သတင်းများ

my email address

ကျွန်တော့်၏ email လိပ်စာမှာ
flyingpeacock619@gmail.com
ဖြစ်ပါသည်။

Subscribe via email

လူကြီးမင်း၏ Email လိပ်စာပေးခဲ့ပါ။ Poste အသစ်တင်တိုင်း ပို့ပေးပါမည်။

Enter your email address:

Delivered by FeedBurner

Free Aung San Su Kyi

Free Aung San Su Kyi

NLD LA KOREA

flyingpeacock

Live International News

Powered By
widgetmate.com
Sponsored By
Digital Camera

ရန်နိုင်ထွန်း ရဲ့ ကဗျာများ

အာဟာရစာစောင်

ကိုမင်းကိုနိုင် ဆုပေးပွဲ

Y မြစ်ချို ... လူညံ့လိုအင်

သွေးလက်ပေါ်ကသမိုင်း
မင်္ဂလာရှိသောမေမေ
ငါတို့ကျောင်းသား

ကိုကျော်စွာလင်းပန်းချီ

မြန်မာပြက္ခဒိန်

Myanmar Calendar

မြန်မာစံတော်ချိန်

မြန်မာပြည်မိုးလေ၀သအခြေအနေ

တော်လှန်ရေးသီချင်းများ


minthukha
Quantcast လာရောက် လည်ပတ် ကြသော သူငယ်ချင်းများ နိုင်ငံရေး သီချင်းတွေ နားဆင်လို့ရအောင်၊ စိတ်ကြိုက် Download ဆွဲလို့ရနိုင်ဖို့ အတွက်

Gmail sign in

Google Search

Popular Posts

.....အမေ့ စကား..အမှန်တရားလုပ်တဲ့သူတွေကသာ ရှုံးရင်လည်းနိုင်ရမယ်၊ နိုင်ရင်လည်းနိုင်ရမယ်။အမှန်တရားအရ မလုပ်တဲ့သူတွေကတော့ ရှုံးရင်လည်း ရှုံးရမယ်၊ နိုင်ရင်လည်းရှုံးမှာပဲ။( ဒေါ်အောင်ဆန်းစုကြည် ).....

Sunday, November 29, 2009

Gtalk virus အသစ်ကိုသတ်နည်း

gtalk virus တစ်ကောင်တွေ့လိုက်လို့ပါ။ chrome ကိုပြောတာမဟုတ်ဘူး။ သတ်တာကလဲတော်တော်လေးလွယ်တယ်.

နောက် virus က gtalk ပုံစံအတုလုပ်ထားတာဆိုတော့တော်တော်များများကမရိပ်မိကြပဲ user name password တွေကိုရိုက်ထည့်တတ်ကြလို့ပါ။ virus နာမည်က googleserv.exe ဖြစ်ပါတယ်။
ဒီ virus အကူးစက်ခံရတဲ့စက်မှာဆိုရင် virus က \Program Files\Google\Google Talk ထဲက googletalk.exe ကိုဖျောက်ပြီး gtalk.exe(virus) တစ်ခုထားခဲ့ပါတယ်။ နောက် desktop ပေါ်က Google Talk shortcut ကိုလဲ target မှာ gtalk.exe ကိုညွှန်လိုက်ပါတယ်။ Shortcut ကိုနှိပ်တဲ့အခါ virus ကို runမိသွားပြီး Gtalk windows အတုပေါ်လာပါတယ်။ အဲ့ဒီမှာကိုယ်ရိုက်ထည့်လိုက်တဲ့ data တွေကိုမှတ်သွားပြီး pen drive ထဲကို sys/computername.nfo ဖိုင်အနေနဲ့ထည့်ပါတယ်။ အဲ့ဒါဘာကြောင့်လဲတော့နားမလည်ပါ။ nfo ကို edit လုပ်ကြည့်မယ်ဆိုရင်အထဲမှာ [username] နဲ့ set=0x(numbers) ဆိုတာမျိုးတွေ့ရပါတယ်။ password ကိုတော့ encrypt လုပ်ထားပုံပါပဲ. ဒါပေမဲ့ စာလုံးရေကိုတော့ခန့်မှန်းလို့ရနိုင်ဟန်တူပါတယ်။
User name password ရိုက်ပြီးသွားလို့ enter ခေါက်လိုက်ရင် connect လုပ်နေပုံပြပြီး error box ကျလာပါမယ်။ OK နှိပ်လိုက်ရင်တော့ သူ့ window ပိတ်သွားပြီး တကယ့် gtalk ပွင့်လာပါမယ်။
ဒါပေမဲ့နောက်ကွယ်မှာတော့ သင့် user name ကသူမှတ်ထားတဲ့စာရင်းထဲပါသွားပြီဆိုတာသတိပြုပါ။

virus ကိုဖွင့်မိထားတာလား ဘယ်လိုသိမလဲ?
လွယ်ပါတယ်။ Virus ကိုဖွင့်မိထားတာဆိုရင် taskbar က gtalk icon ဟာ sign-in မ၀င်ရသေးပဲနဲ့ အဖြူရောင်ဖြစ်နေပါမယ်။ pointer ထောက်ကြည့်ရင် Google talk လို့ပေါ်ရမယ့်အစား Gtalk.exe လို့ပေါ်ပါမယ်။ နောက်တစ်ခုအနေနဲ့ သူ့ window မှာ check box (remember password) တွေဘာတွေကအလုပ်မလုပ်ပါဘူး။ ပြီးတော့ user name password ရိုက်ထည့်ပြီး enter ခေါက်လိုက်တဲ့အခါမျိုးမှာ text area တွေက အညိုရောင်ပြောင်းပြီး connecting ပုံစံမျိုးဖြစ်နေပါမယ်။

ဘယ်လိုသတ်မလဲ
Desktop ပေါ်က shortcut မှာ gtalk.exe အစား googletalk.exe လို့ပြန်ပြောင်းရိုက်ပါ။
\Program Files\Google\Google Talk ကိုသွားပြီး Gtalk.exe ကိုဖျက်လိုက်ပါ။

ဒီ virus ကကူးစက်နှုန်းမမြန်ပါဘူး။ ဆိုင်တွေမှာလဲတွေ့ရခဲပါတယ်။ ဘာပဲဖြစ်ဖြစ်တွေ့ခဲ့တယ်ဆိုရင် ရှောင်ရှားနိုင်ကြစေဖို့ဆန္ဒပြုပါတယ်။

ပေးပို့သူ - မောင်လေး

( မျိုးချစ်မြန်မာ )

Friday, November 27, 2009

ကျောင်းသားခေါင်းဆောင် မင်းကိုနိုင် သွေးတိုးရောဂါ ခံစားနေရ


မြန်မာနိုင်ငံမှာ ထောင်သွင်း အကျဉ်းချခံနေရတဲ့ ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင် ပုံမှန်မဟုတ်တဲ့ သွေးတိုးရောဂါ ခံစားနေရတယ်လို့ အမျိုးသားဒီမိုကရေစီ အဖွဲ့ချုပ် ပြောခွင့်ရပုဂ္ဂိုလ် ဦးခင်မောင်ဆွေက ပြောဆိုပါတယ်။
[ ဆက်လက်ဖတ်ရှု့ပါရန် +/- ]

မြန်မာနိုင်ငံမှာ ၁၉၈၈ ခုနှစ်က ဖြစ်ပေါ်ခဲ့တဲ့ ရှစ်လေးလုံး ဒီမိုကရေစီ ဆန္ဒပြပွဲ အရေးအခင်းကို ဦးဆောင်ခဲ့တဲ့ ၈၈ မျိုးဆက် ကျောင်းသားများရဲ့ ခေါင်းဆောင် ကိုမင်းကိုနိုင်ကို မြန်မာနိုင်ငံမှာ ကုန်ဈေးနှုန်းတွေ အဆမတန် မိုးထိုးအောင် တက်နေလို့ ကန့်ကွက်ဆန္ဒပြမှုကြောင့် တခြား နိုင်ငံရေး လှုပ်ရှားတက်ကြွသူများနဲ့ အတူ ၂၀၀၇ ခုနှစ်မှာ စစ်အစိုးရက ဖမ်းဆီးပြီး ထောင်သွင်းအကျဉ်းချထားတာ ဖြစ်ပါတယ်။

သူ့ကို ရုံးတင်ပြီး ထောင်ဒဏ် ၆၇ နှစ်ချကာ ဝေးလံသီခေါင်တဲ့ အစွန်အဖျားဒေသရှိ အကျဉ်းထောင်ကို ပို့ထားပါတယ်။

မြန်မာနိုင်ငံမှာ စစ်အစိုးရ ထောင်သွင်းအကျဉ်းချထားတာ ခံရတဲ့ နိုင်ငံရေး အကျဉ်းသား ၂,၂၀၀ ထဲမှာ ကိုမင်းကိုနိုင်လည်း ပါဝင်ပြီး သူတို့ကို လွှတ်ပေးဖို့ လူ့အခွင့်အရေး အဖွဲ့အစည်းများက တောင်းဆိုနေကြပါတယ်။

မြန်မာနိုင်ငံမှာ စစ်အစိုးရက သူတို့ကို ဆန့်ကျင်ပြောဆို လှုပ်ရှားလာရင် နည်းနည်းလေးမှ သည်းမခံဘဲ အင်အားသုံးကာ အကြီးအကျယ် နှိပ်ကွပ်လေ့ရှိတယ်လို့ သတင်းများမှာ ထောက်ပြ ဖော်ပြထားပါတယ်။ ( ဗွီအိုအေ )

ဒေါ်အောင်ဆန်းစုကြည် ပြင်ဆင်မှု လျှောက်လဲချက် ရှေ့နေနှင့် ညှိနှိုင်း

နေအိမ်မှာ ဖမ်းဆီးခံထားရတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ အမှုနဲ့ ပတ်သက်ပြီး တရားရုံးချုပ်မှာ ပြင်ဆင်မှု တင်ထားတဲ့ကိစ္စကို ဒီကနေ့ ညနေပိုင်းမှာ ဒေါ်အောင်ဆန်းစုကြည်အတွက် အမှုကို လိုက်ပါ အကျိုးဆောင်ပေးနေတဲ့ ရှေ့နေတွေ တွေ့ဆုံ ဆွေးနွေးခဲ့ကြပါတယ်။ ဒေါ်အောင်ဆန်းစုကြည်နဲ့ တွေ့ဆုံပြီး ပြန်ထွက်လာတဲ့ ရှေ့နေကြီး ဦးဉာဏ်ဝင်းကို မသင်းသီရိက ဆက်သွယ်မေးမြန်းပြီး တင်ပြပေးထားပါတယ်။

အဓိကကတော့ ဒေါ်အောင်ဆန်းစုကြည်ရဲ့ အမှုနဲ့အတူ နေအိမ်မှာ အတူရှိနေတဲ့ ဒေါ်ခင်ခင်ဝင်းနဲ့ ဒေါ်ဝင်းမမတို့ အမှုတွေအတွက်ပါ တရားရုံးချုပ်မှာ တင်ထားတဲ့ ပြင်ဆင်မှုရဲ့ လျှောက်လဲချက်တွေအတွက် ဒီနေ့ညနေ ဒေါ်အောင်ဆန်းစုကြည် နေအိမ်မှာ ရှေ့နေတွေနဲ့ ဆွေးနွေးခဲ့တဲ့ အကြောင်းကို NLD ပြောခွင့်ရသူလည်းဖြစ်၊ အမှုအတွက် အကျိုးဆောင်ပေးနေတဲ့ ရှေ့နေလည်းဖြစ်တဲ့ ဦးဉာဏ်ဝင်းက ပြောပါတယ်။
[ ဆက်လက်ဖတ်ရှု့ပါရန် +/- ]

“အဓိကတော့ ကျနော်တို့ တရားရုံးချုပ် တင်ထားတဲ့ ပြင်ဆင်မှုကိစ္စ၊ ပြင်ဆင်မှုမှာ လျှောက်လဲချက်ပေးဖို့ ကျနော်တို့ရေးတားတဲ့ စာကြမ်းတွေနဲ့ ညှိကြပါတယ်။ နှစ်ခုပေါ့၊ တခုက ဒေါ်ခင်ခင်ဝင်းတို့ နှစ်ယောက်၊ ဒေါ်အောင်ဆန်းစုကြည်က တမှုပါ။ ဒေါ်ခင်ခင်ဝင်းတို့က တမှုပါ။ နှစ်မှုစလုံးအတွက် ကျနော်တို့ ဆွေးနွေးကြတယ်။အဲဒါနဲ့ ပတ်သက်ပြီး ကျနော်တို့ အပြည့်အစုံ ဆွေးနွေးပြီးတော့ လျှောက်လဲချက်တွေ ပြန်ပြီး ပြင်ဆင် ဖြည့်စွက်ရမှာပေါ့။”

ဒီကနေ့ ဆွေးနွေးခဲ့တဲ့ အကြောင်းအရာတွေထဲက အမှုရဲ့ ဘယ်လို အချက်အလက်တွေပေါ်မှာ အဓိက ဆွေးနွေးခဲ့ကြပါသလဲလို့ ဦးဉာဏ်ဝင်းကို မေးကြည့်တော့ သူက…

“ဒါ ဥပဒေအရ ဒီအမှုဟာ ရပ်တည်မှု မရှိတော့ဘူး ဆိုတာကို ချဉ်းကပ်ပုံ ချဉ်းကပ်နည်းတွေပေါ့၊ ဘယ်အချက်ကို ပြောမယ်၊ ဘယ်အချက်ကို မပြောတော့ဘူးဆိုတာ ဆွေးနွေးကြတာပါ။ ချက်ချင်း ကျနော်တို့ ပြောလို့မရဘူး။ ကျနော်တို့ဘက်က Prepare ဖြစ်မှ တွေ့ရမှာ။ အခု ဒီနေ့ ဆွေးနွေးတဲ့အပေါ်မှာ မူတည်ပြီးတော့ ပြန်ပြီးတော့ ပြင်ဆင် ဖြည့်စွက်ရမှာတွေ ရှိတယ်လေ။ ဒါတွေပြီးမှ ကျနော်တို့က ပြန်တင်ပြရမှာ။ တဘက်ကလည်း တရားရုံးချုပ်မှာ အမှုစာရင်းက မပေါ်သေးဘူး။ မနက်ဖြန် ပေါ်ကောင်း ပေါ်နိုင်တယ်ပေါ့။”

အခုလို အမှုရဲ့ လျှောက်လဲ ပြင်ဆင် ဆွေးနွေးမှုတွေအပြင် တခြား အကြောင်းအရာတွေလည်း ဒေါ်အောင်ဆန်းစုကြည်နဲ့ ပြောဆိုဆွေးနွေး ဖြစ်ခဲ့တယ်လို့ ဆိုပါတယ်။

“ကျနော်တို့က ဆွေးနွေးခဲ့တာ ဒီအမှုအပြင် ဒီ့ပြင် အများကြီး ဆွေးနွေးပါတယ်။ ကျနော်တို့ ပါတီတွင်း ကိစ္စတွေတော့ ဆွေးနွေးတာ ရှိပါတယ်။ ဒါလည်း သတင်းထုတ်ပြန်စရာ အချက်အလက် မပါပါဘူး။”

ရန်ကုန်တိုင်း တရားရုံးမှာ ပုံမှန်ဆိုရင် သောကြာနေ့တိုင်း အမှုတွေကို စစ်ဆေးမယ့်စာရင်းကို ထုတ်ပြန်တာမို့ မနက်ဖြန်မှာ ဒီအမှုစာရင်း ပါမပါ စောင့်ကြည့်နေဆဲ ဖြစ်တယ်လို့လည်း ဦးဉာဏ်ဝင်းက ပြောပါတယ်။

“ကျနော်တို့က သောကြာနေ့တိုင်း အမှုစာရင်းကို ကြည့်မယ်။ ကိုယ့်အမှုပါတယ်၊ ဘယ်နေ့ ဘယ်ရက်ဆိုရင် အဲဒီအမီ ကိုယ့်ဘက်က Prepare လုပ်ရတာပေါ့။ အခုကတော့ မပေါ်သေးတော့ ပုံမှန်ပဲလုပ်နေတာ။ ပေါ်တယ်ဆိုရင်တော့လည်း အားချင်းလုပ်ရမှာပေါ့။ အဲဒါ မနက်ဖြန် ကြည့်ရမယ်။ မနက်ဖြန် မပါရင် နောက်တပတ် သောကြာ ကြည့်ရမယ်။ တင်ဖို့ကတော့ ဒေါ်စု ဆွေးနွေးခဲ့တဲ့ အချက်တွေအပေါ်မှာ ပြင်ဆင်ရေးသားပြီး တင်ရမှာ။”

ဒေါ်အောင်ဆန်းစုကြည်ရဲ့ အမှုကို အကျိုးဆောင်ပေးနေတဲ့ ရှေ့နေကြီး ဦးဉာဏ်ဝင်း ပြောပြခဲ့တာ ဖြစ်ပါတယ်။

ရှေ့နေတွေဖြစ်ကြတဲ့ ဦးဉာဏ်ဝင်း၊ ဦးကြည်ဝင်း အပါအ၀င် ကျန်ရှေ့နေ ၂ ဦးစလုံးပါ ဒီနေ့ညနေ ဒေါ်အောင်ဆန်းစုကြည်ကို တွေ့ဆုံခွင့်ရပြီး ဒေါ်အောင်ဆန်းစုကြည်ဟာ ကျန်းမာရေး ကောင်းကောင်းမွန်မွန် ရှိနေတယ်လို့လည်း ပြောပါတယ်။

နောက်တခါ ဒီလပိုင်းအတွင်း ဒေါ်အောင်ဆန်းစုကြည်က ဗိုလ်ချုပ်မှူးကြီးသန်းရွှေဆီကို ပေးပို့ခဲ့တဲ့ စာနဲ့ပတ်သက်ပြီး အာဏာပိုင်တွေဘက်က တစုံတရာ ခုချိန်ထိ အကြောင်းပြန်တာ မရှိသေးသလို ဒေါ်အောင်ဆန်းစုကြည်က ဒီကိစ္စကို ဘာမှ ထပ်ပြောလိုက်တာ မရှိဘူးလို့လည်း ဦးဉာဏ်ဝင်းက ပြောပါတယ်။ ( ဗွီအိုအေ )

Wednesday, November 25, 2009

အကူအညီတွေ ထိရောက်ပါရဲ့လား… ( ဖြူဖြူသင်း)


ဒီနှစ်ထဲမှာ ဆူဒန်နိုင်ငံသမ္မတ မစ္စတာ အိုမာက ခုခံအားကျရောဂါ တိုက်ဖျက်ရေး ကူညီနေတဲ့ NGO များ အပါ အ၀င် NGO ၁၃ ခုကို နိုင်ငံကနေ နှင်ထုတ်လိုက်တဲ့ သတင်းကြောင့် ကျမ အများကြီး အံ့သြ တုန်လှုပ်သွားပါ တယ်။

NGO တွေ ဆူဒန်နိုင်ငံရေးမှာ ၀င်ရှုပ်တယ် ဆိုတဲ့ သူ့စွပ်စွဲချက်တွေ ဘယ်လောက် ခိုင်လုံတယ် ဆိုတာတော့ ကျမ မသိနိုင်ပါဘူး။ ဆေးသောက်လက်စ လူနာတွေ ဘယ်လောက်များ ဒုက္ခ ရောက်သွားသလဲ ဆိုတာကို စဉ်းစား နေမိတာပါ။
[ ဆက်လက်ဖတ်ရှု့ပါရန် +/- ]

NGO တွေက ကျမတို့ နိုင်ငံမှာလည်း ရှိပါတယ်။ စစ်အစိုးရကလည်း NGO တွေကို အကန့်အသတ်နဲ့ လုပ်ကိုင်ခွင့် ပြုထားပါတယ်။ ၂၀၀၈ မေလ နာဂစ်မုန်တိုင်း တိုက်ခတ်ပြီးချိန်မှာတော့ ပြည်တွင်း NGO၊ တနည်း ပြောရရင် ခါတော်မီ NGO တွေ မှိုလို ပေါက်လာပါတယ်။ မှိုလိုပေါက်တယ် ဆိုတဲ့ အသုံးနှုန်းကို တချို့ကတော့ ကြိုက်မယ် မထင်ဘူး။ ဒီတိုင်းပြည် လူဦးရေ ၅၆ သန်းကျော်အတွက် ဒီ NGO လေးတွေပဲ ရှိတာ မှိုလိုပေါက်တယ်လို့ ပြောရမလား ဆိုပြီး အပြစ် မြင်နိုင်ပါတယ်။

မှိုလိုပေါက်နေတယ် ဆိုတဲ့ စကား မမှားဘူးလို့ဘဲ ပြောရပါမယ်။ သူတို့တွေဟာ တကယ့် လိုအပ်ချက်ကို မဖြည့်နိုင်လို့ ဒီစကား ပြောရတာပါ။ သူတို့ဟာ ဝေးလံ သီခေါင်တဲ့ နေရာတွေကို မသွားနိုင်ပါဘူး။ သွားလို့ မရတာလည်း အကြောင်းအချက် တခု ဖြစ်မယ်လို့ ကျမ စဉ်းစားမိပါတယ်။ ရန်ကုန်မြို့မှာတော့ NGO တွေ များတယ် ဆိုရမှာပါ။

စဉ်းစားမိတဲ့ နောက်တချက်က အလှူရှင်နဲ့ လုပ်ကိုင် ဆောင်ရွက်သူတွေကြား နားလည်မှုပါပဲ။

အလှူငွေတွေဟာ 3D Fund လို့ ခေါ်တဲ့ တီဘီ၊ ငှက်ဖျား၊ ခုခံအားကျ ရောဂါ တိုက်ဖျက်ရေး အတွက် ကူညီတဲ့ နိုင်ငံတကာ အဖွဲ့ဆီက လာပါတယ်။

3D Fund အဖွဲ့ကြီးဟာ ရောဂါ သုံးမျိုးအတွက် မြန်မာနိုင်ငံကို ၅ နှစ်ထောက်ပံ့မယ့် အဖွဲ့ဖြစ်ပါတယ်။ အဲဒီလို ထောက်ပံ့ဖို့အတွက် စုစုပေါင်း အမေရိကန်ဒေါ်လာ သန်း ၁၀၀ သုံးစွဲဖို့ရာထားပါတယ်။ ဒီနှစ်အတွက် ဒေါ်လာ ၆ သိန်း ၃သောင်း သုံးစွဲမယ်လို့လည်း အဖွဲ့အစီရင်ခံစာမှာ ဖော်ပြထားပါတယ်။

အဲဒီ 3D Fund က မြန်မာနိုင်ငံကို မူဝါဒ အမှားကြီးနဲ့ ၀င်လာတာကြောင့် ဒေသခံ NGO တွေ ပွားများ လာစေတာပါ။ သူတို့ မူဝါဒ အမှားကြီးက ကျမတို့ နိုင်ငံက ဒေသခံ NGO တွေကို ပျက်စီးစေတဲ့ လမ်းကြောင်း ဘက်ဆီ တွန်းပို့သလို ဖြစ်နေတာပါ။ 3D Fund ကို ကျမ မြင်တာကတော့ ဒီအတိုင်းပါပဲ။

သူတို့ရဲ့ ယေဘုယျမူကတော့ သူတို့ ကိုယ်တိုင်ကိုယ်ကျ အကူအညီ မပေးနိုင်ဘူး။ ဒါပေမယ့် ကြားခံ တခု ထားပြီးတော့ ပေးမယ်။ ပေးမယ့် နေရာမှာလည်း အားလုံးကို ပေးမယ်၊ ကျမတို့လိုမျိုး နိုင်ငံရေးအဖွဲ့အစည်းက လွဲလို့ပေါ့။ ဒါ ကျမတို့ကို မပေးလို့ ဝေဖန်နေတာလည်း မဟုတ်ဘူး။ ကျမတို့ အနေထားက သူတို့ ပေးမယ် ဆိုရင်တောင် လက်မခံနိုင်တဲ့ အခြေအနေပါ။

အာဏာပိုင်တွေနဲ့ NGO တွေရဲ့ သဘောတူညီချက်တွေ အရ နိုင်ငံရေးနဲ့ ပတ်သက်တဲ့ အဖွဲ့တွေ၊ အစိုးရနဲ့ ပတ်သက်တဲ့ အဖွဲ့တွေကို သူတို့ ကူညီလို့ မရဘူး။ ဒါပေမယ့် အငြင်းပွားစရာ ဖြစ်နေတဲ့ ကြံ့ခိုင်ဖွံ့ဖြိုးရေးအသင်း၊ မိခင်နဲ့ကလေး စောင့်ရှောက်ရေး အသင်းလိုမျိုးတွေကို ကူညီနေတာ တွေ့ရတယ်။

ဒီလို အကူအညီတွေနဲ့ ပတ်သက်ပြီး စောင့်ကြည့်မယ့်သူ ဘယ်သူဖြစ်မလဲ၊ စောင့်ကြည့်တာကိုရော ခံနိုင်သလား ဆိုတာ လေ့လာပြီးတော့မှ အကူအညီပေးသင့်တယ် ဆိုတဲ့ ဒေါ်အောင်ဆန်းစုကြည် တခါတုန်းက ပြောခဲ့တဲ့ စကားဟာ အလွန်ကိုပဲ တန်ဖိုးရှိပါတယ်။

3D Fund က NGO တွေကို ထောက်ပံ့တယ်။ ငွေသာ ၀င်သွားတယ် NGO တွေက ဘာတွေလုပ်နေတယ်ဆိုတာ ပြည်သူလူထု မသိလိုက်ကြဘူး။ ထိရောက်မှု ဘယ်လောက် ရှိတယ်ဆိုတာ မေးခွန်းထုတ်စရာ ဖြစ်နေပါတယ်။

