဲ့မှာလည်း အရင်က အမေရိကန် ပြည်ထောင်စု ဒီမိုကရက်ပါတီ သမ္မတလောင်းအဖြစ် အမည်စာရင်း တင်သွင်းခဲ့ဖူးတဲ့ အငြိမ်းစား ဗိုလ်ချုပ်ကြီး ၀က်စ်လေ ကလာ့ခ် (Wesley Clark) က ပူးတွဲ သဘာပတိအဖြစ် တာဝန်ယူထားတာပါ။ သူက သတင်းစာရှင်းလင်းပွဲမှာ အခုလို ပြောပါတယ်။

“ပထမဆုံးအနေနဲ့ ကျနော်တို့က စစ်အစိုးရနဲ့ပဲ ထိတွေ့ ဆက်ဆံတာမျိုး မဟုတ်ဘဲ မြန်မာပြည်အတွင်းမှာ ရှိတဲ့ အဖွဲ့အစည်းပေါင်းစုံနဲ့ ကျယ်ကျယ်ပြန့်ပြန့် ထိတွေ့ ဆက်ဆံရပါလိမ့်မယ်။ အထူးသဖြင့် အခုလို ရွေးကောက်ပွဲ ဥပဒေ ပြဋ္ဌာန်းလိုက်တဲ့အချိန်၊ ဒီရွေးကောက်ပွဲဟာ အားလုံး ပါဝင်ခွင့်ရတဲ့ ရွေးကောက်ပွဲဖြစ်ဖို့၊ နိုင်ငံရေးအရ တွေ့ဆုံဆွေးနွေးပွဲတွေ ပေါ်လာဖို့ ရွေးကောက်ပွဲ မတိုင်ခင် မြန်မာစစ်အစိုးရကို တောင်းဆိုရပါလိမ့်မယ်။”

မြန်မာနိုင်ငံမှာ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေကို လွှတ်မပေးမချင်း၊ နိုင်ငံရေး ဖြစ်စဉ်တွေမှာ အပြည့်အ၀ ပါဝင်ခွင့် မပေးမချင်း အမေရိကန် ပြည်ထောင်စု အနေနဲ့ စစ်အစိုးရအပေါ် အရေးယူ ပိတ်ဆို့မှုတွေကို ပြဋ္ဌာန်းရလိမ့်မယ်လို့ ဆိုပါတယ်။

“ရွေးကောက်ပွဲနဲ့ ပတ်သက်လို့ တိုက်ရိုက် စောင့်ကြည့် လေ့လာတာမျိုးတွေမှာ အမေရိကန် ပြည်ထောင်စုက မပါဝင်သင့်ဘူးလို့ ကျနော်တို့ မြင်ပါတယ်။ ဒီလို ပါဝင်မယ်ဆိုရင် အပြစ်အနာအဆာတွေ အများကြီး ရှိနေတဲ့ ရွေးကောက်ပွဲ လုပ်ငန်းစဉ်တွေကို ကိုယ့်ဘက်က တရားဝင် အသိအမှတ် ပြုလိုက်သလို ဖြစ်သွားနိုင်ပါတယ်။

“အမေရိကန် ပြည်ထောင်စုရဲ့ မူဝါဒကို ချမှတ်ရာမှာ အမျိုးသားဒီမိုကရေစီ အဖွဲ့ချုပ်ကို အဓိက မဏ္ဍိုင်ပြုပြီး ဦးစားပေး စဉ်းစားရမယ်လို့ ကျနော်တို့က ယုံကြည်ပါတယ်။ အမျိုးသား ပြန်လည်သင့်မြတ်ရေးမှာ ဒေါ်အောင်ဆန်းစုကြည်က အရေးကြီးတဲ့ အခန်းကဏ္ဍက ရှိနေရပါလိမ့်မယ်။” လို့ အငြိမ်းစား ဗိုလ်ချုပ်ကြီး ၀က်စ်လေ ကလာ့ခ်က ပြောပါတယ်။

ဒီလို အမျိုးသားဒီမိုကရေစီ အင်အားစုကို အဓိက မဏ္ဍိုင်အဖြစ် ထားပြီး သတ်မှတ်ဖို့ တိုက်တွန်းထားပေမဲ့ NLD အမျိုးသားဒီမိုကရေစီ အဖွဲ့ချုပ်က ရွေးကောက်ပွဲမှာ မပါဘူးလို့ ဆုံးဖြတ်လိုက်ပြီးတဲ့နောက် NLD ရဲ့ အနာဂတ် ရပ်တည်မှုနဲ့ နိုင်ငံရေးမှာ ပါဝင်ခွင့်တွေလည်း ပြောင်းလဲသွားနိုင်ပါတယ်။ ဒါကြောင့်လည်း အဖွဲ့အစည်းတွေ အားလုံးနဲ့ ထိတွေ့ဆက်ဆံရာမှာ အခက်အခဲတွေ ရှိနိုင်တယ် ဆိုတာကို မူဝါဒ ဆန်းစစ်လေ့လာတဲ့ သူတွေက ၀န်ခံပြောဆိုပါတယ်။

