လာရောက် လည်ပတ် ကြသော သူငယ်ချင်းများ
နိုင်ငံရေး သီချင်းတွေ နားဆင်လို့ရအောင်၊
စိတ်ကြိုက် Download ဆွဲလို့ရနိုင်ဖို့ အတွက်
Friday, November 6, 2009
ရွေးကောက်ပွဲ မတိုင်ခင် အတိုက်အခံနဲ့ ဆွေးနွေးဖို့ အမေရိကန် တိုက်တွန်း
အမေရိကန်တို့ အနေနဲ့ မြန်မာနိုင်ငံနဲ့ တိုးတက်တဲ့ ဆက်ဆံရေးကို လိုလိုလားလား ရှိနေပါတယ်ဆိုတဲ့ အချက်က ရှင်းရှင်းလင်းလင်းပါပဲလို့ အမေရိကန် အဆင့်မြင့် သံတမန်တဦးဖြစ်တဲ့ စကော့ မာဆီယယ် (Scott Marciel) က မြန်မာနိုင်ငံက ပြန်လာပြီး နောက်တနေ့မှာ ပြောလိုက်ပါတယ်။ ဒါပေမဲ့ ဒီမိုကရေစီ နိုင်ငံတော် တခုအဖြစ် ဖြစ်ထွန်းမယ့် တိုးတက်မှု လက္ခဏာတွေ ရှိပါမှလို့လည်း ဆိုလိုက်ပါတယ်။
[ ဆက်ဖတ်ရန် +/- ]
Thursday, November 5, 2009
ကာ့တ် ကမ်းဘဲလ် မြန်မာခရီးစဉ်ဆိုင်ရာ ကြေညာချက် ထုတ်
ရန်ကုန်မြို့မှာ အမေရိကန်သံရုံးက တဆင့် ထုတ်ပြန်တဲ့ ကြေညာချက် ဖြစ်ပါတယ်။ သူ့ရဲ့ ၂ ရက်တာ ခရီးစဉ်အတွင်းမှာ အစိုးရပိုင်းက တာဝန်ရှိပုဂ္ဂိုလ်တွေ၊ ဒီမိုကရေစီ အတိုက်အခံ အင်အားစုတွေနဲ့ တိုင်းရင်းသား လူမျိုးစု ခေါင်းဆောင်တွေ အပါအ၀င် ပုဂ္ဂိုလ် အများအပြားနဲ့ ကျယ်ကျယ်ပြန့်ပြန့် တွေ့ဆုံခဲ့တယ်လို့ ဖော်ပြထားပါတယ်။
ဒီခရီးစဉ်ဟာ မြန်မာနိုင်ငံနဲ့ ပတ်သက်ပြီး သုံးသပ်နေတဲ့ အမေရိကန်ရဲ့ မူဝါဒနဲ့ ပတ်သက်ပြီး မြန်မာနိုင်ငံအတွင်းမှာ သက်ဆိုင်တဲ့ အရေးကြီးပုဂ္ဂိုလ်တွေကို ရှင်းပြဖို့နဲ့ လူ့အခွင့်အရေး ပြည့်ဝမှု၊ ဒေါ်အောင်ဆန်းစုကြည်နဲ့ တကွ နိုင်ငံရေး အကျဉ်းသားတွေ လွတ်မြောက်မှု၊ ဒီမိုကရေစီ ဖော်ဆောင်ရေးတို့ကို ပြင်းပြင်းထန်ထန် ထောက်ခံကြောင်း ပြသဖို့ ရည်ရွယ်တဲ့ ခရီးစဉ်တခု ဖြစ်တယ်လို့ ဆိုပါတယ်။
[ ဆက်ဖတ်ရန် +/- ]
ဒီပုဂ္ဂိုလ်တွေနဲ့ တွေ့ဆုံမှုတိုင်းမှာ မြန်မာနိုင်ငံဟာ ပြည်သူတွေရဲ့ လူ့အခွင့်အရေးကို လေးစားလိုက်နာတဲ့ တိုင်းပြည်၊ ဒီမိုကရေစီကို မြှင့်တင် ဖော်ဆောင်နေတဲ့ တိုင်းပြည်၊ ကုလသမဂ္ဂရဲ့ နျူကလီးယား မပြန့်ပွားရေး စာချုပ်အတိုင်း လိုက်နာနေထိုင်တဲ့ တိုင်းပြည်တခုအဖြစ် အမေရိကန်တို့က မြင်လိုတယ်လို့လည်း အလေးအနက်ထား ဖော်ပြထားပါတယ်။
ဒီကနေ့မှာတော့ လူမျိုးစု ခေါင်းဆောင်တွေနဲ့ တွေ့ဆုံပြီး ဒေါ်အောင်ဆန်းစုကြည်နဲ့လည်း ၂ နာရီကြာ တွေ့ဆုံခဲ့ပါတယ်။ အဲဒီတွေ့ဆုံမှုတွေ အတွင်းမှာ အစိုးရ၊ ဒီမိုကရေစီ အတိုက်အခံနဲ့ တိုင်းရင်းသား လူမျိုးစုတွေကြားမှာ တွေ့ဆုံဆွေးနွေးရေးတရပ် ဖြစ်ဖို့လိုကြောင်း ထပ်မံပြီး အခိုင်အမာ ပြောကြားခဲ့ပါတယ်။ ဒီလိုတွေ့ဆုံမှုရဲ့ ဦးတည်ချက်ကတော့ မြန်မာနိုင်ငံမှာ အမျိုးသား ပြန်လည်သင့်မြတ်ရေးနဲ့ ဘက်ပေါင်းစုံ ပါဝင်တဲ့ နိုင်ငံရေး ဖြစ်စဉ်တရပ် အပြည့်အ၀ ဖော်ဆောင်ရေးတို့ပဲ ဖြစ်ပါတယ်။ ဒီဦးတည်ချက်ကို အကောင်အထည် ဖော်နိုင်ဖို့အတွက် ဒေါ်အောင်ဆန်းစုကြည်ကိုလည်း သူ့ရဲ့ NLD ပါတီ CEC အဖွဲ့ဝင်တွေနဲ့ မကြာခဏ တွေ့ဆုံပေးသင့်တယ်လို့လည်း စစ်အစိုးရကို တိုက်တွန်းခဲ့ပါတယ်။
စစ်အစိုးရရဲ့ ၀န်ကြီးချုပ်၊ ပြန်ကြားရေးဝန်ကြီး၊ သိပ္ပံနဲ့ နည်းပညာဆိုင်ရာ ၀န်ကြီး၊ စတဲ့ပုဂ္ဂိုလ်တွေနဲ့ တွေ့ဆုံတဲ့ အခါမှာတော့ နှစ်နိုင်ငံ ဆက်ဆံရေးကို တိုးမြှင့် ဆောင်ရွက်ဖို့အတွက် အမေရိကန်တို့က အဆင်သင့် ရှိနေကြောင်းနဲ့ ဒီကိစ္စကို နှစ်ဦးနှစ်ဘက် ဆောင်ရွက်ရမှာ ဖြစ်သလို မြန်မာစစ်အစိုးရဘက်ကလည်း ထိထိရောက်ရောက် ကြိုးပမ်း အားထုတ်မှုတွေ လုပ်ရမှာဖြစ်တယ် ဆိုတဲ့အကြောင်းကို ရှင်းရှင်းလင်းလင်း ဖော်ပြခဲ့ပါတယ်။
ဒါ့အပြင် နာဂစ်မုန်တိုင်း ဒုက္ခသည် ကူညီရေး၊ ကူးစက်ရောဂါ ပြန့်ပွားမှု တိုက်ဖျက်ရေးအတွက် ကူညီရေး ကိစ္စတွေကိုလည်း ဖော်ပြထားပါတယ်။
အမေရိကန် လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် မြန်မာနိုင်ငံက မထွက်ခွာခင် ထုတ်ပြန်ခဲ့တဲ့ ကြေညာချက် ဖြစ်ပါတယ်။
ကာ့တ် ကမ်းဘဲလ် ကြေညာချက်ထဲမှာပါတဲ့ တောင်းဆိုချက်တခု ဖြစ်တဲ့ ဒေါ်အောင်ဆန်းစုကြည်ကို NLD CEC တွေနဲ့ တွေ့ခွင့်ပေးသင့်တယ်ဆိုတဲ့ အချက်အတိုင်း စစ်အစိုးရက ဒေါ်အောင်ဆန်းစုကြည်နဲ့ တခြား NLD ခေါင်းဆောင်တွေ တွေ့ပေးဖို့ စီစဉ်ပေးခဲ့ပေမဲ့ ပါတီ ဒုတိယဥက္ကဋ္ဌ ဦးတင်ဦး မပါဝင်ရင် ဒေါ်အောင်ဆန်းစုကြည်က မတွေ့နိုင်ဘူးလို့ ပြောကြားခဲ့တယ်လို့ စစ်အစိုးရ သတင်းတွေမှာ ကြေညာသွားပါတယ်။ ဒီကိစ္စနဲ့ ပတ်သက်ပြီး NLD ဗဟိုအလုပ်အမှုဆောင် အဖွဲ့ဝင် ဦးဝင်းတင်က အခုလို မှတ်ချက်ပေးပါတယ်။
“ကျနော့်သဘော ပြောရရင် ကျနော်က ဒေါ်စုနဲ့ မတွေ့တာလည်း နှစ်ပေါင်း ၂၀ ကျော်ပြီ။ ကျနော် အကြာဆုံးပေါ့ဗျာ၊ မတွေ့တဲ့လူထဲမှာ။ ဦးတင်ဦးနဲ့လည်း နှစ်ပေါင်း ၂၀ ကျော်ပြီ၊ မတွေ့ရဘူး။ အဲတော့ ဒီပုဂ္ဂိုလ် ၂ ယောက်နဲ့ ကျနော် မတွေ့လိုက်ရတဲ့ အတွက်တော့ ကျနော့်အဖို့ကတော့ အများကြီးကို စိတ်မကောင်းဖြစ်စရာ ကိစ္စပဲ။ သို့သော် ဒေါ်စုလုပ်တာ Morally မှန်တယ်ဗျ၊ ဒီလိုလုပ်ရမယ်။
“ဆိုပါတော့ဗျာ၊ NLD မှာ ကျနော်နဲ့ ဦးခင်မောင်ဆွေဆိုရင် စစ်အစိုးရက တရားဝင် CEC မဟုတ်ဘူးဆိုပြီး အမြဲတမ်း ပယ်ပယ်ချတယ်။ ဂမ်ဘာရီနဲ့ခေါ်တယ်၊ ကျနော်တို့ မပါဘူး။ မစ္စတာဘန်ကီမွန်းနဲ့ တွေ့တယ်၊ ကျနော်တို့ မပါဘူး။ ဂျင်မ်ဝက်ဘ်နဲ့ တွေ့တယ်၊ ကျနော်တို့ မပါဘူး။ ကျနော်တို့ စစ်အစိုးရလုပ်တိုင်း ခံခဲ့ရတာတွေ အများကြီးရှိတယ်။ နေရာတိုင်းမှာ ကျနော်က ငုံ့မခံနိုင်ဘူး။ သည်းညည်းခံတာက တမျိုးဗျာ၊ ငုံ့မခံနိုင်ဘူး။ ဒေါ်စုလုပ်တာ ကျနော် ထောက်ခံတယ်။ ဒါ နည်းကိုယူရမယ့်ကိစ္စ ဖြစ်တယ်လို့ ကျနော် ပြောချင်တယ်။”