3D Fund က တကယ် ထိထိရောက်ရောက် လုပ်နေသူတွေနဲ့ လက်တွဲမှ အောင်မြင်မှာ ဖြစ်ပါတယ်။ တကယ်လုပ်နေတဲ့ အဖွဲ့တွေက အကူအညီ မရတာတွေ ရှိပါတယ်။

တဘက်မှာလည်း အာဏာပိုင်တွေက ထိန်းချုပ်မှု သိပ်များရင် ဒီငွေတွေက ထိရောက်မှာ မဟုတ်ဘူး။ HIV နဲ့ ပတ်သက်ပြီး တနိုင်ငံလုံး အတိုင်းအတာနဲ့ ထိထိရောက်ရောက် လုပ်မှ အောင်မြင်မှာပါ။ အာဏာပိုင်တွေက NGO တွေကို လွတ်လွတ်လပ်လပ် လုပ်ပိုင်ခွင့်ပေးဖို့လည်း လိုအပ်ပါတယ်။

3D Fund လိုပဲ အဲဒီ ရောဂါသုံးမျိုးအတွက် လှူဒါန်းနေတဲ့ နောက်ထပ် နိုင်ငံတကာ ရန်ပုံငွေ အဖွဲ့အစည်းကြီး တခုဖြစ်တဲ့ Global Fund ဆိုတဲ့အဖွဲ့ကြီးဆိုရင် စစ်အစိုးရက လွတ်လွတ်လပ်လပ် သွားလာလှုပ်ရှားခွင့်ကို ချုပ်ချယ် ကန့်သတ်ထားလို့ ဆိုတဲ့ အကြောင်းပြချက်နဲ့ ၂၀၀၅ ခုနှစ်က မြန်မာနိုင်ငံကနေ ထွက်ခွာသွားခဲ့ပါတယ်။

မနေ့တနေ့ကတော့ အဲဒီ Global Fund အဖွဲ့ကြီးဟာ မြန်မာနိုင်ငံကို လာမယ့် တနှစ်အတွင်း အမေရိကန် ဒေါ်လာ သန်း ၁၁၀ ကူညီသွားမယ်ဆိုတဲ့သတင်း ထုတ်ပြန်ခဲ့ပါတယ်။ အခုလို လိုအပ်နေတဲ့ အကူအညီကို ပြန်ပေးတဲ့ အတွက် ကြိုဆိုရမှာပါ။ ဒါပေမယ့် ဒီအလှူတွေက တကယ် လိုအပ်နေတဲ့ သူတွေရဲ့ လက်ထဲကို ရောက်နိုင်တဲ့ အစီအစဉ်တွေလည်း သေသေချာချာ ရှိသင့်ပါတယ်။

လက်တွေ့ လိုအပ်ချက်ကို မပေးနိုင်ဘဲနဲ့ သူ မလိုအပ်တာ ပေးမိပြန်ရင်လည်း ပေးကားပေး၏ မရ ဆိုတာလိုမျိုး ဖြစ်မှာပါပဲ။

ဥပမာနဲ့ မြင်သာအောင် ပြောရရင် ကျမ လူနာတချို့ကို NGO တခုက လာခေါ်ပါတယ်။ စက်ချုပ် သင်တန်း ပေးမယ်လို့ ပြောပါတယ်။ အသက်မွေးမှု ပညာ တတ်မြောက်ထားရင် မဆိုးဘူး ဆိုပြီး သင်တန်း လွှတ်လိုက် ပါတယ်။ သင်တန်းလည်း ပြီးလာရော သူတို့ ပညာအနည်းငယ်တော့ တတ်လာပါပေရဲ့။ ဒါပေမယ့် လက်တွေ့ လုပ်ကိုင် ဆောင်ရွက်ဖို့ စက်က ဘယ်မှာလဲ လို့ သင်တန်းပေးသူတွေကို မေးကြည့်တော့ “အဲဒါတော့ မတတ်နိုင် ဘူး၊ ဒီ စက်ချုပ် သင်တန်း ပေးတဲ့ စက်တွေတောင် ငှားထားရတာ” ဆိုတော့ ကျမလည်း သက်ပြင်းချရုံ မှတပါး မတတ်နိုင်တော့ဘူးပေါ့။


ဒီသင်တန်းကို လူ ၃၅ ယောက် အတွက် ပေးတာပါ။ ကျမ စဉ်းစားမိတာက သင်တန်းကို ၅ ယောက်လောက် အတွက်ပဲ ပေး၊ ပြီးတာနဲ့ စက် ၅ လုံး ၀ယ်ပြီး ဆင်ပေးလိုက်ရင် မဖြစ်ဘူးလား ဆိုတာမျိုးပါ။ တကယ်ဆို လူ ဒီလောက်များများ ဘာလို့ သင်တန်းပေးသလဲ မေးရင် အလှူရှင် ဘက်ကနေ ကြည့်ကောင်းအောင် ပေးတယ် ဆိုတဲ့ အဖြေပဲ ထွက်ပါတယ်။ လူနည်းနေရင် ထောက်ပြ ပြောဆိုခံရမှာ စိုးရိမ်ပုံ ရပါတယ်။ ဒီတော့ သင်တန်းတခု ပေးလိုက်၊ ဒေသခံ NGO လေးတွေက ငွေသုံးလိုက်၊ လူနာတွေ တကယ် ထိရောက်မှု ရှိမရှိ ဆိုတာလိုမျိုး ဘယ်သူမှ မသိနိုင်တော့တဲ့ အနေအထားတွေ မြင်နေရပါတယ်။

တလောက HIV/AIDS ဆိုင်ရာ အကူညီပေးရေး ဆွေးနွေးပွဲကြီး တခုအတွက် ကျပ် သိန်း ၂၄၀ လောက် သုံးလိုက်တယ်တဲ့။ လုပ်ငန်း မစနိုင်သေးခင် ကုန်သွားတဲ့ ပိုက်ဆံပါ။ အရမ်းပဲ နှမြောမိပါတယ်။

ဆွေးနွေးပွဲကို ဟိုတယ်ကြီးမှာ လုပ်မယ့်အစား ဈေးသက်သာတဲ့ ခန်းမ တခုမှာ လုပ်လိုက်ပေါ့။ ဈေးကြီးတဲ့ အစားအစာတွေနဲ့ ဧည့်ခံမယ့်အစား ငွေကုန်ကြေးကျ သက်သာမယ့် လက်ဖက်ရည် တခွက်စီလောက် တိုက် လိုက်ပေါ့။ ဒါဆို ကုန်ကျစရိတ်က နည်းသွားပြီး လုပ်ငန်းစချိန်မှာ ဒါတွေထည့်သုံးရင် လူနာတွေအတွက် ပိုမို အကျိုးရှိမယ်လို့ တွေးမိနေတာမျိုးပါ။ နိုင်ငံတကာစံ ဆိုတာလည်း ဒီလောက်ကြီး အကုန်ကျခံပြီး လုပ်ပြမှ မဟုတ်လောက်ပါဘူး။

ဒါက ထင်သာမြင်သာရှိတဲ့ ကိစ္စရပ်ပါ။ မမြင်သာတာတွေလည်း ရှိပါတယ်။ လူနာတွေကတော့ ဘာမှ မသိသလို အလှူရှင်တွေလည်း ဘာမှ သိမယ် မထင်ပါဘူး။

ဒီလုပ်ငန်း လုပ်ကိုင်နေတိုင်း ချီးမွမ်း ထောမနာပြု၊ သူရဲကောင်း တယောက်လို ဆက်ဆံနေတာဟာ မြန်မာပြည် မှာတော့ အတော့်ကို လွဲမှားနေတယ်လို့ ပြောချင်ပါတယ်။ အလှူရှင်တွေလည်း သတိရှိရှိ ကူညီ ဆောင်ရွက်ပါလို့ ကျမ အလေးအနက်ထား သတိပေး ပြောဆိုလိုက်ရပါတယ်။ http://phyuphyuthin.blogspot.com/
( ဧရာဝတီ )

နာဂစ် အကူအညီပေးသူတွေ ပြန်လွှတ်ဖို့ လူ့အခွင့်အရေးအဖွဲ့ တောင်းဆို

နာဂစ်မုန်တိုင်းဒဏ် ခံရသူတွေကို အကူအညီပေးဖို့ ကြိုးစားသူတွေအပေါ် စစ်အစိုးရက ဖမ်းဆီး အရေးယူ နေတဲ့အတွက် ဒီလို ဖိနှိပ်မှုတွေ ရပ်တန့်အောင် နိုင်ငံတကာ အလှူရှင်တွေ အနေနဲ့ ၀ိုင်းဝန်းတိုက်တွန်းဖို့ နိုင်ငံတကာ လွတ်ငြိမ်းချမ်းသာခွင့် အဖွဲ့ကြီးက တိုက်တွန်းလိုက်ပါတယ်။ မုန်တိုင်းဒဏ် ခံခဲ့ရတာ ၁၈ လလောက် ရှိခဲ့ပေမဲ့ ပြန်လည်ထူထောင်ရေးအတွက် အကူအညီတွေ လိုအပ်နေဆဲဖြစ်ပြီး လိုအပ်တဲ့ အကူအညီတွေ လုံလုံလောက်လောက် ပေးဖို့လည်း နိုင်ငံတကာကို မေတ္တာရပ်ခံ တောင်းဆိုပါတယ်။ အပြည့်အစုံကို ဘန်ကောက်ရောက် ဗွီအိုအေ၀ိုင်းတော်သား ကိုသိန်းထိုက်ဦးက တင်ပြပေးထားပါတယ်။

မနက်ဖြန် ထိုင်းနိုင်ငံ ဘန်ကောက်မြို့မှာ အာဆီယံ လူသားချင်း စာနာထောက်ထားမှု အကူအညီပေးရေး အဖွဲ့က ကြီးမှူးပြီးတော့ မြန်မာနိုင်ငံ နာဂစ်မုန်တိုင်းလွန်ကာလ ပြန်လည်သုံးသပ်ဖို့နဲ့ နိုင်ငံတကာကနေ အလှူငွေတွေ ဆက်လက်တောင်းခံဖို့ အစည်းအဝေးတခု ကျင်းပဖို့ ရှိပါတယ်။ ဒီအစည်းအဝေး မတိုင်ခင် နိုင်ငံတကာ အလှူရှင်တွေကို Amnesty International အပြည်ပြည်ဆိုင်ရာ လွတ်ငြိမ်းချမ်းသာခွင့် အဖွဲ့ကြီးက ပန်ကြားချက် ထုတ်ပြန်လိုက်တာပါ။
[ ဆက်လက်ဖတ်ရှု့ပါရန် +/- ]

အပြည်ပြည်ဆိုင်ရာ လွတ်ငြိမ်းချမ်းသာခွင့် အဖွဲ့ကြီးရဲ့ မြန်မာ့ရေးရာ သုတေသနမှူး တယောက်ဖြစ်တဲ့ ဘန်ဂျမင် ဇာဝက်ကီး (Benjamin Zawacki) က အခုလို ပြောပါတယ်။

“ကျနော်တို့ စိုးရိမ်မိတဲ့အချက် နှစ်ချက်ရှိပါတယ်။ တချက်ကတော့ မြန်မာနိုင်ငံ အတွင်းမှာ နာဂစ်မုန်တိုင်းဒဏ် ခံရတဲ့သူတွေကို အကူအညီပေးဖို့ ကြိုးစားတဲ့ သူတွေအပေါ် အာဏာပိုင်တွေက ပစ်မှတ်ထားပြီး ဖမ်းဆီးအရေးယူမှုတွေ လုပ်နေတဲ့ ကိစ္စပါ။ ဒုတိယ တချက်ကတော့ နာဂစ် ပြန်လည်ထူထောင်ရေးဟာ တကယ်တမ်း ငွေကြေး လုံလုံလောက်လောက် အကူအညီတွေ နိုင်ငံတကာကနေ မရတဲ့ကိစ္စပါ။ ဒီနှစ်ချက်ကို အလေးအနက်ထားဖို့ နိုင်ငံတကာ အလှူရှင်တွေကို အသိပေးတာပါ။” ဆိုပြီး ဘန်ဂျမင် ဇာဝက်ကီးက ပြောသွားပါတယ်။

ပြီးခဲ့တဲ့ အောက်တိုဘာလ နောက်ပိုင်းမှာ နာဂစ်မုန်တိုင်းဒဏ် ခံရတဲ့သူတွေကို အကူအညီပေးဖို့ ပြည်ပက အကူအညီ လက်ခံခဲ့တဲ့သူ အနည်းဆုံး ၁၀ ယောက် အဖမ်းခံခဲ့ရတယ်လို့ Amnesty International အဖွဲ့က ပြောပါတယ်။ ဒီလို ဖမ်းဆီးခံရတဲ့ သူတွေကို ဘယ်မှာထားတယ်၊ ဘယ်လို အရေးယူ တရားစွဲဆိုထားတယ် ဆိုတာ တိတိကျကျ မသိရပေမဲ့ ခိုင်လုံတဲ့ သတင်းရပ်ကွက်က တဆင့် ရရှိခဲ့တဲ့ သတင်းတွေ ဖြစ်တယ်လို့ ဘန်ဂျမင် ဇာဝက်ကီးက ပြောဆိုသွားပါတယ်။

အောက်တိုဘာလကုန် ဖမ်းဆီးခံခဲ့ရသူ ၇ ယောက်ဟာ ပြည်တွင်းမှာ နာဂစ်မုန်တိုင်း ကယ်ဆယ်ရေး လူမှုထောက်ပံ့ရေး လုပ်ငန်းတွေ လုပ်ဖို့ ဖွဲ့စည်းထားတဲ့ လင်းလက်ကြယ်အဖွဲ့က ဖြစ်တယ်လို့လည်း လွတ်ငြိမ်းချမ်းသာခွင့် အဖွဲ့က ကြေညာချက်မှာ ဖော်ပြထားပါတယ်။

နာဂစ် ပြန်လည်ထူထောင်ရေးမှာ ၃ နှစ်အတွက် အလှူငွေ ဒေါ်လာသန်းပေါင်း ၆၉၁ သန်း လိုအပ်တယ်လို့ TCG ခေါ် ကုလသမဂ္ဂ၊ အာဆီယံနဲ့ မြန်မာစစ်အစိုးရ ပေါင်းစည်းထားတဲ့ နာဂစ် ကယ်ဆယ်ရေးနဲ့ ထူထောင်ရေး သုံးပွင့်ဆိုင်အဖွဲ့က ပြောပါတယ်။ ဒါပေမဲ့လည်း နိုင်ငံတကာ အသိုင်းအ၀ိုင်းက ဒေါ်လာ ၁၂၅ သန်းသာ ပေးဖို့ ကတိက၀တ် ပေးထားတဲ့အတွက် လိုအပ်တဲ့ အကူအညီရဲ့ လေးပုံတပုံတောင် ပြည့်မီအောင် ရတာ မတွေ့ရပါဘူး။

အလှူရှင်နိုင်ငံတွေက ဘာကြောင့် အကူအညီတွေ အပြည့်အ၀ မပေးတာလို့ မြင်ပါသလဲဆိုပြီး မေးကြည့်တော့ ဘန်ဂျမင် ဇာဝက်ကီးက …

“နိုင်ငံတကာ အသိုင်းအ၀ိုင်း အကြားမှာ နာဂစ်မုန်တိုင်း ကယ်ဆယ်ရေး အကူအညီ ငွေတွေကို အမှန်တကယ် လိုအပ်တဲ့ နေရာတွေကို အပြည့်အ၀ ရောက်အောင် မပို့နိုင်ခဲ့ဘူးလို့ မြင်နေတာတွေ ရှိပါတယ်။ ၂၀၀၈ ခုနှစ်အတွင်း ကယ်ဆယ်ရေး အကူအညီတွေကို စစ်တပ်က ကြားဝင်ပြီး ဟန့်တားတာ၊ ရယူတာတွေ ရှိခဲ့တယ်လို့ မြင်နေတာတွေ ရှိနေတယ်လို့ ကျနော် ထင်ပါတယ်။

“ဒီအခြေအနေမျိုးတွေ မရှိနိုင်တော့ဘူးလို့ ကျနော်တို့က ပြောတာ မဟုတ်ပါဘူး၊ အတိုင်းအတာ တခုအထိ ဆက်ရှိနိုင်ပါတယ်။ ဒါပေမဲ့ အကူအညီတွေ အမှန်တကယ် လိုနေတယ်။ ထင်သာမြင်သာရှိပြီး တာဝန်ယူမှုရှိတဲ့ ခွဲခြားဆက်ဆံမှု မရှိတဲ့ အကူအညီ ပေးမှုမျိုးတွေနဲ့ ဆက်ထောက်ပံ့ဖို့ လိုပါတယ်။ ဒါကို ကျနော်တို့က ပြောတာပါ။” ဆိုပြီး Amnesty International အဖွဲ့ကြီးရဲ့ မြန်မာ့ရေးရာ သုတေသနမှူး တယောက်ဖြစ်တဲ့ ဘန်ဂျမင် ဇာဝက်ကီးက ပြောသွားပါတယ်။

နာဂစ် ပြန်လည်ထူထောင်ရေး နိုင်ငံတကာ အကူအညီတွေ လိုအပ်နေတဲ့အကြောင်း အာဆီယံနဲ့ ကုလသမဂ္ဂက မကြာခဏ ပြောဆိုခဲ့ဖူးပါတယ်။

ပြီးခဲ့တဲ့ အောက်တိုဘာလ အတွင်းမှာပဲ အမေရိကန် အစိုးရက နာဂစ် ပြန်လည်ထူထောင်ရေးအတွက် အစိုးရလက်အောက်ခံ မဟုတ်တဲ့ အဖွဲ့တွေကဆင့် အမေရိကန်ဒေါ်လာ ၁၀ သန်း ပေးဖို့ သဘောတူခဲ့ပါတယ်။ ဥရောပအဖွဲ့ဝင် နိုင်ငံတွေကတော့ ဘ၀ရပ်တည်ရေးနဲ့ စားနပ်ရိက္ခာ အထောက်အပံ့ ရန်ပုံငွေအတွက် ဒေါ်လာ ၅၁ သန်း ပေးဖို့ သဘောတူထားပါတယ်။ သြစတြေးလျ နိုင်ငံကလည်း ဒေါ်လာ ၁၅ သန်း အကူအညီပေးဖို့ ဒီသီတင်းပတ်ထဲမှာပဲ ကြေညာခဲ့ပါတယ်။ ( ဗွီအိုအေ )

Saturday, November 21, 2009

မြန်မာ လူ့အခွင့်အရေးချိုးဖောက်မှု ကုလ ရှုတ်ချ


မြန်မာနိုင်ငံရဲ့ လူ့အခွင့်အရေး ချိုးဖောက်မှုတွေနဲ့ပတ်သက်လို့ ဆုံးဖြတ်ချက်တရပ်ကို ကုသလမဂ္ဂ အထွေထွေညီလာခံက ချမှတ် လိုက်ပါတယ်။ ၁၈၃ နိုင်ငံ တက်ရောက်ကြတဲ့အနက် ထောက်ခံမဲ ၉၂ မဲ၊ ကန့်ကွက်မဲ ၂၆ မဲ၊ ကြားနေမဲ ၆၅ မဲ နဲ့ ဆုံးဖြတ်ချက် အတည်ဖြစ်သွားပါတယ်။ အကြောင်းစုံကို ဦးကျော်ဇံသာ က အစီရင်ခံထားပါတယ်။

ကုလသမဂ္ဂ အထွေထွေညီလာခံ ဥက္ကဌ က မြန်မာနိုင်ငံမှာ လူ့အခွင့်အရေး ချိုးဖောက်မှုတွေ ရှိနေတယ် ဆိုတဲ့ အဆိုပြုချက်ကို ဘယ်လောက် ထောက်ခံကြပါသလဲ၊ ဘယ်သူ ကန့်ကွက်သလဲ၊ ဘယ်သူ ကြားနေမလဲ ဆိုတဲ့မဲတွေကို ကောက်ယူပြီးတော့ အခုလို မဲရလဒ်ကို ကြေညာခဲ့တာဖြစ်ပါတယ်။

[ ဆက်လက်ဖတ်ရှု့ပါရန် +/- ]

"ထောက်ခံမဲ ၉၂ မဲ၊ ကန့်ကွက်မဲ ၂၆ မဲ၊ ကြားနေမဲ ၆၅ မဲ ရှိခဲ့ပါတယ်။ အဲဒါကြောင့် မြန်မာနိုင်ငံ လူ့အခွင့်အရေး ချိုးဖောက်မှုကို ကန့်ကွက်ရှုတ်ချတဲ့ အဆိုပြုချက်ဟာ အတည်ဖြစ်ပါတယ်။"

အဲဒါကတော့ မနေ့က ညနေပိုင်းက ပြုလုပ်ခဲ့တဲ့ ကုလသမဂ္ဂ အထွေထွေညီလာခံရဲ့ တတိယ ကော်မတီမှာ ပြုလုပ်ခဲ့တဲ့ စည်းဝေးပွဲရဲ့ ဆုံးဖြတ်ချက် ဖြစ်ပါတယ်။ ဒီပြဌာန်းချက် မူကြမ်းကို ဥရောပနိုင်ငံတွေ ပါဝင်တဲ့ ဥရောပ သမဂ္ဂအဖွဲ့နဲ့၊ အစ္စရေးနိုင်ငံ တို့က ပူးတွဲပြီး အဆိုပြုခဲ့ကြတာ ဖြစ်ပါတယ်။ ဒီအဆိုပြုချက်ကို အဆိုရှင်နိုင်ငံများရဲ့ ကိုယ်စား ဆွီဒင်နိုင်ငံ ကိုယ်စားလှယ် သံအမတ်ကြီးက အခုလို ဖတ်ကြား တင်သွင်းခဲ့တာဖြစ်ပါတယ်။

"လွတ်လပ်၊ တရားမျှတ၊ ပွင့်လင်းမြင်သာပြီး လူတိုင်းပါဝင်နိုင်တဲ့ ရွေးကောက်ပွဲ ဖြစ်လာနိုင်အောင် လိုအပ်တဲ့ လုပ်ရပ်တွေကို ချက်ချင်းစတင်ဆောင်ရွက်ဖို့ မြန်မာစစ်အစိုးရကို အလေးအနက် တိုက်တွန်းပါတယ်။ မြန်မာနိုင်ငံမှာ လူ့အခွင့်အရေး အခြေအနေတွေ ဆိုးရွားနိမ့်ကျဆဲ ဆိုတာကို ထောက်ပြလိုပါတယ်။ ဒေါ်အောင်ဆန်ုးစုကြည် အပါအ၀င် ယုံကြည်ချက်ကြောင့် အကျဉ်းကျနေသူပေါင်း ၂,၀၀၀ ကျော် ရှိနေပြီးတော့ လွတ်လပ်စွာ စုဝေးခွင့်၊ ဖော်ထုတ် ပြောကြားခွင့်တွေကိုလည်း တင်းတင်းကြပ်ကြပ် ပိတ်ပင်ထားခြင်း ခံနေရပါတယ်။ လူ့အခွင့်အရေး ချိုးဖောက်မှုတွေ ကျယ်ကျယ်ပြန့်ပြန့် ဆက်လုပ်နေဆဲလည်း ဖြစ်ပါတယ်။ လူ့အခွင့်အရေး အခြေအနေတွေ သိသိသာသာ တိုးတက်ကောင်းမွန်လာခြင်း မရှိသေးဘဲနဲ့ ဒီမိုကရေစီ ဖော်ဆောင်ရေး ဆိုတာ လုံးဝ မဖြစ်နိုင်ပါဘူး။"

မြန်မာနိုင်ငံ လူ့အခွင့်အရေး ချိုးဖောက်မှုကို ရှုတ်ချတဲ့အဆိုပြုချက်ကို ဥရောပ သမဂ္ဂနဲ့ ပူးတွဲတင်သွင်းတဲ့ အစ္စရေးနိုင်ငံ တို့ရဲ့ ကိုယ်စား ဆွီဒင်နိုင်ငံ သံအမတ်ကြီးက ဖတ်ကြားသွားတာဖြစ်ပါတယ်။ အဲဒီလို ဖတ်ကြားပြီးတဲ့နောက်မှာ ကန့်ကွက်တဲ့ နိုင်ငံတွေ၊ အဓိကအားဖြင့်တော့ မြန်မာနိုင်ငံ စစ်အစိုးရ ကိုယ်စားလှယ်က ကန့်ကွက်ပါတယ်။ မြန်မာစစ်အစိုးရ သံအမတ်ကြီး ဦးသန်းရွှေက ဒီ ပြဌာန်းချက်ဟာ ခေတ်နဲ့မလျော်ညီတော့တဲ့ ပြဌာန်းချက်၊ ဆုံးဖြတ်ချက် ဖြစ်တယ် ဆိုပြီးတော့ အခုလို ကန့်ကွက်ပါတယ်။

"အီးယူတင်ပြတဲ့ ပြဌာန်းချက် မူကြမ်းဟာ အခြေအနေနဲ့ လွဲလျော်ပြီး အမှားအယွင်းတွေ အတော်များနေပါတယ်။ ပထမဆုံး ပြောချင်တာကတော့ ကျနော်တို့ ခေတ်နဲ့ မကိုက်ညီပါဘူး။ ဒီကနေ့ ကမ္ဘာပေါ်မှာ နှစ်ဖက်စလုံး အရှုံးပေါ်စေမယ့် လုပ်ရပ်မျိုးဟာ အလုပ်မဖြစ်တော့ပါဘူး။ မြန်မာနိုင်ငံ ဒါမှမဟုတ် နိုင်ငံတခုခုရဲ့ လူ့အခွင့်အရေး အခြေအနေကို ဥရောပ သမဂ္ဂက တကယ် စိုးရိမ်မကင်း ဖြစ်ခဲ့ရင် အပြုသဘောဆောင်တဲ့ ချဉ်းကပ်မှုမျိုးသာ လုပ်သင့်ပါတယ်။"

