လာရောက် လည်ပတ် ကြသော သူငယ်ချင်းများ
နိုင်ငံရေး သီချင်းတွေ နားဆင်လို့ရအောင်၊
စိတ်ကြိုက် Download ဆွဲလို့ရနိုင်ဖို့ အတွက်
၂ဝဝ၈ ဖွဲ့စည်းပုံ အခြေခံဥပဒေနှင့် မျက်မှောက် နိုင်ငံရေး အခြေအနေများကို ပြန်လည် သုံးသပ်ရန်အတွက် အမျိုးသား ဒီမိုကရေစီအဖွဲ့ချုပ် ဗဟိုက ယခုလနှောင်းပိုင်းတွင် ပြည်နယ်နှင့် တိုင်းစည်းဝင်များနှင့် ၂ ရက်ကြာ ဆွေးနွေးပွဲ ကျင်းပမည်ဟု သိရသည်။
ယခုလ ၂၈-၂၉ ရက်နေ့များတွင် အန်အယ်ဒီ ရုံးချုပ်တွင် ကျင်းပမည့် အဆိုပါ ညှိနှိုင်းဆွေးနွေးပွဲသို့ ပြည်နယ်နှင့် တိုင်းစည်း အဖွဲ့ဝင်များ၊ ဗဟိုအမျိုးသမီး လုပ်ငန်းအဖွဲ့၊ လူငယ်လုပ်ငန်း ဖော်ဆောင်ရေးအဖွဲ့နှင့် အမျိုးသား ဒီမိုကရေစီ ပါတီမှ အဖွဲ့ဝင် ၂ ဦးတို့ တက်ရောက်ရန် ဖိတ်ကြားထားသည်။
“လက်ရှိ နိုင်ငံရေးအခြေအနေနဲ့ ဖွဲ့စည်းပုံ အခြေခံ ဥပဒေဆိုင်ရာ ကိစ္စရပ်ကို ပါဝင်ဆွေးနွေးသွားမှာ ဖြစ်တယ်။ ပါတီရဲ့ ရှေ့လုပ်ငန်းစဉ်ကို အဓိကထား ဆွေးနွေးသွားမှာပါ။ ပြည်နယ်နှင့် တိုင်းက အဖွဲ့ဝင် ၁ဝဝ နဲ့ ၁၅ဝ ကြား တက်ရောက်ဖို့ စီစဉ်ထားတယ်။ အဖွဲ့ချုပ်ဝင်နဲ့ ပူးတွဲလုပ်နေတဲ့ အမျိုးသား ဒီမိုကရေစီပါတီမှာ အဖွဲ့ဝင် ၂ ဦးကို ဖိတ်ထားတယ်” ဟု အန်အယ်ဒီ ပြောခွင့်ရပုဂ္ဂိုလ် ဦးဉာဏ်ဝင်းက မဇ္ဈိမကို ပြောသည်။
ညှိနှိုင်းဆွေးနွေးပွဲတွင် ဗဟို အလုပ်အမှုဆောင်အဖွဲ့က ပြုစုထားသော စာတမ်းတစောင်ကို တက်ရောက်လာသည့် ကိုယ်စားလှယ်များသို့ ချပြကာ ဆွေးနွေးမည်ဟု သိရသည်။ ( မဇ္ဈိမ )
Sunday, April 12, 2009
Subscribe to:
Post Comments (Atom)
No comments:
Post a Comment