ရန်ကုန်က မြန်မာ့အရေး ဆွေးနွေးပွဲ ဖြစ်မြောက်ရေး ကော်မတီမှာ ပါဝင်နေသော သူများသမိုင်းအကျဉ်း။

ဖြိုးမင်းသိန်း ဆိုတဲ့ သူ့ရဲ့ သမိုင်းအကျဉ်း

၁၉၈၈-သံလျှင်လူ့ဘောင်သစ်ပါတီတွင်ပါဝင်လှုပ်ရှားခဲ့သည်.။နောက်ဗကသကျောင်းသားအဖွဲ့
တွင်လည်းပါဝင်ခဲ့သည်။၁၉၉၀အောက်ဗတွင်လုပ်ခဲ့ပါသည်.။၁၉၉၁ဒေါ်ချိုချိုကျော်ငြိမ်း၊ရွှေထီးတို့နဲ့
အမှုတွဲဖြစ်ပြီး(ရ)နှစ်ကျခဲ့ပါသည်.။၊၁၉၉၅ထောင်တွင်းနောက်မှုတစ်ခုတိုးပြီး၊ဦးဝင်းတင်တို့နဲ့နောက်
အမှုတွဲဖြစ်ခဲ့သည်.၊တောင်ငူထောင်မှပြန်ခေါ်ပြီး၂၀၀၀တောင်ငူထောင်နောက်မှု-(ရ)နှစ်ထပ်ကျခဲ့
ပြန်သည်.။နောက်မြောင်းမြထောင်သို့ပြောင်းရွှေ့ခဲ့ပြီး။မြောင်းမြထောင်ကနေပြီး(၂၀၀၅ဇူလိုင်၆)
လွတ်ထောင်မှပြန်လည်လွတ်မြောက်ခဲ့ပြီး။နိုင်ငံရေးကိုလုံးဝပါဝင်ပါတ်သက်မှုများမရှိတော့ဘဲဘယ်
နေရာမှမပါဝင်တော့ပါ။စီးပွားရေးကိုဘဲလုပ်နေပြီး။ယခုတွင်၈၈ကျောင်းသားခေါင်းဆောင်ကိုဌေးကြွယ်
်ညီမနှင့်အိမ်ထောင်ကျနေခဲ့ပါသည်.။

သိန်းဌေး ဆိုတဲ့ သူ့ရဲ့ သမိုင်းကြောင်း အကျဉ်း..။

၁၉၈၈ဗကသတွင်ပါဝင်ပါတ်သက်ခဲ့ပြီး။စစ်အာဏာသိမ်းသော်အခါတောခိုခဲ့ပါသည်.။၁၉၈၈နိုဝင်ဘာ
၁ရက်မှာလှအောင်နှင့်အတူပြည်တွင်းသို့ပြန်ဝင်ခဲ့သည်.။၁၉၈၉တပ်ဦးတောတွင်းပြန်များနှင့်ပေါင်း
တိုက်ပွဲကော်မတီဖွဲ့စဉ်ကပါခဲ့နောက်ပိုင်းဘာမှမလုပ်တော့ဘဲနေခဲ့ပြီး။စီးပွားရေးသမားတဦးအဖြစ်
အနော်ရထာ(ဖရေဇာ)လမ်းမပေါ်မှာ လျှပ်စစ်ပစ္စည်းဆိုင်ဖွင့်လှစ်ခဲ့သည်။၂၀၀၉-ကိုကိုလတ်(ဘီဘီစီ)
နှင့်တွဲ၍ စီးပွားရေးပိတ်ဆို့မှုဆန့်ကျင်ရေး ကင်ပိန်းတခု လုပ်ခဲ့သည်.။
[ ဆက်လက်ဖတ်ရှု့ပါရန် +/- ]

မင်းလွင် ဆိုသူ့ရဲ့ သမိုင်းအကျဉ်း..။


၁၉၈၈တောခိုပြီးမယ်တော်ကျောင်း၁၃၅ယောက်အုပ်စုနှင့်၁၉၈၈ခုနှစ်တွင်ပြန်လည်ပြီးပြည်တွင်း
သို့်ဝင်ရောက်ခဲ့ပါသည်.။၁၉၈၉တိုက်ပွဲကော်မတီပါဝင်ခဲ့ဘူးပြီး။နောက်ပိုင်းတွင်ဘာမှမလုပ်တော့ပါ။
စီးပွားရေးကိုရခိုင်ဘက်တွင် ရေလုပ်ငန်းကုမ္မဏီတခုကိုလုပ်နေခဲ့ပါသည်။


သောင်းဝင်း ဆိုသူ့ရဲ့ သမိုင်းအကျဉ်း.


၁၉၉၆ထောင်ကျခဲ့ပြီး။၂၀၀၂တွင်မြောင်းမြထောင်မှလွတ်မြောက်ခဲ့သည်.။ထောင်မှပြန်လည်
လွတ်မြောက်လာပြီးမြောက်ဒဂုံတွင်နေထိုင်ပြီး။နိုင်ငံရေးမှုဖြင့်ထောင်မှပြန်လည်လွတ်မြောက်လာ
သောထောင်ထွက်များကြား နံမည်ပျက်ရှိခဲ့သူတဦးဖြစ်သည်.။ထောက်လှမ်းရေးသတင်းပေးလို့ သူ့အားပြောကြသည်။



သိန်းတင်အောင် ဆိုသူ့ရဲ့ သမိုင်းအကျဉ်း.။


၁၉၈၈ မှာပါဘူးသည်ဟုပြောခဲ့ဘူးသည်။ အေးလွင်တို့နှင့်တွဲ anti section လုပ်ခဲ့သည်။ဝေစုများ
မတည့်၍အေးလွင်အဖွဲ့မှထွက်လာခဲ့ပြီး။၂၀၀၉ကိုကိုလတ်(ဘီဘီစီ)နှင့်တွဲ၍စီးပွားရေးပိတ်ဆို့မှုဆန့်
ကျင်ရေးကင်ပိန်းတခု လုပ်ခဲ့သည်။ယခု ဦးသုဝေ ပါတီ တွင် ပါနေခဲ့သည်.။

သမိုင်းမကောင်းခဲ့သော သူများက ရန်ကုန်က မြန်မာ့အရေး ဆွေးနွေးပွဲ ဖြစ်မြောက်ရေး ကော်မတီ ကို ဖွဲ့ထားတယ်ဆိုတာကတော့ ပြည်သူများကို ဒီလို ၈၈ အမည်ခံပြီး မရိုးသားသော နိုင်ငံရေး လှည့်ကစားနေတဲ့ လှည့်ဖြားနေတဲ့ လုပ်ရပ်တွေကို သတိထားကြဖို့  တိုက်တွန်းလိုက်ရပါတယ်။

သူတို့၏ သမိုင်းအချက်အလက် များကို ကျမမြတ်လေးငုံအား ပြန်လည်မျှဝေ ပေးသော (၈၈နိုင်ငံရေးအကျဉ်းသား များအား)ကျေးဇူးတင်ပါသည်.။

မြတ်လေးငုံ http://myatlayngon.blogspot.com/

ဒေါ်အောင်ဆန်းစုကြည်သတ္တိ ဗြိတိန်ဝန်ကြီးချုပ် ချီးကျူး

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ စွန့်လွှတ် အနစ်နာခံမှုနဲ့ သတ္တိပြောင်မြောက်မှုတွေကို ချီးကျူး ထောက်ခံကြောင်း ရေးသားထားတဲ့ အိတ်ဖွင့်ပေးစာတစောင် ဗြိတိသျှဝန်ကြီးချုပ် ဂေါ်ဒွန် ဘရောင်း (Gordon Brown) က ဒီကနေ့ ထုတ်ပြန်လိုက်ပါတယ်။ ဒါ့အပြင် စစ်အစိုးရ အနေနဲ့ ၂၀၁၀ ခုနှစ်မှာ ကျင်းပဖို့ စီစဉ်ထားတဲ့ ရွေးကောက်ပွဲကို ပေးထားတဲ့ ကတိအတိုင်း လွတ်လပ်ပြီး တရားမျှတမှုရှိအောင် လုပ်ဆောင်ပေးဖို့ သူ့စာထဲမှာ မစ္စတာဘရောင်းက တောင်းဆိုထားပါတယ်။ အပြည့်အစုံကို ကိုဇော်ဝင်းလှိုင်က တင်ပြပေးထားပါတယ်။
[ ဆက်လက်ဖတ်ရှု့ပါရန် +/- ]

မြန်မာ့ဒီမိုကရေစီအရေးကို ဆက်လက် ထောက်ခံ အားပေးသွားမယ်လို့ မစ္စတာဘရောင်းက သူ့စာထဲမှာ ပြောဆိုထားပါတယ်။ ဒါ့အပြင် ဒေါ်အောင်ဆန်းစုကြည်ကို နေအိမ်အကျယ်ချုပ်နဲ့ ဆက်လက် ထိန်းသိမ်းထားတာကို ကြည့်ခြင်းအားဖြင့် သူတို့ရဲ့ အကြမ်းဖက် ရက်စက်မှုတွေကို ရပ်တန်းက ရပ်ပစ်ဖို့ နိုင်ငံတကာ အသိုင်းအ၀န်းက တောင်းဆိုနေတာတွေကို စစ်အစိုးရအနေနဲ့ ဂရုမစိုက်ဘူးဆိုတာ ပြသလိုက်တာပဲလို့ ဗြိတိသျှဝန်ကြီးချုပ် ဂေါ်ဒွန် ဘရောင်းက သူ့စာထဲမှာ ထည့်သွင်း ဖော်ပြထားပါတယ်။

စစ်အစိုးရ အနေနဲ့ ဒေါ်အောင်ဆန်းစုကြည်ကို သံတမန်တွေနဲ့ တွေ့ဆုံခွင့်ပေးဖို့၊ နောက် မြန်မာပြည်သူလူထုရဲ့ အနာဂတ် မျှော်လင့်ချက်တွေ ပြန်လည် ထွန်းသစ်လာအောင် စစ်မှန်တဲ့ တွေ့ဆုံဆွေးနွေးမှုတွေ စတင်လုပ်ဆောင်ဖို့တွေကို သူ့အနေနဲ့ ဆက်လက် တောင်းဆိုနေဆဲ ဖြစ်တယ်လို့ ဆိုပါတယ်။

ဝန်ကြီးချုပ် ဂေါ်ဒွန် ဘရောင်းက အခုလို ကြေညာချက် မထုတ်ပြန်ခင် သီတင်း ၂ ပတ်လောက် အလိုမှာပဲ မြန်မာ့အရေး လှုပ်ရှားသူတွေနဲ့ ဗြိတိသျှ နိုင်ငံခြားရေး ၀န်ကြီးဌာန အရှေ့တောင်အာရှရေးရာ တာဝန်ခံ အဆစ်ဖ် အာမက် (Asif Ahmed) တို့ တွေ့ဆုံခဲ့ကြတယ်လို့ လန်ဒန်အခြေစိုက် မြန်မာ့အရေးလှုပ်ရှားသူ ဒေါက်တာဝင်းနိုင်က ပြောပြပါတယ်။

“ဆွေးနွေးတဲ့အခါကျတော့ အရှေ့တောင်အာရှ တာဝန်ခံ မစ္စတာအာမက်ကနေပြီးတော့ သူ့ရဲ့ လက်ထောက် ၂ ယောက်နဲ့ ကျနော်တို့နဲ့ ဆွေးနွေးတယ်။ ဆွေးနွေးတဲ့အချိန်မှာ အဓိကတော့ Constitution နဲ့ ၂၀၁၀ ရယ်၊ ကျနော်တို့က ဦးအောင် တင်ပြပြီးတော့ ဒါတွေဟာ တရားမ၀င်ဘူး၊ အဲဒီတော့ ကုလသမဂ္ဂ လုံခြုံရေးကောင်စီကနေပြီးတော့ တောင်အာဖရိကမှာ လုပ်ခဲ့တုန်းကအတိုင်း Constitution ကို တရားမ၀င်ဖြစ်အောင် လုပ်ပေးပါ။ ဒါတွေကို မလုပ်ရင်လည်း ၂၀၁၀ ရွေးကောက်ပွဲက တရားမ၀င်ဘူး ဆိုတဲ့ အကြောင်းကို လုံခြုံရေးကောင်စီက အထူးကော်မရှင်ဖွဲ့ပြီး စစ်ဆေးပေးပါဆိုပြီး တင်ပြတယ်။

“တင်ပြတဲ့အခါ မစ္စတာအာမက်က သူတို့အနေနဲ့ ဒီဟာကို လုံးဝ စိတ်ဝင်စားတယ်။ ဒီအတိုင်းပဲ ဆက်ပြီးလုပ်မယ်။ ကုလသမဂ္ဂ လုံခြုံရေးကောင်စီမှာလည်း ဒါတွေ တင်ပြမယ်ဆိုပြီး ကတိပေးလိုက်တယ်။ အဲဒါကို ကျနော်တို့ တနာရီခွဲတိတိ ဆွေးနွေးတယ်။ ဆွေးနွေးပြီးတော့ ဒါကို သူတို့ သဘောတူလိုက်တယ်။ ပြီးတော့ သူတို့ ဒါကို ဆက်ပြီး တင်ပြမယ်ဆိုတဲ့ အကြောင်းကို သဘောတူလိုက်တယ်။”

အဲဒီလို ဆွေးနွေးကြတဲ့ အထဲမှာ ဗြိတိသျှနိုင်ငံဟာ မြန်မာနိုင်ငံနဲ့ သမိုင်းကြောင်းအရ ပိုမိုနီးစပ်မှု ရှိတဲ့အလျောက် မြန်မာ့အရေးကို တခြားတိုင်းပြည်တွေထက် ပိုပြီး လုပ်ဆောင်ပေးသင့်တဲ့အကြောင်း မစ္စတာအာမက်ကို အကြံပေးတဲ့အခါမှာ သူက လက်ခံ သဘောတူတဲ့အပြင် စစ်အစိုးရနဲ့ ပိုပြီး နီးစပ်မှုရှိတဲ့ တရုတ်လိုနိုင်ငံမျိုးနဲ့ ပူးပေါင်းဆောင်ရွက်မှုတွေ လုပ်ဆောင်ဖို့ ဗြိတိသျှအစိုးရ အနေနဲ့ လုပ်ဆောင်ဖို့ စီစဉ်နေတဲ့အကြောင်း မစ္စတာအာမက်က ပြန်ပြောခဲ့တယ်လို့ ဆိုပါတယ်။

“သူက သဘောတူတယ်၊ ဟုတ်ပါတယ်တဲ့။ သူတို့အနေနဲ့ ပိုပြီးတော့ ထိထိရောက်ရောက်လုပ်ဖို့ အဆင်သင့် လုပ်ထားပါတယ်။ ပိုလည်း စိတ်ဝင်စားပါတယ်၊ ပိုလည်း စိုးရိမ်ပါတယ်။ သို့သော်လည်း တရုတ်နဲ့ ပိုပြီး ဆက်သွယ်သွားမယ့်ကိစ္စကို၊ ဒီမိုကရေစီရေးကို ပိုပြီး တွန်းအားပေးနိုင်အောင် လုပ်ပါမယ်တဲ့။ အထူးသဖြင့် ဒီအချိန်မှာ တရုတ်က အရင်ကထက် လေသံတွေ ပြောင်းလာတာကို သူတို့ သဘောတူပါတယ်လို့ ပြောတယ်။ ပြီးတော့ အရှေ့တောင်အာရှ အာဆီယံ အသင်းကလည်း ဒီ့ထက်ပိုပြီး လုပ်သင့်တယ်ဆိုတာ သူတို့ သဘောတူတယ်။”

လန်ဒန်အခြေစိုက် မြန်မာ့အရေး ဆောင်ရွက်နေတဲ့ ဒေါက်တာဝင်းနိုင် ပြောပြသွားတာ ဖြစ်ပါတယ်။

စစ်အစိုးရအနေနဲ့ ၂၀၁၀ ခုနှစ်မှာ ကျင်းပပေးဖို့ စီစဉ်ထားတဲ့ ရွေးကောက်ပွဲကို နိုင်ငံတကာ အသိုင်းအ၀န်းရဲ့ စောင့်ကြပ် ကြည့်ရှုမှု မပါဘဲ ကျင်းပခဲ့မယ်ဆိုရင် နိုင်ငံတကာ အသိုင်းအ၀န်းရဲ့ သံတမန်ရေးအရ အထီးကျန်ဖြစ်အောင် လုပ်ဆောင်မှုကို ခံရမှာဖြစ်သလို စီးပွားရေးတိုးတက်မှု ဆိုတာလည်း မြန်မာနိုင်ငံမှာ ဖြစ်ထွန်းလာမှာ မဟုတ်ဘူးလို့ ၀န်ကြီးချုပ် ဂေါ်ဒွန် ဘရောင်းရဲ့ စာထဲမှာ ဖော်ပြထားပါတယ်။

ဝန်ကြီးချုပ် ဂေါ်ဒွန် ဘရောင်းရဲ့ စာကို မနေ့က အင်္ဂါနေ့ ရက်စွဲနဲ့ ထုတ်ပြန်တာဖြစ်ပြီး မြန်မာအာဏာပိုင်တွေ လက်ထဲကို ပို့ခဲ့တယ်လို့ ဆိုပါတယ်။ ( ဗွီအိုအေ )

၂၇၄၉ခုနှစ် ကရင်အမျိုးသားနှစ်သစ်ကူးပွဲတော်(ကိုရီးယား)

၆၂ နှစ်မြောက် မြန်မာနိုင်ငံ လွတ်လပ်ရေးနေ့  အထိမ်းအမှတ် နိုင်ငံရေးဆွေးနွေးပွဲ ဖိတ်ကြားလွှာ

62 indepen

သံတိုင်ကြားက N.L.D လူငယ်များရဲ့ ထောင်တွင်းမေ့လို့မရတဲ့ကိုယ်တွေ့ ဖြစ်ရပ်များနှင့် သူ ၏ စိတ်ခံစားချက်များ ကိုထင်ကျော်..။

ko htin kyaw

မြတ်လေးငုံ http://myatlayngon.blogspot.com/

အမျိုးသားဒီမိုကရေစီအဖွဲ့ချုပ်ပါတီဝင်တွေကို စစ်မေးမှု ဥပဒေနဲ့မညီညွတ်

မြန်မာနိုင်ငံ ရဲအထူး သတင်းတပ်ဖွဲ့က ပဲခူးတိုင်း၊ ရန်ကုန်တိုင်း၊ တနင်္သာရီတိုင်း တို့မှာ အမျိုးသားဒီမိုကရေစီ အဖွဲချုပ်နဲ့ တခြား ပါတီဝင်တွေရဲ့ အသေးစိတ် ကိုယ်ရေး အချက်အလက်နဲ့ ဓါတ်ပုံမှတ်တမ်းတွေကို ရိုက်ယူ ကောက်ခံနေတာကြောင့် ဒီကိစ္စဟာ ဥပဒေအရ ဘယ်သူမှ လုပ်ပိုင်ခွင့် မရှိဘူးလို့ အမျိုးသား ဒီမိုကရေစီ အဖွဲချုပ်က ပြောဆိုလိုက်ပါတယ်။ မအေးအေးမာ က အပြည့်စုံ သတင်းပေးပို့ထားပါတယ်။

ရွေးကောက်ပွဲ လုပ်ဖိုအတွက် စစ်အစိုးရက ပြင်ဆင်နေချိန်မှာ စည်းရုံးလှုပ်ရှားခွင့် မရတဲ့ ပါတီတွေ၊ သူတို့ရဲ့ ကိုယ့်ရေး အချက်အလက်တွေနဲ့ မိသားစုဝင်တွေရဲ့ နောက်ခံတွေကို အထက်အမိန့်အရ ဆိုပြီး ရဲအထူးတပ်ဖွဲ့က လိုက်လံ ကောက်ခံနေပါတယ်။

အဲန်အယ်ဒီပါတီဝင်တွေရဲ့ မိသားစုဝင်တွေရဲ့ အလုပ်အကိုင် အသေးစိတ်ကိုပါ မေးမြန်း ကောက်ခံနေတာကြောင့် အဖွဲ့ချုပ်ဝင်တွေရဲ့ မိသားစုတွေကတော့ စိုးရိမ်ပူပန်နေကြပါတယ်။
[ ဆက်လက်ဖတ်ရှု့ပါရန် +/- ]

တနင်္သာရီတိုင်းက လူငယ်တာဝန်ခံတဦး ပြောပြတာကတော့ -

"ကျနော်တို့ အဲန်အယ်လ်ဒီ အနေနဲ့ကတော့ အရင်ကလည်း မေးတဲ့မြန်းတဲ့အပိုင်းလေးတွေ ရှိတယ်လေ။ ဒါပေမယ့် အဲဒီတုန်းက မေးတဲ့အပိုင်းတွေကြတော့ သူက သိပ်ပြီးတော့ အခုလောက်ထိ အသေးစိတ် မဆန်ဘူး။ အခု နောက်ပိုင်းကျတော့ သူတို့ မောင်နှမ ရှိတယ်ဆိုရင် မောင်နှမက ဘယ်နှစ်ယောက်လဲ၊ ဇနီး ရှိတယ်ဆိုရင် ဇနီးက ဘာအလုပ်တွေ လုပ်လဲ၊ ဓါတ်ပုံ ရိုက်တဲ့သူတွေကိုလည်း ရိုက်တယ်။ ကင်မရာတွေ ဘာတွေနဲ့ မှတ်တမ်းတင်သွားတယ်နော်။ ရှိပြီးသားလူမှာ တောင်းတယ်။ တချို့ မရှိဘူးလို့ ပြောတဲ့သူကျတော့ ကင်မရာနဲ့ ရိုက်သွားတာပေါ့နော်။ ဒီတခါ ပိုပြီးတော့ ထဲထဲဝင်ဝင် လုပ်လာတဲ့ဟာက အိမ်တိုင်ယာရောက် လာမေးတယ်ဆိုတော့ မိသားစုတွေက သူတို့ မိသားစုဝင်အတွက် စိတ်ပူတယ်အပိုင်းလေးတွေ ဖြစ်လာတာပေါ့လေ။"

ပဲခူးတိုင်းမှာလည်း အလားတူ ကောက်ခံမူတွေ ရှိနေတဲ့အကြောင်းက်ိုလည်း ပဲခူးတိုင်းက အဲန်အယ်လ်ဒီ အဖွဲ့ဝင် တဦးက အခုလို ပြောပြပါတယ်။

"ဟိုးတုန်းက ရှိခဲ့တဲ့ အဖွဲ့ချုပ်ဝင်တွေပေါ့နော်၊ အဲဒါတွေရယ်။ အခုတခါ အဖွဲ့ချုပ်မှာလုပ်နေတဲ့သူတွေကို ကောက်တယ်လို့ ပြောတာပဲ။ တစည ရော၊ အဲန်အယ်လ်ဒီ ရော ကောက်တယ်လို့ ပြောတာပဲ။"