ပြုသဘောဆောင်တဲ့ ချဉ်းကပ်ဆောင်ရွက်မှုမျိုး လုပ်သင့်တယ်ဆိုပြီးတော့ အဲဒီအဆိုပြုချက်ကို ကန့်ကွက်ကြတဲ့ နိုင်ငံတွေကတော့ မြန်မာစစ်အစိုးရ မိတ်ဆွေများ ဖြစ်ကြတဲ့ တရုတ်၊ အိန္ဒိယ၊ ရုရှားနဲ့ အာဆီယံ နိုင်ငံတွေလည်း ပါဝင်ကြပါတယ်။ သူတို့က အပြုသဘောဆောင်တဲ့အနေနဲ့ ချဉ်းကပ်ကြဖို့ အဆိုပြုခဲ့ကြတဲ့ တင်ပြခဲ့ကြတဲ့ နိုင်ငံတွေ ဖြစ်ပါတယ်။ ဒီ မြန်မာစစ်အစိုးရရဲ့ လူ့အခွင့်အရေး ချိုးဖောက်မှု အဆိုပြုချက်ကို ထောက်ခံသွားတဲ့ နိုင်ငံထဲမှာ ဂျပန်နိုင်ငံလည်း ပါဝင်ပါတယ်။ ဂျပန်နိုင်ငံရဲ့ ရပ်တည်ချက်ကတော့ -

"ဒီအဆိုပြုချက်ကို ဂျပန်နိုင်ငံက ထောက်ခံပါတယ်။ အထူးသဖြင့် ဒီအဆိုပြုချက်ဟာ နိုင်ငံတကာရဲ့ မြန်မာနိုင်ငံအပေါ် ထားရှိတဲ့ သဘောထားကို လုံးဝ ထင်ဟပ်နေတာဖြစ်ပါတယ်။"

ဒီလို မြန်မာနိုင်ငံစစ်အစိုးရရဲ့ လူ့အခွင့်အရေး ချိုးဖောက်မှုကို ဂျပန်နိုင်ငံက ရှုတ်ချတဲ့နေရာမှာ ပါဝင်ထောက်ခံပေမယ့်လည်း မြန်မာနိုင်ငံကိုတော့ ဆက်လက်ပြီးတော့ အကူအညီတွေပေးမယ်။ လူသားချင်းစာနာမှု အထောက်အပံ့တွေအပြင် မြန်မာနိုင်ငံမှာ အပြောင်းအလဲ ဖြစ်စေဖို့ ပံ့ပိုးမှု အကူအညီတွေကိုလည်း ပေးသွားမယ်ဆိုတဲ့အကြောင်း၊ ဂျပန်နိုင်ငံအနေနဲ့ ဒီလို အကူအညီမျိုး ပေးဖို့အတွက် ဘယ်တော့မှာ တွန့်ဆုတ်မှာမဟုတ်ဘူးလို့လည်း ဂျပန်နိုင်ငံ ကိုယ်စားလှယ်အဖွဲ့ ခေါင်းဆောင်က ပြောကြားသွားပါတယ်။

ဒီလို အဆိုပြုချက်မျိုးကို ကုလသမဂ္ဂ အထွေထွေညီလာခံက အရင်ကလည်း မကြာခဏ ချမှတ်ခဲ့ပြီး ဖြစ်ပါတယ်။ ဒါပေမယ့်လည်း ဒါဟာ non-binding resolution လို့ခေါ်ပါတယ်။ အတင်းအကျပ် လိုက်နာစေရမယ်ဆိုတဲ့ သတ်မှတ်ထားတဲ့ ပြဌာန်းချက်မျိုးတော့ မဟုတ်ပါဘူး။ ဒါကြောင့် ဒီလို ပြဌာန်းချက်ဟာ သိပ်ပြီးတော့ အရေးမပါဘူး၊ နှစ်ပေါင်းများစွာ ပြဌာန်းလာခဲ့၊ ချမှတ်လာခဲ့ပေမယ့် ဘာမှမထူးဘူးလို့ ဝေဖန်သူတွေကလည်း ရှိပါတယ်။ သို့ပေမယ့်လည်း နိုင်ငံရေးအားဖြင့်တော့ အင်မတန် လေးနက်တဲ့သဘောကို ဆောင်တယ်လို့ ဆိုရမှာဖြစ်ပါတယ်။ ( ဗွီအိုအေ )

ကုလ အထွေထွေညီလာခံ မြန်မာ့အရေး ဆုံးဖြတ်ချက်ချ

၆၄ ကြိမ်မြောက် ကုလသမဂ္ဂ အထွေထွေညီလာခံရဲ့ တတိယကော်မတီမှာ မြန်မာနိုင်ငံက လူ့အခွင့်အရေး အခြေအနေတွေ တိုးတက်မှု မရှိတာကြောင့် ဆုံးဖြတ်ချက် မူကြမ်းတရပ်ကို ဥရောပသမဂ္ဂ အဖွဲ့နဲ့ အစ္စရေးနိုင်ငံက ဦးဆောင်ပြီး တင်သွင်းလိုက်ပါတယ်။ ဒါနဲ့ပတ်သက်ပြီး နောက်ဆုံးဖြစ်နေတဲ့ အခြေအနေတွေနဲ့ ပတ်သက်လို့ ကိုအောင်လွင်ဦးက တင်ပြပေးထားပါတယ်။

အထွေထွေညီလာခံရဲ့ တတိယ ကော်မတီမှာ မြန်မာနိုင်ငံရဲ့ လူ့အခွင့်အရေး အခြေအနေတွေနဲ့ ပတ်သက်လို့ အချေအတင် ပြောဆိုခဲ့ကြပြီးတဲ့နောက် အခုနောက်ဆုံး ထောက်ခံမဲ ၉၂ မဲ၊ ကန့်ကွက်မဲ ၂၆ မဲ၊ ကြားနေမဲ ၆၅ နဲ့ ဆုံးဖြတ်ချက် ချမှတ်လိုက်ပါပြီ။

မြန်မာစစ်အစိုးရအပေါ် အစဉ်အလာအတိုင်း ကျောထောက်နောက်ခံ ပေးလေ့ရှိတဲ့ ရုရှားနဲ့ တရုတ်နိုင်ငံတွေ အပါအ၀င် ကန့်ကွက်ခဲ့ကြတဲ့ နိုင်ငံတွေကတော့ ဒီလို တနိုင်ငံချင်း သီးခြား ဆုံးဖြတ်ချက် ချမှတ်တာဟာ မသင့်လျော်ဘူး ဆိုတာကို အဓိက အခြေခံပြီး လက်မခံခဲ့တာကို တွေ့ရပါတယ်။

ကုလသမဂ္ဂ အတွင်းရေးမှူးချုပ်ကို မြန်မာနိုင်ငံကို သွားရောက်ခွင့်ပေးခဲ့တာ၊ ပူးပေါင်းဆောင်ရွက်မှုတွေ လုပ်နေတာတွေကို လျစ်လျူရှုထားတယ် ဆိုပြီးတော့လည်း မြန်မာစစ်အစိုးရ ကိုယ်စားလှယ် အပါအ၀င် ကန့်ကွက်သူတွေက ဆုံးဖြတ်ချက်ချဖို့ကို လက်မခံခဲ့ကြတာလည်း ဖြစ်ပါတယ်။

ဒါပေမဲ့လည်း ဆုံးဖြတ်ချက်ကို ထောက်ခံခဲ့ကြသူတွေကတော့ မြန်မာနိုင်ငံမှာ နိုင်ငံရေးအကျဉ်းသား ၂,၀၀၀ ကျော် ရှိနေတာ၊ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ဆက်လက်ဖမ်းဆီးထားတာ၊ အထူးသဖြင့်ကတော့ ရှေ့လာမယ့်နှစ် ရွေးကောက်ပွဲတွေ ကျင်းပမယ့်အချိန်မှာ လွတ်လပ်ပြီး တရားမျှတတဲ့၊ အားလုံး ပါဝင်နိုင်ခွင့် မရှိသေးတဲ့ အခြေအနေတွေကို ထောက်ပြပြီး ဆုံးဖြတ်ချက်ချဖို့ မဲပေးခဲ့ကြတာလည်း ဖြစ်ပါတယ်။ ( ဗွီအိုအေ )

မြနန်းနွယ်ရုပ်တုများကို မြန်မာစစ်အစိုးရလက်ထိပ်ခတ်

ရန်ကုန်မြို့ ဗိုလ်တထောင် ဘုရားရှိ မြနန်းနွယ်ရုပ်တုကို ညအချိန်တွင် စစ်အာဏာပိုင်များက လာရောက်ပြီး လက်ထိပ် ခတ်လေ့ရှိကြောင်း ကြားသိရသည်။

ဗိုလ်တထောင် ဘုရားရှိ နတ်ရုပ်များထဲမှ အစိမ်းရောင်ဝတ်စုံ ဆင်မြန်းထားသော မြနန်းနွယ်ရုပ်တုကို ည ၁၁ နာရီခန့်တွင် လက်ထိပ် လာခတ်ခြင်း ဖြစ်သည်ဟု အဆိုပါဘုရားအနီး နေထိုင်သူတဦးက ပြောသည်။

“ဘုရားက ည ၁၀ နာရီ ပိတ်တယ်၊ ဘုရားပိတ်ပြီးမှ လာပြီးတော့ လက်ထိပ် လာခတ်တာ၊ မနက် ၆ နာရီ တောင် မထိုးသေးဘူး၊ လာဖြုတ်ပေးတယ်၊ ဘယ်သူမှ မမြင်အောင် လာဖြုတ်တယ်လို့ ထင်တာပဲ၊ အဲဒီလို ညညဆို အစ်မတော် မြနန်းနွယ်နတ်ရုပ်ကို လက်ထိပ် လာခတ်တာ ၄ ရက်ရှိပြီ”ဟု ၎င်းက ဆိုသည်။

ဗိုလ်တထောင်ဘုရားရှိ မြနန်းနွယ်ရုပ်တုအပြင်၊ မင်္ဂလာဒုံ လှော်ကားကန်ထိပ်ရှိ ဘုရားစေတီဝင်းအတွင်းမှ မြနန်းနွယ်ရုပ်တုကိုလည်း ဘုရားရှင်ဘက်သို့လှည့်၍ လက်အုပ်ချီထားသော လက်နှစ်ဘက်ကို ပူးပြီး
လက်ထိပ် လာခတ်ကြောင်း လှော်ကားကန်ဝင်းအတွင်းမှ ၀န်ထမ်းမိသားစုများက ပြောသည်။
[ ဆက်လက်ဖတ်ရှု့ပါရန် +/- ]

“တနေ့က မနက်အစောကြီး ဘုရားဝင်းထဲ ဆွမ်းလာကပ်တော့ မြနန်းနွယ်အရုပ်မှာ အရောင်လဲ့လဲ့နဲ့ ဘာလဲ ဆိုပြီး ကြည့်လိုက်တော့မှ လက်ထိပ်ဆိုတာသိလိုက်တယ်၊ ပထမတော့ ကလေးတွေ နောက်တယ်လို့ ထင် လိုက်သေးတာ၊ လက်ထိပ်ကိုကိုင်ကြည့်တော့ လက်ထိပ်က အကောင်းကြီးဆိုတော့လေ တခုခုပဲလို့ သိလိုက်တာ”ဟု အထက်ပါ ၀န်ထမ်း မိသားစုဝင်တဦးက ဆိုသည်။

အဆိုပါ ဘုရားဝင်းအတွင်းရှိ မြနန်းနွယ်ရုပ်တုကို ညတွင်လက်ထိပ်ခတ်ထားပြီး နေ့ခင်းပိုင်းတွင် လက်ထိပ် လာဖြုတ်ပေးလေ့ရှိသည်ကိုတွေ့မြင်ရကြောင်းလည်း ဘုရားဝင်းအနီးတွင် နေထိုင်သူများက ပြောဆိုသည်။

ယခုကဲ့သို့ မြနန်းနွယ်နတ်ရုပ်တုများကို လက်ထိပ်ခတ်ခြင်းမှာ ဗိုလ်ချုပ်မှူးကြီးသန်းရွှေအား အိပ်မက်ဆိုးပေး သောကြောင့် အပြစ်ပေးသည့်အနေနှင့် ဖြစ်သည်ဟု အစရှိသဖြင့် ရန်ကုန်မြို့ခံများကြားတွင် အမျိုးမျိုးပြောဆို လျက်ရှိကြောင်း သိရသည်။

“ရယ်စရာတော့ကောင်းတယ်၊ ကြားရတာ ဗိုလ်ချုပ်မှူးကြီးသန်းရွှေကို အစ်မတော်မြနန်းနွယ်က အိပ်မက် ဆိုးပေးလို့ ဆိုပြီး မြနန်းနွယ်ရုပ်တုတွေကို လိုက်ပြီးလက်ထိပ်ခတ်တာလို့လည်း ပြောကြတယ်၊ နောက်တမျိုး ကြားရတာကအိမ်မက်ထဲမှာတဲ့ အစိမ်းရောင်ဝတ်ထားတဲ့ ချောမောလှပတဲ့ အမျိုးသမီးတဦးက ဒေါသ တ ကြီးနဲ့ ခပ်စိမ်းစိမ်းကြည့်လို့တဲ့ ပြောတယ်၊ ပါးစပ်ကလည်းပြောတယ်တဲ့ အဲဒါနဲ့ မြနန်းနွယ်ရုပ်တုကို လာပြီး လက်ထိပ်ခတ်လိုက်တာလို့လည်း ပြောကြတယ်”ဟု ရန်ကုန်မြို့ခံတဦးက ပြောသည်။

ရန်ကုန်မြို့မှ ကုန်သည်ကြီးတဦးကလည်း ဗိုလ်ချုပ်မှူးကြီးသန်းရွှေမိသားစုကို အစိမ်းရောင်ဝတ်ထားသော အမျိုးသမီးကဒုက္ခပေးလိမ့်မည်ဟု ဗေဒင်ဟောသောကြောင့် ယတြာချေသည့်အနေဖြင့် အစိမ်းရောင် မြနန်း နွယ်ရုပ်တုများအားလိုက်လံပြီး လက်ထိပ်ခတ်ဖမ်းဆီးနေခြင်းဖြစ်သည်ဟုကြားသိရကြောင်း ပြောဆိုသည်။

“ဗိုလ်ချုပ်မှူးကြီးသန်းရွှေနဲ့ မိသားစုဝင်တွေကို အစိမ်းရောင်ဝတ်ထားတဲ့အမျိုးသမီးတဦးက ဒုက္ခပေးလိမ့် မယ်၊ အဲဒီအမျိုးသမီးကြောင့် အရှက်ကွဲမယ်၊ အာဏာစွန့်ရမယ်လို့ ဗေဒင်ကဟောလို့ အစိမ်းရောင် အမြဲဝတ် တဲ့ မြနန်းနွယ်ကို ဦးအောင်လက်ထိပ်ခတ်ပြီး ဖမ်းလိုက်တာလို့လည်း ပြောကြတယ်၊ အမျိုးမျိုး ပြောနေကြ တာပဲ၊ ဘယ်ဟာ အမှန်လဲတော့မသိဘူး”ဟု ယင်း ကုန်သည်ကြီးက ဆိုသည်။

ထို သိုက်နန်းရှင် မြနန်းနွယ်မှာ သာသနာပြုလုပ်ငန်းများကို လုပ်ကိုင်နေခြင်းဖြစ်ပြီး လူယောင်ဖန်ဆင်း၍ သွားလာတတ်ကာ ဘုရားတည်၊ ကျောင်းဆောက် စသည့် သာသနာပြုလုပ်ငန်းများကို လုပ်ကိုင်သောကြောင့် ကိုးကွယ်သူ များပြားကြောင်း သိရှိရသည်။

“မြနန်းနွယ်က ဒီအစိုးရခေတ်မှာ ထင်ရှားလာတဲ့ သိုက်နန်းရှင်ပဲ၊ ၁၉၈၉ နောက်ပိုင်းလောက်မှာ မြနန်းနွယ် ဆိုပြီး အစိမ်းရောင်ဝတ်ထားတဲ့ အမျိုးသမီးတယောက် မြန်မာပြည်အနှံ့သွားပြီး ဘုရားတည်နေတယ် ဆိုတဲ့ သတင်းတွေ ပြန့်လာတယ်၊ သိပ်မကြာခင် သူတည်တဲ့ ဘုရားတွေမှာသူ့ ရုပ်တုတွေ ပေါ်လာတာပဲ၊ အစိုးရ ကလည်း ဒါကို သိတယ်၊ မြနန်းနွယ်အိပ်မက်ပေးလို့ဆိုပြီး ဘုရားတွေမှာ သူ့ရုပ်တုတွေ ထည့်တာကို ခွင့်ပြု ပေးခဲ့တယ်၊ ခုတော့ အိပ်မက်ဆိုး ပေးလို့ဆိုပြီး ရုပ်တုတွေကို လက်ထိပ်ခတ်တာ”ဟု အစိုးရ အရာရှိကြီး တဦး ကလည်း ပြောဆိုသည်။

[အဟေးဟေးဟေး...ဖတ်ရင်းက အူတက်လို့သေတော့မယ်.......ကိုင်း....ဘယ်နှယ့်ရှိစ၊ မြန်မာပြည်က မိန်းကလေးသယ်ရင်းတွေ...အစိမ်းရောင်ဝတ်ချင်ရင် သတိသာထားကြပေရော့... အရူးဖမ်းတာခံနေရဦးမယ်.........]


Friday, November 20, 2009

ရွှေဝါရောင် တော်လှန်ရေး မှတ်တမ်းများ Upload တင်မှုကြောင့် ဘလော့ဂ်ဂါတဦး ထောင်ဒဏ်များစွာ ချမှတ် ခံရဖွယ်ရှိ

၂၀၀၇ ခုနှစ်၊ စက်တင်ဘာလ ရွှေဝါရောင် တော်လှန်ရေးကြီး အတွင်း ရိုက်ကူး ခဲ့သော မှတ်တမ်း ဓာတ်ပုံ များကို အင်တာနက်တွင် Upload တင်ခဲ့ မှုကြောင့် မြန်မာ နိုင်ငံမှ Blogger တဦးသည် ထောင်ဒဏ် (၁၅)နှစ် အထိ ကျခံရရန် နီးစပ်နေကြောင်း သိရှိ ရသည်။

နယ်စည်းမခြား သတင်းထောက်များ အဖွဲ့နှင့် မြန်မာသတင်းသမဂ္ဂတို့သည် ကိုဝင်းဇော်နိုင် လွတ်မြောက်ရေး နှင့် အခြားသော အဖမ်းဆီးခံ Blogger များအား လွှတ်ပေးရေး တို့အတွက် မြန်မာ စစ်အစိုးရထံ တောင်းဆိုလျှက် ရှိသည်။ နိုင်ငံတကာ အနေနှင့် မြန်မာ့အရေးကို ညင်သာစွာ ကိုင်တွယ် ဖြေရှင်းရန် ကြံစည် နေခြင်းအား အခွင့်ကောင်း ယူကာ မြန်မာ စစ်အစိုးရသည် နိုင်ငံတွင်း မတရား ဖိနှိမ်မှုများ ပြုလုပ်နေကြောင်း နယ်စည်းမခြား သတင်းထောက်များ အဖွဲ့နှင့် မြန်မာသတင်းသမဂ္ဂတို့က ပြောဆိုလိုက်သည်။

လွတ်လပ်သော သတင်းပြန်ကြားမှု မရှိဘဲ လာမည့်နှစ် ရွေးကောက်ပွဲသည် လွတ်လပ်၍ တရား မျှတသည်ဟု မည်သို့မျှ သတ်မှတ်နိုင်မည် မဟုတ်ကြောင်း ယင်းအဖွဲ့၂ဖွဲ့က ဆက်လက် ပြောကြားသွားခဲ့ပြီး၊ ကိုဝင်းဇော်နိုင်သည် အသက် (၂၄)နှစ်သာ ရှိသေးပြီး ပြီးခဲ့သော သီတင်းပါတ်များ အတွင်း ရန်ကုန်မြို့၊ ကျောက်တံတား မြို့နယ်တွင် ရဲများက လာရောက် ဖမ်းဆီးသွားမှုကို ခံခဲ့ရခြင်း ဖြစ်သည်ဟု ဆိုသည်။

၎င်းသည် ရှေ့နေများနှင့်လည်း တွေ့ဆုံခွင့် မရခဲ့သေးပဲ၊ ကိုဝင်းဇော်နိုင် သည် မြန်မာ စစ်အစိုးရ ပြဌာန်းထားသော အီလက်ထရောနစ် ဥပဒေအရ ထောင်ဒဏ် (၁၅)နှစ် အထိ ကျခံ ရဖွယ်ရှိနေပြီး ၎င်းသည် http://shwenyarthar.co.cc အမည်ရှိ ဘလော့ဂ် ၀ဘ်ဆိုဒ်တွင် ရွှေဝါရောင် တော်လှန်ရေး မှတ်တမ်းများအား Upload တင်ခဲ့ခြင်း ဖြစ်သည်ဟု ဆိုသည်။
လူထုအသံ အွန်လိုင်းဂျာနယ်မှ ရယူသည်။

ဒေါ်စု တွေ့ဆုံရေး ကမ်းလှမ်းချက် စစ်အစိုးရ တုံ့ပြန်ဖို့ အမေရိကန် မျှော်လင့်

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က မြန်မာနိုင်ငံအတွက် အကျိုးများစေမယ့် ကိစ္စတွေနဲ့ ပတ်သက်လို့ စစ်အစိုးရ အကြီးအကဲနဲ့ တွေ့ဆုံဆွေးနွေးလိုကြောင်း မကြာသေးခင်က ကမ်းလှမ်းလိုက်တဲ့အပေါ် အစိုးရဘက်က တုံ့ပြန်သင့်ကြောင်း အမေရိကန်အစိုးရ တာဝန်ရှိသူတွေက ပြောဆိုလိုက်ပါတယ်။ ဒီလို တွေ့ဆုံဆွေးနွေးမှုတွေဟာ မြန်မာ့နိုင်ငံရေးအတွက် လမ်းစတခု ဖြစ်နိုင်တယ်လို့ မျှော်လင့်မိကြောင်းလည်း အမေရိကန် နိုင်ငံခြားရေး ၀န်ကြီးဌာနက ပြောဆိုလိုက်တာပါ။ အကြောင်းစုံကို ကိုအောင်လွင်ဦးက တင်ပြပေးထားပါတယ်။

မြန်မာ့နိုင်ငံရေး ကိစ္စရပ်တွေနဲ့ ပတ်သက်လို့ လက်တွဲဖြေရှင်းလိုတာမို့ ဗိုလ်ချုပ်မှူးကြီးသန်းရွှေနဲ့ တွေ့ဆုံခွင့်ရဖို့ အထူး မေတ္တာရပ်ခံပါတယ် ဆိုပြီး ဒေါ်အောင်ဆန်းစုကြည်က မကြာသေးခင်တုန်းက ကမ်းလှမ်းလိုက်တာဟာ အမျိုးသား ပြန်လည်သင့်မြတ်ရေးအတွက် လမ်းစတခု ဖြစ်လာလေမလား မျှော်လင့်မိတယ်ဆိုပြီး အမေရိကန် နိုင်ငံခြားရေး ၀န်ကြီးဌာနက ပြောဆိုလိုက်တာပါ။
[ ဆက်ဖတ်ရန် +/- ]

စစ်အစိုးရ အကြီးအကဲကို ရည်ညွှန်းပြီး နိုဝင်ဘာလ ၁၁ ရက်နေ့ ရက်စွဲနဲ့ လက်မှတ်ရေးထိုး ပေးပို့ထားတဲ့စာက မြန်မာနိုင်ငံအပေါ် ပိတ်ဆို့ဒဏ်ခတ် အရေးယူမှုတွေ ချမှတ်ထားတာနဲ့ ပတ်သက်လို့ နောက်ဆက်တွဲ ဆွေးနွေးမှုတွေ လုပ်ဆောင်လိုတဲ့အကြောင်း ဒေါ်အောင်ဆန်းစုကြည်က ဖော်ပြထားတာ ဖြစ်ပါတယ်။ ဒေါ်အောင်ဆန်းစုကြည်ဘက်က ဒီလို ကမ်းလှမ်းမှုတွေ လုပ်ထားပေမဲ့လည်း မြန်မာစစ်အစိုးရဘက်ကတော့ အခုချိန်ထိ တုံ့ပြန်သံ မကြားရသေးပါဘူး။

အမေရိကန် နိုင်ငံခြားရေး ၀န်ကြီးဌာန ပြောခွင့်ရသူ အီယန် ကယ်လီ (Ian Kelley) က အမျိုးသား ပြန်လည်သင့်မြတ်ရေးကို ဦးတည်စေမယ့် တွေ့ဆုံဆွေးနွေးမှုတွေ ဖြစ်လာလေမလားဆိုပြီး မျှော်လင့်မိကြောင်း မနေ့တုန်းက ပြုလုပ်တဲ့ သတင်းစာ ရှင်းလင်းပွဲအတွင်း ပြောဆိုလိုက်တာ ဖြစ်ပါတယ်။