NLD ဗဟိုအလုပ်အမှုဆောင် အဖွဲ့ဝင် ဦးဝင်းတင် ပြောပြသွားတာ ဖြစ်ပါတယ်။ ( ဗွီအိုအေ )
အမေရိကန် လက်ထောက် နိုင်ငံခြားရေးဝန်ကြီး ဒေါ်စုနဲ့တွေ့
မြန်မာနိုင်ငံကို ရောက်နေတဲ့ အမေရိကန် နိုင်ငံခြားရေးဌာန လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် (Kurt Campbell) နဲ့ အဖွဲ့ဟာ ဒီကနေ့မှာ မြန်မာစစ်အစိုးရ ၀န်ကြီးချုပ် ဗိုလ်ချုပ်ကြီးသိန်းစိန်နဲ့ နေပြည်တော်မှာ တွေ့ဆုံသလို မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်၊ နောက် အခြား အတိုက်အခံ ခေါင်းဆောင်တွေကို ရန်ကုန်မှာ တွေ့ဆုံခဲ့ပါတယ်။ မြန်မာ့နိုင်ငံရေးမှာ အရေးပါသူတွေရဲ့ အမြင်သဘောထားကို တီးခေါက်မေးမြန်းတဲ့ တွေ့ဆုံမှုတွေလို့ ပြောနိုင်ပါတယ်။ အကြောင်းစုံကို စုံစမ်းမေးမြန်းထားတဲ့ ကိုသားညွန့်ဦးက တင်ပြပေးထားပါတယ်။
[ ဆက်ဖတ်ရန် +/- ]
အမေရိကန် အထူးကိုယ်စားလှယ်အဖွဲ့ မြန်မာခရီးစဉ် ဒုတိယမြောက်နေ့မှာ လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ်နဲ့ အဖွဲ့ဟာ နေပြည်တော်မှာ ဒီမနက် မြန်မာစစ်အစိုးရ ၀န်ကြီးချုပ် ဗိုလ်ချုပ်ကြီးသိန်းစိန်နဲ့ တွေ့ဆုံပြီးတဲ့နောက် ရန်ကုန် အင်းလျားလိတ်ဟိုတယ်မှာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ နှစ်နာရီကြာ တွေ့ဆုံခဲ့ပါတယ်။ ဒေါ်အောင်ဆန်းစုကြည်ကို ပြီးခဲ့တဲ့ အင်းစိန်ထောင် တရားခွင် ပြီးကတည်းကဆိုရင် ဒီတကြိမ်ဟာ အများပြည်သူမြင်ကွင်းမှာ ပထမဆုံး ပြန်မြင်တွေ့ရတာပါ။
ဒီနောက်တော့ အခြား အမျိုးသားဒီမိုကရေစီအဖွဲ့ချုပ် ခေါင်းဆောင်တွေ တိုင်းရင်းသား နိုင်ငံရေးပါတီက ခေါင်းဆောင်တွေနဲ့ သီးခြားစီ တွေ့ဆုံခဲ့ပါတယ်။ အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင် အဖွဲ့ဝင် ၆ ဦးနဲ့ နေ့လယ် ၃ နာရီခန့်မှာ အဖွဲ့ချုပ်ရုံးမှာပဲ တနာရီကျော်ကြာ တွေ့ဆုံပါတယ်။ ဒီတွေ့ဆုံမှုနဲ့ ပတ်သက်ပြီး အဖွဲ့ချုပ် ပြောခွင့်ရပုဂ္ဂိုလ် ဒေါက်တာဝင်းနိုင်က အခုလို ရှင်းပြပါတယ်။
“ရွှေဂုံတိုင် ကြေညာချက်အတိုင်းပဲ ကျနော်တို့ရဲ့ ရပ်တည်ချက်၊ အဓိက ဒီဟာကို ကျနော်တို့ ရှင်းပြတာပါ။ ရှင်းပြတဲ့အခါ နိုင်ငံရေး အကျဉ်းသားများ လွတ်မြောက်ရေး၊ အဆုံးအဖြတ်ပေးနိုင်တဲ့ ပုဂ္ဂိုလ်တွေ တွေ့ဆုံဆွေးနွေးရေး၊ ဒီတွေ့ဆုံဆွေးနွေးရေးမှာ အခြေခံဥပဒေ ပြင်ဆင်ရေးတို့ ဘာတို့ပေါ့၊ အဓိက ပါတယ်။ ဆွေးနွေးပွဲတွေကရတဲ့ ရလဒ်တွေအတိုင်း နိုင်ငံရေးလမ်းကြောင်းကို ရှေ့ဆက် ခရီးသွားဖို့ပါ။”
မစ္စတာ ကာ့တ် ကမ်းဘဲလ်တို့ဘက်ကရော ဘာများ တုံ့ပြန်ဆွေးနွေးမှု ရှိပါသလဲ။
“သူတို့က facts finding ဖြစ်တယ်၊ ဒါကလည်း first mission ဆိုတော့ သူတို့အနေနဲ့ ပြန်လည်ပြောကြားတာ သိပ်ပြီး မရှိပါဘူး။ အဓိကအားဖြင့်တော့ သူတို့က မြန်မာနိုင်ငံမှာ လူ့အခွင့်အရေးနဲ့ ဒီမိုကရေစီရေးတွေ တိုးတက်ဖို့နဲ့ မြန်မာနိုင်ငံအတွင်းမှာ အချင်းချင်း တွေ့ဆုံဆွေးနွေးရေး dialogue ဖြစ်ဖို့ကို သူတို့ အဓိကထားပြီး ဆောင်ရွက်ဖို့လာတဲ့ အကြောင်းပဲ ပြောပါတယ်။”
တွေ့ဆုံဆွေးနွေးမှုနဲ့ ပတ်သက်လို့ ဘာရလဒ်တွေ ထွက်လာတယ်လို့ ယူဆလို့ရမလဲ။
“ဒါတွေက အခုအချိန်မှာတော့ သူတို့က အချက်အလက် စုဆောင်းပြီး ဘာဆက်လုပ်ရမလဲဆိုတာ ရှေ့ကို စဉ်းစားဖို့ပေါ့။ ကုလသမဂ္ဂ အထွေထွေ အတွင်းရေးမှူးချုပ် လာတဲ့အချိန်မှာ ဒေါ်အောင်ဆန်းစုကြည်နဲ့လည်း တွေ့ခွင့်မရဘူး၊ အဖွဲ့ချုပ် ခေါင်းဆောင်တွေကိုလည်း နေပြည်တော် ခေါ်တယ်၊ ကန့်သတ်ထားတဲ့ သူတို့ တွေ့ဆုံစေချင်တဲ့ ပုဂ္ဂိုလ်တွေနဲ့ပဲ တွေ့ဆုံရတယ်။ ဆိုလိုတာက CEC ထဲမှာ နောက်တိုးတဲ့ CEC ပေါ့၊ ဦးဝင်းတင်တို့ ဦးခင်မောင်ဆွေတို့ မပါဘူး။
“အခုအခါမှာတော့ ကျနော်တို့ရုံးခန်းကို လာတွေ့နိုင်တယ်။ အချိန်ရသလောက် တွေ့နိုင်တယ်၊ ဆွေးနွေးချင်တဲ့ အကြောင်းအရာတွေကို လွတ်လွတ်လပ်လပ် ဆွေးနွေးနိုင်တယ်။ ကျနော်တို့ဘက်ကလည်း တွေ့ဆုံချင်တဲ့ ပုဂ္ဂိုလ်တွေ တွေ့ဆုံနိုင်တယ်ဆိုတဲ့ ဒီအခြေအနေတွေကတော့ ထူးခြားတိုးတက်တဲ့ လက္ခဏာတွေပေါ့ဗျာ။”
ဒေါ်အောင်ဆန်းစုကြည်နဲ့ တွေ့ဆုံခဲ့တာနဲ့ ပတ်သက်လို့ရော ဘာများ ပြောသေးလဲခင်ဗျ။
“အဲဒါတော့ ဘာမှမပြောဘူး။ အဓိက သူပြောသွားတာက ဒေါ်အောင်ဆန်းစုကြည်က အင်မတန် ကျန်းမာရေး ကောင်းတယ်။ သူ တွေ့ဘူးသမျှ အသက် ၆၀ ကျော် အမျိုးသမီးတွေထဲမှာ ဒေါ်အောင်ဆန်းစုကြည်က active အဖြစ်ဆုံးပဲလို့ သူက ပြောသွားတယ်။”
အမေရိကန် ကိုယ်စားလှယ်အဖွဲ့ဟာ ဖျက်သိမ်းခံ တိုင်းရင်းသား နိုင်ငံရေးပါတီက ဦးအေးသာအောင်၊ ပူကျင့်ရှင်းထန်၊ နိုင်ထွန်းသိန်း၊ ဦးရွှေအုန်း အပါအ၀င် ရန်ကုန်မှာ သီးခြားတွေ့ဆုံခဲ့ပါတယ်။ ဖျက်သိမ်းခံ နိုင်ငံရေးပါတီ ခေါင်းဆောင်တွေကတော့ အမေရိကန်နဲ့ မြန်မာအစိုးရ ဆက်ဆံရေးအပြင် မြန်မာအစိုးရနဲ့ အတိုက်အခံတွေ အကြား တွေ့ဆုံဆွေးနွေးမှုတွေ ဖြစ်လာဖို့ ဆောင်ရွက်ဖို့ အမေရိကန် ကိုယ်စားလှယ်တွေကို တိုက်တွန်းခဲ့ပါတယ်။ တွေ့ဆုံတဲ့အထဲမှာပါတဲ့ ဖျက်သိမ်းခံ နိုင်ငံရေးပါတီ ခေါင်းဆောင်တဦးဖြစ်တဲ့ ပူကျင့်ရှင်းထန်က အခုလို ရှင်းပြပါတယ်။
“ဒါတွေကို ပြေလည်အောင် အရင်လုပ်ဖို့ လိုတယ်။ ဒီလို ဆွေးနွေးတိုင်ပင်တဲ့အခါမှာ NLD ပြောသလို ကျနော်တို့က ၂၀၀၈ ဖွဲ့စည်းပုံ ဆိုတဲ့ဟာတွေကို ပြန်ပြီးပြုပြင်ဖို့၊ ပြန်ပြီး ဆွေးနွေးတိုင်ပင်ဖို့က အများကြီး လိုနေတယ်။ အဲဒါတွေ ကြည့်ပေးပါလို့ တင်ပြတာပါ။”
