ဟောထဲယောလ် လွှတ်တော်အမတ် မြန်မာ နအဖ ၀န်ကြီးချုပ် သိန်းစိန်နှင့် တွေ့ဆုံ

ကိုရီးယားနိုင်ငံ သမတ ယိမြောင်ဘဂ်၏ အထူးကိုယ်စားလှယ် ဟောထဲယောလ်နှင့် Grand National Party ရဲ့ အဆင့်မြင့် လွှတ်တော်အမတ် ဂျိုဟဲဂျင်သည် မေလ ၇ ရက်နှင့် ၈ ရက်နေ့များတွင် မြန်မာနိုင်ငံ မြို့တော်သစ် နေပြည်တော်သို့ သွားရောက်ပြီး နအဖ ၀န်ကြီးချုပ် သိန်းစိန်နှင့် တွေ့ဆုံခဲ့ပါသည်။

မစ္စတာ ဟော သည် သမတ၏ သ၀ဏ်လွှာကို ပေးအပ်ပြီး လာမည့် မေလ ၃၁ ရက်မှစတင်၍ ဇွန်လ ၂ ရက်နေ့ အထိ ဂျဲဂျူဒိုတွင် ဖွင့်လှစ်မည့် ကိုရီးယား အာစီယံ အထူး ထိပ်သီး ဆွေးနွေးပွဲသို့ တက်ရောက်ရန် ဖိတ်ကြားခဲ့ကြောင်း မြန်မာနိုင်ငံဆိုင်ရာ ကိုရီးယားသံရုံးက ပြောကြားပါသည်။

နအဖ ၀န်ကြီးချုပ် သိန်းစိန်က ဖိတ်ကြားတဲ့အပေါ် ကျေးဇူးတင်ကြောင်းပြောကြားပြီး မြန်မာနိုင်ငံသည် ရေနံ၊ ဂက်စ်၊ တွင်းထွက် သတ္တု၊ သစ်ထွက်ပစ္စည်း၊ ရေထွက်ပစ္စည်းစသော သဘာဝပစ္စည်းတွေ ပေါကြွယ်ဝတဲ့ နိုင်ငံဖြစ်သလို တိုးတက်သော စီးပွားရေး ဖွံ့ဖြိုး အောင်မြင်လိုပါက တိုးတက်နေသော နိုင်ငံဖြစ်တဲ့ ကိုရီးယားနိုင်ငံရဲ့ ကူညီထောက်ပံ့မှုတွေ လိုအပ်ကြောင်း ၄င်းနောက့် ကိုရီးယားသို့ ရောက်ရှိတဲ့အခါ ယိမြောင်ဘဂ် သမတနှင့် တွေ့ဆုံ ဆွေးနွေးချင်ကြောင်း ပြောကြားပါသည်။
ကိုရီးယားနိုင်ငံသို့ မြန်မာနိုင်ငံ မဆလ ၀န်ကြီးချုပ်သည် ၁၉၈၇ ခုနှစ်က နောက်ဆုံး လာရောက်ခဲ့ပြီးနောက် ယခု အနှစ် ၂၀ ကျော်မှ နအဖ ၀န်ကြီးချုပ် ထပ်မံ လာရောက်ခြင်း ဖြစ်ပါသည်။

မြန်မာ့ အသံ MRTV နှင့် မြ၀တီ ရုပ်မြင်သံကြားက သတင်းခေါင်းစဉ်ကြီးအဖြစ် အထူးကိုယ်စားလှယ်၏ ဖိတ်ကြားချက်ကို အထူးသတင်းတခုအဖြစ် အချိန်တိုင်း ထုတ်လွှင့်နေပြီး အင်္ဂလိပ်သတင်းစာဖြစ်တဲ့ The News Light of Myanmar ကလည်း မျက်နှာအပြည့် သတင်းဖော်ပြနေကြောင်း ကိုရီးယား အာစီယံ အထူး ထိပ်သီး ဆွေးနွေး အစည်းအဝေးက အထူး စိတ်ဝင်စားလျက်ရှိကြောင်း မြင်တွေ့ရပါသည်။

ရှေ့လ ၁ရက်နှင့် ၂ရက်နေ့တွင် ဂျဲဂျူကျွန်းမှာ ကျင်းပမည့် ကိုရီးယား အာစီယံ အထူး ထိပ်သီးဆွေးနွေးပွဲနှင့် ပတ်သက်ပြီး အလွန် အရေးကြီးသော တိုးတက်အောင်မြင်မှု ရရှိရမည်ဖြစ်ကြောင်း ကိုရီးယားသမတ ယိမြောင်ဘဂ်က ပြောဆိုပါသည်။ နိုင်ငံပေါင်းစုံရဲ့ စုပေါင်းလုပ်ဆောင်မှုဟာ အလွန်အရေးပါကြောင်း၊ စီးပွားရေးအရဆိုပေမယ့်လည်း သံတမန်ရေးရာတွေလည်း အလွန်အရေးကြီးကြောင်း၊ ယခုနှစ်တွင် အာစီယံနှင့် ဆွေးနွေးပြီးနောက် ရှေ့နှစ်တွင် အာဖရိကနိုင်ငံများသို့ သွားရောက်ပြီး ကူညီထောက်ပံ့မည်ဖြစ်ကြောင်း ထပ်မံ ပြောဆိုပါသည်။

ကိုရီးယာနိုင်ငံအတွင်းထုတ် သတင်းစာများနှင့် ထိုင်းနိုင်ငံအတွင်းရှိ သတင်းထောက် မစ္စတာ ဂျောန်ဆောန်အိုဂ် သတင်းဖော်ပြချက်ကို ကိုရီးယားဘာသာမှ မြန်မာဘာသာပြန်ဆိုပါသည်။

ဇော်မိုးအောင်
၂၀၀၉ ခုနှစ် မေလ ၁၀ ရက်