“ဗိုလ်ချုပ်မှူးကြီးဆီကို ရေးလိုက်တဲ့စာနဲ့ ပတ်သက်လို့ ကျနော်တို့ သတိပြုမိပါတယ်။ ဒါဟာ တွေ့ဆုံဆွေးနွေးမှုတွေအတွက် လမ်းစတခုဖြစ်ပြီး သူ ပြန်လည်လွတ်မြောက်လာရေးကို ဦးတည်သွားဖို့ကိုလည်း ကျနော်တို့ မျှော်လင့်မိပါတယ်။”

စစ်အစိုးရအပေါ် ပိတ်ဆို့ဒဏ်ခတ် အရေးယူမှုတွေ ချမှတ်ထားတဲ့ အမေရိကန် ပြည်ထောင်စုက မြန်မာနိုင်ငံဆိုင်ရာ မူဝါဒတွေ ပြောင်းလဲကျင့်သုံးပြီး တိုက်ရိုက်ဆက်ဆံမှုတွေ လုပ်ဆောင်သွားမယ်လို့ ပြောဆိုအပြီး မြန်မာနိုင်ငံကို အမေရိကန် လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် (Kurt Campbell) သွားရောက်စဉ် တွေ့ဆုံခွင့်ပြုတဲ့အတွက် စစ်အစိုးရကို ကျေးဇူးတင်တဲ့ အကြောင်းလည်း ဒေါ်အောင်ဆန်းစုကြည်က သူ့ရဲ့စာထဲမှာ ဖော်ပြခဲ့တာပါ။ ဒီလိုပဲ ပိတ်ဆို့ဒဏ်ခတ်မှုတွေနဲ့ ပတ်သက်လို့ ပိုမိုသိရှိနိုင်အောင် အနောက်တိုင်း သံတမန်တွေနဲ့ တွေ့ဆုံခွင့် ပြုခဲ့တာကိုလည်း အလားတူ သဘောထားမျိုး ဒေါ်အောင်ဆန်းစုကြည်က ပြောဆိုခဲ့တာ ဖြစ်ပါတယ်။

အမေရိကန် နိုင်ငံခြားရေး ၀န်ကြီးဌာန ပြောခွင့်ရ ပုဂ္ဂိုလ်ကတော့ မြန်မာနိုင်ငံမှာ နိုင်ငံရေး အပြောင်းအလဲတွေ ထွက်ပေါ်လာစေဖို့ မြန်မာအစိုးရနဲ့ တိုက်ရိုက်ဆက်ဆံမှုတွေ စတင်လုပ်ဆောင်လာနေတာ ဖြစ်ပေမဲ့ စစ်အစိုးရဘက်က နိုင်ငံရေး အပြောင်းအလဲတွေ လုပ်ဖို့ ဆန္ဒရှိတယ် ဆိုတာကို သိသာမြင်သာတဲ့ လုပ်ရပ်တွေနဲ့ ပြသဖို့ လိုနေသေးတယ်လို့လည်း ပြောဆိုခဲ့တာပါ။

“သူတို့အနေနဲ့ လမ်းဖွင့်ပေးဖို့ ဆန္ဒရှိကြောင်း ပြသဖို့အတွက် လုပ်နိုင်တဲ့ ခြေလှမ်းတွေထဲက တခုကတော့ နိုင်ငံရေး အကျဉ်းသားတွေကို လွှတ်ပေးဖို့ပါ။ အခု အကျဉ်းသားတွေ အားလုံး ၂,၀၀၀ ကျော်လောက် ရှိနေပါတယ်။ အထူးသဖြင့် ဒေါ်အောင်ဆန်းစုကြည်ကို ပြန်လွှတ်ပေးဖို့လည်း ကျနော်တို့က တောင်းဆိုပါတယ်။”

အမေရိကန် နိုင်ငံခြားရေး ၀န်ကြီးဌာန ပြောခွင့်ရသူ အီယန် ကယ်လီ ပြောပြသွားတာ ဖြစ်ပါတယ်။

ဒေါ်အောင်ဆန်းစုကြည်က စစ်အစိုးရ ခေါင်းဆောင်ထံ ပေးပို့တဲ့ စာထဲမှာတော့ တိုင်းပြည်အကျိုးပြု လုပ်ငန်းတွေ လုပ်ဆောင်သွားနိုင်ဖို့ ဗိုလ်ချုပ်မှူးကြီးသန်းရွှေနဲ့ တွေ့ဆုံဖို့သာမက သူမ ဦးဆောင်တဲ့ အဓိက အတိုက်အခံ နိုင်ငံရေး ပါတီကြီးတခုဖြစ်တဲ့ အမျိုးသား ဒီမိုကရေစီအဖွဲ့ချုပ်က ဗဟိုကော်မတီဝင်တွေနဲ့လည်း တွေ့ဆုံခွင့်ပြုဖို့ တောင်းဆိုခဲ့တာပါ။ ဒီလိုတွေ့ဆုံရာမှာ ကျန်းမာရေး မကောင်းတဲ့ ပါတီခေါင်းဆောင်တွေသာမက သူ့လိုပဲ နေအိမ်အကျယ်ချုပ်နဲ့ တောက်လျှောက်ဆိုသလို ဖမ်းဆီးခံထားရတဲ့ NLD ပါတီ ဒု-ဥက္ကဋ္ဌ ဦးတင်ဦးတို့လို ပုဂ္ဂိုလ်တွေနဲ့ပါ တွေ့ဆုံခွင့်ပြုဖို့ ပြောဆိုခဲ့တာလည်း ဖြစ်ပါတယ်။ အခုအချိန်အထိကတော့ ဒေါ်အောင်ဆန်းစုကြည်ရဲ့ မေတ္တာရပ်ခံချက်အပေါ် စစ်အစိုးရဘက်က တစုံတရာ တုံ့ပြန်တာမျိုးတော့ မရှိသေးပါဘူး။ ( ဗွီအိုအေ )

Thursday, November 19, 2009

အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ) ဆဋ္ဌမအကြိမ်ညီလာခံကြီးမှ ထုတ်ပြန်ကြေငြာချက်

Statement of 6th Conference[1]
ရွှေဂုံတိုင်ကြေညာချက်ကို ဆုပ်ကိုင်ရန် အန်အယ်ဒီ-အယ်အေ ဆုံးဖြတ်

အမျိုးသားဒီမိုကရေစီအဖွဲ့ချုပ်-လွတ်မြောက်နယ်မြေက ညီလာခံကို ထိုင်း-မြန်မာနယ်စပ် တနေရာ၌ မကြာ သေးမီက ကျင်းပပြီးစီးပြီး ရွှေဂုံတိုင်ကြေညာချက်ကို ဆက်လက်ဆုပ်ကိုင်သွားမည်ဟု ဆုံးဖြတ်ခဲ့ကြသည်။

နိုဝင်ဘာလ ၁၅ ရက်နေ့မှ ၁၇ ရက်နေ့အထိ ကျင်းပခဲ့သည့် ညီလာခံ၌ ၂ဝ၁ဝ ရွေးကောက်ပွဲကာလ အတွက် လုပ်ငန်းစဉ်များ ချမှတ်ခဲ့ပြီး မိခင်အဖွဲ့အစည်းဖြစ်သော အန်အယ်ဒီ၏ ကြေညာစာတမ်းပါ ရပ်တည်ချက်များကို ဆက်လက် ဆုတ်ကိုင်သွားမည်ဟု ဆုံးဖြတ်ကြောင်း အဖွဲ့အထွေထွေအတွင်းရေးမှူးကပြောသည်။
[ ဆက်ဖတ်ရန် +/- ]

“ကျနော်တို့ အမျိုးသားပြန်လည် သင့်မြတ်ရေး၊ တွေ့ဆုံဆွေးနွေးရေး ဖြစ်ဖို့အတွက် အတတ်နိုင်ဆုံး ကြိုးစား မယ်။ ရွှေဂုံတိုင်ကြေငြာစာတမ်းပါ ရပ်တည်ချက်တွေနဲ့အညီ ၂ဝ၁ဝ ရွေးကောက်ပွဲကို ဘယ်လို အခြေအနေ နဲ့ ဖြတ်သန်းမလဲ။ ဘယ်လိုပြင်ဆင်ထားသင့်တယ် ဆိုတာမျိုးကို လေးလေးနက်နက် ဆွေးနွေးကြပါတယ်” ဟု အဖွဲ့အထွေထွေအတွင်းရေးမှူး ဦးမြင့်စိုးက မဇ္ဈိမကိုပြောသည်။

ရွှေဂုံတိုင်ကြေညာစာတမ်းတွင် ၂ဝဝ၈ ခု ဖွဲ့စည်းပုံပြင်ဆင်ရေး၊ ဦးတင်ဦးနှင့် ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားအားလုံးလွှတ်ပေးရေး၊ ၁၉၉ဝ ရွေးကောက်ပွဲရလဒ်ကို တနည်းနည်းဖြင့် အသိအမှတ်ပြုရေး၊ တွေ့ဆုံဆွေးနွေးရေးတို့ တောင်းဆိုထားသည်။

ထို့အပြင် ၂ဝဝ၈ ခု ဖွဲ့စည်းပုံအား ပြုပြင်ခြင်းမရှိပဲ ရွေးကောက်ပွဲကျင်းပခဲ့ပါက “ဆန့်ကျင်တိုက်ဖျက်” ရန် အတွက် နည်းလမ်းများကိုလည်း ဆွေးနွေးခဲ့ကြကြောင်း သိရသည်။

သို့သော် အနောက်နိုင်ငံများက မြန်မာ နိုင်ငံအပေါ် ချမှတ်ထားသည့် စီးပွားရေးပိတ်ဆို့ထားမှုများနှင့် ပတ်သက်၍မူ ညီလာခံ၌ ကျယ်ကျယ်ပြန့်ပြန့် ဆွေးနွေးခဲ့ခြင်း မရှိကြောင်း သိရသည်။

သုံးနှစ်တကြိမ် ကျင်းပသည့် ညီလာခံမှ ဥက္ကဌအသစ်အဖြစ် လွှတ်တော် အမတ် ဦးဘိုသောင်း၊ ဒုဥက္ကဌ အဖြစ် ဒေါက်တာအေးကျော်တို့ကို ရွေးချယ်ခဲ့သည်။ အလုပ်အမှု ဆောင်အဖွဲ့ဝင်များထဲတွင် လည်း လူငယ်များဖြင့် အစားထိုးရွေးချယ်မှုများရှိကြောင်း တွေ့ရသည်။

ဦးဘိုသောင်းသည် စစ်ကိုင်းတိုင်း ယင်းမာပင်မြို့နယ် မဲဆန္ဒနယ် အမှတ် (၁) အန်အယ်ဒီ လွှတ်တော် အမတ်ဖြစ်ပြီး ၁၉၉၂ ခုတွင် မြန်မာနိုင်ငံမှ အိန္ဒိယနိုင်ငံသို့ ထွက်ခွာခဲ့သည်။ အန်အယ်ဒီ-လွတ်မြောက် နယ်မြေ (ဗဟို) ဒု-ဥက္ကဌ၊ မြန်မာနိုင်ငံအမျိုးသားကောင်စီတွင် အတွင်းရေးမှူးအဖွဲ့ဝင်၊ အဖွဲ့ဝင် (ပြည်သူ့ လွှတ်တော်ကိုယ်စားလှယ်များအဖွဲ့) နှင့် အဝေးရောက်ညွန့်ပေါင်းအစိုးရ၏ လုပ်ငန်းကော်မတီဝင်တဦး လည်း ဖြစ်ခဲ့ဖူးသည်။

ဒုဥက္ကဌ ဒေါက်တာအေးကျော်သည် ယခင်က အန်အယ်ဒီ-လွတ်မြောက်နယ်မြေ (သြစတေးလျဌာနခွဲ) ဥက္ကဌတာဝန်ထမ်းဆောင်ခဲ့ပြီး အန်အယ်ဒီ-လွတ်မြောက်နယ်မြေ (ဗဟို) ၏ ဒုဥက္ကဌ တာဝန်ကို ယခုမှ စတင်ထမ်းဆောင်မည်ဖြစ်သည်။

ယခုနှစ် ညီလာခံသည် ဆဌမကြိမ်မြောက် ညီလာခံဖြစ်ပြီး၊ ဒေသတွင်းဆိုင်ရာလှုပ်ရှားမှုများရှိနေသဖြင့် မတက်ရောက်နိုင်သည့် ဂျပန်နှင့် မလေးရှားရှိ ဌာနခွဲများမှအပ နိုင်ငံတကာရှိ ဌာနခွဲ အားလုံးမှ ကိုယ်စား လှယ် စုစုပေါင်း ၄၃ ဦး တက်ရောက်ခဲ့ကြောင်း သိရသည်။

၁၉၉ဝ ခု ရွေးကောက်ပွဲ၌ အမျိုးသားဒီမိုကရေစီအဖွဲ့ချုပ် အနိုင်ရပြီးနောက် စစ်အစိုးရက အာဏာလွှဲ ပေးခြင်းမရှိပဲ အဖွဲ့ချုပ်ဝင်များ၊ ပြည်သူ့လွှတ်တော်ကိုယ်စားလှယ်များအား ဖမ်းဆီးသဖြင့် အဖွဲ့ဝင်အချို့ နယ်စပ်ဒေသများသို့ တိမ်းရှောင်လာကာ ၁၉၉၁ ခုနှစ်တွင် ထိုင်း-မြန်မာနယ်စပ်ရှိ မာနယ်ပလောဌာနချုပ်၌ အမျိုးသားဒီမိုကရေစီအဖွဲ့ချုပ်-လွတ်မြောက်နယ်မြေ (ဗဟို) ကို စတင်ဖွဲ့စည်းခဲ့ပြီး၊ ဒေါက်တာစိန်ဝင်းက ပထမဦးဆုံး ဥက္ကဌအဖြစ် တာဝန်ထမ်းဆောင်ခဲ့သည်။

ယခုအခါ ဒေါက်တာစိန်ဝင်းသည် အဝေးရောက်ညွန့်ပေါင်းအစိုးရ၏ ဝန်ကြီးချုပ်ဖြစ်သည်။ ( မဇ္ဈိမ )

Wednesday, November 18, 2009

အမျိုးသားဒီမိုကရေစီအဖွဲ့ချုပ် အထူးကြေငြာချက်အမှတ် ( ၈ / ၁၁ / ၀၉ )

လူထုခေါင်းဆောင်ဒေါ်အောင်ဆန်းစုကြည်ကိုယ်တိုင် နအဖသို့ပေးစာ။

[ ဆက်ဖတ်ရန် +/- ]



Monday, November 16, 2009

ဒေါ်အောင်ဆန်းစုကြည်ကို လွှတ်ပေးဖို့ အိုဘားမား တိုက်ရိုက် တောင်းဆို


နေအိမ်အကျယ်ချုပ် ကျနေတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ပြန်လွှတ်ပေးဖို့ အမေရိကန်သမ္မတ ဘရက်ခ် အိုဘားမား (Barack Obama) က မြန်မာစစ်ခေါင်းဆောင်တွေကို ထပ်ပြီး တောင်းဆိုလိုက်ပါတယ်။ ဒါပေမဲ့ ဒီတခါ တောင်းဆိုတဲ့အချိန်မှာ ထူးခြားတာကတော့ မြန်မာစစ်အစိုးရ ၀န်ကြီးချုပ် ဗိုလ်ချုပ်ကြီးသိန်းစိန် ကိုယ်တိုင် ရှိနေတဲ့ အစည်းအဝေးခန်းထဲမှာ အမေရိကန် သမ္မတက တောင်းဆိုခဲ့တာပါ။ မြန်မာဝန်ကြီးချုပ်နဲ့ အမေရိကန် သမ္မတတို့ တိုက်ရိုက် စကားပြောဆို ဖြစ်ခဲ့ကြသလား၊ အမေရိကန် သမ္မတက အခုလို တည့်တည့် တောင်းဆိုတဲ့အပေါ် မြန်မာအတိုက်အခံတွေဘက်ရော ဘယ်လို တုံ့ပြန်ခဲ့သလဲ၊ စတာတွေကို ကိုကျော်ကျော်သိန်းက တင်ပြထားပါတယ်။
[ ဆက်ဖတ်ရန် +/- ]

မြန်မာစစ်အစိုးရ ၀န်ကြီးချုပ် ဗိုလ်ချုပ်ကြီးသိန်းစိန်နဲ့ အမေရိကန်သမ္မတ ဘရက်ခ် အိုဘားမားတို့ဟာ အစည်းအဝေး ခန်းမထဲမှာ သူတို့နှစ်ယောက်ကြားထဲ သုံးယောက်ပဲခြားပြီး ထိုင်နေခဲ့ကြပေမဲ့ တယောက်နဲ့တယောက် စကား တည့်တည့်မပြော၊ လက်ဆွဲ နှုတ်ဆက်တာလည်း မရှိခဲ့ဘူးလို့ စင်ကာပူကလာတဲ့ သတင်းတွေမှာ တွေ့ရပါတယ်။ ဒါပေမဲ့ အာရှ ပစိဖိတ် စီးပွားရေး ပူးပေါင်းဆောင်ရွက်မှုအဖွဲ့ အေးပက် (APEC) ထိပ်သီးအစည်းအဝေး ပြင်ပမှာ အာဆီယံ (ASEAN) အရှေ့တောင်အာရှ နိုင်ငံများအဖွဲ့ ခေါင်းဆောင် ၁၀ ယောက်နဲ့ သီးခြား တွေ့ဆုံဆွေးနွေးတဲ့အချိန်မှာ မစ္စတာအိုဘားမားက တိုက်ရိုက် တောင်းဆိုခဲ့တာပါ။

ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေ အားလုံးကို လွှတ်ပေးပြီး လူနည်းစု လူမျိုးစုတွေအပေါ် ဖိနှိပ်နေတာတွေကို အဆုံးသတ်ဖို့ မစ္စတာအိုဘားမားက တောင်းဆိုခဲ့တယ်လို့ အမေရိကန်သမ္မတ အိမ်ဖြူတော် ပြောရေးဆိုခွင့်ရှိသူ ရောဘတ် ဂစ်ဘ်စ် (Robert Gibbs) က သတင်းထောက်တွေကို ပြောခဲ့ပါတယ်။

မစ္စတာအိုဘားမားက စင်ကာပူကို မလာခင် ဂျပန်နိုင်ငံမှာ ကတည်းက အခုလို တောင်းဆိုခဲ့တာဖြစ်ပြီး မြန်မာခေါင်းဆောင်နဲ့ အစည်းအဝေးခန်း တခုထဲမှာ ရှိနေတဲ့အချိန် ထပ်တောင်းဆိုလိုက်တဲ့အပေါ် ကြိုဆိုပါတယ်လို့ အမျိုးသားဒီမိုကရေစီ အဖွဲ့ချုပ် (NLD) ပြောရေးဆိုခွင့်ရှိသူ ဦးဉာဏ်ဝင်းက ပြောပါတယ်။

“အခု အေးပက် အစည်းအဝေးမှာ မြန်မာခေါင်းဆောင်ကြီးများ ရှိတဲ့အချိန်မှာ ပြောတာပါ။ အမေရိကန်နိုင်ငံရဲ့ မြန်မာနိုင်ငံအပေါ် သဘောထားနဲ့ ပတ်သက်ရင် ခိုင်ခိုင်မာမာပဲ ဆက်လက်ရှိနေတာကို ကျနော်တို့ တွေ့ရတဲ့အတွက် ကြိုဆိုပါတယ်။ ပြီးတော့ ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားများ လွှတ်ရေးဆိုတာဟာ မြန်မာနိုင်ငံရဲ့ အရေးကိစ္စတွေမှာ အဓိက အခန်းက ပါတယ်။ ဒါကိုလည်း မြန်မာနိုင်ငံ ခေါင်းဆောင်များ သဘောပေါက်လာပြီ၊ သဘောပေါက်ဖို့ နီးစပ်တယ်လို့ ကျနော်တို့တော့ ဒီလိုပဲမြင်ပါတယ်။”

ဒီလို တောင်းဆိုတဲ့အပေါ် မြန်မာဝန်ကြီးချုပ်က သော်လည်းကောင်း၊ တခြား အာဆီယံ ခေါင်းဆောင်တွေက သော်လည်းကောင်း ဘယ်လို တုံ့ပြန် ပြောဆိုခဲ့သလဲဆိုတာ သတင်းတွေမှာ မတွေ့ရပေမဲ့ ဆွေးနွေးပွဲအပြီး ထုတ်ပြန်မယ့် ကြေညာချက်ထဲမှာတော့ ဒီလို တောင်းဆိုတဲ့စာပိုဒ် ပါလာမှာ မဟုတ်တော့ပါဘူး။ အရင်က ရေးထားတဲ့ ထုတ်ပြန်ချက် မူကြမ်းမှာ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေကို လွှတ်ပေးဖို့ တောင်းဆိုတဲ့စာပိုဒ် ပါပေမဲ့ နောက်ဆုံးထွက်လာမယ့်မူမှာ မပါတော့ဘူးလို့ ထုတ်ပြန်ချက် မိတ္တူတွေကို ဖတ်ရတဲ့ အေပီသတင်းက ရေးပါတယ်။ ဘာ့ကြောင့် ဒီစာပိုဒ်ကို ဖြုတ်လိုက်တာလဲ ဆိုတာကိုတော့ ရှင်းရှင်းလင်းလင်း မသိရပါဘူး။

မြန်မာ အပါအ၀င် အာဆီယံခေါင်းဆောင် ၁၀ ယောက်စလုံးနဲ့ တစားပွဲထဲထိုင်ပြီး စည်းဝေးတာမျိုးဟာ အမေရိကန်သမ္မတ တယောက်အနေနဲ့ ဒါ ပထမဆုံးပါပဲ။ အရင်သမ္မတ ဂျော့ခ်ျ ဒဗလျူ ဘုရှ် (George W.Bush) လက်ထက်ကဆိုရင် မြန်မာနိုင်ငံ ပါဝင်တဲ့အတွက် အေးပက် အစည်းအဝေးကိုတောင်မှ မတက်ခဲ့ပါဘူး။ အမေရိကန်က မြန်မာနိုင်ငံကို ဒဏ်ခတ် အရေးယူထားတာတွေ မရုပ်သိမ်းသေးပေမဲ့ ထိတွေ့ဆက်ဆံမှုလည်း လုပ်သွားမယ်ဆိုပြီး ကြေညာထားခဲ့ပြီးတဲ့နောက် ဒီမူဝါဒကို အမေရိကန်သမ္မတ ကိုယ်တိုင်က လက်တွေ့ ကျင့်သုံးပြလိုက်တယ်လို့လည်း ဆိုရမှာပါ။ ဒါပေမဲ့လည်း ထိတွေ့ဆက်ဆံတာရော၊ ဒဏ်ခတ် အရေးယူတာရော နည်းလမ်းနှစ်ခုစလုံးကို တပြိုင်နက်တည်း ကိုင်စွဲအသုံးပြုတာဟာ အလုပ်ဖြစ်ပါ့မလားဆိုတဲ့ သံသယတွေကလည်း ရှိနေပါတယ်။

ဦးဉာဏ်ဝင်းကတော့ ဒီလို နည်းလမ်းနှစ်ခုစလုံးကို အသုံးပြုတဲ့အပေါ် မှန်ကန်တယ်လို့ သဘောထားပါတယ်။

“Engage လုပ်တဲ့အခါမှာ အပြန်အလှန် ဟိုဘက်ဒီဘက် ဆွေးနွေးကြမယ်၊ ညှိနှိုင်းကြမယ်။ ဒီသဘောတူညီချက် အပေါ်မှာ မူတည်ပြီးတော့၊ Direct Engagement ပေါ်မှာ မူတည်ပြီးတော့ Sanctions ရုပ်သိမ်းရေးကလည်း တပြိုင်တည်း ပေါ်ပေါက်လာမယ့် ကိစ္စမျိုးပါ။ ဒါကြောင့် အဲဒီမူဝါဒ ထားရှိတယ်လို့ မစ်စ်ကလင်တန်က ကြေညာပြီး နာရီပိုင်းအတွင်းမှာ ကျနော်ကိုယ်တိုင်ပဲ ဒီဥစ္စာကို ကြိုဆိုတယ်။ ဘာဖြစ်လို့လဲဆိုတော့ ပြောကြ ဆိုကြဖို့ လိုတယ်။ ပြောကြ ဆိုကြမှ ပြောကြ ဆိုကြတဲ့အပေါ် မူတည်ပြီး အလုပ် လုပ်လို့ရမယ်။ မပြော မဆိုရင် ဘာမှ လုပ်လို့မရဘူး။ ဒါဟာ ဒီ Engagement ကိုလည်း ကျနော်တို့ ထောက်ခံတဲ့ အရေးကြီး အကြောင်းအချက် တခုအနေနဲ့ ပြောချင်တာပါ။”

NLD ပြောရေးဆိုခွင့်ရှိသူ ဦးဉာဏ်ဝင်း ပြောပြသွားတာ ဖြစ်ပါတယ်။

အမေရိကန်က မူဝါဒ ပြောင်းလဲကျင့်သုံးမယ်လို့ ကြေညာလိုက်ပြီး ကတည်းက ဆက်တိုက်ဆိုသလိုပဲ အပြုသဘောဆောင်တဲ့ ထိတွေ့ဆက်ဆံတာတွေ လုပ်လာခဲ့ပါတယ်။ နောက်ဆုံး တောက်လျှောက် ပြစ်တင်ဝေဖန်လာခဲ့တဲ့ မြန်မာစစ်ခေါင်းဆောင်နဲ့တောင် အစည်းအဝေးခန်း တခုထဲမှာ အတူထိုင်ပြီး ဆွေးနွေးတာမျိုးအထိ ရှိလာပါတယ်။ ဒါပေမဲ့လည်း မြန်မာစစ်ခေါင်းဆောင်တွေ ဘက်မှာတော့ သိသာထင်ရှားတဲ့ အပြောင်းအလဲတွေ လုပ်ပြတာမျိုး၊ မြန်မာ့ဒီမိုကရေစီရေးအတွက် ထင်ရှားတဲ့ တိုးတက်မှုတွေ မြင်ရအောင် လုပ်ပြတာမျိုး ခုချိန်ထိ မရှိသေးဘူးလို့ မြန်မာ့အရေး လေ့လာသူတွေကို ထောက်ပြ ပြောဆိုကြပါတယ်။ ( ဗွီအိုအေ )