ကျနော်တို့ သိရသလောက် ဒီနေ့မနက် ၀န်ကြီးချုပ် ဗိုလ်ချုပ်ကြီးသိန်းစိန်နဲ့ တွေ့ရပါတယ်။ အန်ကယ် ဦးကျင့်ရှင်းထန် ဘယ်လို ယူဆပါသလဲ။ ဒီခရီးစဉ်က ရလဒ်ကောင်းတွေ ရနိုင်မယ်လို့ မျှော်လင့်ပါသလား။
“အဲဒါတော့ ပြောလို့မရသေးပါဘူး။ ဒါပေမဲ့ ဒီလောက်ကြာကြာ တွေ့တာ၊ ဆွေးနွေးတာ မရှိတဲ့ကြားမှာ အခုလို ခပ်စိတ်စိတ်လေးလာပြီး ဒီလိုပဲ ဆွေးနွေးတယ်၊ ကျနော်တို့တောင်မှ အစိုးရကနေပြီး ပါတီ ဖျက်သိမ်းခံရတဲ့၊ ဒီလူတွေ ဘာမှမဟုတ်ဘူးဆိုတဲ့ လူတွေတောင်မှ လာပြီး ဆွေးနွေးတယ်၊ လုပ်တယ်ဆိုရင် ကောင်းတဲ့ အလားအလာတော့ ရှိမယ်။ ခါတိုင်းထက်တော့ ကောင်းလိမ့်မယ်လို့ ကျနော်တော့ အဲဒီလိုပဲ အားရတယ်။”
အမေရိကန် ကိုယ်စားလှယ်အဖွဲ့ဟာ ညနေ မပြန်ခင်မှာတော့ တိုင်းရင်းသား စည်းလုံးညီညွတ်ရေးပါတီကို သွားရောက်တွေ့ဆုံခဲ့ပါတယ်။ အခု ဒီကနေ့ နိုင်ငံရေးပါတီတွေနဲ့ တွေ့ဆုံစဉ်မှာတော့ အပြန်အလှန် ဆွေးနွေးတာထက် ဒီခေါင်းဆောင်တွေ၊ အဖွဲ့အစည်းတွေရဲ့ နိုင်ငံရေးသဘောထား အမြင်တွေကို တီးခေါက် မေးမြန်းတာ၊ အမေရိကန်ပြည်ထောင်စုရဲ့ မူဝါဒသစ်ကို ရှင်းပြတာလောက်ပဲ ရှိပြီး နောက်ပိုင်း ပိုပြီး ထိစပ် ဆက်ဆံသွားမယ့်သဘော တွေ့ရပါတယ်။ မစ္စတာ ကာ့တ် ကမ်းဘဲလ်နဲ့ အဖွဲ့ဟာ ဒီကနေ့ ညနေပိုင်း ရန်ကုန်လေဆိပ်မှာ သတင်းထောက်တွေကို နှစ်ရက်ကြာ မြန်မာနိုင်ငံ ခရီးစဉ်အကြောင်း ရှင်းပြခဲ့ပြီး အခု မြန်မာနိုင်ငံကနေ ပြန်လည်ထွက်ခွာသွားပြီ ဖြစ်ပါတယ်။ ( ဗွီအိုအေ )
Wednesday, November 4, 2009
ဒီချုပ်ရန်ကုန်ရုံးခွဲ ဖွင့်ခွင့်ပြန်ရလိမ့်မည်ဟု အကောင်းမြင် မျှော်လင့်နေ
သူနှင့်အတူ သူ့လုပ်ဖော်ကိုင်ဘက်အများကို ရန်ကုန်မြို့လယ် ဆူးလေဘုရားအနီး ရွေးကောက်ပွဲ ကော်မရှင် တိုင်းရုံးသို့ ခေါ်ယူပြီး ယခုထိ တာဝန်ထမ်းဆောင်ဆဲ ပါတီဝင်စာရင်းကို သူတို့ထံ တင်ပြရန် ပြောဆိုခဲ့သည်ဟု ဒီချုပ် ရန်ကုန်တိုင်း ဥက္ကဋ္ဌ ဒေါက်တာသန်းငြိမ်းက မဇ္ဈိမကို ယနေ့ ပြောသည်။
''ဒီချုပ် ရန်ကုန်တိုင်းက ကော်မတီဝင် စာရင်းအသစ်ကို သူတို့ဆီတင်ဖို့ သူတို့ (ကော်မရှင်) က ကျနော်တို့ကို ပြောတယ်။ ဒီလိုတင်ပြီးရင် နောက်ထပ် ဆက်ပြီး ဆွေးနွေးမယ်တဲ့'' ဟု ဒေါက်တာ သန်းငြိမ်းက ပြောသည်။
၂ဝဝ၃ ခုနှစ်က အပိတ်ခံခဲ့ရသော ရုံးကို ပြန်လည် ဖွင့်လှစ်ခွင့်ပြုရန် မေတ္တာရပ်ခံလွှာကို ဒီချုပ် ရန်ကုန်တိုင်းက ပြီးခဲ့သည့်လဆန်းတွင် တင်သွင်းခဲ့သည်ဟု သူက ပြောသည်။
[ ဆက်ဖတ်ရန် +/- ]
''တခု ထူးခြားတာက ကော်မရှင်က အရင်တိုင်းစည်း အဖွဲ့ဝင်ဟောင်းတွေ နာမည်ကို မတောင်းဘူး။ အခုလက်ရှိ တာဝန်ယူနေတဲ့ တိုင်းစည်းကော်မတီတွေ နာမည်ပဲ တောင်းတယ်'' ဟု သူက ဆက်ပြောသည်။
၁၉၈၈ ခုနှစ်က စတင် ဖွဲ့စည်းခဲ့သော ပါတီတွင် ယခုအခါ တိုင်းစည်းကော်မတီအတွင်း၌ အဖွဲ့ဝင် အတော်များများ မရှိတော့ပါ။ အချို့မှာ သေဆုံးသွားပြီး အချို့မှာ ပြည်ပသို့ ထွက်ပြေး တိမ်းရှောင်သွားခဲ့ကြသည်။ အများအပြားမှာ ယခုတိုင် အကျဉ်းကျနေဆဲ ဖြစ်သည်။
ယခင်ကမူ ရုံးများပြန်ဖွင့်ခွင့်ပေးရန် စည်းကော်မတီဦးရေ လုံလောက်အောင်မရှိဟု ဒီချုပ် အဖွဲ့ခွဲရုံးများကို အကြောင်းပြ ပြောကြားလေ့ရှိသည်ဟု ၁၁ နှစ်ကြာ အကျဉ်းကျခံခဲ့ရပြီး ၂ဝဝ၈ ခုနှစ် စက်တင်ဘာလကမှ ပြန်လည် လွတ်မြောက်လာသူ ဒေါက်တာသန်းငြိမ်းက ပြောသည်။
''ဒီတခါတော့ သူတို့က ဒါမျိုးမမေးတော့ဘူး။ လောလောဆယ် တာဝန်ထမ်းဆောင်နေတဲ့ စည်းကော်မတီစာရင်းသာ သူတို့ဆီ ချက်ချင်းတင်ပြဖို့ ပြောတယ်'' ဟု သူက ပြောသည်။
တာမွေမြို့နယ်ရှိ ရန်ကုန်တိုင်းရုံးကို ပြန်လည်ပြင်ဆင်ရန် လိုအပ်သည့်အတွက်လည်းကောင်း၊ တရားဝင် ပါတီတရပ်အနေဖြင့် ရုံးတွင် ပါတီလုပ်ငန်းများ လုပ်ကိုင်ရန် လိုအပ်သည့်အတွက် လည်းကောင်း၊ ရုံးပြန် ဖွင့်ခွင့်ပြုရန် ဒီချုပ်ရန်ကုန်တိုင်းရုံးက မေတ္တာရပ်ခံစာတစောင်ကို ပြီးခဲ့သည့်လဆန်းတွင် ရွေးကောက်ပွဲ ကော်မရှင်သို့ ပေးပို့ခဲ့သည်။
၁၉၉ဝ ခုနှစ်တွင် ကျင်းပမည့် ရွေးကောက်ပွဲများပြီးလျှင် စစ်တန်းလျားသို့ ပြန်ပါမည်ဟု ကတိပေးထားခဲ့သော စစ်အစိုးရသည် ဒီချုပ်က အပြတ်အသတ် အနိုင်ရခဲ့ပြီးနောက် အာဏာလွှဲပြောင်းပေးရန် ငြင်းဆန်ခဲ့သည်။
ယင်းအစား ရန်ကုန်မြို့ ရွှေဂုံတိုင်လမ်းရှိ အမျိုးသား ဒီမိုကရေစီအဖွဲ့ချုပ်၏ ဌာနချုပ်ရုံးမှတပါး နိုင်ငံရေးပါတီ အားလုံးကို ဖျက်သိမ်းပြီး ရုံးအားလုံးကို ပိတ်ပစ်ခဲ့သည်။
''ဘာအကြောင်းကြောင့်ပဲ ပြန်ဖွင့်ခွင့်ပေးပေး အခုလို ပြန်ဖွင့်ခွင့်ပေးမယ်ဆိုရင် ဒါ အစိုးရအတွက်ရော၊ ကျနော်တို့အတွက်ပါ အကျိုးဖြစ်ထွန်းတဲ့ အရာပဲလို့ ကျနော် ယုံကြည်ပါတယ်'' ဟု သူက ပြောဆိုသည်။
မကြာသေးခင်ကလည်း စစ်အစိုးရသည် အထိန်းသိမ်းခံ အတိုက်အခံခေါင်းဆောင် ဒေါ်အောင်ဆန်းစုကြည်ကို သူမ၏ မေတ္တာရပ်ခံချက်အရ အနောက်တိုင်း သံတမန်များနှင့် ရှားပါးစွာ တွေ့ဆုံခွင့်ပေးခဲ့သည်။ ထို့ပြင် သူမ၏ ပါတီကိုလည်း အမေရိကန်၊ ယူကေနှင့် သြစတြေးလျားနိုင်ငံ အပါအဝင် နိုင်ငံခြားသံတမန်များနှင့် တွေ့ဆုံခွင့် ပေးခဲ့သည်။
အမေရိကန် လက်ထောက် နိုင်ငံခြားရေးဝန်ကြီး ကတ်ကင်းဘဲလ် (Kurt Campbell) နှင့် ဒုလက်ထောက် နိုင်ငံခြားရေးဝန်ကြီး စကော့မာစီယယ် (Scott Marciel) သည် သူတို့၏ ၂ ရက်ကြာ မြန်မာနိုင်ငံ ခရီးစဉ်ကို ယနေ့ စတင်လိုက်သည်။ အဆိုပါ သံတမန်ကြီး ၂ ဦးသည် ပြန်ကြားရေးဝန်ကြီး ဗိုလ်မှူးချုပ် ကျော်ဆန်း အပါအဝင် စစ်အစိုးရအရာရှိကြီး အတော်များများနှင့် နေပြည်တော်တွင် တွေ့ဆုံလိမ့်မည်ဟု မျှော်လင့်ရသည်။