ကိုယ်ရေးအချက်အလက် ကောက်ခံမူ၊ ဓါတ်ပုံရိုက်မူတွေကို ရဲအထူး သတင်းတပ်ဖွဲနဲ့အတူ ဒေသခံ အာဏာပိုင်တွေပါ ပါဝင်ကောက်ခံခဲ့တယ်လို့ ဆိုပါတယ်။

"သူတို့ကိုမေးတော့လည်း တစုံတရာ ပြန်ပြီးတော့ အကြောင်းပြချက် မပေးနိုင်ဘူးပေါ့နော်။ သူတို့ကို အပေါ်ကနေခိုင်းလို့ ညွှန်ကြားလို့ ဆိုတဲ့ဟာမျိုးပဲ ဖြေတယ်။ အဓိက က ကျနော်တို့ အက်စ်ပီ ကရော၊ အထူးသတင်း တပ်ဖွဲ့ကရော ဆယ်အိမ်မှူးတွေ၊ တချို့နေရာတွေမှာဆို ဆယ်အိမ်မှူးတွေနဲ့ ရယက အဖွဲ့တွေပါ ပါတယ်လေ။"

အခုလိုကောက်ခံမူတွေဟာ ဥပဒေအရ လုပ်ခွင့်မရှိတဲ့ အကြောင်းကိုတော့ အမျိုးသား ဒီမိုကရေစီ အဖွဲချုပ်ရဲ့ ပြောရေးဆိုခွင့်ရှိသူ ဦးဉာဏ်ဝင်း က အခုလို ပြောပါတယ်။

"ကျနော် ပြောတာက ဘယ်သူမှ လုပ်ပိုင်ခွင့်မရှိဘူးလို့၊ အဲဒီမှာ တကယ်လို့ လုပ်နေတယ်ဆိုရင်လည်း လုပ်ပိုင်ခွင့်မရှိဘဲ လုပ်တယ်လို့ပဲ အဲဒီလိုပြောချင်တယ်။ ဒီဥစ္စာဟာ ဥပဒေအရ ဘယ်လိုမှ ဆောင်ရွက်လို့မရတဲ့အလုပ်တခုပဲ။ ကျနော်တော့ အဲဒီလို ပြောချင်တယ်။"

ရွေးကောက်ပွဲတောင်မှ ဘယ်အချိန်လုပ်မယ်မှန်း မသိသေးတဲ့ ကာလမှာ ခြိမ်းခြောက်မူဆန်တဲ့ ပါတီဝင်တွေရဲ့ ကိုယ်ရေး အချက်အလက်တွေ ကောက်ခံမူတွေအတွက် အဖွဲ့ချုပ်ဝင်တွေက သံသယ ရှိနေကြပြီး ပါတီဝင်တချို့ကလည်း ပါတီတောင် မ၀င်ရဲအောင် ဖြစ်ရတယ်လို့ ပြောဆိုနေကြပါတယ်။ ( ဗွီအိုအေ )

နိုင်ငံရေး အကျဉ်းသူ မတင်တင်ထွေး ထောင်တွင်း၌ ကွယ်လွန်

၂၀၀၇ ခုနှစ် သံဃာများ လမ်းလျှောက် မေတ္တာပို့ပွဲတွင် ပါဝင်ခဲ့သဖြင့် အကျဉ်းကျခံရသည့် နိုင်ငံရေး အကျဉ်းသူ မတင်တင်ထွေးသည် ယမန်နေ့က နှလုံး သွေးကြောပေါက်ပြီး အင်းစိန်ထောင် ဆေးရုံ၌ ကွယ်လွန်သွားကြောင်း သိရသည်။

ကွယ်လွန်သွားကြောင်းကို ထိုင်းနိုင်ငံအခြေစိုက် နိုင်ငံရေး အကျဉ်းသားများ ကူညီ စောင့်ရှောက်ရေးအသင်း - AAPP (B) က အတည်ပြု ထုတ်ပြန်သည်။

မတင်တင်ထွေး (၃၈ နှစ်) သေဆုံးမှုနှင့် ပတ်သက်၍ အင်းစိန် ဗဟို အကျဉ်းထောင်သို့ ဆက်သွယ် မေးမြန်းကြည့်ရာ တာဝန်ကျအရာရှိက ဖြေဆိုခြင်းမရှိဘဲ မိသားစုထံ မေးမြန်းရန်သာ ပြောဆိုခဲ့သည်။

သူမကို အင်းစိန်ထောင်မှ သာယာဝတီထောင်သို့ ၂၀၀၈ ခုနှစ် ဒီဇင်ဘာလတွင် ပြောင်းရွှေ့ခဲ့သည်။
[ ဆက်လက်ဖတ်ရှု့ပါရန် +/- ]

သာယာဝတီထောင် ဆေးရုံမှ အင်းစိန်သို့ မကြာသေးခင်ကမှ ပြန်လည် ပြောင်းရွှေ့ခဲ့ပြီးနောက် ယမန်နေ့ နံနက် အစောပိုင်းတွင် ကွယ်လွန်သွားခြင်း ဖြစ်သည်။

သူမသည် ၂၀၀၇ ခုနှစ် စက်တင်ဘာလ ၂၆ ရက်နေ့တွင် ရန်ကုန်ရှိ ရွှေဝါရောင် လှုပ်ရှားမှုတွင် ပါဝင်သဖြင့် အခြားနိုင်ငံရေး တက်ကြွလှုပ်ရှားသူ ၁၄ ဦးနှင့် အတူ အဖမ်းခံခဲ့ရပြီးနောက် သူမကို အာမခံဖြင့် ပြန်လွှတ်ပေးခဲ့သည်။

သို့သော် ၂၀၀၈ ခုနှစ် နိုဝင်ဘာလ ၁၆ ရက်နေ့တွင် အာမခံကို ပြန်ရုတ်သိမ်းပြီး နိုဝင်ဘာလ ၂၄ ရက်နေ့တွင် လုံခြုံရေး တပ်ဖွဲ့ဝင်များကို ဝတ္တရား နှောင့်ယှက်သည်ဟု စွပ်စွဲကာ ပြစ်မှုဆိုင်ရာ ပုဒ်မ ၃၃၂ အရ လည်းကောင်း၊ လုံခြုံရေး တပ်ဖွဲ့ဝင်များကို အများမကြားဝံ့ မနာသာအောင် ဆဲဆိုမှုဖြင့် ပြစ်မှုဆိုင်ရာ ပုဒ်မ ၂၉၄ အရ လည်ကောင်း အလုပ်နှင့် ထောင်ဒဏ် ၃ နှစ် ၃လ အမိန့် ချမှတ်ခံခဲ့ရသည်။

အလောင်းအား ယမန်နေ့ နေ့လည် ၁၂ နာရီခန့်တွင် အင်းစိန်ထောင်မှ သွားထုတ်ယူခဲ့ပြီး ရေဝေးသုဿန်တွင် ထားရှိ ပြီး မနက်ဖြန် မွန်းလွဲ ၂ နာရီ၌ သင်္ဂြိုလ်မည်ဖြစ်သည်။ ထောင်အာဏာပိုင်များ၏ ကူညီမှုလည်းရရှိခဲ့ပြီး ဈာပနကိစ္စ အဝဝကိုမူ ကျန်ရစ်သူ မိသားစုက တာဝန်ယူလုပ်ဆောင်ရကြောင်း မိသားစုနှင့် နီးစပ်သူများထံမှ သိရသည်။

ဗဟန်းမြို့နယ် အုတ်လမ်းတွင် နေထိုင်သူ မတင်တင်ထွေးသည် အမျိုးသား ဒီမိုကရေစီ အဖွဲ့ချုပ် NLD အဖွဲ့ဝင်တဦး မဟုတ်သော်လည်း NLD နှင့် နီးစပ်မှုရှိပြီး နိုင်ငံရေး ကိစ္စများတွင် စိတ်ပါဝင်စားသူတဦး ဖြစ်ကြောင်း ဗဟန်းမြို့နယ် NLD ဥက္ကဋ္ဌ ဦးအောင်မြင့်က မဇ္ဈိမကို ပြောသည်။

သူမတွင် နှလုံးရောဂါနှင့် သွေးတိုး ရောဂါအခံ ရှိသည်။ သေဆုံးချိန်တွင် သူမ၏ မိခင် အပါအဝင် သားတဦးနှင့် သမီးနှစ်ဦး ကျန်ခဲ့သည်။

ထောင်တွင်း ကျန်းမာရေး စောင့်ရှောက်မှု ကောင်းစွာမရရှိသဖြင့် ယခုနှစ်အတွင်း သေဆုံးခဲ့ရသူ သူမ အပါအဝင် နိုင်ငံရေး အကျဉ်းသူ/သား ၃ ဦး ရှိသွားပြီ ဖြစ်ကြောင်း AAPP (B) က ထုတ်ပြန်သည်။

AAPP မှတ်တမ်းအရ ၁၉၈၈ ခုနှစ်မှ စတင်၍ ယနေ့ထိ ထောင်တွင်း သေဆုံးခဲ့ရသော နိုင်ငံရေး အကျဉ်းသူ/ သားပေါင်း ၁၄၃ ဦးရှိပြီ ဖြစ်သည်။ (မဇ္ဈိမ)

ဒေါ်အောင်ဆန်းစုကြည် လုံခြုံရေး စိုးရိမ်ကြောင်း အန်အယ်ဒီ ပြောဆို

နေအိမ် အကျယ်ချုပ် ခံနေရသော ဒေါ်အောင်ဆန်းစုကြည်၏ နေအိမ် ပြင်ဆင်နေမှုကို ရပ်ဆိုင်းထားရသဖြင့် သူမ၏ လုံခြုံရေးအတွက် စိုးရိမ်ရကြောင်း အမျိုးသား ဒီမိုကရေစီ အဖွဲ့ချုပ်က ထုတ်ဖော် ပြောဆိုလိုက်သည်။

ငြိမ်းချမ်းရေး နိုဘယ်လ်ဆုရှင်၏ နေအိမ် ပြင်ဆင်နေသည်ကို အကိုရင်း ဦးအောင်ဆန်းဦးက ကန့်ကွက်ခြင်းကြောင့် ပြင်ဆင်မှု ယမန်နေ့ကစ၍ ရပ်ထားရသည်။

“နဂိုကတည်းက လုံခြုံရေးအရလို့ ပြင်တာ အခု ပြတင်းပေါက်တွေ ဖြုတ်ထားတဲ့ အခြေအနေ။ ဘာမှ မတပ်ရသေးဘူး။ အဲဒီတော့ လောလောဆယ် ပြတင်းပေါက်တွေကို သစ်သားနဲ့ သံနဲ့ ရိုက်ပိတ်ထားရတဲ့ အခြေအနေ ရှိနေတယ်။ အရင်ထက် ပိုပြီးတော့ မကောင်းနိုင်ဘူးလေ။ အဲဒါ စဉ်းစားကြည့်လို့ ရပါ တယ်” ဟု ပါတီ၏ ပြောရေးဆိုခွင့်ရှိသူ ဦးဥာဏ်ဝင်းက မဇ္ဈိမကို ပြောသည်။
[ ဆက်လက်ဖတ်ရှု့ပါရန် +/- ]

အခြားသော ဖြစ်ထွန်းမှုတခုမှာ ဒေါ်အောင်ဆန်းစုကြည်နှင့် သူမ၏ ရှေ့နေများလည်းဖြစ်ကြသော ဦးဥာဏ်ဝင်း၊ ဦးကြည်ဝင်း၊ ဦးလှမျိုးမြင့်နှင့် ဒေါ်ခင်ဌေးကြွယ်တို့သည် တက္ကသိုလ် ရိပ်သာလမ်းရှိ လူထုခေါင်းဆောင်၏ နေအိမ်၌ ယနေ့ မွန်းလွဲ ၁ နာရီမှစပြီး ၂ နာရီကြာ တွေ့ဆုံခဲ့သည်။

ဆိုင်းငံ့ပြစ်ဒဏ် နေအိမ်အချုပ် ချမှတ်ထားသည့်အပေါ် ပြင်ဆင်ရန် အယူခံ နှင့်ပတ်သက်၍ အပြီးသတ် လျှောက်လဲချက်အတွက် ဆွေးနွေးကြခြင်း ဖြစ်သည်။

ဗဟိုတရားရုံးက ဆင့်ခေါ်သည့် စာအရ လာမည့်အပတ် ရုံးဖွင့်ရက်တွင် တရားရုံးသို့ ရှေ့နေ ပါဝါလွဲစာတင်မှာ ဖြစ်သည်။

ပြီးခဲ့သည့် မေလဆန်းတွင် ခွင့်ပြုချက်မရဘဲ ဝင်ရောက်ခဲ့သော အမေရိကန် နိုင်ငံသား ဂျွန်ယက်တော ကို ဧည့်ခံမှုဖြင့် ငြိမ်းချမ်းရေး နိုဘယ်လ်ဆုရှင်မှာ သြဂုတ်လ ၁၁ ရက်နေ့တွင် ဆိုင်းငံ့ပြစ်ဒဏ် ၁၈ လ ကျခံခဲ့နေရသည်။ (မဇ္ဈိမ)

ဒေါ်အောင်ဆန်းစုကြည် နေအိမ် ပြန်ပြင်မှု ကန့်ကွက်ခံရ

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ နေအိမ် ပြင်နေတာကို အကိုဖြစ်သူ ဦးအောင်ဆန်းဦးရဲ့ ကိုယ်စားလှယ်က ရန်ကုန်မြို့တော် စည်ပင်သာယာမှာ လာရောက်ကန့်ကွက်တယ်လို့ ဆိုပါတယ်။ ဒါပေမဲ့ အိမ်ကိုတော့ ဆက်ပြင်နေတယ်လို့ သိရပါတယ်။ အပြည့်အစုံကိုတော့ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးထားပါတယ်။

ဒေါ်အောင်ဆန်းစုကြည် လက်ရှိနေထိုင်နေတဲ့ တက္ကသိုလ်ရိပ်သာလမ်းက အိမ်ကို ပြင်ဖို့အတွက် ရန်ကုန်မြို့တော် စည်ပင်သာယာရေးအဖွဲ့ထံမှာ ခွင့်တောင်းပြီး ပြင်နေတာပါ။ ဒါပေမဲ့ အကိုဖြစ်သူ ဦးအောင်ဆန်းဦးရဲ့ ကိုယ်စားလှယ်ဆိုသူက မနေ့က စည်ပင်သာယာရေးအဖွဲ့ကို သွားပြီးတော့ နှုတ်နဲ့ ကန့်ကွက်ခဲ့တယ်လို့ ဒေါ်အောင်ဆန်းစုကြည်ရဲ့ အကျိုးဆောင် ရှေ့နေကြီး ဦးဉာဏ်ဝင်းက ပြောပါတယ်။
[ ဆက်လက်ဖတ်ရှု့ပါရန် +/- ]

“ဦးအောင်ဆန်းဦးရဲ့ ကိုယ်စားလှယ်ဆိုတဲ့ ပုဂ္ဂိုလ်တဦးက ရန်ကုန်မြို့တော် စည်ပင်သာယာရေးအဖွဲ့မှာ ဒီလို အိမ်ပြင်တာနဲ့ ပတ်သက်ပြီး သူတို့ သဘောမတူကြောင်း နှုတ်နဲ့ သွားပြောတယ်လို့ ကျနော်တို့ သတင်းကြားတယ်။”

ဦးအောင်ဆန်းဦးရဲ့ ကိုယ်စားလှယ်ဆိုသူက အခုလို လာကန့်ကွက်ပေမဲ့လည်း သူကိုယ်တိုင်က ဦးအောင်ဆန်းဦးရဲ့ ကိုယ်စားလှယ်အဖြစ် တရားရုံးက တရားဝင် ခန့်အပ်ခြင်း မရှိသေးတဲ့အပြင် အိမ်ကိုလည်း စည်ပင်သာယာရဲ့ တရားဝင် ခွင့်ပြုချက်နဲ့ ပြင်နေတာကြောင့် အိမ်ပြင်တာကိုတော့ မရပ်ဘဲ ဆက်ပြင်နေတယ်လို့ ဦးဉာဏ်ဝင်းက ဆက်ပြောပါတယ်။

“ကျနော်တို့ မြို့တော် စည်ပင်သာယာရေးရဲ့ ခွင့်ပြုချက်နဲ့အညီ ဆောင်ရွက်နေတာ ဖြစ်တဲ့အတွက် မရပ်ပါဘူး။ နောက်တခု ပြောစရာရှိတာက အဲဒီ ဦးအောင်ဆန်းဦးရဲ့ ကိုယ်စားလှယ်ဆိုတဲ့ ပုဂ္ဂိုလ်က တရားရုံးမှာ သူ့ကို ကိုယ်စားလှယ်အဖြစ် သတ်မှတ်ပေးဖို့ စာတင်တုန်းပဲ ရှိသေးတယ်။ တရားရုံးကလည်း အသိအမှတ် မပြုသေးဘူး။ အဲဒီလောက် အခြေအနေတော့ ကျနော်တို့ ကြားနေပါတယ်။ တရားဝင် ကိုယ်စားလှယ်လို့ တရားရုံးက အသိအမှတ် မပြုသေးပါဘူး။”

လောလောဆယ်မှာ ဒီအိမ်ကို အမွေဆိုင်အဖြစ်နဲ့ ဦးအောင်ဆန်းဦးတို့ဘက်က တရားရုံးမှာ အမှုဖွင့်ထားပြီး ဒေါ်အောင်ဆန်းစုကြည်ဘက်က တင်သွင်းလာတဲ့ သက်သေတွေ တရားရုံးမှာ မထွက်ဆိုခင် ဒေါ်အောင်ဆန်းစုကြည်နဲ့ တွေ့ခွင့်ရဖို့အတွက် ပြင်ဆင်နေတယ်လို့ ဦးဉာဏ်ဝင်းက ပြောပါတယ်။

“အမှုရဲ့ အခြေအနေက အမှုကို စစ်ဆေးနေဆဲ တန်းလန်းပါ။ အဲဒီမှာ ဒေါ်အောင်ဆန်းစုကြည်ပြတဲ့ သက်သေတွေကို စစ်ဆေးဖို့ ရှိပါတယ်။ အဲဒီသက်သေတွေကို စစ်ဖို့က သက်သေစာရင်းက ဒေါ်အောင်ဆန်းစုကြည်ပေးတဲ့ သက်သေစာရင်း ဖြစ်ပါတယ်။ အဲဒီသက်သေတွေက ရုံးမှာ ဘယ်လိုထွက်ရမယ်ဆိုတဲ့ ညွှန်ကြားချက်မျိုး ဒေါ်အောင်ဆန်းစုကြည်က ပေးဖို့၊ ဒေါ်အောင်ဆန်းစုကြည်ဆီက ရရှိဖို့ လိုပါတယ်။

“ကျနော်တို့က ဒီအခြေအနေကို ရုံးကို တင်ပြတယ်။ ကျနော်တို့လည်း ဒီကိစ္စနဲ့ ပတ်သက်ပြီး ဟိုတုန်းက Try လုပ်ပါတယ်။ ဦးကြည်ဝင်းနဲ့ ကွယ်လွန်သွားပြီဖြစ်တဲ့ ဦးထွန်းတင်တို့ ကိုယ်တိုင် ကြိုးစားပါတယ်။ သို့သော် ဆောင်ရွက်လို့ မရပါဘူး။ ဒါကြောင့် အခုနပြောတဲ့ သက်သေနဲ့ ကာယကံရှင် ဒေါ်အောင်ဆန်းစုကြည်တို့ တွေ့ဆုံနိုင်တဲ့ အခြေအနေ မရှိခင်မှာ တရားရုံးက အမှုကို ရွှေ့ပြီး ချိန်းနေတာပေါ့။ ဒီအခြေအနေကို စောင့်တာပဲ။ ဒီအခြေအနေ ဖြစ်ပေါ်လာရင်တော့ အမှုကို ဆက်စစ်မှာပေါ့။”

ဒေါ်အောင်ဆန်းစုကြည်ရဲ့ အကျိုးဆောင် ရှေ့နေကြီး ဦးဉာဏ်ဝင်း ပြောသွားတာ ဖြစ်ပါတယ်။

ပြီးခဲ့တဲ့ ၂၀၀၈ ခုနှစ် မြန်မာနိုင်ငံမှာ နာဂစ်မုန်တိုင်း တိုက်ခတ်ခဲ့တုန်းက ဒေါ်အောင်ဆန်းစုကြည်ရဲ့ အိမ်ခေါင်မိုး ပျက်စီးသွားခဲ့တာကြောင့် ပြင်ခွင့်ပေးဖို့ အာဏာပိုင်တွေထံမှာ ခွင့်တောင်းခဲ့တဲ့အတွက် အာဏာပိုင်တွေက အခုလို ပြင်ဆင်ခွင့် ပြုလိုက်တာ ဖြစ်ပါတယ်။ ဒီအမှုအတွက် နောက်တခါ ရုံးချိန်းကိုတော့ လာမယ့် ဇန်န၀ါရီလ ၂၁ ရက်နေ့ကို ချိန်းဆိုထားတယ်လို့ သိရပါတယ်။ ( ဗွီအိုအေ )

ပထမဆုံး ဗုဒ္ဓ FM ရေဒီယို Online မှ စတင်ထုတ်လွှင့်

ပြည်ပရောက် မြန်မာဗုဒ္ဓဘာသာဝင်များအတွက် ဗုဒ္ဓတရားတော်များနှင့် ဓမ္မပူဇာတေးများကို အချိန်ပြည့်နှလုံးသွင်း နာယူနိုင်ရန် ရည်ရွယ်၍ ဗုဒ္ဓ FM ရေဒီယိုက တရက် (၁၆) နာရီအထိ Online မှတဆင့် တိုက်ရိုက်အသံလွှင့်မှု စတင်နေကြောင်း တည်ထောင်သူ အရှင်မေတ္တာစာရက ပြောသည်။
[ ဆက်လက်ဖတ်ရှု့ပါရန် +/- ]

၎င်းက “ဒီဇင်ဘာ (၁၉) ရက်နေ့မှာ စလွှင့်တာ။ ဗုဒ္ဓတရားတော်တွေ၊ ဓမ္မတေးသီချင်းတွေ အခု စမ်းသပ်လွှင့်ပေးနေပြီ။ ဦးဇင်းက Online မှ တိုက်ရိုက်နားထောင်နိုင်သူ အယောက် (၁၀၀) အတွက်ပဲ ဝယ်ထားတာ။ အခု ကမ္ဘာတလွှားက နားထောင်တဲ့သူတွေ အဲဒီထက်များလာတော့ လွှင့်တဲ့အား ထပ်တိုးရတော့မယ်။ မြန်မာနဲ့ အင်္ဂလိပ် (၂) ဘာသာ အသံလွှင့်သွားဖို့ရှိတယ်။ ဗုဒ္ဓဘာသာတရားနဲ့ပတ်သက်ပြီး လွှင့်တဲ့ပထမဆုံး FM ရေဒီယိုပေါ့” ဟု ခေတ်ပြိုင်သို့ မိန့်ကြားသည်။