Sunday, November 15, 2009

ဒေါ်အောင်ဆန်းစုကြည် ဗိုလ်ချုပ်မှူးကြီး သန်းရွှေနဲ့ တိုက်ရိုက်ဆွေးနွေးဖို့ စာပို့


ဒေါ်အောင်ဆန်းစုကြည်က နိုင်ငံအကျိုးအတွက် စစ်အစိုးရနဲ့ ပူးပေါင်းဆောင်ရွက်မယ့် လုပ်ငန်းများနဲ့ ပတ်သက်ပြီးတော့ ဗိုလ်ချုပ်မှူးကြီး သန်းရွှေနဲ့ တွေ့ဆုံဖို့ မေတ္တာရပ်ခံတဲ့ စာတစောင်ကို နိုဝင်ဘာလ ၁၁ ရက်နေ့က ပေးပို့ခဲ့ပါတယ်။ ဒေါ်အောင်ဆန်းစုကြည် ကိုယ်တိုင် လက်မှတ်ရေးထိုးထားတဲ့ ဒီ မိတ္ထူစာတစောင်ကို အသံမလွှင့်ခင် အချိန်အနည်းငယ် အတွင်းမှာပဲ ရရှိခဲ့တာပါ။ ဒီစာနဲ့ ပတ်သက်တဲ့ သိရသမျှ အချက်အလက်တွေကိုတော့ ဦးကျော်ဇံသာ က တင်ပြထားပါတယ်။

ဒီစာကတော့ - သို့၊ ဗိုလ်ချုပ်မှူးကြီး သန်းရွှေ၊ ဆိုပြီးတော့ နိုဝင်ဘာလ ၁၁ ရက်နေ့ နေ့စွဲတပ်ထားတဲ့စာ ဖြစ်ပါတယ်။ အကြောင်းအရာကတော့ မြန်မာနိုင်ငံအပေါ် အရေးယူပိတ်ဆို့မှုထားမှုများကို ရုတ်သိမ်းရေးကိစ္စ နောက်ဆက်တွဲ တင်ပြခြင်း ဆိုပြီးတော့ ရေးထားတာ တွေ့ရပါတယ်။
[ ဆက်ဖတ်ရန် +/- ]

ပထမ စာပိုဒ်မှာတော့ - ဒေါ်အောင်ဆန်းစုကြည်နဲ့ နိုင်ငံရေးအဖွဲ့အစည်းတွေကို မစ္စတာ ကာ့တ် ကမ်ဘဲလ် ရောက်ရှိလာတုန်းမှာ တွေ့ခွင့်ပေးတဲ့အတွက်ကြောင့် စစ်အစိုးရကို ကျေးဇူးတင်တဲ့အကြောင်း၊ ဒုတိယ စာပုဒ်မှာကတော့ ဒေါ်အောင်ဆန်းစုကြည် အနေနဲ့ သိရှိလိုတယ်တိုတဲ့ နိုင်ငံခြားက စီးပွားရေးအရ အရေးယူပိတ်ဆို့မှုတွေနဲ့ ပတ်သက်ပြီး အချက်အလက်တွေကို သိရှိနိုင်အောင် နိုင်ငံတော် ဖွံ့ဖြိုးရေးကောင်စီက ဆောင်ရွက် စီစဉ်ပေးတဲ့အတွက် ကျေးဇူးတင်တယ်ဆိုတဲ့ အကြောင်း ဖော်ပြထားပါတယ်။

တတိယ စာပိုဒ်ကတော့ နိုင်ငံတော် ငြိမ်ဝပ်ပိပြားရေးအဖွဲ့နဲ့ ဒေါ်အောင်ဆန်းစုကြည်ဟာ နိုင်ငံတော် အကျိုးရှိမယ့် လုပ်ငန်းတွေ ပူးပေါင်းဆောင်ရွက်နိုင်မယ်လို့ ရေးထားပြီးတော့ စတုတ္ထ စာပိုဒ်မှာတော့ - အမျိုးသား ဒီမိုကရေစီအဖွဲ့ချုပ်၏ လုပ်ငန်းများ ပိုမိုထိရောက်စွာ ဆောင်ရွက်နိုင်ရေးအတွက် အဖွဲ့ချုပ် ဗဟိုအလုပ်အမှုဆောင် အဖွဲ့ဝင်အားလုံးကို ကျမ၏ နေအိမ်သို့ ဖိတ်ခေါ်တွေ့ဆုံ ဆွေးနွေးလိုပါသည်။ ကျန်းမာရေးအရ မိမိတို့ နေအိမ်အသီးသီးတွင်သာ နေထိုင်လျက်ရှိကြသော ဥက္ကဌ ဦးအောင်ရွှေ၊ အတွင်းရေးမှူး ဦးလွင်နှင့် အလုပ်အမှုဆောင်အဖွဲ့ဝင် ဦးလွန်းတင် တို့ကို ၄င်းတို့၏နေအိမ် အသီးသီးသို့ သွားရောက် ဂါရ၀ပြု ကန်တော့ပြီး - နံပါတ် (၁) ဒုတိယဥက္ကဌ ဦးတင်ဦး၊ နံပါတ် (၂) အထွေထွေ အတွင်းရေးမှူး ဒေါ်အောင်ဆန်းစုကြည် နှင့် ဗဟိုအလုပ်အမှုဆောင် အဖွဲ့ဝင်များဖြစ်ကြသော ဦးဝင်းတင်၊ ဦးခင်မောင်ဆွေ၊ ဦးသန်းထွန်း၊ ဦးစိုးမြင့်၊ ဦးလှဖေ၊ ဦးညွှန့်ဝေ တို့ ပါဝင်သော ဗဟိုအလုပ်အမှုဆောင် အဖွဲ့ စုံညီအစည်းအဝေးကို ကျမ၏နေအိမ်တွင် ကျင်းပရန် စီစဉ်ခြင်းနှင့်စပ်လျဉ်းပြီး သဘောတူညီချက် ရယူရေးကို စီစဉ်ဆောင်ရွက်ပေးရန် မေတ္တာရပ်ခံပါသည်လို့ ဖော်ပြထားပါတယ်။

နောက်ဆုံးစာပိုဒ်မှာတော့ - အဲဒီလို ဆွေးနွေးပြီးတဲ့နောက် ဒါဟာ နိုင်ငံတော်နဲ့ ပူးပေါင်း ဆောင်ရွက်ရေး ကိစ္စကို ဆွေးနွေးတိုင်ပင်ဖို့အတွက် နိုင်ငံတော် အေးချမ်းသာယာရေးအဖွဲ့ရဲ့ ဥက္ကဌ ဗိုလ်ချုပ်မှူးကြီးနဲ့ တွေ့ဆုံတင်ပြခွင့် ပြုပါရန် အထူး မေတ္တာရပ်ခံအပ်ပါသည်။ - ဆိုပြီးတော့ ဒေါ်အောင်ဆန်းစုကြည်က လက်မှတ်ရေးထိုးထားတာ တွေ့ရပါတယ်။

ဒီစာဟာ အမျိုးသားဒီမိုကရေစီအဖွဲ့ချုပ်က တရားဝင်ဖြန့်ဝေလို့ ရရှိခဲ့တာ မဟုတ်တဲ့အတွက် ဒီစာဟာ အစစ်အမှန် ဟုတ်မဟုတ် authenticity နဲ့ ပတ်သက်ပြီးတော့သော်လည်းကောင်း၊ ဒီစာကို ကျနော်တို့ သတင်းအဖြစ် ထုတ်လွှင့်ခွင့် ရှိမရှိ ဆိုတာကို အမျိုးသား ဒီမိုကရေစီအဖွဲ့ချုပ် ပြောခွင့်ရပုဂ္ဂိုလ် ဦးဉာဏ်ဝင်းကို ကျနော် အခုပဲ ဆက်သွယ်မေးမြန်းပါတယ်။

ဦးဉာဏ်ဝင်းကတော့ ၁၁ ရက်နေ့ နေ့စွဲနဲ့ ဒေါ်အောင်ဆန်းစုကြည် လက်မှတ်ထိုးပြီး စာတစောင် ပေးပို့ထားတာ မှန်ကန်တယ် ဆိုတဲ့အကြောင်း၊ ဒီစာ ဟုတ်မဟုတ် အတိအကျ ဆိုတာတော့ သူမပြောနိုင်တဲ့အကြောင်း သတင်းမလွှင့်ခင်မှာပဲ လွှင့်နိုင်ပါတယ်လို့ ပြောတဲ့အတွက် အခုလို ထုတ်လွှင့်လိုက်တာ ဖြစ်ပါတယ်။ ( ဗွီအိုအေ )

ဘလော့ဂါ၊ ယင်း၏ဖြစ်တည်မှု နှင့် မီဒီယာသစ်

Blogger, It's Existence and New Media


Blogger, It's Existence and New Media 2


http://kyawtheinkha.blogspot.com/
ကိုကျော်သိင်္ခ ရေးသားထားခြင်းဖြစ်ပါသည်။

Saturday, November 14, 2009

သမ္မတအိုဘားမား မြန်မာ့လူ့အခွင့်အရေးအကြောင်း ပြောဖို့ရှိ


ဂျပန်နိုင်ငံကိုရောက်ရှိနေတဲ့ အမေရိကန်သမ္မတ အိုဘားမား ဟာ အမေရိကန်ပြည်ထောင်စုနဲ့ အာရှနိုင်ငံတွေရဲ့ ဆက်ဆံရေးကို ဘယ်လိုပုံစံနဲ့ ပြောင်းလဲချဉ်းကပ်မယ် ဆိုတာနဲ့ပတ်သက်လို့ ဒီနေ့မနက်မှာ မိန့်ခွန်းပြောဖို့ရှိသလို လူ့အခွင့်အရေးနဲ့ ပတ်သက်လာရင် မြန်မာနိုင်ငံအကြောင်း ထည့်သွင်းပြောဖို့ရှိတယ်လို့ အိမ်ဖြူအရာရှိတွေက ပြောပါတယ်။ သမ္မတ အိုဘားမား ဟာ အမေရိကန်သမ္မတ တာဝန်ယူပြီးတဲ့နောက်ပိုင်း အာရှကို ပထမဆုံး ထွက်တဲ့ခရီးစဉ်မှာ ဂျပန်နိုင်ငံကို အရင်ဆုံး သွားရောက်တာဖြစ်ပါတယ်။ ဒီအကြောင်းနဲ့ပတ်သက်လို့ သမ္မတ အိုဘားမား ရဲ့ ခရီးစဉ်နဲ့အတူ လိုက်ပါသွားတဲ့ ဗွီအိုအေ သတင်းထောက် Paula Wolfson က တိုကျိုမြို့ကနေ သတင်းပေးထားပါတယ်။ အပြည့်အစုံကို ဒေါ်ခင်စိုးဝင်းက အစီရင်ခံထားပါတယ်။
[ ဆက်ဖတ်ရန် +/- ]

အမေရိကန် သမ္မတ ဒီနေ့မနက်ပြောမယ့် မိန့်ခွန်းထဲမှာ နျူကလီးယားလက်နက် မပျံ့ပွားရေးကအစ ဥတုရာသီ အပြောင်းအလဲ အဆုံး၊ ကမ္ဘာတ၀ှမ်းက ကိစ္စရပ် အတော်များများကို ကျယ်ကျယ်ပြန့်ပြန့် ပြောဆိုမှာဖြစ်တယ်လို့ အိမ်ဖြူတော် အရာရှိတွေက ပြောကြပါတယ်။ လူ့အခွင့်အရေးနဲ့ ပတ်သက်ပြီးပြောမယ်ဆိုရင်တော့ အထူးသဖြင့် မြန်မာနိုင်ငံအကြောင်းကို ပြောမှာဖြစ်ပါတယ်လို့ အိမ်ဖြူတော်ရဲ့ မဟာဗျူဟာမြောက် ဆက်သွယ်ရေးဆိုင်ရာ အမျိုးသားလုံခြုံရေး ဒုတိယ အကြံပေးပုဂ္ဂိုလ် ဘဲန်ရုဒ်စ် (Ben Rhodes) က ပြောပါတယ်။ သမ္မတ အနေနဲ့ လူ့အခွင့်အရေးနဲ့ ပတ်သက်လာရင် မြန်မာနိုင်ငံအကြောင်းကို ထည့်သွင်းပြောဆိုဖို့ ရှိပေမယ့်လို့ တိဘက်ပြည်ရဲ့ ကံကြမ္မာနဲ့ ပတ်သက်လို့တော့ တိုက်ရိုက်ရည်ညွှန်း ပြောဆိုဖို့ မရှိဘူးလို့ ဘဲန်ရုဒ်စ် က အရိပ်အမွက် ပြောပါတယ်။

သမ္မတ အိုဘားမား ဟာ တရုတ်အစိုးရ ကျေနပ်အောင် တိဘက်ရဲ့ လူ့အခွင့်အရေး အခြေအနေတွေကို ဦးစားမပေးတော့ဘဲ လေသံလျော့နေတာ တွေ့ရတယ်လို့ အကဲခတ်တွေက ဝေဖန်နေကြပါတယ်။

ဝါရှင်တန်မြို့တော်ကို မကြာခင်က လာရောက်ခဲ့တဲ့ ဘုန်းတော်ကြီး ဒလိုင်းလားမား ကို သမ္မတ အိုဘားမား က မတွေ့ဖို့ ဆုံးဖြတ်ခဲ့တာကြောင့်မိုလို့ အခုလို ဝေဖန်ခံနေရတာ ဖြစ်ပါတယ်။ ဒါပေမယ့် သမ္မတ အိုဘားမား အနေနဲ့ ဒီ အာရှခရီးစဉ် အပြီး ပြန်လာတဲ့အခါ ဘုန်းတော်ကြီး ဒလိုင်းလားမား နဲ့တွေ့ဖို့ စီစဉ်ထားတဲ့အကြောင်း လာမယ့် အင်္ဂါနဲ့ ဗုဒ္ဓဟူးနေ့၊ တရုတ်နိုင်ငံ ဘေဂျင်းမြို့ ခရီးစဉ်မှာတော့ သမ္မတ အိုဘားမား တရုတ်ခေါင်းဆောင်တွေနဲ့ တွေ့တဲ့အခါ တိဘက်အရေးကို ဆွေးနွေးမှာ ဖြစ်ပါတယ်လို့ ဘဲန်ရုဒ်စ် က အခုလို ပြောပါတယ်။

"သမ္မတ က ဒီကိစ္စနဲ့ပတ်သက်ပြီးတော့ ဒလိုင်းလားမား နဲ့ တွေ့ဆုံဖို့ အခွင့်အလမ်းကို ရှေ့ရှုနေတာပါ။ တရုတ်နဲ့ တိဘက်တွေအကြား ဆက်ဆံရေး ပြေလည်အောင် ကြိုးစားပြီးတော့ ဆွေးနွေးသွားမှာပါ။"

မစ္စတာ ရုဒ်စ် ဟာ သမ္မတ ရဲ့ ပြည်ပခရီးစဉ်အတွက် အရေးပါတဲ့ မိန့်ခွန်းတွေကို ကူညီရေးပေးနေသူ ဖြစ်ပါတယ်။ အီဂျစ်နိုင်ငံ၊ ကိုင်ရိုမြို့ ခရီးစဉ်တုန်းက သမ္မတ အိုဘားမား မွတ်စလင်ကမ္ဘာကို ပြောခဲ့တဲ့ မိန့်ခွန်းကိုလည်း ဘဲန်ရုဒ်စ် က ကူပြီး ရေးပေးခဲ့တာဖြစ်ပါတယ်။ ဒီကနေ့မနက် တိုကျိုမှာပြောမယ့် မိန့်ခွန်းကို လာပြီး နားထောင်ကြဖို့အတွက် ဖိတ်ကြား ထားသူတွေကတော့ ဂျပန်နိုင်ငံတ၀ှမ်း အနယ်နယ် အရပ်ရပ်ကအပြင် ဒေသတွင်းက စိတ်ဝင်စားသူတွေလည်း ပါဝင်တယ်လို့ ဘဲန်ရုဒ်စ် က ပြောပါတယ်။ သမ္မတ အနေနဲ့ ကမ္ဘာတ၀ှမ်း ဘုံ စိုးရိမ်မကင်း ဖြစ်ရတာတွေ၊ ဘုံ အန္တရာယ်တွေကို အာရုံစိုက် ပြောဆိုမှာ ဖြစ်တယ်လို့ မစ္စတာ ရုဒ်စ် က ရှင်းရှင်းလင်းလင်း ပြောပြပါတယ်။

ပတ်ဝန်းကျင် ညစ်ညမ်းမှုကို ဖြစ်စေတဲ့ စွမ်းအင် ထုတ်လုပ်ရေး နည်းပညာတွေ အပါအ၀င် မြောက်ကိုရီးယား နျူကလီးယားအရေး ဘယ်လိုကိုင်တွယ်မလဲ ဆိုတာတွေကိုလည်း ပြောဆိုမှာ ဖြစ်တယ်လို့ အခုလို ဆိုပါတယ်။

"မြောက်ကိုရီးယား အရေးနဲ့ ပတ်သက်ပြီးတော့လည်း သမ္မတ အနေနဲ့ ဆွေးနွေးဖို့ အခွင့်အလမ်းတွေ ရမှာပါ။ သမ္မတ လိုက်နာရမယ့် တာဝန်တွေကို ကျေပွန်စွာ ထမ်းဆောင်နိုင်ရေး ဒေသတွင်းမှာရှိတဲ့ ကျနော်တို့ရဲ့ မဟာမိတ်တွေနဲ့အတူ ကြိုးစားပြီးတော့ တွန်းအားပေးနေတာ ဖြစ်ပါတယ်။"

ကမ္ဘာတ၀ှမ်း စီးပွားရေးရာနဲ့ပတ်သက်လို့တော့ ဒီနေ့မနက် မိန့်ခွန်းမှာ ဂဃနဏ ပြောမှာမဟုတ်ဘဲနဲ့ တနင်္ဂနွေနေ့ကျရင် စင်္ကာပူနိုင်ငံမှာ ပြောမယ့် မိန့်ခွန်းထဲမှာတော့ ကုန်သွယ်ရေးနဲ့ စီးပွားရေးကို အဓိကထား ပြောဆိုမှာဖြစ်တယ်လို့ မစ္စတာ ရုဒ်စ် က ပြောပါတယ်။

APEC လို့ခေါ်တဲ့ အာရှနဲ့ ပစိဖိတ်ဒေသဆိုင်ရာ စီးပွားရေးပူးပေါင်း ဆောင်ရွက်မှု ညီလာခံမှာ ပစိဖိတ်ရပ်ဝန်းဒေသ နိုင်ငံ ၂၀ က ထိပ်သီးတွေနဲ့ သမ္မတ အိုဘားမား တွေ့ဆုံဆွေးနွေးမှာ ဖြစ်ပါတယ်။ ( ဗွီအိုအေ )

တွေ့ဆုံဆွေးနွေးမှုမရှိတဲ့ ရွေးကောက်ပွဲ တရားဝင်မဖြစ်နိုင်


မြန်မာစစ်အစိုးရအနေနဲ့ အတိုက်အခံပါတီ၊ တိုင်းရင်းသားလူမျိုးစုတွေနဲ့ တွေ့ဆုံဆွေးနွေးမှုမလုပ်ဘဲ ကျင်းပမယ့် ရွေးကောက်ပွဲဟာ တရားဝင်ရွေးကောက်ပွဲ ဖြစ်မှာမဟုတ်ဘူးလို့ အမေရိကန်နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) က သောကြာနေ့မှာ ပြောကြားလိုက်ပါတယ်။ စင်ကာပူနိုင်ငံမှာကျင်းပနေတဲ့ APEC အာရှပစိဖိတ် စီးပွားရေးပူးပေါင်းဆောင်ရေးအဖွဲ့ ထိပ်သီး ညီလာခံကို လာတက်မယ့် သမ္မတ ဘရက်အိုဘားမား (Barack Obama) နဲ့ မတွေ့ဆုံခင် ဖိလစ်ပိုင်နိုင်ငံ မနီလာမြို့မှာ ၀န်ကြီး ကလင်တန်က ဗွီအိုအေနဲ့ သီးခြားတွေ့ဆုံပြီး အခုလို ပြောကြားလိုက်တာပါ။ ဒီထိပ်သီးစည်းဝေးပွဲကို မြန်မာစစ်ခေါင်းတွေလည်း တက်ရောက်နေတာ ဖြစ်တဲ့အကြောင်း ဗွီအိုအေသတင်းထောက် David Gullust မနီလာမြို့ကနေ သတင်းပေးပို့ထားတာကို ကိုဇော်ဝင်းလှိုင်က တင်ပြထားပါတယ်။
[ ဆက်ဖတ်ရန် +/- ]

မြန်မာစစ်အစိုးရ ကိုယ်စားလှယ်တွေနဲ့ ရှေ့သီတင်းပတ် အစောပိုင်း စင်ကာပူနိုင်ငံမှာ တွေ့ဆုံကြတဲ့အခါ ဒီမိုကရေစီ ခေါင်းဆောင် ဒေါ်အောင်ဆန်းစုကြည်အပေါ် စစ်အစိုးရက ထိန်းချုပ်ထားတာတွေ လျော့ချပေးရေးအပါအ၀င် ထူးခြားသိသာတဲ့ ပြောင်းလဲမှုတွေ ဖြစ်ပေါ်လာမှာ မဟုတ်ဘူးလို့ အမေရိကန်နိုင်ငံခြားရေးဝန်ကြီး Hillary Clinton က ပြောပါတယ်။ ဒါပေမယ့် တခြားကိစ္စတွေ အပါအ၀င် အမေရိကန်အဆင့်မြင့် သံတမန်နှစ်ဦး မြန်မာနိုင်ငံကို ပြီးခဲ့တဲ့ သွားခဲ့တုန်းက တမူထူးခြားစွာ ကောင်းကောင်းမွန်မွန် ဆက်ဆံလိုက်တာတွေကို ကြည့်ခြင်းအားဖြင့် မြန်မာနိုင်ငံမှာ ရေရှည် ပြောင်းလဲမှုတွေ ဖြစ်ပေါ်လာဖို့ မျှော်လင့်တယ်လို့ သူက ပြောပါတယ်။

အမေရိကန်ကိုယ်စားလှယ်အဖွဲ့ မြန်မာနိုင်ငံမှာ ရှိနေစဉ်အတွင်း စစ်အစိုးရ အရာရှိတွေတင်မကပဲ ထိန်းသိမ်းခံထားရတဲ့ NLD အမျိုးသားဒီမိုကရေစီအဖွဲ့ချုပ် ခေါင်းဆောင် ဒေါ်အောင်ဆန်းစုကြည်နဲ့ပါ အကန့်အသတ်မရှိ တွေ့ဆုံခွင့်ရခဲ့ကြတယ်လို့ ဗွီအိုအေနဲ့ ပြုလုပ်တဲ့ မေးမြန်းခန်းမှာ ၀န်ကြီး ကလင်တန်က ပြောပါတယ်။

"ကျမတို့နဲ့ သူတို့အကြားမှာ ပွင့်ပွင့်လင်းလင်း အမြင်ချင်း ဖလှယ်နိုင်ခဲ့ကြပါတယ်။ ဒုတိယအချက် အနေနဲ့ကတော့ - ကျမတို့ရဲ့ သံတမန်အဖွဲ့ဟာ ဒေါ်အောင်ဆန်းစုကြည်နဲ့ စောင့်ကြည့်ခံရမှုမရှိဘဲ ၂ နာရီလောက် တွေ့ဆုံခွင့် ရခဲ့တာကလည်း ထူးခြားပြီး အင်မတန် အထောက်အကူပြုတဲ့ အချက်ဖြစ်ပါတယ်၊ နောက်ပြီးတော့ သံတမန်အဖွဲ့ဟာ အတိုက်အခံပါတီနဲ့ တိုင်းရင်းသား ကိုယ်စားလှယ်တွေကိုလည်း တွေ့ခွင့်ရခဲ့ကြပါတယ်။ ဒီတွေ့ဆုံမှုတွေဟာ တခြား ကိုယ်စားလှယ်အဖွဲ့တွေ သွားတဲ့အခါ သတင်းတွေထဲမှာ ကျမတို့ တွေ့နေရသလိုမျိုးမဟုတ်ဘဲ ပိုပြီး ပွင့်လင်း ပြည့်စုံတဲ့ တွေ့ဆုံမှုတွေပါ။"