သူတို့၏ ခရီးစဉ်ကို အဆုံးမသတ်မီ အဆိုပါ သံတမန်နှစ်ဦးသည် လွန်ခဲ့သော အနှစ် ၂ဝ အတွင်း ၁၄ နှစ်မျှ ပုံစံတမျိုး မဟုတ်တမျိုးဖြင့် ထိန်းသိမ်းခံခဲ့ရသော နိုဘယ်ငြိမ်းချမ်းရေးဆုရှင် ဒေါ်အောင်ဆန်းစုကြည်နှင့်လည်း တွေ့ဆုံမည်ဖြစ်သည်။ (မဇ္ဈိမ)
အမေရိကန် အထူးသံတမန်တွေနဲ့ မြန်မာအာဏာပိုင်တွေ နေပြည်တော်မှာ တွေ့ဆုံ
၁၀ နှစ်ကျော်ကြာမှ ပထမဆုံးအနေနဲ့ နေပြည်တော်မှာ ဒီကနေ့ အမေရိကန်နဲ့ မြန်မာ အဆင့်မြင့်ခေါင်းဆောင်တွေ တိုက်ရိုက်တွေ့ဆုံ ဆွေးနွေးခဲ့ကြတာပါ။ အခုခရီးစဉ်ဟာ နိုင်ငံတကာနဲ့ နှစ်ပေါင်းများစွာ အထီးကျန်ဖြစ်နေတဲ့ မြန်မာစစ်အစိုးရနဲ့ အမေရိကန် ပြည်ထောင်စု ပြန်ပြီး ဆက်ဆံကြတဲ့ အဓိက ခြေလှမ်းလို့ ပြောရမှာပါ။
[ ဆက်ဖတ်ရန် +/- ]
ဒီကနေ့မှာတော့ မစ္စတာကမ်းဘဲလ် (Kurt Campbell) နဲ့ အဖွဲ့ဟာ သိပ္ပံနဲ့ နည်းပညာဝန်ကြီး ဦးသောင်း၊ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးအသင်း အထွေထွေ အတွင်းရေးမှူး ဗိုလ်ချုပ်ဌေးဦး၊ တရားသူကြီးချုပ် ဦအောင်တိုး စတဲ့ ၀န်ကြီးအဆင့်တွေနဲ့ ဒီကနေ့ နေပြည်တော် ရောက်ရောက်ခြင်း သီးခြားစီ တွေ့ဆုံခဲ့တယ်လို့ ရန်ကုန် အမေရိကန်သံရုံး ပြန်ကြားရေးတာဝန်ခံ ရစ်ချက်မေးလ်က ဗွီအိုအေကို ပြောပါတယ်။
မနက်ဖြန် မနက်ပိုင်းမှာတော့ မြန်မာအစိုးရရဲ့ အဆင့်မြင့် တာဝန်ရှိသူတွေနဲ့ တွေ့မယ်လို့ ဆိုပေမဲ့ ဘယ်သူဘယ်ဝါရယ်လို့ မပြောပါဘူး။ လေ့လာသူတွေကတော့ ဗိုလ်ချုပ်မှူးကြီးသန်းရွှေအစား စစ်အစိုးရ ၀န်ကြီးချုပ် ဗိုလ်ချုပ်ကြီးသိန်းစိန်နဲ့ မြန်မာအစိုးရ ပြောရေးဆိုခွင့်ရှိသူလို့ ဆိုထားတဲ့ ပြန်ကြားရေးဝန်ကြီး ဦးဆောင်တဲ့ အဆင့်မြင့် အာဏာပိုင်အဖွဲ့နဲ့ တွေ့မယ်လို့ ယူဆကြပါတယ်။
အမေရိကန် နိုင်ငံခြားရေးဌာန အာရှ ပစိဖိတ်ရေးရာ လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ်နဲ့ ဒု- လက်ထောက် နိုင်ငံခြားရေးဝန်ကြီး စကော့ မာဆီယယ် (Scot Marciel) ဦးဆောင်တဲ့ လေးဦးပါ သံတမန်အဖွဲ့ဟာ မြန်မာစစ်ခေါင်းဆောင်တွေအပြင် နေအိမ်အကျယ်ချုပ်နဲ့ အထိန်းသိမ်း ခံထားရတဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့လည်း အင်းလျားလိပ်ဟိုတယ်မှာ မနက်ဖြန် တွေ့ဆုံဖို့ ရှိတယ်လို့ သိရပါတယ်။
အမျိုးသားဒီမိုကရေစီအဖွဲ့ချုပ် ကျန် ဗဟိုအလုပ်အမှုဆောင် ခေါင်းဆောင်တွေကိုတော့ မစ္စတာကမ်းဘဲလ်နဲ့ အဖွဲ့ဟာ မနက်ဖြန် မွန်းလွဲ ၂ နာရီလောက်မှာ အဖွဲ့ချုပ်ရုံးမှာပဲ တွေ့ဖို့ရှိပါတယ်။ အမျိုးသားဒီမိုကရေစီအဖွဲ့ချုပ် အနေနဲ့ မနက်ဖြန် တွေ့ဆုံဖြစ်တဲ့အခါ ဘာတွေ ဆွေးနွေးဖြစ်မလဲ ဆိုတာကိုတော့ အဖွဲ့ချုပ် ဗဟိုအလုပ်အမှုဆောင် အဖွဲ့ဝင် ဦးခင်မောင်ဆွေက အခုလို ပြောပါတယ်။
“ကျနော်တို့ကတော့ တွေ့ဆုံခွင့် ရမယ်ဆိုရင်တော့ CEC အကုန်လုံးနဲ့ တွေ့ဖို့ကိုပဲ လိုလားပါတယ်။ အဖွဲ့ချုပ်ရုံး ဌာနချုပ်မှာ လာပြီးတော့ တွေ့ဆုံမယ်ဆိုတော့ ကျနော်တို့က လက်ခံတွေ့ဆုံရမယ့်တာဝန် ရှိပါတယ်။ ဧည့်သည်ကို လက်ခံဖို့ အိမ်ရှင်အနေနဲ့လည်း တာဝန်ရှိပါတယ်။”
အန်ကယ်တို့ မနက်ဖြန် မစ္စတာ ကာ့တ် ကမ်းဘဲလ်နဲ့ တွေ့တဲ့အခါ အဓိက ဘယ်အချက်တွေကို ဆွေးနွေးဖို့ရှိလဲ ခင်ဗျ။
“အဓိက နံပါတ်တစ်ကတော့ ရွှေဂုံတိုင် ကြေညာစာတမ်းပါ အချက်တွေကို ကျနော်တို့က ဦးစွာ ရှင်းပြမှာ ဖြစ်ပါတယ်။ ဘာကြောင့်လဲဆိုတော့ ရွှေဂုံတိုင် ကြေညာစာတမ်းဟာ လက်ရှိကိုင်စွဲထားတဲ့ အဖွဲ့ချုပ်ရဲ့ နိုင်ငံရေး သဘောထားတွေ ဖြစ်တာကြောင့် ရွှေဂုံတိုင် ကြေညာစာတမ်းကို တင်ပြ ရှင်းလင်းမှာ ဖြစ်ပါတယ်။ နောက်ပြီးတော့ တွေ့ဆုံဆွေးနွေးရေး၊ အမျိုးသား ပြန်လည်သင့်မြတ်ရေးနဲ့ အခြေခံဥပဒေကို ဒီမိုကရေစီကို သွားနိုင်မယ့် အနေအထားတွေ ဖြစ်ပေါ်လာအောင် ပြင်ဆင်ပေးဖို့ ရည်ရွယ်ထားတယ် ဆိုတာကို ဖြေကြား ရှင်းလင်းသွားမှာ ဖြစ်ပါတယ်။”
အန်ကယ် ဦးခင်မောင်ဆွေ တယောက်တည်း အမြင်နဲ့ပေါ့၊ အခု မစ္စတာ ကာ့တ် ကမ်းဘဲလ်ရဲ့ ခရီးစဉ်နဲ့ ပတ်သက်လို့ ရလဒ်ကို ဘယ်လောက်အထိ မျှော်လင့်ထားလဲခင်ဗျ။
“ကျနော်တို့အနေနဲ့ကတော့ သက်ဆိုင်ရာ အာဏာပိုင်တွေနဲ့ ကာ့တ် ကမ်းဘဲလ်နဲ့ တွေ့ဆုံပြီးတဲ့အခါမှာ ဘယ်လောက်အထိ သူတို့ သဘောတူညီချက် ရရှိခြင်း၊ မရရှိခြင်း အပေါ်မှာသာ သုံးသပ် ဆုံးဖြတ်ရမှာ ဖြစ်ပါတယ်။ ကျနော်တို့က အခုနေ သိပ်ပြီး အကောင်းမြင်လို့ မရသလို၊ အဆိုးမြင် သဘောထားတွေကို တင်ပြလို့လည်း မရပါဘူး။ သဘောကတော့ အမေရိကန် အစိုးရအနေနဲ့ အခုလို လာရောက်ပြီးတော့ အာဏာပိုင်တွေနဲ့ ဆက်သွယ်ကြိုးပမ်းခြင်းကိုတော့ ကျနော်တို့က ကြိုဆိုရမှာ ဖြစ်ပါတယ်။”
လူ့အခွင့်အရေး အဖွဲ့တွေကတော့ အခုလို နိုင်ငံတကာရဲ့ မြန်မာစစ်အစိုးရနဲ့ တိုက်ရိုက်ထိစပ် ဆက်ဆံလာကြတဲ့ နောက်အဆင့်အနေနဲ့ ဒေါ်အောင်ဆန်းစုကြည် အပါအ၀င် နိုင်ငံရေးအကျဉ်းသား အားလုံး လွတ်မြောက်ရေးအတွက် စစ်အစိုးရကို ဖိအားပေးဖို့ လိုမယ်လို့ ပြောနေကြပါတယ်။ ဆူနိုင်း ဖာစုခ် (Sunai Pasuk) ဟာ Human Rights Watch လူ့အခွင့်အရေး စောင့်ကြပ်မှုအဖွဲ့ရဲ့ ထိုင်းနိုင်ငံဆိုင်ရာ ကိုယ်စားလှယ် ဖြစ်ပါတယ်။