အရှင်မေတ္တာစာရသည် ၂၀၀၈ ခုနှစ်အတွက် အကောင်းဆုံး အာဆီယံ ဘလော့ဒ်ဂါဆုနှင့် ၂၀၀၉ အတွက် အကောင်းဆုံး ဘလော့ဒ်ဂါသတင်းဆုကို ရရှိထားသူ မြန်မာသံဃာတော်တပါးဖြစ်ပြီး လက်ရှိသတင်းသုံးရာ သီရိလင်္ကာနိုင်ငံ၊ ကိုလမ်ဘိုမြို့မှ တဆင့် ဗုဒ္ဓ FM ရေဒီယိုကို ထုတ်လွှင့်နေခြင်းဖြစ်သည်။

ဗုဒ္ဓ FM ရေဒီယိုကို မြန်မာ့စံတော်ချိန် မနက်ပိုင်းမှစ၍ ညနက်ပိုင်းအထိ http://wma1.viastreaming.net/BDFM (သို့မဟုတ်) http://www.buddhafm.blogspot.com/ ဝက်ဆိုက်စာမျက်နှာမှတဆင့် နာယူနိုင်ပြီး မြန်မာဘာသာအပြင် အင်္ဂလိပ်၊ တရုတ်၊ ဆင်ဟာလီ (သီရိလင်္ကာ) စသည့် ဘာသာရပ်များဖြင့် သီဆိုထားသည့် ဓမ္မပူဇာတေးများကိုလည်း ထုတ်လွှင့်ပေးနေကြောင်း သိရသည်။

အရှင်မေတ္တာစာရက “ဗုဒ္ဓဘာသာဝင်ဖြစ်ပေမယ့် ဗုဒ္ဓဘာသာနဲ့ ကင်းကွာနေတဲ့ ဗမာပြည် ပြင်ပက မြန်မာတွေရယ်၊ မလေးရှားက တရုတ်တွေ၊ အင်ဒိုနီးရှားက ဗုဒ္ဓဘာသာဝင်တွေ အားလုံးအတွက် ဗုဒ္ဓဘာသာနဲ့ ပတ်သက်တဲ့ အကြောင်းအရာတွေအားလုံးကို တင်ဆက်နိုင်အောင် စီစဉ်နေပါတယ်။ ပြည်ပမှာ ရှိနေပေမယ့် တရားတော်တွေ၊ ဗုဒ္ဓဘာသာနဲ့ ပတ်သက်တဲ့ သတင်းတွေ၊ ဆောင်းပါးတွေကိုလည်း တင်ဆက်သွားမှာပါ။ ပြီးတော့ တိုက်ရိုက်ဆွေးနွေးပွဲတွေ လွှင့်သွားဖို့ရှိတယ်” ဟု မိန့်ကြားသည်။

ဗုဒ္ဓ Online FM ရေဒီယိုကို အဖြူရောင်သံစဉ် Online ရေဒီယိုမှ ပညာရှင်တို့က နည်းပညာပိုင်းအတွက် ပံ့ပိုးပေးထားခြင်းဖြစ်ပြီး ကိုယ်ပိုင်ဝက်ဘ်ဆိုက် စာမျက်နှာ ဝက်ဘ်ဆိုက် www.buddhafm.com တွင် လာမည့် (၂) ပတ်အတွင်း ဝင်ရောက်ကြည့်ရှု နိုင်ပြီဖြစ်ကြောင်း အရှင်မေတ္တာစာရက မိန့်ကြားသည်။

ထိုအစီအစဉ်သစ်နှင့် ပတ်သက်၍ စတင်ထုတ်လွှင့်ချိန်မှစ၍ (၄) ရက်အတွင်း ပရိသတ်များထံမှ အကြံပြုချက်ပေါင်းများစွာ လက်ခံရရှိထားပြီ ဖြစ်ကြောင်းနှင့် ဆက်လက် ကြိုဆိုလျက်ရှိကြောင်း ၎င်းက မိန့်ကြားသည်။ ( ခေတ်ပြိုင် )

ဒေါ်အောင်ဆန်းစုကြည်ရဲ့ ပြစ်မှုဆိုင်ရာ ပြင်ဆင်မှု လျှောက်လဲချက် ဗဟိုတရားရုံး လက်ခံ

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ အမှုကို နှစ်ဘက် ကြားနာနိုင်ရေး ဥပဒေအရ ပြစ်မှုဆိုင်ရာ ပြင်ဆင်မှု လျှောက်ထားချက်ကို ဗဟိုတရားရုံးချုပ်က လက်ခံလိုက်တဲ့အကြောင်း သူ့ရဲ့ ရှေ့နေကြီးဖြစ်သူ ဦးဉာဏ်ဝင်းက ပြောဆိုပါတယ်။ ဒီအကြောင်းနဲ့ ပတ်သက်ပြီး ထိုင်းအခြေစိုက် ဗွီအိုအေ သတင်းထောက် မအေးအေးမာက ဦးဉာဏ်ဝင်းကို ဆက်သွယ် မေးမြန်းရာမှာ ပြောကြားသွားတာ ဖြစ်ပါတယ်။ အခုလို ပြင်ဆင်လျှောက်ထားချက်ဟာ အရင် အယူခံတင်မှုနဲ့ မတူတဲ့ အကြောင်းကိုလည်း ရှေ့နေကြီး ဦးဉာဏ်ဝင်းက ပြောသွားခဲ့ပါတယ်။

“အယူခံ အမှုတွဲကို Admitted၊ ဒီမှာ ဒီလိုပဲသုံးတယ်၊ လက်ခံတယ်။ အမှုတင်ထားတုန်းကဟာကို လက်ခံတယ်လို့ ဗမာလိုပြောတော့ သိပ်အဓိပ္ပာယ် မရှိဘူး။ အဲဒါက မှတ်ပုံတင် သွင်းထားတယ်။ မှတ်ပုံတင်ပြီးတော့ အခု လက်ခံတယ်။ လျှောက်လဲချက် ပေးပြီးတဲ့အခါမှာ လက်ခံတယ်။ လက်ခံတဲ့ အဓိပ္ပာယ်က နှစ်ဘက် အပြည့်အစုံ ကြားနာမယ်ဆိုတဲ့ အဓိပ္ပာယ်။”
[ ဆက်လက်ဖတ်ရှု့ပါရန် +/- ]

အခုလို လက်ခံလိုက်မှုဟာ အလားအလာကောင်း တရပ်အဖြစ် ပြောလို့ရပါသလား။

“ကျနော် အဲလိုမပြောချင်ဘူး။ ဒါပေမဲ့ ဒီလိုလက်ခံတာဟာ ကောင်းတဲ့လက္ခဏာပဲ။ ကျနော်တို့က ပြည့်ပြည့်စုံစုံ နောက်ထပ် လျှောက်လဲလို့ရတယ်ပေါ့။”

အခုလို လက်ခံပြီးပြီဆိုတော့ အန်ကယ်တို့ဘက်က ဘာတွေ ပြင်ဆင်မှုတွေ လုပ်မလဲဆိုတာ ပြောပြပေးပါ။

“ဥပဒေ အချက်အလက်တွေချည်းပဲ။ ကျနော်တို့ ဒီကိစ္စတွေက ဥပဒေချည်းပဲ သက်သက်။ ဥပဒေချည်းပဲ သက်သက်မို့ ကျနော်တို့ ကျယ်ကျယ်ပြန့်ပြန့်ကို လျှောက်လဲချက်ပေးဖို့ ဆက်ပြင်ဆင်ရမှာပေါ့။”

ဒီနေ့ လျှောက်လဲမှုက ဘယ်လောက်အချိန်အထိ ကြာသွားပါလဲ။

“မနက်ပိုင်း ၁၂ နာရီလောက် ပြီးပါတယ်။ နောက်တော့ အမိန့်ထွက်တာကို လာစောင့်တော့ ၃ နာရီခွဲလောက်မှာ အမိန့်ထွက်ပါတယ်။”

ဒီအမှုကို ဘယ်နေ့မှာ ဆက်လက်ကြားနာမယ် ဆိုတာကိုရော ဒီနေ့ သိခွင့်ရပါသလား။

“ရုံးချိန်းမရှိဘူး။ သူက သောကြာနေ့တိုင်းထွက်တဲ့ အမှုစာရင်းကို စောင့်ကြည့်ရမယ်။ အဲဒီအမှုစာရင်းထဲမှာ ဘယ်အမှုက ဘယ်နေ့ကြားနာမယ်ဆိုတာ ပါတယ်။ ဒီသောကြာမပါရင် နောက်သောကြာပေါ့။”

ရှေ့နေကြီး ဦးဉာဏ်ဝင်း ပြောပြခဲ့တာ ဖြစ်ပါတယ်။

ဒေါ်အောင်ဆန်းစုကြည်ရဲ့ အမှု အယူခံလွှာကို ရန်ကုန်တိုင်း တရားရုံးက အောက်တိုဘာလအတွင်းက ပယ်ချခဲ့တာ ဖြစ်ပါတယ်။ ဒေါ်အောင်ဆန်းစုကြည် ရှေ့နေတွေဟာ ဒီကနေ့မှာ အဲဒီ ပယ်ချခဲ့တဲ့ အယူခံလွှာကို ပြင်ဆင် လျှောက်လဲချက် ပေးခဲ့တာ ဖြစ်ပါတယ်။

ဒေါ်အောင်ဆန်းစုကြည်ဟာ နေအိမ်အကျယ်ချုပ် ဥပဒေကို ဖောက်ဖျက်တယ်ဆိုပြီး အာဏာပိုင်တွေက သူ့ကို သြဂုတ်လအတွင်းက ထောင်ဒဏ် ၃ နှစ် စီရင်ချက် ချမှတ်ခဲ့တာ ဖြစ်ပါတယ်။ နောက်ပိုင်းမှာတော့ စစ်အစိုးရ အကြီးအကဲ ဗိုလ်ချုပ်မှူးကြီးသန်းရွှေရဲ့ အမိန့်နဲ့ ထောင်ဒဏ်ကို ထက်ဝက်လျှော့ချပြီး ဆိုင်းငံ့ပြစ်ဒဏ် နေအိမ်အကျယ်ချုပ် တနှစ်ခွဲ ကျခံစေခဲ့တာ ဖြစ်ပါတယ်။ ( ဗွီအိုအေ )

ဗဟိုပြန်ဖွဲ့ရေး ဒေါ်စုနဲ့ CEC တွေ့ဖို့လို

အမျိုးသားဒီမိုကရေစီ အဖွဲ့ချုပ် ဗဟိုအလုပ်အမှုဆောင်အဖွဲ့ ပြန်လည်ဖွဲ့စည်းရေးကိစ္စဟာ လက်ရှိ ဗဟိုအလုပ်အမှုဆောင်နဲ့ ဒေါ်အောင်ဆန်းစုကြည်တို့ တွေ့ဆုံခွင့် ရရေးပေါ်မှာ မူတည်နေတယ်လို့ အဖွဲ့ချုပ်ရဲ့ လက်ရှိ ဗဟိုအလုပ်အမှုဆောင် တဦးဖြစ်တဲ့ ဦးဝင်းတင်က ပြောပါတယ်။ လက်ရှိ ဗဟိုအလုပ်အမှုဆောင် အဖွဲ့ကို ပြန်လည်ပြင်ဆင် ဖွဲ့စည်းဖို့ဆိုတဲ့ ဒေါ်အောင်ဆန်းစုကြည်ရဲ့ သဘောထားဟာ မြန်မာ့နိုင်ငံရေးမှာလည်း အတုယူစရာ နိုင်ငံရေးယဉ်ကျေးမှုတခု ဖြစ်သင့်တယ်လို့ ဦးဝင်းတင်က ယူဆပါတယ်။ အပြည့်အစုံကို ဆက်သွယ်မေးမြန်းထားတဲ့ ကိုသားညွန့်ဦးက တင်ပြပေးထားပါတယ်။

ဒေါ်အောင်ဆန်းစုကြည်ရဲ့ ဗိုလ်ချုပ်မှူးကြီးသန်းရွှေထံ ပေးစာထဲမှာ အဖွဲ့ချုပ်ရဲ့ အသက်အရွယ် ကြီးရင့်တဲ့ ခေါင်းဆောင် ၃ ဦးကို သွားရောက် ဂါရ၀ပြုခွင့် တောင်းဆိုတဲ့ ကိစ္စအပြင် ဗဟိုအလုပ်အမှုဆောင် အဖွဲ့နဲ့ အစည်းအဝေးထိုင်ပြီး တွေ့ဆုံခွင့်လည်း တောင်းဆိုထားပါတယ်။ ဒါကြောင့် အခု ဒေါ်အောင်ဆန်းစုကြည်က လူကြီး ၃ ဦးကို မေတ္တာရပ်ခံခဲ့တဲ့ အဖွဲ့ချုပ်ဗဟို ပြန်လည်ဖွဲ့စည်းရေးကိစ္စ ဆက်လုပ်နိုင်ဖို့ဆိုရင် ဒုတိယ တောင်းဆိုချက်ဖြစ်တဲ့ CEC နဲ့ ဒေါ်အောင်ဆန်းစုကြည်တို့ တွေ့ဆုံခွင့်ရရေးဟာ အရေးကြီးတယ်လို့ ဦးဝင်းတင်က ယူဆပါတယ်။
[ ဆက်လက်ဖတ်ရှု့ပါရန် +/- ]

“ဘာပဲပြောပြော ကျနော်တို့နဲ့ ဒေါ်အောင်ဆန်းစုကြည်နဲ့ ဒုတိယပိုင်းနဲ့ ဆက်နေတယ်ဗျ။ CEC နဲ့ ဒေါ်အောင်ဆန်းစုကြည်နဲ့ တွေ့တဲ့ပွဲ၊ ဆွေးနွေးတဲ့ပွဲတွေ မပြီးမချင်းကတော့ ဒီကိစ္စအပေါ်မှာ ကျနော်တို့ ဘယ်လို လှုပ်ရှားကြမယ်၊ ဘယ်လိုအစီအမံတွေ ချမှတ်ကြမယ် ဆိုတာတော့ ပေါ်လွင်ဦးမယ်လို့ ကျနော်တော့ သိပ်မထင်ဘူး။”

ဟိုတလောကတော့ NLD အောက်ခြေ မြို့နယ်တွေက တောင်းဆိုတာ ရှိပါတယ်။ အဓိကတော့ စုံညီခေါ်ပြီး CEC ပြန်လည်တိုးချဲ့ ဖွဲ့စည်းဖို့ဆိုတာ တောင်းပါတယ်။ အဲတော့ အခုအနေအထားက CEC ကို ပြန်ပြင်မယ် ဆိုတာတောင်မှ ဒေါ်အောင်ဆန်းစုကြည်နဲ့ တွေ့ပြီးမှ ဖြစ်နိုင်မယ်ဆိုတော့ အကယ်၍ ဒေါ်အောင်ဆန်းစုကြည်နဲ့သာ CEC တွေ့ခွင့်မရဘူးဆိုရင် အန်ကယ်တို့ ဘယ်လိုစဉ်းစားလဲခင်ဗျ။ ဒီ တိုးချဲ့ ပြန်လည်ဖွဲ့စည်းရေးကိစ္စက။

“အမှန်အတိုင်းပြောရရင် ဒီဟာက နှစ်မျိုးရှိတယ်။ တမျိုးကတော့ ပါတီရဲ့ လုပ်ထုံးလုပ်နည်း၊ ပါတီရဲ့ စည်းကမ်း၊ ပါတီရဲ့ လုပ်ငန်းစဉ်အရတော့ ဒီလို တိုးချဲ့ခြင်းတို့၊ ပြုပြင်ပြောင်းလဲခြင်းတို့ကတော့ ပါတီမှာ ရှိပြီးသား သဘောထားတွေ၊ လုပ်ထုံးလုပ်နည်းတွေ၊ စည်းကမ်း နည်းလမ်းတွေအတိုင်း လိုက်နာရမယ်၊ ဒါ တမျိုး ပြောလို့ရပါတယ်။

“နောက်တမျိုးကတော့ ဘာပဲပြောပြော နိုင်ငံရေးပါတီတို့ ဘာတို့ဆိုတာလည်း သဘာဝ တရားထဲမှာ ရွေ့လျား လှုပ်ရှားနေတဲ့ အဖွဲ့အစည်းတွေပဲ။ အဲတော့ သဘာဝအတိုင်း ဖြစ်ရမှာပဲ။ အသက်ကြီးတဲ့ ပုဂ္ဂိုလ်များဟာ ဇရာ မရဏ ဒီလိုကိစ္စတွေ ရင်ဆိုင်ကြုံတွေ့ရမယ်။ အလားတူပဲ နိုင်ငံရေးအဖွဲ့အစည်း ဘာညာ ဆိုတာလည်း ဒီ ဇရာ မရဏကိစ္စ အတိုင်းပဲ ဦးတည်သွားရတော့မှာပဲ။ အဲတော့ ကျနော်ပြောချင်တာက ဒီလို အသစ်ဖွဲ့စည်းရေးကိစ္စဟာ ဒေါ်အောင်ဆန်းစုကြည်နဲ့ မတွေ့ရလည်း ကိစ္စမရှိပါဘူး။”

အဖွဲ့ချုပ်ရဲ့ ဗဟို ပြန်လည်ဖွဲ့စည်းရေးကိစ္စဟာ ဒေါ်အောင်ဆန်းစုကြည် စမပြောခင်ကတည်းက NLD အောက်ခြေ မြို့နယ်တွေက တောင်းဆိုခဲ့ကြတာပါ။ ဒါပေမဲ့လည်း ဒေါ်အောင်ဆန်းစုကြည်လိုမျိုး ခေါင်းဆောင်တဦး ကိုယ်တိုင်က ဒီအပြောင်းအလဲမျိုးကို ထည့်သွင်းစဉ်းစားတာဟာ မြန်မာပြည် နိုင်ငံရေးမှာကို လေ့လာ အတုယူစရာ ဖြစ်တယ်လို့ ဦးဝင်းတင်က ပြောပါတယ်။

“နိုင်ငံရေးလောကဆိုတာ ဖြုတ်၊ ထုတ်၊ သတ်တွေနဲ့ နှစ်ပေါင်း လေးငါးဆယ် ကျော်ဖြတ်ခဲ့တဲ့ခေတ် ရှိခဲ့တော့ နိုင်ငံရေးပါတီ၊ နိုင်ငံရေး အဖွဲ့အစည်းများမှာ လူကြီးသူမများကို ဖယ်ရှားခြင်းတို့၊ သို့မဟုတ်လည်း လူကြီးသူမများကို အနားပေးခြင်းတို့ဆိုတဲ့ ကိစ္စတွေကို လုပ်တဲ့နေရာမှာ ကျနော်တို့ သိပ်ပြီးတော့ သပ်သပ်ရပ်ရပ်၊ သို့မဟုတ်လည်း လိမ်လိမ်မာမာ ထိုက်သင့်တဲ့ ဂါရ၀တရား မရှိဘဲနဲ့ လုပ်ခဲ့ကြတယ်။

“အဲတော့ အခု ဒေါ်အောင်ဆန်းစုကြည် လုပ်တဲ့ကိစ္စဟာ အခြား နိုင်ငံရေး အဖွဲ့အစည်းများ အသာထားဦး၊ လောလောဆယ် NLD အတွက်ဆိုရင် အလွန်ကို ကျက်သရေရှိတဲ့ လုပ်ငန်းပါ။ ဘာပဲပြောပြော အခု ဒေါ်အောင်ဆန်းစုကြည်ဟာ ဒီပုဂ္ဂိုလ်ကြီးများရဲ့ အကြံဉာဏ်များကို ဂါရ၀ပြုပြီးတော့ ခွင့်တောင်းခြင်း၊ ခံယူခြင်းဆိုတာ အလွန်ကျက်သရေ ရှိပါတယ်လို့ ကျနော် ပြောချင်ပါတယ်။ ဒီလို ကျက်သရေရှိရှိ နည်းနဲ့သာလျှင် အင်အားသစ်များ၊ နိုင်ငံရေး အယူအဆသစ်များ၊ မူဝါဒသစ်များ၊ လုပ်ငန်းသစ်များ ပေါ်ထွက်လာအောင် ဖန်တီးသင့်တယ်။

“အဲဒီလို လုပ်ခြင်းအားဖြင့် မြန်မာပြည် နိုင်ငံရေးမှာ ဗိုလ်နေမြဲ၊ ကျားနေမြဲ ဖြစ်နေတဲ့ အနေအထားကနေ ရှေ့ကို တက်လှမ်းနိုင်လိမ့်မယ်လို့ ကျနော်ကတော့ ယူဆတယ်။ အဲဒါကြောင့် ကျနော်က ဒေါ်အောင်ဆန်းစုကြည်ရဲ့ လုပ်ငန်းနဲ့ ပတ်သက်လို့ အလွန် ကျက်သရေရှိတဲ့ နည်းလမ်းတခု ပြလိုက်တယ်၊ ဒီနည်းလမ်းကို မြန်မာပြည် နိုင်ငံရေးတခုလုံး၊ တပ်မတော် အပါအ၀င် လေးစားလိုက်နာသင့်တယ်၊ လေးစား နည်းယူသင့်တယ်လို့ ကျနော်ကတော့ အဲဒီလိုပဲ သဘောရပါတယ်။”

လက်ရှိအားဖြင့်တော့ အမျိုးသားဒီမိုကရေစီ အဖွဲ့ချုပ်မှာ ဗဟိုအလုပ်အမှုဆောင် အဖွဲ့ဝင် ၁၁ ဦး ရှိပါတယ်။ အများစုက အသက်အရွယ် ကြီးရင့်နေပြီး နိုင်ငံရေးတာဝန်တွေ အချိန်ပြည့် မလုပ်နိုင်တော့ပါဘူး။ အခု ပြန်လည်ဖွဲ့စည်းဖို့ ဆိုတဲ့ နေရာမှာ တိုးချဲ့ဖွဲ့မှာလား၊ လူအပြောင်းအလဲ လုပ်မှာလားဆိုတာကိုတော့ မသဲကွဲသေးပါဘူး။ ( ဗွီအိုအေ )