အမေရိကန် ပြည်ထောင်စု အနေနဲ့ မြန်မာနိုင်ငံအပေါ် ထားတဲ့ မူဝါဒကို နိုင်ငံတကာ အစိုးရတွေနဲ့ ပူးပေါင်းဆက်သွယ်ပြီး အကောင်အထည် ဖော်သင့်တယ်လို့ အစီရင်ခံစာက ဖော်ပြပါတယ်။ တရုတ်၊ ဂျပန်နဲ့ အိန္ဒိယ နိုင်ငံတွေနဲ့ ပူးပေါင်းဆောင်ရွက်ဖို့ အစီရင်ခံစာက အကြံပေးထားတာပါ။ မူဝါဒ ဆန်းစစ်လေ့လာရေး အဖွဲ့မှာ ပါတဲ့ USAID ခေါ် အမေရိကန် ပြည်ထောင်စုရဲ့ နိုင်ငံတကာ ဖွံ့ဖြိုးမှု အထောက်အကူပြုရေး အဖွဲ့ရဲ့ အကြီးအကဲဟောင်း ဟန်န်ရီတာ ဖိုး (Henrietta Fore) က အခုလို ပြောပါတယ်။

“စီးပွားရေး ပြုပြင်ပြောင်းလဲမှုတွေ ပေါ်ပေါက်လာဖို့အတွက် အာရှဒေသတွင်း အဓိက နိုင်ငံတွေနဲ့ ပူးပေါင်း ဆက်သွယ် ဆောင်ရွက်တာမျိုး အမေရိကန် ပြည်ထောင်စုက လုပ်နိုင်ပါတယ်။ ဒီလို လုပ်ခြင်းအားဖြင့် တိုးတက်မှု ပိုရနိုင်ပါတယ်။ အာရှနိုင်ငံတွေရဲ့ အကြံပေးချက်နဲ့ ပံ့ပိုးတာကို အနောက်နိုင်ငံတွေနဲ့ စာရင် မြန်မာစစ်အစိုးရ ခေါင်းဆောင်တွေက ပိုပြီး လက်ခံနိုင်ပါတယ်။”

Asia Society ရဲ့ အစီရင်ခံစာနဲ့ ပတ်သက်တဲ့ သတင်းစာ ရှင်းလင်းပွဲမှာ မြန်မာနိုင်ငံ အခြေအနေတွေနဲ့ ပတ်သက်လို့ အမေရိကန်သံရုံး တာဝန်ခံအဖြစ် တာဝန်ယူခဲ့ဖူးတဲ့ ပရက်စီလာ ကလပ်ပ် (Pricilla Clap) က တော်တော်လေး ကျယ်ကျယ်ပြန့်ပြန့် ဆွေးနွေး ပြောဆိုသွားပါတယ်။ မြန်မာပြည် အခြေအနေတွေဟာလည်း ဒီ ဆယ်စုနှစ်အတွင်း ပြောင်းလဲမှုတွေ အများအပြား ရှိခဲ့တယ်ဆိုတာကို ထည့်သွင်းပြောဆိုပါတယ်။

ဒီလို အပြောင်းအလဲဆိုတာ ပြည်သူတွေရဲ့ လူမှုအဖွဲ့အစည်းအတွင်း လှုပ်ရှားမှုတွေ၊ အောက်ခြေပြည်သူတွေရဲ့ လှုပ်ရှားမှုတွေလို့ မစ်စ် ပရက်စီလာ ကလပ်ပ်က ပြောသွားတာပါ။

“မြန်မာနိုင်ငံ ပြောင်းလဲတိုးတက်လာအောင် ကျမတို့က ကိုယ့်ဘာသာလည်း လုပ်ပေးလို့ ရတယ်ဆိုပြီး ပြောတာမျိုး မဟုတ်ပါဘူး။ အပြောင်းအလဲတွေကို ပြည်တွင်းက စပြီး လုပ်ရပါလိမ့်မယ်။ ဒါကြောင့်လည်း ဒီလို အရေးကြီးတဲ့နှစ်မှာ မြန်မာပြည်တွင်းက လှုပ်ရှားမှုတွေကို စောင့်ကြည့်လေ့လာဖို့ လိုသလို ကျမတို့ ဆောင်ရွက်ချက်တွေဟာ ပြည်တွင်းက အဖြစ်အပျက်တွေနဲ့ ညှိပြီး ဆက်စပ် လုပ်ကိုင်ဖို့ လိုပါတယ်။”

မြန်မာနိုင်ငံအတွင်း တိုးတက်ဖြစ်ထွန်းမှုတွေကို အခြေခံပြီး ပြည်တွင်းက အဖွဲ့အစည်းတွေ၊ ပြည်သူတွေကို အကူအညီ ပေးနိုင်အောင် ဆန်းစစ်လေ့လာသူတွေက အမေရိကန် အစိုးရကို အကြံပေးပါတယ်။ ၂၀၁၀ ရွေးကောက်ပွဲက နယ်စပ်ဒေသတွေက ပဋိပက္ခတွေ ချုပ်ငြိမ်းပါ့မယ်ဆိုတဲ့ အာမခံချက် မရှိတဲ့အတွက် နယ်ခြားဒေသကို ထပ်ရောက်လာတဲ့ ဒုက္ခသည်တွေနဲ့ လက်ရှိ ဒုက္ခသည်တွေကို ပေးအပ်နေတဲ့ အကူအညီတွေကိုလည်း ဆက်ပေးဖို့ လိုတဲ့အကြောင်း မြန်မာ့အရေး လေ့လာဆန်းစစ်သူတွေက အစီရင်ခံစာကနေ အမေရိကန် အစိုးရကို အကြံပေး ထောက်ပြထားပါတယ်။ ( ဗွီအိုအေ )