“ဒေါ်အောင်ဆန်းစုကြည်နဲ့ တွေ့ဆုံဆွေးနွေးနိုင်ရုံနဲ့ မလုံလောက်သေးဘူး ဆိုတာကို အမေရိကန်ပြည်ထောင်စု အနေနဲ့ ရှင်းရှင်းလင်းလင်း ပြသဖို့ လိုပါတယ်။ ဒေါ်အောင်ဆန်းစုကြည် အပါအ၀င် နိုင်ငံရေးအကျဉ်းသားတွေ အားလုံး အမြန်ဆုံး ပြန်လွှတ်ပေးမယ်ဆိုတဲ့ မြန်မာအစိုးရဘက်က အာမခံချက်ရဖို့ လိုအပ်ပါတယ်။ ဒီကိစ္စကို အပေးအယူလုပ်လို့ မရပါဘူး။ ပြင်းပြင်းထန်ထန် အကြိမ်ကြိမ် ပြောဆိုသင့်ပါတယ်။” လို့ ဆူနိုင်း ဖာစုခ်ကပြောသွားပါတယ်။
နိုင်ငံရေး အပြောင်းအလဲတွေ တကယ်ဖြစ်လာဖို့နဲ့ အမေရိကန်၊ မြန်မာ ဆက်ဆံရေး ဒီထက်ပိုပြီး တိုးတက်လာဖို့ကတော့ မြန်မာအစိုးရရဲ့ လုပ်ဆောင်ချက်တွေ၊ သဘောထားတွေ အပေါ်မှာ တည်တယ်လို့ လေ့လာသူတွေက ယူဆပါတယ်။ မြန်မာနိုင်ငံကို အပြုသဘော တိုက်ရိုက်ထိတွေ့ ဆက်ဆံပြီး နိုင်ငံရေးအရ ပြောင်းလဲအောင် ကြိုးစားမယ်ဆိုတာ အရင်ကတည်းက အာဆီယံက ကြိုးစားလုံးပန်းခဲ့တာပါ။ ဒါပေမဲ့ အာဆီယံအနေနဲ့ အပြောထက် လက်တွေ့ ထိထိရောက်ရောက် မလုပ်နိုင်ခဲ့ပါဘူး။
လာမယ့်လ အာဆီယံနဲ့ အမေရိကန် အစည်းအဝေးမှာ အမေရိကန်သမ္မတ ဘရက်ခ် အိုဘားမား (Barack Obama) နဲ့ အာဆီယံ ခေါင်းဆောင်တွေ တွေ့ကြတဲ့အခါ ဖမ်းဆီးထိန်းသိမ်း ခံထားရတဲ့ ဒေါ်အောင်ဆန်းစုကြည် ကိစ္စကိုလည်း ဆွေးနွေးလိမ့်မယ်လို့ စင်ကာပူဝန်ကြီးချုပ် လီရှန်လွန်း (Lee Hsien Loong) က AFP သတင်းဌာနကို ပြောခဲ့ပါတယ်။ အဲဒီမှာ မြန်မာဝန်ကြီးချုပ် ဗိုလ်ချုပ်ကြီးသိန်းစိန် တက်ရောက်လိမ့်မယ်လို့ ခန့်မှန်းရပါတယ်။
အခု အမေရိကန် ပေါ်လစီ အသစ်ကတော့ တိုက်ရိုက်ထိတွေ့ ဆက်ဆံတာအပြင် တဘက်မှာ အရေးယူ ဒဏ်ခတ်မှုတွေကိုလည်း ဆက်ထိန်းထားဦးမှာ ဖြစ်ပါတယ်။ ဒီ ဒဏ်ခတ်မှုတွေကို မြန်မာအစိုးရဘက်က တုံ့ပြန်ချက်၊ မြန်မာ့နိုင်ငံရေး အပြောင်းအလဲတွေပေါ်မှာ တည်ပြီး တဆင့်ပြီးတဆင့် လျှော့ချသွားမယ်လို့ အမေရိကန် တာဝန်ရှိသူတွေကတော့ ပြောထားပါတယ်။ ( ဗွီအိုအေ )
Tuesday, November 3, 2009
အမေရိကန် အရာရှိတွေနဲ့ တိုင်းရင်းသား ပါတီတွေ ဖွဲ့စည်းပုံအရေး ဆွေးနွေးမည်
မြန်မာနိုင်ငံကို မနက်ဖြန် အင်္ဂါနေ့မှာ အမေရိကန် လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ်နဲ့ အဆင့်မြင့် အရာရှိတွေ လာရောက်ကြမှာ ဖြစ်ပါတယ်။ အဲဒီလို လာရောက်တဲ့ ခရီးစဉ်အတွင်းမှာ စစ်အစိုးရနဲ့ရော အတိုက်အခံ နိုင်ငံရေးပါတီတွေနဲ့ပါ တွေ့ဆုံဖို့ ရှိတယ်လို့ သိရပါတယ်။ အဲဒီထဲမှာ ဖျက်သိမ်းခံထားရတဲ့ တိုင်းရင်းသား နိုင်ငံရေးပါတီ ခေါင်းဆောင်တွေနဲ့လည်း တွေ့မယ်လို့ သိရပါတယ်။
[ ဆက်ဖတ်ရန် +/- ]
ဒါကြောင့် အမေရိကန် အဆင့်မြင့် အရာရှိတွေ မြန်မာနိုင်ငံကို လာရောက်တဲ့အပေါ် ဘယ်လောက် မျှော်လင့်ထားပါသလဲလို့ တိုင်းရင်းသားပါတီ ခေါင်းဆောင်တဦးဖြစ်တဲ့ ဦးအေးသာအောင်နဲ့ ဆွေးနွေးတဲ့အခါ ဦးအေးသာအောင်က အခုလို စပြောပါတယ်။
“ယေဘုယျ အနေနဲ့တော့ ကောင်းတယ်လို့ ပြောလို့ရပါတယ်။ ဒါပေမဲ့ တကယ့် ဖြစ်ပေါ်တိုးတက်မှုတရပ် အနေနဲ့ကတော့ ပြည်တွင်းမှာ ဒီလို တွေ့ဆုံဆွေးနွေးရာကနေ တဆင့် NLD အပါအ၀င် တိုင်းရင်းသား အင်အားစုတွေနဲ့ လက်ရှိ နအဖ အာဏာပိုင်များက တွေ့ဆုံပြီး ညှိနှိုင်း ဆောင်ရွက်မယ်ဆိုရင် တိုင်းပြည်အတွက် ပိုပြီးတော့ ကောင်းမှာပါ။
“ဒါပေမဲ့ အခုအခြေအနေမှာ မြင်နေရတာကတော့ နအဖ အာဏာပိုင်များက အမေရိကန် အစိုးရနဲ့ ဆက်ဆံရေး၊ ပြီးတော့ စီးပွားရေး ပိတ်ဆို့မှုကို ရုပ်သိမ်းရေးဆိုတဲ့ အပေါ်မှာပဲ အာရုံစိုက်ပြီး ဆွေးနွေးနေတာကို မြင်ရတော့ တကယ့်တကယ်မှာ ပြည်တွင်းမှာရှိတဲ့ NLD အပါအ၀င် တိုင်းရင်းသား အင်အားစုတွေနဲ့ မဆွေးနွေးဘူးဆိုရင် တိုင်းပြည်ရဲ့ အနာဂတ်မှာ ရွေးကောက်ပွဲ မတိုင်ခင်သော် လည်းကောင်း၊ ရွေးကောက်ပွဲ အပြီးမှာသော် လည်းကောင်း တိုးတက်နိုင်မယ့် အခြေအနေမျိုး တွေ့နိုင်မှာ မဟုတ်ဘူးလို့ ကျနော့်အနေနဲ့ ဒီလိုပဲ သုံးသပ်ပါတယ်။”
ဒါပေမဲ့ အခုလာကြတဲ့ ကိစ္စမှာ NLD ဘက်ကလည်း နိုင်ငံရေးအရ ညှိနှိုင်းမှုတွေ လုပ်ဖို့အတွက် ပြောမယ်ဆိုရင်ရော အခြေအနေက ဘယ်လိုရှိလာနိုင်ပါသလဲ။
“NLD ဘက်က ညှိနှိုင်းမှုတွေ လုပ်ရုံနဲ့ မပြီးဘူး၊ လက်ရှိ အစိုးရ အာဏာပိုင်များက ဆွေးနွေးဖို့၊ အပေးအယူလုပ်ဖို့၊ ညှိနှိုင်းဖို့ သဘောထားတွေ ရှိဖို့ လိုပါတယ်။ အခုအခြေအနေအရ အဲဒီလို အပေးအယူလုပ်ဖို့၊ ညှိနှိုင်းဖို့ အစိုးရဘက်က သွားနေတဲ့ လမ်းကြောင်းတွေကို ပြုပြင်မယ့် အနေအထားတွေ မတွေ့ရပါဘူး။”
ဒါပေမဲ့ ဒီခရီးစဉ်မှာ အမေရိကန် အရာရှိတွေဘက်ကတော့ မြန်မာပြည်မှာ ဒီမိုကရေစီ အသွင်ကူးပြောင်းရေးအတွက် တစုံတခု သူတို့ လုပ်ပေးနိုင်လိမ့်မယ်လို့ ရည်ရွယ်ခဲ့ကြတာမျိုး ရှိပါတယ်။ အဲဒီအပေါ်မှာရော အန်ကယ့်အနေနဲ့ ဘယ်လိုယူဆပါသလဲ။
“အမေရိကန်ဘက်က ဘယ်လောက်ပဲ လုပ်ပေးချင်တဲ့ ဆန္ဒတွေ ရှိရှိ၊ လက်ရှိအစိုးရရဲ့ နိုင်ငံရေးဆန္ဒပေါ့၊ နိုင်ငံရေး သဘောထား၊ အဲဒါတွေကို မပြုပြင် မပြောင်းလဲဘဲနဲ့တော့ အမေရိကန်ရဲ့ တချို့ဆောင်ရွက်မှုတွေဟာ အရာထင်လိမ့်မယ်၊ ပြီးတော့ NLD ဘက်က အပြုသဘော လိုက်လျောမှုတွေက အရာထင်လိမ့်မယ်လို့ ကျနော့်အနေနဲ့ မထင်ပါဘူး။”
ဒီ အမေရိကန် အရာရှိတွေက တိုင်းရင်းသား ခေါင်းဆောင်တွေနဲ့လည်း တွေ့မယ်လို့ ဆိုပါတယ်။ အဲဒီအခါကြရင်ရော တိုင်းရင်းသား အခွင့်အရေးနဲ့ ပတ်သက်ပြီးတော့ ဘယ်လောက်အထိ ဆွေးနွေးနိုင်မလဲ။