်

ကိုညီညီအောင်ကို ရုံးထုတ်

ပြီးခဲ့တဲ့ စက်တင်ဘာလက မြန်မာနိုင်ငံကိုအသွား ရန်ကုန်လေဆိပ်မှာ အဖမ်းခံလိုက်ရတဲ့ ကိုကျော်ဇောလွင် (ခေါ်) ကိုညီညီအောင် ကို ဒီကနေ့ အင်းစိန် အထူးတရားရုံးမှာ ရုံးထုတ်စစ်ဆေးခဲ့တယ်လို့ သူ့ရဲ့အမှုကို အကျိုးဆောင် လုပ်ပေးနေတဲ့ ရှေ့နေကြီး ဦးဉာဏ်ဝင်းက ပြောပါတယ်။ ကိုညီညီအောင် ဟာ ထောင်တွင်း အစာငတ်ခံဆန္ဒပြမှုကို ရပ်ဆိုင်းလိုက်ပါပြီ။ အကြောင်းစုံကို ထိုင်းနိုင်ငံ ဗွီအိုအေ ဘန်ကောက်ရုံးက ဒေါ်ခင်မျိုးသက်က အစီရင်ခံထားပါတယ်။

ပြီးခဲ့တဲ့ သောကြာနေ့က ကိုကျော်ဇောလွင် ခေါ် ကိုညီညီအောင် ရဲ့ အမှုကို စစ်ဆေးကြားနာနိုင်ခြင်း မရှိခဲ့ပေမယ့် ဒီကနေ့ သောကြာနေ့မှာတော့ ကိုညီညီအောင် ကိုယ်တိုင် လာရောက်နိုင်တာမို့ အမှုကို စစ်ဆေးနိုင်ခဲ့တယ်လို့ ကိုညီညီအောင် ရဲ့ ရှေ့နေကြီး ဦးဉာဏ်ဝင်းက ပြောပါတယ်။
[ ဆက်လက်ဖတ်ရှု့ပါရန် +/- ]

"ကိုညီညီအောင် လည်း လာတယ်။ တော်တော်လေး ပိန်သွားတယ်။ အမှုကတော့ ၂၉ ရက်နေ့ ပြန်ချိန်းတယ်။ ဒီနေ့စစ်တော့ တရားလိုဖက်က သက်သေစုံသွားပါပြီ။ အဲဒါကြောင့် လာမယ့် ၂၉ ရက်နေ့မှာ စွဲချက်တင်သင့် မသင့်ဆိုတာကို လျှောက်လဲချက် ပေးရမယ်။"

ကိုညီညီအောင် ဟာ စက်တင်ဘာလ ၃ ရက်နေ့က တရားဝင် ပြည်ဝင်ခွင့် ဗီဇာနဲ့ မြန်မာနိုင်ငံကိုအလာ မင်္ဂလာဒုံလေဆိပ်မှာ အဖမ်းခံခဲ့ရတာ ဖြစ်ပါတယ်။ နောက်ပိုင်းမှာ စာရွက်စာတမ်းအတု ကိုင်ဆောင်မှု၊ လိမ်လည်မှုတွေနဲ့ စွပ်စွဲပြီး သူ့ကို ရုံးတင်စစ်ဆေးခဲ့တာပါ။ ဒီဇင်ဘာလ ၄ ရက်နေ့ကတော့ ထောင်ထဲမှာ ဘ၀တူ အကျဉ်းသားတွေအကြား ခွဲခြား ဆက်ဆံခံနေရတာ အဖိနှိပ်ခံနေရတာတွေအတွက် အစာငတ်ခံ ဆန္ဒပြခဲ့တာမို့ အခု အခြေအနေကို မေးကြည့်တဲ့အခါမှာတော့ -

"အစာငတ်ခံဆန္ဒပြတာ ပြီးသွားပါပြီ။ သူ့အခြေအနေကတော့ ကျန်းမာရေး ကတော့ ကောင်းပါတယ်။ ဒါပေမယ့် အတော်လေး ပိန်သွားပါတယ်။ အန်ကယ်လ်တို့ စကားပြောဖို့ ခဏလေးပဲ အချိန်ရတယ်။ သေချာ တွေ့ခွင့်မရဘူး။"

ကိုညီညီအောင်နဲ့ ခဏပဲ တွေ့ခွင့်ရခဲ့တာမို့ အစာငတ်ခံ ဆန္ဒပြနိုင်ဖို့ ရပ်လိုက်တာသာ သိရပြီး သူ့တောင်းဆိုမှုတွေ ရပ်မရတော့ ပြည့်ပြည့်စုံစုံ မသိရဘူးလို့လည်း ပြောပါတယ်။ တရားခွင်ကို အမေရိကန်သံရုံးက တာဝန်ရှိသူတွေ လာရောက်ခွင့် ရခဲ့တာမို့ သံရုံးကို ဆက်သွယ်ခဲ့ပေမယ့် ပြန်လည် မဖြေကြားခဲ့ပါဘူး။

ကိုညီညီအောင် ရဲ့ အဒေါ်ဖြစ်သူ ဒေါ်ခင်ခင်ဆွေ ကတော့ သူ့ရဲ့ ကျန်းမာရေး အခြေအနေကို သေသေချာချာ မသိရသေးပေမယ့်လည်း တရားခွင်ကို ပြန်ပြီး တက်ရောက်နိုင်တယ် ဆိုတာ သိရတာမို့ ၀မ်းသာတယ်လို့ ပြောပါတယ်။

"ကလေးက အစာငတ်ခံ ဆန္ဒပြထားတော့ အားနည်းနေမယ်။ ဒါပေမယ့် နေကောင်းပြီးတော့ ထွက်လာတယ်ဆိုတဲ့ဟာကို သိလိုက်ရတဲ့အချိန်မှာ အန်တီတို့ အရမ်းစိုးရိမ်တဲ့ ဆန္ဒတွေကတော့ ပြယ်သွားပါတယ်။ ရှေ့နေတွေနဲ့ ရုံးထုတ်တဲ့နေ့က သွားလို့ရတယ်။ သံရုံးမှာတွေ့လို့ရတယ်။ ကောင်ဆယ်လာ ရယ်၊ နောက်တယောက်ရယ် သွားတာပေါ့နော်။ အဲဒါကြောင့် သူတို့ကတော့ ပြောပါတယ်။ သူတို့သွားတာ တွေ့ရတယ်။ ဒါပေမယ့် စကားမပြောရဘူးတဲ့။ အချိန်ကလည်း မရဘူး။ သူ့ကို စစ်တယ်၊ ပြီးတော့ အဝေးကနေပြီးတော့ပဲ နေကောင်းလား၊ စားပြီးပြီးလား ဒါပဲ ပြောပြီးတော့ သူတို့လည်း ပြန်လာတယ်။ ရှေ့နေတွေကလည်း - ဟုတ်တယ်တဲ့။ သူတို့ ဒီနေ့ ကောင်းကောင်း စကားမပြောရဘူးတဲ့။ လွတ်လွတ်လပ်လပ်ပေါ့နော်။ အဲဒီလို ပြောပါတယ်။ ကိုယ် ကလည်း သတင်းက အန်ကယ်လ်တို့ (ရှေ့နေများ) က ပြောပြမှပဲ ကြားရတာကိုး။ ကိုယ်က အဲဒီတော့ သံရုံးကိုလည်း ဖုံးဆက်မေးတယ်။ သူတို့ကလည်း စကားမပြောရဘူး ဆိုတာနဲ့ ကျမတို့ကတော့ တနင်္လာနေ့ကျရင် သွားမှာပဲလို့၊ ပါဆယ်ထုတ်နဲ့။ သူ စားချင်ရာတွေ စားရဖို့ သွားပြီးတော့ မတွေ့တွေ့အောင် ကျမတို့ ကြိုးစားမယ်လို့ ပြောတော့၊ သူတို့ ဖုံးဆက်ပေးပြီးတော့ သွားပါတဲ့။ သူတို့ ဟိုကို ဆက်ပြီးပြီပေါ့နော်။ တနင်္လာနေ့ တွေ့လို့ရမယ်တဲ့။ အဲဒီတော့ confirm ဖြစ်သွားတာပေါ့နော်။ တနင်္လာနေ့ တွေ့တာနဲ့ အဲဒီကျမှပဲ အန်တီတို့ သိချင်တာသိရမယ်၊ မေးချင်တာမေးပြီး သူပြောချင်တာတွေ ပြောဖို့ အန်တီတို့ အကုန် သိရမယ်ပေါ့နော်။"

ကိုညီညီအောင် ရဲ့ အဒေါ်ဖြစ်သူ ဒေါ်ခင်ခင်ဆွေ ပြောပြသွားတာပါ။ ( ဗွီအိုအေ )

၈၈ မျိုးဆက်ကျောင်းသား ခေါင်းဆောင် ကိုကိုကြီး၏ ၄၈ နှစ်မြောက် မွေးနေ့ AAPPသတင်းထုတ်ပြန်ချက်

kokogyi birthday

NLD အလုပ်အမှုဆောင်အဖွဲ့ ပြန်ဖွဲ့ရေး ဒေါ်အောင်ဆန်းစုကြည် မေတ္တာရပ်ခံချက် လူကြီးတွေ သဘောတူ

နေအိမ်မှာ ဆက်လက် ဖမ်းဆီးခံထားရတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ သူ့ရဲ့ အမျိုးသားဒီမိုကရေစီ အဖွဲ့ချုပ် (NLD) ပါတီရဲ့ သက်ကြီးပိုင်း ခေါင်းဆောင်တချို့နဲ့ ဒီတပတ်ထဲ တွေ့ဆုံခွင့်ရခဲ့ပြီး နိုင်ငံရေး လှုပ်ရှားမှုတွေ ရှေ့ဆက် လုပ်ဆောင်နိုင်စေဖို့ ပါတီထဲမှာ အပြောင်းအလဲတွေ လုပ်ဆောင်ရေး ဆွေးနွေးဖြစ်တယ်လို့ သူနဲ့တွေ့ဆုံခဲ့တဲ့သူတွေနဲ့ ပါတီ အကြီးတန်း ခေါင်းဆောင်တွေက ပြောပါတယ်။ ဒေါ်အောင်ဆန်းစုကြည်က တောင်းဆိုထားတာကို လိုက်လျောပြီး မြန်မာစစ်အစိုးရက ဒီလို ပါတီလူကြီးပိုင်း တချို့နဲ့ တွေ့ဆုံခွင့် ပေးခဲ့ပေမဲ့ ကျန်တောင်းဆိုချက်တွေကို လက်ခံဖို့ကိုလည်း NLD က လိုလားနေတာ ဖြစ်ပါတယ်။ အကြောင်းစုံကို ကိုအောင်လွင်ဦးက တင်ပြပေးထားပါတယ်။

NLD ပါတီရဲ့ သက်ကြီးပိုင်း ခေါင်းဆောင်တွေ ဖြစ်ကြတဲ့ ဥက္ကဋ္ဌ ဦးအောင်ရွှေ၊ ပါတီ အတွင်းရေးမှူး ဦးလွင်နဲ့ ဗဟိုအလုပ်အမှုဆောင် အဖွဲ့ဝင် ဦးလွန်းတင်တို့နဲ့ ဒေါ်အောင်ဆန်းစုကြည် ဗုဒ္ဓဟူးနေ့တုန်းက တွေ့ဆုံခွင့်ရချိန်မှာ ပါတီ ခေါင်းဆောင်ပိုင်း ပြန်လည်ဖွဲ့စည်းရေး ကိစ္စတွေကို ဆွေးနွေးခဲ့ကြတာပါ။ အထူးသဖြင့်ကတော့ အခုအခါ အသက်အရွယ် ကြီးရင့်နေပြီဖြစ်တဲ့ ပါတီခေါင်းဆောင်တွေ နေရာမှာ အစားထိုး ပြန်လည်ဖွဲ့စည်းဖို့ တရားဝင် ခွင့်ပြုချက် တောင်းခံခဲ့တာ ဖြစ်တဲ့အကြောင်း ဒေါ်အောင်ဆန်းစုကြည်နဲ့ တွေ့ဆုံခဲ့သူ တဦးဖြစ်တဲ့ ဦးလွင်က ပြောပါတယ်။
[ ဆက်လက်ဖတ်ရှု့ပါရန် +/- ]

“ပြန်လည်ဖွဲ့စည်းရေး လုပ်မယ်။ အသက်ကြီးတဲ့ ပုဂ္ဂိုလ်တွေလည်း ဒုက္ခမပေးချင်ဘူး။ သို့သော်လည်း ဒါနဲ့ ပတ်သက်ပြီး ရပ်တည်ပေးဖို့ တရားဝင် ခွင့်တောင်းတာ၊ CEC ပြန်လည်ဖွဲ့စည်းဖို့ဆိုတာ။ အဲဒါ ပေးပါတယ်လို့၊ အဲလို ပြန်လည်ဖွဲ့စည်းတဲ့ဟာ သူ့သဘောနဲ့သူ လုပ်ပိုင်ခွင့် မရှိဘူးပေါ့၊ ဒီ လူကြီး ၃ ယောက်က သဘောတူမှ လုပ်သင့်တယ်၊ လုပ်ဖို့အချိန်လည်း ရောက်ပါပြီ။”

အသက်အရွယ် ကြီးရင့်ပြီး ကျန်းမာရေးမကောင်း ဖြစ်နေကြတဲ့ ပါတီလူကြီးပိုင်းနဲ့ တွေ့ဆုံလိုကြောင်းနဲ့ ပါတီခေါင်းဆောင်တွေနဲ့ ပုံမှန်ဆွေးနွေးမှုတွေ လုပ်ဆောင်ခွင့်ပေးဖို့၊ နောက် စစ်အစိုးရ အကြီးအကဲ ဗိုလ်ချုပ်မှူးကြီးသန်းရွှေနဲ့ ဆွေးနွေးခွင့်ပေးဖို့ ဒေါ်အောင်ဆန်းစုကြည်က နိုဝင်ဘာလ ၁၁ ရက်နေ့က စစ်အစိုးရခေါင်းဆောင်ထံ စာရေးသား တောင်းဆိုခဲ့ပြီးတဲ့နောက် တွေ့ဆုံခွင့်ရခဲ့တာ ဖြစ်ပါတယ်။ ဒီလို တွေ့ဆုံမှုတွေ ထွက်ပေါ်လာတဲ့အတွက် မြန်မာ့နိုင်ငံရေးအတွက် အလားအလာကောင်းတွေ ဖြစ်လေမလား မျှော်လင့်မှုတွေလည်း ရှိခဲ့တာပါ။

ပါတီလူကြီး ၃ ယောက်နဲ့ တွေ့ဆုံခွင့် ပြုခဲ့တဲ့အပေါ် အမေရိကန် ပြည်ထောင်စုကလည်း ကြိုဆိုခဲ့တာ ဖြစ်သလို ကျန် ပါတီရဲ့ အလုပ်အမှုဆောင်တွေ အားလုံးနဲ့ရော တိုင်းရင်းသား အင်အားစုတွေ အပါအ၀င် တိုင်းပြည်က သက်ဆိုင်သူတွေနဲ့ ကျယ်ကျယ်ပြန့်ပြန့် တွေ့ဆုံနိုင်မယ့် ခြေလှမ်းတရပ်အဖြစ် မျှော်လင့်ကြောင်းလည်း နိုင်ငံခြားရေး ၀န်ကြီးဌာန ပြောခွင့်ရသူ အီယန် ကယ်လီ (Ian Kelley) က ပြောခဲ့တာပါ။

NLD ပါတီ အတွင်းရေးမှူး တဦးဖြစ်တဲ့ ဦးဝင်းတင်ကတော့ ဒေါ်အောင်ဆန်းစုကြည်ရဲ့ ကျန် တောင်းဆိုချက်တွေဖြစ်တဲ့ ပါတီအလုပ်အမှုဆောင် အဖွဲ့နဲ့ရော စစ်အစိုးရ အကြီးအကဲ ဗိုလ်ချုပ်မှူးကြီးသန်းရွှေနဲ့ပါ တွေ့ဆုံခွင့်ကို တိုင်းပြည်အကျိုး ရှေးရှုပြီး လိုက်လျောဖို့ လိုတယ်လို့ ဆိုပါတယ်။

“မြန်မာပြည်ရဲ့ နိုင်ငံရေး အခြေအနေက အလွန်သိမ်မွေ့တယ် ဆိုတာထက် အလွန်ကို Urgent ဖြစ်နေတယ်၊ အလွန်ကို တွန်းအားပြင်းနေတယ်လို့ ကျနော်ပြောချင်တယ်။ အဲဒီအတွက် မြန်မြန်ပြီးဖို့လိုတယ်။ အဲဒါကြောင့် ဒေါ်အောင်ဆန်းစုကြည် စာထဲမှာ ပါတဲ့အတိုင်းပဲ ဒေါ်အောင်ဆန်းစုကြည်နဲ့ NLD CEC ပုဂ္ဂိုလ်များ တွေ့ဆုံမှုကို မြန်မြန်ထက်ထက် အစိုးရအနေနဲ့ လိုက်လျောဖို့ ကျနော်တို့က မျှော်လင့်နေတယ်လို့ ပြောချင်ပါတယ်။

“နောက်ဆုံးအဆင့်ကတော့ ဒီစာရဲ့ နောက်ဆုံးပိုင်းဖြစ်တဲ့ ဗိုလ်ချုပ်မှူးကြီးသန်းရွှေနဲ့ တိုင်းပြည်ရဲ့ အကျိုးရှိရာ ရှိကြောင်း ကိစ္စတွေကို ဆွေးနွေးပါရစေ၊ ဒါကြောင့် ကျမကို တွေ့ခွင့်ပေးပါဆိုတဲ့ ဒေါ်အောင်ဆန်းစုကြည်ရဲ့ ပန်ကြားချက်ကို နအဖအစိုးရအနေနဲ့ အမြန်ဆုံး လိုက်လျောလိမ့်မယ်၊ အမြန်ဆုံး ဒီကိစ္စကို အကောင်အထည် ဖော်လိမ့်မယ်လို့ ကျနော်တို့ မျှော်လင့်နေပါတယ်။”

ဒီလို ပါတီလူကြီးပိုင်းနဲ့ တွေ့ဆုံမှုတွေ မတိုင်မီ စစ်အစိုးရရဲ့ ဆက်သွယ်ရေးဝန်ကြီး ဦးအောင်ကြည်နဲ့ အောက်တိုဘာလကစလို့ ၃ ကြိမ် တွေ့ဆုံခဲ့တာ ရှိခဲ့သလို အမေရိကန် လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် (Kurt Campbell) နဲ့လည်း တွေ့ဆုံခဲ့တာပါ။ ဒါပေမဲ့လည်း လက်ထောက် နိုင်ငံခြားရေးဝန်ကြီး ကမ်းဘဲလ်နဲ့အတူ မြန်မာစစ်အစိုးရ တာဝန်ရှိသူတွေနဲ့ တွေ့ဆုံခဲ့သူ တဦးဖြစ်တဲ့ ဒု-လက်ထောက် နိုင်ငံခြားရေးဝန်ကြီး စကော့ မာဆီယယ် (Scot Marciel) ကတော့ တိုက်ရိုက် ထိတွေ့မှုတွေနဲ့ ဆက်ဆံရေးတွေ ပြောင်းလဲသွားဖို့ အမေရိကန်က ရည်ရွယ်ထားပေမဲ့ အခုအထိတော့ ထင်သလောက် တိုးတက်မှု မတွေ့ရသေးဘူးလို့ ဒီလဆန်းပိုင်းမှာတုန်းကပဲ ပြောဆိုခဲ့တာ ဖြစ်ပါတယ်။ ( ဗွီအိုအေ )

သက်ကြီးရွယ်အို ခေါင်းဆောင်များကို ဒေါ်အောင်ဆန်းစုကြည် ဂါရ၀ပြု

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ NLD ဥက္ကဋ္ဌ ဦးအောင်ရွှေ အပါအ၀င် ဗဟိုအလုပ်အမှုဆောင် ၃ ဦးကို ဗုဒ္ဓဟူးနေ့မှာ တွေ့ဆုံ ဂါရ၀ပြုခွင့် ရခဲ့ပါတယ်။ ဒီလိုတွေ့ဆုံရာမှာ ဗဟိုအလုပ်အမှုဆောင် အဖွဲ့ကို ပြန်ဖွဲ့ဖို့ ဒေါ်အောင်ဆန်းစုကြည်က တောင်းဆိုခဲ့သလို လူကြီး ၃ ဦးကလည်း သဘောတူခဲ့တဲ့အပြင် NLD CEC တွေကရော၊ CRPP ကပါ ဒေါ်အောင်ဆန်းစုကြည်ရဲ့ နိုင်ငံရေးနဲ့ NLD အရေးကိစ္စ ဆောင်ရွက်မှုတွေကို ထောက်ခံကြောင်း အားပေးစကား ပြောကြားခဲ့တယ်လို့ NLD ပြောခွင့်ရပုဂ္ဂိုလ် ဦးဉာဏ်ဝင်းက ပြောပါတယ်။ အပြည့်အစုံကို ဒေါ်ခင်မျိုးသက်က ဆက်သွယ်မေးမြန်းပြီး တင်ပြပေးထားပါတယ်။

ဒေါ်အောင်ဆန်းစုကြည်က စစ်အစိုးရ အကြီးအကဲ ဗိုလ်ချုပ်မှူးကြီးသန်းရွှေဆီကို နိုဝင်ဘာလ ၁၁ ရက်နေ့က ရေးသားပေးပို့တဲ့ စာထဲမှာ အသက်အရွယ် ကြီးရင့်ပြီဖြစ်တဲ့ NLD ပါတီဥက္ကဋ္ဌ ဦးအောင်ရွှေ၊ ပါတီအတွင်းရေးမှူး ဦးလွင်နဲ့ ဗဟိုအလုပ်အမှုဆောင် အဖွဲ့ဝင် ဦးလွန်းတင်တို့ကို တွေ့ဆုံခွင့်ပေးဖို့ တောင်းဆိုခဲ့တဲ့အပြင် NLD ပါတီက ခေါင်းဆောင်အားလုံး ပါဝင်တဲ့ ပုံမှန်အစည်းအဝေးတွေ ကျင်းပနိုင်ခွင့် ရဖို့လည်း တောင်းဆိုခဲ့ပါတယ်။ ဗုဒ္ဓဟူးနေ့မှာတော့ နိုင်ငံတော် အစိုးရ ဧည့်ဂေဟာမှာ လူကြီး ၃ ဦးနဲ့ တွေ့ခွင့်ရခဲ့တယ်လို့ NLD ပြောခွင့်ရပုဂ္ဂိုလ် ဦးဉာဏ်ဝင်းက ပြောပါတယ်။
[ ဆက်လက်ဖတ်ရှု့ပါရန် +/- ]