စင်ကာပူနိုင်ငံမှာ ကျင်းပနေတဲ့ APEC ခေါ် အာရှပစိဖိတ်ဒေသ စီးပွားရေး ပူးပေါင်းဆောင်ရွက်ရေးအဖွဲ့ ထိပ်သီးညီလာခံကို လာတက်နေတဲ့ သမ္မတ အိုဘားမားနဲ့ ၀န်ကြီးကလင်တန် သွားရောက် ပူးပေါင်းတွေ့ဆုံမှာ ဖြစ်ပါတယ်။ အဲဒီစည်းဝေးပွဲ ပြင်ပမှာ တနင်္ဂနွေနေ့ကျရင် ကျင်းပမယ့် အာဆီယံ အရှေ့တောင် အာရှနိုင်ငံများအသင်းနဲ့ ပြုလုပ်တဲ့ စည်းဝေးပွဲကို သမ္မတအိုဘားမားနဲ့ မြန်မာစစ်အစိုးရ၀န်ကြီးချုပ် ဗိုလ်ချုပ်ကြီး သိန်းစိန် တို့လည်း တက်ရောက်ကြမှာ ဖြစ်ပါတယ်။

အမေရိကန်နဲ့ မြန်မာစစ်အစိုးရအကြား သီးခြားတွေ့ဆုံမှုပြုလုပ်ဖို့ စီစဉ်ထားတာ မရှိပေမယ့် စည်းဝေးပွဲအတွင်း ၀န်ကြီးချုပ် ဗိုလ်ချုပ်ကြီးသိန်းစိန်နဲ့ ပြောဆိုမှုတော့ ရှိကောင်းရှိမယ်လို့ သမ္မတ အိုဘားမားနဲ့ ၀န်ကြီး ကလင်တန်တို့ နှစ်ယောက်စလုံးက ပြောထားပါတယ်။

တကယ်လို့ ၀န်ကြီးချုပ် သိန်းစိန်နဲ့ စကားပြောဖြစ်ခဲ့ရင် မြန်မာနိုင်ငံမှာ လွတ်လပ် ပွင့်လင်းတဲ့ ရွေးကောက်ပွဲဖြစ်လာရေး လုပ်ဆောင်ဖို့ ထပ်ပြီး ဖိအားပေး ပြောကြားသွားမယ်လို့ ၀န်ကြီး ကလင်တန်က ပြောပါတယ်။

"ကျမတို့ရဲ့ သံတမန် ၂ ဦးဖြစ်ကြတဲ့ အရှေ့အာရှရေးရာ လက်ထောက် နိုင်ငံခြားရေးဝန်ကြီး ကာ့တ် ကမ်ဘဲလ် (Kurt Campbell) နဲ့ ဒုတိယ လက်ထောက်နိုင်ငံခြားရေးဝန်ကြီး စကော့ မာဆီရဲလ် (Scot Marciel) တို့ မြန်မာနိုင်ငံကိုသွားတုန်းက ပြောခဲ့တဲ့အကြောင်း အရာကိုပဲ ကျမအနေနဲ့ ထပ်လောင်း ပြောရမှာပဲ။ အဲဒါကတော့ အမေရိကန်အစိုးရက မြန်မာစစ်အစိုးရနဲ့ ထိတွေ့ ဆက်ဆံလိုတဲ့ ဆန္ဒရှိတယ်၊ ဒါပေမယ့် စစ်အစိုးရအနေနဲ့ တွေ့ဆုံဆွေးနွေးမှုတွေ မလုပ်ဘဲ၊ တရားမျှတပြီး ယုံကြည် စိတ်ချရလောက်တဲ့ ရွေးကောက်ပွဲဖြစ်လာအောင် အခြေအနေတွေ ဖန်တီးမပေးဘဲ ရွေးကောက်ပွဲကို ကျင်းပမယ်ဆိုရင် အဲဒီရွေးကောက်ပွဲဟာ တရားဝင် ရွေးကောက်ပွဲ ဖြစ်မှာမဟုတ်ဘူးဆိုတာ သူတို့ သဘောပေါက်ဖို့ လိုပါတယ်။"

ဒေါ်အောင်ဆန်းစုကြည်ကို လွှတ်ပေးတာ အပါအ၀င် ထူးခြား သိသာတဲ့ ပြုပြင် ပြောင်းလဲမှုတွေ မလုပ်ဆောင်ရင် မြန်မာနိုင်ငံအပေါ် ချမှတ်ထားတဲ့ ကုန်သွယ်ရေး ပိတ်ဆို့မှု အပါအ၀င် တခြား ပိတ်ဆို့အရေးယူမှုတွေကို အမေရိကန်အစိုးရ အနေနဲ့ ရုတ်သိမ်းပေးမှာ မဟုတ်ဘူးလို့ ၀န်ကြီး ကလင်တန်က ပြောပါတယ်။

စင်ကာပူနိုင်ငံမှာ ကျင်းပနေတဲ့ ထိပ်သီးစည်းဝေးပွဲအတွင်း ဒေါ်အောင်ဆန်းစုကြည်အပေါ် ကန့်သတ် ချုပ်ချယ်ထားတာတွေ လျော့ချရေးအပါအ၀င် တခြား သိသာ ထူးခြားတဲ့ ပြောင်းလဲမှုတွေ လုပ်ဆောင်ဖို့ စစ်အစိုးရဖက်က ထုတ်ပြန် ပြောဆိုလိမ့်မယ်လို့ သူ့အနေနဲ့ မထင်ဘူးတဲ့အကြောင်း သောကြာနေ့အစောပိုင်းက ဖိလစ်ပိုင် ကျောင်းသားတွေ၊ သတင်းထောက်တွေနဲ့ ပြုလုပ်တဲ့ တွေ့ဆုံဆွေးနွေးပွဲမှာ ၀န်ကြီး ကလင်တန်က ပြောခဲ့ပါတယ်။

၁၉၆၂ ခုနှစ်ကတည်းက မြန်မာနိုင်ငံကို စတင်အုပ်ချုပ်လာခဲ့တဲ့ စစ်တပ်ဟာ သမိုင်းရဲ့ မှားယွင်းတဲ့ဘက်မှာ ရှိနေတယ်ဆိုတာ ယုံမှား သံသယဖြစ်စရာ မရှိပါဘူးတဲ့၊ ဒါပေမယ့် တိုင်းပြည်အတွင်း ပြုပြင်ပြောင်းလဲမှုတွေ လုပ်ဆောင်ရာမှာ အချိန်ယူပြီး တဖြည်းဖြည်းချင်း လုပ်ယူရမယ့် လုပ်ငန်းစဉ်ဖြစ်တယ်လို့ ဆိုပါတယ်။ ၁၉၉၀ ခုနှစ် ရွေးကောက်ပွဲမှာ NLD ပါတီက အနိုင်ရခဲ့ပေမယ့် စစ်အစိုးရက အာဏာလွဲပြောင်းပေးခဲ့ခြင်း မရှိတဲ့အပြင် ပါတီခေါင်းဆောင် ဒေါ်အောင်ဆန်းစုကြည်ကိုလည်း နည်းမျိုးစုံနဲ့ နေအိမ်အကျယ်ချုပ်နဲ့ ထိန်းချုပ်ထားခဲ့တဲ့ကာလက များပါတယ်။

စစ်အစိုးရနဲ့ ထိတွေ့ဆက်ဆံရေးမူ ချမှတ်ခဲ့ပြီး လွတ်လပ်ပြီး တရားမျှတတဲ့ ရွေးကောက်ပွဲ ဖြစ်ပေါ်ရေးအတွက် ဒေသတွင်းနိုင်ငံတွေကို ဖိအားပေးလုပ်ဆောင်နေတဲ့ သမ္မတ အိုဘားမားအစိုးရရဲ့ မူဝါဒသစ်ကို ဒေါ်အောင်ဆန်းစုကြည်က ထောက်ခံတယ်လို့ ပြောဆိုကြောင်း အမေရိကန်အဆင့်မြင့် အရာရှိတွေက ပြောကြပါတယ်။ ( ဗွီအိုအေ )


ဒေါ်အောင်ဆန်းစုကြည်အမှု ပြင်ဆင်ချက်တင်ပြီ

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ နေအိမ်အကျယ်ချုပ် အယူခံ နဲ့ပတ်သက်လို့ ဒေါ်အောင်ဆန်းစုကြည်ရဲ့ အကျိုးဆောင်ရှေ့နေတွေက ဒီကနေ့ တရားရုံးချုပ်ကို ပြင်ဆင်ချက် တင်သွင်းလိုက်ပါပြီ။ ဒေါ်အောင်ဆန်းစုကြည်အပေါ် အပြစ်ပေးတဲ့ စီရင်ချက်ဟာ ဥပဒေနဲ့မညီဘဲ မှားယွင်းတဲ့ စီရင်ချက်ဖြစ်တယ် ဆိုတာကို ထပ်မံလျှောက်လဲ တင်ပြမယ်လို့ အကျိုးဆောင်ရှေ့နေတွေက ပြောပါတယ်။ အပြည့်အစုံကို ကိုသိန်းထိုက်ဦး အစီရင်ခံထားပါတယ်။

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အပေါ် အရေးယူထားတဲ့ ၁၉၇၄ ခုနှစ် အခြေခံဥပဒေ မရှိတော့ဘူး ဆိုတာမှန်ပေမယ့်လည်း ဒေါ်အောင်ဆန်းစုကြည်ဟာ နေအိမ်အကျယ်ချုပ် စည်းကမ်းကို ချိုးဖောက်တယ်ဆိုပြီး ရန်ကုန်တိုင်း တရားရုံးက ပြစ်ဒဏ်ချမှတ်ခဲ့တာပါ။ ဒီလို ပြစ်ဒဏ်ချမှတ်ခဲ့တာနဲ့ ပတ်သက်ပြီး အယူခံ ပြင်ဆင်ချက်ကို ဒီကနေ့ နိုဝင်ဘာလ ၁၃ ရက်နေ့မှာ အကျိုးဆောင်ရှေ့နေတွေက တရားရုံးချုပ်ကို တင်သွင်းလိုက်ပါတယ်။ ဒါနဲ့ပတ်သက်ပြီး ရှေ့နေကြီး ဦးကြည်ဝင်းက ဗွီအိုအေကို အခုလို ပြောပါတယ်။
[ ဆက်ဖတ်ရန် +/- ]

"ပြင်ဆင်ဖို့ဆိုတာက နောက်ထပ် အယူခံ၊ ဒုတိယအယူခံ ရယ်လို့ မရှိဘူး။ လုပ်ထုံးလုပ်နည်းက ပြင်ဆင်မှု တက်တယ်။ ပြင်ဆင်မှု တက်တော့ ဒီကနေ့ ကျနော်နဲ့ ကျနော့်တပည့်မ ညွှန့်ညွှန့်အေး နဲ့ သွားတင်လိုက်ကြပါတယ်။ တင်လိုက်တော့ ဟိုက လက်ခံတယ်။ လက်ခံတယ်ဆိုတာက ဒီလိုဗျ၊ - သူတို့က ဒီနေ့ အမှုနံပါတ် ပေးလိုက်တာပေါ့။ ကျနော်တို့ အမှုနံပါတ်က (၆၀၀-ခ/၂၀၀၉) ပေါ့။"

ဒီပြင်ဆင်ချက်နဲ့ပတ်သက်ပြီး ဘယ်တော့ ကြားနာမလဲဆိုတာ အတိအကျတော့ မသိရသေးပါဘူး။ အမှုနံပါတ် ကျသွားပြီ ဖြစ်တဲ့အတွက် တရားရုံးချုပ်က သောကြာနေ့တိုင်း ၁၄ ရက်ကြာ ကြားနာမယ့် အမှုစာရင်းတွေကို ထုတ်ပြန်လေ့ရှိပြီး အဲဒီစာရင်းမှာ ပါမပါစောင့်ရင်း လုပ်ထုံး လုပ်နည်းအရ လျှောက်လဲချက်ပေးဖို့ စောင့်ရမှာဖြစ်တဲ့အကြောင်း ရှေ့နေကြီး ဦးကြည်ဝင်းက ရှင်းပြပါတယ်။

"ကောင်းပြီ လက်ခံသင့်မသင့် ကြားနာမယ်ဆိုရင် ကျနော်တို့ သွားလျှောက်လဲရမယ်။ လျှောက်လဲတော့ လက်ခံ သင့်ကြောင်း ကျနော်တို့ ခိုင်ခိုင်မာမာ ပြောနိုင်လို့ရှိရင် တရားရုံးက လက်ခံတယ် ဆိုပြီးတော့၊ သူက ဘာလုပ်မလဲ ဆိုတော့ ရှေ့နေချုပ်ရုံးကို အကြောင်းကြားမယ်။ ကျနော်တို့ ဒီ တင်ပြတဲ့ ပြင်ဆင်မှု အပိုကော်ပီ ရှေ့နေချုပ်ရုံးကို ပို့လိုက်တယ်။ ရက်ချိန်းတခု သတ်မှတ်ပေးမယ်။ အဲဒီနေ့ကျတော့ နှစ်ဖက်မျက်နှာစုံညီပေါ့ဗျာ။ ရှေ့နေချုပ်ရုံးရော၊ ကျနော်တို့ရော ပြိုင်ပြီးတော့ လျှောက်လဲကြရမှာပဲ။ ဒါပဲ။ အဲဒီအပေါ်မှာ နောက်တော့ ရက်ပိုင်းလောက်တော့ ဆုံးဖြတ်ချက် ချမှာ။"

မြန်မာစစ်အစိုးရဟာ ဒေါ်အောင်ဆန်းစုကြည်ကို နိုင်ငံရေးဖြစ်စဉ်တွေက ပထုတ်ဖို့အတွက် အမှုဆင်ပြီး နေအိမ်အကျယ်ချုပ် နဲ့ ဆက်လက် ဖမ်းဆီးထားတာ ဆိုပြီး အမေရိကန်ပြည်ထောင်စုက ပြောဆိုနေတဲ့အချိန်၊ ဒေါ်အောင်ဆန်းစုကြည် ကို လွှတ်ပေးဖို့ နိုင်ငံတကာက တောင်းဆိုနေတဲ့အချိန်မှာ အခုလို နေအိမ်အကျယ်ချုပ်အမှု အယူခံပြင်ဆင်ချက်ကို ဒေါ်အောင်ဆန်းစုကြည်ရဲ့ ရှေ့နေတွေက တင်သွင်းလိုက်တာပါ။ ဒါပေမဲ့လည်း မြန်မာစစ်အစိုးရဟာ နေအိမ်ခြံဝန်းထဲကို ရေကူးပြီး ခိုးဝင်ခဲ့တဲ့ အမေရိကန်နိုင်ငံသား ဂျွန်ယက်ထော ကို လွှတ်ပေးခဲ့ပေမဲ့ ဒေါ်အောင်ဆန်းစုကြည်ကို ဆက်လက် ဖမ်းဆီးခဲ့တာကြောင့် အခု တင်သွင်းတဲ့ပြင်ဆင်ချက်နဲ့ပတ်သက်လို့ ဘယ်လောက်အထိ မျှော်လင့်ချက် ရှိပါသလဲလို့ ရှေ့နေကြီး ဦးကြည်ဝင်း ကို ဆက်မေးကြည့်ပါတယ်။

"ကျနော်တို့က ရှေ့နေပီပီပေါ့ဗျာ။ ကျနော်တို့ ပြုစုပြီးတော့ ရေးသားထားတဲ့ ပြင်ဆင်မှုမှာ အကြောင်းပြချက်တွေနဲ့ ဖော်ပြတာကိုး။ အဲဒီတော့ အဲဒီအကြောင်းပြချက်တွေမှာ ကျနော်တို့ မျှော်လင့်ချက် အများကြီးထားတယ်။ ပထမအဆင့် လက်ခံပေးမှာကတော့ ကျနော် ထင်တယ်။ တော်တော်ကြီးကို သေချာတယ်။ လက်ခံပြီးရင်လည်း ထပ်ဆင့်ပြီးတော့ ပြောရင် အခု စီရင်ချက်၊ အပြစ်ပေးတဲ့ စီရင်ချက်က ဥပဒေနဲ့ မညီဘူး၊ မှားယွင်းတယ်ဆိုတာ သူတို့ မြင်နိုင်အောင်ကို ကျနော်တို့ တင်ပြမယ်။ မြင်လည်း မြင်မှာပါ။ သက်သက်မဲ့ မျက်လုံး ပိတ်ထားရင်တော့ မပြောတတ်ဘူး။ မဟုတ်ရင်တော့ မြင်အောင် ကျနော်တို့ တင်ပြမှာပါ။"

ဒီကနေ့ ဒေါ်အောင်ဆန်းစုကြည်ရဲ့ နေအိမ်အကျယ်ချုပ် အမှု အယူခံပြင်ဆင်ချက် တရားရုံးချုပ်ကို တင်သွင်းလိုက်တာနဲ့ ပတ်သက်ပြီး ရှေ့နေကြီး ဦးကြည်ဝင်း ပြောပြခဲ့တာပါ။ ( ဗွီအိုအေ )

Thursday, November 12, 2009

အမျိုးသားဒီမိုကရေစီအဖွဲ့ချုပ် ကြေငြာချက်အမှတ် ၂၈ / ၁၁ / ၀၉


[ ဆက်ဖတ်ရန် +/- ]


အမျိုးသားဒီမိုကရေစီအဖွဲ့ချုပ် ၈၉ နှစ်မြောက် အမျိုးသားအောင်ပွဲနေ့ အခမ်းအနား

မြန်မာ့ဒီမိုကရေစီအရေး အမေရိကန် အပေးအယူ လုပ်မည်မဟုတ်


အမေရိကန်ပြည်ထောင်စု အနေနဲ့ မြန်မာနိုင်ငံမှာ ဒီမိုကရေစီ အပြောင်းအလဲတွေ ပေါ်ပေါက်လာအောင် ဘာလုပ်ရမယ်ဆိုပြီး အမိန့်ပေး ညွှန်ကြားတာမျိုးတွေ လုပ်မှာမဟုတ်သလို စည်းကမ်းသတ်မှတ်ချက်တွေ ပြဋ္ဌာန်းမထားတဲ့အကြောင်း အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) က ပြောဆိုသွားပါတယ်။ ဒါပေမဲ့လည်း မြန်မာစစ်အစိုးရ ကျင်းပမယ့် ရွေးကောက်ပွဲကို လွတ်လပ်ပြီး တရားမျှတတဲ့ ရွေးကောက်ပွဲတခု ဖြစ်အောင် တိုက်တွန်းဖို့ ဒေသတွင်း နိုင်ငံတွေကို ပြောဆိုသွားပါတယ်။ အသေးစိတ်ကို ကိုသိန်းထိုက်ဦးက တင်ပြပေးထားပါတယ်။
[ ဆက်ဖတ်ရန် +/- ]

စင်ကာပူမှာ ကျင်းပနေတဲ့ အာရှ ပစိဖိတ်ဒေသ စီးပွားရေး ပူးပေါင်းဆောင်ရွက်ရေးအဖွဲ့ အေးပက် (APEC) အစည်းအဝေးမှာ အမေရိကန် နိုင်ငံခြားရေးဝန်ကြီး ဟီလာရီ ကလင်တန်က မြန်မာနိုင်ငံမှာ အပြောင်းအလဲတွေ ပေါ်ပေါက်လာရေး စစ်အစိုးရကို ဖိအားပေးဖို့ အမေရိကန် ပြည်ထောင်စု အနေနဲ့ ကြိုတင် စည်းကမ်းသတ်မှတ်ချက်တွေ ချမထားဘူးလို့ ပြောဆိုလိုက်တာပါ။ ဒါပေမဲ့လည်း ဒီမိုကရေစီရေးအတွက် အရေးကြီးတဲ့ နေရာတွေမှာ အဓိပ္ပာယ်ရှိတဲ့ တိုးတက်မှုတွေ ပေါ်ပေါက်လာတဲ့အထိ စစ်အစိုးရအပေါ် အရေးယူ ပိတ်ဆို့မှုကိုတော့ ပြဋ္ဌာန်းသွားမယ်လို့ ပြောဆိုလိုက်ပါတယ်။

ဒါ့အပြင် ဒေသတွင်းနိုင်ငံတွေ အနေနဲ့ တနိုင်ငံချင်းစီပဲဖြစ်ဖြစ်၊ အာဆီယံက တဆင့်ပဲဖြစ်ဖြစ် မြန်မာစစ်အစိုးရ ခေါင်းဆောင်တွေကို သူတို့ကျင်းပမယ့် ရွေးကောက်ပွဲ လွတ်လပ်ပြီး တရားမျှတတဲ့ ရွေးကောက်ပွဲဖြစ်အောင် တိုက်တွန်းနားချဖို့ ဟီလာရီ ကလင်တန်က ပြောဆိုသွားပါတယ်။

“မြန်မာနိုင်ငံတွင်း နိုင်ငံရေး အခြေအနေ၊ ရွေးကောက်ပွဲ လွတ်လပ် တရားမျှတပြီး ဒီမိုကရေစီခေါင်းဆောင် ဒေါ်အောင်ဆန်းစုကြည် ပါဝင်ခွင့်ကို အမေရိကန် ပြည်ထောင်စုက တိုက်တွန်းနေပေမဲ့လည်း ဒီကိစ္စက မြန်မာပြည် အတွင်းကသာ ဖြေရှင်း ဆောင်ရွက်ရမယ့်ကိစ္စ ဖြစ်တယ်။” လို့လည်း သူက သတင်းထောက်တွေကို ပြောပါတယ်။

မြန်မာနိုင်ငံမှာ ဒီမိုကရေစီ အပြောင်းအလဲတွေ ပေါ်လာဖို့အတွက် တရုတ်နဲ့ အိန္ဒိယနိုင်ငံတွေ အနေနဲ့လည်း တွန်းတွန်းတိုက်တိုက် ဆောင်ရွက်ဖို့ နိုင်ငံခြားရေးဝန်ကြီး ဟီလာရီ ကလင်တန်က ပြောဆိုသွားပါတယ်။

၁၉၆၂ ခုနှစ် ကတည်းက စစ်တပ်အုပ်ချုပ်ရေးအောက်မှာ ရောက်နေတဲ့ မြန်မာနိုင်ငံရဲ့ အခြေအနေကို ပြောင်းလဲဖို့ ဒေသတွင်း နိုင်ငံတွေရဲ့ ကျယ်ပြန့်တဲ့ တုံ့ပြန် အရေးယူမှုတွေ လိုအပ်တဲ့အကြောင်း သူက ပြောဆိုသွားပါတယ်။

အမေရိကန် ပြည်ထောင်စုဟာ မြန်မာစစ်အစိုးရ ကျင်းပဖို့ စီစဉ်ထားတဲ့ ရွေးကောက်ပွဲကို လွတ်လပ်ပြီး တရားမျှတတဲ့ ရွေးကောက်ပွဲတခုဖြစ်အောင် တွန်းအားပေးနေပေမဲ့ NLD အမျိုးသားဒီမိုကရေစီ အဖွဲ့ချုပ်ကတော့ မြန်မာစစ်အစိုးရ အတည်ပြုထားတဲ့ ဖွဲ့စည်းပုံ အခြေခံဥပဒေပါ ဒီမိုကရေစီနည်းလမ်း မကျတဲ့ အချက်တွေကို ပြင်ဆင်ဖို့အတွက် အဓိက တောင်းဆိုနေတာပါ။

ဒါပေမဲ့လည်း နိုင်ငံတကာက ရွေးကောက်ပွဲ တရားမျှတရေးကိုသာ အဓိကထား ပြောနေတဲ့အတွက် NLD ရဲ့ တောင်းဆိုချက်ကို ပစ်ပယ်သလို ဖြစ်မနေဘူးလား၊ အမျိုးသားဒီမိုကရေစီ အဖွဲ့ချုပ် သတင်းနဲ့ ပြန်ကြားရေးအဖွဲ့ တာဝန်ရှိသူ တဦးဖြစ်တဲ့ ဦးခင်မောင်ဆွေကို မေးကြည့်ပါတယ်။

“သူတို့ ဒီမှာ လာတုန်းကလည်း အခြေခံဥပဒေ ပြင်ဆင်ရေးကို သူတို့က စပြောသွားတာ မရှိပါဘူး။ ကျနော်တို့ ယူဆတာကတော့ အခြေခံဥပဒေ ပြင်ဆင်ခွင့် မပါဘဲနဲ့ ရွေးကောက်ပွဲတွေကို ၀င်ဖို့ဆိုတာဟာ အတော်ကြီးကို စဉ်းစားရမဲ့ အနေအထား၊ အနိုင်ရပါတီ တရပ်အနေနဲ့ ရွေးကောက်ပွဲတခုကို သွားဖို့နေရာမှာ ပြီးခဲ့တဲ့၊ အနိုင်ရခဲ့တဲ့ ရလဒ်ကို ချန်ထားပြီး သွားမယ်ဆိုရင် ပြည်သူလူထုကို စော်ကားရာ ရောက်မယ်။

“ရွေးကောက်ပွဲ နိုင်မထားတဲ့ နိုင်ငံရေးပါတီတွေ အနေနဲ့တော့ ဘယ်လိုပဲဖြစ်ဖြစ် လာမယ့် ရွေးကောက်ပွဲကို ၀င်သွားလို့ ရပါတယ်။ ကျနော်တို့ ပါတီလို အနိုင်ရထားတဲ့ ပါတီမျိုးဟာ ဒီလိုသာ ပြီးခဲ့တဲ့ ရွေးကောက်ပွဲရလဒ်ကို လျစ်လျူရှုပြီးတော့ သွားမယ်ဆိုရင် ပြည်သူ့ဆန္ဒကို မလေးစားရာ ရောက်မယ်ဆိုရင် နိုင်ငံရေးပါတီ တခုအနေနဲ့ ရှေ့အလားအလာ မကောင်းပါဘူး။