“ကျနော်တို့ တိုင်းရင်းသား အဖွဲ့အစည်းများ ဘက်ကတော့ အထူးသဖြင့် တိုင်းပြည်ရဲ့ ရေရှည်အကျိုးအတွက် ဒီမိုကရေစီ အခြေခံတွေ၊ တိုင်းရင်းသားတွေ ရသင့်ရထိုက်တဲ့ အခွင့်အရေးတွေကို ပြုပြင်ပြောင်းလဲဖို့ဆိုရင် ၂၀၀၈ ဖွဲ့စည်းပုံကို ပြင်ဖို့ လိုပါတယ်။ အဲဒါကို မပြင်ဘဲနဲ့တော့ တိုင်းရင်းသားတွေဘက်က လက်ခံဖို့ဆိုတာ မဖြစ်နိုင်ဘူး။ အထူးသဖြင့် တိုင်းရင်းသား လက်နက်ကိုင် ငြိမ်းချမ်းရေး အဖွဲ့တွေနဲ့ ဆွေးနွေးတဲ့အခါမှာ ၂၀၀၈ ဖွဲ့စည်းပုံကို မပြင်ဘဲနဲ့ ပြောနေတဲ့၊ ကြိုးပမ်းနေတဲ့ နယ်စပ်ဒေသ အရေးတွေဟာ အနာဂတ်မှာ အောင်မြင်နိုင်လိမ့်မယ်လို့ ကျနော့်အနေနဲ့တော့ မမြင်ဘူး။”
အမေရိကန် လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ်နဲ့ အဖွဲ့ဟာ အင်္ဂါနေ့မှာ မြန်မာနိုင်ငံကို ရောက်ရှိမှာဖြစ်ပြီး စစ်အစိုးရနဲ့ရော၊ အတိုက်အခံ ပါတီတွေနဲ့ပါ တွေ့ဆုံတဲ့ကိစ္စမှာ အရင်က နိုင်ငံတကာက လာရောက်တွေ့ဆုံခဲ့သမျှမှာ စစ်အစိုးရဘက်က ဦးဆောင် စီစဉ်တာသာဖြစ်ပြီး အခု အမေရိကန် အဆင့်မြင့်အရာရှိတွေ လာရောက်တဲ့ ခရီးစဉ်မှာတော့ စစ်အစိုးရရဲ့ အစီအစဉ်နဲ့ မဟုတ်ဘဲ အမေရိကန် သံရုံးရဲ့ အစီအစဉ်နဲ့ တွေ့ဆုံမှုတွေ လုပ်သွားမှာ ဖြစ်တယ်လို့ သိရပါတယ်။ ( ဗွီအိုအေ )
Sunday, November 1, 2009
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ အဲန်အယ်လ်ဒီအဖွဲ့ကို အမေရိကန်အရာရှိတွေ တွေ့မည်
ပြောခွင့်ရပုဂ္ဂိုလ် တဦးဖြစ်တဲ့ ရောဘတ် ရု(ဒ်) (Robert Wood) ကတော့ အမေရိကန် အရာရှိ ၂ ဦးဟာ အစိုးရ တာဝန်ရှိသူတွေနဲ့ သာမက ဒေါ်အောင်ဆန်းစုကြည် အပါအ၀င် အတိုက်အခံတွေနဲ့လည်း တွေ့ဆုံဖို့ ရှိတယ်လို့ ဆိုပါတယ်။ ဒေါ်အောင်ဆန်းစုကြည် ရဲ့ ရှေ့နေလည်းဖြစ်၊ သူ့ရဲ့ အတိုက်အခံ အမျိုးသားဒီမိုကရေစီ အဖွဲ့ချုပ် (အဲန်အယ်လ်ဒီ) ပါတီရဲ့ ပြောခွင့်ရပုဂ္ဂိုလ်လည်းဖြစ်တဲ့ ဦးဉာဏ်ဝင်း ကတော့ ရန်ကုန်မှာရှိတဲ့ အမေရိကန် သံရုံးကလည်း ပါတီနဲ့ တွေ့ဆုံဖို့ စီစဉ်နေကြောင်း မနေ့တုန်းကပဲ သတင်းထောက်တွေကို ပြောခဲ့တာပါ။
အမေရိကန် ပြည်ထောင်စုနဲ့ ကုလသမဂ္ဂ တို့ကတော့ ရှေ့နှစ် မြန်မာနိုင်ငံမှာ ကျင်းပဖို့ ရှိနေတဲ့ ရွေးကောက်ပွဲတွေမှာ ပါဝင်နိုင်ဖို့အတွက် နိုင်ငံရေး အကျဉ်းသားတွေ အားလုံးကို ပြန်လွှတ်ပေးဖို့ စစ်အစိုးရကို ဖိအားပေး နေကြတာပါ။ ဒါပေမဲ့လည်း လွန်ခဲ့တဲ့ ၂ ပတ် အတွင်းမှာကိုပဲ စာနယ်ဇင်းသမား ၁၀ ဦး အပါအ၀င် အတိုက်အခံ တက်ကြွလှုပ်ရှားသူ တွေကို အာဏာပိုင်တွေက ဖမ်းဆီးမှုတွေ ရှိခဲ့တဲ့အကြောင်း လူ့အခွင့်အရေး လှုပ်ရှားသူတွေက ပြောပါတယ်။ ( ဗွီအိုအေ )
Friday, October 30, 2009
ရွေးကောက်ပွဲ မတိုင်ခင် ဖွဲ့စည်းပုံပြင်ဖို့ နိုဘဲလ်ဆုရှင်များ တောင်းဆို
မြန်မာနိုင်ငံမှာ ၂၀၁၀ ခုနှစ် ရွေးကောက်ပွဲ မကျင်းပခင် ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသား အားလုံးကို လွှတ်ပေးဖို့ လိုတယ်လို့ နိုဘဲလ်ငြိမ်းချမ်းရေးဆုရှင် အမျိုးသမီးများအဖွဲ့က တောင်းဆိုလိုက်ပါတယ်။ မြန်မာနိုင်ငံနဲ့ တိဘက်ဒေသမှာ ဖြစ်ပေါ်နေတဲ့ လူ့အခွင့်အရေး ချိုးဖောက်မှုတွေ တိုးတက်ကောင်းမွန်ခြင်း မရှိဘဲ တဖြည်းဖြည်း ပိုမိုဆိုးရွားလာနေတဲ့ အခြေအနေတွေကို မီးမောင်းထိုးပြဖို့အတွက် ဒီ နိုဘဲလ်ငြိမ်းချမ်းရေးဆုရှင် အမျိုးသမီးများအဖွဲ့က အိန္ဒိယနိုင်ငံ နယူးဒေလီမြို့မှာ ဒီကနေ့ သတင်းစာရှင်းလင်းပွဲ ကျင်းပခဲ့တာပါ။ အပြည့်အစုံကို ကိုဇော်ဝင်းလှိုင်က တင်ပြပေးထားပါတယ်။
[ ဆက်ဖတ်ရန် +/- ]
မြန်မာနိုင်ငံနဲ့ တိဘက်ဒေသတွေမှာ ဒီကနေ့ ဖြစ်နေတဲ့ အခြေအနေတွေကို ရှင်းပြဖို့အတွက် အိန္ဒိယနိုင်ငံက သတင်းထောက်များ အသင်းမှာ သတင်းစာရှင်းလင်းပွဲ လုပ်ခဲ့ကြတဲ့ နိုဘဲလ်ငြိမ်းချမ်းရေးဆုရှင် အမျိုးသမီးများ အဖွဲ့ဝင်တွေကတော့ အမေရိကန်နိုင်ငံက ဂျိုဒီ ၀ီလီယံစ် (Jody Williams) နဲ့ အိုင်ယာလန်နိုင်ငံက မိုင်းရက်ဒ် မဂွိုင်းရား (Maired Maguire) တို့ ဖြစ်ကြပါတယ်။
သူတို့က မြန်မာနိုင်ငံနဲ့ တိဘက်ဒေသတွေမှာ နိုင်ငံရေးအရ လွတ်လပ်မှု မရှိတာတွေ၊ လူ့အခွင့်အရေး ချိုးဖောက်ခံနေရတာတွေကို မီးမောင်းထိုးပြလိုတဲ့အတွက် အခုလို သတင်းစာရှင်းလင်းပွဲ ပြုလုပ် ပြောကြားခဲ့ကြတာပါ။ ဒီ နိုဘဲလ်ငြိမ်းချမ်းရေး ဆုရှင်တွေနဲ့အတူ သတင်းစာ ရှင်းလင်းပွဲကို ပူးတွဲကျင်းပခဲ့တဲ့ မြန်မာနိုင်ငံ အမျိုးသမီးများ အဖွဲ့ချုပ် (WLB) က မသင်းသင်းအောင်က ဒီကနေ့ သတင်းစာရှင်းလင်းပွဲမှာ နိုဘဲလ်ငြိမ်းချမ်းရေးဆုရှင်တွေ ပြောကြားခဲ့တာနဲ့ ပတ်သက်လို့ ဗွီအိုအေကို အခုလို ပြောပြပါတယ်။
“ဒီ Noble Women Initiative က ဦးဆောင်တဲ့လူတွေဖြစ်တဲ့ နိုဘဲလ်ဆုရှင် အမျိုးသမီး ၂ ယောက်က သတင်းစာရှင်းလင်းပွဲ လုပ်တယ်။ မြန်မာနိုင်ငံမှာရှိတဲ့ လူ့အခွင့်အရေး အခြေအနေတွေကလည်း အခုထက်ထိ ဘာမှ ကောင်းမွန်တိုးတက် ပြောင်းလဲလာတာ မရှိသေးဘူး။ အခု အနှစ် ၂၀ ကျော်ရှိပြီ။ နိုင်ငံရေး အကျဉ်းသား ၂,၀၀၀ ကျော်ကလည်း ရှိနေဆဲပဲ ဖြစ်တယ်။ ဒေါ်အောင်ဆန်းစုကြည် ကိုယ်တိုင်လည်း အဖမ်းခံနေရဆဲပဲ ဖြစ်တယ်။
“အဲဒါကြောင့် အခုလာမယ့် ၂၀၁၀ မှာ ရွေးကောက်ပွဲလုပ်မယ်လို့ နအဖက ကြေညာထားတာတော့ ရှိတယ်။ ဒါပေမဲ့ အဲဒီမတိုင်ခင်မှာ နိုင်ငံရေး အကျဉ်းသား အားလုံး၊ ဒေါ်အောင်ဆန်းစုကြည် အပါအ၀င် လွှတ်ပေးဖို့ လိုတယ်။ ပြီးတော့မှ တကယ် တရားမျှတပြီး လွတ်လပ်တဲ့ ရွေးကောက်ပွဲတွေ ဖြစ်ဖို့ဆိုရင် အဲဒီမတိုင်ခင်မှာ အားလုံးကို ပါဝင်ခွင့်ရှိအောင် ပြုပြင်ပြောင်းလဲရမယ်။ ဖွဲ့စည်းပုံ အခြေခံဥပဒေကိုလည်း ပြန်ပြီး Review လုပ်ဖို့ လိုတယ်ပေါ့။ အဲဒါတွေ သူတို့ပြောသွားတယ်။”