“အန်ကယ် ဦးအောင်ရွှေရယ်၊ ဦးလွင်ရယ်၊ အန်ကယ် ဦးလွန်းတင်ရယ် ၃ ယောက်ပါ။ စောစောပိုင်းက ကျနော် အန်ကယ် ဦးလွန်းတင်နဲ့ စကားပြောနေတယ်။ သူပြောပြတာတွေပေါ့၊ အဓိကကတော့ ဒေါ်အောင်ဆန်းစုကြည် အနေနဲ့ နိုင်ငံရေး၊ NLD အရေးကိစ္စတွေ ဆောင်ရွက်တဲ့နေရာမှာ နောက်ဆံမတင်းနဲ့၊ NLD CEC ရော၊ CRPP ရော လုံးဝ ဒေါ်အောင်ဆန်းစုကြည်အတွက် ထောက်ခံနေတယ်ဆိုတာ သူ့ကို အားပေးတဲ့စကားတွေ ပြောလာခဲ့တယ်။ ကျန်တာတော့ ကျန်းမာရေး၊ သာရေးနာရေးက များပါတယ်။ နိုင်ငံရေးအရတော့ ဒေါ်အောင်ဆန်းစုကြည် ဆောင်ရွက်ချက်တွေကို ထောက်ခံကြောင်း လူကြီးတွေက ပြောခဲ့တယ်။”

အမျိုးသားဒီမိုကရေစီ အဖွဲ့ချုပ် ပါတီအနေနဲ့ ဗဟိုအလုပ်အမှုဆောင် အဖွဲ့ကို ပြန်ဖွဲ့ဖို့ပါ သဘောတူခဲ့တဲ့အတွက် ဒါဟာ NLD ပါတီက လူငယ် မျိုးဆက်သစ်တွေပါ ပါဝင်ဆောင်ရွက်ခွင့် ရလာတော့မှာ ဖြစ်ပါတယ်။ ဒီလိုဆောင်ရွက်တာဟာ ရှေ့နှစ် ရွေးကောက်ပွဲနဲ့ ပတ်သက်ပြီး ပြင်ဆင်တာမျိုး ဟုတ်မဟုတ် မေးကြည့်တဲ့ အခါမှာတော့ ဦးဉာဏ်ဝင်းက အခုလို ဆက်ပြောပါတယ်။


“ရွေးကောက်ပွဲကိစ္စ အန်ကယ်တို့က အဖွဲ့ချုပ်အနေနဲ့ရော၊ ဒေါ်အောင်ဆန်းစုကြည်ရော၊ ဥက္ကဋ္ဌရော အားလုံး တသဘောတည်း ရှိတာက အခုအချိန်မှာ ဒါ ဘာမှ စဉ်းစားစရာ မလိုဘူး။ ကျနော်တို့က ရွေးကောက်ပွဲ ဥပဒေတို့၊ ကော်မရှင် ဥပဒေတို့ ဒါတွေကို ကြည့်ရဦးမယ်။ ဒီဟာတွေ ဘာပါမှန်းမသိဘဲနဲ့ အန်ကယ်တို့ ရွေးကောက်ပွဲဆိုင်ရာ ပြောကြားချက်ကို ပြောမှာမဟုတ်ဘူး။”

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ အသက် ၉၃ နှစ်ရှိပြီဖြစ်တဲ့ ပါတီဥက္ကဋ္ဌ ဦးအောင်ရွှေ၊ အသက် ၈၅ နှစ်အရွယ် ပါတီအတွင်းရေးမှူး ဦးလွင်နဲ့ ပါတီ ဗဟိုအလုပ်အမှုဆောင် အဖွဲ့ဝင် အသက် ၈၈ နှစ် ရှိပြီဖြစ်တဲ့ ဦးလွန်းတင်တို့နဲ့ ၄၅ မိနစ်ကြာ တွေ့ဆုံခွင့် ရခဲ့တာ ဖြစ်ပါတယ်။ အခုလို နှစ်ပေါင်းများစွာအတွင်း ပထမဆုံးအကြိမ် တွေ့ခွင့်ရတဲ့အတွက် နှစ်ဘက် ၀မ်းမြောက်နေတယ်လို့လည်း ဦးဉာဏ်ဝင်းက ပြောပါတယ်။ ဒါ့အပြင် အသက်အရွယ် ကြီးရင့်ပြီဖြစ်တဲ့ လူကြီးတွေရဲ့ ကျန်းမာရေး အခြေအနေနဲ့ ပတ်သက်ပြီးလည်း အခုလို ပြောပါတယ်။

“ကျန်းမာရေး အခြေအနေက အန်ကယ်က သီးခြား ထူးထူးခြားခြား ရောဂါတော့ မရှိဘူး။ သို့သော် အသက်အရွယ်ကြောင့် သူက ကိုယ်တိုင် လမ်းမလျှောက်နိုင်တော့ဘူး။ တွဲတာတောင် မဟုတ်ဘူး၊ ဖက်ပြီးတော့ကို လျှောက်ရတယ်။ အဲဒီအခြေအနေပါ။ ဦးအောင်ရွှေလည်း ဒီလိုပေါ့၊ အသက်အရွယ်ကြောင့် လှေကားတွေဘာတွေ သိပ်မတက်နိုင်ဘူး။ အန်ကယ် ဦးလွင်က ခါးရိုးပြားထားတယ်။ လေကလည်း ဟိုတုန်းက ဖြတ်ထားဖူးတော့ သူကလည်း တယောက်တည်း လျှောက်လို့မရဘူး။

“သူတို့ပြောတာကတော့ အခုလို မတွေ့တာလည်း ကြာတော့ ဒေါ်အောင်ဆန်းစုကြည်နဲ့ တွေ့ရတာ သူတို့လည်း အရမ်း ၀မ်းသာပါတယ်။ ဒေါ်အောင်ဆန်းစုကြည်ကလည်း အရမ်း ၀မ်းသာကျေနပ်နေတယ်လို့ သူတို့ သိရတယ်။ ဒါကို ပြောပြတယ်။”

NLD ပြောခွင့်ရပုဂ္ဂိုလ် ဦးဉာဏ်ဝင်း ပြောပြသွားတာ ဖြစ်ပါတယ်။ ( ဗွီအိုအေ )

ဒေါ်အောင်ဆန်းစုကြည်နဲ့ NLD လူကြီး ၃ ဦး တွေ့ဆုံရေး စစ်အစိုးရ သဘောတူ

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က စစ်အစိုးရ အကြီးအကဲ ဗိုလ်ချုပ်မှူးကြီးသန်းရွှေဆီ ရေးပို့တဲ့ စာထဲမှာ NLD ဥက္ကဋ္ဌ ဦးအောင်ရွှေ အပါအ၀င် ဗဟိုအလုပ်အမှုဆောင် ၃ ဦးကို တွေ့ဆုံ ဂါရ၀ပြုဖို့ ထည့်သွင်း တောင်းဆိုခဲ့တဲ့ အချက်အပေါ် စစ်အစိုးရ အာဏာပိုင်တွေက ခွင့်ပြုလိုက်ပြီလို့ သိရပါတယ်။ အပြည့်အစုံကိုတော့ ဒေါ်အောင်ဆန်းစုကြည်နဲ့ ဒီကနေ့ပဲ တွေ့ဆုံခဲ့တဲ့ NLD ပြောခွင့်ရပုဂ္ဂိုလ် ဦးဉာဏ်ဝင်းကို ဆက်သွယ် မေးမြန်းထားတဲ့ ကိုဇော်ဝင်းလှိုင်က တင်ပြပေးထားပါတယ်။

ဒေါ်အောင်ဆန်းစုကြည်က ပြီးခဲ့တဲ့ နိုဝင်ဘာလ ၁၁ ရက်နေ့က ဗိုလ်ချုပ်မှူးကြီးသန်းရွှေထံ ရေးသားပေးပို့ခဲ့တဲ့ စာပါ အကြောင်းအရာနဲ့ ပတ်သက်လို့ အာဏာပိုင်တွေဘက်က အခုလို NLD ခေါင်းဆောင်ပိုင်း ၃ ယောက်ကို တွေ့ဆုံ ဂါရ၀ပြုဖို့ ခွင့်ပြုလိုက်တာ ဖြစ်ပါတယ်။
[ ဆက်လက်ဖတ်ရှု့ပါရန် +/- ]

စစ်အစိုးရ ဆက်ဆံရေးဝန်ကြီး ဦးအောင်ကြည် ပြီးခဲ့တဲ့ နိုဝင်ဘာလ ၉ ရက်နေ့က ဒေါ်အောင်ဆန်းစုကြည်နဲ့ အစိုးရဧည့်ဂေဟာမှာ လာရောက်တွေ့ဆုံခဲ့တဲ့ ကိစ္စကလည်း ဒီကိစ္စကို အသေးစိတ် ဆွေးနွေး ညှိနှိုင်းဖို့အတွက် လာရောက် တွေ့ဆုံခဲ့ခြင်း ဖြစ်တယ်လို့ ဒီကနေ့ပဲ ဒေါ်အောင်ဆန်းစုကြည်နဲ့ သွားရောက်တွေ့ဆုံခဲ့တဲ့ NLD ပြောခွင့်ရပုဂ္ဂိုလ် ဦးဉာဏ်ဝင်းက ပြောပါတယ်။

“ကျန်းမာရေး မကောင်းတဲ့ လူကြီးတွေကို ဂါရ၀ပြု ကန်တော့ဖို့ ကိစ္စကိုပဲ ညှိကြတာပါ။ အခုလို ညှိလို့လည်း နှစ်ဘက်လုံး သဘောတူပါတယ်။ သူတို့ ၃ ဦး တစုတဝေးတည်း ဂါရ၀ပြု ကန်တော့ဖို့ အစီအစဉ် ရှိပါတယ်။ ရက်ပိုင်းအတွင်း ဖြစ်ပါလိမ့်မယ်။”

ဒေါ်အောင်ဆန်းစုကြည်က တွေ့ဆုံ ဂါရ၀ပြုခွင့်ပေးဖို့ တောင်းဆိုထားတဲ့ ၃ ဦးထဲက ဥက္ကဋ္ဌ ဦးအောင်ရွှေနဲ့ အလုပ်အမှုဆောင် အဖွဲ့ဝင် ဦးလွန်းတင်တို့ကို မြန်မာနိုင်ငံ ရဲတပ်ဖွဲ့က တာဝန်ရှိသူတွေ မနေ့က သွားရောက် တွေ့ဆုံခဲ့ကြပြီး ဖြစ်တဲ့အတွက် အခုချိန်မှာ တွေ့ဆုံကြဖို့ အားလုံးက သဘောတူလိုက်ကြတာ ဖြစ်ပါတယ်။ ကျန်အလုပ်အမှုဆောင်အဖွဲ့ဝင် တဦးဖြစ်တဲ့ ဦးလွင်ကိုတော့ အာဏာပိုင်တွေဘက်က လာရောက်တွေ့ဆုံတယ်၊ မတွေ့ဆုံဘူးဆိုတာ အခုအချိန်ထိ မသိရသေးပါဘူး။

ဒီကနေ့ တွေ့ဆုံကြတဲ့အခါမှာ ဒေါ်အောင်ဆန်းစုကြည်ရဲ့ အမှုအတွက် ပြင်ဆင်မှု လျှောက်လဲချက်နဲ့ ပတ်သက်လို့ အကျိုးဆောင် ရှေ့နေတွေက ရေးထားတဲ့ မူကြမ်းကိုလည်း ဒေါ်အောင်ဆန်းစုကြည်ထံ တင်ပြဆွေးနွေးပြီး အတည်ပြုချက် ရခဲ့တယ်လို့ ဦးဉာဏ်ဝင်းက ပြောပါတယ်။

“အမှုကိစ္စကတော့ ပထမ ၂ မှုက ကျနော်တို့တင်တဲ့ ပြင်ဆင်မှုပေါ့၊ ဒါနဲ့ပတ်သက်ပြီး မူကြမ်းကို ကျနော်တို့ ဒီနေ့ပေးတယ်၊ ဆွေးနွေးတယ်၊ အတည်ပြုတယ်။ နောက်တခုက အစိုးရက ဒေါ်စုတို့အပေါ်မှာတင်တဲ့ Revision၊ အဲဒီ တိုင်းရုံးက ချမှတ်တဲ့ အမိန့်အပေါ်မှာပဲ အစိုးရက သူတို့လည်း မကျေနပ်ဘူးဆိုပြီး ပြင်ဆင်မှုတခု တရားရုံးချုပ်မှာ ဖွင့်ထားတယ်။ အဲဒီအမှုကိုလည်း ၂၁ ရက်နေ့မှာပဲ ကြားနာမယ်။ ဒီကိစ္စနဲ့ ပတ်သက်ပြီး ဘယ် Reason နဲ့ Background နဲ့ တင်တယ်ဆိုတာတော့ ကျနော်တို့ အခုထိ တရားဝင် မသိရသေးဘူး။ ဖြစ်နိုင်ခြေ ရှိတာတွေကို ကျနော်တို့ ဒီနေ့ ဆွေးနွေးပါတယ်။”

ဒေါ်အောင်ဆန်းစုကြည် အမှုကို လာမယ့် ဒီဇင်ဘာလ ၂၁ ရက်နေ့ ဗဟိုတရားရုံးမှာ ကြားနာဖို့ရှိတယ်လို့ ဦးဉာဏ်ဝင်းက ပြောပါတယ်။ ဒါ့အပြင် အဲဒီ ၂၁ ရက်နေ့မှာပဲ ဒေါ်အောင်ဆန်းစုကြည်နဲ့ အကို ဦးအောင်ဆန်းဦးတို့ အကြားက အမွေဆိုင်အမှု အတွက်လည်း Mention Date လို့ခေါ်တဲ့ ဖော်ပြရန် ရက်ချိန်းအတွက် ရန်ကုန်တိုင်း တရားရုံးမှာ ကြားနာဖို့ ရှိတယ်လို့ ဦးဉာဏ်ဝင်းက ပြောသွားပါတယ်။
( ဗွီအိုအေ )

မျိုးဆက်သစ်လူငယ်များအစည်းအရုံး တိုက်တွန်းနှိူးဆော်ချက် ( ၈ / ၂၀၀၉ )

Gw-8-2009-Statement-Bur

ကိုမင်းကိုနိုင် ၏ နောက်ကြည့်မှန်

Ko Min Ko Naing Short Story

ဒေါ်အောင်ဆန်းစုကြည်ဂုဏ်သိက္ခာ အိုဘားမား လေးစား

ဒေါ်အောင်ဆန်းစုကြည်တို့လို ပြုပြင်ရေးသမားတွေရဲ့ အေးဆေးတည်ငြိမ်သော ဂုဏ်သိက္ခာတွေကို အမေရိကန် ပြည်ထောင်စု အနေနဲ့ တလေးတစားနဲ့ စောင့်ကြည့်သွားရမှာ ဖြစ်တယ်လို့ အမေရိကန် သမ္မတ ဘရက်ခ် အိုဘားမား (Barack Obama) က ဒီကနေ့ ပြောကြားတဲ့ နိုဘဲလ် ငြိမ်းချမ်းရေးဆု လက်ခံတဲ့မိန့်ခွန်းမှာ ထည့်သွင်း ပြောကြားသွားပါတယ်။ အမေရိကန် သမ္မတဟာ နိုဘဲလ် ငြိမ်းချမ်းရေးဆုကို နော်ဝေးနိုင်ငံ အော်စလိုမြို့တော်မှာ တရားဝင် လက်ခံခဲ့တာပါ။
[ ဆက်လက်ဖတ်ရှု့ပါရန် +/- ]

သမ္မတ အိုဘားမားဟာ ကမ္ဘာ့နိုင်ငံတွေ စစ်ဖြစ်ပွားရတဲ့ အခြေအနေ၊ ငြိမ်းချမ်းရေး အမြန်ဖော်ဆောင်ဖို့ လိုအပ်တယ်ဆိုတဲ့ အခြေအနေတွေ အကြောင်း အကျယ်တ၀ံ့ ပြောကြားခဲ့တာကို ဗွီအိုအေရဲ့ အိမ်ဖြူတော် သတင်းထောက် ပေါ်လာ ၀ုဖ်ဆွန်က (Paula Wolfson) သတင်းပေးပို့ထားပါတယ်။ အပြည့်အစုံကို ကိုကျော်အောင်လွင်က တင်ပြပေးထားပါတယ်။

သမ္မတအိုဘားမားဟာ ဒီငြိမ်းချမ်းရေးဆုကို ကျိုးနွံစွာ လက်ခံရတာ ဖြစ်တဲ့ အကြောင်း၊ နိုဘဲလ် ကော်မတီက ဒီဆုကို ချီးမြှင့်ဖို့ ရွေးချယ်ခဲ့တာနဲ့ ပတ်သက်လို့ အငြင်းပွားမှုတွေ ရှိနေတယ်ဆိုတာ သိရှိတဲ့အကြောင်း စတင်ပြောကြားခဲ့ပါတယ်။

“တစိတ်တဒေသအားဖြင့်တော့ ကမ္ဘာ့ဇာတ်ခုံပေါ်မှာ ကျနော့်လုပ်ရပ်တွေရဲ့ အစပိုင်းသာ ရှိသေးပြီး ဆုံးခန်း မတိုင်သေးတဲ့ အတွက်ကြောင့် ဖြစ်ပါတယ်။ ကမ္ဘာ့သမိုင်းမှာ အရင်က ဒီဆုကို လက်ခံရရှိခဲ့ကြတဲ့ Schweitzer တို့၊ King တို့၊ Marshalတို့၊ Mandela တို့ရဲ့ စွမ်းဆောင်မှုတွေနဲ့ စာရင် ကျနော့်ရဲ့ စွမ်းဆောင်မှုတွေက မပြောပလောက်ပါဘူး။”

ဒါ့အပြင် ပိုပြီး အရေးကြီးတဲ့ ကိစ္စတခုက သူဟာ စစ်ပွဲနှစ်ခုအကြား ပိတ်မိနေတယ်ဆိုတဲ့ အချက်ပါပဲလို့လည်း ဆက်ပြီး ပြောကြားပါတယ်။

“ကျနော်တို့ဟာ စစ်ပွဲနဲ့ ရင်ဆိုင်နေရပါတယ်။ အမေရိကန်လူငယ် ထောင်ပေါင်းများစွာကို အလှမ်းကွာဝေးတဲ့ စစ်မြေပြင်တွေဆီ ပို့ပေးရတဲ့အတွက် ကျနော့်မှာ တာဝန်ရှိပါတယ်။ သူတို့အထဲက တချို့ဟာ လူသတ်ရပါလိမ့်မယ်။ တချို့ဟာ အသတ်ခံရပါလိမ့်မယ်။ စစ်နဲ့ ငြိမ်းချမ်းရေး ဆက်နွယ်မှု၊ စစ်ပွဲကို ငြိမ်းချမ်းရေးနဲ့ ဘယ်လို အစားထိုးကြမယ်ဆိုတဲ့ ခက်ခဲတဲ့ ပြဿနာတွေ ရှိနေတယ်ဆိုတာကို နားလည် သဘောပေါက်ထားပါတယ်။”

သမ္မတအိုဘားမားက ဆက်လက်ပြီး ကိုယ့်လူမျိုး အချင်းချင်း လူ့အခွင့်အရေး ချိုးဖောက် ကျူးလွန်နေကြတာကိုလည်း ပြောပါတယ်။ စစ်ရေးပဋိပက္ခ မရှိဘူး ဆိုတာထက် ငြိမ်းချမ်းရေးဆိုတာ တည်ရှိနေဖို့က ပိုအရေးကြီးတယ်လို့ ဆိုပါတယ်။

“ကျနော်တို့ဟာ ကမ္ဘာပေါ်က နိုင်ငံတွေအကြား ထူးခြားတဲ့ ယဉ်ကျေးမှုတွေ၊ ထုံးတမ်း အစဉ်အလာတွေ ရှိနေတယ်။ တနိုင်ငံနဲ့ တနိုင်ငံ မတူညီဘူး ဆိုတာကို ကျနော်တို့ နားလည် သဘောပေါက်ပေမဲ့ အမေရိကန် ပြည်ထောင်စုဟာ လူသားတရပ်လုံးရဲ့ ရည်မှန်းချက်တွေကိုတော့ ဖော်ထုတ် ပြောကြားသွားမှာ ဖြစ်ပါတယ်။ ဒေါ်အောင်ဆန်းစုကြည်တို့လို ပြုပြင်ရေးသမားတွေရဲ့ အေးဆေးတည်ငြိမ်တဲ့ ဂုဏ်သိက္ခာကို ကျနော်တို့က အလေးထားပြီး ဖော်ထုတ်သွားမှာပါ။ ရိုက်နှက်ခံရမယ့် အန္တရာယ်ကြားက မဲပေးရဲကြတဲ့ ဇင်ဘာဘွေ ပြည်သူတွေရဲ့ သတ္တိ၊ ငြိမ်သက်စွာ လမ်းတွေပေါ်ထွက်ပြီး ဆန္ဒပြရဲကြတဲ့ သိန်းပေါင်းများစွာသော အီရန်ပြည်သူတွေကိုလည်း အလားတူ လေးစားစွာ ဖော်ထုတ်ရမှာပါ။”

၂၀၀၉ ခုနှစ် ငြိမ်းချမ်းရေး နိုဘဲလ်ဆု ရွေးချယ်ခဲ့တာနဲ့ ပတ်သက်ပြီး နိုဘဲလ်ကော်မတီက သမ္မတ အိုဘားမားရဲ့ နိုင်ငံတကာ သံတမန် ဆက်ဆံရေးနဲ့ ပူးပေါင်းဆောင်ရွက်မှုကို ပိုပြီး ခိုင်မာအောင် အားပေးရတာဖြစ်ကြောင်း၊ သမ္မတ အိုဘားမားဟာ ကမ္ဘာ့ပြည်သူတွေအတွက် မျှော်လင့်ချက်ရောင်ခြည် ပါးလိုက်တာပဲ ဖြစ်တယ်လို့ ဆိုပါတယ်။ ( ဗွီအိုအေ )

ဂျပန်နိုင်ငံရှိ ကမ္ဘာ့ကုလသမဂ္ဂ အဆောက်အဦးရှေ့တွင် လူ့အခွင့်အရေး ဆန္ဒပြတောင်းဆိုပွဲလုပ်

ဓါတ်ပုံများကို ကိုမင်းညိုဝမ်းမှ ရိုက်ကူးပေးပို့ပါသည်။ ဖြိုးဝေ - MMP

အပြည်ပြည်ဆိုင်ရာ လူ့အခွင့်အရေး ကြေညာစာတမ်းကို အတည်ပြုခဲ့သည့်နေ့ ဒီဇင်ဘာလ ၁၀ ရက်နေ့တွင် လူ့အခွင့်အရေး ဆန္ဒပြတောင်းဆိုပွဲ တစ်ခုအား ဂျပန်နိုင်ငံ၊ တိုကျိုမြို့ ရှီဘူယ(Shibuya)ဘူတာအနီးရှိ ကမ္ဘာ့ကုလသမဂ္ဂ အဆောက်အဦးရှေ့တွင် ကျင်းပပြုလုပ်ခဲ့ကြောင်းသိရပါသည်။ အဆိုပါ ဆန္ဒပြတောင်းဆိုပွဲအား ဂျပန်နိုင်ငံရှိ နိုင်ငံခြားသားများအရေးကို အစဉ်တစိုက် ကူညီဆောင်ရွက်ပေးနေသော ဂျပန်လူမျိုးများနှင့်အတူ နိုင်ငံခြားသားများ အပါအဝင် စုစုပေါင်း လူအင်အား (၂၀၀)ခန့် တက်ရောက်ဆန္ဒပြတောင်းဆိုခဲ့ကြပြီး နေ့လည် ၃ နာရီမှ ညနေ ၅ နာရီအထိ ပြုလုပ်ကျင်းပခဲ့ကြသည်။
[ ဆက်လက်ဖတ်ရှု့ပါရန် +/- ]