“ဒါကြောင့် ကျနော်တို့က ၉၀ ခုနှစ် ရွေးကောက်ပွဲ ရလဒ်ကို တနည်းနည်းနဲ့ အဆုံးသတ်ပေးဖို့၊ ဖြေရှင်းပေးဖို့ တောင်းဆိုနေတာ ဖြစ်တယ်။ ထို့နည်းတူစွာပဲ အခြေခံဥပဒေကို ပြင်ပေးဖို့ တောင်းဆိုတာဟာလည်း ဒီမိုကရေစီ ထွက်ပေါက်ကို ထွက်နိုင်အောင်လို့သာ တောင်းဆိုနေတာ ဖြစ်ပါတယ်။

“သို့သော်လည်း အမေရိကန် အစိုးရ အနေနဲ့ ဒီမှာလာပြီးတော့ ဒီမိုကရေစီ ပြုပြင်ပြောင်းလဲမှုတွေ ဖြစ်အောင်သာလျှင် သူတို့က အားပေးထောက်ခံတာ ဖြစ်ပြီး အဲဒီလို ပြုပြင်ပြောင်းလဲရေးတွေ ဖြစ်ပေါ်လာမယ်ဆိုရင် နိုင်ငံတွင်းမှာရှိတဲ့ ဒီမိုကရေစီ အင်အားစုတွေဟာ ကိုယ့်နည်းကိုယ့်ဟန်နဲ့ ကိုယ့်နိုင်ငံ ဒီမိုကရေစီ ဖော်ဆောင်မှုတွေကို ကိုယ့်ဘာသာ ဆွေးနွေးပြီးတော့ အခြေခံဥပဒေ ပြင်ဆင်ရေး အပါအ၀င် အားလုံးသော နိုင်ငံရေး ပြဿနာတွေကို ကိုယ့်နည်းကိုယ့်ဟန်နဲ့ ဖြေရှင်းကြဖို့ ဖြစ်တယ်ဆိုတဲ့ သဘောထား ရှိတယ်ဆိုတာ ကျနော်တို့ သိရပါတယ်။

“ဒါကြောင့် လောလောဆယ်မှာတော့ သူတို့က ၀င်ရောက်ပြီး အခြေခံဥပဒေကို ပြင်ဆင်ပေးဖို့ သူတို့က သူတို့ကိုယ်တိုင် တောင်းဆိုခြင်း မရှိတာလို့ပဲ ယူဆရပါလိမ့်မယ်။”

NLD အမျိုးသားဒီမိုကရေစီ အဖွဲ့ချုပ် သတင်းနဲ့ ပြန်ကြားရေးအဖွဲ့ တာဝန်ရှိသူ တဦးဖြစ်တဲ့ ဦးခင်မောင်ဆွေ ပြောပြသွားတာ ဖြစ်ပါတယ်။

ရွေးကောက်ပွဲ တရားမျှတရေးအတွက် စစ်အစိုးရကို တိုက်တွန်းပေးဖို့ ဒေသတွင်းနိုင်ငံတွေကို အမေရိကန် နိုင်ငံခြားရေးဝန်ကြီး ဟီလာရီ ကလင်တန် ပြောဆိုလိုက်တဲ့ အချိန်ဟာ လာမယ့် တနင်္ဂနွေနေ့ မြန်မာနိုင်ငံ အပါအ၀င် အာဆီယံအဖွဲ့ဝင် ၁၀ နိုင်ငံနဲ့ အမေရိကန်သမ္မတ ဘရက်ခ် အိုဘားမား (Barack Obama) တို့ တွေ့ဆုံဖို့ စီစဉ်ထားတဲ့ အချိန်နဲ့လည်း တိုက်ဆိုင်နေပါတယ်။ အဲဒီ တွေ့ဆုံတဲ့ အချိန်မှာလည်း အမေရိကန် ပြည်ထောင်စုနဲ့ အာဆီယံ နိုင်ငံတွေက မြန်မာစစ်အစိုးရကို သူတို့ကျင်းပမယ့် ရွေးကောက်ပွဲ လွတ်လပ်ပြီး တရားမျှတတဲ့ ရွေးကောက်ပွဲ ဖြစ်ရေးအတွက် တိုက်တွန်းပြောဆိုဦးမှာ ဖြစ်တဲ့အကြောင်း AP သတင်းဌာနက သတင်းထုတ်ပြန်ထားပါတယ်။ ( ဗွီအိုအေ )


နိုင်ငံ့ရှေ့ရေးနဲ့ ပတ်သက်လို့ ဒေါ်အောင်ဆန်းစုကြည် သဘောထား ထုတ်ပြန်ဖွယ်ရှိ

နေအိမ်မှာအကျယ်ချုပ်နဲ့ ဆက်ပြီး ထိန်းသိမ်းခံထားရတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ သူမရဲ့ အကျိုးဆောင်ရှေ့နေလည်းဖြစ်၊ NLD ပါတီ ပြောခွင့်ရသူလည်း ဖြစ်တဲ့ ဦးဉာဏ်ဝင်းတို့ ဒီကနေ့ နေ့လယ်က တွေ့ဆုံခွင့် ရခဲ့ပါတယ်။ ဒီလို တွေ့ဆုံတဲ့အချိန်မှာ နိုင်ငံအတွက် အရေးကြီးတဲ့ ကိစ္စရပ်တွေကို ဆွေးနွေးဖြစ်ခဲ့ကြောင်း အမျိုးသားဒီမိုကရေစီ အဖွဲ့ချုပ်က ပြောဆိုလိုက်ပါတယ်။ အကြောင်းစုံကို မအေးအေးမာက တင်ပြပေးထားပါတယ်။

ဒီကနေ့ တွေ့ဆုံမှုကတော့ မနက် ၁၀ နာရီကနေ ၁၁ နာရီထိ ဒေါ်အောင်ဆန်းစုကြည်ရဲ့ နေအိမ်မှာပဲ တွေ့ခွင့်ရခဲ့ပြီး နိုင်ငံ့အရေး၊ တိုင်းပြည်အရေး ကိစ္စတွေကို ဆွေးနွေးဖြစ်ခဲ့ကြောင်း အမျိုးသားဒီမိုကရေစီ အဖွဲ့ချုပ်ရဲ့ ပြောရေးဆိုခွင့်ရှိသူ ဦးဉာဏ်ဝင်းက အခုလို ပြောပြပါတယ်။

“နိုင်ငံရေးပါဗျ၊ နိုင်ငံရေးပါ၊ တိုင်းပြည်အရေးပါ။ ဟုတ်ပါတယ်။ ပါတီတွင်းဆိုတာထက် တိုင်းပြည်အတွက်၊ နိုင်ငံအတွက် အရေးကြီးတဲ့ ကိစ္စတွေ ပါပါတယ်။ ကျနော်တို့ အကောင်းဆုံးလုပ်ရပ် တခုပဲလို့ အဲဒီလောက်တော့ ပြောနိုင်ပါတယ်။”
[ ဆက်ဖတ်ရန် +/- ]

ထူးခြားတဲ့ လုပ်ငန်း ၂ ခုကို ဆွေးနွေးဖြစ်ခဲ့ရာမှာ ပါတီတွင်း ရှေ့လုပ်ရမယ့် လုပ်ငန်းစဉ်တွေ ပါဝင်တဲ့အကြောင်း အသေးစိတ်ပြောပြဖို့ ငြင်းဆိုခဲ့ပြီး ပါတီရဲ့ ဦးဆောင်ကော်မတီ CEC နဲ့ တိုင်ပင်ပြီးမှသာ သတင်းထုတ်ပြန်ပေးသွားမှာ ဖြစ်တဲ့အကြောင်းကိုလည်း ပြောသွားပါတယ်။

“ထူးခြားမှုက လုပ်ငန်း ၂ ခုပါ။ တခုကတော့ အဖွဲ့ချုပ်အတွင်း လုပ်ရမယ့် လုပ်ငန်းတွေကို ဆွေးနွေးကြတယ်။ အသေးစိတ်တော့ ကျနော် ပြောခွင့် မရှိပါဘူး။ တခြား အချက်အလက်တွေတော့ ကျနော် ပြောဖို့ မရှိပါဘူး။ ဆွေးနွေးတာလည်း အများကြီးပါ။ ခုန ကိစ္စ ဆောင်ရွက်ဖို့ကတော့ ကျနော် ဆောင်ရွက်ပါတယ်။ ဒေါ်အောင်ဆန်းစုကြည် သဘောတူပါတယ်။ CEC ကို တင်ပြထားပါတယ်။ CEC က လက်ခံတယ်ဆိုရင် အင်္ဂါနေ့မှာ သတင်းထုတ်ပြန်ပေးပါမယ်။”

ရှေ့နေကြီး ဦးဉာဏ်ဝင်းကို မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က အထူးတာဝန်တခု ပေးထားကြောင်း သိရှိရတဲ့အတွက် ဒီတာဝန်နဲ့ ပတ်သက်ပြီး ပြောပြနိုင်မလားလို့ မေးတဲ့အခါမှာတော့…

“အဲဒီတာဝန်နဲ့ ပတ်သက်ပြီး ကျနော် CEC ကို တင်ပြထားတယ်။ CEC က လာမယ့် တနင်္လာနေ့မှာ ပုံမှန် အစည်းအဝေးရှိတယ်။ အဲဒီ ပုံမှန် အစည်းအဝေးက ဒီတင်ပြချက်ကို လက်ခံလို့ရှိရင် အင်္ဂါနေ့မှာ သတင်းထုတ်ပြန်ပေးပါမယ်။”

ဒီနေ့ဆွေးနွေးတဲ့ ကိစ္စထဲမှာ ဒေါ်အောင်ဆန်းစုကြည်ရဲ့ နေအိမ် ပြုပြင်ရေး ကိစ္စတွေ ပါဝင်ကြောင်းကိုလည်း ဦးဉာဏ်ဝင်းက ဆက်ပြောပြပါတယ်။

“နောက်တခုက နေအိမ်ပြုပြင်ဖို့ကိစ္စ ပါမစ် (permit) ကျပါပြီ။ အဲဒီ ပါမစ်ကျတဲ့အခါ အင်ဂျင်နီယာနဲ့ ဒေါ်အောင်ဆန်းစုကြည် တွေ့ရေး၊ ပစ္စည်းတွေ ဘယ်တော့စုမယ်၊ လူ ဘယ်နှစ်ယောက်လုပ်မယ်၊ ဒီလိုကိစ္စတွေ ဆွေးနွေးကြပါတယ်။”

ဒေါ်အောင်ဆန်းစုကြည်ကတော့ သူမရဲ့ ပါတီက လုပ်ဖော်ကိုင်ဖက် ခေါင်းဆောင်တွေဖြစ်တဲ့ ဦးတင်ဦး အပါအ၀င် ဗဟိုအလုပ်အမှုဆောင် အကုန်လုံးနဲ့ တွေ့ဆုံခွင့်ရရေး တောင်းဆိုထားပေမဲ့ လက်ရှိမှာတော့ အာဏာပိုင်တွေဘက်က ခွင့်ပြုခြင်း မရှိသေးပါဘူး။ ( ဗွီအိုအေ )


Monday, November 9, 2009

နိုင်ငံရေး အကျဉ်းသားတွေ လွှတ်ရင် ဂျပန် အကူအညီ ပိုပေးမည်

မြန်မာနိုင်ငံမှာ ၂၀၁၀ ရွေးကောက်ပွဲ မတိုင်ခင် ဒေါ်အောင်ဆန်းစုကြည်ကို ပြန်လွှတ်ပေးဖို့ ဂျပန်ဝန်ကြီးချုပ် ယူကီအို ဟတိုယာမ (Yukio Hatoyama) က တိုက်တွန်းလိုက်ပါတယ်။

ရှေ့နှစ် မြန်မာနိုင်ငံမှာ ကျင်းပမယ့် ရွေးကောက်ပွဲကို ဒီမိုကရေစီ နည်းလမ်းတကျ ကျင်းပသွားတာကို ဂျပန်က မြင်လိုကြောင်းနဲ့ ရွေးကောက်ပွဲ မတိုင်ခင်မှာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားတွေ အားလုံးကို ပြန်လွှတ်ပေးဖို့ဟာ အင်မတန် အရေးကြီးကြောင်း ဂျပန်နိုင်ငံကို ရောက်နေတဲ့ မြန်မာဝန်ကြီးချုပ် ဗိုလ်ချုပ်ကြီးသိန်းစိန်ကို ဂျပန်ဝန်ကြီးချုပ် မစ္စတာ ဟတိုယာမက ပြောခဲ့တာ ဖြစ်ပါတယ်။

တိုကျိုမြို့တော်မှာ ပြုလုပ်ခဲ့တဲ့ ဂျပန်နဲ့ မဲခေါင်မြစ်ဝှမ်းဒေသ နိုင်ငံခေါင်းဆောင်တွေရဲ့ ဆွေးနွေးပွဲမှာ ဂျပန်ဝန်ကြီးချုပ်နဲ့ မြန်မာဝန်ကြီးချုပ်တို့ စနေနေ့က ဘေးထွက်ဆွေးနွေးခဲ့တာ ဖြစ်ပါတယ်။

မြန်မာနဲ့ အမေရိကန် အစိုးရကြားမှာ ထိတွေ့ဆက်ဆံဖို့ လုပ်လာတဲ့ အပေါ်မှာလည်း ဂျပန်က ကြိုဆိုခဲ့ပါတယ်။

အပြုသဘောဆောင်တဲ့ ခြေလှမ်းတွေလှမ်းရင် မြန်မာနိုင်ငံအတွက် လူသားချင်း စာနာတဲ့ ထောက်ပံ့မှုတွေကို ဂျပန်က တဖြည်းဖြည်း တိုးပေးသွားမယ်လို့ ဂျပန်ဝန်ကြီးချုပ်က မြန်မာဝန်ကြီးချုပ် ဗိုလ်ချုပ်ကြီးသိန်းစိန်ကို ပြောခဲ့ပါတယ်။

ဗိုလ်ချုပ်ကြီးသိန်းစိန်ဟာ ဂျပန်နိုင်ငံကို ၂၀၀၃ ခုနှစ် ကတည်းကဆိုရင် ပထမဆုံး လာရောက်တဲ့ မြန်မာခေါင်းဆောင်တယောက် ဖြစ်ပါတယ်။

မြန်မာနိုင်ငံက လူသားချင်း စာနာမှုနဲ့ ဖွံ့ဖြိုးတိုးတက်ရေး အကူအညီတွေကို ပေးနေတဲ့ ဂျပန်နိုင်ငံက မြန်မာနိုင်ငံအတွက် ၂၀၀၈ ခုနှစ်က ပေးခဲ့တဲ့ ထောက်ပံ့ကြေး အမေရိကန်ဒေါ်လာ ၁၃ သန်းကျော် ရှိခဲ့ပါတယ်။ ( ဗွီအိုအေ )

Friday, November 6, 2009

ဒေါ်အောင်ဆန်းစုကြည် နှင့် အမေရိကန်သံတမန်အဖွဲ့ တွေ့ဆုံမှု့ ရုပ်သံသတင်း

နိုင်ငံကျော် မင်းသား ကျော်သူ အသက် ၅၀ ပြည့် မွေးနေ့ကျင်းပ

ရွေးကောက်ပွဲ မတိုင်ခင် အတိုက်အခံနဲ့ ဆွေးနွေးဖို့ အမေရိကန် တိုက်တွန်း

အငြင်းပွားဖွယ် ဖြစ်နေတဲ့ ရှေ့နှစ် ၂၀၁၀ ရွေးကောက်ပွဲ မတိုင်ခင် နိုင်ငံရေး အတိုက်အခံ အင်အားစု အားလုံးနဲ့ မြန်မာစစ်အစိုးရတို့အကြား စကားပြောဆို ဆွေးနွေးတာတွေ လုပ်ကြဖို့ အမေရိကန် ထိပ်တန်း တာဝန်ရှိသူတွေက တိုက်တွန်းလိုက်ပါတယ်။ ဆယ်စုနှစ် တခုနီးပါးအတွင်း အမေရိကန် အဆင့်မြင့် ကိုယ်စားလှယ်တွေ သွားရောက်ခဲ့တဲ့ ခရီးစဉ်အပြီး မြန်မာပြည်တွင်း တွေ့ဆုံဆွေးနွေးပွဲတွေ လုပ်ဖို့ အခုလို တောင်းဆိုလိုက်တာလည်း ဖြစ်ပါတယ်။ ဒီအကြောင်းနဲ့ပတ်သက်လို့ ဗွီအိုအေ သတင်းထောက် ဒန်နီယယ် ရှာ့ဖ် (Daniel Schearf) သတင်းပေးပို့ထားတာကို မသင်းသီရိက တင်ပြပေးထားပါတယ်။

အမေရိကန်တို့ အနေနဲ့ မြန်မာနိုင်ငံနဲ့ တိုးတက်တဲ့ ဆက်ဆံရေးကို လိုလိုလားလား ရှိနေပါတယ်ဆိုတဲ့ အချက်က ရှင်းရှင်းလင်းလင်းပါပဲလို့ အမေရိကန် အဆင့်မြင့် သံတမန်တဦးဖြစ်တဲ့ စကော့ မာဆီယယ် (Scott Marciel) က မြန်မာနိုင်ငံက ပြန်လာပြီး နောက်တနေ့မှာ ပြောလိုက်ပါတယ်။ ဒါပေမဲ့ ဒီမိုကရေစီ နိုင်ငံတော် တခုအဖြစ် ဖြစ်ထွန်းမယ့် တိုးတက်မှု လက္ခဏာတွေ ရှိပါမှလို့လည်း ဆိုလိုက်ပါတယ်။
[ ဆက်ဖတ်ရန် +/- ]

အမေရိကန် နိုင်ငံခြားရေးဌာနက အာရှနဲ့ ပစိဖိတ်ရေးရာ လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် (Kurt Campbell) နဲ့အတူ သူ့ရဲ့လက်ထောက် စကော့ မာဆီယယ်တို့ အဖွဲ့ဟာ ၂ ရက်ကြာ မြန်မာပြည်ကို သွားခဲ့ပြီးတော့ စစ်အစိုးရအဖွဲ့က တာဝန်ရှိသူတွေနဲ့ရော၊ အတိုက်အခံ ဒီမိုကရေစီ ခေါင်းဆောင်တွေနဲ့ပါ တွေ့ဆုံဆွေးနွေးမှုတွေ ပြုလုပ်ခဲ့ပါတယ်။

မြန်မာပြည်က ပြန်လာပြီး ကြာသပတေးနေ့ ဘန်ကောက်မြို့ အရောက်မှာတော့ မစ္စတာ စကော့ မာဆီယယ်က နောက်နှစ် ၂၀၁၀ ရွေးကောက်ပွဲ မတိုင်ခင် ထိပ်တန်း အတိုက်အခံ အင်အားစုဖြစ်တဲ့ အမျိုးသား ဒီမိုကရေစီအဖွဲ့ချုပ် အပါအ၀င် မြန်မာစစ်အစိုးရက တွေ့ဆုံဆွေးနွေးမှုတွေ လုပ်ဖို့ တိုက်တွန်းခဲ့ပါတယ်။

“အမျိုးသား ဒီမိုကရေစီအဖွဲ့ချုပ်နဲ့ တိုင်းရင်းသား လူမျိုးစုအဖွဲ့ အမြောက်အမြားတို့က ဖွဲ့စည်းပုံ အခြေခံဥပဒေနဲ့ ပတ်သက်ပြီး မကြေလည်တဲ့ သဘောထားတွေ ပြင်းပြင်းထန်ထန် ရှိနေကြပါတယ်။ ဒါကြောင့် အစိုးရဟာ ရှေ့ကို ဘယ်လိုဆက်သွားမယ် ဆိုတာနဲ့ ပတ်သက်ပြီး ဒီပုဂ္ဂိုလ်တွေနဲ့ ဆွေးနွေးသင့်ပါတယ်။ အသေးစိတ်ကို ဘယ်လိုလုပ်ရမယ် ဆိုတာကတော့ သူတို့ ဆုံးဖြတ်ရမယ့် ကိစ္စပါ။ ကျနော့်အနေနဲ့ကတော့ ဒီလို ဆွေးနွေးမှုမျိုး မရှိဘဲ ဘယ်လိုမှ ရှေ့ကို မတိုးနိုင်ဘူးဆိုတာ သဘောပေါက်ထားပါတယ်။”

မြန်မာစစ်အစိုးရကတော့ ဆယ်စုနှစ် နှစ်စုနီးပါး အကြာမှ ပထမဆုံးအကြိမ် ရွေးကောက်ပွဲကို ရှေ့နှစ်ထဲမှာ ကျင်းပပေးမယ်လို့ စီစဉ်နေပေမဲ့ နိုင်ငံရဲ့ ဖွဲ့စည်းပုံ အခြေခံဥပဒေ အသစ်ထဲမှာ စစ်တပ်ရဲ့အာဏာနဲ့ လုပ်ပိုင်ခွင့်တွေ ပါဝင်နေတယ်လို့ ထောက်ပြကြပါတယ်။ မြန်မာနိုင်ငံမှာ ၁၉၉၀ ခုနှစ်တုန်းက ရွေးကောက်ပွဲ ပြုလုပ်ခဲ့ပေမဲ့ ရွေးကောက်ပွဲ အနိုင်ရ NLD ပါတီရဲ့ ရလဒ်ကို မြန်မာစစ်တပ်က အခုအချိန်အထိ အကောင်အထည် မဖော်ပေးသေးပါဘူး။ ဒါ့အပြင် အမျိုးသား ဒီမိုကရေစီအဖွဲ့ချုပ် ထိပ်တန်းခေါင်းဆောင် ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားပေါင်း ၂,၀၀၀ ကျော်ကိုလည်း အခုအချိန်မှာ ဖမ်းဆီး အပြစ်ပေးထားတာ ဖြစ်ပါတယ်။

ပြီးခဲ့တဲ့ ရက်ပိုင်းကပဲ မြန်မာပြည်က ပြန်လာတဲ့ အမေရိကန် ထိပ်တန်း သံတမန်တွေကတော့ မြန်မာစစ်ခေါင်းဆောင်တွေနဲ့ တွေ့ဆုံဆွေးနွေးစဉ်က ဆွေးနွေးမှု အကြောင်းအရာတွေကို အတိအကျ ထုတ်ဖော်ပြောဆိုခြင်း မရှိသလို ဖမ်းဆီး ထိန်းသိမ်းခံထားရတဲ့ ဒေါ်အောင်ဆန်းစုကြည် လွတ်မြောက်မယ်ဆိုတဲ့ အရိပ်လက္ခဏာမျိုးလည်း ပြောခဲ့တာ မရှိပါဘူး။

“မြန်မာအစိုးရက ဘာပြောတယ်၊ မပြောဘူးဆိုတာ သိပ်အရေးမကြီးပါဘူး။ သူတို့လုပ်ရပ်ကသာ ပိုအရေးကြီးပါတယ်။ ဒေါ်အောင်ဆန်းစုကြည်ကို လွှတ်မလား၊ မလွှတ်ဘူးလား ဆိုတာက အရေးကြီးတာပါ။ ပြောဆိုဆွေးနွေးမှုကတော့ နည်းနည်းရှိနေပါတယ်။ ဒါဟာ သိပ်ပြီး အကျိုးမရှိနိုင်သေးပါဘူး။ လွတ်မယ်၊ မလွတ်ဘူး ဆိုတာကလည်း အရေးကြီးပါတယ်။”

အမေရိကန် အဆင့်မြင့် သံတမန်တဦးဖြစ်တဲ့ စကော့ မာဆီယယ် ပြောပြခဲ့တာ ဖြစ်ပါတယ်။

မြန်မာနိုင်ငံကို သွားရောက်ခဲ့တဲ့ အမေရိကန် အဆင့်မြင့် ကိုယ်စားလှယ်တွေနဲ့ ဒေါ်အောင်ဆန်းစုကြည်တို့ တွေ့ဆုံခဲ့သလို မစ္စတာ စကော့ မာဆီယယ်ကတော့ သူမရဲ့ပါတီ NLD အဖွဲ့ဝင်တွေနဲ့ ဒေါ်အောင်ဆန်းစုကြည်တို့ဟာ ပုံမှန် တွေ့ဆုံခွင့်တွေ ပေးဖို့လိုတယ်လို့ မြန်မာစစ်အစိုးရကို တောင်းဆိုခဲ့ပါတယ်။

ဒါ့အပြင် သမ္မတ အိုဘားမား (Obama) က မြန်မာပြည်ဆိုင်ရာ အထူးကိုယ်စားလှယ်တဦး ခန့်အပ်မယ်လို့လည်း မစ္စတာ စကော့ မာဆီယယ်က ပြောပါတယ်။

စင်ကာပူနိုင်ငံမှာ ကျင်းပမယ့် အာရှနဲ့ ပစိဖိတ်ဆိုင်ရာ စီးပွားရေး ပူးပေါင်းဆောင်ရွက်မှု ညီလာခံကို နောက်တပတ်အတွင်း သမ္မတ အိုဘားမား သွားရောက်ဖို့ရှိပြီး မြန်မာနိုင်ငံ အပါအ၀င် အရှေ့တောင်အာရှ နိုင်ငံတွေက ခေါင်းဆောင်တွေနဲ့ တွေ့ဆုံဆွေးနွေးဖို့ ရှိပါတယ်။ ( ဗွီအိုအေ )

Thursday, November 5, 2009

ကာ့တ် ကမ်းဘဲလ် မြန်မာခရီးစဉ်ဆိုင်ရာ ကြေညာချက် ထုတ်

မြန်မာနိုင်ငံကို ၂ ရက်ကြာ သွားရောက် လည်ပတ်ခဲ့တဲ့ အမေရိကန် လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် (Kurt Campbell) ဟာ မြန်မာနိုင်ငံက မထွက်ခွာခင် ကြေညာချက်တစောင် ထုတ်ပြန်ခဲ့ပါတယ်။ ဒီကြေညာချက် အသေးစိတ်ကို မသင်းသီရိက တင်ပြပေးထားပါတယ်။