ဒါ့အပြင် နိုင်ငံတကာ အသိုင်းအ၀ိုင်း အနေနဲ့လည်း မြန်မာနိုင်ငံမှာ ပြုပြင်ပြောင်းလဲမှုတွေ ဖြစ်ပေါ်ဖို့အတွက် ပါးစပ်က အပြောချည်း မဟုတ်ဘဲ လက်တွေ့ အကောင်အထည် ပေါ်လာအောင် ကူညီလုပ်ဆောင်ဖို့ လိုအပ်တယ် ဆိုတာကိုလည်း နိုဘဲလ်ငြိမ်းချမ်းရေး ဆုရှင်တွေက ထည့်သွင်း ပြောကြားသွားကြပါတယ်။
“နိုင်ငံတကာ အနေနဲ့လည်း ပါးစပ်ကပဲ ပြောနေတာ မဟုတ်ဘဲနဲ့ မြန်မာနိုင်ငံမှာ ဒီမိုကရေစီ ပြုပြင်ပြောင်းလဲမှုတွေ ဖြစ်လာဖို့အတွက်ကို တကယ်တမ်း ထိရောက်စွာ ကူညီဖို့ လိုတယ်။ အခုလောလောဆယ် အမေရိကန်ကနေပြီး ပေါ်လစီတွေ ပြောင်းပြီးတော့ သူတို့ရဲ့ ချဉ်းကပ်မှုတွေကို ပြောင်းတဲ့နေရာမှာလည်း နိုင်ငံတကာ အသိုင်းအ၀ိုင်းရဲ့ ချဉ်းကပ်မှုအရ တကယ်ထိရောက်တဲ့ ပြောင်းလဲမှုကို ဦးတည်သင့်တယ်ပေါ့။ အမေရိကန် အစိုးရရဲ့ ပြောင်းလဲတဲ့ ဥပဒေကလည်း တကယ်တမ်း မြန်မာနိုင်ငံမှာ တိုးတက်တဲ့၊ ကောင်းမွန်တဲ့၊ အပြုသဘောဆောင်တဲ့ အပြောင်းအလဲတွေ မဖြစ်မခြင်းကတော့ နိုင်ငံတကာ အသိုင်းအ၀ိုင်းအနေနဲ့ အရေးယူ ပိတ်ဆို့မှုတွေကို ဆက်ပြီး ထားသင့်တယ်ပေါ့။”
WLB မြန်မာနိုင်ငံ အမျိုးသမီးများ အဖွဲ့ချုပ်ဟာ နိုဘဲလ်ငြိမ်းချမ်းရေးဆုရှင် အမျိုးသမီးများအဖွဲ့နဲ့ ပူးပေါင်း လုပ်ဆောင်နေတဲ့ အဖွဲ့အစည်း ဖြစ်တာကြောင့် အခုလို သတင်းစာရှင်းလင်းပွဲ ပူးတွဲကျင်းပတာ ဖြစ်ပြီး ရှေ့နှစ် ၂၀၁၀ ခုနှစ် ဧပြီလအတွင်းမှာလည်း ၂ ဖွဲ့ပေါင်းပြီး လူ့အခွင့်အရေးတွေ ချိုးဖောက်ခံနေကြရတဲ့ အမျိုးသမီးတွေအတွက် ခုံရုံးဖွဲ့ ကြားနာမှုတွေ ပြုလုပ်သွားဖို့လည်း စီစဉ်ထားတယ်လို့ ဆိုပါတယ်။
နိုဘဲလ်ငြိမ်းချမ်းရေးဆုရှင် အမျိုးသမီးများအဖွဲ့ကို နိုဘဲလ်ငြိမ်းချမ်းရေးဆုရှင် အမျိုးသမီး ၆ ယောက်နဲ့ ဖွဲ့စည်းထားတာ ဖြစ်ပေမဲ့ မြန်မာနိုင်ငံက နိုဘဲလ်ငြိမ်းချမ်းရေးဆုရှင် ဒေါ်အောင်ဆန်းစုကြည်ကိုပါ အဖွဲ့ဝင်အဖြစ် ထည့်သွင်းပြီး ၇ ယောက်အဖွဲ့လို့ သတ်မှတ်ထားတယ်လို့ ဆိုပါတယ်။ ဒေါ်အောင်ဆန်းစုကြည်ဟာ နေအိမ်အကျယ်ချုပ်နဲ့ ဖမ်းဆီးထိန်းသိမ်း ခံထားရတာကြောင့် သူတို့နဲ့အတူ ဒီလှုပ်ရှားမှုတွေမှာ ပါဝင်နိုင်ခြင်း မရှိတာကြောင့် သူတို့အနေနဲ့လည်း ဒေါ်အောင်ဆန်းစုကြည် လွတ်မြောက်ရေးအတွက် တစိုက်မတ်မတ် ကြိုးစား လုပ်ဆောင်နေကြတာပါ။
တိဘက် အဝေးရောက်အစိုးရ တည်ထောင်တဲ့ နှစ် ၅၀ မြောက် အထိမ်းအမှတ်အနေနဲ့ တိဘက်ဘုန်းတော်ကြီး ဒလိုင်း လားမား (Dalai Lama) က ဒီ နိုဘဲလ်ငြိမ်းချမ်းရေးဆုရှင် အမျိုးသမီးများအဖွဲ့ကို ဖိတ်ကြားခဲ့တာကြောင့် သူတို့ အိန္ဒိယနိုင်ငံကို ရောက်ရှိနေကြရာက အခုလို ပူးတွဲ သတင်းစာရှင်းလင်းပွဲ ပြုလုပ်ခဲ့ကြတာ ဖြစ်ပါတယ်။ ( ဗွီအိုအေ )
Thursday, October 29, 2009
နာရေးကူညီမှုအသင်းကို မြောက်ဒဂုံစည်ပင် တရားစွဲ
နာရေးကူညီမှုအသင်းကို မြောက်ဒဂုံမြို့နယ် စည်ပင်သာယာက ယနေ့တရားစွဲဆိုလိုက်သည်။
“စည်ပင်က ဒီနေ့စပြီးတရားစွဲတယ်။ ကျနော်မသွားဘူး။ ရုံးက မန်နေဂျာကိုပဲ လွှတ်လိုက်တယ်။ အမှုက စည်ပင်ရဲ့ ခွင့်ပြုချက်မရှိဘဲ အဆောက်အဦအသုံးပြုလို့တဲ့။ ဒါပေမယ့် ဒီနေ့တရားရုံးက အစွဲဆိုခံ ကာယကံရှင် မပါလို့ဆိုပြီး အမှုကိုတော့ လက်မခံလိုက်သေးဘူး” ဟု နာရေးကူညီမှုအသင်းဥက္ကဋ္ဌ ဦးကျော်သူက ပြောသည်။
မြောက်ဒဂုံမြို့နယ်စည်ပင်က တောင်ဒဂုံမြို့နယ် တရားရုံးတွင် အမှုစွဲတင်ခဲ့ခြင်းဖြစ်ရာ မြို့နယ်မတူသည့် တရားရုံးတွင် အမှုစွဲတင်သည့်အပေါ်လည်း နားမလည်နိုင်ဖြစ်ရသည်ဟု ဦးကျော်သူက ပြောသည်။
[ ဆက်ဖတ်ရန် +/- ]
ဘာပဲဖြစ်ဖြစ်လေ၊ ကျနော် အစောကြီးကတည်းက ပြောပြီးသား စွဲချင်တဲ့နေရာမှာစွဲ။ ကျနော်မသွားဘူး။ ဖမ်းချင်ရင် လာသာဖမ်း။ လိုက်သွားရုံပဲ။ စည်ပင်ကတရားစွဲဖို့ ပြင်နေစဉ်က မေးတယ်။ ဘယ်သူ့နာမည်တပ်ရမလဲတဲ့။ ကျနော်က အသင်းမှာ အကြီးဆုံးဖြစ်တော့ ကျနော့်နာမည်တပ်စွဲလို့ ပြောပြီးသား” ဟု ၎င်းက ဆက်လက်ပြောဆိုသည်။
နာရေးကူညီမှုအသင်းသည် မူလက သင်္ဃန်းကျွန်းမြို့နယ် ဗြဟ္မ၀ိဟာရ ဘုန်းကြီးကျောင်းတိုက်တွင် အခြေစိုက်ကာ အခမဲ့ နာရေးဝန်ဆောင်မှုပေးခြင်း၊ ဆေးကုသပေးခြင်းတို့ ပြုလုပ်နေရာမှ စည်ပင်ကပင် ပိတ်ပင်ခဲ့သည့်အတွက် ပြီးခဲ့သည့် ဇူလိုင်လ (၁၉) ရက်တွင် မြောက်ဒဂုံမြို့နယ်သို့ ရွှေ့ပြောင်းပေးခဲ့ရခြင်းဖြစ်သည်။
နာရေးကူညီမှုအသင်းပိုင် မြေ (၂) ဧကကျော်ပေါ်တွင် ကျပ်သိန်း (၂,၀၀၀) ၀န်းကျင်ကုန်ကျသည့် အဆောက်အဦကို စည်ပင်ခွင့်ပြုချက်ဖြင့် တည်ဆောက်ခဲ့သော်လည်း ခြံဝင်းရှေ့တွင် ရေမြောင်းမတူးသည့်အတွက်ဟုဆိုကာ မြောက်ဒဂုံစည်ပင်က အဆောက်အဦအသုံးပြုခွင့် မပေးနိုင်ဟု ငြင်းဆန်ခဲ့ကြောင်း သိရသည်။
ထိုကဲ့သို့ ရေမြောင်းတူးခိုင်းနေခြင်းနှင့်စပ်လျဉ်း၍ ဦးကျော်သူက “(၅) ပေ အကျယ်၊ (၅) ပေအနက် ရေမြောင်းတူးခိုင်းနေတာ။ ကျနော်တို့ ဘေးပတ်ဝန်းကျင်မှာ ဘယ်သူမှ မတူးဘဲ ကျနော်တို့ ရှေ့လေးတင် ကွက်တူးထားရင် ရေလှောင်ကန်လို ဖြစ်သွားမှာဗျ။ ရေက ဘယ်ကိုမှ စီးစရာမရှိဘဲ ခြင်ဖောက်ကန်လိုဖြစ်သွားမယ်။ ဒါကြောင့် ကျနော်တို့က မတူးတာ။ နောက်တခုက ကျနော်တို့က ဟိုကနေ ပြောင်းဆိုလို့ ကမန်းကတန်းပြောင်းလာရတာ။ ကုလက်စ လူနာတွေက ရှိသေးတယ်။ ဒီ အဆောက်အဦ အသုံးပြုခွင့်ဆိုတာကြီး ကျလာဖို့ စောင့်မနေနိုင်ဘူး” ဟု ရှင်းပြသည်။
လမ်း၊ တံတား၊ ရေမြောင်းဖောက်လုပ်ရသည့်အလုပ်မှာ နိုင်ငံတော်ပိုင်အခွန်ဘဏ္ဍာငွေဖြင့် မြို့တော်စည်ပင်သာယာက လုပ်ဆောင်ရမည့် အလုပ်ဖြစ်သော်လည်း စည်ပင်က လူထုကိုသာ ခိုင်းလေ့ရှိသည်ဟု ရန်ကုန်မြို့ခံတဦးက ပြောသည်။