“ဒီဆန္ဒပြပွဲမှာ ဂျပန်နိုင်ငံကိုရောက်ရှိနေတဲ့ နိုင်ငံခြားသားတွေအနေနဲ့ မိမိတို့ နိုင်ငံမှာ လူ့အခွင့်ချိုးဖောက်မှုတွေကို တောင်းဆိုမှုအပြင် ဂျပန်နိုင်ငံရောက် နိုင်ငံခြားသားကို လူအခွင့်အရေး အပြည့်အဝရရှိစေဖို့ပါ ထည့်သွင်းတောင်းဆို ဆန္ဒပြသွားမှာပါ” ဟု ဆန္ဒပြပွဲတက်ရောက်လာသူ တစ်ဦးမှာ ပြောပြပါသည်။ ဆန္ဒပြတောင်းဆိုပွဲသို့ လူ့အခွင့်အရေး အမျိုးမျိုးဆုံရှုံးနေသည့် နိုင်ငံများဖြစ်သော မြန်မာနိုင်ငံ၊ အီရတ်နိုင်ငံ၊ အိန္ဒိယနိုင်ငံ၊ အီသီယိုးပီးယားနိုင်ငံ၊ ကွန်ကိုနိုင်ငံ၊ ဂန်နာနိုင်ငံနှင့် အခြားနိုင်ငံများမှ နိုင်ငံခြားသားများ တက်ရောက်ခဲ့ကြကြောင်း သိရပါသည်။

မြန်မာနိုင်ငံမှ တက်ရောက်လာသူများမှ လူအခွင့်အရေးကို ချိုးဖောက်ကာ နှစ်ရှည်ဖမ်းဆီး ထိန်းသိမ်းခံထားရစေသော ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများ လွှတ်ပေးရေး၊ ကလေးစစ်သားများ စုဆောင်းအသုံးပြုမှုကို ရပ်တန့်ပေးရေး၊ အတင်းအဓ္ဓမ လုပ်အားပေးခိုင်းစေမှုများ ရပ်တန့်ပေးရေးနှင့် လူတိုင်းတန်းတူ အခွင့်အရေးရရှိရေးအတွက် တောင်းဆိုဆန္ဒပြခဲ့ကြကြောင်းသိရသည်။

တက်ရောက်လာသော နိုင်ငံနိုင်ငံအသီးသီးမှ လူ့အခွင့်အရေးကို ရင်ဖွင့်တောင်းဆိုစကားများ ပြောကြားသွားခဲ့ကြသည်။ “ကျနော်တို့နိုင်ငံမှာ လူ့အခွင့်အရေးနှင့် ပါတ်သတ်ပြီး နစ်နာဆုံးရှုံးမှုတွေ အများကြီးဖြစ်နေတယ်။ ဂျပန်နိုင်ငံကိုရောက်ရှိနေချိန်မှာ အီရတ်လူမျိုးတွေ ဒုက္ခသည်အဖြစ်လျှောက်ထားပြီး နေထိုင်ခွင့်တောင်းတဲ့ အပေါ်မှာ ဂျပန်လူဝန်မှုကြီးကြပ်ရေးအဖွဲ့ကနေ ဖမ်းဆီးထောင်ချမှုတွေပြုလုပ်တယ်။ ဒါဟာလည်း ကျနော်တို့အတွက် လူ့အခွင့်အရေး ဆုံးရှုံးမှုတစ်ရပ်ပဲ။ ဂျပန်အစိုးရဟာ ဒုက္ခသည်လျှောက်ထားမှုအပေါ် ယုံကြည်မှုနဲပါးနေပါတယ်။ ဒီကိစ္စကို သတင်းမီဒီယာတွေမှာ ဖော်ပြပေးစေချင်ပါတယ်။”ဟု အီရတ်နိုင်ငံမှ တက်ရောက်လာသူ တစ်ဦးက ပြောပြပါသည်။

ကမ္ဘာ့ကုလသမဂ္ဂ အထွေအထွေဆိုင်ရာ အစည်းအဝေးပွဲကြီးမှ ၁၉၄၈ ခုနှစ် ဒီဇင်ဘာလ ၁၀ရက်နေ့တွင် ပြင်သစ်နိုင်ငံရှိ Palais de Chaillotမှာ အပြည်ပြည်ဆိုင်ရာ လူ့အခွင့်အရေး ကြေညာစာတမ်းကို ကြေညာအသုံးပြုခဲ့ပြီး အတည်ပြုခဲ့ကြသည်။ အပြည်ပြည်ဆိုင်ရာ လူ့အခွင့်အရေး ကြေညာစာတမ်းတွင် အပိုဒ် ၃၀ ပါရှိပြီး အကျယ်ဖွင်ဆိုချက်အား ဒီနေရာတွင် ဖော်ပြထားပါသည်။

လူ့အခွင့်ရေးမြန်မာ့ကွန်ရက် ၏ နှိုးဆော်ချက်

StatementNo.1 2009 of BNHR[1]

အမျိုးသားဒီမိုကရေစီအဖွဲ့ ချူပ်၏ ကြေငြာချက်အမှတ် ၂၉ / ၁၂ / ၀၉

ဒေါက်တာဝင့်သူနှင့် တက်ကြွသူများ အမှုအတွက် ရှေ့နေပါဝါ တောင်းခံ

မန္တလေးတိုင်း မြင်းခြံမြို့မှ ဒေါက်တာဝင့်သူ အပါအဝင် နာဂစ်မုန်တိုင်းသင့်များကို ကူညီခဲ့သူ ၁၃ ဦး အမှုကို လိုက်ပါဆောင်ရွက်ရန်အတွက် ရှေ့နေ ၄ ဦးက ယနေ့တွင် မန္တလေး အိုးဖိုထောင်တွင်းသို့ ကိုယ်စားလှယ်လွှဲစာများ ပေးပို့လိုက်ကြပြီ ဖြစ်သည်။

မန္တလေးမြို့မှ ဗဟိုတရားရုံးချုပ်ရှေ့နေ ဦးရွှေလှ အပါအဝင် ရှေ့နေ ၄ ဦးက ကိုယ်စားလှယ်လွှဲစာ (ရှေ့နေပါဝါ) ရရှိရန်အတွက် ထောင် ဝန်ထမ်းမှတဆင့် ဒေါက်တာဝင့်သူတို့ထံ ပေးပို့လိုက်ခြင်း ဖြစ်သည်။

“အမှုကို လိုက်ပါဖို့အတွက် ထောင်မှာ ရှေ့နေ ကိုယ်စားလှယ်လွှဲစာရရှိဖို့ သူတို့ လက်မှတ်ထိုးဖို့ ထောင်ဝန်ထမ်းကို ပေးခဲ့တယ်။ မနက်ဖြန်ကျမှ ကိုယ်စားလှယ်လွှဲစာ သူတို့ လက်မှတ်ထိုးပြီးသားကို သွားယူရမှာ” ဟု တရားရုံးချုပ် ရှေ့နေ ဦးရွှေလှက ပြောသည်။
[ ဆက်လက်ဖတ်ရှု့ပါရန် +/- ]

ရှေ့နေ ဦးရွှေလှနှင့်အတူ ဦးမြင့်သွင်၊ ဦးမျိုးဆွေနှင့် ဦးကျော်စိုးဟိန်း အစရှိသည့် ရှေ့နေများက လိုက်ပါဆောင်ရွက်ပေးမည်ဖြစ်ကာ၊ အမှုနှင့်ပတ်သက်၍ မည်သည့်ပုဒ်မဖြင့် တရားစွဲမည်၊ မည်သည့်တရားရုံးတွင် တရားစွဲမည်ကို အမှုသည် ကာယကံရှင်များနှင့် မတွေ့ရသေးသဖြင့် ရှေ့နေများအနေဖြင့် မသိကြသေးပါ။

ယနေ့တွင် ဒေါက်တာဝင့်သူ အမှုတွဲထဲမှ အချို့ကို တရားရုံးထုတ်ရန်အတွက် အိုးဖိုထောင်မှ ခေါ်သွားခဲ့ကြောင်း ရှေ့နေ ဦးမြင့်သွင်က ပြောသည်။

“ဒီနေ့ အမှုစစ်ဖို့ မနက် ၈ နာရီကနေ ထောင်က ထုတ်သွားတယ်ဆိုတာပဲ သူ့မိသားစုတွေက ကျနော်တို့ ရှေ့နေတွေကို ပြောပြလို့ သိရတယ်။ ဘယ်မှာ စစ်မယ်ဆိုတာကိုတော့ မသိရသေးဘူး” ဟု သူက ပြောသည်။

ဒေါက်တာဝင့်သူနှင့် ဆွေမျိုးတော်စပ်သူ တဦးကလည်း “ကြားလို့ ဆရာဝင့်သူ ညီမ ဒီနေ့ အိုးဖိုထောင်ကို လိုက်သွားတယ်။ ၁၃ ယောက် ရုံးထုတ်တယ်လို့တော့ ကြားတယ်။ အဲဒီထဲမှာ ဒေါက်တာဝင့်သူ၊ လှမျိုးကျော်၊ ရာကြီး (ခေါ်) ကိုစိုးရာဇာဖြူရယ် မပါသေးဘူးလို့ ကြားတယ်။ သေချာအောင် သူ့ညီမ လိုက်သွားတယ်” ဟု မဇ္ဈိမကို ပြောသည်။

ငွေကြေးကောက်ခံကာ နာဂစ်မုန်တိုင်းသင့် ကလေးများ၏ ပညာရေးအတွက် ကူညီခဲ့သည့် ဒေါက်တာဝင့်သူ၊ ကိုမျိုးဟန်၊ ကိုအောင်မျိုးလတ်၊ ကိုလှမျိုးကျော် ခေါ် အီးတီ၊ ရာကြီး ခေါ် ကိုစိုးရာဇာဖြူတို့ ၅ ဦးကို မန္တလေးတိုင်း ရဲအထူးသတင်းတပ်ဖွဲ့က မြင်းခြံမြို့နေအိမ်မှ ယခုနှစ် စက်တင်ဘာလ ၁၆ ရက်နေ့တွင် ဖမ်းဆီးသွားခဲ့သည်။ ထို့နောက် ၂ ရက်အကြာတွင် ကိုသန်းထိုက်အောင်ကို ဖမ်းဆီးခဲ့ပြန်သည်။

သူတို့သည် ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများ လွတ်မြောက်ရေးအတွက် အန်အယ်ဒီက ပြုလုပ်သည့် အဖြူရောင်ကင်ပိန်း လှုပ်ရှားမှုများတွင် ပါဝင်ခဲ့ကြသေးသည်။ ထို့အပြင် နိုင်ငံရေးအကျဉ်းသားများ လွတ်မြောက်ရေးအတွက် အင်္ဂါနေ့ ဆုတောင်းဝတ်ပြုသူများနှင့်အတူ အဖြူရောင်အင်္ကျီများ ဝတ်ဆင်ကာ မြင်းခြံမြို့ရှိ ဘုရားကြီးသို့ သွားရောက်၍ ဝတ်ပြုဆုတောင်းပွဲလည်း ပြုလုပ်ခဲ့ကြသည်။

ချုပ်နှောင်ဖမ်းဆီးခံခဲ့ရသည်မှာ ၂ လခွဲကျော် ကြာမြင့်ခဲ့ပြီ ဖြစ်သော်လည်း သူတို့သည် မိသားစုဝင်များနှင့် တွေ့ဆုံနိုင်ခြင်း မရှိကြသေးပါ။

“မိသားစုတွေလည်း အခုအချိန်ထိ တွေ့ခွင့်မရသေးဘူး။ အမှုနဲ့ပတ်သက်ပြီး မိသားစုဝင်တွေကို သက်ဆိုင်ရာက ဘာမှ ပြောဆိုတာ မရှိသေးဘူး။ အခုဟာက ရှေ့နေတွေကိုလည်း အကြောင်းမကြားဘူး။ မိသားစုဝင်တွေကိုလည်း အကြောင်းမကြားဘူးဆိုတော့ သူတို့ဘာသာ သူတို့လုပ်မယ့် အခြေအနေရှိတယ်” ဟု ဒေါက်တာဝင့်သူနှင့် ဆွေမျိုးတော်သူက ပြောသည်။ (မဇ္ဈိမ)

ကိုညီညီအောင် အစာငတ်ခံ ဆန္ဒပြ

စာရွက်စာတမ်းအတု ကိုင်ဆောင်မှုနဲ့ အင်းစိန်အကျဉ်းထောင်မှာ အဖမ်းခံနေရတဲ့ အမေရိကန် နိုင်ငံသား ကိုညီညီအောင် ခေါ် ကိုကျော်ဇောလွင်ဟာ အခု ထောင်တွင်းမှာ အစာငတ်ခံ ဆန္ဒပြနေတယ်လို့ သူ့ရဲ့အဒေါ်က ပြောပါတယ်။ ဒီကနေ့ပဲ အဒေါ်ဖြစ်သူက ထောင်ဝင်စာ သွားတွေ့ရင်း ကိုညီညီအောင်ရဲ့ အခြေအနေတွေကို သိခဲ့ရတာ ဖြစ်ပါတယ်။ ကိုညီညီအောင်ရဲ့ အဒေါ်ကို ဗွီအိုအေက ဆက်သွယ်မေးမြန်းတော့ အဒေါ်ဖြစ်သူက အခုလို ပြောပြပါတယ်။

“သူက အခု အစာငတ်ခံ ဆန္ဒပြနေတယ်။ မတရားတဲ့ပုဒ်မတွေ အများကြီး တပ်ပြီးတော့ မတရား လုပ်နေတဲ့အတွက်၊ အရမ်း ဖိနှိပ် ချုပ်ချယ်တဲ့အတွက် အစာငတ်ခံတယ်။ ပြီးတော့ ခွဲခြားမှု ရှိနေတာပေါ့။ အန်တီတို့ဆို အခု အအေးသွင်းလို့ မရဘူး။ သူတောင်းထားတဲ့ အချက်တွေ မရမချင်း သူ မစားဘူးတဲ့။ အဓိကက တွေ့ဆုံဆွေးနွေးပွဲတွေ မလုပ်လို့တဲ့။
[ ဆက်လက်ဖတ်ရှု့ပါရန် +/- ]

“နောက် အထဲမှာ ဖမ်းထားတဲ့ ကလေးတွေအပေါ် မတရားလုပ်လို့။ အထဲမှာ ဖမ်းထားတယ်ဆိုပြီး ဦးနေ၀င်း မြေးတွေလည်း ရှိတယ်။ အများကြီးပဲ။ အဲဒါတွေကျတော့ စပါယ်ရှယ် (Special) ထားပေးတယ်။ သူတို့ တီဗွီလည်း ကြည့်လို့ရတယ်၊ စားချင် တာလည်း စားလို့ရတယ်၊ အပြင်ထွက်မယ်ဆိုရင်လည်း ကားနဲ့ ထွက်နိုင်တယ်။ တခြား အကျဉ်းသားတွေကျတော့ ဖိနှိပ် ချုပ်ချယ်ထားတယ်။ တရားမျှတမှု မရှိဘူး။”

ကိုညီညီအောင်ရဲ့အဒေါ် ဒေါ်စုစုကြည် ရှင်းပြခဲ့တာ ဖြစ်ပါတယ်။

ပြီးခဲ့တဲ့ စနေနေ့ ဒီဇင်ဘာလ ၄ ရက်နေ့ကစပြီး ကိုညီညီအောင်က အစာငတ်ခံ ဆန္ဒပြနေတာလို့ ထိုင်းအခြေစိုက် AAPP နိုင်ငံရေး အကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) ကလည်း ဒီကနေ့ပဲ ကြေညာချက် ထုတ်ပြန်ပါ တယ်။

ကိုညီညီအောင်ဟာ စက်တင်ဘာလ ၃ ရက်နေ့က ထိုင်းနိုင်ငံကနေ ရန်ကုန်မြို့ကို အသွား မင်္ဂလာဒုံလေဆိပ်မှာ အဖမ်းခံခဲ့ရ တာပါ။ အင်းစိန်ထောင်ကို မရောက်ခင် စစ်ကြောရေးစခန်းမှာ နှိပ်စက်ညှဉ်းပန်းမှုတွေ ခံခဲ့ရပြီး ဆေးကုသမှုလည်း မရခဲ့ ဘူးလို့ AAPP ရဲ့ ထုတ်ပြန်ချက်ထဲမှာ ဖော်ပြထားပါတယ်။ ကိုညီညီအောင်ရဲ့ မိသားစုဝင်တွေကတော့ သူ့ရဲ့ ကျန်းမာရေး အတွက် စိုးရိမ်နေကြပါတယ်။
( ဗွီအိုအေ )

Chrysler Brand Joins Effort to Free 1991 Nobel Peace Laureate in New TV Film

ဒေါ်စုအမှု ပြင်ဆင်ချက်လက်ခံရေး ဗဟိုတရားရုံးစဉ်းစားမည်

နေအိမ်မှာ အကျယ်ချုပ်ကျခံနေရတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ ပြစ်မှုဆိုင်ရာ ပြင်ဆင်မှု လျှောက်လွှာကို မြန်မာနိုင်ငံ ဗဟိုတရားရုံးကနေ လက်ခံသင့် မသင့် ကြားနာဖို့ ဆုံးဖြတ်လိုက်ပါတယ်။ ဒီလို ဆုံးဖြတ်တာဟာ နိုင်ငံရေးအရ အပြန်အလှန် ဆွေးနွေးပြောဆိုဖို့ရာအတွက် တိုးတက်တဲ့ လက္ခဏာတရပ်လို့တော့ မမြင်တဲ့အကြောင်း ဒေါ်အောင်ဆန်းစုကြည်ရဲ့ အကျိုးဆောင် ရှေ့နေကြီး ဦးဉာဏ်ဝင်း က ဗွီအိုအေကို ပြောဆိုခဲ့ပါတယ်။ အကြောင်းစုံကို မနန္ဒာချမ်းက တင်ပြထားပါတယ်။

ဒေါ်အောင်ဆန်းစုကြည်ရဲ့ အကျိုးဆောင်ရှေ့နေတွေဘက်က တင်သွင်းခဲ့တဲ့ ပြစ်မှုဆိုင်ရာ ပြင်ဆင်မှု လျှောက်ထားချက်ကို မြန်မာနိုင်ငံ ဗဟိုတရားရုံးချုပ်ကနေ ပထမအဆင့်အနေနဲ့ လက်ခံသင့် မသင့် ဆိုတာ ဆုံးဖြတ်ဖို့ ဒီဇင်ဘာလ ၂၁ ရက်ကို ရုံးချိန်းပေးခဲ့တာ ဖြစ်ပါတယ်။ ဒီအခြေအနေအသေးစိတ်ကို ရှေ့နေကြီး ဦးဉာဏ်ဝင်းက အခုလို ရှင်းပြခဲ့ပါတယ်။
[ ဆက်လက်ဖတ်ရှု့ပါရန် +/- ]

"ဒီနေ့ တရားရုံးချုပ်က သူ့ လုပ်ထုံးလုပ်နည်းပေါ့။ Notice Board မှာ အမှု စာရင်းတွေ ပေါ်တယ်။ အမှုစာရင်းတွေ ဆိုတာ ဒေါ်စု အမှုတင်မဟုတ်ပါဘူး။ ကျန်တဲ့အမှုတွေပါ အားလုံး အမှုစာရင်းပေါ့။ ပေါ်တော့ ၁၂ လပိုင်း ၂၁ ရက်နေ့မှာ ဒေါ်အောင်ဆန်းစုကြည် အတွက် တင်ထားတဲ့အမှုကို လက်ခံသင့်မသင့် ကြားနာမယ် ဆိုပြီးတော့ ပေါ်တယ်။ အဓိပ္ပါယ်က ကျနော်တို့ တင်တဲ့ ဒေါ်အောင်ဆန်းစုကြည် ကို ကြားနာမယ်။ အမှုကို လက်ခံသင့်လား၊ လက်မခံသင့်ဘူးလား ဆုံးဖြတ်မယ်။ လက်ခံတယ် ဆိုတဲ့ စကားလုံးက မသုံးနိုင်သေးဘူးလို့ ကျနော်တို့ ယူဆတယ်။ ကျနော်တို့ အမှုကို register လုပ်တယ်။ အဲဒီ register လုပ်တဲ့အမှုကို ၂၁ ရက်နေ့မှာ လက်ခံသင့်မသင့် ကြားနာမယ်လို့ အဓိပ္ပါယ်အားဖြင့် အဲဒီအတိုင်း ရှိပါတယ်။ အဲဒီတော့ ၂၁ ရက်နေ့မှာ အဲန်ကယ်လ်တို့ လျှောက်လဲချက် ပေးရမှာပေါ့။ အဲဒီ လျှောက်လဲချက် ပြီးရင်း များသောအားဖြင့် အဲဒီနေ့ ညနေပိုင်းမှာပဲ လက်ခံသည် လက်မခံသည်ဆိုတာ အမိန့်ထွက်လာတယ်။

ဒါ့အပြင် အဲဒီပြင်ဆင်မှုလျှောက်ထားချက် တင်သွင်းရမယ့်နေ့ကျရင် သူ့ရဲ့ အကျိုးဆောင်ရှေ့နေတွေဘက်က အဓိက ထုချေ လျှောက်လဲမယ့် အချက်နဲ့ပတ်သက်လို့လည်းပဲ ဦးဉာဏ်ဝင်း က အခုလို ပြောပြပါတယ်။

"ကျနော်တို့ လျှောက်လဲမယ့်အချက်ကို ပြောမှာက ဒေါ်အောင်ဆန်းစုကြည် နဲ့ပတ်သက်ပြီးတော့ အရေးယူခဲ့တဲ့ ၁၉၇၄ ဖွဲ့စည်းပုံ အခြေခံဥပဒေက မရှိတော့ဘူးလို့ တိုင်းရုံးက သဘောတူတယ်။ အဲဒီလို မရှိတော့ဘူး ဆိုရင် အဲဒီလို ဥပဒေပါ ပုဒ်မတွေကို ကိုင်တွယ် အသုံးပြုပြီးတော့ ထိန်းသိမ်းထားတာရော၊ အဲဒီ ထိန်းသိမ်းမှုကို ဖောက်ဖျက်တယ် ဆိုပြီးတော့ အခု ပုဒ်မ (၂၂) နဲ့ စွဲဆိုမှုရောက မရှိတော့ဘူး။ အလိုအလျောက် ဒါတွေဟာ ပျက်ပြယ်ပြီ၊ ဥပဒေ အချက်အလက်အားဖြင့် ကျနော်တို့ ဒါကို အဓိက လျှောက်လဲမှာပါ။"