ရန်ကုန်မြို့မှာ အမေရိကန်သံရုံးက တဆင့် ထုတ်ပြန်တဲ့ ကြေညာချက် ဖြစ်ပါတယ်။ သူ့ရဲ့ ၂ ရက်တာ ခရီးစဉ်အတွင်းမှာ အစိုးရပိုင်းက တာဝန်ရှိပုဂ္ဂိုလ်တွေ၊ ဒီမိုကရေစီ အတိုက်အခံ အင်အားစုတွေနဲ့ တိုင်းရင်းသား လူမျိုးစု ခေါင်းဆောင်တွေ အပါအ၀င် ပုဂ္ဂိုလ် အများအပြားနဲ့ ကျယ်ကျယ်ပြန့်ပြန့် တွေ့ဆုံခဲ့တယ်လို့ ဖော်ပြထားပါတယ်။

ဒီခရီးစဉ်ဟာ မြန်မာနိုင်ငံနဲ့ ပတ်သက်ပြီး သုံးသပ်နေတဲ့ အမေရိကန်ရဲ့ မူဝါဒနဲ့ ပတ်သက်ပြီး မြန်မာနိုင်ငံအတွင်းမှာ သက်ဆိုင်တဲ့ အရေးကြီးပုဂ္ဂိုလ်တွေကို ရှင်းပြဖို့နဲ့ လူ့အခွင့်အရေး ပြည့်ဝမှု၊ ဒေါ်အောင်ဆန်းစုကြည်နဲ့ တကွ နိုင်ငံရေး အကျဉ်းသားတွေ လွတ်မြောက်မှု၊ ဒီမိုကရေစီ ဖော်ဆောင်ရေးတို့ကို ပြင်းပြင်းထန်ထန် ထောက်ခံကြောင်း ပြသဖို့ ရည်ရွယ်တဲ့ ခရီးစဉ်တခု ဖြစ်တယ်လို့ ဆိုပါတယ်။
[ ဆက်ဖတ်ရန် +/- ]

ဒီပုဂ္ဂိုလ်တွေနဲ့ တွေ့ဆုံမှုတိုင်းမှာ မြန်မာနိုင်ငံဟာ ပြည်သူတွေရဲ့ လူ့အခွင့်အရေးကို လေးစားလိုက်နာတဲ့ တိုင်းပြည်၊ ဒီမိုကရေစီကို မြှင့်တင် ဖော်ဆောင်နေတဲ့ တိုင်းပြည်၊ ကုလသမဂ္ဂရဲ့ နျူကလီးယား မပြန့်ပွားရေး စာချုပ်အတိုင်း လိုက်နာနေထိုင်တဲ့ တိုင်းပြည်တခုအဖြစ် အမေရိကန်တို့က မြင်လိုတယ်လို့လည်း အလေးအနက်ထား ဖော်ပြထားပါတယ်။

ဒီကနေ့မှာတော့ လူမျိုးစု ခေါင်းဆောင်တွေနဲ့ တွေ့ဆုံပြီး ဒေါ်အောင်ဆန်းစုကြည်နဲ့လည်း ၂ နာရီကြာ တွေ့ဆုံခဲ့ပါတယ်။ အဲဒီတွေ့ဆုံမှုတွေ အတွင်းမှာ အစိုးရ၊ ဒီမိုကရေစီ အတိုက်အခံနဲ့ တိုင်းရင်းသား လူမျိုးစုတွေကြားမှာ တွေ့ဆုံဆွေးနွေးရေးတရပ် ဖြစ်ဖို့လိုကြောင်း ထပ်မံပြီး အခိုင်အမာ ပြောကြားခဲ့ပါတယ်။ ဒီလိုတွေ့ဆုံမှုရဲ့ ဦးတည်ချက်ကတော့ မြန်မာနိုင်ငံမှာ အမျိုးသား ပြန်လည်သင့်မြတ်ရေးနဲ့ ဘက်ပေါင်းစုံ ပါဝင်တဲ့ နိုင်ငံရေး ဖြစ်စဉ်တရပ် အပြည့်အ၀ ဖော်ဆောင်ရေးတို့ပဲ ဖြစ်ပါတယ်။ ဒီဦးတည်ချက်ကို အကောင်အထည် ဖော်နိုင်ဖို့အတွက် ဒေါ်အောင်ဆန်းစုကြည်ကိုလည်း သူ့ရဲ့ NLD ပါတီ CEC အဖွဲ့ဝင်တွေနဲ့ မကြာခဏ တွေ့ဆုံပေးသင့်တယ်လို့လည်း စစ်အစိုးရကို တိုက်တွန်းခဲ့ပါတယ်။

စစ်အစိုးရရဲ့ ၀န်ကြီးချုပ်၊ ပြန်ကြားရေးဝန်ကြီး၊ သိပ္ပံနဲ့ နည်းပညာဆိုင်ရာ ၀န်ကြီး၊ စတဲ့ပုဂ္ဂိုလ်တွေနဲ့ တွေ့ဆုံတဲ့ အခါမှာတော့ နှစ်နိုင်ငံ ဆက်ဆံရေးကို တိုးမြှင့် ဆောင်ရွက်ဖို့အတွက် အမေရိကန်တို့က အဆင်သင့် ရှိနေကြောင်းနဲ့ ဒီကိစ္စကို နှစ်ဦးနှစ်ဘက် ဆောင်ရွက်ရမှာ ဖြစ်သလို မြန်မာစစ်အစိုးရဘက်ကလည်း ထိထိရောက်ရောက် ကြိုးပမ်း အားထုတ်မှုတွေ လုပ်ရမှာဖြစ်တယ် ဆိုတဲ့အကြောင်းကို ရှင်းရှင်းလင်းလင်း ဖော်ပြခဲ့ပါတယ်။

ဒါ့အပြင် နာဂစ်မုန်တိုင်း ဒုက္ခသည် ကူညီရေး၊ ကူးစက်ရောဂါ ပြန့်ပွားမှု တိုက်ဖျက်ရေးအတွက် ကူညီရေး ကိစ္စတွေကိုလည်း ဖော်ပြထားပါတယ်။

အမေရိကန် လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် မြန်မာနိုင်ငံက မထွက်ခွာခင် ထုတ်ပြန်ခဲ့တဲ့ ကြေညာချက် ဖြစ်ပါတယ်။

ကာ့တ် ကမ်းဘဲလ် ကြေညာချက်ထဲမှာပါတဲ့ တောင်းဆိုချက်တခု ဖြစ်တဲ့ ဒေါ်အောင်ဆန်းစုကြည်ကို NLD CEC တွေနဲ့ တွေ့ခွင့်ပေးသင့်တယ်ဆိုတဲ့ အချက်အတိုင်း စစ်အစိုးရက ဒေါ်အောင်ဆန်းစုကြည်နဲ့ တခြား NLD ခေါင်းဆောင်တွေ တွေ့ပေးဖို့ စီစဉ်ပေးခဲ့ပေမဲ့ ပါတီ ဒုတိယဥက္ကဋ္ဌ ဦးတင်ဦး မပါဝင်ရင် ဒေါ်အောင်ဆန်းစုကြည်က မတွေ့နိုင်ဘူးလို့ ပြောကြားခဲ့တယ်လို့ စစ်အစိုးရ သတင်းတွေမှာ ကြေညာသွားပါတယ်။ ဒီကိစ္စနဲ့ ပတ်သက်ပြီး NLD ဗဟိုအလုပ်အမှုဆောင် အဖွဲ့ဝင် ဦးဝင်းတင်က အခုလို မှတ်ချက်ပေးပါတယ်။

“ကျနော့်သဘော ပြောရရင် ကျနော်က ဒေါ်စုနဲ့ မတွေ့တာလည်း နှစ်ပေါင်း ၂၀ ကျော်ပြီ။ ကျနော် အကြာဆုံးပေါ့ဗျာ၊ မတွေ့တဲ့လူထဲမှာ။ ဦးတင်ဦးနဲ့လည်း နှစ်ပေါင်း ၂၀ ကျော်ပြီ၊ မတွေ့ရဘူး။ အဲတော့ ဒီပုဂ္ဂိုလ် ၂ ယောက်နဲ့ ကျနော် မတွေ့လိုက်ရတဲ့ အတွက်တော့ ကျနော့်အဖို့ကတော့ အများကြီးကို စိတ်မကောင်းဖြစ်စရာ ကိစ္စပဲ။ သို့သော် ဒေါ်စုလုပ်တာ Morally မှန်တယ်ဗျ၊ ဒီလိုလုပ်ရမယ်။

“ဆိုပါတော့ဗျာ၊ NLD မှာ ကျနော်နဲ့ ဦးခင်မောင်ဆွေဆိုရင် စစ်အစိုးရက တရားဝင် CEC မဟုတ်ဘူးဆိုပြီး အမြဲတမ်း ပယ်ပယ်ချတယ်။ ဂမ်ဘာရီနဲ့ခေါ်တယ်၊ ကျနော်တို့ မပါဘူး။ မစ္စတာဘန်ကီမွန်းနဲ့ တွေ့တယ်၊ ကျနော်တို့ မပါဘူး။ ဂျင်မ်ဝက်ဘ်နဲ့ တွေ့တယ်၊ ကျနော်တို့ မပါဘူး။ ကျနော်တို့ စစ်အစိုးရလုပ်တိုင်း ခံခဲ့ရတာတွေ အများကြီးရှိတယ်။ နေရာတိုင်းမှာ ကျနော်က ငုံ့မခံနိုင်ဘူး။ သည်းညည်းခံတာက တမျိုးဗျာ၊ ငုံ့မခံနိုင်ဘူး။ ဒေါ်စုလုပ်တာ ကျနော် ထောက်ခံတယ်။ ဒါ နည်းကိုယူရမယ့်ကိစ္စ ဖြစ်တယ်လို့ ကျနော် ပြောချင်တယ်။”

NLD ဗဟိုအလုပ်အမှုဆောင် အဖွဲ့ဝင် ဦးဝင်းတင် ပြောပြသွားတာ ဖြစ်ပါတယ်။ ( ဗွီအိုအေ )

အမေရိကန် လက်ထောက် နိုင်ငံခြားရေးဝန်ကြီး ဒေါ်စုနဲ့တွေ့


မြန်မာနိုင်ငံကို ရောက်နေတဲ့ အမေရိကန် နိုင်ငံခြားရေးဌာန လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် (Kurt Campbell) နဲ့ အဖွဲ့ဟာ ဒီကနေ့မှာ မြန်မာစစ်အစိုးရ ၀န်ကြီးချုပ် ဗိုလ်ချုပ်ကြီးသိန်းစိန်နဲ့ နေပြည်တော်မှာ တွေ့ဆုံသလို မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်၊ နောက် အခြား အတိုက်အခံ ခေါင်းဆောင်တွေကို ရန်ကုန်မှာ တွေ့ဆုံခဲ့ပါတယ်။ မြန်မာ့နိုင်ငံရေးမှာ အရေးပါသူတွေရဲ့ အမြင်သဘောထားကို တီးခေါက်မေးမြန်းတဲ့ တွေ့ဆုံမှုတွေလို့ ပြောနိုင်ပါတယ်။ အကြောင်းစုံကို စုံစမ်းမေးမြန်းထားတဲ့ ကိုသားညွန့်ဦးက တင်ပြပေးထားပါတယ်။
[ ဆက်ဖတ်ရန် +/- ]

အမေရိကန် အထူးကိုယ်စားလှယ်အဖွဲ့ မြန်မာခရီးစဉ် ဒုတိယမြောက်နေ့မှာ လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ်နဲ့ အဖွဲ့ဟာ နေပြည်တော်မှာ ဒီမနက် မြန်မာစစ်အစိုးရ ၀န်ကြီးချုပ် ဗိုလ်ချုပ်ကြီးသိန်းစိန်နဲ့ တွေ့ဆုံပြီးတဲ့နောက် ရန်ကုန် အင်းလျားလိတ်ဟိုတယ်မှာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ နှစ်နာရီကြာ တွေ့ဆုံခဲ့ပါတယ်။ ဒေါ်အောင်ဆန်းစုကြည်ကို ပြီးခဲ့တဲ့ အင်းစိန်ထောင် တရားခွင် ပြီးကတည်းကဆိုရင် ဒီတကြိမ်ဟာ အများပြည်သူမြင်ကွင်းမှာ ပထမဆုံး ပြန်မြင်တွေ့ရတာပါ။

ဒီနောက်တော့ အခြား အမျိုးသားဒီမိုကရေစီအဖွဲ့ချုပ် ခေါင်းဆောင်တွေ တိုင်းရင်းသား နိုင်ငံရေးပါတီက ခေါင်းဆောင်တွေနဲ့ သီးခြားစီ တွေ့ဆုံခဲ့ပါတယ်။ အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင် အဖွဲ့ဝင် ၆ ဦးနဲ့ နေ့လယ် ၃ နာရီခန့်မှာ အဖွဲ့ချုပ်ရုံးမှာပဲ တနာရီကျော်ကြာ တွေ့ဆုံပါတယ်။ ဒီတွေ့ဆုံမှုနဲ့ ပတ်သက်ပြီး အဖွဲ့ချုပ် ပြောခွင့်ရပုဂ္ဂိုလ် ဒေါက်တာဝင်းနိုင်က အခုလို ရှင်းပြပါတယ်။

“ရွှေဂုံတိုင် ကြေညာချက်အတိုင်းပဲ ကျနော်တို့ရဲ့ ရပ်တည်ချက်၊ အဓိက ဒီဟာကို ကျနော်တို့ ရှင်းပြတာပါ။ ရှင်းပြတဲ့အခါ နိုင်ငံရေး အကျဉ်းသားများ လွတ်မြောက်ရေး၊ အဆုံးအဖြတ်ပေးနိုင်တဲ့ ပုဂ္ဂိုလ်တွေ တွေ့ဆုံဆွေးနွေးရေး၊ ဒီတွေ့ဆုံဆွေးနွေးရေးမှာ အခြေခံဥပဒေ ပြင်ဆင်ရေးတို့ ဘာတို့ပေါ့၊ အဓိက ပါတယ်။ ဆွေးနွေးပွဲတွေကရတဲ့ ရလဒ်တွေအတိုင်း နိုင်ငံရေးလမ်းကြောင်းကို ရှေ့ဆက် ခရီးသွားဖို့ပါ။”

မစ္စတာ ကာ့တ် ကမ်းဘဲလ်တို့ဘက်ကရော ဘာများ တုံ့ပြန်ဆွေးနွေးမှု ရှိပါသလဲ။

“သူတို့က facts finding ဖြစ်တယ်၊ ဒါကလည်း first mission ဆိုတော့ သူတို့အနေနဲ့ ပြန်လည်ပြောကြားတာ သိပ်ပြီး မရှိပါဘူး။ အဓိကအားဖြင့်တော့ သူတို့က မြန်မာနိုင်ငံမှာ လူ့အခွင့်အရေးနဲ့ ဒီမိုကရေစီရေးတွေ တိုးတက်ဖို့နဲ့ မြန်မာနိုင်ငံအတွင်းမှာ အချင်းချင်း တွေ့ဆုံဆွေးနွေးရေး dialogue ဖြစ်ဖို့ကို သူတို့ အဓိကထားပြီး ဆောင်ရွက်ဖို့လာတဲ့ အကြောင်းပဲ ပြောပါတယ်။”

တွေ့ဆုံဆွေးနွေးမှုနဲ့ ပတ်သက်လို့ ဘာရလဒ်တွေ ထွက်လာတယ်လို့ ယူဆလို့ရမလဲ။

“ဒါတွေက အခုအချိန်မှာတော့ သူတို့က အချက်အလက် စုဆောင်းပြီး ဘာဆက်လုပ်ရမလဲဆိုတာ ရှေ့ကို စဉ်းစားဖို့ပေါ့။ ကုလသမဂ္ဂ အထွေထွေ အတွင်းရေးမှူးချုပ် လာတဲ့အချိန်မှာ ဒေါ်အောင်ဆန်းစုကြည်နဲ့လည်း တွေ့ခွင့်မရဘူး၊ အဖွဲ့ချုပ် ခေါင်းဆောင်တွေကိုလည်း နေပြည်တော် ခေါ်တယ်၊ ကန့်သတ်ထားတဲ့ သူတို့ တွေ့ဆုံစေချင်တဲ့ ပုဂ္ဂိုလ်တွေနဲ့ပဲ တွေ့ဆုံရတယ်။ ဆိုလိုတာက CEC ထဲမှာ နောက်တိုးတဲ့ CEC ပေါ့၊ ဦးဝင်းတင်တို့ ဦးခင်မောင်ဆွေတို့ မပါဘူး။

“အခုအခါမှာတော့ ကျနော်တို့ရုံးခန်းကို လာတွေ့နိုင်တယ်။ အချိန်ရသလောက် တွေ့နိုင်တယ်၊ ဆွေးနွေးချင်တဲ့ အကြောင်းအရာတွေကို လွတ်လွတ်လပ်လပ် ဆွေးနွေးနိုင်တယ်။ ကျနော်တို့ဘက်ကလည်း တွေ့ဆုံချင်တဲ့ ပုဂ္ဂိုလ်တွေ တွေ့ဆုံနိုင်တယ်ဆိုတဲ့ ဒီအခြေအနေတွေကတော့ ထူးခြားတိုးတက်တဲ့ လက္ခဏာတွေပေါ့ဗျာ။”

ဒေါ်အောင်ဆန်းစုကြည်နဲ့ တွေ့ဆုံခဲ့တာနဲ့ ပတ်သက်လို့ရော ဘာများ ပြောသေးလဲခင်ဗျ။

“အဲဒါတော့ ဘာမှမပြောဘူး။ အဓိက သူပြောသွားတာက ဒေါ်အောင်ဆန်းစုကြည်က အင်မတန် ကျန်းမာရေး ကောင်းတယ်။ သူ တွေ့ဘူးသမျှ အသက် ၆၀ ကျော် အမျိုးသမီးတွေထဲမှာ ဒေါ်အောင်ဆန်းစုကြည်က active အဖြစ်ဆုံးပဲလို့ သူက ပြောသွားတယ်။”

အမေရိကန် ကိုယ်စားလှယ်အဖွဲ့ဟာ ဖျက်သိမ်းခံ တိုင်းရင်းသား နိုင်ငံရေးပါတီက ဦးအေးသာအောင်၊ ပူကျင့်ရှင်းထန်၊ နိုင်ထွန်းသိန်း၊ ဦးရွှေအုန်း အပါအ၀င် ရန်ကုန်မှာ သီးခြားတွေ့ဆုံခဲ့ပါတယ်။ ဖျက်သိမ်းခံ နိုင်ငံရေးပါတီ ခေါင်းဆောင်တွေကတော့ အမေရိကန်နဲ့ မြန်မာအစိုးရ ဆက်ဆံရေးအပြင် မြန်မာအစိုးရနဲ့ အတိုက်အခံတွေ အကြား တွေ့ဆုံဆွေးနွေးမှုတွေ ဖြစ်လာဖို့ ဆောင်ရွက်ဖို့ အမေရိကန် ကိုယ်စားလှယ်တွေကို တိုက်တွန်းခဲ့ပါတယ်။ တွေ့ဆုံတဲ့အထဲမှာပါတဲ့ ဖျက်သိမ်းခံ နိုင်ငံရေးပါတီ ခေါင်းဆောင်တဦးဖြစ်တဲ့ ပူကျင့်ရှင်းထန်က အခုလို ရှင်းပြပါတယ်။

“ဒါတွေကို ပြေလည်အောင် အရင်လုပ်ဖို့ လိုတယ်။ ဒီလို ဆွေးနွေးတိုင်ပင်တဲ့အခါမှာ NLD ပြောသလို ကျနော်တို့က ၂၀၀၈ ဖွဲ့စည်းပုံ ဆိုတဲ့ဟာတွေကို ပြန်ပြီးပြုပြင်ဖို့၊ ပြန်ပြီး ဆွေးနွေးတိုင်ပင်ဖို့က အများကြီး လိုနေတယ်။ အဲဒါတွေ ကြည့်ပေးပါလို့ တင်ပြတာပါ။”

ကျနော်တို့ သိရသလောက် ဒီနေ့မနက် ၀န်ကြီးချုပ် ဗိုလ်ချုပ်ကြီးသိန်းစိန်နဲ့ တွေ့ရပါတယ်။ အန်ကယ် ဦးကျင့်ရှင်းထန် ဘယ်လို ယူဆပါသလဲ။ ဒီခရီးစဉ်က ရလဒ်ကောင်းတွေ ရနိုင်မယ်လို့ မျှော်လင့်ပါသလား။

“အဲဒါတော့ ပြောလို့မရသေးပါဘူး။ ဒါပေမဲ့ ဒီလောက်ကြာကြာ တွေ့တာ၊ ဆွေးနွေးတာ မရှိတဲ့ကြားမှာ အခုလို ခပ်စိတ်စိတ်လေးလာပြီး ဒီလိုပဲ ဆွေးနွေးတယ်၊ ကျနော်တို့တောင်မှ အစိုးရကနေပြီး ပါတီ ဖျက်သိမ်းခံရတဲ့၊ ဒီလူတွေ ဘာမှမဟုတ်ဘူးဆိုတဲ့ လူတွေတောင်မှ လာပြီး ဆွေးနွေးတယ်၊ လုပ်တယ်ဆိုရင် ကောင်းတဲ့ အလားအလာတော့ ရှိမယ်။ ခါတိုင်းထက်တော့ ကောင်းလိမ့်မယ်လို့ ကျနော်တော့ အဲဒီလိုပဲ အားရတယ်။”

အမေရိကန် ကိုယ်စားလှယ်အဖွဲ့ဟာ ညနေ မပြန်ခင်မှာတော့ တိုင်းရင်းသား စည်းလုံးညီညွတ်ရေးပါတီကို သွားရောက်တွေ့ဆုံခဲ့ပါတယ်။ အခု ဒီကနေ့ နိုင်ငံရေးပါတီတွေနဲ့ တွေ့ဆုံစဉ်မှာတော့ အပြန်အလှန် ဆွေးနွေးတာထက် ဒီခေါင်းဆောင်တွေ၊ အဖွဲ့အစည်းတွေရဲ့ နိုင်ငံရေးသဘောထား အမြင်တွေကို တီးခေါက် မေးမြန်းတာ၊ အမေရိကန်ပြည်ထောင်စုရဲ့ မူဝါဒသစ်ကို ရှင်းပြတာလောက်ပဲ ရှိပြီး နောက်ပိုင်း ပိုပြီး ထိစပ် ဆက်ဆံသွားမယ့်သဘော တွေ့ရပါတယ်။ မစ္စတာ ကာ့တ် ကမ်းဘဲလ်နဲ့ အဖွဲ့ဟာ ဒီကနေ့ ညနေပိုင်း ရန်ကုန်လေဆိပ်မှာ သတင်းထောက်တွေကို နှစ်ရက်ကြာ မြန်မာနိုင်ငံ ခရီးစဉ်အကြောင်း ရှင်းပြခဲ့ပြီး အခု မြန်မာနိုင်ငံကနေ ပြန်လည်ထွက်ခွာသွားပြီ ဖြစ်ပါတယ်။ ( ဗွီအိုအေ )

သစ္စာဓိဌာန်

၁။ ငါတို့သည် နိူင်ငံတော်နှင့် တိုင်းရင်းသားပြည်သူများအပေါ် သစ္စာရှိပါမည်။
1.We Will Be Loyal To The State And Its People.
၂။ ငါတို့သည် ဒီမိုကရေစီ အရေးတော်ပုံ ခေတ်အဆက်ဆက်တွင်ကျဆုံးသွားသော အာဇာနည် သူရဲကောင်းများအပေါ် သစ္စာရှိပါမည်။
2.We Will Be Loyal To The Heroic Martyrs Who Fall In Successive Struggles For Democracy.
၃။ ငါတို့သည် အဖွဲ့ချုပ် အပေါ်သစ္စာရှိ၍ ပေးအပ်သော တာဝန်နှင့်ဝတ္တရားများကို ကျေပွန်စွာ ထမ်းဆောင်ပါမည်။
3.We Will Be Faithful To The National League For Democracy And Dutifully Carry Out The Tasks And Responsiblities Assigned To us.
၎။ ငါတို့သည် ဒီမိုကရေစီနိူင်ငံတော်သစ် ထူထောင်နိူင်သည်အထိ အသက်စွန့်၍ တိုက်ပွဲဝင်သွားရန် သစ္စာဓိဌာန်ပြုပါသည်။
4.We Take This Solemn Oath To Keep On Fighting, Sacrificing Even Our Own Lives Until We Can Establish The New Democratic State.

ပြည်သူ့ဆန္ဒအမှန်

အချက်အလက်များရှာဖွေရန်

Google
WebThis Site

download zaw gyi font

မြန်မာ-Translator

Translate

MWTV

MWTV
ကိုရီးယားရောက် မြန်မာနိုင်ငံသား ရွှေ့ပြောင်းအလုပ်သမားများ အတွက် သတင်းမီဒီယာ

အာဇာနည်တို့စကား

.....လွတ်လပ်စွာ ၀င်ရောက်ပါဝင် ဆွေးနွေးနိုင်ပါသည်။ .....

တိုက်ပွဲဝင်ရဲဘော်များ

ဧည့်သည်တော်များ

   

your ip address

ကျေးဇူးတင်စကား


Powered by IP2Location.com

ဘာတွေဖတ်နေတာလဲ

online ပေါ်ကသူတို့

online ပေါ်ကဧည့်သည်တော်

Total Pageviews