နာရေးကူညီမှုအသင်းကို ယနေ့ တရားရုံးက လက်မခံသေးသော်လည်း ရှေ့ဆက်ဖြစ်လာမည့်ပြဿနာများကို ရင်ဆိုင်သွားမည်ဟု ဦးကျော်သူက ပြောသည်။
“နောက်ရက် ဘာဖြစ်လာမလဲတော့ မသိနိုင်သေးဘူး။ ကျနော်ကတော့ တရားစွဲလည်းစွဲ။ ထောင်ချလည်းချ။ အသင်းလုပ်နေရတဲ့ လုပ်ငန်းတွေကတော့ ရပ်ထားလို့မဖြစ်ဘူးဗျ။ သူတို့ ဆက်ပြီး တရားစွဲမယ်ဆိုလည်း စွဲပေါ့ဗျာ။ အခမဲ့ ဆေးကုပေး၊ မသာချပေးနေတဲ့ အသင်းကို ခွင့်ပြုချက်မရဘဲ အဆောက်အဦအသုံးပြုမှုနဲ့ တရားစွဲတယ်ဆိုတော့ ကမ္ဘာမှာ ထူးဆန်းအံ့သြဖွယ် ကောင်းတဲ့အမှုကြီး တခုဖြစ်သွားတာပေါ့” ဟု ၎င်းက ပြောသည်။
နာရေးကူညီမှုအသင်းကို ၂၀၀၁ ခုနှစ် ဇန်န၀ါရီလတွင် စာရေးဆရာ၊ ဒါရိုက်တာကြီး ဦးသုခ၏ လမ်းညွှန်မှုဖြင့် ရုပ်ရှင်သရုပ်ဆောင် ဦးကျော်သူတို့ ဦးစီးတည်ထောင်ခဲ့ကြပြီး ၂၀၀၇ ခုနှစ် မတ်လတွင် သုခကုသိုလ်ဖြစ်ဆေးခန်း တိုးချဲ့ဖွင့်လှစ်ခဲ့သည်။
သုခကုသိုလ်ဖြစ်ဆေးခန်းတွင် ပါရဂူဘွဲ့ရဆရာဝန်ကြီးများအပါအ၀င် ဆရာဝန် (၃၀) ခန့်က အခမဲ့ပညာအလှူပြု ကုသပေးလျက်ရှိပြီး အသင်းတွင် လုပ်အားဒါနပေးလှူနေကြသော စေတနာ့ဝန်ထမ်း (၂၀၀) ကျော်လည်း ရှိသည်။
အသင်းမှ ဖွင့်လှစ်ထားသည့် သုခဆေးခန်းသည် ရန်ကုန်မှ နွမ်းပါးသည့် လူနာများအတွက် အထူးအားထားရာ အခမဲ့ဆေးခန်းဖြစ်ပြီး တနေ့လျှင် လူနာပေါင်း (၂၀၀) ကျော်ကုသပေးနေရပြီး နာရေးကူညီမှုအနေဖြင့်လည်း တရက်လျှင် နာရေးဝန်ဆောင်မှုပေါင်း (၃၀) ၀န်းကျင်ခန့် ဆောင်ရွက်ပေးနေရသည်။ ( ခေတ်ပြိုင် )
အမေရိကန် နိုင်ငံခြားရေးဌာနက အာရှနဲ့ ပစိဖိတ်ရေးရာ လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် (Kurt Campbell) နဲ့အတူ သူ့ရဲ့လက်ထောက် စကော့ မာဆီယယ်တို့ အဖွဲ့ဟာ ၂ ရက်ကြာ မြန်မာပြည်ကို သွားခဲ့ပြီးတော့ စစ်အစိုးရအဖွဲ့က တာဝန်ရှိသူတွေနဲ့ရော၊ အတိုက်အခံ ဒီမိုကရေစီ ခေါင်းဆောင်တွေနဲ့ပါ တွေ့ဆုံဆွေးနွေးမှုတွေ ပြုလုပ်ခဲ့ပါတယ်။
မြန်မာပြည်က ပြန်လာပြီး ကြာသပတေးနေ့ ဘန်ကောက်မြို့ အရောက်မှာတော့ မစ္စတာ စကော့ မာဆီယယ်က နောက်နှစ် ၂၀၁၀ ရွေးကောက်ပွဲ မတိုင်ခင် ထိပ်တန်း အတိုက်အခံ အင်အားစုဖြစ်တဲ့ အမျိုးသား ဒီမိုကရေစီအဖွဲ့ချုပ် အပါအ၀င် မြန်မာစစ်အစိုးရက တွေ့ဆုံဆွေးနွေးမှုတွေ လုပ်ဖို့ တိုက်တွန်းခဲ့ပါတယ်။
“အမျိုးသား ဒီမိုကရေစီအဖွဲ့ချုပ်နဲ့ တိုင်းရင်းသား လူမျိုးစုအဖွဲ့ အမြောက်အမြားတို့က ဖွဲ့စည်းပုံ အခြေခံဥပဒေနဲ့ ပတ်သက်ပြီး မကြေလည်တဲ့ သဘောထားတွေ ပြင်းပြင်းထန်ထန် ရှိနေကြပါတယ်။ ဒါကြောင့် အစိုးရဟာ ရှေ့ကို ဘယ်လိုဆက်သွားမယ် ဆိုတာနဲ့ ပတ်သက်ပြီး ဒီပုဂ္ဂိုလ်တွေနဲ့ ဆွေးနွေးသင့်ပါတယ်။ အသေးစိတ်ကို ဘယ်လိုလုပ်ရမယ် ဆိုတာကတော့ သူတို့ ဆုံးဖြတ်ရမယ့် ကိစ္စပါ။ ကျနော့်အနေနဲ့ကတော့ ဒီလို ဆွေးနွေးမှုမျိုး မရှိဘဲ ဘယ်လိုမှ ရှေ့ကို မတိုးနိုင်ဘူးဆိုတာ သဘောပေါက်ထားပါတယ်။”
မြန်မာစစ်အစိုးရကတော့ ဆယ်စုနှစ် နှစ်စုနီးပါး အကြာမှ ပထမဆုံးအကြိမ် ရွေးကောက်ပွဲကို ရှေ့နှစ်ထဲမှာ ကျင်းပပေးမယ်လို့ စီစဉ်နေပေမဲ့ နိုင်ငံရဲ့ ဖွဲ့စည်းပုံ အခြေခံဥပဒေ အသစ်ထဲမှာ စစ်တပ်ရဲ့အာဏာနဲ့ လုပ်ပိုင်ခွင့်တွေ ပါဝင်နေတယ်လို့ ထောက်ပြကြပါတယ်။ မြန်မာနိုင်ငံမှာ ၁၉၉၀ ခုနှစ်တုန်းက ရွေးကောက်ပွဲ ပြုလုပ်ခဲ့ပေမဲ့ ရွေးကောက်ပွဲ အနိုင်ရ NLD ပါတီရဲ့ ရလဒ်ကို မြန်မာစစ်တပ်က အခုအချိန်အထိ အကောင်အထည် မဖော်ပေးသေးပါဘူး။ ဒါ့အပြင် အမျိုးသား ဒီမိုကရေစီအဖွဲ့ချုပ် ထိပ်တန်းခေါင်းဆောင် ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားပေါင်း ၂,၀၀၀ ကျော်ကိုလည်း အခုအချိန်မှာ ဖမ်းဆီး အပြစ်ပေးထားတာ ဖြစ်ပါတယ်။
ပြီးခဲ့တဲ့ ရက်ပိုင်းကပဲ မြန်မာပြည်က ပြန်လာတဲ့ အမေရိကန် ထိပ်တန်း သံတမန်တွေကတော့ မြန်မာစစ်ခေါင်းဆောင်တွေနဲ့ တွေ့ဆုံဆွေးနွေးစဉ်က ဆွေးနွေးမှု အကြောင်းအရာတွေကို အတိအကျ ထုတ်ဖော်ပြောဆိုခြင်း မရှိသလို ဖမ်းဆီး ထိန်းသိမ်းခံထားရတဲ့ ဒေါ်အောင်ဆန်းစုကြည် လွတ်မြောက်မယ်ဆိုတဲ့ အရိပ်လက္ခဏာမျိုးလည်း ပြောခဲ့တာ မရှိပါဘူး။
“မြန်မာအစိုးရက ဘာပြောတယ်၊ မပြောဘူးဆိုတာ သိပ်အရေးမကြီးပါဘူး။ သူတို့လုပ်ရပ်ကသာ ပိုအရေးကြီးပါတယ်။ ဒေါ်အောင်ဆန်းစုကြည်ကို လွှတ်မလား၊ မလွှတ်ဘူးလား ဆိုတာက အရေးကြီးတာပါ။ ပြောဆိုဆွေးနွေးမှုကတော့ နည်းနည်းရှိနေပါတယ်။ ဒါဟာ သိပ်ပြီး အကျိုးမရှိနိုင်သေးပါဘူး။ လွတ်မယ်၊ မလွတ်ဘူး ဆိုတာကလည်း အရေးကြီးပါတယ်။”
အမေရိကန် အဆင့်မြင့် သံတမန်တဦးဖြစ်တဲ့ စကော့ မာဆီယယ် ပြောပြခဲ့တာ ဖြစ်ပါတယ်။
မြန်မာနိုင်ငံကို သွားရောက်ခဲ့တဲ့ အမေရိကန် အဆင့်မြင့် ကိုယ်စားလှယ်တွေနဲ့ ဒေါ်အောင်ဆန်းစုကြည်တို့ တွေ့ဆုံခဲ့သလို မစ္စတာ စကော့ မာဆီယယ်ကတော့ သူမရဲ့ပါတီ NLD အဖွဲ့ဝင်တွေနဲ့ ဒေါ်အောင်ဆန်းစုကြည်တို့ဟာ ပုံမှန် တွေ့ဆုံခွင့်တွေ ပေးဖို့လိုတယ်လို့ မြန်မာစစ်အစိုးရကို တောင်းဆိုခဲ့ပါတယ်။
ဒါ့အပြင် သမ္မတ အိုဘားမား (Obama) က မြန်မာပြည်ဆိုင်ရာ အထူးကိုယ်စားလှယ်တဦး ခန့်အပ်မယ်လို့လည်း မစ္စတာ စကော့ မာဆီယယ်က ပြောပါတယ်။
စင်ကာပူနိုင်ငံမှာ ကျင်းပမယ့် အာရှနဲ့ ပစိဖိတ်ဆိုင်ရာ စီးပွားရေး ပူးပေါင်းဆောင်ရွက်မှု ညီလာခံကို နောက်တပတ်အတွင်း သမ္မတ အိုဘားမား သွားရောက်ဖို့ရှိပြီး မြန်မာနိုင်ငံ အပါအ၀င် အရှေ့တောင်အာရှ နိုင်ငံတွေက ခေါင်းဆောင်တွေနဲ့ တွေ့ဆုံဆွေးနွေးဖို့ ရှိပါတယ်။ ( ဗွီအိုအေ )