အခုလို ရှေ့နေတွေဘက်က တင်သွင်းမယ့် ပြစ်မှုဆိုင်ရာ ပြင်ဆင်မှုလျှောက်ထားချက်တွေဟာ ဥပဒေအရ မှန်ကန်မှုရှိတဲ့ အတွက်လည်း ဗဟိုတရားရုံးချုပ်အနေနဲ့ ဒီအမှုကို လက်ခံလိမ့်မယ်လို့ မျှော်လင့်ထားတဲ့ အကြောင်းလည်း ရှေ့နေကြီး ဦးဉာဏ်ဝင်း က ပြောပါတယ်။ တကယ်လို့သာ ဗဟိုတရားရုံးချုပ်ဘက်က ဒီအမှုကို လက်ခံဖို့ ပယ်ချခဲ့မယ်ဆိုရင်လည်း ဥပဒေပြဌာန်းချက်အရ အထူးအယူခံဝင်ဖို့ လျှောက်ထားရမှာ ဖြစ်တယ်လို့လည်း ရှင်းပြခဲ့ပါတယ်။ ဒီလို ဗဟိုတရားရုံးချုပ်မှာ လျှောက်ထားရမယ့် အချက်တွေကို ပြင်ဆင်ပြီးရင်တော့ - ဒေါ်အောင်ဆန်းစုကြည်က အတည်ပြုပေးရမှာမို့ တွေ့ခွင့်ကို အာဏာပိုင်တွေဆီမှာ ထပ်မံ တောင်းခံဖို့ရှိတယ်လို့လည်း ဆိုပါတယ်။

အခုလို ဗဟိုတရားရုံးကနေ လက်ခံသင့် မသင့် ဆုံးဖြတ်ဖို့ သဘောတူခဲ့တာ၊ မကြာသေးခင်က လပိုင်းတွေကလည်း ဒေါ်အောင်ဆန်းစုကြည်ရဲ့ စာရေးတောင်းဆိုချက်တချို့ကို စစ်အစိုးရဘက်က လိုက်လျောခဲ့တာတွေရှိခဲ့တော့ ဒါဟာ နိုင်ငံရေးအရ အပြန်အလှန် ဆွေးနွေးဖို့အတွက် တိုးတက်တဲ့ လက္ခဏာတရပ်လို့ မြင်ပါသလား ဆိုတာကိုတော့ ရှေ့နေကြီး ဦးဉာဏ်ဝင်း က အခုလို ပြောဆိုခဲ့ပါတယ်။

"ကျနော့်အမြင်တော့ လုံးဝ မသက်ဆိုင်ဘူးဗျ။ ဒါက အခုလို အမှုပေါ်တဲ့ ဘယ်နေ့မှာ ကြားနာမယ်၊ ဘယ်နေ့မှာ ကြားနာသင့်မသင့် လက်ခံမယ်ဆိုတာတွေက ဒါဟာ တရားရုံးချုပ်ရဲ့ ပုံမှန် လုပ်ထုံးလုပ်နည်းပဲ ဖြစ်တယ်။ သီးခြား ထူးထူးခြားခြား စဉ်းစားတွေးခေါ်စရာတော့ ကျနော်တို့ ဘာမှမတွေ့ပါဘူး။"

ရှေ့နေကြီး ဦးဉာဏ်ဝင်း ပြောခဲ့တာပါ။ ပြီးခဲ့တဲ့ မေလ က ဒေါ်အောင်ဆန်းစုကြည်ရဲ့ နေအိမ်ကို အမေရိကန်နိုင်ငံသား ဂျွန် ၀ီလီယံ ယက်တော တရားမ၀င် ရေကူးဝင်ရောက်ခဲ့မှုနဲ့ ပတ်သက်ပြီး မြန်မာအာဏာပိုင်တွေဘက်ကနေ သူ့ကို နေအိမ်အကျယ်ချုပ် စည်းကမ်းဖောက်ဖျက်မှုနဲ့ အရေးယူခဲ့ပြီး သြဂုတ်လမှာ အကျယ်ချုပ် ၁ နှစ်ခွဲ ထပ်မံချခဲ့တာပါ။ ဒေါ်အောင်ဆန်းစုကြည်ရဲ့ အကျိုးဆောင် ရှေ့နေတွေဘက်ကလည်း ဒီအမှု အယူခံကို တိုင်းတရားရုံးမှာ တင်သွင်းခဲ့ပေမဲ့ အောက်တိုဘာလမှာ ပယ်ချခံခဲ့ရပါတယ်။ ( ဗွီအိုအေ )

ဒေါ်အောင်ဆန်းစုကြည် အိမ် လုံခြုံရေးအတွက် ပြုပြင်

ဒေါ်အောင်ဆန်းစုကြည်ရဲ့ နေအိမ်ခြံဝင်းထဲကို အမေရိကန် နိုင်ငံသားတဦး သူ့သဘောနဲ့သူ ရေကူးဝင်ရောက်ခဲ့ပြီး နောက်ပိုင်း နေအိမ်လုံခြုံရေးအတွက် မြန်မာ့ဒီမိုကရေစီခေါင်းဆောင် အနေနဲ့ ဒီကနေ့မှာ အိမ်ကို ပြန်လည်ပြုပြင် မွမ်းမံနေပြီလို့ သူ့ရဲ့ အကျိုးဆောင်ရှေ့နေကြီးဖြစ်တဲ့ ဦးဉာဏ်ဝင်းက ဗွီအိုအေကို ပြောခဲ့ပါတယ်။

“နေအိမ် လသာဆောင်နှစ်ခုကို ပြုပြင်တာပါ။ လသာဆောင် ပြုပြင်တာကိုက လုံခြုံရေးအတွက်ပါ။ လသာဆောင်နဲ့ အိမ်မကြီးကို ၀င်တဲ့ထွက်တဲ့ အပေါက်က မှန်တံခါးဖြစ်ပြီးတော့ သံပန်း သံတံခါး မရှိဘူး။ အဲဒါကို လုံခြုံရေးအရ အခန်းအဖြစ် ဖွဲ့မယ်၊ သံပန်း သံတံခါး တပ်မယ်၊ အဲဒါပါ။ ကိုယ်နားလည်သလောက် လုံခြုံအောင်လုပ်တဲ့ သဘောပဲပေါ့။”
[ ဆက်လက်ဖတ်ရှု့ပါရန် +/- ]

ဒီလို အိမ်ပြင်ဆင်ဖို့ ပြီးခဲ့တဲ့ သီတင်းပတ်ကပဲ အာဏာပိုင်တွေကနေ ခွင့်ပြုခဲ့တာ ဖြစ်ပါတယ်။ အခုလို ခွင့်ပြုချက် ရဖို့ကိုလည်း အဆင့်ဆင့် တောင်းခံခဲ့ရတာ ဖြစ်တယ်လို့ ဆိုပါတယ်။ ဒါပေမဲ့ ဒီကနေ့မှာ နေအိမ်ကိုသာ ပြင်ဆင်တာဖြစ်ပြီး ခြံဝင်းကို ကာရံတာ မဟုတ်သေးတဲ့အကြောင်း၊ ခြံဝင်း လုံခြုံရေးအတွက် အစိုးရကပဲ ဆက်ပြီး တာဝန်ယူထားကြောင်း အခုလို ဆက်ပြောပါတယ်။

“လောလောဆယ် ကာဖို့ အစီအစဉ် မရှိဘူး။ အဲဒီ ရေနဲ့ ကမ်းစပ်နဲ့ ၁၀ ပေလောက် အကွာမှာ ရေကင်း အဆောက်အဦတခု ရှိပါတယ်။ သူတို့ လုံခြုံရေး ချထားပါတယ်။”

ပြီးခဲ့တဲ့ မေလက နေအိမ်မှာ အကျယ်ချုပ် ကျခံနေရတဲ့ ဒေါ်အောင်ဆန်းစုကြည်ရဲ့ နေအိမ်ကို အမေရိကန်နိုင်ငံသား ဂျွန် ၀ီလျံ ယက်တော (John William Yettaw) က အင်းလျားကန်ဘက်ကနေ တိတ်တဆိတ် ရေကူးဝင်ရောက်ခဲ့လို့ စစ်အစိုးရက ဒေါ်အောင်ဆန်းစုကြည်ကို နေအိမ်အကျယ်ချုပ် စည်းကမ်းဖောက်ဖျက်မှုနဲ့ တရားစွဲဆိုခဲ့ပြီး ထောင်ဒဏ် ၃ နှစ် ချမှတ်ခဲ့ပါတယ်။ ဒါပေမဲ့ ဒီကိစ္စဟာ နေအိမ်ခြံဝင်း လုံခြုံရေး ယူထားသူတွေရဲ့ တာဝန် ဖြစ်တယ်လို့ ဝေဖန် မေးခွန်းထုတ်တာတွေ ရှိခဲ့ပါတယ်။ အခုလို အိမ်ပြင်ဆင်ခွင့် ရတာဟာ အိမ်ပိုင်ဆိုင်မှုကို အသိအမှတ်ပြု၊ မပြု ဆိုတာနဲ့ မပတ်သက်ဘူးလို့လည်း ဦးဉာဏ်ဝင်းက ပြောဆိုခဲ့ပါတယ်။

တချိန်တည်းမှာပဲ NLD အမျိုးသားဒီမိုကရေစီ အဖွဲ့ချုပ်က ဖွဲ့စည်းထားတဲ့ နာဂစ် ကူညီကယ်ဆယ်ရေး အဖွဲ့ဝင်တွေဟာလည်း ဧရာဝတီတိုင်း ဘိုကလေးမြို့ကို ၂ ရက်ကြာ သွားရောက်ပြီး နာဂစ် ဒုက္ခသည်တွေအတွက် လိုအပ်တာတွေကို ကူညီပေးနေတယ်လို့လည်း NLD ပြောခွင့်ရသူ ရှေ့နေကြီး ဦးဉာဏ်ဝင်းက ပြောဆိုခဲ့ပါတယ်။ ( ဗွီအိုအေ )

စစ်အစိုးရ၏ ရာဇဝတ်မှုများကို စုံစမ်းစစ်ဆေးရန် ဗြိတိန်အမတ်များ တောင်းဆို

စစ်အစိုးရ ကျူးလွန်ခဲ့သည့် လူသားဖြစ်မှုအပေါ် ကျူးလွန်သည့် ရာဇဝတ်မှုများကို စုံစမ်းစစ်ဆေးရန် ကော်မရှင်တရပ် ဖွဲ့စည်းရေးအတွက် သူတို့၏ နိုင်ငံတကာ အသိုင်းအဝိုင်း အထူးသဖြင့် ကုလသမဂ္ဂထံ တောင်းဆိုနေမှုများကို ထောက်ခံပေးရန် ဗြိတိန်ပါလီမန်အမတ်များက သူတို့အစိုးရထံ အင်္ဂါနေ့က တိုက်တွန်းတောင်းဆိုလိုက်ကြသည်။

ဤတောင်းဆိုချက်ကို မြန်မာ့ဒီမိုကရေစီအရေး ပါတီစုံအမတ်များအဖွဲ့ (APG Burma) က ဗြိတိသျှ ပါလီမန်တွင် ပြုလုပ်သည့် မြန်မာနိုင်ငံရှိ လူသားဖြစ်မှုအပေါ် ကျူးလွန်သည့် ရာဇဝတ်မှုများတွင် တောင်းဆိုလိုက်ကြခြင်း ဖြစ်သည်။

အဆိုပါ ဆွေးနွေးပွဲတွင် ပါဝင်ဆွေးနွေးသူတဦးဖြစ်သည့် လန်ဒန်အခြေစိုက် မြန်မာ့တရားမျှတမှု ကော်မတီ (BJC) ဥက္ကဋ္ဌဖြစ်သူ Sappho Dias က `ဒီအချိန်ဟာ နိုင်ငံတကာ အသိုင်းအဝိုင်းအနေနဲ့ မြန်မာဗိုလ်ချုပ်ကြီးတွေ ကျူးလွန်ခဲ့တဲ့ ရာဇဝတ်မှုတွေအပေါ် အရေးယူဆောင်ရွက်ရမယ့် အချိန်ဖြစ်ပါတယ်။ သူတို့ကျူးလွန်ခဲ့တဲ့ ပြစ်မှုတွေကနေ ဘယ်မှ ထွက်ပြေးလို့ မရဘူးဆိုတာကို သူတို့ကို သတိပေးရမယ့် အချိန်လည်း ဖြစ်ပါတယ်´ ဟု ပြောသည်။
[ ဆက်လက်ဖတ်ရှု့ပါရန် +/- ]

အတင်းအကျပ် နေရာရွှေ့ပြောင်းခြင်း၊ ညှဉ်းပန်းနှိပ်စက်ခြင်း၊ လိင်ပိုင်းဆိုင်ရာ အကြမ်းဖက်မှုများ ပြုလုပ်ခြင်း၊ တရားဥပဒေပြင်ပမှ သတ်ဖြတ်ခြင်းများနှင့် အဓမ္မလုပ်အားပေး ခိုင်းစေခြင်း အပါအဝင် စစ်အစိုးရ ကျူးလွန်ခဲ့သော ရာဇဝတ်မှုများကို သေချာစွာ မှတ်တမ်းတင်ထားပြီးဖြစ်၍ ယခုအချိန်သည် နိုင်ငံတကာ အသိုင်းအဝိုင်းအနေဖြင့် အရေးယူ ဆောင်ရွက်ရမည့် အချိန်ဖြစ်သည်။ ထိုသို့ အရေးယူ ဆောင်ရွက်ချက်များ မပြုလုပ်ဘဲ ဆုံးဖြတ်ချက်များသာ တခုပြီးတခု ချမှတ်နေရမည့် အချိန်မဟုတ်ဟု Dias က ပြောသည်။

အဆိုပါ ဆွေးနွေးပွဲတွင် Dias က ဟားဗတ်ဥပဒေကောလိပ်၏ အစီရင်ခံစာတရပ်ဖြစ်သော `မြန်မာနိုင်ငံရှိ ရာဇဝတ်မှုများ´ ဆိုသည့် အစီရင်ခံစာကို ရည်ညွှန်းကိုးကား၍ ကုလသမဂ္ဂ အဖွဲ့အစည်းများနှင့် အထူးကိုယ်စားလှယ်တို့က စစ်အစိုးရ ကျူးလွန်ခဲ့သော ရာဇဝတ်မှုများကို သက်သေ အထောက်အထားများနှင့်တကွ မှတ်တမ်းတင် ထားခဲ့ပြီးဖြစ်ကြောင်း၊ ထို့ကြောင့် ယခုအချိန်သည် ကုလလုံခြုံရေးကောင်စီက အရေးယူ ဆောင်ရွက်ရမည့် အချိန်ဖြစ်သည်ဟု ပြောဆိုသွားသည်။

`ဟားဗတ်ဥပဒေကောလိပ်၏ အစီရင်ခံစာသည် ကုလသမဂ္ဂစာရွက်စာတမ်း အထောက်အထားများနှင့် စစ်အစိုးရ၏ ရာဇဝတ်မှုများကို စုံစမ်းလေ့လာထားသည့် အခြားစာတမ်းများစွာကို စုပေါင်းပြုစုထားခြင်းဖြစ်သည်´ ဟု Dias က ပြောသည်။

ဤဆွေးနွေးပွဲကို စီစဉ်ကျင်းပခဲ့သည့် ဆော်သြရေးအဖွဲ့တခုဖြစ်သည့် ဘားမားကင်ပိန်းယူကေမှ တာဝန်ရှိသူဖြစ်သည့် Nang Seng က ဤသို့ ကုလသမဂ္ဂ အဖွဲ့အစည်းအသီးသီးက စစ်အစိုးရ ကျူးလွန်ခဲ့သည့် ရာဇဝတ်မှုများကို မှတ်တမ်းမှတ်ရာများစွာ ပြုစုတင်ပြခဲ့သော်လည်း ကုလလုံခြုံရေးကောင်စီက ယခုထိ အရေးယူရန် ပျက်ကွက်ခဲ့ခြင်းမှာမူ ဝမ်းနည်းဖွယ်ဖြစ်သည်ဟု ပြောသည်။

မြန်မာနိုင်ငံကို ဆယ်စုနှစ် ၂ ခုကြာမျှ အုပ်စိုးခဲ့သည့် စစ်အစိုးရကို အလွန်ထိတ်လန့်ဖွယ်ကောင်းသည့် လူ့အခွင့်အရေး ဖောက်ဖျက်မှုများ၊ အထူးသဖြင့် တိုင်းရင်းသား လူနည်းစုများ နေထိုင်ရာဒေသများတွင် ကျူးလွန် ဖောက်ဖျက်ခဲ့မှုများအတွက် နိုင်ငံတကာက ပြစ်တင်ရှုတ်ချခဲ့ကြသည်။

လွန်ခဲ့သော တနှစ်အတွင်း မြန်မာနိုင်ငံအရှေ့ပိုင်းမှ အနည်းဆုံး လူဦးရေ ၇၅၀၀၀ ခန့်သည် အိုးအိမ်များကို စွန့်ခွာ ထွက်ပြေးလာကြရသည့်အတွက် မြန်မာနိုင်ငံ အရှေ့ပိုင်းရှိ အခြေအနေသည် ဆူဒန်အရှေ့ပိုင်းရှိ ဒါဖောအခြေအနေနှင့် နှိုင်းယှဉ်ကြည့်စရာပင် ဖြစ်သည်ဟု ထိုင်း-မြန်မာနယ်စပ် ညွန့်ပေါင်းအဖွဲ့ (TBBC) က အောက်တိုဘာလ အတွင်းက ပြောသည်။

ယင်းအဖွဲ့သည် ထိုင်း-မြန်မာနယ်စပ်တလျှောက်ရှိ ပြည်တွင်းရွှေ့ပြောင်းဒုက္ခသည်များ၊ ဒုက္ခသည်များကို လူသားချင်းစာနာသည့် အကူအညီများ ပေးအပ်နေသည့် အကူအညီပေးရေး အဖွဲ့အစည်းများ စုပေါင်း ဖွဲ့စည်းထားသည့် ညွန့်ပေါင်းအဖွဲ့တရပ် ဖြစ်သည်။ ၂၀၀၈ ခုနှစ် သြဂုတ်လမှ ၂၀၀၉ ခုနှစ် ဇူလိုင်လအတွင်း ကျေးရွာပေါင်း ၃၅၀၀ ကျော်မှ ရပ်ရွာအသိုင်းအဝိုင်းပေါင်း ၁၂၀ ခန့်သည် ကစဥ့်ကလျားဖြစ်ကာ ထွက်ပြေး ပုန်းရှောင်နေခဲ့ကြရသည်ဟု TBBC က ပြောသည်။ ယင်းမြန်မာပြည် အရှေ့ပိုင်းရှိ ဒေသများသည် ၁၉၉၆ ခုနှစ်ကတည်းက အတင်းအကျပ် ရွှေ့ပြောင်းခံရခြင်းသော်လည်းကောင်း၊ ဖျက်ဆီးခြင်းသော်လည်းကောင်း ခံခဲ့ရသည့်နေရာများ ဖြစ်သည်။

အဆိုပါ ဆွေးနွေးပွဲတွင် ပါဝင်ဆွေးနွေးသူတဦးဖြစ်ပြီး ဟားဗတ်အစီရင်ခံစာကို ပြုစုရာတွင် ပါဝင်သည့် ဥပဒေပါရဂူ ၅ ဦး အနက် တဦးအပါအဝင်ဖြစ်သည့် Sir Geoffery Nice က ကုလသမဂ္ဂ အထောက်အထား၊ စာရွက်စာတမ်းများနှင့် အထူးကိုယ်စားလှယ်များ၏ အစီရင်ခံစာများသည် စစ်အစိုးရကို သူတို့ကျူးလွန်ခဲ့သည့် ပြစ်မှုများအတွက် တရားစွဲဆိုရန် လုံလောက်သော သက်သေခံ အထောက်အထားများပင် ဖြစ်သည်ဟု ပြောသည်။

ဤသို့ ကျယ်ပြန့်စွာ ဝေဖန် ပြောကြားနေခဲ့ကြသော်လည်း စစ်အစိုးရကမူ သူတို့သည် လူသားဖြစ်မှုအပေါ် ကျူးလွန်သည့် ရာဇဝတ်မှုများကို မလုပ်ခဲ့ရကြောင်းနှင့် တိုင်းရင်းသား သူပုန်အဖွဲ့အများအပြားက ခွဲထွက်ရန် တိုက်ခိုက် ပုန်ကန်နေကြသဖြင့် တိုင်းပြည်မပြိုကွဲစေရန် လူမျိုးပေါင်းစုံ ပြည်သူများကို ကယ်တင်နေရခြင်းသာ ဖြစ်ကြောင်း ခုခံကာကွယ်ပြောကြားခဲ့သည်။

စစ်အစိုးရက သူတို့၏ အာဘော် နေ့စဉ်သတင်းစာမှနေ၍ နယ်စပ်အခြေစိုက် တိုင်းရင်းသားအဖွဲ့များသည် နိုင်ငံအဝှမ်း ဖောက်ခွဲမှုများပြုလုပ်ပြီး ဆူပူမှုများ ဖြစ်ပေါ်လာအောင် သွေးထိုးလှုံ့ဆော်မှုများ ပြုလုပ်နေကြသည်ဟု မကြာခဏ စွပ်စွဲပြောဆိုခဲ့သည်။ ဒေသခံကျေးရွာသားများကို သတ်ဖြတ်ခြင်း၊ ညှဉ်းပန်းနှိပ်စက်ခြင်းများလည်း ပြုလုပ်ကြသည်ဟု သူတို့က စွပ်စွဲပြောကြားသည်။

`စုံစမ်းရေးကော်မရှင်သာ ဖွဲ့စည်းပြီးပါက စစ်အစိုးရ၏ အကြောင်းပြချက်များသည် လက်ခံနိုင်စရာ မရှိတော့ကြောင်းနှင့် ကော်မရှင်၏ တွေ့ရှိချက်များအပေါ် အခြေခံ၍ သူတို့ကို အပြစ်ပေး အရေးယူနိုင်တော့မည်ဖြစ်ကြောင်း´ ရှေ့နေတဦးလည်းဖြစ်သည့် Sappho Dias က ပြောသည်။
စုံစမ်းရေးကော်မရှင် ဖွဲ့စည်းရေးအတွက် ကင်ပိန်းလှုပ်ရှားမှုကို ထောက်ခံသည့်အနေဖြင့် APPG-Burma အဖွဲ့ဝင်အမတ်များက ယခင်တပတ်က နံနက်အစောပိုင်းအဆို (Early Day Motiion) ကို တင်သွင်းခဲ့ရာ ပါတီစုံမှ ထင်ရှားသော အမတ်များ အပါအဝင် အမတ်ပေါင်း ၄၀ ကျော်၏ ထောက်ခံမှုကို ရရှိခဲ့ပြီး အဆိုပါ EDM ကို လက်မှတ်ရေးထိုးပေးခဲ့ကြသည်။

`အရပ်သားများအပေါ် အဓမ္မခိုင်းစေခြင်း၊ ညှဉ်းပန်းနှိပ်စက်ခြင်းတွေကို ကျယ်ပြန့်စွာ အသုံးပြုခဲ့ကြောင်း အသေအချာ မှတ်တမ်းတင် ပြုစုထားတဲ့ အထောက်အထားတွေပဲ ဖြစ်ပါတယ်´ ဟု APPG-Burma ၏ အတွင်းရေးမှူး Alistair Carmichael က ပြောသည်။

`ဤဆိုးဝါးလှသည့် ရာဇဝတ်မှုများကို စုံစမ်းစစ်ဆေးရန် ကုလသမဂ္ဂက စုံစမ်းရေး ကော်မရှင်တရပ် ဖွဲ့ကိုဖွဲ့ရမည်ဖြစ်ပြီး အဆိုပါ အဓမ္မလုပ်အားပေး ခိုင်းစေသည့်ကိစ္စများကို နိုင်ငံတကာ ရာဇဝတ်ခုံရုံးသို့ စွဲတင်ရန် အပြည်ပြည်ဆိုင်ရာ အလုပ်သမားအဖွဲ့ကြီး (ILO) ၏ တောင်းဆိုချက်များကို ထောက်ခံရမည်ဖြစ်သည်´ ဟုလည်း Carmichael က ဆက်လက်ပြောဆိုသည်။ (မဇ္ဈိမ)

သွေးလက်ပေါ်ကသမိုင်း(Y-မြစ်ချို)

Edit ကိုသော်(တိုကျို) http://www.demowaiyan.co.cc/

ကမ္ဘာ့ထိပ်တန်းတွေးခေါ်ရှင် ၁၀၀ စာရင်းတွင် ဒေါ်အောင်ဆန်းစုကြည် ပါဝင်

ကမ္ဘာ့ခေါင်းဆောင်များနှင့် ဥာဏ်ကြီးရှင် အဖွဲ့များ၏ ဆောင်းပါးများ ထည့်သွင်း ဖော်ပြလေ့ရှိသည့် ကမ္ဘာတဝှန်းတွင် သြဇာကြီးမားသော အမေရိကန်အခြေစိုက် ‘Foreign Policy’ မဂ္ဂဇင်းကြီးက ကမ္ဘာ့ထိပ်တန်းတွေးခေါ်ရှင် ၁၀၀ စာရင်းတွင် မြန်မာ့ဒီမိုကရေစီ ခေါင်းဆောင်နှင့် နိုဘယ်ငြိမ်းချမ်းရေးဆုရှင် ဒေါ်အောင်ဆန်းစုကြည်ကို ထည့်သွင်း ဖော်ပြလိုက်သည်။

အမျိုးသား ဒီမိုကရေစီ အဖွဲ့ချုပ် ခေါင်းဆောင် ဒေါ်အောင်ဆန်းစုကြည်ကို `အမှောင်တိုက်ထဲမှ သက်ရှိထင်ရှား မျှော်လင့်ချက် သင်္ကေတ´ အဖြစ် ယခုလထုတ် မဂ္ဂဇင်းတွင် Foreign Policy က `ကမ္ဘာ့ထိပ်တန်း တွေးခေါ်ရှင် ၁၀၀´ စာရင်း၌ ထည့်သွင်း ရွေးချယ်ဖော်ပြလိုက်ခြင်း ဖြစ်သည်။ ယင်းသည် ဤမဂ္ဂဇင်း၏ ပထမဆုံး နှစ်စဉ် ထုတ်ပြန်သော စာရင်းဖြစ်သည်။

`မိုဟန်ဒတ်စ်ဂန္ဒီနှင့် ဗုဒ္ဓဘာသာတို့မှ အကြမ်းမဖက်ရေး သဘောတရားများကို ဈာန်ဝင်စားပြီး စစ်အစိုးရကို ဆန့်ကျင်သည့် လူထုလှုပ်ရှားမှု တရပ်ကို ဒေါ်အောင်ဆန်းစုကြည် ထူထောင်ခဲ့သည်´ ဟု Foreign Policy မဂ္ဂဇင်းကြီးက ရေးသားထားသည်။
[ ဆက်လက်ဖတ်ရှု့ပါရန် +/- ]

ဤစာရင်းတွင် ဒေါ်အောင်ဆန်းစုကြည်က အဆင့် ၂၆ တွင်ရှိပြီး၊ အခြား အရှေ့တောင်အာရှ ခေါင်းဆောင်များဖြစ်သည့် မလေးရှားမှ အတိုက်အခံခေါင်းဆောင် အန်ဝါအီဘရာဟင်က အဆင့် ၃၂၊ အင်ဒိုနီးရှား နိုင်ငံရေး လေ့လာသုံးသပ်သူ ရီဇာဆုက်ကမား (Rizal Sukma) က အဆင့် ၉၂ အသီးသီး သတ်မှတ်ဖော်ပြခံရသည်။

ဤစာရင်းတွင် အခြား ထင်ရှားသြဇာရှိသော ကမ္ဘာ့ခေါင်းဆောင်များလည်း ပါဝင်ပြီး သမတ အိုဘားမားက အဆင့် ၂၊ ဗြိတိသျှဝန်ကြီးချုပ် ဂေါ်ဒွန်ဘရောင်းက အဆင့် ၇၄၊ ဘီလ်နှင့် ဟီလာရီ ရော့ဒမ် ကလင်တန်က အဆင့် ၆ အသီးသီး ရရှိကြသည်။

`သူမ၏ ထင်ရှားသော ၁၉၉၀ ခုနှစ် မိန့်ခွန်းတွင် ဒေါ်အောင်ဆန်းစုကြည်က ကြောက်ရွံ့ခြင်းသည် နေ့စဉ်ဘဝအတွင်း တည်ရှိနေသော အရာဖြစ်သည်၊ နိုင်ငံရေး ခေါင်းဆောင်များသည် မလွှဲမရှောင်သာဘဲ ခြစားမှုကို ခေါင်းငုံ့ အရှုံးပေးလိုက်ကြသည်ဟု ပြောကြားခဲ့ပြီး မြန်မာနိုင်ငံတွင် စိတ်ဓာတ်တော်လှန်ရေးတရပ် ဆင်နွှဲရန်လည်း သူမက တိုက်တွန်းလှုံ့ဆော်ခဲ့သည်´ ဟု အဆိုပါ မဂ္ဂဇင်းကြီးက ရေးသားထားသည်။

မြန်မာ့လွတ်လပ်ရေး ဗိသုကာ ဗိုလ်ချုပ်အောင်ဆန်း၏ သမီးဖြစ်သော သူမသည် လွန်ခဲ့သော နှစ်ပေါင်း ၂၀ အတွင်း ၁၄ နှစ်ကြာမျှ ပုံစံတမျိုးမဟုတ် တမျိုးဖြင့် အထိန်းသိမ်းခံခဲ့ရသည်။

အမေရိကန် နိုင်ငံသားတဦး သူမ၏ အိမ်ထဲသို့ ရေကူးဝင်ရောက်လာပြီး သူမနှင့် တွေ့ဆုံခဲ့သည့် အလွန် အူကြောင်ကြောင်နိုင်သော ဖြစ်ရပ်ဖြစ်ပွားအပြီး သူမကို နေအိမ်အကျယ်ချုပ် စည်းကမ်း ချိုးဖောက်သည်ဟုဆိုကာ ယခုနှစ် သြဂုတ်လအတွင်းက နောက်ထပ် အကျယ်ချုပ် သက်တမ်း ၁၈ လ ထပ်မံ တိုးမြှင့်ခဲ့သည်။

သူမသည် မြန်မာနိုင်ငံသို့ ၁၉၈၈ ခုနှစ်တွင် ပြန်လည် ရောက်ရှိပြီးကတည်းက အတိုက်အခံ ခေါင်းဆောင်အဖြစ် တည်ရှိနေပြီး စစ်အစိုးရအပေါ် ပိတ်ဆို့ဒဏ်ခတ်မှုများ ပြုလုပ်ရန် အနောက်နိုင်ငံများကို ဆော်သြခဲ့သည်။

ဤသို့ ဆက်တိုက် ထိန်းသိမ်းခံနေခဲ့ရသော်လည်း မြန်မာနိုင်ငံတွင် ဒီမိုကရေစီနှင့် လူ့အခွင့်အရေး ရရှိရေးအတွက် သူမ၏ ကြိုးပမ်းမှုများမှာ နိုင်ငံတကာ၏ အသိအမှတ်ပြုမှုနှင့် ထောက်ခံမှုကို ရရှိခဲ့ပြီး နိုင်ငံတကာမှ ချီးမြှင့်သော ဆုပေါင်း ၈၀ ကျော်ကို ရရှိထားပြီး ဖြစ်သည်။ အဆိုပါ ဆုများထဲတွင် ၁၉၉၁ ခုနှစ်က ရရှိခဲ့သည့် နိုဘယ်ငြိမ်းချမ်းရေးဆုနှင့် အိန္ဒိယနိုင်ငံ၏ ဂုဏ်သိက္ခာကြီးမားလှသော ၁၉၉၃ ခုနှစ်အတွက် နိုင်ငံတကာ နားလည်မှု ဂျဝါဟာလာနေရူးဆုတို့လည်း ပါဝင်သည်။

တိုင်းမဂ္ဂဇင်းကလည်း ၂၀၀၈ ခုနှစ်အတွက် ကမ္ဘာ့သြဇာအရှိဆုံး လူပုဂ္ဂိုလ် ၁၀၀ စာရင်းတွင် ဒေါ်အောင်ဆန်းစုကြည်ကို ၂၀၀၈ ခုနှစ်က ထည့်သွင်း ဖော်ပြခဲ့သည်။ (မဇ္ဈိမ)

စီးပွားရေး နိုဘဲလ်ဆုရှင် မြန်မာ့စီးပွားရေး အကြံပေးမည်

မြန်မာနိုင်ငံရဲ့ ချွတ်ခြုံကျနေတဲ့ စီးပွားရေး အခြေအနေတွေ ပြန်လည်တိုးတက်လာရေးအတွက် စုံစမ်းစစ်ဆေးဖို့ ရည်ရွယ်ချက်နဲ့ အမေရိကန်နိုင်ငံက အထင်ကရ စီးပွားရေး ပညာရှင်တယောက် မြန်မာနိုင်ငံကို မကြာခင် သွားရောက်မှာ ဖြစ်ပါတယ်။ အကြောင်းစုံကို နော်ရှိုးက တင်ပြပေးထားပါတယ်။
[ ဆက်လက်ဖတ်ရှု့ပါရန် +/- ]

ကမ္ဘာ့ဘဏ်ရဲ့ ထိပ်တန်း စီးပွားရေးပညာရှင်ဟောင်းလည်းဖြစ်၊ စီးပွားရေးဆိုင်ရာ နိုဘဲလ် ငြိမ်းချမ်းရေးဆုရှင်လည်း ဖြစ်တဲ့ ပါမောက္ခ ဒေါက်တာ ဂျိုးဇက် စတစ်ဂ်လစ်ဇ် (Dr. Joseph Stiglitz) ဟာ ဒီဇင်ဘာလ ၁၄ ရက်နေ့မှာ မြန်မာနိုင်ငံကို သွားမယ်လို့ ထိုင်းအခြေစိုက် ကုလသမဂ္ဂရဲ့ အာရှနဲ့ ပစိဖိတ်ဆိုင်ရာ စီးပွားရေးနဲ့ လူမှုရေးကော်မရှင် (ESCAP) က ပြောပါတယ်။ ဒီဇင်ဘာလ ၁၅ ရက်နေ့ကျရင်တော့ ဒေါက်တာ စတစ်ဂ်လစ်ဇ်ဟာ နေပြည်တော်မှာ စီးပွားရေးဆိုင်ရာ အကြံပြု ဟောပြောမှာ ဖြစ်ပါတယ်။ ကျေးလက်ဒေသ စီးပွားရေး တိုးတက်ဖို့နဲ့ ဆင်းရဲမွဲတေမှု ပပျောက်ရေးအတွက် စီးပွားရေးဆိုင်ရာ အရေးပါတဲ့ ဆုံးဖြတ်ချက်တွေကို အစိုးရအနေနဲ့ ဘယ်လိုချမှတ် ဆောင်ရွက်သင့်တယ်ဆိုတာ ဒေါက်တာ စတစ်ဂ်လစ်ဇ်က အကြံပြုမှာ ဖြစ်တယ်လို့ ကုလသမဂ္ဂက ပြောပါတယ်။

ဒါ့အပြင် မြန်မာပြည်တွင်းက စီးပွားရေး ပညာရှင်တွေ၊ ကုလသမဂ္ဂက အရာရှိတွေ၊ သံတမန်တွေနဲ့ လူထုအခြေပြု အဖွဲ့အစည်းတွေက ကိုယ်စားလှယ်တွေနဲ့လည်း တွေ့ဆုံပြီး ကျေးလက်စီးပွားရေးအပြင် ဘဏ်စနစ်၊ ကုန်ပစ္စည်းဈေးနှုန်း၊ ကုန်သွယ်ရေးဆိုင်ရာ ကိစ္စတွေနဲ့ ပတ်သက်ပြီးတော့ အသိအမြင်ချင်း ဖလှယ်ဖို့ ရှိပါတယ်။ အခုလို အထင်ကရ စီးပွားရေးပညာရှင် တယောက်ရဲ့ မြန်မာနိုင်ငံ ခရီးစဉ်နဲ့ ပတ်သက်ပြီး သြစတြေးလျနိုင်ငံ မက်ကွိုင်ရီ (Macquire) တက္ကသိုလ် မြန်မာနိုင်ငံ စီးပွားရေး စောင့်ကြည့်ရေးအဖွဲ့ကို ဦးဆောင်သူ စီးပွားရေး ပါမောက္ခ ဒေါက်တာ ရှောင် တာနဲလ် (Dr. Sean Turnell) က အခုလို ကောက်ချက်ချပါတယ်။

“ပါမောက္ခ စတစ်ဂ်လစ်ဇ် သာမက ဘယ်စီးပွားရေး ပညာရှင်ပဲ ဖြစ်ဖြစ် မြန်မာနိုင်ငံကိုသွားရင် ဒုတိယ ကမ္ဘာစစ်ပြီး ကာလကတည်းက အဆိုးရွားဆုံးလို့ ပြောရမယ့် စီးပွားရေး အခြေအနေတွေကို ရင်ဆိုင်ရမှာပါ။ ဒါတောင် ဒုတိယ ကမ္ဘာစစ်အတွင်းက မြန်မာနိုင်ငံ စီးပွားရေးဟာ အားလုံးနီးပါး ပျက်စီးခဲ့ရတာပါ။ ဆိုတော့ ခုအခြေအနေဟာ ဘယ်လောက်ဆိုးလဲဆိုတာ စဉ်းစားကြည့်လို့ ရပါတယ်။ အထူးသဖြင့် မြန်မာနိုင်ငံရဲ့ ကျေးလက်ဒေသတွေမှာ စိုက်ပျိုးရေးအတွက် လယ်သမားတွေ အရင်းအနှီး လုံးဝ ချွတ်ခြုံကျနေတဲ့ ပြဿနာကို အကြီးအကျယ် ရင်ဆိုင်နေရပါတယ်။ ပါမောက္ခ စတစ်ဂ်လစ်ဇ် ကိုယ်တိုင်ကလည်း အဲဒီလို ကျေးလက်စိုက်ပျိုးရေး အမတော်ကြေး ရရှိရေး ကိစ္စတွေမှာ အထူးကျွမ်းကျင်သူ ဖြစ်ပါတယ်။”

ဆက်လက်ပြီး ပါမောက္ခ တာနဲလ်က မြန်မာနိုင်ငံဟာ ပထမဆုံးအကြိမ်အဖြစ် ဆာလောင် ငတ်မွတ်မှု ဘေးအတွက် စိုးရိမ်ရတဲ့ အခြေအနေကို ရင်ဆိုင်နေရတယ်လို့ ပြောပြီး မြန်မာနိုင်ငံရဲ့ စီးပွားရေး တိုးတက်လာဖို့အတွက် သိသာထင်ရှားတဲ့ နိုင်ငံရေး၊ တရားဥပဒေ စိုးမိုးရေးတွေမှာ ပြုပြင်ပြောင်းလဲမှုတွေ အရင်လုပ်ဖို့ လိုအပ်တယ်လို့ ပြောပါတယ်။

“မြန်မာနိုင်ငံမှာ စီးပွားရေး ပြုပြင်ပြောင်းလဲမှုတွေ တကယ်အလုပ်ဖြစ်ဖို့အတွက် အရင်ဦးဆုံး နိုင်ငံရေး ပြုပြင်ပြောင်းလဲမှုတွေ လုပ်ဖို့ မဖြစ်မနေ လိုအပ်ပါတယ်။ မြန်မာနိုင်ငံကို တရုတ်တို့၊ ဗီယက်နမ်တို့နဲ့ နှိုင်းပြီး အဲဒီနိုင်ငံတွေဟာ အာဏာရှင်နိုင်ငံတွေ ဖြစ်ပေမဲ့ စီးပွားရေး တိုးတက်အောင် လုပ်နိုင်တယ် ဆိုပြီးတော့ တချို့က နားလည်လွဲပါတယ်။

“ဥပမာ တရုတ်မှာ အဂတိလိုက်စားမှု ပြဿနာ ရှိနေသေးပေမဲ့ အစိုးရက ပြည်သူတွေရဲ့ လယ်ယာမြေ ပိုင်ဆိုင်ခွင့်ကို သိသိသာသာ အကာအကွယ် ပေးပါတယ်။ အကျိုးအမြတ်များတဲ့ စီးပွားရေးလုပ်ငန်းတွေ တော်တော်များများကို အစိုးရက လက်ဝါးကြီး မအုပ်ဘဲ အများကြီး လျှော့ပေးခဲ့ပါတယ်။ တရုတ်နဲ့ ဗီယက်နမ် ခေါင်းဆောင်တွေလို မြန်မာစစ်ခေါင်းဆောင်တွေမှာ တိုင်းပြည်ကို ဘယ်လို ခေတ်မီ စီးပွားဖြစ်အောင် လုပ်မလဲဆိုပြီး လေးလေးနက်နက် အာရုံစိုက် လုပ်ဆောင်တာကို မတွေ့ရသေးပါဘူး။”

အခုလို ကမ္ဘာ့ဘဏ်ရဲ့ စီးပွားရေး ပညာရှင်အဖြစ် အမှုထမ်းခဲ့သူတဦး မြန်မာနိုင်ငံကို သွားရောက်မှာမို့ လက်ရှိ ကမ္ဘာ့ဘဏ်က မြန်မာနိုင်ငံကို ငွေထုတ်ချေးမှု ရပ်ဆိုင်းထားတာတွေကို ပြန်စနိုင်သလားဆိုတဲ့ မေးခွန်းကိုတော့ ပါမောက္ခ တာနဲလ်က အခုလို ဖြေပါတယ်။

“ခုလောလောဆယ် မြန်မာနိုင်ငံမှာ ကမ္ဘာ့ဘဏ်က ဘာမှလုပ်လို့မရတဲ့ အဓိကအချက်က တခြားမဟုတ်ပါဘူး။ မြန်မာအစိုးရဟာ ကမ္ဘာ့ဘဏ်ကို အကြွေးတင်နေတာတွေ အများကြီး ရှိနေတာကြောင့်ပါ။ ဒါကြောင့် မကြာခင် အချိန်အတွင်းမှာ ကမ္ဘာ့ဘဏ်ကနေ မြန်မာနိုင်ငံကို ငွေထုတ်ချေးတာတို့၊ တခြားစီမံကိန်းတွေ လုပ်လာမယ်လို့ မထင်ပါဘူး။ တချိန်ချိန်မှာတော့ စီးပွားရေးနဲ့ ပတ်သက်ပြီး ကမ္ဘာ့ဘဏ် အပါအ၀င် တခြား နိုင်ငံတကာ အဖွဲ့အစည်းတွေက အကြံပေးတာတွေ ရှိကောင်း ရှိလာနိုင်ပါတယ်။ ဒါကလည်း စစ်အစိုးရဘက်က လက်ခံမလား၊ လက်မခံဘူးလား ဆိုတဲ့အပေါ် မူတည်ပါတယ်။”

ပါမောက္ခ ရှောင် တာနဲလ် ပြောသွားခဲ့တာ ဖြစ်ပါတယ်။

၂၀၀၂ ခုနှစ်တုန်းကလည်း မြန်မာစစ်အစိုးရရဲ့ ခွင့်ပြုချက်နဲ့ ဂျပန်ထိပ်တန်း စီးပွားရေး ပညာရှင်တွေ ဦးစီးပြီး မြန်မာစီးပွားရေး ပညာရှင်တွေနဲ့ ပူးပေါင်းကာ မြန်မာနိုင်ငံရဲ့ စီးပွားရေးကို လေ့လာသုံးသပ်ပြီး ပြုပြင်ပြောင်းလဲရေး လုပ်ဖို့ အချက်တွေ စစ်အစိုးရကို အကြံပြုခဲ့ဖူးပါတယ်။ ဒါပေမဲ့ ဒီအစီအစဉ်ကို မြန်မာစစ်ခေါင်းဆောင်တွေက ပယ်ချခဲ့တယ်လို့ ထိုင်းအခြေစိုက် အမည်မဖော်လိုသူ မြန်မာစီးပွားရေး ပညာရှင်တဦးက ကောက်ချက်ပေးခဲ့တာကို IPS သတင်းမှာ ကိုးကားထားပါတယ်။ မြန်မာနိုင်ငံမှာ လယ်ယာစိုက်ပျိုးရေးကဏ္ဍ ချွတ်ခြုံကျမှုအပြင် ငွေကြေးဖောင်းပွမှု ၃၀% ရှိနေတဲ့ ပြဿနာနဲ့ ပြည်သူ့ကျန်းမာရေး အခြေအနေဟာ နိုင်ငံပေါင်း ၁၉၁ နိုင်ငံအနက် ဆီရီရာ လီရွန် (Sierra Leoen) ပြီးရင် ဒုတိယ အဆိုးရွားဆုံး အခြေအနေမှာ ရှိနေတာ ဖြစ်တယ်လို့ WHO ကမ္ဘာ့ကျန်းမာရေးအဖွဲ့ကြီးက ပြောထားတာ ဖြစ်ပါတယ်။ ( ဗွီအိုအေ )